Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

“PUNË ME QEDER“

by

Nga Fadil LUSHI/
Vështrimet, opinionet, editorialet po edhe analizat politike, jo gjithmonë e domosdo duhet të jenë të qëndrueshme, premtuese dhe realiste dhe jo detyrimisht e dosido duhet të lexohen, të vlerësohen a edhe të shijohen nga ana e lexuesit. Nëse ato nuk e kanë “takatin mental” për të kthjelluar çështje të caktuara politike, kulturore e të tjera, atëherë atyre do t’u mungojë vëmendja e masave, në veçanti e atyre që i lexojnë me përkushtim. Ne, këtë opinion tonin të radhës, do ta fillojmë me atë fjali që në vete përmban mësime të urtësisë sonë popullore: “Bujku që mbjell grurin lëre që di ta korrë, po edhe e di se në ç’kohë duhet ta korrë grurin”! (Që ne e parashtrojmë këtë shkrim tonin as që na bie ndër mend ta barazojmë me urtinë popullore të lartpërmendur, sepse një gjë të tillë, tekefundit, mund ta bëjë vetëm ikona e eseistikës shqiptare, Faik Konica).
Vështrimin tonë do ta vazhdojmë me atë “vakinë” me presidentin e nde-ruar të Republikës së Shqipërisë, zotin Bujar Nishani (besojmë se në asnjë mënyrë nuk do ta keqpërdorim emrin dhe postin që ka), i cili kohë më parë kishte “rruar mustaqet e tij”(!?). Me të marrë këtë “lajm”, thashethemexhinjtë në mënyrë të paturpshme “ia mbathën vrapit“, se kush më i pari “do të fuste hundët” në jetën intime a private të të respektuarit kryepar të shtetit shqiptar (ne që e bëjmë këtë shkrim për lexuesit tanë të nderuar, nuk do të futim hundët). Një “fut-hundje” të tillë nuk “hezitoi” ta bënte edhe “kryeplaku” i fshatit aty pranë Tiranës, edhe analisti, edhe politikani (hiq mënjanë berberët e bllokut), edhe deputeti, por edhe ata që shpërblehen a paguhen nga ana e shtetit, për t’i huma-nizuar standardet, parimet, moralin dhe ligjet e institucioneve, qofshin ato qendrore a vendore, dhe ata në vend që t’i emancipojnë institucionet në fjalë, ata do t’i ngatërrojnë ato, ata nuk shpërblehen që t’i ngatërrojnë afatet, nuk paguhen që t’i ngatërrojnë zyrat, t’i ngatërrojnë vulat, t’i ngatërrojnë suret (secili nga të njëqind e katërmbëdhjetë kapitujt e Kuranit famëlartë), jo të ngatërrojnë vaktet e namazit, jo të ngatërrojnë zërin e myezinit me atë ushtimën e kumarxhiut, jo të ngatërrojnë rrapin me panjën, jo të ngatërrojnë të mirën me të keqen, jo të ngatërrojnë profesionet, jo të ngatërrojnë tragjiken me komiken, jo të ngatërrojnë ngjyrat, jo të ngatërrojnë kompjuterin me televizorin, jo të ngatërrojnë identitetet e nevojtarëve të cilët ditë për ditë frekuentojnë hapësirat ku jepet lëmoshë, jo të ngatërrojnë orarin e punës, jo të bëjnë “punë me qeder”, jo të ngatërrojnë të vërtetën me atë “kambanarin e manastirit pa hair”(!?), atij kambanari, i cili kur t’i teket e si t’i teket e lëshon kushtrimin e rremë për liri”(!??), jo të ngatërrojnë xhepin e zbrazët të xhaketës së fukarasë me xhepat e thellë të pantallonave të nëpunësit të korruptuar…, dhe, së fundi, ata nuk paguhen të ngatërrojnë kompetencat!? Ca ngatërresa kompetencash kishin bërë edhe disa “kryeministra të Gadishullit Ilirik”. “I pari (se i pari, i dyti dhe i treti ç’emra kanë, kjo pak rëndësi ka për ne), në vend që të merret me drejtimin e vendit, në vend që të merret me qethjen e sistemit të drejtësisë hallakamë, në vend që të merret me dertet e miletit, në vend që të merret me varfërinë e…, ai ngatërron antikitetin a lashtësinë e kombit të vet…, ngatërron spiunët vendorë me kodoshët a përgjuesit e huaj. I dyti, në vend që të sikletoset me krimin e organizuar, në vend që të dalldiset me tritolet, merret me mustaqet e presidentit si dhe me ilaçet e doktorit. I treti, në vend që të merret me ekonominë e shkatërruar të vendit, në vend që ta pengojë eksodin e popullatës, ai ngatërron koalicionet joparimore si dhe merret me krijimin e…,”(!?). (unë nuk e them dot se me ç’krijim merret). Që të tre, në vend që krimit të organizuar institucional t’ia vënë teneqenë a legenin në bisht dhe në vend që ta varin për k…, ta varin në çengel (!?)…, ata “bëjnë shtëpi dhe shtete me sehir dhe për sehir”(!?).
Këtë shkrim do ta përfundojmë me atë fjalinë që në vete përmban mësime të urtësisë sonë popullore: “Lumi e ka ujin të pastër në burim”. Po ç’lidhje ka kjo urtësi me paragrafin e fundit të këtij shkrimi. Po besojmë se ka, me kusht nëse lidhet me meselenë dhe shpjegimin e një të moshuari që ka shkelur të shtatëdhjetat. Një ditë ky i moshuar ma lakoi dertin e tij që kishte me një burokrat të një institucioni qendror, i cili edhe pas një dekade, nuk ia kishte larë një borxh të vjetër…, pos të tjerash, më tha: “Ti, miku im, pa më thuaj pse unë duhet të jem i përjashtuar nga turma e njerëzve që janë të barabartë edhe para ligjit, edhe para librit të shenjtë-Kuranit, edhe para drejtësisë, edhe para Perëndisë, po edhe para fjalës së drejtë!”. Vazhdoi të ma shpjegonte të kaluarën fëmijërore dhe adoleshente të burokratit: “Eh, sa i bukur ishte kur i kishte pesë vjeç, sa i bukur ishte kur filloi të mbante mend, sa i bukur ishte kur filloi të këndellej. Eh, sa i bukur ishte kur gocat filluan t’i shkojnë vërdallë, eh, sa i bukur ishte kur për herë të parë filloi të urinojë drejt, eh, sa i bukur ishte kur burrat për herë të parë e ftuan a e gostitën në tryezën a sofrën e tyre, eh, sa i bukur ishte kur pinte ujin e pastër në burim… Eh, ai e humbi burrërinë dhe nurin kur ra në kthetrat e njerëzve shpirtligj dhe ngatërrestarë…, ata të cilët e detyruan që punën ta bënte me qeder…, u bë si njerëzit kur dalin lugat”(!?). Para se të ikte, m’u duk sikur majë gjuhës i ishte ngatërruar një “fjalë fyese”, nuk e shqiptoi dot, kishte marrë avdes për namazin e iqindisë…, kishte larë këmbët, veshët, sytë, duart dhe kishte shpëlarë gojën. Thonë se ai bujku i mirë edhe sivjet do ta korrë grurin, nuk do të ngatërrojë vaktet, siç ne ngatërruam toptan këtë shkrim – dhe siç e turbulluam ujin që nga burimi…, nëse kjo është për njëmend, atëherë le të më ndjejë lexuesi i shkrimeve të mia. Tekefundit, “qari dhe qederi shkojnë bashkë”.
Karikatura Ilustruse nga Bujar Kapexhiu

A KANË “IDEAL” KOMUNISTËT ?!

