Albanian American Newspaper Devoted to the Intellectual and Cultural Advancement of the Albanians in America | Since 1909
Arqipeshkvi i Shkodër-Pultit, imzot Engjëll Masafra u përcolli besimtarëve një urim paqeje dhe shprese, duke u kujtuar se Pashkët e këtij viti mbahen në Vitin Jubilar të Skënderbeut, një rast ky, tha ai, për të dashur më shumë vendin. Imzot Masafra u bëri thirrje besimtarëve që të jenë aktivë dhe të guximshëm për rindërtimin e vendit të tyre.
Policia e Kukësit ka ndaluar 23 shtetas nën akuzat për shkatërrim prone me zjarr dhe kundërshtim i policisë gjatë protestës së djeshme në Rrugën e Kombit, pranë Tunelit te Kalimashit.
Sipas policisë, këta persona shkatërruan me zjarr kabinat e kalimit me pagesë të automjeteve, zyra të kompanisë, ushtruan dhunë ndaj punonjësve të policisë.
Lista e të ndaluarve përmban 23 banorë të Kukësit dhe fshatrave përreth Morina, Nanga, Pobregu, Bushati, Kolshi, Shtiqen dhe Surroj, nga 21-60 vjeç, dhe po aq janë shpallur në kërkim nga policia.
Qindra qytetarë të Kukësit dhe një pjesë nga Kosova protestuan kundër vendosjes së taksës për kalimin në Rrugën e Kombit, që lidh Shqipërinë me Kosovën.
Protesta u kthye në përleshje të dhunshme me policinë dhe iu zjarri sporteleve të taksës.
Tubimi i thirrur nga këshillat bashkiake të krahinës nisi i qetë, por u acarrua nga kontaktet e protestuesve me forcat e policies.
Nga përplasjet e dhunshme u plagosën duzina nga policia dhe nga protestuesit.
Taksa fillon nga 5 euro për automjetet e vogla deri në 22.5 euro për automjetet e rënda u kundërshtua fort nga qytetarët dhe bizneset që punojnë mes Shqipërisë dhe Kosovës.(VOA)
Sot, në 19-vjetorin e masakrës së Izbicës, në të cilën forcat serbe vranë 147 civilë shqiptarë të pafajshëm, kryetari i Kuvendit, Kadri Veseli, ka thënë se institucionet e Kosovës nuk do të ndalen asnjëherë derisa të ketë drejtësi për Izbicën dhe për dhjetëra masakra që u kryen mbi popullin tonë gjatë luftës.
“Sot jemi shtet sovran, falë sakrificës së dëshmorëve e martirëve tanë. Askënd kurrë nuk do ta cenojmë, por as kurrë nuk do ta lejojmë askënd ta cenojë lirinë tonë, shtetin tonë, të ardhmen e fëmijëve të Izbicës dhe gjithë Kosovës”, tha kryeparlamentari Veseli.Veseli tha se vetëm drejtësia e vërtetë i shëron plagët e të kaluarës dhe jo përpjekjet për balancim mes agresorit dhe çlirimtarëve.“Çdo vit ne mblidhemi në këtë lëndinë të dhimbjes e krenarisë. Na bashkon kujtimi për martirët tanë, për bijtë dhe bijat e kësaj toke që u sakrifikuan për lirinë e Kosovës. Dëshmorët janë themeli mbi të cilin qëndron shteti ynë i pavarur dhe Sovran. Janë nderi dhe krenaria jonë e përhershme. Vitet po kalojnë, por ne nuk harrojmë, sepse harresa është shërbim ndaj atyre që bënë krimin në Izbicë”, theksoi kryeparlamentari Veseli.Kreu i Kuvendit shtoi se Kosova sot është shtet i pavarur dhe sovran, në rrugën e integrimit evropian dhe anëtarësimit në NATO.
-Kryeministri Haradinaj takoi përfaqësuesit e Komisionit Shtetëror për Shënjimin dhe Mirëmbajtjen e Kufirit/
PRISHTINË, 27 Mars 2018-Gazeta DIELLI/ Kryeministri i Republikës së Kosovës, Ramush Haradinaj, ka pritur sot në takim përfaqësuesit e Komisionit Shtetëror për Shënjimin dhe Mirëmbajtjen e Kufirit, në vazhdën e takimeve të rregullta me këtë komision.Kryeministri Haradinaj dhe përfaqësuesit e Komisionit u dakorduan që të krijohet një trupë e përbashkët politiko-teknike dhe të përpilohet një strategji shtetërore, si nevojë e Komisionit në punën e tyre për shënjimin e kufirit.
Në këtë takim u diskutua edhe për mundësitë e hulumtimeve dhe angazhimin e ekspertëve të nevojshëm për punën profesionale të Komisionit./b.j/
Një njeri ka marrë peng disa persona në një supermarket në Francë , ku janë dëgjuar dhe të shtëna.Njeriu i armatosur mendohet se mban disa persona brenda supermarketit në komunën e Trébes, pasi hyri në dyqan pak para orës 11:00.
Elita policore ka nxituar në dyqanin Super U dhe ka raporte që të paktën një person është vrarë sipas BBC.
Pengmarrësi ka shfaqur lidhjet me shtetin islamik ISIS, sipas AFP e cila i referohet zyrës së prokurorisë.
Ai është dëgjuar tek bertiste “Allahu Akbar” kur hyri në supermarket, tha një dëshmitar për Europa1.
Policia konfirmoi se operacioni është në zhvillim.
Mediat franceze po raportojnë gjithashtu se një polic është lënduar në një të shtënë të dytë në zonë, por ende nuk është e qartë nëse kjo lidhet me incidentin e supermarketit.
Autoritetet kanë vendosur një perimetër sigurie rreth ngjarjes, dhe udhezojnë njerëzit ti rrijnë larg këtij sektori sipas Ministrisë së Brendshme Franceze.