Takimi – Page 3 – Dielli

Takimi Mediu-ambasadori LU:Gjithmonë ka shanse për dialog

May 2, 2017 by dgreca

reu i Partisë Republikane Fatmir Mediu konsumoi sot një kafe pune me Ambasadorin amerikan Donald Lu. Takimi që zgjati më shumë se 1 orë u zhvillua në ABA Center dhe mësohet së ishte thirrur nga diplomati amerikan.

Në fokus të diskutimit mes tyre ka qenë situata e fundit politike në vend.

Pas takimit, Mediu tha se është me rëndësi që palët të zhvillojnë një dialog konstruktiv në mënyrë që të Shqipëri të ketë zgjedhje të lira dhe të ndershme.

Mediu: Patëm një diskutim me Ambasadorin Lu për situatën që nuk ka të bëjë as me kërkesën e zotit Lu për të hyrë në zgjedhje por si mundet që palët të zhvillojnë një dialog konstruktiv që në Shqipëri të ketë zgjedhje të lira dhe të ndershme. Dhe besoj që kjo është rruga më e arsyeshme që ne të vazhdojmë dialogun për të gjetur ato pika të komunikimit të përbashkët dhe të zgjidhjes që garantojnë zgjedhje të lira dhe të ndershme për qytetarët shqiptarë.

I pyetur nëse janë reale këto shanse, Mediu u përgjigj:

“Mendoj se gjithmonë ka shanse për dialog sa kohë jemi të përgjegjshëm që duhet të bëjmë më të mirën për vendin dhe jo për interesa jo normale të pushtetit”.

Zhvillimi vjen në një kohë kur ndaj Partisë Demokratike dhe aleatëve të saj janë shtuar presionet për marrjen pjesë në zgjedhjet e 18 qershorit.

Një ditë më parë Mediu u pa në kafe dhe me Sekretarin e Përgjithshëm të Kryeministrisë, Ëngjëll Agaçi, porse kreu i PR-së tha se kjo ishte një kafe mes komshinjsh dhe miqsh dhe se nuk kishte lidhje me aktualitetin politik.

Kosovë-Serbi, takim i ri i nivelit të lartë në 24 janar në Bruksel

January 22, 2017 by dgreca

-Raundi më i ri i dialogut mbahet ndërkohë që kohëve të fundit kishte tre ngjarje të vlerësuara nga Prishtina zyrtare zhvillime provokuese dhe axhenda të rrezikshme: Serbët ndërtuan një mur ndarje afër urës në Mitrovicën Verore, u hodh një bombë natën drejt zyrave qeveritare kosovare në veri pak ditë pasi u përuruan dhe një tren ilegal dhe me mbishkrimin “Kosova është Serbi” u nis nga Beogradi për të hyrë në Kosovë pa lejen e autoriteteve, por u ndal para se të arrijë te kufiri, ku për ta ndaluar ishte dërguar njësia speciale e Policisë kosovare/

-Kryeministri Isa Mustafa në mbledhjen e qeverisë: Ftesë qeverisë së Serbisë që të heq dorë nga gjuha kërcënuese dhe ta zëvendësojë me gjuhën e dialogut dhe bashkëpunimit. Ftoj edhe njëherë ministrat serbë të kthehen në qeveri, por ata ministra, të cilët e respektojnë Kushtetutën, ligjin dhe institucionet e Republikës së Kosovës/-Kryeministri i Serbisë Aleksandar Vuçiç paralajmaëroi sot se, në raundin e 24 janarit në Bruksel në dialogun në nivel të lartë Prishtinë-Beograd do shkojë edhe presidenti serb, Tomislav Nikoliç/PRISHTINË, 22 Janar 2017-Behlul Jashari/ Kosova dhe Serbia, në procesin drejt normalizimit të marrëdhënieve, të kryesuar nga BE e mbështetur nga SHBA, javën e ardhëshme në Bruksel zhvillojnë raundin më të ri në nivel të lartë, të parin në 2017-tën, pas të fundit e të vetëmit të 2016-tës të mbajtur në 27 janar, të 30-tit kryeministror e të shtatit të krerëve aktualë të dy qeverive, Isa Mustafa e Aleksandar Vuçiç.

