Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

SHBA: Lirohen nga burgu i emigracionit më shumë se 2.000 emigrantë pa dokumentet

by

Shtëpia e Bardhë thotë se lirimi i të burgosurve të emigracionit ka filluar qysh dy javët e fundit, të muajit shkrut, për shkak të shkurtimeve të planifikuara buxhetore dhe kostos së lart, Ndërkohë, axhensitë kombëtare të lajmeve në SHBA, njoftuan sot se më shumë se 3.000 të burgosur të tjerë të çështjeve të emigrimit, pritet të lirohen gjatë muajit mars – prill./

Nga BEQIR SINA, New York/

UASHINGTON D.C.: – Departamenti i Homeland Security thotë se ka për të liruar nga burgjet e saj më shumë se 2000 të burgosur, emigrantë pa dokumenta – të cilët ballafaqohet me një procedurë të gjatë të deportimit për në vendet e tyre. Këtë lajmë e ka konfirmuar dje edhe Shtëpia e Bardhë ku thuhet se lirimi i të burgosurve të emigracionit ka filluar qysh javët e fundit, për shkak të shkurtimeve të planifikuara buxhetore dhe kostos së lart, Ndërkohë, axhensitë kombëtare të lajmeve në SHBA, njoftuan sot se më shumë se 3.000 të burgosur të tjerë të çështjeve të emigrimit do të lirohen gjatë muajit mars – prill.
Shifrat e publikuara rishtazi, cituar në dokumentet buxhetore të brendshme shqyrtuara nga ana e The Associated Press , janë dukshëm më të larta se “disa qindra” emigrantë pa dokumenta që administrata Obama pranoi këtë javë se i kishte nën procesin e buxhetit të kursimeve.
Dokumentet e qeverisë amerikane tregojnë se Zyra e Imigrimeve dhe Doganave ka lën të lirë afërsisht 1.000 emigrantë pa dokumenta nga burgjet e saj rreth në SHBA – për çdo javë prej të paktën mbas 15 Shkurtit. Zyrat e agjencisë rajonale kanë raportuar më shumë se 2.000 emigrantë të burgosur janë lëshuar mbas kritikave intensive, dhe këtë javë çoi në një mbyllje të përkohshme të planit të lirimit të tyre, sipas dokumenteve të përgatitura nga qeveria amerikane.
Shtetet ku emigrantë u liruan përfshijë burgjet e emigracionit në territorin e shteteve federale ; Arizonën, California, Gjeorgjinë dhe Teksas.
Shtëpia e Bardhë ka thënë se nuk ishte konsultuar rreth lirimeve dhe Sekretarja e Sigurisë Kombëtare Janet Napolitano gjithashtu ka pranuar se ato kanë ndodhur në një mënyrë që të gjendet një zgjidhje. Zëdhënësi i Shtëpisë së Bardhë Jay Carney tha të mërkurën se qeveria kishte liruar “disa qindra” emigrantë nga afërsisht 30,000 emigrantë që janë pa dokumente, dhe që mbahen në paraburgim në pritje të procedurave federale dëbimit nga SHBA. Carney, tha se emigrantët që ishin liruar ishin nga ata që rezultonin “me rrezikshmëri të ulët, që nuk kan pasur probleme me policinë, dhe shtetin dhe nuk kan kryer akte kriminale”, dhe vendimi për dëbimin e tyre është marrë nga zyrtarët e ICE e jo nga gjyatat e krimeve.
Që nga java e kaluar, Zyra e Kufirit dhe Doganave “U.S. Immigration and Customs Enforcement” ICE, thotë se ka një popullsi mesatare ditore, në qendra e burgimit dhe të paraburgimit prej 30.733 emigrantë pa dokumenta. Administrata e Obamës në dokumentet buxheti shtetror për vitin 2013 tregonë se kjo administratë ka për qëllim të zvogëlojë popullimin e këtyre burgjeve me shkurtimin e buxhetiti afërsisht me 25.748 të burgosur të mbajtur për dëbim deri më 31 mars.
Zëdhënësi ICE Brian Hale tha të premten se numri i ndaluarve të imigracionit luhaten çdo ditë, por ai përsëriti se vetëm këto javët e fundit disa qindra emigrantë pa dokumenta ishin liruar. “Përtej kësaj lëvizje normale, dhe pasiguria fiskale mbetet mbi zgjidhjen e vazhdueshme dhe sekuestrimit të mundshme, ICE është duke shqyrtuar popullsinë ndaluar për të siguruar nivelet e paraburgimit të qëndrojnë brenda buxhetit aktual dhe për të vendosur disa qindra individëve në metodat e mbikëqyrjes pak më të kushtueshme se sa në paraburgim,” tha Hale në një deklaratë.

