• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kurti-Kosnett: Amerika partnere e pazëvendësueshëme e Kosovës

March 29, 2021 by dgreca

-Kryeministri Kurti priti Ambasadorin e ShBA-së në Kosovë, Philip Kosnett:Shtetet e Bashkuara të Amerikës janë dhe mbesin partner i pazëvendësueshëm për Republikën e Kosovës dhe popullin e saj përballë sfidave me të cilat ballafaqohet/

PRISHTINË, 29 Mars 2021-Gazeta DIELLI/ Kryeministri i Republikës së Kosovës, Albin Kurti, i shoqëruar nga ministri i Mbrojtjes, Armend Mehaj, priti sot në takim ambasadorin e Shteteve të Bashkuara të Amerikës, në Kosovë, z. Philip Kosnett, me të cilin bisedoi për zhvillimet e fundit politike në Kosovë.

Fillimisht ambasadori Kosnett e uroi kryeministrin Kurtin për marrjen e detyrës dhe  shprehu kënaqësinë për arritjen e 24 mijë vaksinave kundër Covid-19 në Kosovë.
Kryeministri Kurti e falënderoi ambasadorin për vizitën dhe për rolin e ShBA-së në sigurimin e kontingjentit të parë. Shtetet e Bashkuara të Amerikës janë dhe mbesin partner i pazëvendësueshëm për Republikën e Kosovës dhe popullin e saj përballë sfidave me të cilat ballafaqohet.

Ambasadori Kosnett dhe kryeministri Kurti diskutuan edhe për zhvillimet rreth përmbylljes së konsolidimit të institucioneve shtetërore bazuar në vullnetin e qartë qytetar të zgjedhjeve të 14 shkurtit. 

Filed Under: Kronike Tagged With: Kurti-Kosnett, SHBA-Kosove, Takimi

VATRA, urë e bashkëpunimit shqiptaro-amerikan

October 6, 2020 by dgreca

TIRANË, 6 tetor /ATSH/ – Kryetari i Kuvendit, Gramoz Ruçi, priti sot Kryetarin e Federatës VATRA, Elmi Berisha. Në takim mori pjesë edhe kryetari i grupit parlamentar të PS, Taulant Balla.

“VATRA është ndër organizatat më të vjetra të Diasporës shqiptare dhe ka një moshë me shtetin shqiptar. Diaspora shqiptare në SHBA është më e rëndësishmja dhe më e shquara për kontributet dhe prurjet e vazhdueshme në thesarin e kombit shqiptar si edhe ka shërbyer e shërben si një urë e bashkëpunimit shqiptaro-amerikan. Vëmendja e Kuvendit dhe e Qeverisë së Shqipërisë ndaj Diasporës është në rritje dhe për këtë dëshmojnë edhe politikat, legjislacioni, masat dhe institucionet e reja që janë krijuar. Diaspora, si një faktor dhe burim i nxitjes së zhvillimit të Shqipërisë.  Ne vlerësojmë në mënyrë të veçantë mbështetjen dhe kontributin e VATRËS për pavarësinë e Kosovës, njohjen dhe anëtarësimin e saj në organizatat ndërkombëtare”, vuri në dukje Kryetari i Kuvendit, Gramoz Ruçi.

Kryetari i Federatës VATRA, Elmi Berisha, falenderoi Kryetarin e Kuvendit për vlerësimin e kontributit të Federatës dhe nënvizoi se VATRA, si një institucion i fuqishëm moral i shqiptarëve, do të jetë gjithmonë në mbështetje të Shqipërisë dhe Kosovës si edhe institucioneve të tyre, për fuqizimin e bashkëpunimit me ShBA, rritjen e kontributit të Diasporës shqiptare në zhvillimin e Shqipërisë dhe Kosovës si edhe përshpejtimin e integrimit europian.

