Rajon – Page 122 – Dielli

Kosova mbështetet nga Malta në proceset integruese drejt BE-së

March 28, 2016 by dgreca

-Presidentja e Kosovës, Atifete Jahjaga në vizitë shtetërore në Maltë. Presidentja Marie Louise Coleiro Preca shprehu mbështetjen e plotë të Maltës ndaj proceseve integruese të Kosovës, duke e përfshirë atë të liberalizimit të vizave dhe implementimit të Marrëveshjes së Stabilizim Asociimit. Malta do të marrë presidencën e EU-së vitin e ardhshëm.

PRISHTINË, 27 Mars 2016-B.Jashari/ Presidentja e Republikës së Kosovës, Atifete Jahjaga, sot filloi vizitën shtetërore dy ditore në Maltë. Në delegacion me Presidenten Jahjaga, janë edhe Ministrja e Tregtisë dhe Industrisë, zonja Hikmete Bajrami, kryetari i Odës Ekonomike të Kosovës, Safet Gerxhaliu dhe kryetari i Odës Ekonomike Amerikane në Kosovë, Arian Zherka. Njoftimi i dërguar sonte thekson se, Presidentja e Republikës së Kosovës, Atifete Jahjaga u prit nga presidentja e Maltës, Marie Louise Coleiro Preca, në pallatin presidencial në Valletta. Presidentja Jahjaga pati takim bilateral me presidenten Marie Louise Coleiro Preca, ku diskutuan për fusha të bashkëpunimit ne mes të dyja vendeve.

Presidentja Marie Louise Coleiro Preca theksoi se Malta dhe Kosova mund të kenë bashkëpunim në ekonomi, bujqësi dhe shërbime. Ajo tha se pas vizitës së saj në Kosovë dhe vizitës së Presidentes Jahjaga në Maltë janë intensifikuar marrëdhëniet në mes të të dyja vendeve.

Presidentja Jahjaga tha se Kosova ka shumë për të ofruar në fushën e bujqësisë dhe shërbimeve dhe është e kënaqur që nesër edhe zyrtarisht dy odat ekonomike, ajo e Kosovës dhe e Maltës, do të nënshkruajnë memorandum bashkëpunimi, i cili do të ndihmojë bizneset e të dyja vendeve për aktivitete të shtuara afariste.

Presidentja Jahjaga kërkoi ndihmën e Maltës në proceset e integrimit Evropian, për të cilat Kosova është e përkushtuar, e veçanërisht pasi që Malta do të marrë presidencën e EU-së vitin e ardhshëm.

Presidentja Marie Louise Coleiro Preca shprehu mbështetjen e plotë të Maltës ndaj proceseve integruese të Kosovës, duke e përfshirë atë të liberalizimit të vizave dhe implementimit të Marrëveshjes së Stabilizim Asociimit.

Presidentja Jahjaga, gjithashtu pati takim edhe me Ministrin e Punëve të Jashtme të Maltës, George Vella

Presidentja Jahjaga shprehu mirënjohje për ndihmën e politikës së jashtme të Maltës, në iniciativat e Kosovës për anëtarësim në organizata ndërkombëtare.

Presidentja Jahjaga kërkoi ndihmën e mëtutjeshme të Maltës, në procesin e njohjeve.

Ministri i Punëve të Jashtme, George Vella, theksoi se Kosova ka mbështetje të plotë të Maltës në politikë të jashtme. Ai tha se Malta do ta përkrah Kosovën në njohje dhe anëtarësim në organizata ndërkombëtare, me theks të veçantë në Organizatën Botërore të Tregtisë, përfundon njoftimi i dërguar.

Media e Maltës, të cilës i referohet edhe ajo kosovare, ka raportuar se, Presidentja e Maltës, Marie-Louise Caleiro Preca ka pritur presidenten Jahjaga në pallatin San Anton, për një takim kokë më kokë dhe se atje do të inaugurohet edhe monumenti për Nënë Terezën.