by

Nga Fritz RADOVANI*/
■HAPNI DOSJET ! Aty keni me gjetë edhe “idealin” e këtyne dy miqëve!
■Kur shkoi në Francë per studime Enver Hoxha deklaroi: “Unë do bëhëm terrorist!..”
Ky ishte “ ideali” i tij, që iu plotsue dhe u realizue mbi 500.000 viktima Shqiptarësh nga viti 1941 e deri 1985, kur drejtoi PKSh (PPSh), terror të cilin, e vazhdoi Ramiz Alia, derisa mbylli sytë tue i sherbye shovenistëve sllavë, sovjetikë, kinezë, arabë e antishqiptarë…
■E bija e Stalinit deklaroi në 1989 se: “Baba im Stalini, ishte vrasës i miljona rusëve…”
E bija e Enverit deklaroi në 1991 se: “U zgjuan kafshët…”
■Enver Hoxha deklaroi në 1967 se: “Shqipëria është shtet ateist..” dhe, në 1984 boton:
në librin “Shenime për Lindjën e Mesme”: “Shqiptarët duhet t’i referohen Kur’anit…”
■Ramiz Alia në vitin 1970 nderton në Shkoder “Muzeun Ateist” i vetmi në Botë… dhe mbasi vrasin, masakrojnë e burgosin me Enverin dhe Nexhmijen 138 Klerikë Katolik…
Me 2 Dhjetor 1992, dy presidentët anadollakë, Ramiz Alia dhe Sali Berisha shpallin: “Republika e Shqipërisë antare e Konferencës Islamike”… Nexhmia zemrohet…e heshtë: “Nuk duhet të zemrohemi, për ideal të partisë, né jemi vëllezër gjaku me turqit…”
■Në vitin 1990 kur Rinia Shkodrane kerkon heqjen e diktatorëve Stalin dhe Enver, asht ky Ramiz Ali terroristi barbar, që lanë me gjak piramidat kufitare dhe Shkodren heroike me Gjakun e Dëshmorëve të 2 Prillit 1991, Arben Broci me shokë.
■Gjaku i paster i Rinisë Shqiptare ishte “ideali” i komunistëve tradhëtarë e terroristë!
Ky ishte dhe asht “ideali” i trashigimtarëve të tyne atëherë dhe sot! A kerkoni fakte?
HAPNI DOSJET !
■Ja fjalimi i terroristit Ramiz Alia, në Byronë Politike të K.Q. të PPSh, në vitin 1989:
Shokë, pushteti ka qenë dhe do mbetet yni!
Strategjia e ndryshimit… “Partitë dhe të tjerët që do të vijnë të kontrollohen nga ne.
Sali Berisha, Fatos Nano dhe pasuesit janë dhe do të mbetën veglat tona besnike…
■Si do ta përjetësojmë komunizmin? – “Të jeni të sigurtë që e ardhmja do të jetë jona. Kurrë nuk do të lejojmë restaurimin e pushtetit politik të armiqve tanë! Sistemi ynë tanimë është drejt kapitullimit përballë sistemit kapitalist. Kështu na lind si detyrë që të ndryshojmë strategjinë tonë. Ndryshimet do të jenë në dy drejtime kryesore: në krijimin e pluralizmit politik dhe në respektimin e të drejtave të njeriut. Me këto të fundit edhe mund të abuzohet, pasi të drejtat janë gjëra që rregullohen brenda për brenda me ligj, por pluralizmi duhet të vendoset patjetër. Le të krijojnë kundërshtarët tanë parti të djathta, të majta apo të qendrës, madje do t’i nxisim dhe ne vetë, por kryesore është që të gjitha këto parti të kontrollohen nga ne vetë. Për këtë, edhe programet e themelimit duhet t’i formulojmë ne. Për drejtimin e këtyre partive duhet të gjenden njerëz që të përkrahin strategjinë tonë. Partia që do të marrë pushtetin, jo vetëm që është e lirë të shajë pushtetin, por këtë ta bëjë fort, sepse kështu do të fitojmë simpatinë e Perëndimit dhe të disidencës antikomuniste. Dhe e dini pse?! Sepse sapo të marrin fuqinë, do të fillojnë të hakmerren…Në zbatim të drejtave të njeriut, duhet t’u japim kompensimin në para, të burgosurit polikë t’i kompletojmë me komoditetet banimi. Të sekuestruarve dhe të shpronësuarve do t’u japim nga një letër në dorë që t’u njihet prona, por prona vetëm në pak duar do të bjerë, pasi ligji do t’i ngatërrojë njëri me tjetrin…Kësaj kategorie mendoj që t’i japim pasaportë për t’u larguar nga Shqipëria më mirë dhe me kaq do të jenë të kënaqur. Pasuria e tyre na përket neve, sëpse ne e bëmë.
■Gorbaçovi më dërgoi disa dokumente e plane dhe po i studioj prej kohësh…Kjo është një mbledhje vetëm për ne më të besuarit, ndaj le të flasim hapur. Ne kemi kuadro sa për shtatë Komitete Qendrore, pra frika nuk duhet të ekzistojë. Shumë intelektualë do të na kundërshtojnë, por me ta do të rregullohemi duke u dhënë punë e ngritur paksa rrogën. Problem mund të jenë intelektualët pensionistë. Këtyre do t’u ofrojmë krijimin e Shoqatës së Veteranëve të Luftës dhe të Punës…
■Kosova është në pragun e shpalljes së Kushtetutës. Është punë e tyre, ne e kemi programin dhe platformën tonë. Strategjia është e qartë dhe kemi përcaktuar rrugët për zbatimin e qëllimit misionit tonë. Nën një propagandë ekstreme kundër komunizmit dhe me disa ndëshkime të vogla, sa për sy e faqe ndaj nomenklaturës së lartë komuniste.
■Ne, komunistët reformatorë, do të zbatojmë strategjinë tonë në ekonomi, sipas së cilës kapitalistët dhe pronarët e ardhshëm në një vend socialist të jemi ne apo njerëzit tanë. Me strategjinë tonë të re, brenda dy-tre legjislaturash do të arrijmë që nga klasa komuniste të krijojmë klasën kapitaliste, e cila do të na përjetësojë ne pushtetin politik të së ardhmes. Të jeni të sigurtë që e ardhmja do të jetë jona. Kurrë nuk do të lejojmë restaurimin e pushtetit politik të armiqve tanë. E ardhmja e fëmijëve tanë do të jetë e mrekullueshme, gjithnjë e sigurt, sepse për këtë kemi derdhur kaq gjak dhe do të derdhim përsëri po të jetë nevoja. Shqipërinë do ta gëzojmë ne dhe pasardhësit tanë. Po rastisi që të na e përvetësojnë pushtetin apo të rrezikohemi, atëhere mos u gëzofshim asnjëherë, nëse nuk do të dimë t’i mbrojmë fitoret e arritura, qoftë edhe me grykën e pushkës, si në rininë tonë të hershme. Ndaj, për të mbrojtur mbajtjen e pushtetit duhet të jemi të përgatitur në të dyja anët; në rrugën paqësore dhe në atë të luftës së armatosur.
■Ne jemi të përgatitur për të dyja rrugët; kemi njerëzit e vendosur dhe guximtarë, të cilët i kemi përgatitur me sakrifica e mund për vite me radhë, por kemi edhe organet tona të dhunës. Ndaj, mjerë ata që do të guxojnë të na kundërvihen. Jua them këtë që të mbani lart moralin dhe asnjëri prej jush të mos ketë frikë. Nëse do të jetë e nevojshme, do të kemi edhe mbështetjen e aleatëve të jashtëm ideologjikë në pushtet, që ju i dini mirë se sa na kanë ndihmuar. Pavarësisht konflikteve të fundit që kemi patur me ta, duhet ta dini se na bashkon kauza e pushtetit të komunistëve, pavarësisht nga nuancat dhe përplasjet e përkohshme. Përveç aleatëve ideologjikë, do të kemi edhe mbështetjen e aleateve të Perëndimit, me të cilët kemi ruajtur fijet e lidhjeve të vjetra për hir të interesave të mëdha. Këta të fundit do t’i përdorim vetëm nëse do të jetë shumë e nevojshme. Shoku Enver dikur, dhe unë sot, i kemi ruajtur këto lidhje që të garantojnë pushtetin tani edhe në të ardhmen, përgjithmonë! Ju garantoj se pavarësisht nga rrethanat e vështira aktuale, sidoqë të shkojnë punët, ujë do të rrjedhë në mullirin tonë. Për këtë jeni të garantuar sot e përgjithmonë. Kërkoj nga ju që të mos keni frikë, të shtrëngoni radhët dhe të mos dekurajoheni… në fund të fundit rëndësi ka pushteti, që do të jetë plotësisht yni. Ju uroj punë të mbarë, mobilizim dhe mendje të kthjellët!
■Mbajeni mend: Fitorja dhe pushteti do të jenë përjetësisht tona! Do bisedojmë prap…
***
■Fanari ndriçues i marksizëm – leninizmit thotë: “Shqiptarët t’i referohen Kur’anit!”…
Shikoni me kujdes foton naltë…Kush ishin ata dy…Dhe, kush po e drejton Shtetin sot!..
■Ka pasë thanë Ai Plaku i Grisë, “qeeeni që han robtë e shpiiisë… Do vraaa!!”
Vazhdon Pjesa XII…
Melbourne, Prill 2015.
* Nga cikli: Në 70 vjetorin e përmbytjes së Shqipnisë…, Pjesa XI

