Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Nju Jork-Mogherini, përkrahje për rrugën integruese evropiane të Kosovës

by

-Kryeministri Isa Mustafa u takua me përfaqësuesen e lartë të BE-së për Punë të Jashtme, Federica Mogherini/

Nju Jork, 29 shtator 2015/ Kryeministri i Republikës së Kosovës, Isa Mustafa, u takua në Nju Jork me përfaqësuesen e lartë të Bashkimit Evropian për Punë të Jashtme dhe Politika të Sigurisë, njëherësh zëvendës presidente e Komisionit Evropian, Federica Mogherini. Në takim, ku ishin të pranishëm edhe zëvendëskryeministri i parë, njëherësh ministër i Jashtëm, Hashim Thaçi, dhe ministri i Integrimit Evropian, Bekim Çollaku, u bisedua për të arriturat në Kosovë si dhe avancimin e proceseve integruese evropiane të Kosovës. Kryeministri Mustafa e njoftoi për progresin e gjithanshëm që po arrihet në Kosovë dhe përkushtimin e Qeverisë së Kosovës për avancimin e mëtejshëm të reformave. Kryeministri Mustafa veçoi angazhimin e Qeverisë së Kosovës për proceset integruese evropiane, duke kërkuar finalizimin e MSA-së dhe liberalizimin e vizave për qytetarët e Kosovës. “Kërkuam që të kemi gatishmërinë e Bashkimit Evropian që të nënshkruhet sa më shpejt Marrëveshja e Stabilizim Asocimit dhe po ashtu të hapet mundësia e liberalizimit të vizave. Ne  do t’i përmbushim edhe 5-6 çështje që kanë mbetur dhe kemi bindjen se të gjitha kushtet teknike i përmbushim dhe se mbetet vetëm marrja e vendimit politik”, theksoi kryeministri Mustafa, duke shprehur bindjen se përgjigja pozitive nga Bashkimi Evropian për këto dy çështje, nuk do të vonohet. Kryeministri Mustafa e falënderoi përfaqësuesen e lartë të BE-së Mogherini për përkrahjen e saj për proceset në Kosovë. Përfaqësuesja e lartë e BE-së për Punë të Jashtme dhe Politika të Sigurisë, Federica Mogherini, vlerësoi progresin që po arrihet në Kosovë. Mogherini shprehu përkrahje për rrugën integruese evropiane të Kosovës. Një ditë më parë, kryeministri Isa Mustafa u takua edhe me presidentin e Këshillit Evropian, Donald Tusk, i cili po ashtu shprehu përkrahje për rrugën integruese evropiane të Kosovës./b.j/

NENDETESJA TURKE-PREVEZA- “ZBARKON” NE DURRES

by

Nëndetsja turke “TCG PREVEZE, S 353” zhvillon vizitë portuale në portin e Durrësit/

