Kronike – Page 500 – Dielli

Kisha e Përmetit, konsulli grek takon kryetarin e bashkise Jaçe

August 23, 2013 by dgreca

*Konsulli Grek: Kisha Autoqefale e Shqipërisë është institucion më vete por se shqetësimi i Athinë kishte të bënte me mënyrën si u bë zbatimi i vendimit “Takimi është në kuadrin e përpjekjeve që bëjnë të dyja palët për dialog për një zgjidhje sa më optimale. Ashtu siç e kam sqaruar edhe herë të tjera, sepse kemi marrëdhënie miqësore ndërmjet nesh, Greqia por edhe selitë diplomatike të Greqisë në Shqipëri duan të ndërtojnë marrëdhënie të mira./

Kryetari i Bashkise: “Eshtë zbatuar vendimi i gjyqësorit. Pallati i kulturës “Naim Frashëri” është pronë e qytetarëve. Ky objekt ruan historinë, traditat dhe vlerat më të mira të këtij qytetit dhe do t’ua trashëgojmë pasardhësve”./

PERMET- Konsulli i përgjithshëm i Greqisë në Gjirokastër ishte sot paradite në bashkinë e Përmetit për të zhvilluar një takim me kryebashkiakun e Përmetit, Gilbert Jaçe.

Takimi ishte kërkuar nga vetë konsulli grek, Nikolaos Kotrokois, për të përcjellë qëndrimin e Greqisë në lidhje me Kishën e Përmetit.
Gjatë fjalës së tij konsulli grek kërkoi të nënvizonte se Greqia si vend mik dhe fqinj i Shqipërisë dëshirojnë marrëdhënie të mira, se Kisha Autoqefale e Shqipërisë është institucion më vete por se shqetësimi i Athinë kishte të bënte me mënyrën si u bë zbatimi i vendimit “Takimi është në kuadrin e përpjekjeve që bëjnë të dyja palët për dialog për një zgjidhje sa më optimale. Ashtu siç e kam sqaruar edhe herë të tjera, sepse kemi marrëdhënie miqësore ndërmjet nesh, Greqia por edhe selitë diplomatike të Greqisë në Shqipëri duan të ndërtojnë marrëdhënie të mira. Jemi dy vende fqinj, e dy popuj miq, dhe jemi të detyruar të kemi marrëdhënie të mira ndërmjet nesh. (qesh) Në këtë kuadër dhe përpjekjeve që bëhen për zgjerimin e marrëdhënieve dy palëshe problemet duhet të kalojnë përmes dialogut, mirëkuptimit reciprok. Dhe më kryesorja të veprojmë paraprakisht të mos krijojmë situata të vështira.
Ne si Greqi mbështesim integrimin europian të Shqipërisë dhe e dini mirë ju zoti kryetar i bashkisë përpjekjet që ka bërë Greqia për integrimin e vendeve të Ballkanit. Dua të shpjegoj pikë së pari se Kisha Autoqefale e Shqipërisë është institucion më vete. Shqetësimet tona kanë të bëjnë me mënyrën si u bë zbatimi i vendimit edhe përzgjedhjen e kohës dhe momentit të ekzekutimit të vendimit . Mënyra, koha dhe vendi i ndërhyrjes në Pallatin e Kulturës ishte jo i përshtatshëm”- i tha konsulli grek kryebashkiakut në bisedën e cila u mbajt në prani të gazetarëve
Nga ana e tij kryebashkiaku ka deklaruar se takimi ishte informues dhe larg tensioneve të ditëve të fundit. Gjithashtu i ka bërë të qartë se godina i përket bashkisë
“Eshtë zbatuar vendimi i gjyqësorit. Pallati i kulturës “Naim Frashëri” është pronë e qytetarëve. Ky objekt ruan historinë, traditat dhe vlerat më të mira të këtij qytetit dhe do t’ua trashëgojmë pasardhësve”, theksoi Jaçe.
Korrespondenti ynë Piro Nase informon se fillimisht para se të hynte në bashki, konsulli grek ka shkuar për të parë nga prapa godinën e Pallatit të Kulturës. Më pas pas bisedës në prani të gazetarëve ata janë zhvendosur nga bashkia për të pirë një kafe në lokalin përpara bashkisë.

JANULLATOS- JAÇE
Konflikti në qytetin e Përmetit erdhi pas ekzekutimit të vendimit të Gjykatës për të liruar Pallatin e Kulturës “Naim Frashëri” pasi godina do i kalonte Bashkisë së qytetit. Dje, kryepeshkopi Anastas Janullatosi ka shpërndarë një video në yotube kundër nxjerrjes së kishës jashtë duke shigjetuar bashkinë për keqpërdorje,

Në gjuhën greke,Janullatosi ka hedhur akuza se janë paguar njerëz që të vinin në pikëpyetje se kjo kishte qenë dikur një kishë. Ndërsa Gilbert Jaçe i ka kthyer përgjigje në rrjetin social facebook se objekti do të përdoret për hapësira kulturore.