I përbuz këta vasalë antishqiptar të Kishës time

by

Shkruan: Sotir Mano/
Njё mёsues nё moshёn e Hirёsisё Janullatos jam dhe iu drejtova Kryepeshkopit tim me njё letёr ku i bashkёbisedoja disa shqetёsime tё mijat si besimtar qё edhe kur njerёzit antife na i prishёn kishat i qёndrova besnik besimit ortodoks. Zotёrinjtё Aleksandёr Sallabanda, Robert Andoni e më pas Miron Çako shkruan në gazeta shumë gjatë pёr Kryepeshkopin ku lavdёrimet kapnin majat mё tё larta tё mburrjes. Numёronin tё gjitha ato qё ka bёrё nё 23 vjet si Kryepeshkop. Ndёrkohё qё kanё lёnё nё harresё ato gjёrat shumё tё rёndёsishme qё me qëllim Hirёsia Janullatos nuk ka dashur që të bёjё.
Nё replikёn e tyre konstatova me shumë keqardhje se djallëzisht më kanё veçuar dhe injoruar duke iu drejtuar vetëm artikujve të dy autorëve që për nga emrat (Bedri Islami e Skёnder Gjoni) ata i denigrojnё si shqiptarё myslymanë, megjithëse nё shkrimet tona, si ata myslymanë edhe unë ortodoksë, trajtojmë të njëjtin shqetësim shoqëror. Me këtë ndarje qёllim keqe zotёrinjtё Sallabanda dhe Andoni u fryjnёi erërave të veçimit, të prishjes së asaj fryme harmonie fetare që tinëzisht hiqen sikur e duan, ju dhёmb dhe shtiren sikur e mbrojnё.
Mirë Hirësia që nuk më përfilli me një përgjigje, gjë që më pikoi në zemër, po pёrse edhe ju autorët ortodoksë shqiptarë mё shpёrfillёt mua mësuesin e historisë duke dëshmuar vërtetësinë e shprehjes popullore shqiptare: “I yti ti nxjerr sytë”. Po pse o të bekuar të Perëndisë e ulni nivelin e gjykimit tuaj në shërbim të Hirësisë Janullatos deri në atë nivel sa të përçmoni “shenjtërinë e Mësuesisë” !!
Nё jetёn time tё gjatё si mёsues kam fituar njё mёsim tё pa harruar. Sa mё i aftё mёsuesi aq mё pak nё shkrime gazetareske pёrdor para emrit tё tij titujt profesor, doktor, etj. Kjo bёhet akoma mё e panevojshme dhe tё ruan nga turpi kur shikon qё me kёta tituj ka edhe profesora e doktora kunguj me bollёk nё institucionet ku japin e marrin pёrditё zotёrinjtё Sallabanda dhe Andoni. Të më falni mua mësuesin në pension pa tituj e pa ofiqe para emrit por nuk rri dot pa ua thënë se, kur nuk keni argumenta bindëse për temën që trajtoni mos e gënjeni veten me mendimin që me vendosjen e titujve të lartё përpara emrit do të bëheni më bindës. Pastaj çne tё ankoheni kundёr gazetёs dhe jo t’i drejtoheni autorёve tё shkrimeve? Gazetat pёr atё punё janё, qё tё pёrcjellin opinionet e dobishme tё qytetarёve. Si besimtar ortodoksë unë e kuptoj se për ju zoti Aleksandёr Sallabanda, për ju zoti Robert Andoni dhe pёr ju zoti Miron Çako egziston një histori krejt ndryshe nga ajo që unë dhe breza të tërë mësuesish u kemi mësuar nxënësve në shkolla për Papa Kristo Negovanin, për Fan Nolin, At Stath Melanin, për Faik Konicën që shkruante artikullin “Ju tregoj grekërit”, etj.. Nga ana tjetër ju nuk merrni mundimin që të na shpjegoni se ku janë të pavërtetat dhe referimet e gabuara për Papa Kriston. Ndoshta mos jeni duke përgatitur ndonjë artikull tjetër ku të na e përshkruani Papa Kristo Negovanin me tufë lulesh në duar duke pritur ardhjen e andartëve grekë në Korçë? Këto i kërkoja unë në letër që të më shpjegonte Hirësia Janullatos. Në replikën tuaj u jeni referuar disa shifrave si kundërpërgjigje shifrave që jepja unë në letrën time, po mua as denjoni të më referoheni me emër. Ju lutem zotërinj profesora të më thoni se nga këta 160 klerikë shqiptarë që paska përgatitur Hirësia Janullatos nuk paska ndonjë të prokopipsur që të vihet në krye të Kishës Autoqefale shqiptare? Apo Hirësia përgatitë klerikë shqiptarë nё shёrbim tё Greqisё, të stampës “buono per Albania”?. Prandaj ju lutem bëhuni më të urtë në gjykim dhe kur merrni penën bëni mirë të shkruani të vërteta, jo arsyetime që i miratoni në studion e Hirësisë Janullatos. Si mësues i vjetër në moshë, u ripërsëris atë që ju e dini por që e harroni, kur e vini veten në shërbim të një misioni që ua gërryen ndërgjegjen: Gjithmonë mos rreshtni që të respektoni veten në radhë të parë. Ky raport respekti me veten ju bën dinjitoz, edhe të nderuar ashtu si edhe besimtarë apo laikë të respektuar nga ne që u lexojmë.
Në fund të replikës thoni se ndiheni krenarë dhe në emër të mijëra ortodoksëve falënderoni Perëndinë që në emër të kishës sonë qëndron në krye Hirësia Janullatos. Unë nuk jam një nga këta. Ju lurem zotërinj, mos mëkatoni në mënyrë kaq hapur. Mos merrni rol propagandues në favor të njëanshëm. Më vjen në mend këshilla që u jepte Fan Noli atyre që e rrethonin: “ Mos i vishni vetes qyrkun e përgjegjësisë që të flisni në emër të të gjithë besimtarëve. Çdo berr varet në këmbët e veta. Pёrpara Altarit jeni tё vetёm pёrpara Zotit

