Kronike – Page 176 – Dielli

Apeli heq arrestin në shtëpi për ish Ministrin Tahirin

May 28, 2018 by dgreca

Në Shqipëri, Gjykata e Apelit për Krimet e Rënda, vendosi sot pasdite të shfuqizojë masën e arrestit në shtëpi të dhënë dy javë më parë nga Gjykata e Shkallës së parë ndaj ish ministrit të Brendshëm Saimir Tahiri për të cilin Prokuroria ka ngritur akuzën për “Trafikim të narkotikëve, në bashkëpunim, në formën e grupit të strukturuar kriminal”, dhe “Korrupsion pasiv i funksionarëve të lartë shtetërorë”.

Seanca e sotme u zhvillua pas ankimit të bërë si nga zoti Tahiri ashtu dhe nga Prokuroria e cila kërkoi arrestin me burg për ish ministrin. Maksim Haxhia, avokati i zotit Tahiri u shpreh i kënaqur me vendimin e sotëm, ndërsa deklaroi se Prokuroria sipas tij nuk kishte paraqitur asnjë provë të re që të mbështeste kërkesën e saj.

Seanca e sotme pati një interes të veçantë për shkak të komenteve të mbrëmshme të ambasadorit amerikan Donald Lu i cili deklaroi se “kemi dëgjuar disa raportime nga burime të pavarura për presione serioze në këtë çështje, përfshirë edhe rryshfete që u janë ofruar gjykatësve”. Ai i bëri “thirrje shoqërisë civile dhe medias që ta vëzhgojnë këtë çështje me vëmendje, në mënyrë që vendimi të bazohet mbi provat dhe ligjin dhe jo mbi presione, kërcënime apo para. Askush nuk është mbi ligjin”, theksoi ambasadori amerikan.

Por përpara nisjes së seancës avokati Haxhia u shpreh mesazhi i ambasadorit amerikan “ishte shumë i rëndësishëm që gjykata të gjykojë në prova dhe ligj” duke shtuar se “nëse ndodh kështu Tahirit sot duhet t’i hiqet masa e arrestit në shtëpi”.

Hetimet ndaj ish ministrit të Brendshëm, nisën tetorin e shkuar, nën dyshimet se kishte lidhje me grupin e vëllezërve Habilaj, kushërinj të tij, të cilët ishin pjesë e një organizate italo-shqiptare e cila trafikonte marijuanë nga Shqipëria drejt Italisë. Hetimet u hapën menjëherë pasi autoritetet italiane goditën këtë organizatë në Catania, ndërsa në përgjimet e kryera, emri i tij përmendet disa herë në bisedat mes trafikantëve.

Prokuroria kërkoi me shpejtësi arrestimin e zotit Tahiri, por shumica e majtë, refuzoi kërkesën duke pretenduar se ajo nuk kishte paraqitur asnjë provë. Në fillim të muajit maj, zoti Tahiri dha dorëheqjen si deputet duke dorëzuar mandatin parlamentar, ndërsa deklaroi se dëshironte të hetohej e gjykohej si një qytetar i thjeshtë pa mburojë politike.( Sipas VOA)

SHBA në prag të stuhive të Atlantikut

May 28, 2018 by dgreca

-Prej të hënës në mëngjes Alberto vazhdon të jetë një stuhi nëntropikale, me erëra të forta e të qëndrueshme me shpejtësi deri në 100 kilometra në orë./

Popullata që jeton përgjatë bregut në gjirin verior të Floridës deri në kufirin mes Misisipit dhe Alabamës po përgatiten për stuhinë Alberto, e para për vitin 2018 që godet Atlantikun.

Prej të hënës në mëngjes Alberto vazhdon të jetë një stuhi nëntropikale, me erëra të forta e të qëndrueshme me shpejtësi deri në 100 kilometra në orë.

Sipas parashikuesve të motit Alberto pritet të sjellë më shumë se 63 centimetra shi në disa pjesë të Kubës dhe 30 centimetra në pjesën veri-perëndimore të Floridës dhe Alabamës. Disa pjesë pritet të goditen edhe nga tornadot.

Parashikuesit thonë se Alberto do të dobësohet pasi të godasë në tokë dhe t’i drejtohet luginës së Tenesit.

Sezoni i stuhive të Atlantikut tradicionalisht zgjat nga 1 qershor deri në fund të muajit nëntor.

