Politike – Page 624 – Dielli

PROTESTA E OPOZITES KALOI PA INCIDENTE

March 12, 2015 by dgreca

*BASHA: “Kumbarët nuk u morën vesh për ndarjen e pazareve./
“Dëgjojeni bashkimin e shqiptarëve, Rama ik, Meta ik,” tha Basha./
* Berisha: Mazhoranca kapitulloi, ia mbathën nga frika/
* ANTIMITING nga mbeshtetesit e Ilir Metes/
Sot, 12 Mars 2015, Siç ishte lajmëruar, rreth orës 11:00 ka nisur grumbullimi dhe marshimi i mbështetësve të Partisë Demokratike nga sheshi ‘Skënderbej’ drejt kryeministrisë, aty ku kreu i demokratëve ka mbajtë edhe një fjalim plot me akuza per mazhorancen, qe epiettoje te inkriminuar. Me parulla ku kërkohej dorëheqja e kryeparlamentarit Ilir Meta dhe largimin e klikës Rama-Meta, demokrate e simpatizantët e PD të ardhur që në orët e mëngjesit nga rrethe të ndryshme të vendit, i janë bashkuar thirrjes së PD për të protestuar kundër qeverisë.
Në krye të protestuesve qëndron kryetari i PD, Lulzim Basha dhe ish-kreu i PD-së, Sali Berisha. Mijëra njerëz kanë vërshuar në bulevard në një nga protestat më të mëdha të kësaj force politike. Parullat e hedhura në miting janë: “Meta ik” dhe “Të shporret qeveria”.
Fjalimin e parë e mbajti djali i Qamil Zelës, i cili u vetëvra në qeli për shkak se ishte burgosur për faturën e energjisë.“Na akuzuan padrejtësisht se po vidhnim energjin. Jam këtu sepse jam kundër padrejtësisë,” tha ai. Sekretari i Përgjithshëm i PD, Arben Ristani tha se këta pushtetarë u zgjodhën sepse premtuan më të mirën. “Pushtetarët tanë janë një bandë oligarkësh, ndërkohë që populli zhytet në mjerim, krim e pasiguri. Shoqëria është në depresion nga arroganca e këtij pushteti,” tha Ristani. Nënkryetari i PD, Edi Paloka tha se padrejtësia ka arritur aty nuk ku nuk mban më. “Jemi këtu për t’i thënë Metës ik, Ramës zhduku,” tha Paloka. “Nuk mundet që qytetarët të përfundojnë në burgje dhe kriminelët në zyrat e shtetit,” tha ai. “Do e çojmë protestën deri në fund, derisa ata të zhduken”.
Pas kryetarit të grupit parlamentar të PD-së ka marrë fjalën kreu i PD-së, Lulzim Basha. Ai tha se “populli, me pjesëmarrjen e madhe sot në miting e pushoi nga detyra kreun e Kuvendit”. Ai u shpreh se “ky miting është më i madhi i opozitës” dhe është shenjë e pakënaqësisë së qytetarëve.
Ai ka vijuar me akuzën publike se Rama dhe Meta kanë përmbysur gjithçka, se çmimi i energjisë është rritur, se faturat janë bërë të papërballueshme etj. “Asnjë hap i vetëm për të lehtësuar qytetarëve dhe për të qëndruar në anën e tyre. Kanë arrestuar mijëra bashkëqytetarë në një vit të vetëm, njerëz të përbuzur nga qeveria e tyre. Mjerim, varfëri kudo, kurse oligarkët po mbushin xhepat. Në çdo zyrë të qeverisë ka makutëri për zhvatje sipas modelit të dyshes Rama-Meta. Dhe kur shqiptarët nuk shtyjnë dot muajin, një hall tjetër na ka zënë, tritoli kërcënon jetën, njerëzit po luten të shpëtojnë kokën. Në Shqipëri, krimi nuk ka patur kurrë lidhje më të forta më qeverinë se pas zgjedhjeve të 23 qershorit. Bandat e tyre kanë dorë të lirë dhe territore dhe janë bërë të paprekshëm. Nuk dihet ku mbaron krimi dhe ku fillon shteti”, akuzoi Basha.