Njё shkrim shumё, shumё lavdёrues pёr Hirёsinё Janullatos botoi Z. Miron Çako. Unё nuk besoj se Kryepeshkopi i ka lexuar mё pёrpara shkrimet me lavdёrime tё pa kufij. Megjithёse mendoj se duhej t’i kishte lexuar sepse, si njeri me kulturё tё jashtёzakonshme do e pikaste menjёherё se kaq shumё ёshtё tepruar me lavdёrimet sa me siguri qё nuk do i kishte lejuar tё botoheshin. Hirёsia Janullatos e di mirё se çdo tejkalim mase nё mburrjet çon nё efektin e kundёrt, tё pёrbuzjes. Me gjithё konsideratёn e lartё qё kam pёr Hirёsinё Janullatos si njeri prapё se prapё mё duket qё e kanё mburrur kaq shumё sa tё duket sikur ёshtё fjala pёr Atin grek tё engjёjve, njeriun mё perfekt e ideal, tё cilit edhe pse ёshtё njeri mbi kёtё tokё nuk ke se ku t’i gjesh njё mangёsi. E pa një mangësi apo huq asnjë qёnie njerёzore nuk egziston mbi tokë. Do ju pёrmend njё fjalё tё urtё greke: “Topolito qirielejso to variete qeotheos”, Duke pёrsёritur lavdi Zotit mёrzitet edhe vet Zoti. (mё falni pёr ndonjё gabim tё moshёs) E keni gabim o tё bekuarit e Perёndisё. Nuk ndryshon opinioni pёr njeriun e fesё me artikuj lavdёrues pa masё e pa kufij, Veprimet flasin vet me zё mё tё lartё sesa fjalёt. Pёrndryshe kjo e shton deziluzionin dhe dyshimin nё portretin e tij fetar. Njё budallallёk mё shumё shprehu autori Miron Çako i cili donte tё na mbushte mendjen se spitalet dhe kishat e ndёrtuara me kontributin e Hirёsisё Janullatos nuk kanё rrota. Argumenta pёr naivёt. Dale pak more i bekuar. Mbas tёrё atyre padrejtёsive historike qё Greqia ka mёkatuar ndaj Shqipёrisё edhe me rrota tё ishin kishat dhe spitalet me siguri qё shteti grek do ua kishte hequr pёr t’i lёnё tё ngulura siç po ngul varret pa eshtra tё ushtarёve grekё. Mos harroni se efekti ideologjik qё ato prodhojnё dhe injektojne nё mendjet e besimtarёve e tё popullit tё thjeshtё ёshtё me efekt admirues shumё tё shpejtё.Prandaj Hirësia Janullatos nxiton tё bёj kёto dhe jo tё dёnojё ligjin e luftёs apo doktrinёn famёkeqe tё vorioepirit. Dy njolla historike që cënojnë rëndë dinjitetin moral të shqiptarëve. Dihet se shtetet mendojnё pёr 50-100 vjet perspektivё. Asgjё s’bёhet kotё.
Burime financiare misterioze qё nuk u deklaruan asnjёherё janё ato me tё cilat u ndёrtuan kёto kisha e spitale. Mua si besimtar shqiptar mё duhet e vёrteta qё do më sjell paqe nё mendjen e besimtarit, e vёrteta qё largon hijet e dyshimit dhe tё Djallit.
Nuk jam njohёs specialist i kritereve ligjore mbi bazёn e tё cilave mund t’i japёsh nёnshtёtёsinё shqiptare njё shtetasi grek. Por nuk kam asnjё fije dyshimi se nё radhё tё parё kriteri mё kryesor nё dhёnien e nёnshtetёsisё shqiptare duhet tё jetё Dashuria e vёrtetё ndaj popullit dhe shtetit shqiptar. Po tё ishte dashamirёs nё kёto 23 vjet si Kryepeshkop, Hirёsia Janullatos ka pasur nё dispozicion kohёn e mjaftueshme qё nёn frymёn kristiane tё paqes tё bёnte tё paktёn njё herё njё thirrje apo njё meshё tё madhe ku tё lutej e tё lutej me zё tё lartё pёr heqjen e Ligjit tё luftёs me Greqinё. Kryepeshkopi Janullatos me kombësi greke nëse realisht e do dhe punon për popullin shqiptar ka rastin më ideal që të shfrytëzojë autoritetin e tij kishëtar që t’a bëj një lutje të tillë dhe të imponohet për heqjen e këtij ligji fyes. Për fat të keq nuk do që t’a bëj. Dihet gjithashtu se janё qarqe ekstreme fetare e politike greke ato qё ndezin orekset e Vorioepirit. Me kёtё frymё paqeje kristiane tё bёntё njё lutje vёllazёrore pёr qetёsimin e erёrave agresive greke ndaj tё ashtuquajturit Vorioepir. Kёtё dashamirёsi ndaj popullit dhe shtetit shqiptar Hirёsia Janullatos pёr kёto dy nyje gordiane nё raportet greko-shqiptare jo vetёm qё nuk e ka shprehur por si besimtar unё ia konsideroj Kryepeshkopit tё kishёs sime si njё mёkat qё vazhdon tё bёj ndaj popullit shqiptar. Gjëra për të cilat Kryepeshkop Noli do lutej e do punonte natë e ditë.
Qёnia e njё Kryepeshkopi nё drejtim tё Kishёs aktuale “Autoqefale” shqiptare merr njё domethёnie shumё pёrcaktuese nё kontekstin historik shqiptaro-grek. Shqipёria ёshtё pushtuar dy herё nga Italia. Por sjellja e pushtuesve italianё nuk ka arritur asnjёherё mizoritё e masakrave qё grekёrit kanё bёrё nё disa breza ndaj shqiptarёve. Rasti i dhënies së nënshtetësisë shqiptare trainierit Biasi të Kombëtares shqiptare të futbollit dëshmon sesa rol të madh luan ngarkesa e raporteve të zymta historike me Greqinë. Nё njё kohё qё egziston Ligji I Luftёs dhe ekstremet Vorioepiriote ti japёsh nёnshtetёsinё shqiptare njё personaliteti shumё tё lartё grek i cili mund tё bёj shumё, tё luaj rol determinues pёr tё larguar kёtё mjegull lufte midis shqiptarёve e grekёrve ёshtё njёlloj si ti japёsh nёshtetёsinё amerikane njё personaliteti tё ISIS.

Shqiptarёt nuk kanё vrarё kurrё grekё qё prej Rilindjes e nё vazhdim. Masakrat greke ndaj popullsisё shqiptare nuk mund tё krahasohen fare me sjelljen prej pushtuesi tё ushtrisё italiane. Shqiptarёt me shumicё myslymane pёr shkak tё kёsaj sjelljeje ushqejnё shumё mё pak urrejtje ndaj italianёve pushtues tё fesё katolike krahasuar me urrejtjen ndaj grekёve masakrues e pёrvetёsues territoresh.
Vetёm njё moment tё kujtojmё, masakrat ndaj komunitetit çam. Hapjen e barkut me thikё tё grave shtatzёna. Aq tё tёrbuar e kishin arsyen e zhdukjes sё kёtyre refugjatёvё çam sa kur mernin shenjё nё turmat e refugjatёve çam shёnonin dhe qёllonin mbi djepet e fёmijёve qё mbanin nёnat çame nё shpinё. Tё mjerat nёna ecnin me orё tё tёra pa e ditur se mbanin nё djep njё fёmijёn e tyre tё vdekur tё mbytur nё gjak. Nuk janё shqiptarёt qё kanё pёrvetёsuar toka greke, e kundёrta ka ndodhur dhe synohet prej grekёrve pёrvetёsues tokash shqiptare edhe sot. Madje rasti i fundit ёshtё ai i pёrvetёsimit tё detit.