Në 16 shkurt të këtij viti, Presidentja e Republikës së Maltës, Marie Louise Coleiro Preca, ishte për vizitë shtetërore në Kosovë dhe u prit me ceremoni zyrtare në Sheshin Ibrahim Rugova, ku të dy presidentet parakaluan para Gardës Ceremoniale të Forcës së Sigurisë së Kosovës.

Kosova mbështetet nga Malta në proceset integruese drejt BE-së

-Presidentja e Kosovës, Atifete Jahjaga në vizitë shtetërore në Maltë. Presidentja Marie Louise Coleiro Preca shprehu mbështetjen e plotë të Maltës ndaj proceseve integruese të Kosovës, duke e përfshirë atë të liberalizimit të vizave dhe implementimit të Marrëveshjes së Stabilizim Asociimit. Malta do të marrë presidencën e BE-së vitin e ardhshëm. Odat ekonomike të Kosovës dhe të Maltës nënshkruan marrëveshje bashkëpunimi

PRISHTINË, 28 Mars 2016-B.Jashari/ Presidentja e Republikës së Kosovës, Atifete Jahjaga, po zhvillon një vizitë shtetërore dy ditore në Maltë, ku u prit nga presidentja Marie Louise Coleiro Preca, në pallatin presidencial në Valletta.

Presidentja Jahjaga pati takim bilateral me presidenten Marie Louise Coleiro Preca, ku diskutuan për fusha të bashkëpunimit ne mes të dyja vendeve.

Presidentja Marie Louise Coleiro Preca theksoi se Malta dhe Kosova mund të kenë bashkëpunim në ekonomi, bujqësi dhe shërbime. Ajo tha se pas vizitës së saj në Kosovë dhe vizitës së Presidentes Jahjaga në Maltë janë intensifikuar marrëdhëniet në mes të të dyja vendeve.

Presidentja Jahjaga tha se Kosova ka shumë për të ofruar në fushën e bujqësisë dhe shërbimeve dhe është e kënaqur që sot edhe zyrtarisht dy odat ekonomike, ajo e Kosovës dhe e Maltës, nënshkruajnë memorandum bashkëpunimi, i cili do të ndihmojë bizneset e të dyja vendeve për aktivitete të shtuara afariste.

Presidentja Jahjaga kërkoi ndihmën e Maltës në proceset e integrimit Evropian, për të cilat Kosova është e përkushtuar, e veçanërisht pasi që Malta do të marrë presidencën e BE-së, vitin e ardhshëm.

Presidentja Marie Louise Coleiro Preca, shprehu mbështetjen e plotë të Maltës ndaj proceseve integruese të Kosovës, duke e përfshirë atë të liberalizimit të vizave dhe zbatimit të Marrëveshjes së Stabilizim Asociimit.

Presidentja Jahjaga, gjithashtu pati takim edhe me Ministrin e Punëve të Jashtme të Maltës, George Vella. Ajo shprehu mirënjohje për ndihmën e politikës së jashtme të Maltës në iniciativat e Kosovës për anëtarësim në organizata ndërkombëtare dhe kërkoi ndihmën e mëtutjeshme në procesin e njohjeve.

Ministri i Punëve të Jashtme, George Vella, theksoi se Kosova ka mbështetje të plotë të Maltës në politikë të jashtme. Ai tha se Malta do ta përkrah Kosovën në njohje dhe anëtarësim në organizata ndërkombëtare, me theks të veçantë në Organizatën Botërore të Tregtisë.

Në delegacion me Presidenten Jahjaga, janë edhe Ministrja e Tregtisë dhe Industrisë, Hikmete Bajrami, kryetari i Odës Ekonomike të Kosovës, Safet Gerxhaliu dhe kryetari i Odës Ekonomike Amerikane në Kosovë, Arian Zherka.

Media e Maltës, të cilës i referohet ajo kosovare, ka raportuar se, Presidentja e Maltës, Marie-Louise Caleiro Preca ka pritur presidenten Jahjaga në pallatin San Anton, për një takim kokë më kokë dhe se atje do të inaugurohet edhe monumenti për Nënë Terezën.