Kreu I demokrateve ka vijuar me përmendjen e çështjes “Doshi”, sipas të cilit, superdeputeti që deri dje i hapeshin dyert, për 6 muaj Rama-Meta kanë mbajtur të fshehur krimin ndaj tij. “Për 6 muaj janë përpjekur që t’ia faturojnë këtë Partisë Demokratike. Eshtë bërë Pazar me jetën e dy deputetëve. Eshtë bërë shantazh dhe matje forcash. Jemi të tronditur nga kjo ngjarje, më e rënda e 25 viteve të fundit”, shtoi kryedemokrati.
Kreu i Partisë Demokratike duke folur para qindra mijëra mbështetësve deklaroi se bashkimi më i madhi shqiptarëve në këtë shesh i detyroi qeveritarët të mbyllin parlamentin dhe pushoi Ilir Metën nga detyra e kreut të Kuvendit. Basha i bëri thirrje dyshes Rama-Meta të shohin mirë bashkimin e shqiptarëve nga të gjitha anët e vendit dhe të largohen nga qeveria.
“Shqipëria e pa, bota e pa se pamja e bashkimit të shqiptarëve sot në këtë shesh mbylli parlamenti dhe pushoi Metën nga detyra e kreut të kuvendit. Rama-Meta shikojeni bashkimin e shqiptarëve dhe largohuni”, tha Basha.
“Qeveria e Ilir Rama dhe ilir Meta kanë përmbysur jetën e shqiptarëve, çmimi i energjisë është rritur, kurrë s’ka pasur kaq të papunë mes nesh. Kanë rritur taksat, kanë shtypur populli. Kjo qeveri nuk ka bërë asnjë akt të vetëm për të lehtësuar qytetarët, por kanë çuar në vetëvrasje shumë njerëz, kanë arrestuar mijëra vetë. Kudo shesh mjerim, varfëri, papunësi, por këta oligarkë po mbushin xhepat, në çdo zyrë të qeverisë ka vjedhje, makutëri për pasurim të shpejtë”, tha Basha.
Serish duke iu referuar çështjes kryesore për të cilën PD thërriti në shesh mbështetësit dhe simpatizantët e vet, çështjes së shumëpërfolur ‘Doshi’ dhe akuzat e drejtuara ndaj kreut të kuvendit, Ilir Meta si porositës i vrasjes së tij, Basha i bëri thirrje kryeministrit Rama të ndalë presionet ndaj Prokurorisë dhe drejtësisë, ndërsa i kërkoi edhe një herë Ilir Metës të japë dorëheqjen dhe të vihet përpara drejtësisë. Sipas Bashës, gjendja është akoma më e rëndë kur akuzat bëhen nga deputeti më i besuar dhe më i afërt i qeverisë, Tom Doshi. Kryedemokrati ka kërkuar nga qeveria të mos e përfshijë opozitën në këtë çështje, që sipas tij ka ardhur për shkak të prishjes së pazareve të pista mes tyre.
“Rama, Metën dhe Tahiri, të cilët mbajtën të fshehtë gjithçka dhe tani mundohen t’ia faturojnë përgjegjësinë opozitës, duke aluduar për afrimin e deputetit Doshi me PD-në”, tha Basha.
“Kumbarët nuk u morën vesh për ndarjen e pazareve. Ujërat e qelbura dolën në shesh dhe qelbën kudo”. “Por ata kanë harruar se ne jemi këtu, më të bashkuar se kurrë, më të vendosur se kurrë”.“I kërkojmë sot Ilir Metës me një zë, ik, jep dorëheqjen”.“I them Edi Ramës ndal trysninë ndaj organit të akuzës, mos bëj kryeprokurorin”. “Do jemi të mbledhur dhe të bashkuar deri në fitore”.
“Sido ta kenë emrin, Edi, Ilir, Emiliano apo Hakmarrje për Drejtësi, u themi se jemi këtu derisa drejtësia të bëhet”.
“Kjo qeveri ka devijuar nga rruga e ligjit dhe e Zotit,” nënvizoi kryetari i PD. “Shqiptarët kanë nevojë për një ofertë të re. U jap fjalën që Shqipëria do e ketë ofertën e re”. “Nuk ndalemi sa të ketë ligj e drejtësi, derisa krimi të ndalet, nuk ndalemi derisa qytetarët të kontrollojnë qeverinë, derisa Meta e Rama të largohen”. “Ky bashkim është shenjë se qeveria Rama- Meta është rrëzuar moralisht”. “Rroftë demokracia,” e mbylli Basha fjalimin e tij.
Berisha: Mazhoranca kapitulloi, ia mbathën nga frika