Ekspertët parashikojnë 10 deri 16 stuhi këtë vit, nëntë nga të cilat pritet të fitojnë fuqinë e një uragani, përfshirë të paktën katër uraganë të mëdhenj.(Kortezi:Zeri i Amerikes)

Richard Pipes, 1923–2018

May 22, 2018 by dgreca

It is with great sadness that the Victims of Communism Memorial Foundation marks the passing of Dr. Richard Pipes, the eminent scholar of Soviet Russia, Truman-Reagan Medal of Freedom laureate, and longtime member of VOC’s Academic Council. Dr. Pipes passed away peacefully in his home on Thursday, May 18.

1 Pipas Richard

Richard Pipes, 1923–2018/

From his early life, the great historian of totalitarianism was shaped by its ravages. Born into a Jewish family in the Polish town of Cieszyn in 1923, the young Pipes watched the drama of fascism’s rise firsthand. Through luck and his father’s connections to the diplomatic service, the Pipes family escaped first to Italy in 1940 and then to the United States. After serving in the US Army Air Corps in World War II, Pipes returned to the United States and pursued his education. In 1958, he became a professor of Russian history at Harvard University, where he spent his entire career.

His many books helped define the worldwide debate about the origins, effects, meaning, and legacy of the Russian Revolution and the Soviet regime it spawned. His The Russian Revolution, first published in 1990, is one of the canonical histories of that baleful event.

Dr. Pipes also served as the head of “Team B,” a group of experts tasked by the CIA with compiling an estimate of Soviet military strength to supplement the official (“Team A”) report. During the Reagan administration, Dr. Pipes served on the National Security Council as a Soviet expert.

Our executive director, Marion Smith, wrote about Richard Pipes’s life and legacy for National Review. Dr. Lee Edwards, the chairman of the Victims of Communism Memorial Foundation, memorialized Dr. Pipes in the Daily Signal. Other obituaries were published in the New York Times and the Washington Post.

Komandanti i FSK vizitë në SHBA

May 21, 2018 by dgreca

-Komandanti i Forcës së Sigurisë së Kosovës gjenerallejtënant Rrahman Rama qëndron për vizitë në SHBA/

1 a KOM FSK 1 Kom FSK 2 fsk 2 2 Kom FSK 1 interv abc SHBA, 21 Maj 2018-Gazeta DIELLI/ Komandanti i FSK-së gjenerallejtënant Rrahman Rama, i shoqëruar nga ambasadorja e Republikës së Kosovës Vlora Çitaku, atasheu i Mbrojtjes në SHBA kolonel Ilir Qeriqi, atasheu i Mbrojtjes së SHBA-ve në Prishtinë koloneli Jeffrey H. Fisher si dhe nga komandanti i Gardës Kombëtare të Ajovës gjeneralmajor Timothy Orr, më 17 maj 2018 mori pjesë në ceremoninë e 25-vjetorit të Programit të Partneritetit Shtetëror (SPP) të Gardës Kombëtare të SHBA-ve, ku u prit nga gjeneral Joseph L. Lengyel, Komandant i Byrosë së Gardës Kombëtare në Kolegjin Kombëtar të Luftës, Universiteti i Mbrojtjes Kombëtare Ft McNair, Washington DC.

Gjeneral Rama e falënderoi Gjeneralin Lengyel për partneritetin e jashtëzakonshëm. Ai theksoi vizitën e fundit në Kosovë të mbi 100 qytetarëve të Ajovës nga sektorë të shumtë si: arsimi, bujqësia, biznesi i vogël, sporti, ushtria, siguria. Në veçanti e falënderoi për kontributin e zhvillimit të ushtrimit fushor “Shqiponja 6”.

Në kuadër të kësaj vizite, gjeneral Rama u takua me zyrtarët të lartë të Departamenti të Shtetit, Mr. Matt Palmer dhe me ndihmës asistenten e Sekretarit të Mbrojtjes Ms. Laura Copper me të cilët diskutoi mbi zhvillimet e fundit në FSK, sfidat e sigurisë ne rajon dhe procesin e tranzicionit të FSK-së në FAK. Gjeneral Rama i njoftoi me të arriturat e deritashme të FSK-së si një forcë e besueshme dhe gjithëpërfshirëse dhe i falënderoi për mbështetjen e deritashme.