Kryeministri i Serbisë Vuçiç paralajmaëroi sot se, në raundin e 24 janarit në Bruksel në dialogun në nivel të lartë Prishtinë-Beograd do shkojë edhe presidenti serb, Tomislav Nikoliç. Në konferencën për shtyp, kreu i qeverisë serbe ka shprehur besimin se edhe pala kosovare do dërgojë në Bruksel përfaqësuesit më të lartë, në takimin që do mbahet në orët e mbrëmjes.Raundi më i ri i dialogut mbahet ndërkohë që kohëve të fundit kishte tre ngjarje të vlerësuara nga Prishtina zyrtare zhvillime provokuese dhe axhenda të rrezikshme: Serbët ndërtuan një mur ndarje afër urës në Mitrovicën Verore, u hodh një bombë natën drejt zyrave qeveritare kosovare në veri pak ditë pasi u përuruan dhe një tren ilegal dhe me mbishkrimin “Kosova është Serbi” u nis nga Beogradi për të hyrë në Kosovë pa lejen e autoriteteve, por u ndal para se të arrijë te kufiri, ku për ta ndaluar ishte dërguar njësia speciale e Policisë kosovare.Përfaqësuesja e lartë e Bashkimit Evropian për politikë të jashtme dhe siguri, Federica Mogherini, i ka ftuar palët për takim të nivelit të lartë në kuadër të dialogut për normalizim të raporteve ndërmjet Beogradit e Prishtinës, për të martën në 24 janar, në Bruksel.

“Zhvillimet gjatë ditëve të kaluara e theksojnë nevojën për përkushtim të shtuar dhe angazhim të të dy palëve nëpërmjet dialogut”, thuhet në kumtesen e kësaj jave të BE-së dhe shtohet se “progresi në normalizim të marrëdhënieve ndërmjet Kosovës dhe Serbisë mbetet i rëndësisë së lartë për të dy palët, për Bashkimin Evropian dhe Ballkanin Perëndimor si të tërë”.

Në mbledhjen e qeverisë së Kosovës, të kësaj jave, kryeministri Isa Mustafa ka shprehur qëndrimin për dialogun me Serbinë. “Pa marrë parasysh vërejtjet dhe kushtëzimet për dialogun, konsideroj se dialogu është orientim strategjik dhe nuk ka alternativë, por duhet të sigurojmë që dialogu të jetë efektiv dhe sa më gjithëpërfshirës”, tha ai.

Qasja jonë konstruktive në dialogun e ndërmjetësuar nga Bashkimi Evropian dhe i mbështetur nga Shtetet e Bashkuara të Amerikës, theksoi kryeministri kosovar, është në interes të sovranitetit dhe në interes të qytetarëve të Republikës së Kosovës.

“Në këtë kuadër e ftoj edhe qeverinë e Serbisë, që të heq dorë nga gjuha kërcënuese, dhe këtë gjuhë ta zëvendësojë me gjuhën e dialogut dhe bashkëpunimit”, tha Mustafa.

Ai shtoi se, provokimet, si shtytja e serbëve kosovarë për t’u larguar nga integrimi në institucionet e Kosovës, muri i Mitrovicës, keqpërdorimi i institucioneve ndërkombëtare të sigurisë për të provokuar Kosovën dhe qytetarët e saj me fletarreste të paligjshme dhe të motivuara politikisht, provokimet si ai me trenin e pa licencuar dhe me elemente nxitëse të urrejtjes etnike, nuk janë sjellje të konstruktivitetit nga ana e Serbisë.

“Prandaj, qeveria jonë është e bindur se skenarët e Serbisë jo vetëm që janë të parealizueshme, por janë edhe anakronike, ashtu siç jemi të bindur se serbët kosovarë të ardhmen e tyre e kanë në Republikën e Kosovës dhe në institucione të Republikës së Kosovës”, tha kryeministri kosovar.

Prandaj, vijoi ai, dua të konkludoj se qytetarët e Kosovës nuk do të ndahen me mure, por do të bashkohen me ura, Ramush Haradinaj nuk do të ekstradohet në Serbi, por do të kthehet në Kosovë dhe, trenat do të mund të hyjnë nga Serbia në Kosovë dhe nga Kosova në Serbi, duke respektuar në mënyrë të dyanshme rregullat e lëvizjes së mallrave dhe të qytetarëve.

Në mbledhjen e qeverisë, kryeministri Mustafa, ka përsëritur ftesën për përfaqësuesit politikë të serbëve të Kosovës, që të kthehen në institucionet e Republikës së Kosovës.

