Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Protesta në portin e Durrësit, punonjësit e kompanive të shkarkimit kundër konçesionarit

by

Ne Foto:Nga protesta e sotme në Portin e Durrësit/

Ministria e Transportit, si autoriteti kontraktual, i ka njohur të drejtën e përpunimit të anijeve tregtare kompanisë gjermane koncensionare EMS APO, ndaj punonjësit e tre kompanive rivale të ngarkim-shkarkimit në port vazhdojnë protestat. Përpunimi në kalatën lindore është bllokuar për shkak të protestuesve, të cilët deklarojnë se koncensionari gjerman po krijon një situatë monopol, qe nxjerr të papunë afro 300 punëtorë.  “Gjendja është agravuar këto kohët e fundit. Konçesionari nuk po respekton kontratën, urdhrat e minsitrit, kontratat tona stivadore, imponon klientin të zgjedhë stivadorin e vet dhe ne nuk na ngelet gjë tjetër vetëm të protestojmë. Akoma nuk kemi një reagim në lidhje me sqarimin përfundimtar të situatës nga organet publike. Këta punëtore protestojnë për bukën e tyre. Ne kemi kontratë 10-vjeçare, nga 2009 deri ne 2019”, tha përfaqësuesi ligjor i kompanive stivadore. Drejtuesit e kompanisë gjermane kanë kërkuar nga Autoriteti Portual ndërhyrjen e policisë për të larguar nga kalata lindore protestuesit dhe per te kthyer në normalitet aktivitetin e tyre. EMS ka fituar kontratën e konçesionit për operimin në Kalatën Lindore të Portit të Durrësit më 6 maj 2013, kontratë që ka hyrë në fuqi më 15 korrik të atij viti. Në bazë të saj, kompania menaxhon të gjithë operacionet që zhvillohen në këtë kalatë, ndërkohë që për aktivitetet stivadore kërkohet liçensim i posaçëm, i cili pas reagimeve të koncensionarit dhe deklaratave diplomatike për pengim të investitorëve gjermanë në vend, i është dhënë kompanisë konçensionare. {Sh.K}.

Pelegrinazh tek Kisha 700 vjeçare në Malin e Bardhë

by

Nga Ahmet ZANI/Ka ndodhur si rrallëherë që në një fshat të Kurbinit, ku 95 perqind e banorëve janë besimtarë myslimanë,të ndërtohet një kishë katolike. Natyrisht ky është një rast i rrallë, por ajo që bie në sy është festimi për çdo vit i festës së Shën Mëhillit. Mali i Bardhë në Kurbin ka këtë histori të rrallë dhe në ditën e pelegrinazhit të festës së Shën Mëhillit thujase i tërë fshati ka kryer ritualin fetar në Kishën 700 vjeçare e njohur si Kisha më e vjetër në vendin tonë. Mbi gërmadhat e kishës së vjetër me propozimin dhe të banorëve të fshatit për Imzot Rrok Mirdita u realizua dhë ndërtimi i Kishës së re në një vend piktoresk në natyrë të mrekullueshme aty ku dhe besimtarët malbardhas si dhe nga shumë krahina të Kurbinit kane ndezur qirinj dhe me pas kanë kaluar dhe drekën nën hijen e pemëve shekullore.

Mbase mund të shquhet për harmoninë fetare Mali i Bardhë në Kurbin me këta njerëz të cilët kanë ditur të ruajnë traditën bashkejtesën fetare ndër vite duke lënë mbresa. Kisha e fshatit është shërbesë e tërë besimtarëvekëtu ku kanë kontribuar tërë fshati ndonëse 95% e banorëve janë të besimit mysliman, por  shquhen për harmoninë ndërfetare shembull mbase duhet përgjithësuar. Një vit më oarë në këtë Kishë ka asistuar dhe zëvëndës ambasadori amerikan, duke ngjitur në këmbë pak rrugë për të parë nga afër atë që ai kishte dëgjuar për këtë Kishë ndonëse banorët e këtueshëm janë të besimit mysliman. Kjo  dukuri  e veçantë e këtij fshati mbase ka diktuar mikun amerikan tek kjo bashkëjetesë ndërfetare.

