Nënkryetari i Kuvendit të Maqedonisë, Rafis Aliti pranon se mos definimi i qartë i përdorimit të gjuhës shqipe po vazhdon të mbajë peng udhëheqjen e seancave nga ai.
Sipas tij kjo është një indikator i mungesës së gatishmërisë së partisë maqedonase, partnere të Bashkimit Demokratik për Integrim të Alitit në Qeverinë maqedonase, VMRO-DPMNE-së, si dhe në përgjithësi klasës politike maqedonase, që të përballen me një realitet të komunikimit me kryesuesin e seancës në gjuhën shqipe.
Siç njofton televizioni Alsat-M, Haliti thotë se pikërisht për shkak të shqipes atij asnjëherë nuk i është dhënë mundësia të udhëheqë me seancat, por nëse një mundësi e tillë i ofrohet ai këtë do ta bëjë në gjuhën shqipe.
“Kryetari i kuvendit deri më tani as nënkryetarëve të partive tjera maqedonase, por edhe mua si nënkryetar nga radhët e BDI-së nuk e ka parë të arsyeshme që të më thërret të udhëheq seancën. Unë edhe njëherë do të theksoj, ja kam bërë të qartë edhe opinionit por edhe kryetarit të kuvendit gjatë takimeve që kam pasur se jam i interesuar të udhëheq seancën e kuvendit, por gjithsesi se do të respektoj atë që ma mundëson ligji, ta udhëheqë atë në gjuhën shqipe,” deklaroi Haliti.
Ndërkaq, eksperti për çështje juridike, Naser Ziberi vlerëson se çështja e përdorimit zyrtar të gjuhës shqipe është bërë si ‘thembra e Akilit’ për politikën shqiptare. Ai madje thotë se BDI për 13 vite qeverisje nuk ka arritur të zbërthejë këtë çështje.
“Në fillim të vitit 2016 Qeveri vazhdon të dorëzojë në parlament propozim-ligje në të cilat eliminohet përdorimi i gjuhës shqipe, drejtpërdrejt në kundërshtim edhe me Kushtetutën, edhe me Marrëveshjen e Ohrit edhe me Ligjin për përdorimin e gjuhëve, pra edhe aktualisht nuk respektohen dispozitat aktuale e jo më të pritet ndonjë ndryshim i Ligjit për përdorim të gjuhëve apo ndryshim eventual të Kushtetutës,” u shpreh Ziberi.
Ai gjithashtu thotë se klasa politike shqiptare ende nuk ka një vizion të qartë se si duhet zgjidhur çështja e zbatimit të plotë të ligjit për përdorimin e shqipes, edhe përkundër faktit se partia shqiptare në pushtet para disa kohësh realizoi një analizë të implementimit të MO-së me theks të veçantë përdorimit të gjuhës.
Komisioni Evropian miraton raportin përfundimtar për liberalizimin e vizave për Kosovë
Commission adopts final visa liberalisation report for Kosovo/
Bruksel, 18 dhjetor 2015/ B.Jashari/ Komisioni Evropian ka miratuar sot raportin e tretë, përfundimtar, për progresin e Kosovës në përmbushjen e kërkesave të udhërrëfyesit të saj për liberalizimin e vizave. Mbeten vetëm tetë kërkesa të papërmbushura. Sapo që Kosova të përmbushë këto kritere të fundit si dhe me sigurimin e masave efektive që mbeten për të parandaluar fluksin e ri të migrimit për në BE, Komisioni do të propozojë heqjen e obligimit për viza për qytetarët e Kosovës.
Komisioneri për Migrim dhe Çështje të Brendshme, Dimitris Avramopoulos, tha: “Jam shumë i kënaqur me progresin e madh që ka shënuar Kosova që nga viti 2014 në përmbushjen e kërkesave të udhërrëfyesit për viza. Unë besoj se Kosova do të jetë së shpejti në pozitë që të ketë përmbushur të gjitha kërkesat e mbetura, ashtu që Komisioni të mund të propozojë heqjen e obligimit për viza për qytetarët e Kosovës. Shpresoj që kjo do të jetë e mundur në fillim të vitit 2016 – që duhet të jetë edhe qëllimi i Kosovës. Le ta shfrytëzojmë periudhën e mbetur që të bëjmë përpjekje maksimale për të përgatitur Kosovën për udhëtimin pa viza. Do ta vizitoj Kosovën në fillim të vitit 2016 në mënyrë që të vlerësoj personalisht progresin e Kosovës në përmbushjen e tetë kritereve të mbetura.”
Raporti i Komisionit paraqet katër prioritete kryesore në të cilat duhet të përqendrohet Kosova gjatë periudhës së mbetur të dialogut për liberalizimin e vizave: transferimi i një numri të mjaftueshëm të gjyqtarëve në departamente gjykatash për krime të rënda; krijimi i një sistemi për regjistrim rastesh të hetimeve, vendimeve të gjykatave dhe konfiskimeve në rastet e krimit të organizuar dhe korrupsionit të rëndë; duke siguruar pavarësinë operacionale të Organit Shqyrtues të Prokurimit Publik dhe Komisionit Rregullativ të Prokurimit Publik; dhe duke demonstruar që legjislacioni për ndryshimet e emrave është implementuar.