Gjeneral Rama po ashtu pati takim në Senat, ku u takua me Senatoren Joni Ernst nga Ajova. Me këtë rast biseduan lidhur me zgjerimin dhe dinamizmin e Partneritetit Ndërshtetëror. Gjithashtu Gjeneral Rama u takua me kongresmenin Mike Turner nga Komitetit për NATO, me të cilin pati mundësi diskutimi lidhur me hapat dhe proceset e mundshme për integrim në strukturat e sigurisë rajonale dhe euroatlantike, si dhe e njoftoi për bashkëpunimin e FSK-së me NATO-n.

Gjeneral Rama pati rastin dhe nderin të takonte të ftuarën e nderit për këtë mbrëmje, zonjën Dr. Heather Wilson, më ç ‘rast theksoi vlerën e partneritetit dhe aleancës me Shtetet e Bashkuara të Amerikës, të mbështetur në orientime perëndimore dhe euroatlantike që ka Kosova.

Gjeneral Rama me Sekretaren e Forcave Ajrore biseduan edhe mbi mundësinë për të përmirësuar sigurinë kibernetike në Kosovë përmes mbështetjes së Forcave Ajrore, si zonë kryesore e misionit të Forcave Ajrore të SHBA-së. Në mënyrë të veçantë ai e falënderoi atë për mundësinë e përfshirjes së Kosovës për të konkurruar për herë të parë, për një vend (kadetë) në Akademinë e Forcave Ajrore të SHBA-së në vitin 2019.

Gjeneral Rama pati mundësinë të vizitonte edhe Universitetin e Mbrojtjes Kombëtare, ku për herë të parë, duke filluar nga gushti i këtij viti, një pjesëtar i FSK-së dhe një anëtar i PK-së, do të marrin pjesë në këtë universitet. Ky bashkëpunim do të mundësojë zhvillimin profesional të mekanizmave të sigurisë në vend.

Po ashtu ai ka pasur edhe një vizitë të shkurtër në Akademinë e Trajnimit të Shërbimit të Emergjencave të Uashingtonit.

Komandanti i FSK-së gjatë qëndrimit në SHBA u intervistua nga Zëri i Amerikës, mediat e Gardës Kombëtare dhe nga gazetarja e NBC./b.j/

Kosovë-Thaçi në Sofje, takim me Mogherini e Vuçiç

May 17, 2018 by dgreca

PRESIDENTI THACI LIDERËVE EUROPIANË E BALLKANIKË:KOSOVA EVROPIANE KËRKON TRAJTIM TË BARABARTË DHE LIBERALIZIM TË VIZAVE/

-Presidenti Thaçi: Përfundimi i procesit të dialogut do të jetë njohja e Kosovës nga Serbia dhe anëtarësimi ynë në OKB/

PRISHTINË, 16 Maj 2018-Gazeta DIELLI/ Presidenti i Republikës së Kosovës, Hashim Thaçi, bën të ditur se sapo ka mbërritur në Sofje, ku takimin e parë e ka zhvilluar me përfaqësuesen e Lartë të Bashkimit Evropian për Punë të Jashtme dhe Politika të Sigurisë, Federica Mogherini.

“Me të kemi biseduar për rëndësinë e pjesëmarrjes së Kosovës në Samitin historik të BE-së me shtetet e Ballkanit Perëndimor dhe perspektivën e qartë evropiane të Kosovës dhe fqinjëve tanë. Kemi folur për procesin e liberalizimit të vizave dhe pritshmëritë e qytetarëve të Kosovës për të lëvizur këtë vit të lirë në zonën Shengen”, thekson Thaçi.

Me zonjën Mogherini, vijon ai, po ashtu biseduam për domosdoshmërinë e vazhdimit të dialogut për normalizimin e marrëdhënieve me Serbinë.

“Me këtë rast, me iniciativën e zonjës Mogherini kam zhvilluar një takim të përbashkët me të dhe me presidentin e Serbisë, Aleksander Vuçiç.

U pajtuam që faza përfundimtare e dialogut për normalizimin e marrëdhënieve mes Kosovës dhe Serbisë të fillojë në një të ardhme të afërt, me një mbështetje unike të BE-së, SHBA-së dhe aktorëve tjerë”, shprehet Thaçi.

Prandaj, vlerëson ai, është një momentum i ri që kërkon mobilizim të të gjitha forcave politike, shoqërisë civile dhe mediave në Kosovë, sepse përfundimi i procesit do të jetë njohja e Kosovës nga Serbia dhe anëtarësimi ynë në OKB.

“Ky takim është dëshmi e përkushtimit të Kosovës për dialog dhe fqinjësi të mirë, vetëm një ditë para fillimit të Samitit në Sofje”, përfundon presidenti Thaçi.

