Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

PRESIDENTI BUJAR NISHANI TË SHTUNËN ARRITI NE NEW YORK

by

Presidenti i Republikës së Shqipërisë, Bujar Nishani ka mbërritur të Shtunën në New York.Kreu i Shtetit do të marrë pjesë në veprimtarinë “Clinton Global Initiative 2013”  Nisma Globale Klinton 2013, që do të zhvillohet në Nju Jork, në datat 23-26 shtator 2013. Presidenti Nishani është i ftuar në këtë veprimtari nga ish-Presidenti i SHBA-së Bill Klinton

Vizita në SHBA e Kreut të Shtetit përfshin edhe disa takime të rëndësishme me organizma dhe përfaqësues të shtetit amerikan si dhe me ata të komunitetit shqiptar në Boston, Detroit dhe Nju Jork. Gjatë vizitës së tij në Shtetet e Bashkuara të Amerikës, Presidenti Bujar Nishani po ndalet edhe në Massachusetts, ku do të takohet me shqiptaro-amerikanët që banojnë në Boston e rrethina. Të dielën, në 1:30 të drekës, Presidenti do të ndalojë në Rerstorantin “Alba”, një nga tre ndalesat e tij në zonën e Bostonit, përpara se të niset për në Detroit, Michigan. Dy të tjerat do të jenë Katedralja e Shën Gjergjit dhe varret e Nolit dhe të Konicës. Lajmi i ardhjes së presidentit të një shteti e ka vendosur restorantin shqiptar në qendër të vëmendjes së medias lokale. Ndërsa në New York, sidomos në periudhën e shtatorit, qyteti është i mbushur me udhëheqës shtetesh, prania e politikanëve të huaj është më e rrallë tjetërkund në SHBA. Kjo përfshin edhe një qytet të madh e të rëndësishëm si Bostoni. Gazeta “The Patriot Ledger” në një artikull të botuar me këtë rast vë në dukje se me Nishanin, bëhen katër vizita kryeministrash dhe presidentësh në pesë vite që bëhen në restorantin Alba.Nw New York, presidenti Bujar Nishani ka planifikuar edhe një takim me Federatën Panshqiptare të Amerikës Vatra, organizata më e vjetër e shqiptarëve në botë. Në Vatër presidenti do të jetë me 24 shtator.

…

Në Ditën Ndërkombët​are të Paqes

by

Nga Kozeta Zavalani/

Në Ditën Ndërkombëtare të Paqes, e cila festohet në të gjithë botën nën moton “Edukimi për Paqen”,  Federata e Familjes për Paqe Botërore  në kuadër të projektit në ndihmë të arsimit për fëmijët jetimë, në Hotel Tirana International shpërndau mjete mësimore falas për 100 fëmijë në nevojë, që fillojnë vitin e ri shkollor 2013-2014. Merrte pjesë edhe Ministrja e Arsimit dhe Sporteve Znj.Lindita Nikolla, njëkohësisht edhe Ambasadore për Paqen. Ky projekt është ndërmarrë në bashkëpunim me Institutin Kombëtar për Integrimin e Fëmijëve Jetimë që ka identifikuar fëmijët që përfituan nga kjo iniciativë. FFPBB Shqipëri përmbylli kështu projektin veror, gjatë të cilit një grup prej 7 vullnetarësh udhëtuan nëpër disa qytete të Shqipërisë, për të mbledhur fonde për këtë qëllim për fëmijë të moshave 6-15 vjec, që u mungojnë njëri nga prindërit ose të dy. Gjithashtu pjesë e përfituesve ishin edhe 40 fëmijë të ngujuar për shkak të gjakmarrjes në qarkun e Shkodrës.Në fjalën e saj Ministrja e Arsimit dhe Sportit midis të tjerash theksoi:”Vullnetarizmi është një akt human që promovon mirësinë dhe përmirëson cilësinë e jetës tonë, duke treguar standarte të larta të emancipimit qytetar dhe kulturor për shoqërinë. Unë personalisht jo vetëm qe e çmoj, por dhe e promovoj, që ai të shtrihet në mënyrë kapilare brenda vlerave tona si popull.