Në zbatim të planit të bashkëpunimit midis Forcës Detare shqiptare dhe asaj të Turqisë, mëngjesin e sotëm data 29 shtator 2015, mbrriti për një vizitë portuale në Durrës, Nëndetsja {ND} “TCG PREVEZE, S353”. Qëllimi i kësaj vizite është bashkëveprimi dhe trajnimi i përbashkët midis Forcës sonë Detare dhe Flotës Turke. Anija turke u shoqërua në ujërat tona territoriale nga Motovedeta R-118, me Komandant Kap.Lt. Alket Cullhaj. Në molin 4 të portit Durrës ND “TCG Preveze” u prit nga kuadro të Flotiljes Detare, përfaqësues të Autoritetit e Sigurisë Portuale Durrës, të Policisë Ushtarake, subjekteve private, etj. Mbas bregëzimit, Komandanti i anijes Kapiten i Rangut të III-të, Murat Bozdag i shoqëruar nga kuadro kryesorë të saj zhvilloi një vizitë në Komandën e Forcës Detare. Drejtuesit e anijes turke u pritën nga Zv/Komandanti i Forcës Detare, Kapiten i Rangut të I-rë Adnand Agastra dhe Shefi i Shtabit i Forcës Detare, Kapiten i Rangut të I-rë Subi Zenelaj. Mbasi i uroi mirëseardhjen në Portin e Durrësit, Kapiten Agastra vlerësoi bashkëpunimin e deritanishëm mes dy flotave dhe fushat specifike në të ardhmen, si arësimimi e trajnimi i personelit detar, strëvitjet e përbashkëta, etj. Ushtarakët turq falenderuan për pritjen e bërë nga autoritetet shqiptare dhe theksuan se mirëpresin cdo projekt bashkëpunimi me interes të dy palëve. Më pas komandanti i Nëndetses Turke vijoi vizitat me autoritetet e pushtetit vendor e qëndror të Durrësit. Takimin e parë ushtarakët turq e patën me kryetarin e Bashkisë Durrës, zotin Vangjush Dako, pastaj në Prefekturën e Durrësit ku u pritën nga Prefekti zoti Roland Xhelilaj dhe në fund me zotin Alfred Mullaraj, kryetar i Këshillit të qarkut Durrës. Gjatë takimeve u evidentua miqësia tradicionale midis dy popujve, resurset ekonomike dhe turistike të Durrësit, rëndësia e bashkëpunimit ushtarak në kuadrin e NATO-s, për forcimin e paqes e sigurisë në rajon, etj. Gjithashtu në ditët e qëndrimit do ketë vizita të personaliteteve të larta diplomatike, ushtarake dhe vizita të qytetarëve në ND, vizita të personelit të anijes në objektet muzealë dhe kulturorë të Durrësit e Krujës, etj. Krahas këtyre aktiviteteve ND turke do zhvillojë stërvitje të përbashkët me personelin dhe anije të Flotiljes Detare. ND Turke do largohet nga porti i Durrësit më 3 tetor 2015. Theksojmë se është viti i pestë që një ND turke zhvillon vizitë portuale në Durrës.

Të dhëna shkurt për ND “TCG PREVEZE, S 353”, Gjatësia-62 m, gjerësia-5.8 m, peshkimi-6.3 m, tonazhi-1400 t.

 

Rama takon Tsipras në Nju Jork

by

Rama takim me Tsipras: Zgjidhja e çështjeve të lëna pezull në frymën e respektit reciprok/

Nju Jork, , 29 Shtator/ Bashkëpunimi bilateral në projekte të përbashkëta dhe zgjidhja e çështjeve të lëna pezull ishin në fokus të takimit dypalësh të Kryeministrit Edi Rama dhe homologut të tij grek, Alexis Tipras, në selinë e Organizatës së Kombeve të Bashkuara në Nju Jork.Siç mësohet nga mediat helene, Kryeministri shqiptar dhe ai grek, kanë diskutuar fillimisht për projektet me rëndësi që lidhin dy vendet.

Takimi është bërë i ditur edhe nga zyra e shtypit e qeverisë greke, ku thuhet se “kryeministri Tsipras theksoi se Athina zyrtare është në anën e Shqipërisë në rrugën drejt Bashkimit Evropian.
Kryeministri Tsipras, – thekson njoftimi, – nënvizoi rëndësinë e gjetjes së gjuhës së përbashkët  për çështjet e pazgjidhura midis dy vendeve, siç është ajo e Detit, mbi bazën e të drejtës ndërkombëtare dhe në frymën e respektit të ndërsjellë.

Në të njëjtën linjë, kryeministri Tsipras theksoi nevojën për të respektuar të drejtat e minoritetit kombëtar grek dhe respektimin e të drejtave fetare, duke theksuar në këtë kontekst rolin e rëndësishëm të kryepeshkopit Anastas Janullatos.

Pjesë e diskutimit mes dy kryeministrave ishte edhe perspektiva për bashkëpunim bilateral veçanërisht në sferat ekonomike dhe tregtare.

