Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kuvendi i Kosovës sot në seancë për zgjedhjen e Qeverisë së re

by

     -Për zgjedhjen e Qeverisë, Kuvendi i Kosovës mblidhet sot një ditë pa kaluar afati kushtetues prej 15 ditësh. Në “Neni 95 [Zgjedhja e Qeverisë]” – pika 2 Kushtetuta  përcakton se “Kandidati për Kryeministër, jo më vonë se pesëmbëdhjetë (15) ditë pas emërimit, paraqet përbërjen e Qeverisë para Kuvendit të Kosovës dhe kërkon miratimin nga ana e Kuvendit”/

-Në 20 Janar 2020 Lëvizja Vetëvendosje në një letër dërguar Presidentit Hashim Thaçi e ka propozuar kryetarin e saj Albin Kurti për mandatar të Qeverisë së Kosovës. Më pas po atë ditë Presidenti i Kosovës, Hashim Thaçi, njoftoi: “Pas pranimit të propozimit për mandatar për formimin e Qeverisë së Republikës së Kosovës, Dekretin Presidencial me emrin e kandidatit për Kryeministër e dërgova zyrtarisht në Kuvendin e Republikës së Kosovës/

Gazeta DIELLI nga korrespondenti në Kosovë Behlul Jashari

PRISHTINË, 3 Shkurt  2020/  “Zgjedhja e Qeverisë së Republikës së Kosovës”, ëshë pika e vetme e axhendës së seancës së sotme të Kuvendit Kosovar, afër katër muaj pas zgjedhjeve të parakohshme parlamentare të 6 Tetorit 2019 dhe më shumë se dy muaj nga certifikimi i rezultateve të tyre në 27 Nëntor nga Komisioni Qendror i Zgjedhjeve.

Kuvendi i ri i Kosovës mblidhet  për herë të dytë pas seancës konstituive të mbajtur në 26 Dhjetor 2019 dhe pritet që në axhendë të hyjë edhe zgjedhja e një kryeparlamentari tjetër pasi i propozuari nga Lëvizja Vetëvendosje dhe i zgjedhuri para më shumë se një muaji, Glauk Konjufca, pritet të kalojë në post ministri në Qeveri për t’ia liruar vendin Vjosa Osmanit të Lidhjes Demokratike të Kosovës, sipas një marrëveshje të djeshme për bashkëqeverisje ende të papublikuar të dy subjekteve politike fituese të zgjedhjeve.

Sipas rezultateve përfundimtare të certifikuara nga KQZ, në zgjedhjet për Kuvendin e Kosovës 120 anëtarësh, LVV me 26.270%  të votave ka 29 deputetë, ndërsa LDK  me 24.548% të votave 28 deputetë. Këto dy parti së bashku kanë gjithësej 57 deputetë dhe u duhen së paku edhe 4 vota tjera për t’i bërë 61, një më shumë se gjysmsa e Kuvendit, për të kaluar në votim Qeveria e re dhe për këtë llogaritet në votat e komuniteteve pakicë joserbe që kanë 10 deputetë dhe pritet të udhëheqin me një ministri.

Partitë shqiptare të koalicionit të kaluar qeverisës sipas deklaratave do jenë në opozitë pasi kishin këtë rezultat në zgjedhje: PDK me 21.234% të votave ka 24 deputetë, AAK me 11.515% të votave -13 deputetë, Nisma dhe AKR që ishin në koalicion parazgjedhor kanë 6 deputetë pasi me 5.002% të votave për pak e kanë kaluar pragun prej 5% për të qenë pjesë e Kuvendit të Kosovës.

Lista Serbe me 6.402% të votave ka të 10 vendet e deputetëve në Kuvend të Kosovës të garantuara me Kushtetutë për komunitetin pakicë serb, pasi partitë tjera serbe nuk arritën të fitojnë ndonjë vend deputeti. Kushtetuta e Kosovës komunitetit pakicë serb ia garanton edhe përfaqësimin në Qeveri, ku pritet ta ketë së paku një ministër në Qeverinë e re, e cila ishte paralajmëruar t’i ketë 12 ministri por pritet t’i ketë 15, megjithatë 6 më pak se Qeveria e kaluar që i kishte 21 ministri.

 Në Qeverinë e kaluar të Kosovës komuniteti pakicë serb kishite tre ministra, njëri prej tyre edhe zëvendëskryeministër.