Një tjetër objekt fetar tashmë është Xhamia e cila do të kremtohet nditët vijuese dhe kjo një pjesë e kontributit nga banorët e fshatit këta të cilët ndihmuan dhe në ndërtimin e Kishës. Për banorët mal bardhas përpos ditës së festës së 29 shtatorit ditës së Kishës së Shën Mëhillit do të kremtohet dhe festa e Xhamisë aty ku tërë fshati prej afro dy mijë banorëve ka dhe një motiv më shumë, si fshati që ka ditur të ruajë historikisht traditën, kulturën si dhe zakonet, por dhe harmoninë fetare fshat tashmë i dëgjuar dhe jashtë kufinjëve të vendit.Pas ceremonive të rastit banorët do të fetojnë më pas me familjet e tyre, ndërsa Agim Lika kryetari i fshati si dhe banorët do të prsin miq nga fhstarat përreth si traditë e hershme miqësore.

 

Deputetë të Kosovës, vizitë dyjavore në SHBA

by

Katër Deputete të Kuvendit të Republikës së Kosovës për vizitë në SHBA/
Beqir SINA – New York/
”Si deputete e re, që vij nga një parti që ka vënë themelet e shtetndërtimit dhe gjithashtu themelet e marrëdhënieve me Uashingtonin zyrtar, është qenësore t’i vazhdojmë lidhjet tona, mjaft të mirë, duke këmbyer përvojat dhe duke kërkuar vazhdimin e ndihmës  që SHBA, i kan dhënë Kosovës në kohët më të vështira.”/
WASHINGTON D.C: Me ftesën nga Ambasada amerikane, në Prishtinë, për një vizitë pune dy javore në Shtetet e Bashkuara të Amerikës, ndodhet një delegacion e grave deputete të Parlamentit të Kosovës.
Doruntina E. Maloku, përfaqësuese e LDK-së, Luljeta Gutaj përfaqësuese e PDK-së, Valdete Bajrami nga Nisma, dhe Jelena Bontic nga Lista Serbe , janë përzgjedhur në mesin e 30 deputeteve për të marrë pjesë në një program të organizuar Open World – programin për lidership i veçantë  për parlamentaret nga Kosova
  Sipas ambasadorit John O’Keefe, i cili është drejtor ekzekutiv i organizatës Open World ka 10 vjet që në Kongres dhe ne Senatin amerikan, nuk ka pasur një interesim kaq të madh për të takuar delegacionet nga shtetet e huaja, në Uashington.
Delegacioni i grave deputete të Parlamentit të Kosovës, në Kongresin dhe Senatin e Shteteve të Bashkuara të Amerikës, ka pasur qysh në ditën e parë takime shumë të rëndësishme me senator e kongresmen amerikan. Sot, ato u takuan me Kongresistin David Price, Kongresistin Vern Buchanan, Kongresistin Sam Farr, Kongresistin Peter Roskam dhe me Senatoren Joni Ernst dhe Senatorin Chuck Grasley, me të cilët biseduan për proceset e rëndësishme nëpër të cilat po kalon Kosova, nevojen për investime të huaja dhe për procesin e integrimit të Kosovës në organizmat ndërkombetar.
“Është shumë me rëndësi, që ne t’i vazhojmë lidhjet tona me njerëz të rëndësishëm në SHBA-s, në këtë rast, me ligjevënës, përfaqësues të Senatit dhe Kongresit amerikan”, deklaroi deputetja e LDK, znj. Doruntinë E. Maloku.
Deputetja Maloku, tha për gazetën se :”Si deputete e re, që vij nga një parti që ka vënë themelet e shtetndërtimit dhe gjithashtu themelet e marrëdhënieve me Uashingtonin zyrtar, është qenësore t’i vazhdojmë lidhjet tona, mjaft të mire, duke këmbyer përvojat dhe duke kërkuar vazhdimin e ndihmës  që SHBA, i kan dhënë Kosovës në kohët më të vështira.”
Ajo shtojë se mikëpritësit na kanë premtuar që do të vazhdojnë angazhimin e tyre, për Kosovën dhe lobimin e tyre, për anëtarësim në organizmat ndërkombëtar si dhe do të angazhohen për sjelljen e investitoreve amerikanë në vendin tonë.
Takimet e delegacionit të grave deputete nga Parlamentti i Kosovës, në Uashington do të vazhdojnë edhe këto ditë ku ndër të tjera, ato do të takojnë edhe kongresitin demokrat të Nju Jorkut, z. Eliot Engel, një nga lobuesit dhe përkrahesit më të mëdhenj të Kosovës.
Ndërkohë, që të enjten, delegacioni i deputeteve nga Kosova do të qëndrojë për nji javë në Iowa, ato do të takojnë krerët e të gjitha institucioneve dhe do të marrim përvojat nga ky shtet,