Komisioni do të monitorojë po ashtu progresin e Kosovës në ratifikimin e marrëveshjes së kufirit me Malin e Zi para heqjes së obligimit për viza për qytetarët e Kosovës; në disbursimin e Fondit për Riintegrim; në adresimin e arsyeve për normën e ulët të njohjes për azilkërkuesit dhe në sigurimin e objektit të duhur për Avokatin e Popullit.
Dialogu për viza me Kosovën ka dëshmuar të jetë një mjet i rëndësishëm dhe efektiv në avancimin e reformave gjithëpërfshirëse dhe të vështira në fushën e Drejtësisë dhe Çështjeve të Brendshme e më tej, duke ndikuar në fushat, si në reformim të sundimit të ligjit dhe në reformën e drejtësisë penale. Progresi ka qenë i vazhdueshëm dhe efektiv, duke dëshmuar kështu angazhimin e Kosovës në përmbushjen e kërkesave të udhërrëfyesit për viza si një çështje prioritare.
Historiku
Komisioni Evropian lansoi një dialog për liberalizimin e vizave me Kosovën më 19 janar 2012. Në qershor 2012, Komisioni i ka dorëzuar qeverisë së Kosovës një udhërrëfyes për liberalizimin e vizave, i cili ka identifikuar legjislacionin dhe masat institucionale që është dashur t’i miratojë dhe implementojë Kosova që të avancojë drejt liberalizimit të vizave.
Udhërrëfyesi paraqet një listë gjithëpërfshirëse reformash të cilat Kosova është kërkuar t’i implementojë, në mënyrë që të përmbushë kërkesat lidhur me lirinë e lëvizjes, si riintegrimin dhe riatdhesimin, sigurinë e dokumenteve, menaxhimin e kufirit dhe të migrimit, azilin, luftën kundër krimit të organizuar dhe korrupsionit dhe të drejtat themelore lidhur me lirinë e lëvizjes.
Komisioni ka miratuar dy raporte për progresin e Kosovës në dialogun për viza: të parin më 8 shkurt 2013; të dytin më 24 korrik 2014. Këto raporte kanë përmbajtur një vlerësim të progresit të shënuar nga Kosova, rekomandimet para autoriteteve të Kosovës dhe të dhënat për ndikimin e pritur të migrimit dhe sigurisë së regjimit pa viza.
Raporti aktual është shoqëruar me një Dokument Pune të Stafit të Komisionit, i cili paraqet në detaje më të mëdha vlerësimin e Komisionit për progresin e Kosovës në përmbushjen e kërkesave të udhërrëfyesit për viza dhe ndikimet e pritura të sigurisë dhe migrimit të liberalizimit të vizave.
Si raporti ashtu edhe Dokumenti i Punës së Stafit të Komisionit i kanë shfrytëzuar raportet e dorëzuara nga qeveria e Kosovës, raportet e përgatitura nga ekspertët e Shteteve Anëtare që marrin pjesë në një mision vlerësues në korrik 2015, informatat e pranuara nga Zyra e BE-së në Kosovë, EULEX-i dhe Agjencitë e BE-së, si dhe të dhënat statistikore të përgatitura nga Eurostat.
Dialogu për viza mbahet pa paragjykimin e pozicionit të Shteteve Anëtare për statusin.
Raporti: http://ec.europa.eu/dgs/home-affairs/e-library/documents/policies/international-affairs/general/docs/third_report_progress_kosovo_fulfilling_requirements_visa_liberalisation_roadmap_en.pdf
European Commission
Press release
Brussels, 18 December 2015
Commission adopts final visa liberalisation report for Kosovo
The European Commission has today adopted the third, and final, report on Kosovo’s progress in fulfilling the requirements of its visa liberalisation roadmap. Only eight outstanding requirements remain. As soon as Kosovo fulfils these last benchmarks and provided effective measures remain in place to prevent new migratory flows to the EU, the Commission will propose lifting the visa obligation for citizens of Kosovo.
Migration and Home Affairs Commissioner Dimitris Avramopoulos said: “I am very pleased with the enormous progress that Kosovo has made since 2014 in fulfilling the requirements of the visa roadmap. I am confident that Kosovo will soon be in a position to fulfil all remaining requirements so that the Commission can propose lifting the visa obligation for Kosovo citizens. I hope this will be possible early in 2016 – that should be Kosovo’s aim. Let us use the remaining period to do our utmost to prepare Kosovo for visa-free travel. I will visit Kosovo in early 2016 to personally take stock of Kosovo’s progress in meeting the remaining eight benchmarks.”
The Commission’s report sets out four key priorities for Kosovo to focus on in the remaining period of the visa liberalisation dialogue: transferring a sufficient number of judges to courts’ serious crime departments; building up a track record of investigations, court rulings and confiscations in serious organised crime and corruption cases; ensuring the operational independence of the Public Procurement Review Body and Public Procurement Regulatory Commission; and demonstrating that the legislation on name changes has been implemented.
The Commission will also monitor progress in Kosovo’s ratification of the border/boundary agreement with Montenegro before the visa obligation is lifted for Kosovo citizens; in the disbursement of the Reintegration Fund; on addressing the reasons for the low recognition rate for asylum-seekers; and on providing appropriate premises for the ombudsperson.