Ai shtoi se Emigrantët që janë lëshuar ende do të përballen me dëbimin – deportimin dhe janë të nevojshme të paraqiten për në seancat gjyqësore të ardhshme. Por, ata nuk janë më të izoluar në burgjet e emigracionit, ku ekspertët e avokimit thonë se qeverisë amerikane per çdo person 24 orë i kushtojnë rreth 164 dollar në ditë.

Emigrantëve pa dokumenta që u është dhënë e drejta e qëndrimit me lirimin e mbikqyrur – janë liruar me kushtet që mund të përfshijnë thirrjet e detyrueshme në zyrat e emigracionit, vizita në shtëpi nga zyrtarët e emigracionit dhe pajisje GPS – që do të i kushtojnë qeverisë amerikane tash jo më shumë se nga 30 cent deri në 14 dollar në ditë, në bazë të përllogaritjeve që ka bërë Forumi i Imigracionit Kombëtar, një grup që mbron në emër të emigrantëve të paligjëshëm.
Lirimi i mijëra të burgosurve nga burgjet e emigracionit është bërë në përputhje me paralajmërimet e hershme, tha Napolitano të hënën – para se dikush të dinte publikisht se çdo emigrantë pa dokumenta ishte liruar – në pritje, me shkurtimet automatike buxhetore që do të kufizojnë aftësinë e qeverisë për të mbajtur një numër të mjaftueshm të paraburgimit shtretër për të paktën 34.000 emigrantë.
Njoftimi se disa qindra emigrantë pa dokumenta janë duke u liruan ishte ndër ndërlikimet më të rëndësishme dhe të drejtpërdrejtë të përshkruara nga shkurtimet buxhetore automatike. Republikanët në Kongres shpejt e kan kritikuar vendimin e Administratës Obama dhe të Departamentit të Sigurisë Kombëtare, duke kërkuar sipas tyre më shumë detaje, duke përfshirë edhe numrin e emigrantëve pa dokumente të lëshuara dhe natyrën e çdo akuza penale që u ndesh si pjesë e procesit të dëbimit.
Republikanët në Kongres thanë se kjo nuk duhet parë, “thjesht duke fajësuar reduktimet buxhetore si një mjet për të “bërë një sy qorr” ndaj sigurisë kombëtare të popullit amerikan, mbasi sipas tyre ky është një plan i rrezikshëm, dhe që vë në pikëpyetje përgatitjet e departamentit për dëbimet e të paligjshmeve,” shkruan në një letër dy ligjvënësve republikanë, senatori Charles Grassley i Iowas dhe kongresisti Bob Gudlejt e Virxhinias, kryetar i Komitetit Gjyqësor në Dhomën e Përfaqësueseve.