Filed Under: Kronike Tagged With: Elmi Berisha- Gramoz ruci, Takimi

Takimi i Brukselit Hoti-Vuçiq, javën e ardhshme

July 10, 2020 by dgreca

HOTI: Ne jemi të gatshëm dhe të përkushtuar që të angazhohemi në dialogun Kosovë-Serbi, në mënyrë të barabartë… Por, ne fuqishëm besojmë se procesi i dialogut duhet të ketë një afat të qartë kohor dhe një kornizë të vlerave dhe parimeve themelore që duhen respektuar, në përputhje me perspektivën evropiane të të dyja vendeve….Serbia nuk ka shfaqur synime të vërteta për normalizimin e marrëdhënieve./

VUCIC: “Pala shqiptare doli me kërkesa që i shënuam me kujdes. Ata kërkojnë ruajtjen e integritetit territorial të Kosovës, Kushtetutës së Kosovës, njohje të ndërsjellë, anëtarësim në Kombet e Bashkuara, që vendet e tjera të Bashkimit Evropian ta njohin Kosovën dhe pastaj do të merreshin me të zhdukurit dhe çështjen e dëmeve. Nëse ky është thelbi, atëherë gjithçka është e pakuptimtë”, tha Vuçiq për Televizionin Pink të Serbisë…

Samiti i paralajmëruar për një kohë të gjatë nga Franca dhe Gjermania me udhëheqësit e Kosovës dhe Serbisë, u zhvillua virtualisht të premten dhe kjo shënon vazhdimin e dialogut të BE-së për normalizimin e marrëdhënieve, i cili u ndërpre në fund të vitit 2018.

Radio Evropa e Lirë merr vesh se edhe takimi i 12 korrikut, ndërmjet Kosovës dhe Serbisë, me ndërmjetësimin e BE-së, do të zhvillohet përmes një video-konference, kurse takimi Hoti-Vuçiq pritet të ndodhë më 16 korrik.

Hoti: Dialogu me afate të qarta kohore

Kryeministri i Kosovës, Avdullah Hoti në këtë samit tha se dialogu nuk ka alternativë, por shtoi se ky proces duhet të ketë afate të qarta kohore.

“Ne jemi të gatshëm dhe të përkushtuar që të angazhohemi në dialogun Kosovë-Serbi, në mënyrë të barabartë”, tha Hoti.

“Por, ne fuqishëm besojmë se procesi i dialogut duhet të ketë një afat të qartë kohor dhe një kornizë të vlerave dhe parimeve themelore që duhen respektuar, në përputhje me perspektivën evropiane të të dyja vendeve”, shtoi Hoti.

Kryeministri i Kosovës tha se gjatë procesit të dialogut, Serbia nuk ka shfaqur synime të vërteta për normalizimin e marrëdhënieve.

“E kundërta, ka prolonguar procesin për të ‘blerë kohë’ dhe për të vazhduar fushatën kundër sovranitetit të Kosovës”, tha Hoti, duke shtuar se veprime të tilla të Serbisë kanë çuar që autoritetet e Kosovës të ndërmarrin masa, siç ishte edhe vendimi i Qeverisë së kaluar të Kosovës për të vendosur taksë 100 për qind ndaj produkteve të Serbisë.

Hoti tha se procesi i dialogut, në mënyrë që të jetë i suksesshëm duhet të udhëhiqet nga parime që sipas Hotit janë: Integriteti territorial i Kosovës është i panegociueshëm, organizimi kushtetues i Kosovës nuk mund të preket, marrëveshja me Serbinë duhet të jetë plotësisht në përputhje me Kushtetutën e Kosovës si modaliteti i vetëm që do t’i jepte legjitimitet një marrëveshjeje të tillë.

Sipas Hotit, bazuar në këto parime, marrëveshja finale duhet të rezultojë me njohje reciproke dhe nëse kjo nuk ndodh, marrëveshja si e tillë, sipas kryeministrit kosovar nuk do të kishte sukses.