The visa dialogue with Kosovo has proved to be an important and effective tool in advancing far-reaching and difficult reforms in the Justice and Home Affairs field and beyond, impacting areas such as the rule of law and criminal justice reform. Progress has been steady and effective, demonstrating Kosovo’s commitment to fulfil the requirements of the visa roadmap as a matter of priority.
Background
The European Commission launched a visa liberalisation dialogue with Kosovo on 19 January 2012. In June 2012, the Commission handed over a roadmap on visa liberalisation to the Kosovo government, which identified the legislation and institutional measures that Kosovo needed to adopt and implement to advance towards visa liberalisation.
The roadmap set out a comprehensive list of reforms that Kosovo has been requested to implement, in order to fulfil requirements related to the freedom of movement, such as reintegration and readmission, document security, border/boundary and migration management, asylum, the fight against organised crime and corruption and fundamental rights related to the freedom of movement.
The Commission has adopted two reports on progress by Kosovo in the visa dialogue: the first one on 8 February 2013; the second on 24 July 2014. These reports contained an assessment of progress made by Kosovo, recommendations to the Kosovo authorities and data about the expected migratory and security impacts of the visa-free regime.
The current report is accompanied by a Commission Staff Working Document, setting out in greater detail the Commission’s assessment of Kosovo’s progress in fulfilling the requirements of the visa roadmap and the expected security and migratory impacts of visa liberalisation.
Both the report and the Commission Staff Working Document draw upon reports submitted by the Kosovo government, reports drafted by Member State experts participating in an assessment mission in July 2015, information received from the EU Office in Kosovo, EULEX and EU Agencies, as well as statistical data compiled by Eurostat.
The visa dialogue is conducted without prejudice to Member States’ position on status.
Shqiptaret ne Mal te Zi- Bardhi i dergon ftese Cungut
BARDHI E FTON CUNGUN NË BISEDIME NË TAVOLINËN E KOALICIONIT/
Nisur nga interesimi i njëmendt i anëtarëve dhe qytetarëve tanë për situatën aktuale disajavëshe jo të mirë e shqetësuese në Koalicionin e Qeverisjes Vendore aktuale të Ulqinit, përpjekjet tona, të Lidhjes Demokratike në MZ, ishin dhe janë të vazhdueshme për të sqaruar me bisedime e besueshmëri të ndërsjelltë problemet dhe të tejkalohen. Në këtë drejtim kryetari i LD në MZ, Mehmet Bardhi, në cilësinë e kryetarit të njërit nga subjektet bashkëqeverisëse, bëri disa takime me udhëheqësit më të lartë të subjektit politik, të Forcës së Re Demokratike, subjektit më numrin më të madh të mandatëve në KK të Ulqinit, në këtë Koalicion Qeverisës, madje iu drejtua edhe me një shkresë Nazif Cungut, kryetarit dhe Genci Nimanbegut, nënkryetarit të Forcës, të cilëve, sipas asaj që doli në shtyp dhe asaj që deklaroi nënkryetari i Forcës dhe Kryetari i Këshillit Kombëtar të Shqiptarëve, z.G. Nimanbegu, janë iniciatorë të nismës për votëbesimin kryetarit të komunës së Ulqinit, z. Fatmir Gjekës, me të cilën i fton të ulemi në tavolinën e bisedimeve, aty ku u lidh edhe Koalicioni, se vetëm aty është vendi ku duhet të sqarohen dhe eliminohen ose jo mosmarrëveshjet.
Në shkresën, të cilën po e bëjmë publike, sqarojmë se ishin dhe janë arsyet objektive qëllimmire vendimtare për bërjen e saj publike (sot, pas disa ditësh).
Më poshtë po ju njoftojmë me shkresën në tërësi.
Nga ZYRA e LD në MZ-së PËR INFORMIM
Ulqin, më 15. 12. 2015
LIDHJA DEMOKRATIKE NË MAL TË ZI
DEMOKRATSKI SAVEZ U CRNOJ GORI
DEMOCRATIC LEAGUE IN MONTENEGRO
Nr. 203 -15
Ulqin – Tuz , më 7. 12. 2015
FORCËS SË RE DEMOKRATIKE
Kryetarit z. NAZIF CUNGU
U l q i n
Lënda: Propozim për bisedime për ruajtjen e Koalicionit ekzistues – shqiptar në nivelin e
Qeverisjes Lokale në Ulqin
I nderuari z. kryetar,
Me datën 17 nëntor 2015, e martë, nënkryetari i Forcës së Re Demokratike dhe njëkohësisht Kryetar i Këshillit Kombëtar të Shqiptarëve, sot në Malin e Zi, në mjetet e informimit publik ( në të përditshmen DAN, prej kah u shpërnda pothuaj nëpër gjithë portalet e rrjetat shoqërore) deklaroi se deri në fund të këtij muaji mund të niset apo do të niset iniciativa për votëbesimin e kryetarit të komunës së Ulqinit Fatmir Gjeka. Pastaj se Kryetari i DPS-it të Ulqinit kishte thënë, po për këtë gazetë, se pushteti aktual në Ulqin po numëron ditët e fundit… e kështu me radhë.I shqetësuar për këtë, për të ardhmen e Koalicionit, nuk gjeta ndonjë përgjigje precize, as të subjektet e tjera, përbërëse të Koalicionit, por edhe thanë se e kanë lexuar këtë deklaratë të z. G. Nimanbegu, madje ka të dhëna se të tetë këshilltarët e FORCËS e kanë nënshkruar Iniciativën për votëbesimin kryetarit aktual Fatmir Gjekës, i cili u zgjodh në këtë funksion qeverisës, pas formimit të Koalicionit Shqiptar me votat e këshilltarëve të këtij Koalicioni, pra edhe me votën e këshilltarit të LD në MZ, z. Hajredin Kovaçi dhe ia kanë dorëzua DPS-it, si ofertë për një koalicion të ri me ata!?