Ngjarjet e fundit nё Greqi dhe artikujt e fundit pёr kryepeshkopin Janullatos nё Shqipёri na zbuluan diçka me shumё rёndёsi. Hirёsia Janullatos jashtёzakonisht i ditur, me shumё diploma dhe kulturё tё jashtёzakonёshme si rrallё kudo, u konsiderua si njeri i vyer pёr momentet e vёshtira politike qё po kalon populli dhe shteti grek. Pra na u zbulua nuanca politike e Kryepeshkopit Janullatos pro, nё interes tё atij qё donte t’a vinte president tё shtetit grek.
Kaq i ditur sa ёshtё Hirёsia Janullatos sigurisht qё kontributi i tij do tё ishte me shumё vlerё pёr vendin e tij atje në Greqi. Grekёt po bёjnё njё sakrificё duke e imponuar Hirёsinё Janullatos qё t’ia falё disa dhjetёvjeçarё nga jeta e tij Shqipёrisё. Falmё o Zot po nuk mё hiqet nga mendja se ky njeri qёndron me urdhёr. Dhe nuk lёshon asnjё fije nga ato qё ka vendosur tё bёj. Rasti i Hirёsisё qё qёndron me urdhёr mё bёn tё mendojё njё analogji. Dihet nga historia se njёlloj si Perandoria osmane edhe Kisha greke u pёrpoqёn me tё gjitha mjetet qё t’a ndalonin dhe e mallkuan gjuhёn “e mallkuar” shqipe. Nё kёto rrethana historike pyesim se, kё do tё angazhonte shteti shqiptar pёr t’ju kundёvёnё kёsaj doktrine famёkeqe antigjuhё shqipe?
Sigurisht qё do tё ishte njё veprim shumё i mençur i shtetit shqiptar qё tё dёrgonte si kryesues tё njё institucioni albanologjik nё Athinё mё tё shquarin gjuhёtar shqiptar, Eqerem Çabej. Pra mё tё zotin e gjuhёtarёve do e sakrifikonte duke e imponuar qё tё qёndronte atje ku kundёrvёnia ndaj keqinterpretimeve, atje ku interesi i kulturёs gjuhёsore shqiptare do tё ishte mё i madh. (Kush mё mirё sesa njё njeri shumё i ditur grek mund tё prishё themelet e Autoqefalisё shqiptare?) Shqiptarёt mburren me Eposin e Veriut dhe grekёt me Homerin, por tё mos harrojmё se Kali i Trojёs ёshtё shpikje e grekёrve.
Në rolin e mësuesit më vjen turp nga vetja kur e imagjinoj veten përpara gjyqit moral që më bën Fan Noli dhe Faik Konica. Njëlloj ne shqiptarët si atëhere kur s’kishim akoma shtet edhe tani që shtetin formalisht e kemi prej 100 vjetësh. Nuk e quaj armik Hirësinë Janullatos, siç aludon autori Çako. Ama nuk e quaj dot mik, sepse jo vetëm që nuk ka bërë gjërat më kardinale për mua is besimtar shqiptar, por edhe sepse si e thotë një proverb anglez “Miku permanent nuk është asnjëherë i mirëseardhur”. Në Bibël e kam lexuar: “Për të ndërtuar një banesë nevojiten duar, por vetëm zemra mund të ndërtojë një shtëpi të Zotit”. Hirësia Janullatos nuk ka ndërtuar në Shqipëri shtëpi të Zotit. Me duar ka ndërtuar shtëpi të interesave greke.

Reagim i Asllan Dibranit kundër Kastriot Myftarajt për ballistin

by

Ne foto: Pamje e flamurit autokton mbi Beograd nga Smail Morin Ballisti i akuzuar nga gazetari Kastriot Myftaraj!?./
Nga Asllan Dibrani/*
Morina, tifozi i famshëm i “Kombëtarës Shqiptare”, i cili akuzohet nga serbët si autor i mundshëm i lëshimit të Dronit me flamurin e “Shqipërisë Etnike” mbi qiellin e Beogradit, në ndeshjen Serbi-Shqipëri,u bë alarm i madh nga qarqet e Beogradit që dridhi edhe raportet politike.Kjo ngjarje pati përplasje të shpeshta ndërshtetërore me akuza të ndërsjella. Ballisti ishte një përformancë artistike moderne me logjikë të kujtesës së një krijuesi artistik,që vërtet tronditi shpirtat ,ashtu siç duhet ta bëjë një vepër artistike!Tronditi serbet,që shprehen primitizmin e vet me reagime të llojllojshëm deri të djegiet e shtëpive dhe dyqaneve të shqiptarëve në Serbi. Një serb një i ri tregon videon e babës së tij që goditi televizorin me karrige nga zemërimi që ka pa valëvitjen e flamurit tonë mbi Beograd.!Ngriti në këmbë të gjithë shqiptarët duke filluar në Tiranë,Prishtinë e qytete tjera në përkrahjen e Ballistit.!Tronditi edhe Platinin se mos është bombe,tronditi mediat e botës edhe akoma jehona e kësaj kryevepre artistike vazhdon…Pastaj ata që duan me i dhanë ngjyrë tjetër siç është rasti i këtyre ditëve nga gazetari Kastriot Myftarajt kundër Ballistit (Ismail Morinës) që e përshkallëzoj situatën me alarm qyqari me ngritjen e akuzës me kallëzim penal mesa vijon reagoj kundër tij dhe citoj tekstin e tij si më poshtë: Kallëzimi penal konsiston në këto vepra penale sipas parashikimit të imagjinatës së cektë , të çuditeshe me plot intriga,shpifje madje edhe denigruese. Një padi e drejtuar nga një njeri kokorizgji i interesave të Serbisë, është një skandal në vete që nuk duhet ta marrim shumë për shqetësim pasi kombi ynë dhe populli ynë gjithnjë pati njerëz qe i hanë bukën kombit tonë ,flasin shqip por varrin ja mihin për çdo ditë. Një gjë e tillë po ndodh edhe me çoroditësin e gazetarisë shqiptare Kastriot Miftarajn, pak njohës i historisë shqiptare e aq ma pak historisë së Kosovën qe më frazimet e tij fëlliq simbolin tonë kombëtar , shtrembëron historinë,merret me fjalët e çarshisë!!!???… Ai masë miri e dinë se(kush e ndërsen, nga kush është i paguar dhe çka fiton me këtë)?.
Ky gazetaruc, përpiqet ta mbroj Shqipërinë nga veprimtaria “armiqësore e Serbisë në bashkëpunim me tifozin shqiptar Ballistin e ngritjes së Dronit mbi Beograd”, me çka ja ka gjet edhe kodin se ku e paska cenuar Shqipërinë sipas,nenit 230 të Kodit Penal të Republikës së Shqipërisë,që vepra e Ballistit, nga Kastriotit u vlerësuar si terroriste dhe armiqesore”!
Zoti Myftaraj harron se Beogradi zyrtar theu kodet ndërkombëtare duke i ndaluar tifozët e skuadrës shqiptare që ta përcjellin ndeshjen Shqipëri -Serbi.
-Ky paska harruar thirrjet ofenduese dhe poshtëruese me doza e urrejtjes raciste të përsëritura me mijëra herë nga spektatorët serb në stadiumin e Beogradit.Shteti serb ishte bashkë me ta si huliganë, primitiv dhe barbar!. Gjestet e serbëve janë nga pozita shtetërore.Dallimi është i qarte, por thuaj se ata janë mjeshtra të vete-viktimizimit dhe të nxjerrjes dhjamë edhe nga pleshti si rasti i Martinoviqit në Gjilan para 20 vjetësh e futi shishen në zorrën e trashë duke i akuzuar shqiptarët se e dhunuan,por të Droni është diçka tjetër.
Historia e tyre është e mbushur me pabesi ,akuza fallso ,diversion mashtrues ,armiqësi shekullore kundër shqiptarëve.Ajo u pa botërisht duke kërkuar “vdekjen e shqiptarëve,Kosova është e jona t’i vrasim shqiptarët”etj,por për çudi zoti Kastrioti s’ka qene në gatishmëri t’i thotë dy fjalë ndërsa për Ballistin thotë se ishim në rrezik me ndez luten me Serbinë!?. Kah i erdhi kjo ide aq brutale Kastritot Myftarajt?

Gjithsesi kjo është një zgjuarsi shqiptare inteligjencë plotë shprehje nacionale, jo me fraza ,poezi,reportazhe po me flamurin kombëtar simbol i bashkimit kombëtar.

Ndërsa gjesti i Ballistit është individual,e ke të qartë?Lind pyetja si nuk e the edhe një fjalë të vetme për terrorin primitiv qe u bë atë ditë kundër lojtarëve tanë edhe ndaj zyrtarëve të Shqipërisë. Ballistit bravos i qoftë që shfryu dufin e tij, por edhe bëri të ndihen mire mijëra tifozë sporti dhe shqiptarët në tërësi. Ai ia hodhi shtetit barbar Serbisë dhe i ka ngritur mendjen gjithë botës rreth Shqipërisë.Një diversion po u bëka edhe me logjike dhe zgjuarsi e jo vetëm me raketat balistike,dhe luftë frontale!.Gjithsesi kjo është një zgjuarsi shqiptare inteligjencë plotë shprehje nacionale jo me fraza ,poezi,reportazhe po me flamurin kombëtar simbol i bashkimit kombëtar.
Autori i Dronit është një patriot shqiptar dhe hero pa diskutim e jo si Kastriot Myftaraj që turpëron emrin qe e ka .Ai, jo qe është në gjendje ta kishte bëre një vepër të këtillë për interesin shqiptar ,por saboton etiketon dhe njollos nga frika dhe simpatia për Serbinë.

Atë që beri Ballist Morina, kishim shekuj që e prisnim!

-Ky “analist shkon edhe ma tutje dhe thekson së me ngritjen e flamurit etnik mbi Beograd ,Ballisti paska bëre provokim të luftës”, e parashikuar nga neni 211 e Kodit Penal të Republikës së Shqipërisë. Zoti Kastriot Myftaraj, është një turp, për ju, që aq shumë jeni i cekët në fushën politike. A s’është mjaft që ne shqiptarët po rrimë si macja nën sofër nga armiqtë dhe bashkëpunëtorët e tyre?. A ta ulim kokën akoma pran një grushti Serbie ta heshtim akoma vrazhdësinë e tyre hegjemonist duke mos shprehur gatishmëri shqiptarët sa duhet për toka e veta?. A thua sa kohë, ne shqiptaret pritem të shihet një flamur i përbashkët në arenën ndërkombëtare?. Atë që beri Ballist Morina, kishim shekuj që e prisnim, kishim shekuj që e kërkonim, një shenje, për t’i zgjuar shqiptarët dhe turpëruar serbët dhe kjo ndodhi në mes të Beogradit, jo me shantazhiume e intriga si Kastriot Myftaraj ,por me vepër.

Zoti Myftaraj vepron ,shprehet , dhe shkruan me tezat e armiqve tanë. Gjestin dhe veprimin që e bëri Ballist Morina është dashur ta kryejnë parlamentet e Shqipërisë dhe Kosovës.!

Ju kërkoni rrudhje të tokave shqiptare duke mos i njohur shkëputjet e pjesëve të veta Kosovës. Zoti Myftaraj vepron ,shprehet , dhe shkruan me tezat e armiqve tanë!.Gjesti i Ballist Morinës, tregoi se (shqiptarët janë një dhe duhet të jenë një për të gjithë dhe te gjithë për një). Gjestin dhe veprimin që e bëri Ballist Morina është dashur ta kryejnë parlamentet e Shqipërisë dhe Kosovës. Ballisti me një fjalë bëri punë ma të madhe sa dy qeveritë aktuale për “Atdheun”, pastaj ti duhesh te turpërohesh dhe të përgjigjesh vet penalisht tek populli shqiptar se ke cenuar vlerat e tij pikërisht ata që sakrifikojnë për te.
-Ju ma jeni të prirë nga qëndrime jo shqiptare të qosh pluhur si kurse Fatos Lubonja rreth qenies tonë të lavdishme shqiptare, duke njollos. Ju nuk është hera e pare që dilni me prononcime antikombëtare ,antishqiptare siç ishte rasti e vizitës se Edi Rama që ishte në Paris (për aktin terrorist që e kryen forcat islamike kundër gazetarëve dhe karikaturistëve francez) me eskortën e përfaqësuesve fetare të Shqipërisë.Ju dolët dhe e qortuat zotin Rama se është dashur me marr edhe grekun Anastas Janullatos si përfaqësues të ortodoksëve shqiptarë” kur dihet botërisht se ai është njeriu ma i përbetuar kundër shqiptarëve edhe se dihet që ka prejardhje çame!.

Ti e fyen njeriun e kontributit të internacionalizimit të çështjes shqiptare në Ballkan!?