Në 26 Dhjetor 2019 një zhvillim i papritur ndodhi në seancën konstituive të Kuvendit të Kosovës me propozimin nga kryetari i Lëvizjes Vetëvendosje Albin Kurti të nënkryetarit të partisë Glauk Konjufca për kryetar të Kuvendit dhe me zgjedhjen e tij edhe me votat e Lidhjes Demokratike të Kosovës, nënkryetarja e së cilës Vjosa Osmani si kandidate për kryeparlamentare ishte përmendur në negociatat për bashkëqeverisje që deri tani rezultuan pa marrëveshje të dy partive fituese të zgjedhjeve të 6 Tetorit 2019, LVV e LDK, të cilat ishin në opozitë.

Sipas Kushtetutës së Kosovës është e drejtë ekskluzive e partisë ose koalicionit të parë në rezultatin e zgjedhjeve të propozojë kryetarin e Kuvendit.

Por, zhvillimi i papritur  në Kuvend në 26 Dhjetor 2019 e bënte të vështirë apo edhe të pamundur një marrëveshje bashkëqeverisje mes LVV e LDK e zgjedhjen e Albin Kurtit kryeministër, prandaj mund të shkohej në zgjedhje të tjera të jashtëzakonshme nëse nuk do negociohej edhe më tej e nuk do arrihej marrëveshja për bashkëqeverisje, e cila përfshinë edhe ndarjen e posteve.

Alternativa tjetër është të provohet që kushdo që arrinë t’i tubojë së paku 61 nënshkrime përkrahëse për t’u votuar të nominohet për kryeministër.

Në 20 Janar 2020 Lëvizja Vetëvendosje në një letër dërguar Presidentit Hashim Thaçi e ka propozuar kryetarin e saj Albin Kurti për mandatar të Qeverisë së Kosovës. 

Më pas po atë ditë Presidenti i Kosovës, Hashim Thaçi, njoftoi:

“Pas pranimit të propozimit për mandatar për formimin e Qeverisë së Republikës së Kosovës, Dekretin Presidencial me emrin e kandidatit për Kryeministër e dërgova zyrtarisht në Kuvendin e Republikës së Kosovës.

Ky është hap shumë i rëndësishëm për krijimin e institucioneve të reja dhe nga sot fillon edhe rrjedhja e afatit kushtetues për formimin e Qeverisë së Republikës së Kosovës.”

Për zgjedhjen e Qeverisë, Kuvendi i Kosovës mblidhet sot një ditë pa kaluar afati kushtetues prej 15 ditësh.

Në “Neni 95 [Zgjedhja e Qeverisë]” – pika 2 Kushtetuta  përcakton se “Kandidati për Kryeministër, jo më vonë se pesëmbëdhjetë (15) ditë pas emërimit, paraqet përbërjen e Qeverisë para Kuvendit të Kosovës dhe kërkon miratimin nga ana e Kuvendit”.

Ndërsa, në pikën 4 të po këtij neni të Kushtetutës përcaktohet: “Nëse përbërja e propozuar e Qeverisë nuk merr shumicën e votave të nevojshme, Presidenti i Republikës së Kosovës, brenda dhjetë (10) ditësh emëron kandidatin tjetër sipas së njëjtës procedurë. Nëse as herën e dytë nuk zgjidhet Qeveria, atëherë Presidenti i Kosovës i shpall zgjedhjet, të cilat duhet të mbahen jo më vonë se dyzet (40) ditë nga dita e shpalljes së tyre”.

Kosova në 6 Tetor 2019 mbajti zgjedhjet parlamentare të shtata në 20 vjet liri, të katërta në 11 vjet pavarësi e të tretat të njëpasnjëshme të parakohshme.

Kosova kishte zgjedhje të parakohshme parlamentare edhe në 11 Qershor 2017  pas mocionit të mosbesimit – rrëzimit të qeverisë së udhëhequr nga LDK me vota të bashkuara edhe nga partia më e madhe e maxhorancës PDK me opozitën dhe vetëshpërndarjes së Kuvendit në 10 Maj, tre vjet pas zgjedhjeve paraprake të 8 Qershorit 2014, që ishin poashtu të parakohshme pas vetëshpërndarjes së Kuvendit.

Zgjedhjet e parahshme të 6 Tetorit 2019 u mbajtën pas dorëheqjes së kryeministrit të Kosovës Ramush Haradinaj. Në mbledhjen e 111-të të qeverisë që e drejtonte, të premtën e 19 Korrikut 2019, kryeministri Haradinaj njoftoi vendimin e tij për të dhënë dorëheqje të parevokueshme, pas ftesës që kishte marrë nga Gjykata Speciale në Hagë për intervistim, duke theksuar se nuk dëshironte në asnjë mënyrë të dëmtojë imazhin e Kosovës dhe se para drejtësisë do të përballet si individ, me besim të thellë në pastërtinë dhe drejtësinë  e luftës së Ushtrisë Çlirimtare të Kosovës.