Për ne kjo ishte befasuese dhe e papranueshme, mu për faktin se një gjë e tillë, nuk ishte propozua nga ana e FORCËS që shqetësimi i tyre e jo më Iniciativa për votëbesim të shqyrtohej në tavolinën e Koalicionit, ashtu siç ishte dhe se ku ishte lidhë Koalicioni, çka do të ishte normale dhe rendi obligimi ndaj përbërësve të Koalicionit dhe bazë e parimit demokratik, po edhe kombëtar, pa prejudikua që t’ia marrim dikujt të drejtën e aq më pak FORCËS, e cila në kuadër të Koalicionit si subjekt ka më së shumti këshilltarë në KK të Ulqinit (8) dhe ka të drejtë të ketë vërejtje, kërkesa, të propozojë ndryshime, madje edhe të ndërrojë mendimin e vendimin, deri në shkëputje a shpërbërje të Koalicionit, por elementare do të ishte që edhe kjo apo këto të bëhen, se pari, në tavolinën e bisedimeve, aty ku edhe u lidh Koalicioni.
Duke u nisur nga sa më lart dhe duke marrë parasysh, faktin se LD në MZ si subjekti më i vjetër politik në përbërje të këtij Koalicioni, të hënën, më 23.11. 2015, mora iniciativën dhe i propozova z. G. Nimanbegu, nënkryetarit të FORCËS dhe kumtuesit të lajmit për votëbesim të Kryetarit të Komunës dhe Kryetarit të KKSH-së, që të ulemi e të pimë nga një kafe.
E falënderoj z. Nimanbegu i cili shprehu gatitshmërinë që të takoheshim madje menjëherë. Takimin e bëmë në lokalet e KKSH-së, ku i shpreha shqetësimin tim, dhe jo vetëm timin për iniciativën e tyre për votëbesim Kryetarit të Komunës, pasi kjo mund të sjellë deri të shpërbërja e Koalicionit dhe i propozova që ta shikojnë edhe një herë me kryetarin dhe udhëheqjen e partisë këtë çështje.Po atë ditë, po në lokalet e KKSH-së bëmë edhe një takim, ku ishit edhe Ju zotëri kryetar, ku edhe Ju po ashtu iu shpreha shqetësimin tim për Iniciativën Tuaj dhe fatin e vazhdimit të Koalicionit. Ju z. Nazif, paraqitët disa vërejtje për punën e Kryetarit të Komunës z.F.Gjeka dhe pohuat se e kishit nis Iniciativën për votëbesimin e tij. Në fund, pas një bashkëbisedimi jo edhe të shkurtër, kërkova dhe iu propozova që të mendoni dhe të analizoni edhe një herë, edhe sukseset edhe mossukseset, edhe të metat e mangësitë edhe anët pozitive madje edhe rezultatet po edhe pasojat që do të kishte një prishje a shpërbërje e Koalicionit. Të ulemi dhe të bisedojmë, të shohim ku janë gabimet dhe çka duhet të ndërmerret për me vazhdua më tej, – ju thashë me dashamirësi, sinqeritet dhe përgjegjësi.
Zotëri kryetar i Partisë, zotëri Nazif Cunga, nisur nga fakti se pas këtyre kontakteve me Ju po edhe me palët e tjera të Koalicionit dhe me kryetarin e komunës, z. Fatmir Gjeka, nga Ju nuk arriti edhe asnjë iniciativë që të ulemi të gjithë së bashku e të shohim çka mund të bëjmë, prandaj sot vendosa që edhe një herë t’ju drejtohem me propozim që të ulemi e të bisedojmë për me tejkalua problemet, nëse është e mundshme, deri sa ende besoj se nuk është vonë. Mund të shpëtojmë atë çka është më e nevojshme, UNITETIN, veprimin e përbashkët, kur dimë faktin se së shpejti, në pranverë ose në vjeshtë, do të kemi zgjedhjet parlamentare. Këtë e kërkon logjika e shëndoshë, rrethanat aktuale, ardhmëria, kombëtarja e demokracia.
Me respekt.