Pastaj ju zoti Kastriot shkuat edhe ma lart kur njollosni edhe flamurin shqiptar duke u përpjekur që t’i akuzosh shqiptarët ne vijën e çështjes shqiptare, vet bien në gracka me vetëdije. apo pa të, ti e din!?.
Me shprehjet tua si ma poshtë nuk lëne përshtypje që i dinë gjërat si duhet andaj bien në lajthitje me vetveten tuaj kur shpreheni për ngritjen e flamurit mbi Beograd “Poshtërimi botërisht i Republikës dhe i simboleve të saj”, parashikuar nga neni 268 i Kodit Penal të Republikës së Shqipërisë” duke e cilësuar Ballistin si bashkëpunëtor të Serbisë i hamendur,pa pasur argumente edhe vet del i pa çart para disa ditësh në opinion.
Lajmin tuaj e pritem pa durim!Isha shumë i lumtur se zoti Kastriot Myftaraj zbuloj një tradhtar përmes deklaratave të forta sa që ne publikut,na ndave kohë orësh në publikimin e dokumenteve rreth zbulimit të spiunit të Serbisë kuptohet për Ballistin. Ai që del me tema kombëtare,qoftë edhe zbulim,apo hetim të njerëzve të dyshimtë që veprojnë kundër shtetit tonë dhe popullit tonë duhet të quhet atdhetar , dhe dashamir i popullit ,ashtu te kosiderova edhe ty. Ti ishe i tillë për disa orë zoti Kastriot i dashur,patriot dhe atdhetar për mua,ndërsa Ballistin e sajova si armik terrorist dhe spiun të Serbisë,gjithnjë duke e pritur në media zbulimin edhe të një spiuni serb siç ishte i akuzuari dhe i zbuluari i yt (Isamil Morina Ballisti). Ishe patriot dhe sakrifikues për çështjen e Kombit!.Ai qëndrim i imi për ju zoti Kastriot Miftaraj,nuk zgjati ma shumë se kur dole me një deklaratë qesharake me hamendje, supozime,akuza kokorizje pa krip me plotë gënjeshtra. Për disa orë ti ishe i dashur i përkëdheluri,por shpifjet tua të pa kurrfarë argumenti që nuk afrove në dritë u shndërrove në një njeri të dyshimtë dhe abuzues për njeriun që dha një kontribut të internacionalizimit të çështjes shqiptare në Ballkan.Ballisti foli në të gjitha gjuhët e botës dhe mbeti ai qe është ,por ju zoti Kastriot pajtohu se ai është në epërsi dhe siç duket ja keni përgatitur të keqen vetes tuaj që ju i keni dhënë rast Ballistit të padis për shpifje dhe fyerje personale. Kisha të këshilloj që t’i kërkosh kodet ligjore se me cilat do të përballesh m ligjet e shtetit shqiptar. Ju nuk keni arritur ma lart se ta bindeni një program televiziv të Arian Canit për një debat televiziv.Për debat televiziv dhe debate mediale,këtu jam kur të duash dalim dhe bëjmë debat lidhur me këtë çështje.Sot Ballisti njihet në tëre botën me kryeveprën që beri,ndersa ju?.
Ju zoti Kastriot theksoni,(duket qartë se autoritetet serbe duan ta përdorin emrin e Morinajt, si autor të dërgimit të Dronit, por jo të kenë të bëjnë drejtpërdrejt me Morinajn. Merret vesh, Ismail Morina është bashkëpunëtor i shërbimeve të fshehta serbe)?
-Nga teksti i lartshënuar shihet se je tip gazetari i varur nga dikush që të ndërsen të hapë debate pikërisht pa baza.Mbetet përshtypja se sikur ju e pritni me kënaqësi pa durim dhe me gëzim arrestimin e tij,apo edhe ngritjen e ndonjë padije ndjekëse nga Interpoli!. Kjo shihet se e paskeni bërë një zbulim epokal që organet e Serbisë nuk paskan mundur ta zbulojnë ndërsa Kasrtion Myftaraj e paska zbuluar kryesin e këtij akti,ngritjen e flamurit në atë formë që u ekzekutuar. More, zotëri ti ke mbetur akoma në analiza mesjetare,bota po manovron edhe në planetët tjera e ti e thua është e mundur kështu e ashtu me shpifje.
Vazhdojmë edhe ma tutje mbi akuzat qe i ngrit kundër Ballistitit, Kastriot Myftaraj thotë: Ka edhe diçka tjetër më të thellë që fshihet të flamuri: “Autori i bannerit i kishte vendosur dy Etërit Themelues të Shtetit Shqiptar, Ismail Qemal Vlorën dhe Isa Boletinin, si dhe stemën e Republikës së Shqipërisë,shqiponjën e zezë në fushë të kuqe, brenda një fushe të zezë. Ky nuk ishte thjesht një poshtërim. Praktikisht me këtë banneri kishte kombinuar flamurin kombëtar shqiptar me flamurin e zi të Shtetit Islamik.
-Një tjetër simbol islamik në banner ishte harta, e ashtuquajtur nga Ismail Morinaj,si e Shqipërisë Etnike. Nëse e shikoni me vëmendje hartën do të vini re se në këtë hartë, brenda territorit të “Shqipërisë Etnike” përfshihet dhe Sanxhaku. Sanxhaku nuk ka qenë kurrë një treve e pretenduar si pjesë e Shqipërisë Etnike që nga koha e Rilindjes Kombëtare Shqiptare dhe deri më sot. Shumicën e popullsisë e përbëjnë boshnjako-muslimanët (54.5%) Serbët përbëjnë 33.9% të popullsisë dhe malazezët 7.25% të popullsisë. Vetëm 1.04% e popullsisë së përgjithshme të Sanxhakut, ose 4062 persona janë deklaruar shqiptarë”.

Struktura e popullsisë së Toplicës 1877-1978

Zoti K.Myftaraj ju jeni plotësisht në lajthitje i pa informuar pastaj mos dil me gjëra të tilla të gënjesh publikun!Ti e turpëron etiken e gazetarisë sonë!?.Ti je një naiv,apo injorant!Unë të sjell fakte e dëshmi të atyre territoreve të shpërngulura me dhunë,zjarre dhe terror. Akoma plagët tona janë të hapura. Shpërngulja e tyre u përqendruan në Kosove,Shqipëri si në fshatin Qerret në Durrës , në Tiranë, në Fier ,Shkodër,Elbasan e gjetiu ,por pjesa dërmuese iku për Turqi me marrëveshje të Serbisë dhe Turqisë. Po të sjell dëshmi pa e përfshirë Sanxhakun ve qe po ta them se asnjë bëshnjak nuk ka aty. Të gjithë janë shqiptar te asimiluar. Ndersa sa i përket Toplicen që ka në vitin 1877-1878 ka pasur 18333 banorë, prej të cilëve rrethi i Prokuples ka pasur 10825 banorë, prej tyre 4618 kanë qenë serb, ndërsa pjesa tjetër 6207, kanë qenë shqiptarë, rrethi i Kosanices ka pasur 6708 banorë, prej tyre 577 serbë, 5951 shqiptarë dhe afro 800 çerkez. Leskovci gjerë në vitin 1877 ka pasur 900 shtëpi të banuara me 5000 banorë shqiptar dhe pak serb. Në Prokuple me rrethinë ka pasur 2505 shtëpi shqiptare, 2031 shtëpi serbe. Në Kurshumli ka pasur 1956 shtëpi shqiptare, 638 shtëpi serbe. Kjo është një statistike që tregon mase miri historikun e atyre rajoneve. Gjysma e popullatës së Kosovës kanë mbiemrat nga ai rajon me toponimet që akoma janë në hartat gjeografike ,hyni dhe e vërtetoni lexues te dashur .Mbiemrat që kanë sot shqiptarët e Kosovës dhe i përdorin në bazë të toponimeve në regjionin e Toplices janë mesa vijojnë si ma poshtë: Kastrati,Muhaxheri,Vllasa,Kapit,Bajçinca,Bellanica,Breznica,Batusha,Byqmeti,Jashanica,Reçica,Merovci,Rafuna,Retkoceri,Visoka,Tupalla,Stublla,Sllamniku,Pllana,Rakovica,Ramabaja,Rashica,Konjfca,Maqastena,Zhegrova,Terpeza,Shahiqi,Qyqalla,Maqedonci,Koprani etj. Janë toponime që sot shqiptarët e Kosovës i ruajnë, këta mbiemra në baze të toponimeve që i kanë pas si vendbanime. Po me të mjetit mbiemra sot i gjene edhe shqiptaret e Turqisë prandaj ju shihet se nuk keni kurrfarë lidhje me territoret tona se ku i kemi de ku i kemi pasur.Ju nuk keni prova dhe potencial ta akuzonishqiptaret , aq ma pak Ballistin që shumë në formë precize i ka fut ato territore në kornizat e kufijve të Shqipërisë së bashkuar .Ne nuk do të pyesim se a keni mbetur si viktimë e komunizmit në Shqipëri dhe nuk i ke mësuar në histori këto të dhëna, apo ti je një injorant dhe nuk i din gjerat?. Ne i konsiderojmë si toka tonat. Kemi lënë tapitë tona atje një ditë duhet edhe t’i kërkojmë dhe të kthehemi në tokat tona.Është koha që të tregohet një kallëzim penal ndërkombëtar kundër Serbisë për atë kohë. Nëse është për denoncim dhe kallëzim penal është Serbia e jo shqiptaret zoti Kastriot!?.Ti njollos flamurin tonë me simbolin ma të çmueshëm shqiponjën me flamurin e kalifatit gjë,qe ne shqiptarët as që kemi gjë të përbashkët me ta. Sa i përket vendosjes së dy figurave kombëtare, normal se ato janë që duhet të vendosen. Edhe ngjyra është ajo ma e mire në të parë estetik po aq edhe
artistike. Këtu ka të bëjë me ngjyrën kuq e zi e jo siç mendon ti me imagjinatën tuaj të fëlliqet vendi me mbeturinat aziatike që për fat të keq kanë zënë rrënjë edhe në trojet tona!?.
*Autori i reagimit është publicist, ish i burgosur politik, anëtar i kryesisë së Lidhjes së Shkrimtarëve, Artistëve dhe krijuesve shqiptarë në Gjermani, poet, piktor dhe veprimtar shumë vjeçar për Kosovën.