Për Ramush Haradinajn kjo është hera e dytë e ftesës nga Haga dhe e dorëheqjes nga posti i kryeministrit të Kosovës. Herën e parë Haradinaj dha dorëheqje nga kreu i qeverisë që e drejtoi rreth 100 ditë në 8 Mars 2005, menjëherë pasi u njoftua për ngritjen e aktakuzës dhe të nesërmen iu dorëzua vullnetarisht Tribunalit të Hagës, i cili e shpalli të pafajshëm për të gjitha pikat e akuzës në 3 Prill 2008 dhe përseri në 29 Nëntor 2012 pas rigjykimit.

Remarks by US Ambassador Yuri Kim after the credential ceremony

by

Good afternoon.

This morning, I presented my credentials to President Meta as the new U.S. Ambassador to the Republic of Albania. The President and I had a good conversation about the longstanding friendship between our two nations, and we reconfirmed our shared commitment to strengthen relations between our two nations.

I am honored that President Trump and Secretary of State Pompeo have entrusted me to represent the United States in your great country. As America’s Ambassador, I look forward to getting to know you, your history, and your culture. We are friends, allies, and partners. As I said during my Senate hearing, few friends have embraced America more warmly, few allies have been more loyal, and few partners are as ready and willing to do more with the United States than Albania.

I am also honored to stand today in front of the U.S. Embassy. Its foundation was laid in 1929, and it continues to stand proudly in the heart of Tirana as a testament to the enduring strength of the U.S.-Albanian relationship.

Our friendship and mutual commitment are deeply rooted.

One hundred years ago, President Woodrow Wilson stood up for Albania, when he prevented the Great Powers from partitioning Albania at the Paris Peace Conference. The American president used the might of the United States to support an independent Albania, to welcome an Albanian representative to Washington, and to pave the way for Albania to join the League of Nations in 1920.

After World War II, our two governments took different paths. But even when our governments did not recognize each other, our people remained connected. We spoke to each other through the Voice of America, which not only broadcast news, but sparked hope.

The spark of hope soon lit up all of Albania, and we stood with you in 1991, as you broke free from the chains of communism and dictatorship. It is a moment of which you should be rightly proud.

We have stood with since then, supporting your successful entry into NATO in 2009 and, now, your efforts to join the European Union. We stand with you not only in support of Albania’s freedom and sovereignty, but in support of Albania’s future.

We know that there is hard work ahead, but we also know that hard work is easier with friends and allies.

We are committed to helping Albania to become an even stronger and more capable Ally, and we are committed to helping Albania strengthen its candidacy for the EU.

We will continue to support the unwavering aspiration of the Albanian people for freedom, justice, and a system where everyone must play by the same rules.

I look forward to supporting Albania’s leaders as they take difficult – but absolutely necessary – steps to implement justice reform, prosecute organized crime, and remove corruption from the Albanian system.

I am confident that, as justice and integrity take root, more investors will be drawn to Albania so that we can create more jobs and opportunities for both Americans and Albanians.

The United States values Albania as an Ally, partner, and true friend.

And just as we stood with you in 1920, 1991, 1999, and 2009, we stand with you again to support your future as a prosperous democratic nation within the European family.

Ne jemi ende me ju, krah për krah.

Faleminderit!

Kërkohet dënimi kriminelëve serbë që kryen gjenocid në Kosovë

by

-Presidenti Thaçi në Konferencën Vjetore të Prokurorëve kërkon dënimin e kriminelëve serbë që kryen gjenocid në Kosovë: Ne jemi dëshmitarë që ka rreth 13 mijë civilë shqiptarë të vrarë nga shteti i Serbisë, rreth 20 mijë gra të dhunuara dhe rreth 1300 fëmijë të vrarë, si dhe rreth 400 masakra të evidentuara/

PRISHTINË, 17 Janar 2020-Gazeta DIELLI/ Presidenti i Republikës së Kosovës, Hashim Thaçi, ka marrë sot pjesë në Konferencën Vjetore të Prokurorëve të Kosovës.

Duke i përgëzuar prokurorët për punën dhe duke i inkurajuar për profesionalizëm dhe pavarësi nga ndikimet e jashtme, presidenti Thaçi ka folur për mosdënimin e kriminelëve serbë që kryen krime makabre ndaj popullatës civile në Kosovë.

Presidenti Thaçi ka theksuar se Kosova ka kaluar nëpër sisteme të drejtësisë në faza të ndryshme tash e mbi 20 vjet, ndërsa ka shprehur shqetësimin e tij lidhur me mungesën e vendosjes së drejtësisë për viktimat e luftës.