Sipas Hotit, personat e pagjetur dhe viktimat e çfarëdo forme të dhunës, dëmet e luftës dhe viktimat, janë shqetësimi kryesor i Kosovës në këtë proces, andaj ai shtoi se pa pasur drejtësi për viktimat nuk mund të ketë normalizim të marrëdhënieve.

Hoti po ashtu përmendi që marrëveshja finale duhet të kontribuojë në njohjen e pavarësisë së Kosovës nga pesë shtetet e BE-së që ende nuk e kanë njohur Kosovën.

“Bazuar në këto parime dhe objektiva, Republika e Kosovës është e gatshme të jetë një partnere konstruktive dhe bashkëpunuese në dialogun për arritjen e një marrëveshjeje gjithëpërfshirëse dhe ligjërisht të obligueshme”, konkuldoi Hoti.

Vuçiq: Kërkesat e Kosovës, të pakuptimta

Presidenti i Serbisë, Aleksandar Vuçiq, tha se video-samiti ka qenë i vështirë dhe se Serbia është e vetmja me qëndrime të ndryshme.

“Pala shqiptare doli me kërkesa që i shënuam me kujdes. Ata kërkojnë ruajtjen e integritetit territorial të Kosovës, Kushtetutës së Kosovës, njohje të ndërsjellë, anëtarësim në Kombet e Bashkuara, që vendet e tjera të Bashkimit Evropian ta njohin Kosovën dhe pastaj do të merreshin me të zhdukurit dhe çështjen e dëmeve. Nëse ky është thelbi, atëherë gjithçka është e pakuptimtë”, tha Vuçiq për Televizionin Pink të Serbisë.

Ai tha se është i gatshëm të flasë për përmirësimin e marrëdhënieve, por nuk do të ketë bisedime për pranim të ultimatumeve.

“I jam mirënjohës përkushtimit evropian për zgjidhjen e problemit dhe ne jemi të gatshëm për bisedime. Ne presim që dialogu të vazhdojë të enjten, por padyshim që do të kemi shumë punë dhe detyra të vështira”, tha Vuçiq.

“Do të jemi të ekspozuar ndaj pritjeve të mëdha të partnerëve evropianë dhe do të kthehemi prapa në vend të darkës së nesërme. Kemi një video-konferencë të dielën dhe më pas vazhdimin e dialogut”, tha ai.

Duke folur për pozicionin e presidentit francez Emmanuel Macron dhe kancelares gjermane Angela Merkel, Vuçiq nënvizoi se këta janë udhëheqës të vendeve që e kanë njohur pavarësinë e Kosovës.

“Ata e kuptojnë pozicionin tonë. Merkel dhe Macron janë politikanë me përvojë dhe ata e dinë se çfarë është e vërtetë dhe çfarë jo. Ne nuk ishim të ekspozuar ndaj presionit nga këta të dy dhe unë u përpoqa t’i përgjigjesha ultimatumeve në një mënyrë të guximshme. Unë mendoj se Macron dhe Merkel e kuptuan këtë. Në çdo rast, ne duhet të mësojmë të flasim me ata që nuk jetojnë në realitet”, u tha Vuçiq gazetarëve në Paris.

Edhe në një deklaratë të përbashkët të Gjermanisë dhe Francës është konfirmuar shtyrja e dialogut për javën e ardhshme.

Deklarata që u lëshua pas video-samitit, thotë se palët do të bisedojnë në mënyrë virtuale të dielën, ndërsa ballë për ballë do të takohen në Bruksel më 16 korrik.

“Presidenti Macron dhe kancelarja Merkel i kanë inkurajuar presidentin Vuçiq dhe kryeministrin Hoti, të bëjnë përparim thelbësor në dialog gjatë muajve të ardhshëm”, thuhet në deklaratën e përbashkët franko-gjermane.

Krahas kërkesës për përparim në dialog, Merkel dhe Macron kanë shprehur gatishmërinë për të mbajtur një samit tjetër më vonë gjatë procesit të dialogut.