REAGIM NGA AMERIKA PËR RRAHJET E NXËNËSVE SHQIPTARË NGA NJERËZ ME MASKA NË DITËN ETNISË SLLAVO-MAQEDONASE

by

Programi Unik Shqiptar-PUSH me qendër në SHBA, reagon ndaj rasteve të rrahjeve ditëve të fundit ndaj nxënësve shqiptar nga njerëz me maska të etnisë sllavo-maqedonase. Sulmet e tilla me prapavija politike, fetare dhe etnike e çojnë shoqërinë multietnike në Maqedoni drejtë urrejtjes së thellë. Ne mendojmë se këto veprime të huliganëve nazistë sllavo-maqedonas kanë përkrahjen edhe të klasës politike, ndoshta edhe të pjesëtarëve të policisë sepse është e pa pranueshme që në kryeqytetin e një shteti që pretendon të jetë anëtarë i NATO-s dhe BE-s të mos zbulohen grupet terroriste të etnisë sllave-maqedonase kur dhunohen fëmijët shqiptar. Me veprime të tilla nuk e çojnë shoqërinë multietnike drejtë bashkëjetesës, por drejtë ndarjeve dhe humnerës. Republika e Maqedonisë ka një siguri dhe demokraci të brishtë e cila me veprime të tilla të pazbuluara mund të shpërthej në një konflikt mbarë qytetar me prapavija etnike dhe fetare. Prandaj, ne i bëjmë thirrje qeverisë, partive politike, ambasadave të huaja që të reagojnë sa më shpejtë në kohë me qëllim që veprime të tilla të izolohen që në embrion dhe të mos zgjerohen. PUSH, deklaron se kemi të bëjmë me grupe naziste sllavo-maqedonase të tipit të Agimit të Artë që vepron dhunshëm ndaj emigrantëve të huaj në Greqi. Kemi frik se këto veprime të dhunës nga njerëz me maska që kanë ndodhur në Shkup janë të koordinuara me grupet naziste që veprojnë në Greqi.

I tërheqim vërejtje Institucioneve të Republikës së Shqipërisë që në bazë të Kushtetutës së saj, Neni nr.8 të mbrojë të drejtat e shqiptarëve në Maqedoni dhe të reagojë fuqishëm ndaj dhunimit që po i bëhet vogëlushëve shqiptar nga forcat e errëta sllavo-maqedonase të dirigjuara nga partitë politike sllave për të përfituar pikë gjatë zgjedhjeve vendore që do të mbahen më 24 Mars në Maqedoni. Republika e Shqipërisë duhet të reagojë për dhunimin dhe djegien e flamurit kombëtar dhe shtetëror. Partitë politike shqiptare në Maqedoni të mos heshtin, por ta ngrenë zërin për mbrojtjen e vlerave kombëtare.

Shqiptarët nuk duhet të lejojnë që flamuri ynë, gjaku dhe fëmijët tanë të bëhen viktima të epsheve të grupeve mafioze, politike dhe fetare të sllavo-maqedonasve për të realizuar projektet e tyre në dëm të kombit shqiptar.

Kryetari

Emin Eddie EGRIU

Programi Unik Shqiptar

SHBA, 01.03.2013

PËR DITËN E PAVARËSISË SË KOSOVËS, WATERBURY- KRYETAR NDERI PËR BASHKINË, NJË SHQIPTAR I KOSOVËS

by

Ngritja e Flamurit të Kosovës në shtizën e lart para Bashkisë së qytetit Waterbury, u krye nga Konsulli i Përgjithshëm i Kosovës në Nju Jork, Ambasadori Bekim Sejdiu/

Beqir Sina, New York/
WATERBURY CT – Më 25 shkurt 2013, komuniteti shqiptaro-amerikan festoi me të gjitha solemnitet zyrtare, pavarësinë e Kosovës. Për të nderuar pavarësinë e Kosovës, zyra e Kryetarit të Bashkisë së qytetit Waterbury, në Connecticut – Konektikët, i dorzojë titullin e nderit “Kryetar Bashkie për këtë ditë” – një gjeneral brigade në pension, Eddi Zyko, i cili është shqiptarë nga Korça – dhe familja e tij emigroi në SHBA, njëqind vjet më parë.
Komuniteti shqiptar i Waterbury, është dominuar nga shqiptarët që kan emigruar nga Shqipëria, Mali i Zi, Luginën e Preshevës dhe nga Maqedonia dhe të Kosovës. Ata përbëjnë me 17 .000 shqiptarë rreth 15 për qind të popullsisë, së këtij qyteti të vogël të shtetit federal Connecticut , i cili ka 112.000 banorë. (Pra, shqiptarët, tash përfaqësojnë më shumë se 15 për qind të popullsisë, së këtij qyteti të vogël të shtetit federal Connecticut . Sipas Census 2010 vlerësohet se Waterbury ka 25.476 italianë, 23.354 hispanikët,19.400 afrikano-amerikanët, ka rreth 17.000 shqiptarë dhe 12.514 irlandezë në Waterbury. )

Ky komunitet i kushton një rëndësi të veçantë të gjitha festave dhe ngjarjeve tona kombëtare

Ashtu si e kan traditë për të festuar pavarësinë e Shqipërisë, për 100 vjet, tash pesë vjetë e fundit ky komunitet po nderon edhe feston me të njëjtin solemnitet pavarësinë e Kosovës dhe kësaj rradhe ata u mblodhën për të festuar ditëlindjen e saj të pestë të shtetit më të ri.
Ajo që është bërë tashmë një traditë për qytetin e Waterbury, është se ky komunitet me zyrën e Bashkisë së qytetit, ka bërë këto pesë vjet edhe Kosovën me dorzimin e titullit të nderit “Kryetari i Ditës” një individi nga bashkësia e tij, ndër shumëllojshmërinë etnike të këtij qyteti, i dalluar nga tradita dhe tolerancën ebashkëjetesn fetare, racore e gjinore në këtë qytet.
Shqiptarët, në Waterbury pavarësisht nëse ata vijnë nga Shqipëria, Maqedonia, Kosova, Mali i Zi apo Luginën e Preshevës, Çamëria, ata e konsiderojnë njëri-tjetrin si vëllezër, flasin të njëjtën gjuhë, kanë të njëtat traditat dhe janë të gjakut të njëjtë.
Një veprimtare e këtij komuniteti Mimoza Rizvani, thotë ” në qytetin Waterbury të Connecticut – SHBA, ditën e hënë 25 shkurt u zhvillua një ceremoni vërtet e bukur dhe që do të mbetet gjatë në mëndjen e komunitetit shqiptarë me rastin e 5 – Vjetorit të Pavarësisë së Kosovës.”
Ajo thotë se Shqiptaro – Amerikani, Gjeneral Brigade në pension Edi Zykaj, një ushtarak kariere në Forcat e Armatosuara të ushtrisë amerikane, i cili ku ka patur një karierë të shkëlqyer duke shërbyer në ushtrinë Amerikane, dhe duke merituar gradën gjeneral brigade, ndërkohë që tash është jurist dhe general në reservë për ushtrinë Amerikane, u paraqitë në ceremoninë e rastit në Bashkinë e qytetit të Waterbury me uniformen e gjeneralit .…

“Kjo ishte shumë kuptimplote, shtoi znj. Rizavani, për të nderuar shqiptarët e Amerikës, për kontributin që ata dhanë me dekada për Shqipërinë, Kosovën edhe për të respektuar Shtetet e Bashkuara të Amerikës, dhe ushtrinë e saj dhe presidentët e saj në rolin vendimtar për lirinë dhe pavarësinë e Kosovës .
Kurse, shprehja e tij në fjalën e përshëndetjes, gjatë marrjes së titullit të nderit “Mayor of the Day” se ; “Kam lindur në Amerikë, jam nga Korça por ndjehem si shqiptarë nga Prishtina, Shkupi, Ulqini, Tirana e Çamëria ” ishte dhe mbetet simbol i asaj se ne shqiptarët kudo ndjehemi si vëllezër të të njëtit gjak, pavaresisht se nga jemi apo nga kan ardhur dhe ku jetojmë”.
Solemnitetin e pesë vjetorit të pavarësisë së Kosovës e bënë edhe më të bukur dhe për t’u mbajtur mend gjatë edhe pjesmarrja e dy përfaqësuesve të kongresit të Connecticut, Viktor Cuevas dhe Llarry Butler, sikurse morën pjesë edhe përfaqësues të pushtetit vendor në Waterbury me në krye Majorin e qytetit zotin Neil O’Leary.
Në këtë ceremoni të rëndësishme morën pjesë përfaqësuesit e shtetit të Kosovës me në krye Ambasadorin Bekim Sejdiu Konsullin e Përgjithshëm të Kosovës në New York, konsullin e Kosovës z. Fatmir Zajmi dhe përfaqësues të shoqatave të ndryshme shqipëtare nga komuniteti i New Yorkut, New Jersey dhe Connecticut .

Ambasadori Bekim Sejdiu, mbajti fjalën kryesore duke u shprehur se “unë ndjehem dhe jam sot ambassador në mes të ambasadoreve ”
Më tej ai i bëri gjatë fjalës së tij një vlerësim të posaçëm komunitetit shqiptarë, në Amerikë, për gjithë atë kontributin e madh që shqiptarët kan bërë dhe japin në komunitet duke ruajtuar dhe zhvilluar vlerat më të mira të popullit shqiptarë, dhe ndihmuar vendlindjen tonë.
Në sallën qendrore të bashkisë së qytetit të Waterbury, artistët e komunitetit shqiptarë në Amerikë, të ftuar në këtë solemnitet sollën një atmosferë me të vërtet atdhedashurie dhe respekti për historin dhe luftën për liri e pavarësi në shekuj të shqiptarëve.
Ndërkaq, për të treguar integrimin e plotë të shqiptarve në jetën amerikane para zyrtarve të lart të qytetit dhe dhjetra pjesmarrsëve, Shefi e Departamentit të Matematikës në shkollën e mesme Crosby Highschool zoti. M. Beshi, solli në vëmendje të, të pranishmeve një shëmbull shumë të veçantë. Ai tha se “Nga rreth 1500 studentë ne Crosby Highschool, studentët shqiptar janë rreth 130 dhe nga 10 studentët më të mirë të shkollës 6 prej tyre jan shqiptar.” pohoi zoti Beshi.

Ceremoninë solmne me rastin e 5 – Vjetorit të Pavarësisë së Kosovës e përshëndeti me këtë rast dhe vet Kryetari i Bashkisë së qytetit Waterbury zoti O’Leary, i cili në fjalën e tij përshëndeti ngrohtesisht dhe vleresoi me nota maksimale integrimin dhe kontributin që jep komuniteti shqipëtar në Waterbury, duke shtuar se “Nuk është aspak sekret fakti – tha ai – se ndër 18,325 studentë që ka Waterbury në dhjetë më të mirëve gjashtë prej tyre sot janë shqiptar – Kjo tregon theksoi kreu i Bashkisë zoti O’Leary, se shqiptarët janë pjesë e rëndësishme e këtij qyteti dhe ne jemi krenare me ju shqiptarët”.
Programin e ceremonisë së kremtimit të pesëvjetorit të pavarësisë së Kosovës në sallën e Bashkisë së qytetit e shoqëroi edhe një program i pasur artistik. Recitimi i Yulias së vogël pesë vjeçare nga Kruja me thirmmën se ….” E dua Kosovën e dua Shqiperine e dua flamurin e dua fort Çamërinë ” ngjalli shumë mallë dhe atdhedashuri për vendin tonë, tha znj. Mimoza Rizvani.
Znj. Rizvani, na tha se ceremonin e përshëndetën edhe veprimtarët veteran të këtij komuniteti J. Kulla e M Gjini , si edhe pati presantimet e e bukura të Alvitrit , Dines dhe Faikut, duke patur si simbolikë të saj këshillat e heroit tonë kombëtar Gjergj Kastriotit – Skenderbeut :”për të qenë të fortë duhet të jemi të bashkuar”
Loja e artistëve aktorit dhe producentiti Xhevat Limani, aktorit Shaban Lajçi e rapsodit Tom Gjergji nga Grupi muzikor ‘Bashkimi Kombëtar”, krijuan më të vërtet atmosfere atdhetare dhe artistike tha Mimoza Rizvani.

Kurse me këtë rast vizita e delagacionit të Kosnullatës së Përgjithshëme të Kosovës vazhdoi në objektin e Shoqatës Atdhetare Hasan Prishtina për shkollën shqipe atje dhurar nga Ministria e Diasporës u bë dhe shpërndarja e librave për nxënësit e shkollës shqipe nga përfaqësuesit e Kosovës Ambasadori Bekim Sejdiu Konsullin e Përgjithshëm të Kosovës në New York, dhe konsulli i Kosovës z. Fatmir Zajmi
Në fund thotë ajo se edhe organizatorët e ceremonisë së kremtimit të pesë vjetorit të pavarësisë së Kosovës në Bashkinë e qytetit të Waterbury, zotërinjët, F. Rizvani, F Kuka Y.Hasani dhe P. Qeta , përfaqësues edhe të “Unionit shqiptaro amerikan për zhvillimet në Ballkan ” shprehën falenederimet për bashkëpunimin dhe kënaqësinë e të qenit bashke si vëllezër në këtë festë të bukur mbarë shqiptarë.

 

DENONCIMI I RASTEVE TË SHTETËSIVE NË MAQEDONI

by

Programi Unik Shqiptar-PUSH, paraqet para opinionit rastin e radhës të mohimit të shtetësisë së Maqedonisë znj.Naxhie Osmani e cila ka lindur në vitin 1967 në Çair të Shkupit dhe jeton në fshatin Bukoviç që i përket Komunës së Shkupit. Edhe pse ka lindur në Shkup dhe është banore e kryeqytetit zonja Naxhie nuk ka shtetësi të Maqedonisë, ndërsa bashkëshorti i saj dhe dy fëmijët janë shtetas të Maqedonisë. Ajo pasi ka parashtruar kërkesë për shtetësi i është mohuar në vitin 1997.

Për fat të keq për kategorinë e këtyre shqiptarëve që u mohohet shtetësia e Maqedonisë pa të drejtë nuk janë interesuar asnjëherë partitë, deputet dhe ministrat shqiptar të cilët çirren për patriotizmin e madh folklorit. PUSH sqaron opinionin se ne si organizatë do të bëjmë ç’është e mundur që zërin e këtyre njerëzve të thjeshtë të dëgjohet deri në instancat më të larta të Organizatave Ndërkombëtare të të Drejtave të Njeriut, ku Republika e Maqedonisë ka firmosur Konventat.

Ne shprehim shqetësimin edhe njëherë se në heshtje po bëhet ç’regjistrimi i shqiptarëve të lindur, të shkolluar dhe që jetojnë në Maqedoni, në vendin e etërve të tyre. Kjo po bëhet për të ulur sa më shumë numrin e vërtetë të shqiptarëve në këtë republikë multietnike. Për fat të keq asnjë parti politike nuk po interesohet dhe të reagojë për këtë fenomen me përmasa tragjike për qytetarët të etnisë shqiptare.

Në zyrën tonë vijnë përditë 2-3 njerëz që pyesin, marrin këshilla rreth problemeve me shtetësitë, për fat të keq janë njerëz që i përkasin kategorisë së thjeshtë, punëtorë të cilët s’kanë asnjë lidhje me politikën, numri i kësaj kategoria është shumë i madh.

Edhe njëherë PUSH tërheq vëmendje në lidhje për përfitimin e shtetësisë së Maqedonisë, të gjithë atyre njerëzve që u është mohuar e drejta e shtetësisë pa të drejtë, të sjellin fotokopjet e vendimeve për refuzimin nga ana MPB në zyrën e Programit Unik Shqiptar që ndodhen në qytetin e Tetovës.

Kryetari

Teuta Kamberi–Llalla

Programi Unik Shqiptar

Maqedoni, 28.02.2013

AMBASADA E KOSOVES NE WASHINGTON DHA PRITJE PER 5 VJETORIN E PAVARESISE

by

Eliot Engel: Shpresa ime është se në vitet e ardhshme marrëdhëniet e SHBA me Kosovën do të jenë edhe më të mira se më parë.” /

Nga Beqir SINA/

WASHINGTON D.C: – Ambasada e Kosovës në Shtetet e Bashkuara, organizoi mbrëmjen e 26 shkurtit një pritje me rastin e përvjetorit të pestë të pavarësisë së Kosovës në Uashington. Pritja u mbajt nga Ambasadori i Republikës së Kosovës në Shtetet e Bashkuara të Amerikës, Akan Ismaili, i cili mbulonë edhe Kanadanë në cilësinë e ambasadorit jo-rezident, Xhavit Gashi, atasheu i parë ushtarak për ambasadën Kosovare në Shtetet e Bashkuara të Amerikës, zëvendes ambasadori Jetish Jashari, dhe diplomatja Gjeneza Budima.

Solemniteti i rastiti u zhvillua në një sallat e hotelit “Four Session’s “, ku morën pjesë qindra shqiptarë të ardhur nga mbarë Amerika, si dhe kongresmenë e zyrtarë të lart të Departamentit të Shtetit, lider dhe veprimtarë të dalluar të komunitetit, përfaqësues të medias dhe studentë që mësojnë në shkollat amerikane, si dhe një grup zëdhënsish nga qeveria Kosovës, të cilët po njihen me përvojën amerikane.

Në pritjen solmne e dhënë nga Ambasada e Kosovës në Washington të martën në mbrëmje në kremtim të pesëvjetorit të pavarësisë në mesin e zyrtarëve amerikanë, kishte ardhur për t’ja uruar pavarësinë e Kosovës dhe folur në emër të qeverisë amerikane, diplomati i njohur Jonathan Moore, drejtor i Zyrës së Punëve të Jashtme për Evropën Juglindore dhe Qendrore, në Departamentin Amerikan të Shtetit.

Në këtë pritje morën pjesë edhe dhjetra ambasador dhe përfaqësues të korit diplomatik në kryeqytetin amerikan, ateshet ushtarak, dhe ish i dërguari i posaçëm SHBA-ve, për çështjen e Kosovës në bisedimet e udhëhequra nga “Treshja” ambasadori Frank G.Wisner, Jr si dhe Konsulli i Përgjithëshëm i Kosovës në New York, Ambasadori Bekim Sejdiu, konsullja Valëza Uruçi dhe e shumë shqiptaro-amerikanë nga shtete të ndryshme të SHBA-ës.

Anëtarit i kongresit amerikan, Eliot Engel, demokrat nga New York-u, kryetar Komitetit të Punëve të Jashtme të Dhomes së Përfaqësuesve në Kongresin Amerikan, njëhereshit kryetar i Grupit të Çështjeve Shqiptare në Kongres dhe ish diplomati James Hooper eksperti i njohur amerikan, nga Grupi për të Drejtën Ndërkombëtare Publike dhe Politika dhe ambasadori Uilliam Uolker, ish kreu i misionit të verifikimit të OSBE-së në Kosovë, njeriu që raportoi i pari masakrën famëkeqe të Racakut.

Ceremonia solmne e cila filloi me intonimin e himneve kombëtare të Kosovës dhe Shtetet e Bashkuara të Amerikës, u shoqërua me fjalën e rastit nga Ambasadori i Republikës së Kosovës në Shtetet e Bashkuara të Amerikës, Akan Ismaili, i cili mbulonë edhe Kanadanë në cilësinë e ambasadorit jo-rezident

Duke thënë se është një nder dhe kënaqësi e vërtetë e tij, Ambasadori Ismaili, ka shprehur gëzimin për këtë festë, që për herë të parë si Ambasador i Kosovës në Uashington, ai po shënonë këtu në Shtetet e Bashkuara, 5 vjetorin për Kosovën si komb i pavarur e sovran.

Shtatorin e kaluar Kosova shënoi fundin formal të mbikëqyrjes ndërkombëtare të pavarësisë së saj, përmendi gjatë fjalës së tij zoti Ismaili. Dhe, duke e përfunduar atë në një kohë të përshtatshëme, përpara afatit të saj në konfirmim me atë se Kosova, tash i ka përmbushur të gjitha detyrimet e saj – sipas kërkesave të grupit ndërkombëtar, të udhëhequr nga Plani për Kosovën e marrë nga Paketa e ish Presidentit Ahtisari, që rekomandonte një paketë gjithëpërfshirëse, për statusin final të Kosovës; si shtet të pavarur dhe shtet multietnik, ku mbrojtja e të drejtave të njeriut, të jetë mbi baza etnike dhe fetare, çka janë në thelbin e saj – ka nënvizuar ai.
Më pasë në fjalën e tij shefi i ambasadës së Kosovës, tha që deri tash Kosova ka arritur numrin e 98 njohjeve dhe është duke punuar me të gjitha vendet në çdo kontinent në të kuptuarit në kontekstin e Kosovës, të rritjes së numërit të njohjve. Kështu që ne presim, tha ai të shohim rezultatin e kësaj pune me njohjet e tjera duke pasur një qasje në javët e muajët e ardhshme, të këtij viti.
Ambasadori Ismaili, i quajti këto pesë vjetë pavarësi, momente të mëdha festimesh për të kërkuar më shumë dhe për të patur një përkushtim më të madh, duke mos harruar asnjëherë punën dhe sakrificat që janë bërë për liri dhe pavarësi, luftën për çlirimin e Kosovës.
“Festimet e ketij pesë vejtori, theksojë ambasadori Ismaili janë gjithashtu një moment i madh për të çuar Kosovën më përpara për rrugën përparimit, dhe të zhvillimit të saj, sidomos në pjesëmarrjen e plotë në të gjitha strukturat ndërkombëtare dhe të Integrimit Euro-Atlantik, të cilat janë prioritetet kryesore për të gjithë ne. Ndërkohë, që në kuadrin e BE-së, ne presim që sa më shpejt të jetë të futemi në listën e bardhë të Shengenit dhe me nëshkrimin e Asocim Stabilizimit do të vazhdojmë rrugën tonë drejt BE-së.” tha zoti Ismaili.
Një rëndësi gjatë fjalës së tij ambasadori i Kosovës, zoti Akan Ismaili i kushtojë konfirmit nga NATO të të gjitha kapaciteteve të plota operacionale, si dhe implementimin e konkluzioneve të Sektorit të Sigurisë, të cilat theksoi ai janë duke u zhvilluar në partneritet të plotë me Shtetet e Bashkuara, dhe do të na ndihmojnë në ndërtimin e lidhjeve më të forta me NATO-n. Në mënyrë për të bërë Kosovën dhe forcat e saj të mbrojtjes FSK-ën, si garantuese të paqes dhe sigurisë rajonale dhe t’i shohim ato krah për krah me forcat amerikane dhe aleatët e tjerë, sa herë që të jetë e nevojshme në shërbimet e tyre.
Në emër të qeverisë amerikane, foli me rastin e pesë vjetorit të pavarësisë së Kosovës, diplomati i njohur Jonathan Moore, drejtor i Zyrës së Punëve të Jashtme për Evropën Juglindore dhe Qendrore, në Departamentin Amerikan të Shtetit, solli disa kujtime të paharruar nëpërmjet gazetës shqiptaro amerikane Illyria, kur ai ishte takuar për herë të parë në periudhën e pasviteve ’90 me Presidentin e parë të Kosovës të njderin Ibrahim Rugova.

Më pasë ai lexojë letrën zyrtare që Presidenti i Shteteve të Bashkuara të Amerikës, Barack Obama uroi Presidenten e Republikës së Kosovës, Atifete Jahjaga, me rastin e përvjetorit të pestë të shpalljes së pavarësisë së Republikës së Kosovës.

Kurse, anëtari i kongresit amerikan, Eliot Engel, demokrat nga New York-u, kryetar Komitetit të Punëve të Jashtme të Dhomes së Përfaqësuesve në Kongresin Amerikan, njëhereshit kryetar i Grupit të Çështjeve Shqiptare në Kongres, mik i dëshmuar i shqiptarëve, konfirmojë edhe një herë atë se Shtetet e Bashkuara kanë qenë gjithmonë dhe do të mbeten miku më i mirë i Kosovës. “Ne do të vazhdojmë për të promovuar lidhjet e shkëlqyera, që kemi në mes njëri tjetrit dhe do të ndihmojmë Kosovës për zhvillimin e saj, dhe ruajtjen e sovarnitetit territorial të saj – Me një miqësi në rritje në mes të dy kombeve dhe popujve tanë, kjo është shpresa ime se në vitet e ardhshme do të jetë edhe më i mirë se pesë vitet më parë.” tha kongresisti Eliot Engel.