“I ftoj edhe njëherë ministrat serbë të kthehen në qeveri, por ata ministra, të cilët e respektojnë Kushtetutën, ligjin dhe institucionet e Republikës së Kosovës”, u shpreh kryeminsitri kosovar.

Në Bruksel, në procesin drejt normalizimit të marrëdhënieve Kosovë-Serbi, takimi i parë në nivel të lartë kryeminiistror është mbajtur në 19 tetor 2012.

Në 19 prill 2013 është nënshkruar Marrëveshja për Normalizimin e Marrëdhënieve ndërmjet Kosovës dhe Serbisë, e vlerësuar historike, e parafuar nga kryeministrat e atëhershëm Hashim Thaçi e Ivica Daçiç, si dhe ndërmjetësuesja, Përfaqësuesja e Lartë e BE-së në atë kohë, baronesha Catherine Ashton.

Deri tash, 23 takimet kryeministrore Thaçi-Daçiç janë pasuar me 7 raunde të tjera të kryeministrave Isa Mustafa e Aleksandar Vuçiç të qeverive të reja të zgjedhjeve 2014 në të dy vendet, që u mbajtën më parë në Serbi e pastaj në Kosovë.

Bisedimet Kosovë-Serbi në nivel kryeministrash kanë pasuar dialogun teknik, të filluar në 8 mars 2011, poashtu në Bruksel, ku në krye të delegacionit kosovar ishte Edita Tahiri atëherë zëvendëskryeministre, tash ministre e Dialogut.

Datat e të gjitha takimeve të deri tashme kryeministrore Kosovë-Serbi në Bruksel:

Thaçi-Daçiç:

Viti 2012:

Raundi 1 – 19 tetor
Raundi 2 – 7 nëntor
Raundi 3 – 4 dhjetor

Viti 2013:

Raundi 4 – 17 janar
Raundi 5 – 19-20 shkurt
Raundi 6 – 4 mars
Raundi 7 – 20 mars
Raundi 8 – 2 prill
Raundi 9 – 17 prill
Raundi 10 -19 prill
Raundi 11 – 21 maj
Raundi 12 – 20-21 qershor
Raundi 13 – 8 korrik
Raundi 14 – 24 korrik
Raundi 15 – 27 gusht
Raundi 16 – 8 shtator
Raundi 17 – 7 tetor
Raundi 18 – 6 nëntor
Raundi 19 – 5 dhjetor

Raundi 20 – 13 dhjetor

Viti 2014:

Raundi 21 – 27 janar
Raundi 22 – 12 shkurt
Raundi 23 – 31 mars

Mustafa-Vuçiç:

Viti 2015:

Raundi 24 – 9-10 shkurt

Raundi 25 – 21 prill

Raundi 26 – 23 qershor

Raundi 27 – 29 qershor

Raundi 28 – 25 gusht

Raundi 29 – 13 tetor

Viti 2016:

Raundi 30 – në 27 janar

Takimi Sessions- Meta: bashkëpunimi SHBA-Shqipëri do të vazhdojë

January 19, 2017 by dgreca

Kryetari i Kuvendit të Shqipërisë, Ilir Meta gjatë vizitës në SHBA, u prit në takim nga Kryetari i Komisionit të Ligjeve dhe Procedurave në Kongresin Amerikan, Pete Sessions. Zyrtari i lartë amerikan garantoi kryeparlamentarin Meta se, Trump do të bashkëpunojë për forcimin e marrëdhënieve me Shqipërinë.

Sessions: Donald Trump do të bashkëpunojë ngushtë për t’i forcuar edhe më tej marrëdhëniet mes SHBA-ve dhe Shqipërisë.Jam i bindur se 2017-ta do të jetë një vit i suksesshëm.Kongresmeni Sessions vlerësoi miratimin konsensual të reformës në drejtësi dhe vendosmërinë e z.Meta për konsensus të plotë.

Sessions: SHBA mbështet angazhimin e Shqipërisë në luftën kundër krimit të organizuar dhe korrupsionit.Një Amerikë më e fortë kërkon një Shqipëri të fortë. SHBA është e bindur se bashkëpunimi me shqiptarët forcon Shqipërinë dhe rajonin.Ndihem krenar që jeni sërish për vizitë në SHBA për të riafirmuar marrëdhëniet e mira mes dy vendeve dhe për t’i çuar ato më përpara, theksoi z.Sessens.Nga ana e tij, kryeparlamentari Ilir Meta tha se Shqipëria është e vendosur të zbatojë reformën në drejtësi.