Në 16 shkurt të këtij viti, Presidentja e Republikës së Maltës, Marie Louise Coleiro Preca, ishte për vizitë shtetërore në Kosovë.

KOSOVË-MALTË, ODAT EKONOMIKE MARRËVESHJE BASHKËPUNIMI/

Odat ekonomike të Kosovës dhe të Maltës nënshkruan sot në Valletta marrëveshje bashkëpunimi.

Presidentja e Republikës së Kosovës Atifete Jahjaga dhe Presidentja e Republikës së Maltës Marie Louise Coleiro Preca morën pjesë në nënshkrimin e Memorandumit të Bashkëpunimit në mes të Kryetarit të Odës Ekonomike të Kosovës Safet Gërxhaliut dhe kryetarit të Odës Ekonomike, ndërrmarjeve dhe industrisë të Maltës Anton Borg.

“Nënshkrimi i kësaj marrëveshje është hapi i parë i zhvillimit të mardhënieve në mes të të dyja vendeve në fushën e ekonomisë. Ky memorandum do t’i mundësojë bizneseve të Kosovës dhe Maltës që të shtojnë aktivitetet afariste dhe të zgjerojnë tregjet e tyre”, thekson njoftimi i sapodërguar.

Gjermana do të vazhdojë të përkrah Kosovën

March 15, 2016 by dgreca

Kosovë-Kryeparlamentari Veseli takon kancelaren gjermane Merkel/

– Kryetari i Kuvendit të Republikës së Kosovës, Kadri Veseli, në Berlin, në konferencën për antisemitizmin/

PRISHTINË-B.Jashari/ Kryetari i Kuvendit të Republikës së Kosovës, Kadri Veseli, ka udhëtuar në Gjermani, për të marrë pjesë në Konferencën ndërkombëtare parlamentare për luftimin e antisemitizmit. Konferenca e organizuar nga Bundestagu gjerman mbahet në Berlin, nga 13 deri 15 mars.
Me këtë rast, kryetari Veseli zhvilloi edhe takime të rëndësishme.Në vazhdën e takimeve me personalitete të larta të jetës politike e institucionale të Gjermanisë, sot në Bundestagun gjerman kryetari i Kuvendit të Republikës së Kosovës, Kadri Veseli, takoi kancelaren e Gjermanisë, Angela Merkel.

Në emër të Kosovës, kryetari Veseli i shprehu kancelares gjermane mirënjohjen e thellë për ndihmën bujare të popullit gjerman për Kosovën dhe popullin e saj, në kohë dhe rrethana të ndryshme.

KRYETARI VESELI ZHVILLOI TAKIME ME PËRFAQËSUES POLITIKË NË BUNDESTAGUN GJERMAN

Gjatë zhvillimeve të sotme në konferencën mbi luftën kundër antisemitizmit, e cila po mbahet në Bundestagun gjerman në Berlin, kryetari i Kuvendit të Republikës së Kosovës, Kadri Veseli, pati takime të shumta me përfaqësues politikë të grupeve parlamentare të Bundestagut.
Në këto takime, përveç çështjeve të ngritura në konferencë, u diskutua edhe për marrëdhëniet dypalëshe në mes të Kosovës dhe Gjermanisë, me theks të veçantë, për ato që kanë të bëjnë me legjislativin, roli i të cilit është vendimtar në avancimin e Kosovës në rrugën evropiane.Parlamentarët gjermanë shprehën përkushtimin e tyre dhe shtetit gjerman në mbështetje të Republikës së Kosovës dhe procesit të integrimit euro-atlantik të saj.

