Nga Marjana BULKU/ Tirane/
Vera kishte udhëtuar nga Nju Jorku i largët për të asistuar me kamerat e Albanian Culture TV në atdheun e prindërve të saj, timin , tonin. Nuk mund ti thuash jo një ekzplari të rrallë të rrallë si ajo për mënyrën se si gjuha shqipe mbahet gjallë , flitet saktë dhe bukur duke u bërë shembull për të tjerët. Kishte mjaftuar vetëm një komunikim i shpejtë me mikun tim , drejtor i Muzeut Kombëtar zotit Dorian Koci për ti çelur shtegun atij vullneti të bukur 23 vjeçar që kulturën e saj amerikane nuk e ndan kurrë nga ajo shqiptare. Dhe Muzeumi ynë historik kombëtar ishte vendi më ideal për të udhëtuar nëpër historinë tonë përmes kamerave televizive por edhe rrëfimeve të shtruara e të mençura të Dorian Koçit që përveçse drejtues i këtij institucioni është edhe iniçues mjaft nismave dhe risive që e kanë afruar muzeun me qytetarët .Duket se ikjet nga atdheu e kanë shndërruar atë në një destinacion që mbart të shkuarën tonë që mister e bën edhe distanca që na ndan.Ne duam të dijmë se sa vend ze e kaluara por edhe e tashmja aty, nëse janë prezente arritjet dhe përpjekjet e shqiptarëve të vjetër dhe të rinj që jetuan larg truallit amë por nuk reshtën kurrë së shkruari për të. Doriani na siguron që historitë vatrane do të jenë objekt me vlerë universale dhe pjesë e pasurive tona kombëtare. Ne flasim për Diellin, ekzemplarët e tij, mundësitë e katalogimit apo dixhitalizimit, departamentin e krimeve të komunizmit dhe arkifaktet që e bëjnë historinē jetëgjatë , të pranueshme , të besueshme. Ne nuk harrojmë të përmendim suksesin e shqiptarëve të Kanadasë të cilët tashmë kanë një ligj për trashegimninë tonë kulturore.Nuk harrojmë t’i kujtojmë vetes dhe të tjerëve rolin jetik që luajnë televizionet shqiptare në SHBA por kudo ku jetojnë shqiptarë në ruajtjen e historisë, ngjarjeve, individualiteteve duke u shndërruar kështu në vepra të sotmes dhe të të ardhmes. Jetojmë kohë të vrullshme ku jo çdo histori josh, frymëzon, prevalon por është detyrë që nga historitë të marrim më të mirën dhe brezave tjua lemë të çelura këto porta dijeje ku hyjnë e dalin protagonistë të ndryshëm. Në tokën amerikane mësimi i historisë është detyrim , hallkë , parakusht, etj ku të gjithë e tejkalojnë me dhjetra mënyra e ku natyrshëm
muzetë janë nga më argëtuesët mjet. Në Shqipërinë tonë , datat dhe historitë , protagonistët dhe etapat historike na ndajnë. Ky mëngjes dialogues muzeal në majin e Tiranës na rrëfeu me gjuhën e ngjyrave të pranverës histori të lashta e moderne që marrin jetë prej nesh.
