Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

KFOR COMPREHENSIVE APPROACH: VISIT TO THE NORTH OF KOSOVO AND MEETING WITH THE MAYOR OF ZUBIN POTOK

by

Pristina, 13 October 2015/ KFOR Commander, Major General Guglielmo Luigi Miglietta flew to the north and met the Mayor of Zubin Potok, Mr Stevan Vulovic, in the City Hall of the town.
General Miglietta and Mr Vulovic discussed the current situation in Kosovo with specific focus on the north.
The mayor expressed to COM KFOR his appreciation and gratitude for the impartial and effective posture of KFOR in maintaining a safe and secure environment and freedom of movement for all the people.
“KFOR will continue to provide a secure environment in the north and in the rest of Kosovo, ready to intervene as third security responder if required”, General Miglietta said, “KFOR, in full compliance with its mandate, promotes progress and dialogue in the region”.
General Miglietta also visited Camp Cabra military base where the unfixing process is ongoing. The shaping of KFOR posture is related to an ordinary redistribution of soldiers through the territory. This readjustment guarantees more flexibility and continuity in carrying out all the operational activities related to KFOR mandate that remains unchanged.
KFOR Commander periodically meets the Kosovo stakeholders and KFOR troops on the ground for a comprehensive approach of the overall situation in the region.

Prishtina fton kombëtaren kuqezi të Euro 2016

by

Kryetari i Prishtinës, Shpend Ahmeti, ka ftuar kombëtaren shqiptare në kryeqytetin kosovar pas kualifikimit historik në Euro 2016.
Ai ka thënë se “të gjithë qytetarët e Kosovës që nuk patën mundësi të jenë në Tiranë duan ta falënderojnë kombëtaren nga sheshi ku i përcollën të gjitha ndeshjet”
“Po i dërgojmë edhe ftesë publike”, ka shkruar ai në ‘facebook’ duke shtuar që të shpërndahet gjithandej dëshira për ta pas kombëtaren në Prishtinë.
Kryetari, Shpend Ahmeti ka ndarë disa çaste feste me nxënësit e Prishtinës, të cilët po e festonin kualifikimin e kombëtares.
“Edhe pse normalisht do të duhej të ishin në shkollë, në rrethana të jashtëzakonshme edhe mungesat janë të jashtëzakonshme!”, është shkruar në ‘facebook’./b.j/