KRYETARI I KUVENDIT TË KOSOVËS, KADRI VESELI U TAKUA ME PRESIDENTIN E BUNDESTAGUT GJERMAN, NOBERT LAMMERT

Gjatë vizitës në Berlin, me rastin e konferencës ndërkombëtare parlamentare kundër antisemitizmit, sot në Bundestag, kryetari i Kuvendit të Kosovës, Kadri Veseli, u takua me Norbert Lammert, President i Bundestagut gjerman.Kryetari Veseli falenderoi homologun gjerman për përkrahjen e vazhdueshme që në të gjitha drejtimet shteti gjerman i kanë dhënë dhe është duke i dhënë Republikës së Kosovës.Nga ana e tij, presidenti i Bundestagut, Lammert, duke shprehur interesimin për zhvillimet në Kosovë, potencoi rëndësinë e thellimit të bashkëpunimit ndërparlamentar në mes Bundestagut dhe Kuvendit të Kosovës, sidomos në fushën e reformes legjislative në Kosovë. Mes tjerash, Lammert theksoi se shteti gjerman do të vazhdojë të përkrah Kosovën si në rrafshin e drejtpërdrejtë të marrëdhënieve ndërshtetërore, ashtu edhe në kuadrin e Bashkimit Evropian, sidomos në proceset aktuale që kanë të bëjnë me liberalizimin e vizave për qytetarët e Kosovës dhe proceset tjera integruese.

Në takim me z. Lammert, kryetari Veseli shtroi idenë që një konferencë e tillë si kjo që po mbahet në Berlin mbi luftën kundër antisemitizmit dhe rreziqeve bashëkohore, të organizohet edhe në Kosovë. Kjo ide u mbështet nga presidenti i Bundestagut, cili theksoi se këmbimi i përvojave pozitive në këtë fushë është një instrument i dobishëm në forcimin e vlerave demokratike, paqes mes shoqërive e shteteve.Kryetari Veseli falenderoi homologun gjerman për përkrahjen e vazhdueshme që në të gjitha drejtimet shteti gjerman i kanë dhënë dhe është duke i dhënë Republikës së Kosovës.
Nga ana e tij, presidenti i Bundestagut, Lammert, duke shprehur interesimin për zhvillimet në Kosovë, potencoi rëndësinë e thellimit të bashkëpunimit ndërparlamentar në mes Bundestagut dhe Kuvendit të Kosovës, sidomos në fushën e reformes legjislative në Kosovë. Mes tjerash, Lammert theksoi se shteti gjerman do të vazhdojë të përkrah Kosovën si në rrafshin e drejtpërdrejtë të marrëdhënieve ndërshtetërore, ashtu edhe në kuadrin e Bashkimit Evropian, sidomos në proceset aktuale që kanë të bëjnë me liberalizimin e vizave për qytetarët e Kosovës dhe proceset tjera integruese.Në takim me z. Lammert, kryetari Veseli shtroi idenë që një konferencë e tillë si kjo që po mbahet në Berlin mbi luftën kundër antisemitizmit dhe rreziqeve bashëkohore, të organizohet edhe në Kosovë. Kjo ide u mbështet nga presidenti i Bundestagut, cili theksoi se këmbimi i përvojave pozitive në këtë fushë është një instrument i dobishëm në forcimin e vlerave demokratike, paqes mes shoqërive e shteteve./b.j/

Kosova dhe Shqipëria të përkushtuara në luftimin e terrorizmit, krimit të organizuar dhe korrupsionit

March 10, 2016 by dgreca

-Ministri i Drejtësisë në qeverinë e Kosovës, Hajredin Kuçi ka pritur sot në takim Prokurorin e Përgjithshëm të Republikës së Shqipërisë, Adriatik Llalla dhe përfaqësues të tjerë të këtij institucioni, të cilët po qëndrojnë në Kosovë me ftesë të Kryeprokurorin e Shtetit, Aleksandër Lumezi/