Ulqin, më 7. 12. 2015
MEHMET BARDHI, prof., kryetar i LD në MZ
PS:Dërguar: 1 x Genci Nimanbegut, nënkryetar i FORCËS dhe KRYETAR I KKSH-së
Kosovë-Shqipëri, projektet energjetike për zhvillimin ekonomik
-Kosova inauguron “autostradën” energjetike drejt Shqipërisë/
-Kryeministri kosovar Isa Mustafa: Kam kënaqësinë e veçantë që sot të marrë pjesë në përfundimin e punëve në linjën interkonektive 400 kV deri në kufirin me Shqipërinë, dhe po ashtu do të kem kënaqësinë që para mesit të vitit të ardhshëm edhe në Shqipëri të gëzojmë përfundimin e këtyre punëve, në mënyrë që sistemi të jetë operativ në tërësi/
-Ilir Bejtja, zëvendësministër i Energjetikës dhe Industrisë i Shqipërisë, ka përcjellur urimet e kryeministrit shqiptar Edi Rama dhe ministrit Damian Gjiknuri për përfundimin e punimeve në Kosovë në linjën interkonektive 400 kV, duke paralajmëruar edhë përfundimin e punimeve në Shqipëri në pranverë/
-Nesër nënshkruhet Memorandumi i Mirëkuptimit për Termocentralin ‘Kosova e Re’ në mes të Ministrisë kosovare të Zhvillimit Ekonomik dhe kompanisë amerikane Contour Global/
Nga BEHLUL JASHARI/ PRISHTINË, 17 DHJETOR 2015/ Në Kosovë, është inauguruar sot pasdite “autostrada” energjetike, projekti “Rregullimi sekondar frekuencë-fuqi Kosovë-Shqipëri” dhe përfundimi i punimeve në linjën interkonektive 400 kV deri në kufirin me Shqipërinë. Ceremonia solemne u zhvillua në Nënstacionin 400/220 kV Kosova B, në Kastriot, afër Prishtinës, i cili do lidhet me Nënstacionin Tirana 2 – te kryeqyteti shqiptar.
Kryeministri kosovar Isa Mustafa ka vlerësuar rëndësinë e madhe që kanë për Kosovën këto zhvillime, të cilat do të përmirësojnë sistemin energjetik të Kosovës dhe Shqipërisë si dhe do të krijojnë lidhje të veçantë ndërmjet dy vendeve dhe me BE-në.
“Kam kënaqësinë e veçantë që sot të marrë pjesë në përfundimin e punëve në linjën interkonektive 400 kV deri në kufirin me Shqipërinë, dhe po ashtu do të kem kënaqësinë që para mesit të vitit të ardhshëm edhe në Shqipëri të gëzojmë përfundimin e këtyre punëve, në mënyrë që sistemi të jetë operativ në tërësi. Kosova dhe Shqipëria tanimë kanë marrë obligimet por edhe po krijojnë kushtet për fuqizimin dhe furnizimin e sistemit me energji elektrike, po krijojnë kushte për standard më të lartë dhe arritjen e standardeve të vendeve të zhvilluara, si të prodhimit, transmisionit dhe shpërndarjes tek konsumatori. Qëllimet tona janë që të arrijmë nivel të lartë të cilësisë së furnizimit, të liberalizimit të tregut të energjisë elektrike dhe mjedis të pastër të prodhimit të energjisë elektrike, në suaza të pakos së tretë, që përfshinë edhe vendet tjera në rajon”, tha kryeministri kosovar.
Kryeministri Mustafa theksoi se linja e interkoneksionit 400 kV Kosovë-Shqipëri është një mundësi me shumë përparësi për të dy vendet tona, duke u bazuar në diversitetin e resurseve energjetike, që janë kompatibile për t’u arritur një nivel më i lartë i rendimentit të prodhimit të energjisë elektrike dhe të këmbimit të energjisë elektrike.
“Përfundimi i kësaj linje konsideroj se është një sukses i yni i përbashkët, i cili do të mundësojë optimizimin e këtyre dy sistemeve, jo vetëm në ngritjen e sistemeve transmetuese, por edhe në ngritjen e besueshmërisë së ekonomisë dhe qytetarëve tanë, për t’u furnizuar në mënyrë të rregullt me energji elektrike”, tha kryeministri Mustafa, duke shprehur mirënjohje për qeverinë e Shqipërisë për bashkëpunimin dhe kontributin e dhënë në mëvetësimin e sistemit energjetik të Kosovës.
Po ashtu, kryeministri Mustafa, ka falënderuar posaçërisht qeverinë gjermane për financimin e këtij projekti në një shumë të madhe të parave dhe Bankën Gjermane për Zhvillim, për një shumë prej 33.5 milionë eurove, e cila në një formë ndahet në dysh ndërmjet donacionit të qeverisë gjermane dhe Bankës Gjermane për Zhvillim. Kryeministri Mustafa theksoi se ky është një kontribut i drejtpërdrejt në zhvillimin ekonomik dhe në prosperitetin e Kosovës, duke shprehur konsiderata të larta edhe për punën e përkushtuar të të gjithë profesionistëve dhe menaxhmentit të Operatorit të Sistemit, Transmisionit dhe Tregut-KOSTT për një periudhë të gjatë në realizimin e këtij projekti.