“Normalizimi i marrëdhënieve ndërmjet Kosovës dhe Serbisë është jashtëzakonisht i rëndësishëm për sigurinë dhe stabilitetin në rajon, por gjithashtu ka një rëndësi të madhe për perspektivën e të dy vendeve për t’u anëtarësuar në BE”, thuhet në deklaratë.

Kosova dhe Serbia po përpiqen të arrijnë një marrëveshje përfundimtare për normalizimin e marrëdhënieve, e cila, siç tha ndërmjetësuesi i Bashkimit Evropian, Mirosllav Lajçak gjatë një vizite në Prishtinë, duhet të jetë e qëndrueshme, e pranueshme për rajonin dhe BE-në, por që do të zgjidhë të gjitha çështjet e pazgjidhura.

Ne samitin virtual marrën pjesë presidenti francez, Emmanuel Macron, kancelarja gjermane, Angela Merkel, Përfaqësuesi i lartë i BE-së për Punët e Jashtme Josep Borell dhe i dërguari i posaçëm për Ballkanin Perëndimor, Mirosllav Lajçak. Kosovën e përfaqëson kryeministri Avdullah Hoti kurse Serbinë, presidenti Aleksandar Vuçiq.

Bodo Weber, bashkëpunëtor i lartë i Këshillit për politikë të demokratizimit nga Berlini, pret që samiti nën përkujdesjen e Francës, Gjermanisë dhe Bashkimit Evropian, të premten, do të sqarojë qëllimin dhe kornizën e dialogut, të cilin e ndërmjetëson Bashkimi Evropian.

Sipas tij, korniza fillestare dhe parimet e dialogut politik të viteve 2012 – 2013, i cili në mënyrë të qartë ndërlidhte perspektivën e Serbisë dhe anëtarësimin e saj në BE, me pranimin e realitetit për humbjen e Kosovës, heqjes dorë nga bllokimi i anëtarësimit të Kosovës në organizatat ndërkombëtare, “tashmë kanë humbur më krizën shumëvjeçare”.

“Do të duhej të vinte deri te një lloj i rivendosjes (të dialogut), gjë që shpresoj se do të ndodhë të premten në Paris. Kjo kërkon pozicion të qartë politik nga ana e të dy kryetarëve, gjegjësisht të presidentit Macron dhe të zonjës Merkel, se cili është qëllimi i dialogut dhe cila është korniza brenda së cilës bisedohet. Kjo duhet t’i bëhet me dije në mënyrë të qartë presidentit (Aleksandar) Vuçiq në Beograd dhe pastaj kjo duhet të jetë kornizë, përmes së cilës do të bisedonin përfaqësuesit e BE-së, zoti Borrel dhe zoti Lajçak”, thotë Weber.

Ndryshe, këtë javë, presidenti francez Macron priti Hotin dhe Vuçiqin veçmas në Paris, dhe një nga temat e bisedimeve në këto takime, ishte dialogu mes Kosovës dhe Serbisë.

Në një komunikatë për media nga Zyra e kryeministrit të Kosovës, është thënë se kryeministri Hoti e siguroi presidentin Macron se Kosova është e vendosur të ndërmarrë të gjitha veprimet e nevojshme për të treguar vendosmërinë për perspektivën e saj euro-integruese, si e vetmja mundësi për paqe, stabilitet dhe prosperitet të kësaj pjese të Evropës.

Është thënë se Franca mbetet e përkushtuar për të ndihmuar Kosovën në mbështetjen e procesit të dialogut ndërmjet Kosovës dhe Serbisë.

Nga ana tjetër, Vuçiq ka thënë këtë javë se Serbia pret një “verë të vështirë dhe vjeshtë” për çështjen e Kosovës.

“Askush nuk dëshiron të na japë asgjë, ata do të na bëjnë presion për të humbur. Kjo është arsyeja pse ne kemi nevojë për unitet”, u shpreh Vuçiq.