Ju sot me të drejtë përcillni mesazhin për më shumë vëmendje e mbështetje për fëmijët jetimë, fëmijët në nevojë e për ata fëmijë që për shkak të fenomenit absurd të gjakmarrjes janë të detyruar të ngujohen në shtëpitë dhe kullat e tyre prej frikës së gjakmarrësit. Këtyre fëmijëve u është privuar e drejta e tyre hyjnore për të jetuar të lire. Prandaj ne jemi të angazhuar, të mos lejojmë që ky fenomen, të shkatërrojë pa të drejtë jetën e pafajshme të brezave tanë.

Sfidat që gjenden përpara nesh janë të shumta dhe të panumërta dhe për këtë nevojitet dhe ndihma juaj, që ne sëbashku të ngremë themelet e një shoqërie të shëndoshë dhe të sigurtë si kriter zhvillimi për të ardhmen tonë dhe të fëmijëve tanë.

Si Ministre e Arsimit dhe Sportit do të ofroj gjithë ndihmesën dhe asistencën e duhur, për të mundësuar shkollimin cilësor të këtyre fëmijëve (jetim, të ngujuar dhe në nevojë), pasi e drejta për te zgjeruar dhe zhvilluar kapacitetin e tyre kulturor dhe intelektual, është një e drejte universale.

Misioni juaj fisnik, sëbashku me ndihmën dhe detyrimin tonë ndaj jush, duhet të jetë qëllim në vetvete, për të promovuar vlerat tona humane, për të ndihmuar këdo që është në nevojë. Ne duhet të sigurohemi, që gjeneratat

dhe brezat tanë të rinj, mos të jenë më viktima e asaj pjese të së shkuarës sonë që nuk i ka hije vendit dhe kombit tonë.”

 

 

U MBLODH KRYESIA E DEGËS SË VATRËS NË QUEENS, NEW YORK

by

Dega e Vatrës në Queens-NY, ka hapur një zyrë pranë klinikës të dr. Skënder Murtezanit, e cila do të mbajë lidhje me komunitetin/

Të enjten me 19 Shtator u mblodh kryesia e degës së Vatrës në Queens, New York, nën drejtimin e kryetarit të saj dr. Skënder Murtezani. Me shpenzimet e Dr. Murtezanit u hap zyra pranë Klinikës mjeksore të tij, e cila do të funksionojë rregullisht gjatw javws. Pesë orë në javë aty do të ketë edhe një sekretare e cila do të mbajë kontaktet me anëtarësinë e Vatrës dhe komunitetin në tërësi, duke synuar shumimin e antarësisë aktuale dhe spjegimin e programit Kombëtar të Vatrës 101 vjecare.

Sekretarja, Saimja, është prezantuar para kryesisë dhe ia ka nisur nga puna.Të premten nisën telefonatat për shqiptarët e kësaj zone duke prezantuar historinë dhe programin Kombëtar të Vatrës dhe duke i ftuar ata që bëhen pjesë e Vatrës me moton: “Partia për  vatranët, është Kombi Shqiptar!” Po ashtu do t’u telefonohet bizneseve shqiptare për t’i njohur me synimet e degës së Vatrës në Queens. Po ashtu do të vendosen lidhje me shoqatat e tjera që funksionojnë në këtë zonë.

Gjatë takimit u diskutuan probelemet e ditës dhe ato të së ardhmes për trajtimin e cështjes Kombëtare nga Vatra.

 

Vritet me armë zjarri një pjesëtar i EULEX-it ne komunen e Zvecanit, Kosove

by

*KFOR dhe Rasmussen dënojne vrasjen e pjesëtarit të EULEX-it/

* Zyrtari i vrare ishte shtetas Lituanez/

Një zyrtar i EULEX-it ka humbur jetën si pasojë e një sulmi me armë zjarri në rajonin e komunës së Zveçanit, kanë konfirmuar zyrtarë të EULEX-it.

Zëdhënësja e misionit evropian për sundimin e ligjit, Irina Gudeleviq, ka konfirmuar  për Radion Evropa e Lirë, se incidenti ka ndodhur në rajonin e Zveçanit dhe si pasojë një person ka humbur jetën.