-Zëvendëskryeministri dhe Ministri i jashtëm, Behgjet Pacolli, zhvillon vizitën e dytë zyrtare në Itali, me ftesë të homologut të tij Alfano. Nxitje e marrëdhënieve dypalëshe, bashkëpunim për integrimin ndërkombëtar të Kosovës (Bashkim Europian, Interpol, njohje), liberalizimi i vizave, zhvillimet rajonale, ishin temat kryesore të bisedës mes dy ministrave. Italia do mbështesë Kosovën për liberalizimin e vizave, premton shefi i diplomacisë italiane/
ROMË, 2 Maj 2018 -Gazeta DIELLI/ “E vlerësoj shumë pasionin me të cilin ju po punoni për të realizuar ambiciet e vendit tuaj,”, ju drejtua ministri i jashtëm italian, Angelino Alfano, shefit të diplomacisë kosovare, Behgjet Pacolli, gjatë një takimi në Farnesina, Romë, ku ministri Pacolli gjendet me ftesë të homologut italian. Gjatë bisedës së ngrohtë dhe miqësore u diskutua për nxitjen e marrëdhënieve dypalëshe-Italia është partneri i pestë ekonomik i Kosovës; liberalizimin e vizave dhe samitet e ardhshme Bashkim Europian-Ballkan Perëndimor, ashtu dhe integrimin ndërkombëtar të Kosovës (shtimi i njohjeve, anëtarësimi në Interpol, etj).“Italia do t’ju mbështesë për liberalizimin e vizave, sepse ky është një hap më para i Kosovës drejt Europës”, tha ministri Alfano.Ai, u angazhua për mbështetjen italiane në gjirin e organizatave ndërkombëtare, për shtimin e njohjeve në pellgjet gjeografike ku Italia ka ndikim, ashtu dhe për rritjen e investimeve italiane në Kosovë.Ministri i jashtëm, Behgjet Pacolli, e njohu bashkëbiseduesin e tij me zhvillimet e fundit në Kosovë në planin rajonal, për bisedimet me Serbinë dhe disa prej prioriteteve në të cilat Kosova ka nevojë për mbështetjen italiane.“Kur vij në Romë marr një energji të madhe që vjen prej një vendi me ndikim të madh ekonomik, kulturor në botën e sotme”, tha ministri Pacolli.Ai, e informoi nikoqirin me angazhimin e Kosovës për jetësimin e marrëveshjeve të nënshkruara në bisedimet e Brukselit me Serbinë, bisedime të cilat duhet të përfundojnë vitin tjetër, me një marrëveshje detyruese mes palëve, tha shefi i diplomacisë kosovare“Ne kemi interes për të ecur së bashku me Italinë, duam të jemi nxënës të mirë për këshillat e një vendi si juaji, prej nga vijnë rrënjët e Europës së bashkuar”, tha ai.Ministri Alfano tha se Italia do të mbështesë integrimin e shpejtë të Kosovës dhe Ballkanit perëndimor, sipas strategjisë së zgjerimit, “duke u mbështetur tek instrumentet financiare të para-aderimit dhe binjakëzimin administrativ”. Ai, vlerësoi angazhimin e Kosovës në bisedimet e Brukselit me Serbinë, “proces në të cilin do të kalojnë shumë çështje politike”, tha shefi i diplomacisë italiane.“Ne presim, që 2018, të bëhet vit i integrimit të pakthyeshëm të Ballkanit në Europë”, vijoi ai.Ministri Alfano u interesua të dinte për bashkëpunimin rajonal të Kosovës, në veçanti atë me Shqipërinë. Ministri Pacolli e njohu atë me angazhimin e tij personal për krijimin e një hapësire ekonomike të përbashkët, heqjen e barrierave ekonomike, doganore, etj, për ndërtimin e një infrastrukture moderne mes dy vendeve.“Ne jemi të interesuar për ndërtimin e një hekurudhe me Shqipërinë, e cila do t’i shërbente dhe ndërmarrjeve italiane të interesuara për hapësirën tonë”, potencoi ai.Vizita e ministrit të jashtëm të Kosovës dhe numrit dy të qeverisë në Itali, është e dyta brenda pak muajsh. Ajo kryhet me ftesë të homologut italian, si dëshmi e rolit italian në progresin e gjithanshëm të Kosovës si shtet sovran dhe i pavarur, me synim nxitjen e bashkëpunimit në shumë fusha. Italia është partner i rëndësishëm ekonomik i Kosovës, me një vëllim shkëmbimi prej 107 milionë eurosh, me tendencë rritje./b.j/