Meta: Shqipëria e vendosur në implementimin e reformës në drejtësi përmes Vetting-ut.Ne mbështetemi te SHBA-të dhe do të punojmë për të forcuar edhe më tej marrëdhëniet mes dy vendeve tona.Vizita juaj e ardhshme në Shqipëri do të shërbejë për të përforcuar partneritetin strategjik midis SHBA-ve dhe Shqipërisë.

LISANDRI, OSE TAKIMI ME TË ARDHMEN

November 14, 2015 by dgreca

Nga Besnik Tufa*/
Zgjedhje për në një forum rinor!… /
Duket si një lajm i hedhur në oqeanin e lajmeve tërruzullittokësor! Duket si një histori të rinjsh që zihen kush të rrëmbejë shaminë e valles!
E pra nuk është ashtu.Sepse flitet jo për në rruzull por për në Shqipëri. E nuk është aspak për një shami e për valle por për ambicie politike të disatë rinjve që na shfaqen dhe na ofrohen për të marrë përsipër beteja politike, për të udhëhequr më mirë, për të ndrequr gabimet e shumta të tranzicionit të stërmundimshëm shqiptar.
Dhe unë, si një emigrant shqiptar në truallin amerikan,nga ata tipikët, nga ata që më shumë lexojnë shtypin shqiptar se sa Nju Jork Tajmsin e më shumërrijnëballë ekranit duke ndjekur kacafytjet politike në parlamentin e Tiranës, ku shahet dhe nuk debatohet dhe ku sillen prova krimesh dhe quhen ndëshkime.Unë, pra, u njoha me një djalëtëri, mjaft të pashëm dhe shtatlartë,i cili po hapte një zarf me shumë vula përpara njëredbullinë një qoshe piktoreske të natyrës shqiptare, në një kafe në Ibë, pesë hapa larg Tiranës.
Pasi i dhamë njohjet njeri tjetrit, Lisandri – kështu quhej djali, – më bëri me dije se në radhët e të rinjve të Partisë Demokratike po zhvilloheshin zgjedhjet që thashë.Pasi i tregova edhe unë se, dikur, isha një mësues letërsie, që pata hyrë me të parët në radhët e asaj partie dhe tani punoja doorman nëllobin e një godine të madhe në Manhattan, bashkuam karriget dhe pijet tona.
Bëhej fjalë për të ardhmen e Partisë Demokratike, atij grupi historik që ka qenë i parë nëudhëheqje të bëmave të tranzicionit, në të mirë dhe në të keq. Që në fjalët e para më tërhoqi rrjedhshmëria e shprehjes, bukuria e fjalorit dhe më lindi filli I ëndërrimit për ta quajtur edhe këtë takim me epitetin historik, sic e përdorim rëndom epitetin për shumë e shumë ngjarje e personaë. Po sikur këtë djalë, që rëzëllente atë bukuri rinore, ta kishim pas ca vite ministër, kryeministër apo president?
I kërkova lejë ta regjistroja bisedën me të. Ai u mendua, qeshi pak dhe pastaj tha:
– Mos qoftë e prishur! Ide e këndshme, sidoqoftë. Megjithëse kjo ma prish disi natyrshmërinë e bisedës… Quhem Lisander Hoxha, i indur në Bajram Curri më1986. Jam i martuar dhe prej pak kohësh kam patur fatin të jem prindi i një vajze. Jam brez i gjimnazit Sami Frashëri dhe me dëshirë vendosa të ndjek studimet e larta nëUniversitetin e Tiranës, në Degën e Shkencave Politike. Dëshira për të zgjeruar njohurite e mia bëri që të ndjek studimet postuniversitare,Master, në Të drejtën Publike. Ambicia për politikën e jashtme më shtyu të ndjek një trajnim pranë Ministrisë se Punëve të Jashtme në Akademinë Diplomatike ku dhe jam çertifikuar diplomat i ri.Punësimi im i fundit ka qenë në Bashkinë e Tiranës, nën drejtimin e Lulzim Bashës, ku dhe kam drejtuar Drejtorinë e Politikave të Punësimit. Për sa i përket aktivizimit tim në politikë mund të them shkurtimisht se e kam nisur pranë shtabit të të rinjve të Forumit Rinor tëPDnë fillim me Z.Besnik Mustafaj, e pastaj me Z.Spartak Ngjela, teksa ata kandidonin për Bashkinë e Tiranës.
Pasi ai më rreshtoi tërë aktivizimet qëkish patur më pas, e
pyeta:
– Përse po i hyn kësaj gare. Cili është qëllimi?
– Si qëllim kryesor në momentin që i hyra kësaj gare kam patur angazhimin e rinisë në politikë, si dhe propagandimin se angazhimi në politikë nuk duhet bërë për qëllime përfituese, por kontribuese.
Me riskun e fyerjes, duke buzëqeshur, i thashë:
– Jo për qëllime përfituese thonë të gjithë, pastaj…
Për kënaqësinë time ai nuk u fye aspak, por ma ktheu:
– Është e vërtetë se ashtu thonë të gjithë. Dhe kjo quhet gjuhë e djegur?!Po a nuk mund ta thonë edhe ata, si unë, që nuk i kanë vërtet ato qëllime?!Unë nuk jam nëgjendje që t’ju vertetoj që sot atë cfarë unë synoj. Këtë e tregon vetëm puna ime.Unë e them dhe mendoj se Forumi Rinor i Partisë Demokratikeështë rruga.Ky forum e ka për detyrë krijimin e mundësive që kjo rini t’i ketë dyert e hapura në një treg pune të lirë dhe konkurues.