Ish- kryeministri Sali Berisha deklaroi pas seancës së shkurtër parlamentare se “mazhoranca firmosi kapitullimin”.
“Nuk ka ndodhur si këta që mbyllin parlamentin. Ia mbathën nga frika. Ky është akti i turpshëm. Kjo mazhorancë e gllabëruar nga krimi ka vetëm një rrugë: T’i hapë rrugë zgjedhjeve të parakohshme,” tha Berisha.
Ai u shpreh se protestuesit janë pa dallime partiake.
“Aty do ketë mijëra socialistë. Këta e mbyllin parlamentin si ta kenë kuzhinën e Ilir Metës,” tha Berisha.
Berisha tha se Meta dhe Rama janë informuar që në protestë do jetë e gjithë Shqipëria, ndaj mbyllën parlamentin.
Edhe deputeti i PD, Mhill Fufi tha se mazhoranca dhe Meta janë trembur nga protesta.
Ndërkohë ish- kryetarja e Kuvendit, Jozefina Topalli tha se Meta shkeli edhe rregulloren.
“Ky është ish- kryetari i Parlamentit më qesharak dhe më gaztor. Është e paimagjinueshme që kryetari i Kuvendit të mos durojë më shumë se 12 minuta,” tha Topalli.

Mbështetësit e Metës, antimiting te selia e LSI
E ndërkohë, qindra simpatizantë të LSI-së, të cilët kishin ardhur edhe nga rrethet janë mbledhur pranë selisë së kësaj force politike, në mbështetje të kreut të saj, Ilir Meta, dorëheqja e të cilit është në qendër të kërkesave të protestuesve të sotëm.
Basha: Bashkimi i shqiptarëve në këtë shesh mbylli parlamentin, largoi Metën nga detyra

Kuvend, Meta e mbyll seancën për 15 minuta/
Berisha: Mazhoranca firmosi kapitullimin/

Seanca e sotme plenare në Kuvendin e Shqipërisë ka zgjatur vetëm 15 minuat dhe është zhvilluar në kushtet e një tensioni të madh politik, në ditën kur opozita ka organizuar edhe një protestë që kërkon dorëheqjen e kryeparlamentarit Ilir Meta.
Përfaqësuesit e opozitës janë ngritur në këmbë pranë foltores duke kërkuar sërish dorëheqjen e Metës.
Deputeti demokrat Arben Ristani nga foltorja e kuvendit i ka kërkuar Metës të japë dorëhqjen por ky i fundit i ka prerë fjalën, pasi ishte jashtë rendit të ditës.
Pavarësisht tensionit të krijuar, kryeparlamentari ka vijuar me rendin e ditës, votimin e projektligjeve që ishin parashikuar për sot, duke iu bërë me dije opozitarëve se pavarësisht nga axhenda e tyre, kuvendi do të vijojë punën normalisht normalisht. Pasi ka votuar me radhë të gjitha pr/ligjet, kreu i Kuvendit e ka deklaruar të mbyllur seancën e sotme.
Berisha: Mazhoranca firmosi kapitullimin e vet
Ish-kryeministri Sali Berisha, i cili ka mbërritur në ambientet e kuvendit pikërisht në momentin kur seanca e sotme është deklaruar e mbyllur, e ka këtë cilesuar një akt të pashembullt në historinë e pluralizmit shqiptar, me anë të të cilit sipas tij mazhoranca firmos kapitullimin e saj.
“Mbyllja e Parlamentit shënon kapitullimin e mazhorancës. Ky është një akt i pashembullt. Këta kanë frikë nga protesta qytetare kundër krimit. Kjo mazhorancë e gllabëruar nga krimi ka vetëm një zgjedhje, t’u hapë rrugë zgjedhjeve të parakohshme”, ka deklaruar Berisha.
Rendi i ditës në Kuvend
1. Projektligji “Për sistemin e depozitës për menaxhimin e mbetjeve në Republikën e Shqipërisë”. (vazhdon shqyrtimi në komision)
2. Projektligji “Për Shërbimin e Jashtëm të Republikës së Shqipërisë”. (vazhdon shqyrtimi në komision)
3. Projektligji “Për një ndryshim në ligjin nr. 7746, datë 28.7.1993, “Për hidrokarburet (kërkim dhe prodhimi),” të ndryshuar.
4. Projektligji “Për ratifikimin e marrëveshjes së bashkëpunimit financiar ushtarak, ndërmjet Këshillit të Ministrave të Republikës së Shqipërisë dhe Qeverisë së Republikës së Turqisë dhe Protokollit të zbatimit për aistencën financiare, ndërmjet Këshillit të Ministrave të Republikës së Shqipërisë dhe Qeverisë së Republikës së Turqisë”.
5. Projektligji “Për ratifikimin e marrëveshjes së grantit, ndërmjet Këshillit të Ministrave të Republikës së Shqipërisë dhe Agjencisë Austriake të Zhvillimit, për asistencën teknike për sistemin e ujësjellës-kanalizimeve”.
6. Projektvendim “Për zgjedhjen e kryetarit të Bordit të Autoritetit të Mbikëqyrjes Financiare.
7. Projektvendim “Për shqyrtimin me procedurë të përshpejtuar të projektligjit “Për një shtesë në ligjin nr. 48/2014 “Për pagesat e vonuara në detyrimet kontraktore tregtare”.

Berisha në prokurori:”DOSHI”- Skenar ogurzi i vrasjes së deputetëve

March 9, 2015 by dgreca

Për 1 orë ish -kryeministri Sali Berisha dëshmoi në prokurorinë e Krimeve të Rënda, për të rrëfyer gjithçka di mbi akuzat e deputetit Tom Doshi në lidhje me komplotin e vrasjes së tij dhe të deputetit demokrat Mhill Fufi.
Sipas akuzave të Tom Doshit pas komplotit të vrasjes është Ilir Meta si urdhëruesi dhe paguesi i 600 mijë eurove.
Seanca e pyetjeve nisi ne oren 09:08 minuta dhe u mbyll me 10:00. Para gazetarëve Berisha deklaroi se prokurorët janë nën një presion për zbardhjen e asaj që ai e quan “skenar të vrasjes së dy deputetëve për qëllime të mirëfillta politike”
Sali Berisha: Erdha për tu paraqitur si person që ka dijeni për ngjarjen në hetimin e akuzës më të rëndë të 23 viteve të fundit, skenarit të vrasjes së dy deputetëve për qëllime të mirëfillta politike, pavarësisht nga pretekstet në mënyrë që të shpëtohet Rama nga kundërshtari politik, që u krijua brenda dhe Meta të godasë opozitën për qëllime personale. E prita ftesën me qëllim që të mund të kontribuoj sado pak. Ato çka thashë aty përbëjnë sekret deri në momentin që prokuroria ti nxjerrë nga klasifikimi. Por ajo që them tani nuk është aspak sekret por tronditëse fakti se këtë skenar ogurzi, kreu i qeverisë, kryetari I parlamentit dhe ministri i Brendshëm e mbajtën për 6 muaj njëlloj si në shpellën e mafias, jashtë ligji si një çështje mes tyre dhe nuk e dorëzoi para ligjit dhe për ligjin. Jo vetëm nuk e dorëzoi por në 6 muaj, kupola e përfshirë në këtë krim ndërmori veprime që të rrënojë dhe bllokojë me çdo kusht hetimin.
U kryen dy atentate nga doresit, paguesit dhe sekserit të Metës në mënyrë që gojët e tyre të mbylleshin në mënyrë përfundimtare gjatë kësaj periudhe jo vetëm tentuan të eliminojnë dy dëshmitarët kryesorë por hetimin ia besuan kryetarit të PS-së për Tiranën, mikut të ngushtë të Emiljano Shullazit, Saimir Tahirit.
Merrni me mend kur hetimi bëhet nga kreu i PS-së për Tiranën dhe firmoset nga kryetari i PS-së për Shqipërinë
Kemi të bëjmë me një bllokim për qëllime politike të hetimit për 6 muaj dhe përpjekje për manipulim dhe presion të tmerrshëm mbi institucionin e akuzës, sepse paraqitja para drejtësisë 6 muaj më vonë, nuk ka në botë prokurorirë as në vendet më të konsoliduara që mund të hetojnë një gjë të tillë”

TE ENJTEN NISIN PROTESTAT E OPOZITES

March 5, 2015 by dgreca

Grupi parlamentar i PD-së dhe trupa e krerëve të degëve në rrethe ka vendosur mbrëmë mbajtjen të enjten të një proteste të jashtëzakonshme, për largimin e kreut të parlamentit dhe për hapjen rrugë të një procesi të gjerë për dekriminalizimin e jetës publike/
Partia Demokratike ka vendosur të nisë protestat, të enjten e javës së ardhshme. Grupi parlamentar i Partisë Demokratike zhvilloi mbrëmjen e djeshme, një mbledhje të jashtëzakonshme, ku vendosi lidhur me qëndrimin që do të mbajë selia blu mbi situatën e krijuar, pas deklaratave të deputetit të përjashtuar nga PS, Tom Doshi. Strukturat në PD, degët në rrethe dhe grupi parlamentar kërkuan mbajtjen të enjtjen me 12 mars, një protestë masive në Tiranë, për të nxitur dekriminalizimin, deri në largimin e Ilir Metës nga detyra pas akuzave që bëhen ndaj tij për porositjen e vrasjes së dy deputetëve. Protesta do të bëhet edhe në kuadër të pasigurisë së madhe në vend, kundër kriminalitetit, tritolit e atentateve që kanë cenuar sigurinë e jetës. Protesta do të jetë dhe zëri i qytetarëve kundër varfërisë, papunësisë e padrejtësive të përditshme të qeverisë, sidomos me faturimin abuziv të energjisë që po krijon drama sociale. Partia Demokratike akuzon ministrin e Brendshëm, Saimir Tahiri për fshehje të krimit dhe për negociata private me personin, që sipas Doshit pretendon se i ka rrëfyer se i është kërkuar të vrasë kundrejt pagesës dy deputetët të Kuvendit të Shqipërisë.

Basha: “Dorëheqja e Metës, parakusht për një hetim të drejtë”

March 5, 2015 by dgreca

Kreu i opozitës ka kërkuar dorëheqjen e menjëhershme të Ilir Metës për t’i lënë rrugë të lirë një hetimi të drejtë dhe objektiv nga institucionet e drejtësisë, pasi aktualisht oligarkia po e sfidon dekriminalizimin. Aktualisht procesi hetimor s’mund të nisë, pasi Edi Rama dhe Ilir Meta janë sot të akuzuar, njëri si porositës i vrasjeve me pagesë të deputetëve, tjetri si dëshmitar dhe fshehës për gjashtë muaj i veprës penale.
Deklarata/“Dyshja Rama-Meta po ndryshojnë hetimin me dëshminë e Bamit. Popullit nuk i shpëtojnë dot”
Kryetari i Partisë Demokratike, Lulzim Basha ka përsëritur kërkesën e tij për dorëheqjen e kryeparlamentarit Meta, në mënyrë që t’i lihet vend drejtësisë në nisjen e një hetimi të pavarur për ‘çështjen Doshi’. Kreu i PD-së akuzoi maxhorancën se po bën presion dhe po orientojnë hetimin e prokurorisë, duke nxjerrë rrëfimin e dëshmitarit Durim Bani. “U bë dita e tretë që Ilir Meta gjendet publikisht nën akuzë për porositjen e dy vrasjeve, dhe ai po refuzon të dëgjojë zërin e arsyeshëm të qytetarëve të vendit dhe kërkesën e opozitës që të japë dorëheqjen. Ajo çfarë duam ne,është një hetim i drejtë dhe objektiv. Kërkojmë drejtësi për akuzën më të rëndë të bërë ndonjëherë në historinë politike pas vendosjes së pluralizmit, akuzë që vjen nga radhët e vetë mazhorancës. Po jam i sigurt, se kjoështë ajo që kërkon sot çdo qytetar i vendit, çdo njeri racional. Dorëheqja e Ilir Metësështë një parakusht për një hetim të drejtë dhe objektiv të skandalit, të pandikuar nga politika dhe faktorët kriminalë të përfshirë në këtë skandal të paprecedent. Por siç po e shohin me sy i madh e i vogël në Shqipëri, dy pushtetet, ekzekutivi i Ramës dhe legjislativi i Metës, e gjithë kupola nën akuzë, janë bërë bllok dhe janë përfshirë në një përpjekje të ethshme për ndikuar e devijuar hetimin dhe për të manipuluar ngjarjen sipas interesave të tyre. Po bëjnë çmos të manipulojnë dhe zhurmojnë faktet e rënda duke i përzier me lloj-lloj spekulimesh e shpjegimesh pa vlerë, me qëllim që njerëzit të mos kuptojnë çfarë po ndodh, çfarë po bëhet”, deklaron kreu Basha. Më tej, Basha tha se “Qeveria që i ka mashtruar për gjithçka që u ka premtuar, që nga energjia elektrike te shëndetësia, e ka mjeshtërinë dhe zanatin e saj gënjeshtrën, spekulimin, mashtrimin, sulmet ndaj opozitës. Janë ata, Rama dhe Meta autorët e filtrimit në media të informacioneve nga marrja në pyetje e Durim Bamit për këtë çështje. Informacione të tilla, janë pjesë e sekretit të hetimit, vërtetësia apo sajimi i të cilave mund të konfirmohen sipas ligjit vetëm nga organet e drejtësisë dhe në aulën e drejtësisë. Kjo rrjedhje informacioni, që nuk mund të dihet për momentin aështë i vërtetë apo i fabrikuar,është organizuar për të bërë presion dhe për të orientuar hetimin në hullinë që dëshiron kupola nën akuzë”, tha Lulzim Basha. Kreu i opozitës kërkon që t’i lihet vend hetimit dhe drejtësia të zbardhë të vërtetën. “Krerët e organeve të hetimit në Prokurori dhe në Polici kanë detyrimin të mbajnë qëndrim kundër rrjedhjes së paligjshme të informacionit, kundër interferimeve me sajime dhe kundër çdo ndërhyrjeje politike apo kriminale në procesin e hetimit. Rama-Meta, të kapur në ankth nga denoncimi i super deputetit dhe mikut të tyre për kokë, kanë vënë në lëvizje një makineri lajmesh të rreme dhe spekulimesh me një qëllim: të zhurmojnë dhe mjegullojnë të vërtetën, të frikësojnë organet e drejtësisë. Dua të merrem me fakte, të denoncoj turpet dhe gënjeshtrat e tyre që rrjedhin lumë sa herë hapin gojën”, deklaron Basha. Në vijim të deklaratës së tij, Basha tha se të akuzuarit mund t’i fshihen drejtësisë, por jo popullit.“Nuk e kam takuar asnjëherë marrësin e porosisë për të vrarë dy deputetët, thotë drejtori i policisë Didi. Ministri i Brendshëm e përgënjeshtron. Ka qenë në takim dhe ka mbajtur edhe shënime, pohon ministri. Askush në kupolë nuk skuqet, si të mos bëhej fjalë për vrasje njerëzish, por mizash. Ministri i Brendshëm del dhe njofton me krenari se e ka takuar privatisht atentatorin,është shtruar me të dhe pas kësaj nuk kemi asnjë hap ligjor, asnjë masë. Çfarë mësojmë ne, çfarë mëson publiku nga apologjia e gjatë e ministrit Tahiri në përpjekje për të nxjerrë engjëj, Metën dhe Ramën? Mësojmë se gjashtë muaj ka qenë Saimir Tahiri në krye të operacionit të mbajtjes së fshehtë të skenarit për vrasjen e dy deputetëve. Dhe vetëm kur ujërat më te zeza të