“Sot në mëngjes, rreth orës 07:30, dy vetura të EULEX-it që i bartnin gjashtë pjesëtarë të tij për të bërë ndërrimin e rregullt në Portën 1 janë qëlluar me armë nga persona të panjohur në afërsi të Komunës së Zveçanit.  Si pasojë e këtij incidenti ka vdekur një pjesëtar i EULEX-it.  Task Forca në Mitrovicë është aktivizuar menjëherë dhe hetimet për këtë vrasje janë duke vazhduar.  Zona përreth është bllokuar. Me këtë rast do të bëhet çmos për t’i sjellë kryerësit e kësaj vepre përpara drejtësisë”, tha Gudeleviq.

EULEX-i e ka dënuar fuqishëm këtë akt të dhunës kundër pjesëtarëve të EULEX-it. Ky mision, po ashtu, i ka bërë thirrje komunitetit lokal dhe kujtdo që mund të ketë qenë dëshmitarë, apo që dinë ndonjë gjë lidhur me këtë incident, që të informojnë organet kompetente.

Edhe komandanti i Policisë në jug të Mitrovicës, Ergin Mediq, ka konfirmuar për Radion Evropa e Lirë, se një automjet i EULEX-it në të cilin kanë qenë tre persona, është sulmuar me armë zjarri.

Ai ka thënë se deri më tash nuk dihet se nga ka ardhur sulmi.

“Rreth orës 7:30 të mëngjesit, një makinë e EULEX-it, e cila ka qenë në rrugën magjistrale Prishtinë-Leposaviq, te fshati Ballaban, komuna e Zveçanit, është sulmuar nga persona të armatosur. Me këtë rast është plagosur rëndë doganieri A.S. nga Lituania, i cili është dërguar menjëherë në spital në veri të Mitrovicës, ku ka ndërruar jetë. Në makinë kanë qenë edhe dy pjesëtarë të EULEX-it. Ata dy nuk janë plagosur”, ka thënë Mediq.

Pas incidentit në Zveçan në veri të Kosovës, që rezultoi me vdekjen e një pjesëtari të EULEX-it, shefi i këtij misoni, Bernd Borchardt dhe shefi i Zyrës së BE-së, Samuel Zbogar, u janë drejtuar mediave.

Rasmussen dënon vrasjen e pjesëtarit të EULEX-it

Sekretari i përgjithshëm i NATO-s, Anders Fogh Rasmussen, ka dënuar sulmin ndaj EULEX-it, i cili ka çuar në vdekjen e një pjesëtari lituanez të misionit evropian.
“Shpreh ngushëllimet e mia të thella për familjen dhe të dashurit e pjesëtarit të ndjerë të EULEX-it, për të gjithë anëtarët e misionit të EULEX-it, si dhe për popullin dhe Qeverinë e Lituanisë. Të plagosurve u dëshiroj shërim të shpejtë”, ka thënë Rasmussen.
Në deklaratën dërguar mediave, Rasmussen po ashtu ka thënë se KFOR-i do të vazhdojë të ndërmarrë të gjitha masat e nevojshme për të përmbushur mandatin e tij: për të kontribuar për një mjedis të qetë dhe të sigurt dhe për lirinë e lëvizjes në Kosovë.

KFOR-i dënon sulmin ndaj EULEX-it

Misioni paqeruajtës i NATO-s në Kosovë (KFOR) ka dënuar fuqishëm sulmin kundër patrullës së EULEX-it, i cili ka lënë një doganier lituanez të vrarë.
Komandanti i KFOR-it, Salvatore Farina, ka shprehur ngushëllimet e tij për familjen e të ndjerit.
KFOR-i po ashtu ka thënë se vazhdon të mbështesë zhvillimin e një Kosove të qëndrueshme, demokratike dhe shumetnike.

Vdekja e doganierit – “lajm i trishtuar për Lituaninë”

Ministri i Jashtëm lituanez, Linas Linkevicius, ka shprehur keqardhje për vrasjen e pjesëtarit të EULEX-it në rajonin e Zveçanit.
Doganieri me inicialet A.S. ka qenë shtetas i Lituanisë.
“Lajm i trishtuar ka goditur Lituaninë këtë mëngjes – vdekja e shtetasit tonë, i cili ka shërbyer në misionin e EULEX-it në Kosovë”, ka shkruar Linkevicius në Twitter.