– Mendon se do të kesh shanse në këtë garë?
– Mendoj se më favorizojnë pesëmbëdhjetë vitet pranë Partisë Demokratike. Vërtet në fillimet kam qenë i ri,por tani, kur e ndjej veten të formuar, e kam shumë të lehtë të di se ku nevojitet të përqendrohemi për të rritur rolin e Forumit Rinor. Modeli im, motoja ime, është një anëtar një rol që do të thotë se secili prej të rinjve që angazhohen në politikë të ketë një detyrë konkrete në zinxhirin e madh të punëve të FRPD. Të jesh i ri dhe i angazhuar në politikë për mua do të thotë që ti beson tek forca politike, në të cilënbën pjesë dhe se vetofrohesh për të kontribuar që kjo forcë nëpërmjet ndihmës së të rinjve të bëjë realitet filozofinë e saj qeverisëse.Pastaj edhe më të lehtëma bën angazhimi që kam patur pranë Lulzim Bashës në Bashkinë e Tiranës.E di mjaft mirë se puna në grup është pjesë e modelit të tij dhe e vlerave të tij, si lider dhe drejtues. Duke njohur mënyrën se si ai punon dhe mendon në raste të caktuara, ma bën edhe më të lehtë dhe më praktik bashkëpunimin, në rast se do të jem unë personi që do të drejtojë Forumit tonë Rinor.Pikat e forta të programit tim do ti prezantoj gjatë diskutimeve publike në konventat e FRPD-së, por ajo që mund të them sot është kjo: një anëtar një votë për mua do të thotë një anëtar një rol. Është shumë e rëndësishme që FRPD-ja të mos ketë drejtues dhe anëtarë por role. Në fund të ditës jemi të gjithë përfaqësues të një ideje politike të cilën duam ta çojmë përpara dhe vetëm duke ndarë përgjegjësitë do të arrijmë të kemi sukses.
– Cfarë nënkupton me fjalën role, Lisander?
– Detyra konkrete për secilin anëtar, sipas formimit dhe mundësive. Unë besoj se të gjithë fushat e jetës do të kenë nga një departament. Kam gati planin kombëtar të funksionimit si dhe organet e reja drejtuese. Mendoj se do të kem pranë vetes tre zëvendëskryetarë në Shqipëri dhe dy zëvendëskryetarë jashtë Shqipërisë, njëri në Uashington dhe tjetrin në Bruksel. Detyrat e FRPD-së si organ partner i PD-së i japin një përgjegjësi të madhe të rinjve sidomos tani, në opozitë, ku një pjesë të madhe të punëve dhe përgjegjësive i merr rinia. Unë besoj se, nisur nga nevojat emergjente të vendit, opozitarizmi ka nevojë për organizim të ri të strukturave të FRPD-së duke u përshtatur edhe me misionin tonë.
– Pra ti, Lisander, kërkon me ngulm që unë të besoj te rinia e vendit tim?
– Beso, zotëri, beso! Rinia e vendit tuaj dhe timit, sot duket si e lënë jashtë politikës sepse modeli i mëparshëm nuk i jep çdo të riu mundësinë për t’u shprehur në forume dhe për të patur një sistem karriere në parti. Personalisht e kam nisur fare i ri aktivizimin në FRPD derisa pas pesë vitesh m’u dha mundësia të merrja përsipër përgjegjësi elektorale si dhe pas shtatë vitesh kontribut drejtova rininë në një njësi elektorale në Tiranë. E them këtë pasi dua qe t’i siguroj anëtarët dhe në veçanti ata që regjistrohen për herë të parë, se FRPD-ja duhet të ketë një sistem karriere të bazuar mbi kontribute dhe merita. Së fundi do të bëj me dije çdo anëtar se kontributi i tij në këtë proces do të jetë jetik për demokracinë në Shqipëri duke ditur se mungon shoqëria civile dhe shpesh herë edhe media ka vështirësi në paraqitjen e realitetit.
Po e shihja ndërsa Lisander Hoxha fliste dhe unë, i ngrysur nga aq përjetime të trishta gjatë ditëve që isha atje, ndjeja një fllad optimizmi dhe shprese. Bile do të desha të ishte njëkandidat edhe mëimire se Lisandri që sapo njoha, ndër ata që garonin me të në atë hise të rruzullit. Kjo do të ishte një mrekulli, por le të ndalemi te ky djalë, që më përcolli gëzueshëm nga viset e vendlindjes.
Ky shkrim natyrisht do të lexohet menjëherë si një mesazh elektoral për të favorizuar djalin që më goditi me gjallërinë dhe gojëtarinë e tij. Le të jetë dhe mesazh mbështetës, po të doni.Për mua është thjesht një kartolinë e rrallëdhe plot dritëqë e sjell me vete nga atdheu, teksa po nisem të vete në punën time, në një godinë të Manhattanit, mijëra kilometra larg Shqipërisë.