Edhe këshilltari për mediat i kryeministrit Rama, Endri Fuga ka postuar në Twitter një foto nga ky takim. “Takimi i parë shumë miqësor i kryeministrit Edi Rama me kryeministrin greke”, – shkruan Endri Fuga.

Shefi i qeverisë shqiptare i ka bërë ftesë kryeministrit Tsipras për një vizitë zyrtare në Tiranë.

Jahjaga met with the representatives of the Global Community Engagement and Resilience Fund

by

*President Atifete Jahjaga met with the representatives of the Global Community Engagement and Resilience Fund/

 *Kosova përfshihet në Fondin Global për Angazhim të Komunitetit dhe Rimëkëmbje/

The President of the Republic of Kosovo, Madam Atifete Jahjaga, met in New York the representatives of the Global Community Engagement and Resilience Fund (GCERF), Madam Carol Bellamy, Head of the Board and Mr. Khalid Koser, Executive Director of the fund, with whom she discussed about the inclusion of Kosovo in the initiatives of this organization to eradicate extremism and to prevent radicalism.President Jahjaga expressed her satisfaction on the decision of the Global Fund that in December of this year to formalize Kosovo’s inclusion as one of the five states that will benefit from the fund of 25 million euros for initiatives and projects which for aim have the prevention of radicalism and violent extremism.

The President stressed that it is good news that Kosovo has met the required criteria to become one of the five countries in the world to benefit from the initiatives of the fund at this stage and welcomes the visit of the representatives of this organization very soon in Kosovo.

This meeting is a continuation of the meetings that President Jahjaga has had with the representatives of this organization this year in Geneva. The Office of the President has communicated constantly with GCERF to include Kosovo in its background.

The Global Community Engagement and Resilience Fund has its headquarters in Geneva and was established as a global effort through the public-private partnership, in collaboration with the governments, the civil society and the private sector, to support the efforts of countries to address violent extremism and radicalism.

Kosova përfshihet në Fondin Global për Angazhim të Komunitetit dhe Rimëkëmbje/

-Presidentja Jahjaga u shpreh e kënaqur me vendimin e Fondit Global që në dhjetor të këtij viti të formalizojë përfshirjen e Kosovës si njërin nga pesë shtetet që do të përfitojnë nga fondi prej 25 milionë eurove për nisma dhe projekte që për qëllim kanë parandalimin e radikalizimit dhe ekstremizmit të dhunshëm/

NJU JORK, 29 Shtator 2015/ Presidentja e Republikës së Kosovës, Atifete Jahjaga, takoi në Nju Jork përfaqësuesit e Fondit Global për Angazhim të Komunitetit dhe Rimëkëmbje (GCERF), Carol Bellamy, udhëheqëse e Bordit dhe Khalid Koser, drejtor ekzekutiv i fondit, me të cilët diskutoi përfshirjen e Kosovës në nismat e kësaj organizate për të çrrënjosur ekstremizmin dhe parandaluar radikalizimin.

 Presidentja Jahjaga u shpreh e kënaqur me vendimin e Fondit Global që në dhjetor të këtij viti të formalizojë përfshirjen e Kosovës si njërin nga pesë shtetet që do të përfitojnë nga fondi prej 25 milionë eurove për nisma dhe projekte që për qëllim kanë parandalimin e radikalizimit dhe ekstremizmit të dhunshëm.

 Presidentja theksoi se është lajm i mirë që Kosova ka përmbushur kriteret e kërkuara për t’u bërë një nga pesë shtetet në botë që përfitojnë nga nismat e fondit në këtë fazë dhe mirëpret vizitën e përfaqësuesve të kësaj organizate shumë shpejt në Kosovë.

 Ky takim është në vazhdën e takimeve që Presidentja Jahjaga ka pasur me përfaqësuesit e kësaj organizate këtë vit në Gjenevë. Zyra e Presidentes ka komunikuar vazhdimisht me GCERF për përfshirjen e Kosovës në sfondin e saj.