“Konsideroj se, si rezultat i kësaj autostrade energjetike në mes të Kosovës dhe Shqipërisë, do të mundësohet një këmbim shumë më i madh i energjisë elektrike në mes të dy vendeve tona, dhe sidomos një mundësi e ngritjeve të kapaciteteve gjeneruese të planifikuara. Po ashtu, vlerësoj se ky është një hap shumë i mirë që ne të punojmë në të ardhmen bashkërisht, jo vetëm në sistemin e transmisionit, por ndoshta edhe në sistemin e prodhimit të energjisë dhe gjenerimit të energjisë elektrike, duke shfrytëzuar mundësitë alternative Kosovë-Shqipëri, përkatësisht resurset tona që i kemi komplementare, dhe të cilat pastaj do të mundësojnë që ne të pavarësohemi tërësisht dhe të sigurojmë energji elektrike”, tha kryeministri Mustafa, duke shtuar se ky është një hap shumë i rëndësishëm i furnizimit të qytetarëve dhe ekonomisë.
Ministri kosovar i Zhvillimit Ekonomik, Blerand Stavileci, ka përgëzuar të gjithë ata që kanë qenë të përfshirë në kuadër të këtij projekti për ta bërë të mundur realizimin e tij.
“Kjo ngjarje, së bashku me ngjarjen e ditës së nesërme (nënshkruhet Memorandumi i Mirëkuptimit për Termocentralin ‘Kosova e Re’ në mes të Ministrisë kosovare të Zhvillimit Ekonomik dhe kompanisë amerikane Contour Global), përbëjnë një kapitull të ri në sektorin energjetik të vendit tonë, një kapitull në të cilin ne përfundimisht do ta transformojmë për ta bërë gati për zhvillimet e ardhshme. Të gjithë ne këtu, e në veçanti partnerët tanë ndërkombëtarë që kanë kontribuuar në realizimin e këtij projekti, e dinë që edhe proceset ndërkombëtare, proceset e integrimit, në të cilat ne marrim pjesë së bashku me Republikën e Shqipërisë kanë për qëllim që të gjithë ne në një të ardhme të afërt të jemi pjesë e një tregu rajonal duke i plotësuar tre kushte themelore: 1) që të kemi siguri të furnizimit me energji elektrike, 2) që të bëjmë një ndërlidhje sa më të mirë të rrjeteve tona, dhe 3) që të bëhemi pjesë e një tregu rajonal po ashtu edhe me kushte të reja të operimit duke liberalizuar tregun”, tha Stavileci. Ministri i Zhvillimit Ekonomik, po ashtu, tha se në këtë drejtim Kosova dhe Shqipëria po bëjnë hapa progresivë dhe po japin një shembull për shtetet tjera të rajonit lidhur me avancimin e axhendës së Traktatit të Komunitetit të Energjisë, duke bërë të ditur se ky projekt i interkoneksionit, i kësaj linje të transmisionit është njëri në mesin e 35 projekteve më të rëndësishme që i kanë gjashtë shtetet e Ballkanit Perëndimor.
Ilir Bejtja, zëvendësministër i Energjetikës dhe Industrisë i Shqipërisë, po ashtu, ka vlerësuar lartë rëndësinë që ka kjo ngjarje për të dy sistemet energjetike, duke pas parasysh edhe zhvillimet e mëtejshme dhe rëndësinë që ka nënshkrimi i marrëveshjes midis të dy qeverive.
Bejtja foli për përfitimet që do të kenë dy vendet nga ky bashkëpunim dhe për mundësitë e fuqizimit të mëtejmë të sistemeve energjetike të dy vendeve që ato të jenë pjesë e Bashkimit Evropian si paraprijëse të proceseve tjera integruese. Ai, po ashtu, ka përcjellur urimet e kryeministrit Edi Rama dhe ministrit Damian Gjiknuri, për në inaugurimin e projektit dhe përfundimin e punimeve në linjën interkonektive 400 kV, duke shprehur besimin se e njëjta gjë do të inaugurohet në Shqipëri në pranverë.
Kryeshefi Ekzekutiv i Operatorit të Sistemit, Transmisionit dhe Tregut (KOSTT), Mustafë Hasani, tha se vënia në funksion i linjës 400 kV dhe projekti i rregullimit sekondar me një kosto kapitale 33.5 milionë eurosh janë projektet më të mëdha pas luftës, për sistemin elektroenergjetik të Kosovës dhe të Shqipërisë.
“Ndërtimi i kësaj linje interkonektuese të tensionit të lartë 400 kV Kosovë-Shqipëri do të ndikojë në ngritjen e kapaciteteve ndërmjet dy vendeve, rajonit, ngritjen e sigurisë, besueshmërisë, sistemeve tona elektroenergjetike, si dhe do të mundësojë zhvillimin e tregut të të dyja vendeve, dhe tregut rajonal dhe panevropian”, tha Hasani.
Përfaqësuesja e qeverisë gjermane, Henriette Kotter, theksoi se sektori i energjisë është një prej shtyllave kryesore të zhvillimit në Kosovë dhe se kjo është arsyeja pse një linjë si kjo është shumë me rëndësi.
“Qeveria Gjermane bashkë me qeverinë e Kosovës ka zgjedhur energjinë si një prej zonave kryesore të fokusit për zhvillim. Gjermania ka mbështetur Kosovën në këtë sektor që nga viti 1999 me mbi 150 milionë euro. Ne patëm filluar 15-16 vjet më parë me masa emergjente në miniera qymyri, dhe në termocentrale dhe së bashku kemi ofruar masa për energji efiçiente dhe për ngrohje të qytetit. Rrjeti i transmisionit do të përfshijë rrjetin e Kosovës dhe kjo është në pajtim me axhendën e bashkëpunimit që promovohet nga Kancelarja e Gjermanisë për shtetet e Ballkanit Perëndimor si pjesë e Konferencës së Berlinit dhe Konferencës së Vjenës së këtij viti. Linja mes Kosovës dhe Shqipërisë do të lidh edhe pjesë të tjera të Ballkanit dhe do të krijojë kushte për të shkëmbyer ngarkesën e energjisë nga qymyri dhe nga hidrocentralet në Shqipëri. Për Gjermaninë kjo paraqet një prej projekteve më të mëdha”, tha Kotter.