Presidentja Atifete Jahjaga u takua me Presidentin Barak Obama

by

Presidentja e Republikës së Kosovës, zonja Atifete Jahjaga mori pjesë në pritjen tradicionale të Presidentit të Shteteve të Bashkuara të Amerikës, zotëri Barak Obama, për liderët e shteteve pjesëmarrëse në sesionin e rregullt vjetor të Asamblesë së Përgjithshme të Organizatës së Kombeve të Bashkuara.

Si te gjithe pjesmarresit, edhe presidentja Jahjaga, pati mundesine e nje fotografimi me presidentin Obama dhe zonjen e Pare.

Nju Jork-Mogherini, përkrahje për rrugën integruese evropiane të Kosovës

by

-Kryeministri Isa Mustafa u takua me përfaqësuesen e lartë të BE-së për Punë të Jashtme, Federica Mogherini/

Nju Jork, 29 shtator 2015/ Kryeministri i Republikës së Kosovës, Isa Mustafa, u takua në Nju Jork me përfaqësuesen e lartë të Bashkimit Evropian për Punë të Jashtme dhe Politika të Sigurisë, njëherësh zëvendës presidente e Komisionit Evropian, Federica Mogherini. Në takim, ku ishin të pranishëm edhe zëvendëskryeministri i parë, njëherësh ministër i Jashtëm, Hashim Thaçi, dhe ministri i Integrimit Evropian, Bekim Çollaku, u bisedua për të arriturat në Kosovë si dhe avancimin e proceseve integruese evropiane të Kosovës. Kryeministri Mustafa e njoftoi për progresin e gjithanshëm që po arrihet në Kosovë dhe përkushtimin e Qeverisë së Kosovës për avancimin e mëtejshëm të reformave. Kryeministri Mustafa veçoi angazhimin e Qeverisë së Kosovës për proceset integruese evropiane, duke kërkuar finalizimin e MSA-së dhe liberalizimin e vizave për qytetarët e Kosovës. “Kërkuam që të kemi gatishmërinë e Bashkimit Evropian që të nënshkruhet sa më shpejt Marrëveshja e Stabilizim Asocimit dhe po ashtu të hapet mundësia e liberalizimit të vizave. Ne  do t’i përmbushim edhe 5-6 çështje që kanë mbetur dhe kemi bindjen se të gjitha kushtet teknike i përmbushim dhe se mbetet vetëm marrja e vendimit politik”, theksoi kryeministri Mustafa, duke shprehur bindjen se përgjigja pozitive nga Bashkimi Evropian për këto dy çështje, nuk do të vonohet. Kryeministri Mustafa e falënderoi përfaqësuesen e lartë të BE-së Mogherini për përkrahjen e saj për proceset në Kosovë. Përfaqësuesja e lartë e BE-së për Punë të Jashtme dhe Politika të Sigurisë, Federica Mogherini, vlerësoi progresin që po arrihet në Kosovë. Mogherini shprehu përkrahje për rrugën integruese evropiane të Kosovës. Një ditë më parë, kryeministri Isa Mustafa u takua edhe me presidentin e Këshillit Evropian, Donald Tusk, i cili po ashtu shprehu përkrahje për rrugën integruese evropiane të Kosovës./b.j/