 Fondi Global për Angazhim të Komunitetit dhe Rimëkëmbjes ka selinë në Gjenevë dhe është themeluar si përpjekje globale përmes partneritetit publiko-privat, në bashkëpunim me qeveritë, shoqërinë civile dhe sektorin privat, për të mbështetur përpjekjet e shteteve për të adresuar ekstremizmin e dhunshëm dhe radikalizimin./b.j/

 

Kosova drejt UNESCO-s, hapa përpara

by

-Shtypi: Serbia e pranon se e ka humbur betejën me Kosovën për UNESCO/

Nga Behlul Jashari/ PRISHTINË, 29 Shtator 2015/ Edhe Principata e Monakos nënshkroi si bashkësponsorizuese kërkesën e Kosovës për anëtarësim në UNESCO. “Tani janë bërë 47 shtete që janë rreshtuar përkrah neve në kërkesën që çështja e anëtarësisë sonë të shqyrtohet nga Bordi Ekzekutiv në tetor”, ka bërë të ditur zv/kryeministri e ministri i Jashtëm i Kosovës, Hashim Thaçi nga Nju Jorku. “Po ecim përpara hap pas hapi”, është shprehur ai.Shtypi në Prishtinë sot thekson se, krerët shtetërorë të Kosovës që me vete kanë marrë edhe shumë zyrtarë me rastin e 70 vjetorit të Asamblesë së Përgjithshme të Kombeve të Bashkuara, janë fokusuar në promovimin e anëtarësimit të Kosovës në UNESCO.

Por, kundërlobim të fuqishëm është duke bërë edhe Serbia, e cila ka kërkuar që Kosova mos të shpërblehet me anëtarësim në UNESCO. Megjithatë zyrtarë serbë e kanë pranuar se do ta kenë vështirë që ta ndalin anëtarësimin e Kosovës në UNESCO, shkruan sot Koha Ditore me titullin në ballinë “Serbia e pranon se e ka humbur betejën me Kosovën për UNESCO”.

Presidentja Atifete Jahjaga, kryeministri Isa Mustafa e ministri i Jashtëm, Hashim Thaçi, janë prijësit e delegacionit prej 25 vetash, të cilët kanë udhëtuar për Nju-Jork.

Shefi i diplomacisë së Kosovës, Thaçi, ka njoftuar se janë fokusuar në promovimin e anëtarësimit të Kosovës në agjencitë e OKB-së dhe organizata ndërkombëtare.

Në 12 shtator zv/ministri i Jashtëm kosovar, Petrit Selimi, në një konferencë të jashtëzakonshme  shtypi bënte të ditur se Kosova bëri hapin e parë drej anëtarësimit në UNESCO dhe theksonte se Shqipëria kishte një rol fundamental thelbësor për shtyrjen e procesit përpara.

“Kërkesa për plikim është dorëzuar nga Shqipëria dhe është nënshkruar nga 44 shtete anëtare të UNESCO-s që përbën një numër rekord të bashkësponsoruesëve në historinë e re të UNESCO-s”, dekaronte zv/ministi i Jashtëm kosovar, Selimi.

 “Ambasadorja në delegacionin e Shqipërisë në UNESCO, Besiana Kadare ka luajtur një rol fundamental”, vlerësonte ai.

Ministri i Jashtëm Selimi bënte të ditur se Kosova ka aplikuar për anëtarësim në UNESCO gjatë verës përmes Nju Jorkut, sipas rekomandimeve nga vet agjencia gjegjëse e Kombeve të Bashkuara. “OKB në Nju Jork ka autorizuar UNESCO-n me mekanizmat e saj t’i prijë procesit në mënyrë të pavarur”, shtonte ai.

Bordi Ekzekutiv i UNESCO-s do të shqyrtojë kërkesën e Kosovës për anëtarësim në 3 tetor, ndërsa  Asambleja e Përgjithëshme e UNESCO-s pritet të votojë në javën e parë të nëntorit, me ç’rast do të kërkohen 2/3 e votave për pranimin e Kosovës në këtë agjenci të OKB-së.