“Jo hirësia juaj! Pallati i Kulturës “Naim Frashëri” pronë e qytetare i nevojitet të gjithë popullit të Përmetit dhe Shqipërisë për hapësirë kulturore. Për të ruajtur historinë, traditat dhe vlerat me te mira te ketij qyteti dhe per tua trasheguar ato pasardhesve!”.
Konflikti për Kishën e Përmetit shkaktoi dhe bllokim të kufirit Shqipëri- Greqi për gati 3 orë.

HISTORIKU I PALLATIT TE KULTURES
Pallati i Kulturës “Naim Frashëri” ka heshtur së funksionuari në vitin 1997, falë një vendimi të Komisionit të Pronave të rrethit të Përmetit. Objekti dykatësh u ndërtua 51 vjet më parë, në vitin 1962. Pas Luftës së Dytë Botërore, në truallin ky është ngritur Pallati i Kulturës dhe lulishtja e qytetit, jetonin në baraka 30 familje. Në vitin 1958 ato u shpërngulën, pasi sistemi komunist hartoi një plan rregullues. Në nëntor të vitit 1962 u inaugurua lulishtja e qytetit sëbashku me Pallatin e Kulturës. Gjykata Kushtetuese në vitin 2002 ka vendosur në favor të pushtetit vendor, por prej 11 vitesh ky objekt u mbajt forcërisht nga Kisha Ortodokse. Pallati i Kulturës, me sipërfaqe 6000 metra katrorë, figuron me nr. pasurie 16/9, ndërsa Zyra e Përmbarimit ka tentuar 15 herë të ekzekutojë vendimin e Gjykatës Kushtetuese, por asnjëherë nuk është realizuar.
– See more at: http://www.shqiptarja.com/home/1/kisha-konsulli-grek-menyra-e-nderhyrjes-jo-e-pershtatshme-173149.html#sthash.2ZJEsyyX.dpuf

(kortezi:Shqiptarja.com)

U dogj Kisha Shqiptare e Shën Janit në West Broadway, Boston

August 21, 2013 by dgreca

Ishte një betejë e vështirë që zjarrfikësit zhvilluan me flakët, por qe fare e pamundur që të shpëtohej Kisha e ndërtua me kontribute të komunitet më 1930. Në përleshje me flakët ëshët raportuar se janë plagosur gjashtë zjarrfikës.

Zjarrfikësit e Bostonit kanë luftuar me flakët që përfshinë një kishë ortodokse shqiptare në jug të qytetit. Shtëllungat e tymit që dilnin nga kisha mund të shiheshin deri në disa kilometra larg.
Pas betejës me zjarrin brenda ndërtesës, zjarrfikësit janë detyruar të dalin prej saj për shkak se tavani rrezikonte të shembej e shumë shpejt pasi kjo ndodhi vërtet, u rrëzuan edhe disa pjesë të brendshme të saj.
Zyrtarë të departamentit të zjarrfikësve u thanë gazetarëve në vendngjarje se flakët, me të gjitha gjasat, kanë nisur nga altari i kishës. Nuk dihet me siguri nëse shkak i tyre është bërë ndonjë qiri. Mbi arsyet e incidentit pritet të hedhë dritë hetimi i nisur nga autoritetet.
Mes zjarrfikësve ka pasur disa të lënduar lehtë, por nuk ka raporte për dëmtim të civilëve. Alarmi i zjarrit ka rënë 5 herë. Herën e fundit, për të kërkuar më shumë përforcime në ndihmë të zjarrfikësve të stërmunduar nga beteja e zgjatur me flakët, por edhe vapa e madhe.
Përfaqësuesit e kishës e përjashtojnë mundësinë e nisjes së flakëve nga qirinjtë e ndezur. Sipas tyre, qirinjtë ishin larguar nga pjesa e altarit pas meshës së të dielës ku morën pjesë rreth 150 vetë dhe atëhere askush nuk kishte hyrë më në godinë përveç rojes.
Ndërtesa është përdorur nga konkregacione prej 200 apo 300 vetësh që në vitin 1930, por si strukturë daton përpara kësaj date.

PRIFTI I PERMETIT: KISHA(PALLATI) DO TE MBROHET ME CDO KUSHT

August 21, 2013 by dgreca

Priftërinjtë ortodoksë nuk tërhiqen, meshë në oborrin e Pallatit të Kulturës/

Perfaqesues te kishes ortodokse ne Permet kane zhvilluar meshen e rradhes gjate paradites se sotme(e merkure 21 gusht) e cila eshte zhvilluar ne trotuarin perballe hyrjes se godines aq te perfolur gjate diteve te fundit. Dhjetera besimtare kane marre pjesen ne meshen zhvilluar nga prifti i kesaj kishe, i cili ne perfundim te saj u eshte drejtuar besimtareve se godina ku ndodhej kisha, sot Pallat i Kultures do te mbrohet me çdo lloj mjeti dhe çdo lloj forme.