Esther Gravenkoetter, drejtoreshë e Bankës Gjermane për Zhvillim, KfW, e ka quajtur nder për këtë Bankë që të jetë pjesë e një prej projekteve më të rëndësishme në Kosovë, së bashku me pjesën shqiptare, në një projekt të rëndësishëm edhe për rajonin. “Ky projekt ka qenë i mundshëm vetëm falë bashkëpunimit tonë të shkëlqyer. KOSTT është njëra prej kompanive më të mira që keni këtu në Kosovë, dhe duhet të jetë shembull edhe për kompanitë në rajon.
Ne shpresojmë se do të vazhdojmë bashkëpunimin me KOSTT-in, me qeverinë e Kosovës, në vitet në vijim, me projekte të rëndësishme për Kosovën dhe për gjithë rajonin”, tha Gravenkoetter.
Administratori i Operatori i Sistemit të Transmetimit në Shqipëri, Engjëll Zeqo, tha se fillimi i këtij projekti të rëndësishëm për sistemet e transmetimit të dy vendeve shënon edhe fillimin e materializimit të këtij projekti të veçantë dhe të rëndësisë siç është optimizimi i punës të dy sistemeve, rritja e besueshmërisë dhe sigurisë së këtyre dy sistemeve.
Kosova ka përfunduar “autrstradën” energjetike drejt Shqipërisë, në 14 dhjetor u bë energjizimi testues i linjës së re interkonektive të tensionit të lartë 400 kV deri në kufi, e cila lidhë nënstacionet Kosova B dhe Tirana 2, duke kaluar nëpër territorin kosovar në zonat e 8 komunave – Obiliq, Vushtrri, Drenas, Malishevë, Rahovec, Gjakovë, Deçan e Junik dhe të mëse 45 fshatrave.
Në linjën interkonektive 400 kV Kosovë-
Kosova dhe Shqipëria në vitin 2016 inaugurojnë gjithë “autostradën” energjetike, paralajmëronte kryeministri kosovar Isa Mustafa, i pyetur nga korrespondenti në Prishtinë në një konferencë për shtyp në verë, muajin gusht, ku ka folur edhe për bashkëpunimet në fushën e energjetikës e të tjera.
“Rrjeti energjetik mendojmë se vitin e ardhshëm duhet të aktivizohet. Sivjet presim që të kryhen të gjitha punimet në pjesën tonë, edhe në pjesën e Shqipërisë kryhet vitin e ardhshëm dhe do e inaugurojmë”, ka theksuar kryeministri kosovar Mustafa.
Kreu i qeverisë së Kosovës ka bërë të ditur se, është duke u punaur që të sigurohet edhe tregu i përbashkët i energjisë elektrike, që të bëhet këmbimi i saj.
Që para fillimit të punimeve, në fazat e përgatitjeve, burimet në Prishtinë kanë njoftuar se projekti për ndërtimin e linjës interkonektive 400 kV Kosovë-
Në 21 dhjetor të vitit 2013, në praninë e ministrit të Energjetikës dhe Industrisë të Republikës së Shqipërisë, Damian Gjiknuri, ministrit të atëhershëm të Zhvillimit Ekonomik të Kosovës, Fadil Ismajli, dhe ambasadorit të Gjermanisë në Kosovë në atë kohë, Peter Blomeyer, në hapësirat e Lidhjes Shqiptare në Prizren, në një ceremoni solemne, është nënshkruar kontrata për ndërtimin e linjës interkonektive 400 kV Kosovë-
Në 10 mars 2015, ministri i Energjisë dhe Industrisë së Shqipërisë, Damian Gjiknuri, dhe ministri Kosovar i Zhvillimit Ekonomik, Blerand Stavileci, të shoqëruar edhe nga drejtuesit e operatorëve të transmisionit dhe rregullatorëve të energjisë të të dyja vendeve, kanë vizituar nënstacionin 400/220kV – Kosova B në Obiliq, ku janë njoftuar për së afërmi me punën që po bëhej për realizimin e interkoneksionit Kosovë-Shqipëri.
Me atë rast u theksua se ecuria e mirë e punimeve në ndërtimin e linjës 400 kV Kosovë- Shqipëri, ku 1/3 e projektit ishte përfunduar, rriste pritshmëritë se deri në fund të këtij viti do të përfundonte pjesa nga Kosova dhe deri në pranverën e vitit të ardhshëm edhe pjesa e Shqipërisë.