Në këto ngjarje, megjithatë nuk do të marrë pjesë presidenti i Kosovës, Hashim Thaçi, kundër së cilit tashmë është paraqitur një aktakuzë për krime lufte në Prokurorinë në Hagë. Gjykatësi i procedurës paraprake ka gjashtë muaj për të konfirmuar ose hedhur poshtë aktakuzën, nga dita kur është ngritur në prill.

Lidhur me aktakuzë, Prokuroria e Specializuar njoftoi më 24 qershor, kur Thaçi u nis për në Uashington, ku duhej të zhvillohej një takim midis Kosovës dhe Serbisë më 27 qershor në Shtëpinë e Bardhë, me ndërmjetësimin e të dërguarit special të presidentit amerikan Richard Grenell. Në gjysmën e rrugës, Thaçi anuloi udhëtimin drejt SHBA-së dhe më pas edhe takimi në Shtëpinë e Bardhë u anulua.

Dialogu mes Kosovës dhe Serbisë me ndërmjetësimin e BE-së u ndërpre në nëntor 2018, pasi Qeveria e Ramush Haradinaj vendosi taksën prej 100 për qind për mallra të importuara nga Serbia dhe Bosnja dhe Hercegovina. Taksa u shfuqizua më pas, dhe qeveria e Avdullah Hotit hoqi masat e reciprocitetit të paraqitura nga ish-qeveria e Albin Kurtit, me qëllim të vazhdimit të dialogut.

Përndryshe, kancelarja gjermane Angela Merkel dhe presidenti francez Emmanuel Macron organizuan një takim të liderëve të rajonit në Berlin në fund të prillit 2018, dhe më pas njoftuan për një takim të ri midis Kosovës dhe Serbisë në Paris më 1 korrik, i cili kurrë nuk u zhvillua. Beogradi zyrtar kushtëzoi vazhdimin e dialogut në Bruksel me heqjen e taksës, ndërsa kryeministri i atëhershëm i Kosovës, Ramush Haradinaj, nuk hoqi dorë nga qëndrimi që taksat do të mbeten në fuqi derisa Serbia ta njohë Kosovën.(Kortezi:Radio Evropa e Lire)

Filed Under: Analiza Tagged With: Hoti-Vuciq, Jave e ardhshme, Takimi

Takim i shoqatave Alpine në trekëndëshin Shqipëri, Mali i Zi, Kosovë

September 24, 2018 by dgreca

Nga Xhevdet Vuçetaj/

1 alpinetTë shtunën me 22 shtator 2018 u mbajt një takim i shoqatave Alpine në trekëndëshin Shqipëri, Mali i Zi dhe Kosovës.3 shoq alpine

Qëllimi i këtij  takimi ishte që të punohet sa më shume në ruajtjen e natyrës dhe ndërtimin e raporteve të ndërsjella të shoqatave Alpine të Shqipërisë Kosovës dhe Malit të Zi.2 alpinet 2

Ne mesin e shoqatave vendore pjesëmarrëse ishte edhe shoqata Evropiane për ruajtjen e  natyrës Europian Greenbelt.  Në këtë takim në natyrën e përkryer të Bjeshkëve të Nemuna muaren pjesë Grupi alpin Era nga Shqipëria, Grupi alpin Gjeravica nga Peja dhe Grupi alpin Hrid nga Plava.1 alpet

Shoqatat u zotuan që kësi lloj takimesh do të ketë edhe në të ardhmen dhe njëkohësisht u shpreh dëshira që këto takime në të ardhmen të bëhen tradicionale , dhe kështu të punohet sëbashku në ruajtjen e ambientit të natyrës së bukur që na rrethon.