PRISHTINË, 10 Mars 2016/ Kosova dhe Shqipëria janë të përkushtuara në luftimin e terrorizmit, krimit të organizuar dhe korrupsionit. Ministri i Drejtësisë në qeverinë e Kosovës, Hajredin Kuçi ka pritur sot në takim Prokurorin e Përgjithshëm të Republikës së Shqipërisë, Adriatik Llalla dhe përfaqësues të tjerë të këtij institucioni, të cilët po qëndrojnë në Kosovë me ftesë të Kryeprokurorin e Shtetit, Aleksandër Lumezi.Prokuroi i Përgjithshëm, Llalla gjatë këtij takimi ka prezantuar tё arriturat dhe reformat e ndërmarrura nё sistemin e drejtësisë duke theksuar nё veçanti luftën kundër terrorizmit dhe krimit tё organizuar. Si hap tejet tё rёndёsishёm, Prokurori i Përgjithshëm Llalla ka theksuar pavarësinë e sistemit tё drejtësisë nga politika, pavarësi e cila do tё ketë ndikim pёr një punë mё efektive dhe profesionale tё aktorëve relevantë.Llalla tha se bashkëpunimi në mes të dy prokurorive do të jetë efektiv, me ç’rast do të rezultojë me një bashkëpunim më të madh institucional ku edhe do të ketë rezultate në luftën kundër korrupsionit, krimit të organizuar dhe terrorizmit.

Ministri Kuçi e ka falënderuar Prokurorin e Përgjithshëm Llalla duke u shprehur fillimisht i kënaqur me vizitën dhe në veçanti me bashkëpunimin që kanë institucionet e Republikës së Shqipërisë dhe Kosovës, përfshirë gjykatat dhe prokuroritë.Ministri Kuçi gjatë këtij takimi ka njoftuar për arritjet e deritanishme në fuqizimin e pavarësisë së gjyqësorit dhe prokurorisë, duke theksuar njëkohësisht përpjekjet e vazhdueshme në ngritjen e llogaridhënies së sistemit të drejtësisë.

Ministri Kuçi ka theksuar se puna e Ministrisë së Drejtësisë gjatë këtij mandati po përqendrohet në konsolidimin e kornizës ligjore sipas standardeve evropiane, hartimin e Kodit Civil të Republikës së Kosovës, si dhe në ngritjen e besimit të qytetarëve në drejtësi. Z. Kuçi tha se Kosova sot ka ndërtuar atë qё quhet arkitekturë e drejtësisë, ka ligje tё mira dhe demokratike, gjyqtarë dhe prokurorë profesionistë qё kanë kushte tё mira për punë tё pavarur, tё paanshme dhe profesionale. Kuçi tha se gjyqtarët dhe prokurorët në Kosovë tani më janë të angazhuar në luftimin e terrorizmit, krimit të organizuar dhe korrupsionit. Në anën tjetër Kryeprokurori kosovar i Shtetit, Lumezi e ka vlerësuar këtë takim shumë të rëndësishëm, duke i vënë në pah arritjet dhe sfidat me të cilat ballafaqohet sistemi prokurorial në të dyja shtetet. Gjatë kësaj vizite të delegacionit shqiptar, prokurorët do të kenë mundësinë t’i shkëmbejnë pikëpamjet për bashkëpunim të ndërsjellë me qëllim arritjen e rezultateve konkrete./b.j/

Kosovë-Shqipëri, thellim i bashkëpunimit mes dy prokurorive

March 10, 2016 by dgreca

-Delegacioni i Prokurorisë së Përgjithshme të Shqipërisë, i kryesuar nga Prokurori i Përgjithshëm, Adriatik Llalla, takoi Kryeprokurorin e Shtetit të Kosovës, Aleksandër Lumezi. Zhvillon takime edhe me Presidenten e Republikës së Kosovës, Atifete Jahjaga dhe Ministrin e Drejtësisë, Hajredin Kuçi/

PRISHTINË, 10 Mars 2016-B.Jashari/Në Kosovë po qëndron një delegacion i Prokurorisë së Përgjithshme të Shqipërisë, i kryesuar nga Prokurori i Përgjithshëm, Adriatik Llalla, me ftesë të Kryeprokurorit të Shtetit të Kosovës, Aleksandër Lumezi.Në takimin e zhvilluar në mes të dy kryeprokurorëve është biseduar për bashkëpunimin në mes të dy institucioneve që ata udhëheqin. Prokurori Llalla tha se dy prokuroritë kanë bashkëpunim të mirë dhe do ta vazhdojmë këtë bashkëpunim edhe në të ardhmen duke forcuar sistemin ligjor në dy vendet, me qëllim të integrimit sa më të shpejt në Bashkimin Evropian.

