Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Vizitë e përbashkët gjermano-franceze në Prishtinë në Kosovë

by

PRISHTINË, 10 Janar 2018-Gazeta DIELLI nga korrespondenti në Kosovë, Behlul Jashari//

1-prishtineI dërguari i posaçëm për Evropën Juglindore, Turqinë dhe shtetet e EFTA-s në Ministrinë Gjermane të Punëve të Jashtme, Dr. Christian Hellbach dhe Shefi i Departamentit të Ballkanit Perëndimor të Ministrisë Franceze të Punëve të Jashtme dhe Evropiane, Thomas Bertin, do të jenë në Kosovë për një vizitë të përbashkët në 10 dhe 11 janar 2018.

Gjatë vizitës së tyre, ata do të takohen me Presidentin, Kryeministrin dhe Zëvendëskryeministrin e Republikës së Kosovës, si dhe me përfaqësuesit e partive politike dhe shoqërisë civile, bën të ditur njoftimi i sapodërguar nga Ambasada gjermane në Prishtinë.
Theksohet se, vizita zhvillohet në sfondin e shqetësimeve në Berlin dhe Paris lidhur me përpjekjet e fundit për të shfuqizuar ligjin mbi Dhomat e Specializuara dhe Zyrën e prokurorit të specializuar.“Tema të tjera për t’u diskutuar përfshijnë domosdoshmërinë e vazhdimit të reformave, veçanërisht në fushën e sundimit të ligjit, demokracisë dhe qeverisjes së mirë, të cilat janë thelbësore për afrimin e mëtejshëm të Kosovës drejt Bashkimit Evropian”, përfundohet në njoftim.

Iran: Khamenei i fajëson “armiqtë” për protesta

by

1 Khamein

Ne Foto: Ali Khamenei duke folur sot në Teheran/Lideri Suprem iranian, Ajatollah Ali Khamenei, i ka akuzuar shtetet “armike” për nxitje të demonstratave të dhunshme antiqeveritare, nga të cilat janë vrarë 22 vetë, përfshirë një oficer të policisë, në sfidën më të madhe ndaj autoriteteve për gati një dekadë.

Në komentet e tij të sotme, që janë të parat prej se shpërthyen protestat më 28 dhjetor, Khamenei i ka akuzuar “armiqtë e Iranit” për përzierje në punët e brendshme të këtij vendi nëpërmjet “parave, armatimit, politikës dhe shërbimeve të inteligjencës”.

Kjo deklaratë u bë derisa po rritet presioni ndërkombëtar ndaj udhëheqjes së Iranit.Në një video të postuar në mediat sociale shihen demonstruesit duke e sulmuar një stacion policor në qytetin qendror, Kahderijan.

Telvizioni shtetëror sot ka raportuar se gjashtë prej nëntë personave të vrarë gjatë natës, ishin përpjekur të vjedhnin armatim gjatë një sulmi në stacionin e policisë në provincën Isfahan, afro 350 kilometra në jug të Teheranit.

Kosova drejt NATO-s, pa pengesa…

by

-Zëvendëskryeministri e ministri i Jashtëm i Kosovës, Behgjet Pacolli në takimin e Kartës së Adriatikut (A5),: Hyrjen e Kosovës në NATO nuk mund ta pengojë e as ta vonojë asnjë vend i rajonit/

 A5.2

-Takim me Matthew Palmer, Drejtor për Çështje të Evropës Jugore dhe Qëndrore në Departamentin Amerikan të Shtetit/

A5 Foreign Minister Pacolli -- Matthew Palmer

 -Që nga themelimi,  A5 ka dhënë një kontribut të madh drejt vizionit për një Evropë të lirë dhe në paqe, duke përforcuar mbështetjen e vazhdueshme të SHBA-ve për integrimin e këtyre vendeve në NATO dhe në institucione të tjera euro-atlantike/

A5A51

PRISHTINË-SHKUP, 13 Dhjetor 2017-Gazeta DIELLI-B.Jashari/ “Hyrjen e Kosovës në NATO nuk mund ta pengojë e as ta vonojë askush prej vendeve të rajonit”. Ky ka qenë njëri prej mesazheve kryesore të adresimit të zëvendëskryeministrit të parë dhe ministrit të Jashtëm të Kosovës, Behgjet Pacolli, në takimin e ministrave të Jashtëm të vendeve të Kartës së Adriatikut (A5), që po i zhvillon punimet në Maqedoni dhe nën kryesimin e saj.