 

 

 

 

 

 

Lulzim Basha: PD, promotore e integrimit, por Rama të kthehet nga Brukseli me mend në kokë

by

Të heqë dorë nga urrejtja ndaj opozitës/

TIRANE- Kreu i PD-se, Lulzim Basha, duke garantuar Brukselin dhe qytetaret se forca qe drejton nuk do te jete kurre pengese per integrimin e vendit,  i ka bere apel kryeministrit Edi Rama te  kthehet me mend ne koke dhe te heqe dore nga urrejtja ndaj opozites.

Ne nje deklarate per mediat, Basha ka theksuar se PD ka qene e do te vazhdoje te jete promotore e integrimit dhe do votojë cdo ligj e akt qe lidhet me te.

“Sot PD kërkon nga Rama që ta lexojë drejt e të reflektojë pa humbur kohë mesazhin për fatin e vendit në be dhe rolin përbashkues që Tirana zyrtare duhet të luajë në marrëdhëniet me fqinjët në Kosovë, Maqedoni, si një këshillë ndihmuese dhe qortuese për startin plot qëndrime përcarëse dhe konfliktuale në detyrën e tij si KM”- tha Basha.

Në vijim deklarata e plotë e Kryetarit të Partisë Demokratike Lulzim Basha

Kryeministri Rama mori në Bruksel, mesazhin e qartë për të bashkëpunuar ngushtë me opozitën e vendit të tij.

Në emër të Partisë Demokratike dua të falenderoj miqtë dhe partnerët e Shqipërisë në Bashkimin Europian për këtë mesazh kuptimplotë dhe për vendosmërinë e tyre konstante në mbështetje të aspiratave europiane të popullit shqiptar.

Me këtë rast dua të siguroj përfaqësuesit më të lartë të Bashkimit Europian në Bruksel, sikurse kemi siguruar qytetarët dhe Kuvendin e Shqipërisë këto ditë, se opozita e re shqiptare nuk do të jetë në asnjë moment pengesa dhe problemi i integrimit të vendit në BE, se do të jemi promotorë, siç kemi qenë në qeveri, se do të votojmë çdo ligj dhe akt shkon në përmbushje të kritereve të integrimit.

Ndërkaq sot, Partia Demokratike kërkon nga zoti Rama që ai ta lexojë drejt  dhe të  reflektojë pa humbur kohë  rreth  këtij mesazhi thelbësor për fatin e  integrimit të  Shqipërisë  në Europë  dhe për rolin përbashkues që duhet të luajë Tirana zyrtare në  marrëdhëniet me faktoret politikë shqiptarë në Kosovë, Maqedoni  dhe në trevat e tjera.

Ta lexojë jo si një mesazh rutinë por para së gjithash si një këshillë ndihmuese dhe qortuese për startin plot qëndrime përçarëse e konfliktuale të zotit Rama në detyrën e  tij si kryetar i këshillit të Ministrave.

Zoti Rama i shpalli luftë opozitës në daljen e tij të parë në foltoren e Kuvendit, duke provokuar largimin e  saj nga seanca.

Një ditë më pas provokoi braktisjen e Kuvendit të Kosovës nga opozita e Kosovës me qëndrimet e tij ideologjike përçarëse të stampës së vjetër ndaj figurës së ndritur të arkitektit të pavarësisë së Kosovës, Presidentit Ibrahim Rugova.

Në harkun e njëzet e katër orëve provokoi braktisje nga dy opozita kombëtare, një rekord që nuk e ka asnjë kryeministër.

Në vend që të nxirrte mësime përgjatë debatit parlamentar, zoti Rama e thelloi më tej luftëshpalljen ndaj opozitës me deklaratën e tij paprecedent se opozita nuk ka parë akoma se ç’është dhuna, deklaratë nga e cila nuk është tërhequr ende.Në vrapin e tij drejt godinës së qeverisë, akoma pa u tharë boja e firmës së betimit para Presidentit të Republikës, nxitoi të hiqte portretin e tij në shkelje flagrante dhe përçarëse të Kushtetutës, etikës, dhe bonsensit.

Kjo nuk është rruga për të shkuar në Europë.

Shqiptarët nuk harrojnë se Edi Rama bllokoi integrimin e vendit si opozitar kundër qeverisë.

Me veprimet konfliktuale dhe përçarëse që po kryen ai po rrezikon të bllokojë  përsëri, kësaj radhe si qeveritar kundër opozitës.