TJETR FITORE E SHQIPTAREVE:Kosova hyn në agjendën UNESCO-s

by

Kosova drejt UNESCO-s -Mustafa: Lajm shumë premtues nga Parisi/
PRISHTINË, 12 Tetor 2015/ Kryeministri kosovar, Isa Mustafa vlerëson se, lajmi i sotëm nga Parisi se Këshilli Ekzekutiv i UNESCO-s ka përfshirë në rendin e ditës kandidimin e Kosovës për anëtarësim, është shumë premtues.
“Kosova ka punuar shumë për këtë me shumë vende mike, është punuar shumë në Nju Jork, në Paris dhe në qendra të tjera botërore, që vendi ynë të anëtarësohet në këtë agjenci të OKB-së”, thekson ai.
Lajmi i sotëm, vijon Mustafa, është një konfirmim i gëzueshëm se integrimi i Republikës së Kosovës në organizata ndërkombëtare është një proces i cili ka marrë hov dhe i pandashëm. “Qeveria dhe në veçanti MPJ, e cila ishte shumë e suksesshme në këtë proces, do të vazhdojë edhe më tutje lobimin e fuqishëm”, paralajmëron kryeministri i Kosovës.
Në 28 shtator bëhej e ditur se, edhe Principata e Monakos nënshkroi si bashkësponsorizuese kërkesën e Kosovës për anëtarësim në UNESCO. “Tani janë bërë 47 shtete që janë rreshtuar përkrah neve në kërkesën që çështja e anëtarësisë sonë të shqyrtohet nga Bordi Ekzekutiv në tetor”, bënte të ditur zv/kryeministri e ministri i Jashtëm i Kosovës, Hashim Thaçi nga Nju Jorku. “Po ecim përpara hap pas hapi”, shprehej ai.
Në 12 shtator zv/ministri i Jashtëm kosovar, Petrit Selimi, në një konferencë të jashtëzakonshme shtypi bënte të ditur se Kosova bëri hapin e parë drej anëtarësimit në UNESCO.
“Kërkesa për plikim është dorëzuar nga Shqipëria dhe është nënshkruar nga 44 shtete anëtare të UNESCO-s që përbën një numër rekord të bashkësponsoruesëve në historinë e re të UNESCO-s”, dekaronte zv/ministi i Jashtëm kosovar, Selimi.
Zv/ministri i Jashtëm Selimi bënte të ditur se Kosova ka aplikuar për anëtarësim në UNESCO gjatë verës përmes Nju Jorkut, sipas rekomandimeve nga vet agjencia gjegjëse e Kombeve të Bashkuara. “OKB në Nju Jork ka autorizuar UNESCO-n me mekanizmat e saj t’i prijë procesit në mënyrë të pavarur”, shtonte ai.
Sipas raportimeve, Këshilli Ekzekutiv i UNESCO-s, për Kosovën do të bisedojë të mërkurën e javës së ardhshme, më 21 tetor pasi që kjo temë u fut sot në pikën e 43-të të rendit të ditës së mbledhjes 197 të Këshillitet.
Për t’u pranuar Kosova në UNESCO vendoset me dy të tretat e shumicës së vendeve anëtare të Asamblesë së Përgjithshme të kësaj organizate ndërkombëtare e cila të mbahet gjatë nëntorit./b.j/

Kosova feston për Shqipërinë

by

-Për fitoren historike të futbollit shqiptar/
-Urojnë Mustafa, Veseli, Thaçi/
Nga Behlul Jashari/ PRISHTINË, 11 Tetor 2015/ Kosova feston për Shqipërinë, për fitoren historike të kombëtares së futbollit, të sportit shqiptar, qielli mbi Prishtinë përflaket sonte nga fishekzjarret, kryeqyteti kosovar jehon nga thirrjet e gëzimit e sirenat e automjeteve që defilojnë me flamuj kuqezi.
Fishekzjarret në sheshet plot njerëz e kudo para ekraneve televizive janë imazhet e kësaj mbrëmje gëzimi të madh edhe nëpër qytetet e tjera të Kosovës. Në sheshe ishin bërë organizime dhe vendosur ekrane të mëdha.
“Shqipëria shkruan historinë, kualifikohet në Euro 2016”, “Kuqezinjtë shkruajnë historinë”, “Shqiptarët janë në Francë”, janë tituj të raportimeve të medias kosovare.
“Shqipëria ka mposhtur Armeninë me rezultat të thellë 3 me 0 si mysafire për të siguruar kualifikimin direkt në Evropianin 2016, që mbahet në Francë”, theksojnë raportimet, përfshirë transmetimet e emisionet speciale të radiotelevizioneve kosovare.
Në këto momente në Prishtinë theksohet ideja që heronjtë kuqezi të futbollit shqiptar të kthejnë nga Armenia drejt Shqipërisë nëpër Kosovë e rrugës së kombit drejt Tiranës dhe të gjithë t’i presim dhe t’i urojmë nga afër.
“Ju lumtë djemve të kombëtares, gëzuar të gjithë shqiptarëve”, shkruan në ‘facebook’ kryetari i Kuvendit të Kosovës, Kadri Veseli.
“Urime kombëtares së Shqipërisë dhe të gjithë shqiptarëve anë e kënd!”, shprehet kryeministri i Kosovës, Isa Mustafa pas fitores historike në Armeni.
“Ishte ky një moment i shumëpritur dhe tani një kualifikim meritor për në Franca 2016. Për këtë u punua shumë, dhe një kontribut të spikatur e dhanë edhe futbollistët kosovarë, me lojën e të cilëve ndjehemi krenarë të gjithë shqiptarët”, thekson ai.
“Dekadat e ardhshme në sport do të jenë padiskutueshëm në favorin tonë, sepse tani edhe Kosova po depërton fuqishëm në skenën sportive ndërkombëtare dhe ne zotohemi se përkrahja institucionale nuk do t’u mungojë asnjëherë për sukseset e tyre të mëtejme”, përfundon kryeministri Mustafa.
“Kombëtarja kuq e zi shkruan historinë e futbollit shqiptar me shkronja të arta, kualifikohet për në Evropianin 2016 në Francë”, shprehet sonte zv/kryeministri e ministri i Jashtëm i Kosovës, Hashim Thaçi.
“Festë e jashtëzakonshme për të gjithë shqiptarët anembanë botës. I uroj djelmoshave kuq e zi shumë fat në EURO 2016”, thekson ai.