“Ju e dini rëndësinë absolute dhe relative të këtij forumi si paradhomë e NATO-s, për të gjithë ne individualisht dhe për Kosovën posaçërisht”, ka thënë Pacolli duke iu drejtuar pjesëmarrësve, ndërsa ka shtuar se e din se Bosnja është njëri nga shtetet, që po e pengon këtë anëtarësim.

“Pse ju nuk doni, që Kosova të përfshihet në këtë paradhomë të NATO-s…Pse e kërkon Serbia këtë?”, e ka pyetur para të pranishmëve homologun e Bosnjës.

“Më duket se jeni gabim. Dhe, ju nuk duhet të rrini pas Serbisë. Serbia me Kosovën ka  marrëdhënie të një niveli të caktuar; bisedon në Bruksel, ka lëvizje të lirë të qytetarëve”, ka shtuar ministri Pacolli.

Aktualisht, Republika e Kosovës ka statusin e vendit vëzhgues të Kartës së Adriatikut dhe pjesëmarrja e saj është mbështetur në këtë status. Në fund të vitit 2016 në Deklaratën Ministrore të miratuar në kryeqytetin e Kroacisë, Zagreb, është hapur mundësia e anëtarësimit të Kosovës me të drejta të plota.

Në takimin e Ministrave të Jashtëm të vendeve të Kartës së Adriatikut në Shkup, kryediplomati kosovar Pacolli,  u ka bërë një ftesë të gjithë vendeve pjesëmarrëse anëtare të NATO-s për mbështetje për anëtarësim të plotë  në Kartën e Adriatikut.

“Do ju lutesha: kuptojeni rëndësinë simbolike, që ka lajmi i anëtarësimit në Kartën e Adriatikut për opinionin tonë publik. Të punojmë së bashku ta inkurajojmë opinionin publik të Kosovës, me lajmet që Kosova është pjesë e bashkësisë perëndimore të shteteve dhe këtë nuk e lëvizë dot askush”, është shprehur ai.

Zëvendëskryeministri e ministri i Jashtëm Pacolli, thekson njoftim dërguar nga zyra e tij, po qëndron për vizitë në Maqedoni për të marrë pjesë në takimin e radhës të vendeve të Kartës së Adriatikut.  Dje në mbrëmje  mori pjesë edhe në një darkë të përbashkët pune me përfaqësues të vendeve respektive, zhvilloi disa takime, mes të cilave me Matthew Palmer, Drejtor për Çështje të Evropës Jugore dhe Qëndrore në Departamentin Amerikan të Shtetit.Karta e Adriatikut është themeluar në 2 maj 2003, e nënshkruar në Tiranë, nga Sekretari i Shtetit Amerikan, Colin Powell dhe përfaqësuesit e Shqipërisë, Kroacisë dhe Maqedonisë.Kjo organizatë, aktualisht ka pesë shtete anëtare dhe dy vëzhgues, dhe statusin e fundit e mban edhe Kosova. Që nga themelimi,  A5 ka dhënë një kontribut të madh drejt vizionit për një Evropë të lirë dhe në paqe, duke përforcuar mbështetjen e vazhdueshme të SHBA-ve për integrimin e këtyre vendeve në NATO dhe në institucione të tjera euro-atlantike.

Vendet e Ballkanit Perëndimor të hyjnë bllok në BE

by

-Presidenti i Kosovës, Hashim Thaçi: Vendet e Ballkanit Perëndimor duhet të hyjnë në BE në bllok, që të sigurohet paqja dhe bashkëpunimi afatgjatë në rajon/1 ok BallkanSOFJE, 7 Dhjetor-Gazeta DIELLI/  Presidenti i Kosovës, Hashim Thaçi, është duke marrë pjesë në konferencën rajonale të organizuar nga Qeveria e Bullgarisë dhe Banka Botërore.

1 Ballkani

Liderët e Ballkanit Perëndimor kanë diskutuar për bashkëpunimin rajonal dhe për dinamizmin e procesit të integrimit të shteteve të Ballkanit Perëndimor në Bashkimin Evropian.Pjesë e diskutimeve të liderëve të rajonit me përfaqësuesit e lartë të Bashkimit Evropian ishte edhe kompletimi i rrjetit të rrugëve dhe përmirësimi i infrastrukturës së kalimeve kufitare.Presidenti Thaçi ka thënë se të gjitha vendeve të Ballkanit Perëndimor duhet t’u jepet perspektivë e qartë evropiane dhe BE-ja të ketë qasje gjeostrategjike për rajonin.“Vendet e Ballkanit Perëndimor duhet të hyjnë në BE në bllok, që të sigurohet paqja dhe bashkëpunimi afatgjatë në rajon”, u shpreh Presidenti Thaçi.