 * E dergoi per Diellin:Esad Gjonbalaj

 

Filed Under: Featured Tagged With: shoqatat alpine, Takimi, Xhevdet Vuçetaj

PЁRFUNDIMET E TAKIMIT? MЁ SHUMЁ SE DIPLOMACI KY ЁSHTЁ MARKETING

July 20, 2018 by dgreca

2 Trump-Kim1

Intervistё e Stefano Montefiorit me Dominique Moïsi[1]/

“Corriere della Sera”, 17 korrik 2018   E pёrktheu nga italishtja Eugjen Merlika/

PARIS. “Ky takim mё solli ndёr mёnd atё tё Singaporit, ndёrmjet Trump-it dhe diktatorit koreano – verior Kim Jong-un: mё shumё marketing se diplomaci” thotё Dominique Moïsi, gjeo-politologu francez shumё i vёmёndshёm ndaj Amerikёs (ku ka dhёnё mёsim, nё Harvard) dhe marrёdhёnieve atllantike.

Pёrse takimet e Trump-it janё tё ndryshme?

Mungon pёrmbajtja themelore, shumё vetёkёnaqёsi, lajmёrime pa pasoja, dёshira pёr tё bёrё tё besohet se me njё tё shtrёnguar duarsh zgjidhen probleme qё zvarriten prej dhjetёvjeçarёsh”.

E ke fjalёn pёr frazёn e Trump-it mbi marrёdhёniet Shba – Rusi “skajshmёrisht tё kёqia deri para katёr orёsh?”

“Pikёrisht, Trump-i hiqet si njё njeri i aftё tё bindё Putinin e tё pёrcaktojё kthesa diplomatike epokale. Siç bёri me Kim Jong-un, nga ana tjetёr, e pastaj u pa se kishte arritur shumё pak, veçse kishte ligjёruar njё diktator”.

A ka pika kontakti tё vёrteta ndёrmjet Shteteve tё Bashkuara dhe Rusisё?

“Po, psh. Si Trump-i ashtu edhe Putini duan tё mbёshtesin Netaniahun dhe Izraelin, e mbi Sirinё Amerika tashmё ka pranuar zgjidhjen Assad, tё dёshёruar nga Rusia. Mbi Iranin qёndrimet mbeten tё largёta. Por temat janё tё dorёs sё dytё. Ajo qё i interesonte Trump-it dhe Putinit ishte shfaqja e personaliteteve tё tyre”.

Kush doli fitimtar?

Putin, dy herё. Sepse Kupa e Botёs nё Rusi ka qenё njё sukses i madh dhe sepse n’asnjё çast tё konferencёs sё shtypit, nuk u vu nё vёshtirёsi nga Trump-i.”

Qё madje dukej se kishte si synim tё vetёm tё mbronte Putinin nga padija se ka ndёrhyrё nё zgjedhjet amerikane nё dobi tё tij.

“Pёrmasa e politikёs sё brёndёshme amerikane ёshtё shumё e rёndёsishme. Sa mё shumё tё mbёshtesё Putinin aq mё shumё Trump-i mbron vetveten. Thotё se i beson mё shumё Putinit se prokurorit Mueller dhe listёs sё tij tё 12 funksionarёve rusё,  tё dyshuar se kanё vepruar kundёr Hillary Clinton. Edhe njё herё ёshtё marketing politik  drejtuar pёrkrahёsve tё tij dhe funksionon, sepse popullariteti i Trump-it nё javёt e fundit ёshtё ngjitur nga 35 nё 45 pёrqind. Mё sjell ndёrmёnd njё thёnie tё dramaturgut tё njohur francez Jean Anouilh: “Propaganda ёshtё njё gjё e lehtё, mjafton tё thuhet njё gjё e stёrmadhe e tё pёrsёritet shpesh”. Dyshoj se Trump-i t’a ketё lexuar Anoilh-in, por i vjen vetvetiu”.

Nёse baza ёshtё me Trump-in, nё partinё republikane shtohen ata qё largohen prej tij dhe paditё e hapura pёr tradhёti tё lartё.

Pёr traditё, shumё republikanё nuk besojnё tek Brss mё parё e tek Rusia mbrapa, dhe ndjehen tё tradhёtuar nga Trump-i. Disa pёrfaqёsues republikanё me peshё tani janё tё shqetёsuar, e quajnё Trump-in mё tё rrezishёm se ç’parashikohej”.