Presidenti i Republikës së Kosovës, Hashim Thaçi, sot ka udhëtuar për në Sofje-Bullgari, ku merr pjesë në punimet e Samitit të BE-së dhe të Ballkanit Perëndimor bashkë me kryeministrin Ramush Haradinaj dhe ministrin e Jashtëm Behgjet Pacolli./b.j/

KOSOVA EVROPIANE. TRAJTIM TË BARABARTË/

-Presidenti Thaçi u kërkon liderëve evropianë trajtim të barabartë për Kosovën dhe liberalizim të vizave/

SOFJE, 17 Maj 2018-Gazeta DIELLI/ Presidenti i vendit, Hashim Thaçi, në hapjen e punimeve të Seancës Plenare të Samitit të Sofjes, ku u trajtua tema “Fuqizimi i të gjithë dimensioneve të ndërlidhjes (socio-ekonomike, fizike, digjitale dhe njerëzore)”, ka thënë se ky samit po zhvillohet në një moment të rëndësishëm për Bashkimin Evropian dhe Ballkanin Perëndimor.“Ky samit midis Bashkimit Evropian dhe Ballkanit Perëndimor është një sukses i jashtëzakonshëm i përbashkët, por në veçanti i nikoqirëve tanë, presidencës bullgare. Suksesi i këtij samiti bazohet në ruajtjen e angazhimit me shtetet e Ballkanit Perëndimor përmes një qasjeje gjithëpërfshirëse dhe të barabartë, si dhe mbështetet në parimin e rëndësishëm sipas të cilit i gjithë Ballkani Perëndimor gëzon një perspektivë evropiane”, ka thënë presidenti Thaçi.

Kreu i shtetit ka thënë se kjo përfshinë strategjinë e muajit shkurt të Komisionit Evropian për Ballkanin Perëndimor, si dhe angazhimin tonë përmes nismave të shumta, në mesin e tyre edhe Procesi i Berlinit, agjenda e ndërlidhjes dhe Plani shumëvjeçar i Veprimit për Zonën Ekonomike Rajonale, si dhe forume të tjera që synojnë t’i afrojnë shtetet e Ballkanit Perëndimor me njëra-tjetrën dhe më pranë Bashkimit Evropian.

“Kam kënaqësinë që gjithashtu personalisht të konfirmoj mbështetjen e Kosovës për përmbajtjen e deklaratës së këtij samiti dhe të agjendës prioritare të Sofjes. Ne i mbështesim plotësisht parimet kyçe të bashkëpunimit të forcuar, marrëdhënieve të mira fqinjësore dhe nevojës për zgjidhje të qëndrueshme dhe të detyrueshme të mosmarrëveshjeve dypalëshe”, ka thënë presidenti Thaçi.

Para liderëve evropianë e ballkanikë, presidenti Thaçi ka thënë se Kosova është dhe do të mbetet plotësisht e përkushtuar ndaj këtyre qëllimeve, duke përfshirë dialogun e lehtësuar nga BE-ja për normalizimin e marrëdhënieve ndërmjet Kosovës dhe Serbisë.“Kosova është e gatshme të hyjë në fazën përfundimtare të dialogut me Serbinë për arritjen e një marrëveshjeje ligjërisht detyruese për normalizimin e marrëdhënieve dhe pajtimin. Më lejoni të theksoj nevojën për rregulla të barabarta të lojës tani që po lëvizim drejt zbatimit të mëtejshëm të temave që po diskutojmë në këtë samit, dhe në rastin e Kosovës kjo përfshin një përmbyllje të shpejtë të procesit të liberalizimit të vizave për të cilin Kosova ka përmbushur të gjitha 95 kriteret e kërkuara”, tha ai.

Presidenti Thaçi ka shtuar se nëse vërtet duam një ndikim të qëndrueshëm në afrimin e rajonit, kjo duhet të nënkuptojë edhe heqjen e barrierave të ndryshme të pranishme aktualisht.Kjo përfshin, por nuk kufizohet, sipas presidentit Thaçi, në njohjen e kualifikimeve, certifikatave dhe dokumenteve të tjera, uljen e kohës së pritjes në kufi, ndërveprimin në fushën e energjisë, sigurimin e lirisë së lëvizjes për njerëzit brenda rajonit duke hequr vizat, por edhe jetësimin e zotimeve të tjera që kemi dhënë më parë si rajon./b.j/