Ceremonia e meshes u zhvillua nen mbikqyrjen e uniformave blu, te cilat prej 5 ditesh jane instaluar rreth kesaj godine qe eshte kthyer ne molle sherri prej 16 vitesh mes Bashkise se Permetit dhe kishes ortodokse. Thirrjet e leshura nga prifti i kishes paralamerojne se situata ne Permet do te vazhdoje te mbetet problematike dhe me sa duket kisha ortodkse nuk ka ndermend te leshoje pe dhe te zbatoje vendimin e formes se prere nga gjykata qe urdheroi lirimin e ambjentit.

Mbi ngjarjet qe jane duke ndodhur ne Permet ka ardhur edhe reagimi i instancave me te larta te kishes ortodokse ne Greqi si dhe njekohesisht qendrimi i Athines zyrtare, te cilet kerkojne rikthimin e kishes brenda ambjenteve te kesaj godine qe pretendohet se ka qene truall i komunitetit ortodoks.

REAGON BASHA: Mbledhja me dyer të mbyllura për të fshehur planet e errëta të Ramës

August 21, 2013 by dgreca

Kreu i Partisë Demokratike, Lulzim Basha, me anë të një publikimi në faqen e tij zyrtare në “Facebook”, ka akuzuar sot kryeministrin e zgjedhur, Edi Rama për mostransparencë, duke ju referuar mbledhjes së qeverisë që Rama ka mbajtur sot në qytetin bregdetar të Vlorës.

Sipas kreut të demokratëve, arsyet e vërteta të kësaj mbledhje janë ndarja e tortës së pushtetit si dhe caktimi i linjave të përfitimit për Ramën dhe aleatët e tij.

Basha u shpreh ndër të tjera se zhvillimi i mbledhjes me dyer të mbyllura bëhet për tu fshehur qytetarëve planet e errëta të Ramës.

MBLEDHJA E QEVERISE RAMA NE VLORE, MUNGUAN MINISTRAT E LSI

August 21, 2013 by dgreca

Shumë i mbresuar pozitivisht nga puna përgatitore, paraqitja e planeve të ministrave dhe diskutimi i ideve në grup.”Kështu shkruan Rama në faqen e tij e tij zyrtare në rrjetin social “Facebook” dhe “Twitter”, pas përfundimit të mbledhjes me anëtarët e kabinetit të tij në Vlorë.Pas 10 ditësh reflektimi që u ka lënë në dispozicion Ministrave të tij, shefi i ri i maxhorancës Edi Rama ka zhvilluar sot në orën 15:00 mbledhjen e parë me të gjithë kabinetin e tij, vetëm pak metra larg dallgëve të detit, në plazhin e vjetër të Vlorës ku ka nisur dhe aksioni për prishjen e ndërtimeve pa leje.E fiksuar në pasditen e 21 gushtit në një nga hotelet e qytetit bregdetar, mbledhja e Kryeministrit të ardhshëm dhe Ministrave të PS dhe LSI do të zgjasë 2 ditë, por deri më tani dhe për vetë kabinetin, detajet e mbledhjes janë të pakta.

Burime të “Ora News” thanë se në qendër të mbledhjes do jetë programi i ri qeverisës PS-LSI, ku secili nga anëtarët e kabinetit do të njihet me shtyllat emergjente që do vihen në zbatim me marrjen në dorëzim të qeverisë. Edhe vetë shefi i së majtës, Edi Rama, e ka komentuar takimin dy ditor në rrjetin social “Facebook” dhe “Twitter”, ku shkruan:“Vlorë. Takim dy ditor i qeverisë së re. Reforma rrënjësore, shpirt skuadre, qytetari europiane në komunikim. Kurajo integritet transparencë”.Data 20 Gusht, ishte përcaktuar si kohë e lënë në dispozicion të Ministrave të përzgjedhur, për të hartuar programin specifik të 100 ditëve të para të ekzekutivit të majtë dhe mësohet se gjatë këtyre ditëve Ministrat kanë hartuar projektin e diskastereve që do drejtojnë. Në këtë pikë, rëndësi të veçantë marrin ndarjet e strukturave.Temë e nxehtë e mbledhjes duket se do jenë edhe punësimet në administratë, pasi Edi Rama ka këmbëngulur se rekrutimi i punonjësve në administratë të kryhet vetëm përmes konkurseve të forta.

Në mbledhjen e parë të Kryeministrit të ardhshëm me Ministrat e rinj, jashtë diskutimeve nuk do të ngelet as kodi etik i Ministrave, i cili tashmë duket se është finalizuar dhe që siç ka premtuar kryesocialisti bazohet në modelet më të shkëlqyera të mirëqeverisjes demokratike.Ky është takimi i parë i kryeministrit të zgjedhur, Edi Rama, me të gjithë anëtarët e kabinetit. Një ditë pasi publikoi emrat e rinj të qeverisë, ai priti në selinë rozë për afro 1 orë Ministrat e rinj, por munguan ministrat e LSI.