aferës plasën sheshit, kur deputeti i mazhorancës foli dhe akuzoi në publik, Ministri i Brendshëm u shfaq, duke lënë një precedent të turpshëm që do të mbahet mend në histori, si negociator dhe bashkëbisedues i palodhshëm me të akuzuarin për vrasës, me synim mbylljen e pakteve, pazareve dhe bizneseve mes palëve në pushtet. Me sjelljen e tyre, Meta, Rama dhe Tahiri po i thonë drejtësisë, mbylle çështjen, mbylle sa më shpejt. Po i komunikojnë prokurorisë: mos u lodhni me hetime, se tashmëështë marrë vendimi, verdiktiështë dhënë në zyrat e pushtetit, se ligji janë ata”, tha Basha. Sipas kreut të të djathtëve, PD-ja dhe opinion publik janë në këmbë që kjo çështje të gjejë zgjidhje.“Parakushtiështë dorëheqja e Ilir Metës. Nuk mund të lejojmë që republika jonë dhe standardet demokratike të arritura deri më sot, me jo pak mund, të varrosen një herë e mirë e të kthehemi në kohët më të errëta, ku ligji nuk arrin tek kreu i kuvendit, ku aiështë imun pavarësisht se akuzohet për porositjen e vrasjes së dy deputetëve. Mikun e tij për kokë deri dje, mikun e Ilir Metës, deputetin më të besueshëm të interesave e biznesit, të punëve të pista dhe të ndarjes së tortës, sot Edi Rama e quan rrugaç. E përqesh madje edhe të folurën e tij, dhe po na e shpall si katharsis largimin nga grupi. Por në fakt bëri të pamundurën të mbyllte hesapet me të e të bënte paqe, duke i dërguar Koçon dhe Tahirit”. Duke përsëritur edhe njëherë se mund t’i fshihen drejtësisë por jo popullit Basha ka thënë se “Oligarkia sot e gjithë ditën po e sfidon dekriminalizimin, po e kthen mbrapsht atë, pikërisht në ditën që ky procesështë kthyer në nevojë urgjente kombëtare. Pas inkriminimit masiv, që u shfaq me formën e tij më agresive me akuzat para të cilave ndodhet Kryetari i Kuvendit, oligarkët ndalojnë hetimin, ndalojnë drejtësinë. Partnerët ndërkombëtarë ritheksuan këto ditë nevojën për dekriminalizimin, kauzën për të cilën ne, Partia Demokratike, luftuam shumë, përkundër gjithë përpjekjeve të shumicës për ta ndaluar, për të na mbyllur gojën, duke na hequr gjithë të drejtat e duke ushtruar edhe dhunë. Edi Rama po nxitohet duke fërkuar duart e duke mbllaçitur fjalorin e tij ordiner kundër opozitës. Beteja jonë e vendosur kundër ngjitjes së vrasjeve me pagesë në kupolën e shumicës qeveritare, sapo ka nisur. Misioni i opozitës ka qenë dheështë demaskimi i premtim-mashtrimeve të tij dhe qeverisë së tij, demaskimi i politikës së mjerimit dhe lakut në fyt për shumicën dërrmuese të shqiptarëve, demaskimi i krimit, papërgjegjshmërisë dhe korrupsionit galopant në qeverisjen e tij. Misioni ynëështë dekriminalizimi, kauzë madhore, jetike për të sotmen dhe të ardhmen, të cilën do ta çojmë me çdo kusht drejt finalizimit. Edi Rama dhe Ilir Meta duhet ta dinë se dekriminalizimi nuk bëhet duke vrarë, nuk bëhet me krim! Ata janë sot të akuzuar, njëri si porositës i vrasjeve me pagesë të deputetëve, tjetri si dëshmitar dhe fshehës për gjashtë muaj i veprës penale. Mund t’i fshihen ligjit, mund t’i fshihen drejtësisë, por nuk do t’i fshihen dot popullit”, përfundon Lulzim Basha.
Paloka: Meta s’mund të drejtojë Kuvendin pa u hetuar nga drejtësia/Nënkryetari i PD, Edi Paloka deklaroi dje se Meta nuk mund të drejtojë Kuvendin pa u hetuar nga drejtësia. Në tërësi, qëndrimi i opozitës ishte për largimin nga posti të kreut të Kuvendit. “Ne kërkojmë që ju të mos qëndroni në atë karrige, në atë parlament! Kërkojmë dorëheqjen tënde. Paloka: Ju jeni akuzuar për vrasës me pagesë, mund të na kërkoni dhe zbatimin e rregullores… Ja si qeshin këta. Vazhdoni ju, por jeni akuzuar nga deputeti juaj për vrasje me pagesë. Ai ishte 12 vjet aty në parlament, por s’e doni se ju doli nga rreshti. Ne s’mund të pranojmë këtë mënyrë, se shqiptarët aty jashtë po përfundojnë nëpër burgje për 600 lekë, po vrasin veten. Z.Kryetar, nuk po të themi që jeni vrasës, por dorëzohuni para drejtësisë e të zbardhni akuzat. Fakti që nxjerr Spartak Brahon që të krijojë tymnajë…Fakti që ministri i Brendshëm pret vrasës në takime informale… Ministri juaj nuk thotë se ka pasur dijeni për vrasjen; nxjerr gënjeshtra drejtorin e Policisë; pastaj thotë se ka takuar vrasjen…Thirren familjarët e deputetit të PD-së për t’i mbushur mendjen se vrasjen e ka kërkuar Berisha. Përditë do të ketë ngjarje të rënda e të zeza këtu, nëse nuk reagojmë. Dilni para drejtësisë, sqaroni pozicionin tuaj”, u shpreh kreu i grupit parlamentar të PD, Edi Paloka.