Vlorë: Një i vdekur nga përmbytjet dhe dëme të shumta në gjithë vendin

by

Moti i keq me rreshje të mëdha dhe stuhi të forta i ka marrë jetën një personi në Vlorë dhe ka sjellë përmbytje masive të zonave të banuara në Vlorë e Fier, dëmtime rrugësh kombëtare dhe bllokim të qarkullimit të mjeteve si dhe ndërprerje të energjisë elektrike për mjaft zona.
Sipas burimeve vendore në Fier, disa lagje që përshkohen nga Lumi Gjanica janë përmbytur pasi ujërat e rrëmbyeshëm kanë dalë nga shtrati dhe banorët kanë kërkuar ndihmën e strukturave shtetërore për të shpëtuar banesat dhe bizneset.
Policia tha se situata është kritike në të paktën katër lagje në Fier dhe janë thirrur edhe forcat e Repartit “Delta Force” të policisë për t`u ardhur në ndihmë banorëve që rrezikohen.
Në Vlorë zonat e biznesit në Skelë u përmbytën dhe segmenti që lidh Sarandën me Vlorën, në zonën e Orikumit, u bllokua nga rrëshqitjet e dherave.
Të dhënat flasin për dhjetëra banesa, biznese, objekte shkollore të përmbytura.
Edhe në zonën e Ersekës në Juglindje rrëshqitjet e dherave kanë bllokuar një segment rrugor ndërsa janë dëmtuar linjat e furnizmit me energji të banorëve.
Shirat dhe stuhitë e 24 orëve të fundit kanë sjellë probleme në Shqipëri ndërkohë që njësitë vendore janë gjetur të papërgatitura të shmangin përmbytjet në mjaft zona të banuara dhe përballojnë emergjencat.
Kanalizimet nuk kanë funksionuar prej bllokimit nga mbetjet dhe gjendja e disa hidrovoreve që tërheqin ujërat nuk është në kapacitetin maksimal.
Autoriteti Rrugor Shqiptar njoftoi se akset kryesore janë tërësisht në funksionim dhe nuk kanë bllokime, sepse pas rrëshqitjes së dherave në disa zona, me ndërhyrjen e drejtorive rajonale situata është normalizuar.
“Segmentet më të vështira janë: Vlorë – Fushë Dukat, Ersekë – Korçë, Këlcyrë – Ballaban. Aksi Banjë – Drizë është bllokuar për faktin e rënies së dherave në rrugë, dhe është bërë devijimi nga Kaciveli.Po pastrohet rënia e gurëve të vegjël në segmentin Gramsh – Kodovjat. Në segmentin Pajovë – Elbasan ka pasur rënie gurësh dhe bllokim të një korsie ku është ndërhyrë dhe tani është funksionale, ndonëse në këtë segment vazhdon pastrimi i gurëve të vegjël” – theksohet në njoftimin e ARSH-së. Ajo po ndjek në terren situatën dhe po ndërhyn në çdo emergjencë.(Kortezi VOA-Raimond Kola)