Delegacioni i Prokurorisë së Përgjithshme të Shqipërisë gjatë qëndrimit të Kosovë, do të zhvillojë takime me Presidenten e Republikës së Kosovës, Atifete Jahjaga dhe Ministrin e Drejtësisë, Hajredin Kuçi.

Njoftimi i dërguar thekson se, Kryeprokurori i Shtetit, Aleksandër Lumezi, ka njoftuar delegacionin e prokurorëve nga Shqipëria me funksionimin e sistemit prokurorial të Kosovës.

Gjatë këtij takimi, Lumezi dhe Llalla kanë biseduar lidhur me sfidat kryesore të dy sistemeve prokuroriale.

Lumezi, ka thënë se sfidë kryesore për Prokurorin e Shtetit të Kosovës është trajtimi i lëndëve të krimeve të luftës, korrupsionit, krimeve ekonomike. Po ashtu, ai njoftoi delegacionin e prokurorëve nga Shqipëria se në kuadër të Prokurorisë Speciale të Republikës së Kosovës, është themeluar Departamenti për Krime Lufte.

Po ashtu, Lumezi bëri me dije se Prokurori i Shtetit ka bërë planin strategjik për luftimin e korrupsionit dhe se në kuadër të Prokurorisë Themelore të Prishtinës është themeluar Njësiti për luftimin e këtyre lëndëve. Në takimin e zhvilluar në mes të dy delegacioneve të dy prokurorive i pranishëm ishte edhe kryesuesi i Këshillit Prokurorial të Kosovës, Blerim Isufaj, i cili ka prezantuar funksionimin e Këshillit, si dhe ka thekuar se vizitat si kjo do të ndikojnë në thellimin e bashkëpunimit mes dy sistemeve. Kryesuesi Isufaj, po ashtu ka folur edhe për ndryshimet tjera që ka pësuar Këshilli Prokurorial me plotësim-ndryshimin e Ligjit për Këshillin Prokurorial dhe Prokurorin e Shtetit.

U nënshkrua marrëveshja për vendosjen e marrëdhënieve diplomatike

March 4, 2016 by dgreca

Nënshkrohet marrëveshja për vendosjen e marrëdhënieve diplomatike si dhe marrëveshja për levizje pa viza së Kosovës dhe Federatës së Shën Kitts dhe Nevis/

NEW YORK : Sot, në një ceremoni rasti të organizuar në Konsullatën e Përgjithshme të Republikës së Kosovës në Nju Jork, është nënshkruar marrëveshja për vendosjen e marrëdhënieve diplomatike si dhe marrëveshja për levizje pa viza në mes të Republikës së Kosovës dhe Federatës së Shën Kitts dhe Nevis. Në dokumentet përkatëse dhe komunikatë për media thuhet se Qeveria e Republikës së Kosovës dhe ajo e Shën Kitts dhe Neviss do të do të forcojnë marrëdhëniet e miqësisë dhe të bashkëpunimit ndërmjet të dy vendeve. Palët janë pajtuar gjithashtu të vazhdohet tutje me intensifikimin e komunikimit politik dhe mbeshtejen reciproke në marrëdhëniet e përgjithshme ndërkombëtare. Pajtim është arritur edhe për inicimin e marrëveshjes për shkêmbim të informacionit në mes të dy ministrive të jashtme, nxitje të investimeve dhe arsim. Ambasadori Sam Terrence Condor, është zotuar se do të ushtoj ndikimin e tij dhe Qeverisë së shtetit që ai përfaqeson në procesin e lobimit për njohje të reja nga shtetet e karaibe dhe përkrahjes së Kosovës për antarësim në organizata ndërkombëtare.

Marrëveshjet janë nëshkruar nga I Ngarkuari me punë në Konsullatën e Përgjithshme në NJu Jork ztr. Ylber Kryeziu dhe Përfaqesuesi i Përhershëm I Federatës së Shën Kitts dhe Nevis në Organizatën e Kombeve të Bashkuara Ambasador Sam Terrence Condor./B.S/