A me tё vёrtetё Trump-i i paguan Putinit borxhin pёr ndihmёn nё fitoren e 2016-s?

“Disa hamendёsojnё madje njё Trump nё dorё tё rusёve qё nga viti 1987. Dhe historia e skandalit seksual nё Moskё, tё pёrmendur edhe sot nё Helsinki, ёshtё e pranueshme. Por mund tё mjaftojё thjesht fakti qё Trump-i shkon me tё vёrtetё nё njё mёndje me drejtuesit autoritarё se me demokracitё. Ndoshta Putin mundet edhe t’a kёrcёnojё, por nё fund tё fundit ёshtё e dorёs sё dytё. Nuk ka nevojё”.

Trump-i ka folur pёr Evropёn si njё “armike”.

Amerika nuk ёshtё mё njё aleate e besueshme dhe kjo gjё mund tё jetё njё rast i madh pёr t’u bashkuar. Por ndёrmjet atyre qё parapёlqejnё afrimin me Rusinё, si Italia, e atyre qё kundёrshtojnё tё shpenzojnё mё shumё, si Gjermania, Evropa nuk shkon pёrpara”.

*  “Corriere della Sera”, 17 korrik 2018   E pёrktheu nga italishtja Eugjen Merlika.

[1] Dominique Moïsi, 71 vjeç, bashkёthemelues i ILFRI (Instituti francez pёr marrёdhёnie ndёrkombёtare). Ndёrmjet librave tё tij ёshtё “Gjeopolitika e lёvizjeve”

Filed Under: Opinion Tagged With: diplomaci, Eugjen Merlika, Marketing, Takimi, Trump-Putin

  • 1
  • 2
  • 3
  • 4
  • Next Page »

Artikujt e fundit

  • 23 MARS 1935…Vdekja a aktorit te madh dhe “Unaza e Iffland-it”…
  • VATRA I PËRGJIGJET ADI KRASTËS
  • Në st. Gallen të Zvicrrës u promovua libri që i kushtohet 1432 fëmijëve shqiptarë – viktima të gjenocidit shtetëror të Serbisë gjakatare!
  • SCIENTIFIC AMERICAN (1942) / GJON MILI DHE METODA E BLICIT TË SHUMËFISHTË STROBOSKOPIK
  • VATRA URON BESIMTARËT BEKTASHIANË: GËZUAR SULLTAN NOVRUZIN
  • “Gjergj Kastrioti Skenderbeu Way Honors the Old and New Generation of Albanians,” Petitioners and Worcester Councilors Say
  • Dorëheqja si proces vetëdijësimi
  • Ndërthurrje mitesh
  • “Çfarë populli mendojnë ata se jemi ne…” Winston Churchill
  • ZERI I AMERIKES: DASH: Mangësitë në pavarësinë e gjyqësorit, mungesa e pavarësisë në media dhe korrupsioni, problemet kryesore në Shqipëri
  • FAQE ARKIVI: Reportazhi nga kufiri Kosovë-Shqipëri “Muri ndërshqiptar si ‘fundi i botës’”- Mars 1996
  • Tri objektiva të rëndësishme që duhet t’i arrijë Kosova
  • RRËFIME TË VEPRIMTARISË KOMBËTARE TË EKREM BARDHA
  • DOJA TË ISHA DHE UNË…
  • DASH godet ashpër Serbinë për diskriminimin e vazhdueshëm shtetnor e institucional ndaj shqiptarëve të Luginës së Preshevës

Kategoritë

Arkiv

Tags

alfons Grishaj Anton Cefa arben llalla asllan Bushati Astrit Lulushi Aurenc Bebja Behlul Jashari Beqir Sina dalip greca Elida Buçpapaj Elmi Berisha Enver Bytyci Ermira Babamusta Eugjen Merlika Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Keze Kozeta Zylo Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT