Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

REKORDMENI I GUINNES, GATI REKORDI I RI ME MURALIN E SHQIPONJES

by

Artisti i njohur shqiptar Saimir Strati ka nisur punën për të thyer edhe një rekord Guinness. Më 26 nëntor, në Prishtinë, ai do ta thyejë rekordin e shtatë. Tani ka mbledhur disa thasë fasule, me të cilat do ta bëjë një mural me shqiponjën dykrenore në të. /

Nga Alfred Beka/

Në shumë fusha Kosova as që mund t’i afrohet Kinës, por edhe pak ditë do të arrijë t’ia marrë nga dora një rekord. Kina deri më tani e mban rekordin e çmimeve Guinness për muralin më të madh të bërë ndonjëherë me fara. Ndërsa në Prishtinë ka filluar të ndërtohet një mural me fasule, i cili do të jetë më i madh se ai i Kinës. Këtë punë ka filluar ta bëjë artisti i njohur shqiptar Saimir Strati, i cili tashmë ka hyrë gjashtë herë në librin e rekordeve Guinness, ndërsa ka filluar punën për të thyer rekordin e shtatë. Më një nëntor ai ka filluar të punojë në një mural në Hotel Prishtina, punë kjo që pritet ta përfundojë më 26 nëntor.

Thotë se gjithçka po ecën mirë. Pas muralit të fundit të bërë në Shqipëri, në një intervistë për Express, Strati kishte shfaqur dëshirën e tij që mozaikun e radhës ta bënte në Kosovë, në mënyrë që edhe Kosova të futet në librin e rekordeve Guinness.

“Do ta mirëprisja me shumë kënaqësi ftesën për të realizuar një rekord Guinness në Kosovë. Kjo ka qenë për mua një dëshirë e kahershme”, pat thënë para pothuajse një viti. Këtë ai e përsëriti edhe njëherë, tani në Prishtinë.

“Gjithmonë kam pasur dëshirën e madhe për të ardhur dhe për të bërë një rekord në Kosovë. Viti i 100-vjetorit të pavarësisë mendova se do të ishte i përshtatshëm për ta ngritur flamurin shqiptar në Kosovë”, thotë Strati për Express.

Murali, të cilin e ka nisur të enjten, do të krijohet me fasule. Pasi flamuri ka qenë ushqim shpirtëror i shqiptarëve, fjala ushqim e ka ngacmuar atë dhe në këtë mënyrë ka menduar të gjejë diçka që ka të bëjë me ushqim.

“Fasulet janë përdorur tradicionalisht të ne kështu që vendosa që punimin e radhës ta bëj me fasule. Është edhe një nga kushtet e rekordeve të Guinness që materialet të jenë ato që gjenden më së lehti në treg dhe nuk duhet të jenë të përpunuara. Nëse arti sot po industrializohet unë materialin industrial dua ta kthej në art”, shprehet Strati, i cili është lindur më 1966 në Tiranë.

Subjekti i muralit është flamuri kombëtar, ndërsa dimensionet janë 62 metra katrorë. Strati beson se do të përdorën më shumë se 400 kilogramë fasule. Gjetjen e materialit e ka marrë përsipër Hotel Prishtina, në holin e të cilit do të bëhet murali.

“Ne bëmë tratativa për një muaj rresht dhe arritëm të sigurojmë fasulet, të cilat i kemi marrë nga gjithë Europa, nga Turqia, Italia dhe vende tjera, sepse janë me ngjyra të ndryshme dhe diku-diku të madhësive të ndryshme. Është kënaqësi të lë një shenjë në Kosovë dhe kjo shenjë të jetë në rekordet botërore”, thotë Strati.

Vepra ka filluar më 1 nëntor dhe do të përfundojë më 26 nëntor. Atë ditë do të vinë përfaqësues nga rekordi Guinness nga Londra, të cilët do të bëjnë matjet dhe verifikimet dhe nëse i plotëson kushtet, Kosova do të ketë rekordin e vet Guinness.

Strati tregon se ekziston një mozaik i bërë me fara, i cili është 60 metra katrorë dhe ndodhet në Kinë. Ndërsa, mozaiku i Stratit do të jetë 62 metra katrorë. Nëse do të certifikohet, Strati thotë se atëherë Kosova do ta ketë mozaikun më të madh në botë që është bërë ndonjëherë me fasule.

Tregon se rekordet Guinness nuk shpërblehen me vlerë monetare, ato vetëm certifikohen.

Në fund ai nuk zbuloi projektin e radhës pasi që është i përqendruar në këtë vepër.

“Për momentin jam i përqendruar në këtë vepër dhe dua ta kryej me sukses”, tha artisti Strati, duke shtuar se pasi të përfundojë këtë mural do të fillojë të mendojë për rekordin e tetë.(Express)

 

PROF.DR. SAFETE S JUKA, FIGURE E MADHE KOMBETARE

by

Prof. Dr. Safete S. Juka, disa shenime rreth kesaj figure aq te madhe kombetare./

Nga Eduard M. Dilo/

Ne keto dite Nentori, shtate vjet me pare, ne New York, nderroi jete, per te ngelur e pa vdekeshme shkencetarja, studjuesja, piktorja, arkeolog-ja, Eruditja – Prof.Dr. Safete S. Juka.
Kam patur fatin te jem takuar disa here me kete zoje te rralle, qe duhet te jemi krenare qe esht shqiptare. Ruaj per te nje respekt dhe konsiderate te vecante.

Sa e ditur dhe enciklopediste qe ishte, aq ishte dhe e thjeshte. Kish te kultivuar nga familja nje dashuri te thelle per mbare kombin dhe ishte angazhuar totalisht ne zgjidhjen e padrejtesive dhe mizorive qe i beheshin Kosoves sone tejet te martirizuar e terrorizuar nga barbaret serbe .

Ka bere shume shkrime e studime, te cilat i ka botuar ne revista e gazeta me emer si : “Ectrits de Paris”, “Relitess”, “The French Review “, “Revue Francaise”, “Le Mond”, “East Europian Quartely”e sa e sa te tjera; duke mos harruar dhe gazeten “Dielli “, “ILYRIA”, “Koha e jone”, etj.

Ajo jo vetem qe zbuloi kopjen e vetme ne Biblioteken e Hravardit te librit “Albanians’ Golgotha”, te Freundlich, me te cilin njihej personalisht, por dhe e perktheu ne anglisht dhe e shprndau ne gjithe kancelarite e botes, per ta bere te njohur kudo te drejten e popullit tone kosovar, autokton ne ato troje, qe kur esht krijuar njerezimi.
E mbylli jeten e saj me nje studim shkenecor te bazuar vetem ne fakte e dokumente per Kosoven, qe e kish aq per zemer.
E kane cmuar dhe vleresuar punen e saj, si dhe ja kane ditur vleren, personalitete te tilla, si i madhi Kadare, studjuesi M. Zeqo, e shume te tjere.
Besoj se aty ku prehet, ne token qe e lindi, ne Shkodrenloce, e ka ndjere shpalljen e Pamvarsise se Kosoves, te cilen e mori peng ne varr! Ajo si shume figura te medha kombetare, kjo Rilindase e diteve tona do te gezohet aty ku ka shkuar te pushoje, kur te mesoje se Kosova ju bashkangjit trungut Ame; nje enderr e saj, nje realitet i pritshem nga gjithe ne ne nje kohe sa me te afert.
I qofte e lehte balta e tokes meme, me shprese se nje dite, ne atdheun tone do te vendosen ne vendin e merituar njerzit e vertete qe na bejne krenare ta ndjejme veten bashkekombas te tyre!
Me erdhen nder mend vargjet e Fishtes, poetit tone Kombetar, qe dhe Dr. Safete Juka e kish aq per zemer dhe e vlersonte shume, qe mendoj aq shume i perkasin Asaj:

“Dersa t’mundem me ligjrue
E sa gjall me frym un jam,
Kurr, Shqypni , s’kam me t’harrue,
Edhe n’vorr me t’permende kam.”

Kjo Zoje e rralle, per nga dijet dhe e shquar per patriotizmen e larte, la amanet qe kursimet e saj te shkojne ne adrese te Bibliotekes Kombetare ne Atdhe; nderkohe qe shkuan , u muaren nga institucioni, nuk kemi degjuar te pakten te jete vendosur nje pllake ne kujtim te ketij xhesti teper te larte. A nuk eshte vendi ketu qe ti propozohet gjithashtu Presidentit te Republikes per ti dhene titullin e larte” NDERI I KOMBIT”(eshte kerkuar dhe me pare ne artikuj te ndryshem per te nga intelektuale te ndryshem), por deri sot nuk eshte bere asgje. Nderkohe edhe Qeveria e Kosoves, e thekesoj qe KOSOVA ISHTE SHPIRTI I SAJ, e per te punoi e sakrifikoje tere jeten, duhet te beje dicka ne nderim te kesaj figure ne permasa te medha patriotike.

Celebrating the Albanian Jubilee Independence Year in New York and around the world

by

By Nora Kalaja /

Producer Adem Belliu on November 4, 2012 organized a grand celebration at Maestro’s Restaurant in honor of the 15th anniversary of the Albanian Culture TV and Albania’s 100th independence year. The event opened with both the Albanian and American hymn. Around 500 participants were present, including representatives from the scientific, artistic and political community, namely well known singers such as Gezim Nika, Hajro Ceka, Eagles Up Entertainment (Gem Belushi, Marty Magz and affiliate PhaZe), Alba Band, Muharrem Borova, Cobo Music Studio, Valerie Veneski and Tom Smajlaj of the famous group “Shoqata Kulturore Artistike Kelmendi”, the talented actor Agim Rugova and more. Amongst the well respected figures were the New York favorite Mark Gjonaj, who won the political race in the democratic primary for the 80th Assembly District seat, former congressman Joseph DioGuardi, Bajram Doka from the Albanian American Academy of Science and Arts, Dalip Greca and Danny Blloshmi from Vatra Pan-Federation and the Sun Newspaper. The event was televised by the Albanian and local NY media including TV Alba (Kozeta and Qazim Zylo), RTV 21 (Halil Mula), TV Kultura, etc.

“The100th year of independence has a special significance for the Albanians worldwide. It is great to see Albanians from all parts represented here tonight. It is especially an honor for EU. An event like this by the Albanian Culture TV symbolizes the unifications of all Albanians and I wish them much success wherever they are,”said founder of Eagles Up (EU) Entertainment, Gem Belushi (Producer, Artists, Entrepreneur).

“I am honored and grateful to be part of this historic moment celebrating it with the New York Albanians. I appreciate greatly the Albanian-American partnership and especially America’s contribution and dedication to Albania over the years, starting with U.S. President Woodrow Wilson, strengthened by Bill Clinton and furthered by President Obama’spro-independence effort for Kosovo. As we celebrate Albania’s 100years of independence it is important to stand united in our mission of peace, democracy and prosperity. A free Kosovo is a step closer to a peaceful world,” said Ermira Babamusta, Ph.D., foreign affairs expert and Obama 2012 Campaign community leader/GOTV Director 2008 Obama campaign.

The talented singer PhaZe Rugova, founder of the New World Outlaws debuted ‘Jam Shqiptar’ at this prestigious event. The crowd cheered as PhaZe stood up to the microphone and Avdi Rugova and Korab Sacipi took the stage to perform the number # 1 hit song ‘Jam Shqiptar’. Driton Rugova and Gem Belushi were energizing the crowd showing their support while the girls from the Kelmendi Cultural group joined in the dance. The performance was outstanding; it energized the whole room and left the audience applauding for an encore performance.

“The feeling I got walking up to that microphone could not be described. I was proud and full of motivation after seeing the reaction of the crowd as soon as I started singing ‘Jam Shqiptar’. The song is specially meaningful to me because it reminds me of my Albanian roots and it was an honor to perform on such a great night,” said PhaZe (Arben Rugova).

The Albanians in New York and around the world continue the independence celebration throughout the month of November. Upcoming celebrations include: November 3-9 at the Albanian Film Festival with director Artan Minarolli in Tirana Albania; November 11, 2012 at Lehman College in New York; November 11, 2012 in New York with the Albanian-American Writers Society; November 17 at Alba Life School with director Qazim Zylo in New York and November 24, 2012 in Canada with director Tonin Ndoja.

“The Albanians here in Canada have become part of the elite due their hard work, dedication and talents in all aspects of life. On November 24, 2012 we unite to celebrate the grand 100 years of Albanian’s independence. Through music and appreciation for arts we can honor the Albanian history and express our cultural perspectives as we strive to leave an imprint for the generations to come,” said Tonin Ndoja, director/founder of Albanian-Canadian Events.

“To me the celebration of the 13th Albanian Film Festival as part of the Albanian jubilee independence greater commemoration is a crucial event for the Albanian cinematography. The festival is known for its artistic creativity and attracts Albanians of the artistic community from around the world, opening doors for their careers. Personally, I am extremely happy to be part of this prestigious festival, considered to be the Albanian Oscars. I hope that the near future will maintain close relations with the artistic community and the art lovers in and outside Albania,” said the well-renowned Albanian actor in Germany, Kasem Hoxha.

 

SHKRIMTARJA DIANA ÇULI NDEROHET NGA ITALIA

by

Shkrimtares shqiptare, Diana Çulit, i është akorduar titulli “Urdhri i Meritës së Republikës së Italisë” nga Presidenti i Republikës së Italisë, Giorgio Napolitano. Ky titull i jepet për veprimtari të shquar ndaj shtetit italian në fushën e letërsisë, arteve, ekonomisë si dhe për kryerjen e detyrave publike apo të veprimtarive shoqërore dhe humanitare, do të dorëzohet nga ambasadori i Italisë, Massimo Gaiani sot, në orën 10.30, pranë Qendrës së Kurseve në Durrës. “Gazetare, shkrimtare dhe përkthyese, Diana Çuli ka ditur të rrëfejë me përpikëri dhe ndjeshmëri historitë dhe ndryshimet e vendit. Falë dashurisë dhe njohjes së thellë të gjuhës dhe kulturës italiane, Diana Çuli ka vendosur ngjarjet e disa prej romaneve të saj mes Italisë dhe Shqipërisë, si dhe ka botuar në gjuhën italiane romanet Scrivere sull’acqua dhe Angeli armati”, thuhet në njoftimin e Ambasadës Italiane.

100 VJET PAVARESI- ERISKON ‘KTHEHET” NE SHQIPERI

by

Promovohet vepra e Mal Berishës “Charles Eerikson..I pranishëm kryeministri Berisha dhe ambasadori i SHBA-së në Tiranë Arvizu/

Në këtë 100 vjetor të pavarësisë së Shqipërisë misionari amerikan që i ka shërbyer Shqiperisë, shqiptarëve, duke dhënë një kontribut të pakrahasueshëm në fushën e pedagogjisë, Charles Erikson, vjen si një dhuratë në këtë muaj, përmes librit të autorit Mal Berisha. Në ceremoninë e promovimit të librit me titull “Charles Telford Erickson”, jo vetëm autori shqiptar por edhe personazhi i tij kanë marrë vlerësimet maksimale nga kryeministri Berisha, ambasadori i SHBA në Tiranë Aleksandër Arvizu dhe shumë personalitete të tjerë pjesëmarrës.

“Charles Telford Erickson nuk është amerikan , por shqiptar me pasaportë amerikane”, kështu e ka konsideruar kryeministri Berisha gjatë fjalës së tij duke cituar Shtrausin.
“Ku qëndron forca e jashtëzakonshme e misionarit? Qëndron tek tek besimi i pashtershëm. Vetëm kjo forcë mund t’i mësojë njeriut që të jetë humanist i madh ungjillor i përsosur, pedagog i shkëlqyer historian dhe studiues pasionat, poet i vërtetë. Erikson dhe ungjillorë të tjerë u shndërruan në avokatë të shkëlqyer të një kombi mbi të cilën po bëheshin badërditë e kohës, por merita e parë dhe më e përsosur i takon atyre misionarëve, të cilët në dhjetëra shkrime e dokumenta informonin, sensibilizonin kombin, vendin, presidentin dhe qeveritë e tyre mbi atë çpo ndodhte me shqiptarët. Erikson i gjeti shqiptarët në një agim, i gjeti ata padiskutim kombin më të varfër dhe të zhytur në mjerim në këtë kontinent, i gjeti ata në kombin që sapo formoi alfabetin e tij, i gjeti si vendin ku pak kilometra po të largoheshe nga qyteti konstatoje se koha kishte ndaluar, kishte mbetur në kohëra të largëta, po i gjeti ata sic thotë ai ky komb është një zambak i bukur por i rrethuar prej ferrash”- us hrpeh Berisha.

Ndërsa ambasadori Arvizu duke përgëzuar autorin Mal Berisha për veprën e tij të tretë për shqipërinë vlerësoi figurën e Charles Telford Erickson.
“Ai e deshi Shqipërinë dhe i përkushtoi jetën e tij për këtë vend dhe popull. një person që përkujdesej për shqipërinë dhe e ndoqi shqipërinë gjatë gjithë jetës së tij. ai ndërroi jetë në vitin 66 dhe në fakt në këtë vit erikson do kishte kuptuar që shqipëria ishte në prag të zhytjes në një periudhë shumë të vështirë, nga më të vështirat e këtij vendi. Mendoj si do kishte menduar ai po të shihte Shqipërinë tani. Jam i kënaqur se zoti Mal pati mundësinë të futej thellë në personalitet dhe të na e sillte atë”

Vetë autori Mal Berisha, për arsye shëndetësore nuk ishte i pranishëm në aktivitet, por i përshëndeti pjesëmarrësit nga Amerika nëpërmjet një videomeazhi në Skype.
“Jam shumë i nderuar që ia kushtova këtë vepër njërit prej figurave më të ndritura të kombit amerikan që ia kushtoi jetën Shqipërisë”

Gjatë një periudhe gati 25 vjeçare, nga 1908-1933 Charles Heriskon ka dhënë një kontribut të pakrahasueshëm për Shqipërinë, në atë kohë kur Shqipëria nuk kishte shkolla në gjuhën shqipe dhe në mbështetjen dhe ndikimin e tij deri tek presidenti amerikan për zgjidhjen pozitive të problemeve shqiptare.