Tension në Kuvend

March 5, 2015 by dgreca

Edi Paloka: Dorhiqu Meta! “Kupola e mafies është këtu mbrapa”!/
Ilir Meta: Doshi, deputet I PD. Bejeni kryetar!/
Berisha: Ky parlament sot ngjet si një zonë krimi./
Deputetët e Partisë Demokratike kanë mbërritur me gjysmë ore vonesë në seancën e radhës të ditës së enjte, pas mbledhjes së grupit parlamentar.
Që në nisje të diskutimit, kryetari i grupit të PD, Edi Paloka, kërkoi dorëheqjen e Ilir Metës si kryetar i Kuvendit.
Demokratët thonë se nuk do kërkojnë asgjë tjetër përveç shkarkimit të Metës.
“Kupola e mafies është këtu mbrapa,” tha Paloka.
Meta u përgjigj duke thënë se e ka firmosur kërkesën për shkarkim dhe ajo do të shqyrtohet.
“Është turp që qendron akoma në atë karrige. Jep dorëheqjen dhe dil përpara drejtësisë,” tha Paloka, duke shtuar se Doshi e ka akuzuar për vrasjen e tij.
Meta tha se Doshi tashmë është një deputet i PD.
“Mund ta bëni edhe kryetar,” tha Meta.
Pas shkëmbimit të akuzave, deputetët e PD u ngritën në këmbë, duke bllokuar foltoren.
“Zoti Beqja, lajmëroni urgjencën dhe shërbimin e shëndetit mendor,” tha Meta, duke ndërprerë seancën.
Fjalën e mori edhe ish- kryeministri Sali Berisha, që tha se e dinte skenarin për vrasjen e Tom Doshit para tre muajsh.
“Ky parlament sot ngjet si një zonë krimi. Për fatin tonë të keq dhe të qytetarëve shqiptarë, në këtë parlament nuk flitet gjë tjetër veçse krim, krim dhe vetëm krim. Unë kisha denoncuar disa herë tentativën për eliminimin e Tom Doshit,” tha Berisha.
“Nëse ka ndonjë njeri që ka qenë më agresiv ndaj Tom Doshit, ky është Sali Berisha. Por Sali Berisha është i ligjit. Nuk kërkoj kurrë përveç ligjit asgjë tjetër. Afera e vrasjes ishte mes jush dhe ju nuk po e mbyllni,” vijoi Berisha.
“Kur e dije prej tre muajsh, pse nuk e denoncove,” deklaroi Meta.
“E nise si lider demokracie, po e përfundon si aksioner pularie,” tha Meta, duke shtuar se Berisha mezi po priste vrasjen brenda mazhorancës.
Duke iu përgjigjur kërkesës së Sali Berishës për të dhënë dorëheqjen, pasi ka “porositur vrasjen e Tom Doshit”, Meta tha: “Për Shkëlzen Berishën e kam dhënë njëherë dorëheqjen, nuk e jap dy herë”.
“Mos u bëj pjesë e komplotit të pularisë me Tom Doshin dhe Dritan Priftin,” tha Meta.
“Shkëlzeni ishte në video me Dritan Priftin,” tha Meta.
“Kjo alibi që kërkon është e turpshme. Tom Doshin e merrje me helikopter qeveritar ti. Mos e ço vendin drejt atyre situatave që nuk duhet të shkojë,” tha Berisha.