Fytyra e Lirisë

by

Nga Keze Kozeta Zylo/
PELLUMB LAMAJ:Janë momente kur i drejtohem Zotit për shpirtin e pamposhtur që më dha dhe betohem se kurrë nuk kam për të harruar se nga vij e mbi të gjitha ATA që mbetën rrugës, e tani pas më se njëzetë vjetësh, ndjej paqe në veten time dhe falënderoj përsëri Zotin…
Nganjëherë rrethanat e jetës janë kundra teje por të thuash fjalën e mirë e të drejtë e të mbetesh NJERI, këtë e ke vet në dorë!… /
Një portret i bukur si fytyra e Lirisë! Kam kohë që e kam takuar në aktivitete të ndryshme patriotike njeriun si me flakadanin në dorë, z.Pëllumb Lamaj ish i dënuar politik nga diktatura hoxhiste në burgun famëkeq të Spaçit qysh në moshën 19 vjeç. Oratoria dhe kthjelltësia e mendimit në mediume të ndryshme dhe biseda shoqërore janë tejet mbresëlënëse. Duke e dëgjuar me vëmendje të posaçme fjalën e tij duket sikur sheh nga afër sytë e bukur të Lirisë, të Lirisë që barbarët mundoheshin t’i verbonin sytë, të Lirise së munguar ndër miliona shqiptarë…
Në demonstratën që u zhvillua më 13 tetor, 1912 në Manhattan para OKB-s në mbështetje të greves së urisë se ish të dënuarit politik të ndjerit Lirak Bejkos, ajo që do më bënte më shumë përshtypje ishte fjala e shkurtër e z.Lamaj, por thënë gjithçka me një elekuencë të përsosur. Mbrojtja që i bënte bashkëvuajtësit të tij ishte dinjitoze, ishte gati epike. Ishte mbrojtja që i bente një Burrë të vërtetës dhe Lirisë së mohuar të Lirak Bejkos, çka të kujtonte Malcolm X i cili ka thënë: “Nobody can give you freedom. Nobody can give you equality or justice or anything. If you’re a man, you take it”, që përkthehet: “Asnjeri s’ta jep Lirinë, asnjeri s’ta jep barazinë, drejtësinë ose asgjë. Në se ti je burrë fitoje atë”.
Kështu ka vepruar njeriu i lirë Pëllumb Lamaj që edhe pse bota jo e lirë i hodhi prangat ai përsëri ndihej absolutisht i lirë, absolutisht pa “pranga”.
Në muajin mars u organizua Në zemër të Manhattanit në mjediset e “Producer’s Club Theater” nga Dr.Ilir Hysa dhe z.Pëllumb Lamaj një sesion përkujtimor me rastin e 135-vjetorit të lindjes së Burrit të ndritur të Kombit Mid’hat Abdyl Frashërit, por i mohuar tërësisht nga diktatura, dokumentari i realizuar prej z.Lamaj ishte sikur ta kishte shkruar një historian i vërtetë.
Pas aktivitetit në bisedë të lirë nga z.Lamaj me miq dhe të ftuar që kishin ardhur në këtë sesion përkujtimor ajo që do më bënte më shumë përshtypje ishte fjala Paqe që e përdorte me aq mirësi, ishte Liria në shpirt, në gjak të tij. Ja si u shpreh Ai për Lirinë: “Kur ishja në burg në Spac, nën torturat e barbarëve gjithmonë ju thoshja gardianëve: Unë jam i lirë, i lirë, ju jeni të burgosur, jo unë! Mjerë ju që rrini pas nesh kudo, me ditë, javë dhe muaj pa parë familjet tuaja, fëmijët, gruan, prindërit. E dhimbshme që fëmijët tuaj do të rriten me bëmat e babait që përdor kërbaçin kundër njeriut”.
U ndala sot para kësaj fotoje dhe m’u duk sikur pashë fytyrën e vërtetë të Lirisë. Është një djalë i burgosur qysh në bangat e shkollës në qytetin e Vlorës që pasi përmbyset sistemi komunist shkon drejt mërgimit të detyruar, një dhimbje kjo që më shumë se ne të ikurit askush me mirë nuk e kupton. Po sjellë një fragment të shkruar nga Lamaj në rrjetin social në f/b rreth kësaj fotoje që më dha muzë për të shkruar këtë esse:
“Janë muajt e parë të Lirisë dhe një ditë kalova kufirin dhe mora rrugët e botës drejt mërgimit të detyruar për të mbetur i lirë dhe pas disa ditësh e netësh plot andrralla, u gjenda pranë Athinës së lashtë të mbushur me aq lavdi, histori e gjurmë shqiptarësh…
Janë momente kur i drejtohem Zotit për shpirtin e pamposhtur që më dha dhe betohem se kurrë nuk kam për të harruar se nga vij e mbi të gjitha ATA që mbetën rrugës, e tani pas më se njëzetë vjetësh, ndjej paqe në veten time dhe falënderoj përsëri Zotin…
Nganjëherë rrethanat e jetës janë kundra teje por të thuash fjalën e mirë e të drejtë e të mbetesh NJERI, këtë e ke vet në dorë!…
Si shumë prej nesh dhe klasës së persekutuar Lamaj ndihet i zhgënjyer dhe gjithmonë ka mbajtur qëndrim kritik karshi politikës dritëshkurtër shqiptare për të persekutuarit, ish të dënuarit e ndërgjegjes, por edhe për shumicën, që e kanë lënë popullin në një mjerim të tejskajshëm.
Poeti dhimbshëm, me dëshpërim dhe kurajo i drejtohet lirshëm Statujës së Lirisë në këtë poezi si më poshtë: “Ah Statujё, Statujё e Lirisё/ Sa ёndrra rinie u fishkёn mbi ballё/ Jehona dashurie qё kurrё nuk u dhuruan/Sa kafka martirёsh mbetur pa varr!/ Ah Statujё, Statujё e Lirisё/ E vetmja dritё, i vetmi zjarr/ E vetmja ёndёrr ku shpresat udhёtojnё/ Pёrzier me klithma, kulluar nё gjak!/ Ah Statujё, Statujё e Lirisё/ E vetmja shpresё qё na mban gjallё/ Por edhe po ikёm pa u takuar/ Besomё, do vijnё tё tё puthin vrasёsit tanё!…
Mendimi i thellë, metafora e shpresës, por edhe vargu i fundit denoncues duken sikur na thonë ne lexuesve si e famshmja Roza Parks se: “Thuajini botës se dua të kujtohem si një person që kërkonte të ishte i lirë, ashtu si dhe shumë njerëz të tjerë që duan të jenë gjithashtu të lirë”.
Fotoja, poezitë, përkthimet, kushdo që i kanë lexuar dhe komunikuar me Lamaj, me siguri kanë menduar se duan të jenë të lirë, paqësor si Poeti erudit, një Pëllumb Paqeje.

10 Prill, 2015
Staten Island, New York