Këtu presidenti Thaçi ka përmendur misionet për sundimin e ligjit që kanë qenë në Kosovë, duke përfshirë UNMIK-un, EULEX-in dhe paralelisht me to edhe Tribunalin e Hagës për krime të luftës në ish-Jugosllavi, të cilat theksoi se nuk kanë bërë mjaft për dënimin e kriminelëve të Serbisë për vrasjet masive me qëllim të spastrimit etnik dhe as për dhunimin e mbi 20 mijë grave shqiptare.

Ky neglizhim, sipas presidentit Thaçi, përbën amnistim të këtyre krimeve nga drejtësia ndërkombëtare.

 “Ne jemi dëshmitarë që ka rreth 13 mijë civilë shqiptarë të vrarë nga shteti i Serbisë, rreth 20 mijë gra të dhunuara dhe rreth 1300 fëmijë të vrarë, si dhe rreth 400 masakra të evidentuara. Të gjithë e dinë dhe askush nuk mund ta mohojë që ka pasur lëshime në procesin e ndjekjes së fajtorëve, ashtu siç ka pasur edhe një selektim etnik, ku Kosova edhe pse ka qenë viktimë është ndjekur e hetuar më shumë sesa Serbia, që ka qenë agresori që ka kryer gjenocid dhe spastrim etnik. Lirisht mund të them se Kosova është hetuar më shumë sesa krimet e luftës së dytë botërore”, ka thënë presidenti Thaçi.

Kreu i shtetit ka thënë se këto lëshime e kanë rënduar arritjen e paqes, pajtimin dhe normalizimin e marrëdhënieve në mes të Kosovës dhe Serbisë.

Presidenti Thaçi i ka inkurajuar prokurorët që të qëndrojnë larg ndikimit politik, por edhe larg ndikimit diplomatik.

VATRA & DIELLI NGUSHËLLOJNË GËZIM & ANGJELINA NIKA

by


MARK MILAN DJERRI /

Vatranët Gëzim dhe Angjelina Nika përjetuan në harkun e dy ditëve dy vdekje të dhimbshme; me 7 Janar u njoftua vdekja e babait të Agjelinës-MARK MILAN DJERRI, që u varros në vendlindje, – dy ditë më pas ndërroi jetë babai i Gëzim Nikës, NIK VUKSAN BUSHGJOKAJ.


NIK VUKSAN BUSHGJOKAJ /

    Babai i Gëzimit do të varroset ditën e Shtunë, 11 Janar 2020, ora 1.00 pasdite, në fshatin Cerrnicë, Tropojë. Njoftimin e ka përcjellë në faqen e tij të fb këngëtari i shquar , zv /kryetari i degës së Vatrës Hudson Valley, Gëzim NIKA, Mjeshtër i Madh. Federata Pan Shqiptare e Amerikës VATRA dhe Gazeta DIELLI i shprehin ngushëllimet më të thella kangëtarit të shquar Gëzim Nika, familjes, të gjithë miqëve dhe të njohurëve. Pushoftë në Paqe shpirti i njeriut të tyre të shtrenjtë, Nik Vuksan Bushgjokaj!

Po ashtu, Dielli dhe Vatra ngushëllojnë  koreografen e shquar, Angjelina Nika për humbjen e babait të saj të dashur Mark Milan Djerri. I pushoftë shpirti në Paqe!

                                                                   VATRA & DIELLI

I DËRGUARI I PRESIDENTIT AMERIKAN TAKON DELEGACIONIN E LDK

by

-Delegacioni i LDK-së i udhëhequr nga nënkryetari Veliu takon të Dërguarin e Posaçëm të Presidentit Trump, Ambasadorin Grenell/

PRISHTINË, 3 Janar 2020-Gazeta DIELLI/

I Dërguari i Posaçëm i Presidentit Trump, Ambasadori Richard Grenell, u takua sot në Berlin me delegacionin e LDK-së në përbërje të Agim Veliut, nënkryetar i LDK-së dhe Avdullah Hotit e Skender Hysenit, anëtarë të Kryesisë së LDK-së.

Njoftimi i dërguar nga LDK – Zyra për Informim thekson se, gjatë bisedës, Ambasadori Grenell inkurajoi delegacionin e LDK-së që të ruajë përkushtimin për rend dhe ligj dhe të marrë vendime të cilat e avancojnë dialogun me Serbinë.

Ambasadori Grenell, po ashtu, kërkoi nga delegacioni që të hiqet tarifa ndaj mallrave serbe dhe të përqendrohet në politikat që thellojnë zhvillimin ekonomik dhe krijojnë vende pune për popullin e Kosovës. Delegacioni i LDK-së e njoftoi Ambasadorin Grenell për përpjekjet që po bëhen për të arritur një marrëveshje për formimin e Qeverisë./b.j/