Presidenti Thaçi sot do të zhvillojë një takim bilateral edhe me Presidentin e Bullgarisë, Rumen Radev, me të cilin do të bisedojë për mundësinë e thellimit të bashkëpunimit ndërmjet dy shteteve./b.j/

Ambasadori Sem Fabrizi: “BE vështron me vemendje Luginen e Preshevës “

by

BE, Fabrizi ja ngreh veshin Stankovicit në Bujanoc: Leni llafet, Beogradi te krijojë kushte ne Lugine qe qytetaret te ndjehen si ne vendin e vete/

fabbbv-1-1

Bujanoc, 4 dhjetor  -Sic keni njoftuar ne Bujanoc po qendron nje delegacionit i Bashkimit Evropian (BE) në Serbi, i prire nga ambasadori Sem Fabrizi. Nga kjo vizite e pare e ketij delgacion te larte te BE-së ka per qellim te njihet me situaten reale ne Lujginene Preshevës  dhe per te inkurajuar rajonin me gatishmerine e BE-së për të financuara dhe kontribuar zhvillimin e infrastrukturës, nxitjen e konkurrencës së ekonomisë lokale dhe punë, vende të reja të punës, dhe përmirësimin e shërbimeve shëndetësore, njofton agjencia e lajmeve“Persheva Jonë”.

Fabrizi pas një takimi me Presidentin e Qeverisë së Sërbisë Trupi Koordinues për Preshevë, Bujanoc dhe Medvegjë, Zoran Stankovic, u tha gazetareve se stabiliteti rajonal, bashkëpunimi dhe zhvillimi ekonomik dhe te drejtat e njeriut ne Lugine e Preshevës janë të rëndësishme për BE-në.

Shefi i BE-së Fabrizi ne viziten e pare Bujanoc interesohet për avancimin e të drejtat e shqiptareve në Luginë. Te zbatohet plani shtate pikesh i propozuar nga shqiptaret!

 “BE vështron me vemendje Luginen e Preshevës “, ka thëne sot ne Bujanco shefi i miusonit te BE-së z.Sam Fabrizi i cili per here te pare vizitoi Luginen e Preshevës. Gjate kesja vizite shefi i misionit te BE-së ne Serbi z.Frbrizio sa ka lavderuar proeceset po aq edhe ka kritikuar, duke shprehur shqetësimin per ngecjeve  te te”drejtave te shqiptareve ne Luginen e Preshevës, kane thëne nikociret  nga Bujanoci per agjencine e lajmeve “Presheva jonë” sipas te cileve vetem dy kerkesa jane zbatuar qe 4-5 vite?!

Ambasadorët dhe Bashkimit Evropian ne Serbi Sem Fabrizi ne vBujanco ka thne se BE po ndjek me mjft kujdne ssiziaten dhe zhvillimet ne Luginene Preshvës tazhdim. “Konsiderojme se eshte mjaft e erëndësishme te vazdhoje dialogu dhe zbatimi i planit shtatë pikesh propozuar nga lidershipi shqiptar nga Lugina ne qershorin e vitit 2013..”

“Une jam i kënaqur qe sot këtu po dëgjoj mendimi te ndryshme. Beogradi te krijoj kushte ne Lugine qe qytetaret te ndjehen si ne vendin e vete ” tha Fabrizi sot ne Bujanoc i shoqeruar nga Zoran Stankvic, nje pensioner qe ende udheheq Trupin Koordinues për Medvegjë, Bujanc dhe Preshevë.

Ndryshe Stankovic si gjithnje edhe sot ne Bujanoc me te njejten retorikë, me te njejta shifra dhe te njejten fjalë. “Mbështetja e BE-së është e nevojshme për projekte për të përmirësuar kushtet ekonomike në Preshevë, Bujanoc dhe Medvegjë. komuniteti ndërkombëtar ka investuar rreth 35 milionë euro në Preshevë, Bujanoc dhe Medvegjë, dhe përmes Trupit Koordinues ka investuar edhe 60 milionë euro në projektet e infrastrukturës. Ne po punojnë në implementimin e programit të propozimit shtatë pikë mbi partitë shqiptare në këto komuna, Qeveria e Serbisë ka miratuar në vitin 2013”, tha Stankovic.