Besnik Tufa, shkruar enkas per Diellin

Martin Schulz takon Ramen dhe Presidentin Nishani

July 13, 2015 by dgreca

TIRANË, 13 Korrik/– Kryeministri Edi Rama priti të hënën pasdite në një takim Presidentin e Parlamentit Evropian, Martin Schulz, i cili po zhvillon një vizitë zyrtare në Tiranë. Rama ripërsëriti në një prononcim pas këtij takimi edhe një herë zotimin e mazhorancës për të përfunduar në vjeshtë reformën në drejtësi.
“Folëm për sfidat që ka vendi, ku kryesfida është reforma në drejtësi dhe ne këtë kryesfidë do ta kalojmë në vjeshtë”, tha Rama.Kreu i qeverisë shtoi se, kjo reformë shërben për ta transformuar një herë e përgjithmonë Shqiperinë, për ta kthyer në një vend të gatshëm për t’u bërë pjesë e BE.
Ndërsa kreu i PE, Schulz, theksoi se ishte kënaqësi që mbajti premtimin e bërë për të ardhur për herë të parë në Tiranë.
“U nisa sot në mëngjes nga Mynihu vetëm pak minuta pasi u arrit marrëveshja në Bruksel me Greqinë”, tha Schulz, i cili shtoi se, “me anë të kësaj marrëveshje u arrit të shmanget një krizë edhe më e thellë e BE”.
Schulz theksoi se, “ky është një lajm i mirë, pasi kriza do të prekte edhe Shqipërinë dhe është lajm i mirë për të gjithë BE-në, pasi tashmë mund të vazhdojmë punën për të hartuar një paketë tjetër për Greqinë dhe për të ecur përpara”.
“Pata një shkembim të hapur dhe të mirë me z. Kryeminsitër dhe ramë dakord për çdo gjë”, tha Schulz, i cili vlerësoi rolin konstruktiv që luan Shqipëria në rajon dhe në veçanti ai falenderoi Kryeministrin për rolin që luan qeveria e tij në këtë fushë.
Po ashtu, Schulz falenderoi Kryeministrin Rama dhe Shqipërinë për mbështetjen tepër të qartë që i ka dhënë BE-së për marrëdheniet me Rusinë, ku Shqipëria ka mbajtur të njëjtën linjë si ajo e BE. Gjithashtu, Schulz ka falenderuar Kryeministrin Rama edhe për transformimin që i ka bërë Kryeministrisë duke treguar se është një njer i artit dhe që e vlerëson shumë artin

Presidenti Nishani priti Presidentin e Parlamentit Evropian, Martin Schulz/

TIRANË, 13 Korrik/ -Presidenti i Republikës, Bujar Nishani, priti sot dhe zhvilloi një takim me Presidentin e Parlamentit Evropian, Martin Schulz.
Presidenti Nishani uroi përzemërsisht mirëseardhjen dhe vlerësoi rëndësinë e kësaj vizite të Presidentit Schulz në Tiranë, duke përkuar me një moment të rëndësishëm si për BE-në, ashtu edhe për rajonin e Ballkanit Perëndimor.
Pasi përcolli përgëzimet për marrëveshjen e arritur sot në mëngjes me Greqinë, Kreu i Shtetit u ndal gjerësisht në procesin e integrimit evropian të Shqipërisë dhe zhvillimet në rajon.
Presidenti Nishani theksoi se anëtarësimi në Bashkimin Evropian përbën të vetmen alternativë dhe zgjedhje për Shqipërinë dhe shqiptarët, dhe në këtë kontekst kjo ambicie shërben si një shtysë e fuqishme për realizimin e reformave të thella që nevojiten në të gjitha fushat.
Ai informoi mbi përpjekjet për zbatimin e 5 prioriteteve, duke e u ndalur në veçanti në fushën e zbatimit të ligjit, dhe posaçërisht tek reforma në drejtësi. “Si Kreu i Shtetit dhe Kryetar i Këshillit të Lartë të Drejtësisë, mbetem plotësisht i angazhuar për të bërë çdo përpjekje për realizimin cilësor dhe me ritmin e duhur të kësaj reforme kyçe për vendin”, theksoi Presidenti Nishani.
Kreu i Shtetit vuri në dukje gjithashtu se Bashkimi Evropian dhe procesi i integrimit evropian mbeten mekanizmi më i shkëlqyer garantues për suksesin e reformave të nevojshme për vendin, që nisin me ndërtimin institucional dhe vihen në funksion të konsolidimit të demokracisë në vend.
Duke u ndalur tek zhvillimet në rajon, Presidenti Nishani cilësoi se Ballkani Perëndimor sot është përpara një shansi historik për të ndërtuar mbi mentalitetet e përparuara të shoqërive tona. Dhe në të njëjtën kohë, Bashkimi Evropian ka një rol kyç në ndërtimin dhe inkurajimin e këtij realiteti pozitiv nëpërmjet proceseve respektive të anëtarësimit.
Presidenti Schulz përcolli vlerësimet për zhvillimin që ka njohur Shqipëria, parë edhe nga këndvështrimi i një qytetari evropian që i ka përjetuar ndryshimet e mëdha historike. Ai theksoi se dy ishin mesazhet që donte të përcillte nëpërmjet kësaj vizite: ndërtimi i demokracisë dhe ripajtimi.
Në këtë kontekst, zoti Schulz veçoi se në rrafshin e brendshëm pret që Shqipëria të shënojë përparim në vendosjen e shtetit ligjor, në të gjithë elementët e tij, përfshirë reformimin e thellë të sistemit të drejtësisë, si dhe në vendosjen e kulture evropiane të dialogut politik. Në kontekstin rajonal Shqipëria vazhdon të luajë një rol shumë pozitiv për ndërtimin e një dialogu konstruktiv e ripajtues. Këto dy elementë do të rrisin besueshmërinë dhe rolin e Shqipërisë si në rajon ashtu edhe në raport me Bashkimin Evropian, dhe Shqipëria ka një potencial të shkëlqyer për ta arritur këtë.
Presidenti Nishani, duke falënderuar për mesazhet inkurajuese dhe të gjithë mbështetjen që Parlamenti Evropian dhe vetë Presidenti Schulz kanë dhënë në vazhdimësi për Shqipërinë, e siguroi edhe një herë për të gjithë angazhimin e tij personal për t’u fokusuar në agjendën integruese në përgjigje edhe të pritshmërive të mëdha që kanë qytetarët shqiptarë ndaj këtij procesi. Njëkohësisht Kreu i Shtetit shqiptar siguroi se Shqipëria do të mbetet një partner i besueshëm i Bashkimit Evropian dhe do të vijojë të bashkërendojë politikat e sigurisë me ato të Bashkimit Evropian.