Kosova teston “autostradën” energjetike drejt Shqipërisë
-Linja interkonektive e tensionit të lartë 400 kV deri në kufi, e cila lidhë nënstacionet Kosova B dhe Tirana 2, nëpër territorin Kosovar kalon në zonat e 8 komunave – Obiliq, Vushtrri, Drenas, Malishevë, Rahovec, Gjakovë, Deçan e Junik dhe të mëse 45 fshatrave/
Nga Behlul Jashari/ PRISHTINË, 13 Dhjetor 2015/ Kosova përfundon “autrstradën” energjetike drejt Shqipërisë, nesër do të bëhet energjizimi testues i linjës interkonektive të tensionit të lartë 400 kV deri në kufi, e cila lidhë nënstacionet Kosova B dhe Tirana 2, duke kaluar nëpër territorin kosovar në zonat e 8 komunave – Obiliq, Vushtrri, Drenas, Malishevë, Rahovec, Gjakovë, Deçan e Junik dhe të mëse 45 fshatrave.
Operatori i Sistemit, Transmisionit dhe Tregut-KOSTT në njoftimin e dërguar bën të ditur se në linjën energjetike 400 kV Kosovë-Shqipëri, në pjesën kosovare, në momentin e energjizimit testues mund të paraqiten fenomene që mund të paraqesin rrezik nga tensioni i lartë për qytetaret, prandaj duhet patur kujdes gjatë lëvizjeve në afërsi të linjes në lokalitetet nga kalon. KOSTT është kompani publike që merret me planifikimin, zhvillimin, mirëmbajtjen dhe operimin e sistemit të transmisionit të energjisë elektrike në Kosovë.
Në linjën interkonektive 400 kV Kosovë-
Kosova dhe Shqipëria në vitin 2016 inaugurojnë “autostradën” energjetike, paralajmëronte kryeministri kosovar Isa Mustafa, i pyetur nga korrespondenti në Prishtinë në një konferencë për shtyp në verë, muajin gusht, ku ka folur edhe për bashkëpunimet në fushën e energjetikës e të tjera.
“Rrjeti energjetik mendojmë se vitin e ardhshëm duhet të aktivizohet. Sivjet presim që të kryhen të gjitha punimet në pjesën tonë, edhe në pjesën e Shqipërisë kryhet vitin e ardhshëm dhe do e inaugurojmë”, ka theksuar kryeministri kosovar Mustafa.
Kreu i qeverisë së Kosovës ka bërë të ditur se, është duke u punaur që të sigurohet edhe tregu i përbashkët i energjisë elektrike, që të bëhet këmbimi i saj.
Që para fillimit të punimeve, në fazat e përgatitjeve, burimet në Prishtinë kanë njoftuar se projekti për ndërtimin e linjës interkonektive 400 kV Kosovë-
Në 21 dhjetor të vitit 2013, në praninë e ministrit të Energjetikës dhe Industrisë të Republikës së Shqipërisë, Damian Gjiknuri, ministrit të atëhershëm të Zhvillimit Ekonomik të Kosovës, Fadil Ismajli, dhe ambasadorit të Gjermanisë në Kosovë në atë kohë, Peter Blomeyer, në hapësirat e Lidhjes Shqiptare në Prizren, në një ceremoni solemne, është nënshkruar kontrata për ndërtimin e linjës interkonektive 400 kV Kosovë-
Në 10 mars 2015, ministri i Energjisë dhe Industrisë së Shqipërisë, Damian Gjiknuri, dhe ministri Kosovar i Zhvillimit Ekonomik, Blerand Stavileci, të shoqëruar edhe nga drejtuesit e operatorëve të transmisionit dhe rregullatorëve të energjisë të të dyja vendeve, kanë vizituar nënstacionin 400/220kV – Kosova B në Obiliq, ku janë njoftuar për së afërmi me punën që po bëhej për realizimin e interkoneksionit Kosovë-Shqipëri.
Me atë rast u theksua se ecuria e mirë e punimeve në ndërtimin e linjës 400 kV Kosovë- Shqipëri, ku 1/3 e projektit ishte përfunduar, rriste pritshmëritë se deri në fund të këtij viti do të përfundonte pjesa nga Kosova dhe deri në pranverën e vitit të ardhshëm edhe pjesa e Shqipërisë.
***
Energjizimi testues – linja interkonektive 400 kV NS Kosova B – NS Tirana 2, deri në kufi me Shqipërinë
KOSTT sh.a njofton qytetarët që me datë 14 Dhjetor 2015 (E Hëne) do të bëhet energjizimi testues i linjës së re interkonektive të tensionit të lartë 400 kV, që lidhë nënstacionet NS 400/220 kV Kosova B me NS Tirana 2, deri në kufi me Shqipërinë.Linja në fjalë shtrihet nga NS 400/220 kV Kosova B përgjatë zonave kadastrale:
Obiliq nëpër fshatrat: Obiliq, Milloshevë dhe Plemetin.
Vushtrri nëpër fshatrat: Prelluzhë, Bivolak, Strofc dhe Zhilivodë
Drenas nëpër fshtrat: Gradice, Gllanaselle, Çikatovë e vjetër, Gllobar, Çikatovë e re, Domenek, Krajkovë, Llapushnik, Negroc dhe Arllat.
Malisheve nëpër fshatrat: Balincë, Vërmicë, Carallugë, Burim, Gurëbardhë, Lashkidrenoc, Dragobill dhe Shkaroshnik
Rahovec nëpër fshatrat: Zatriq, Pastasell, Polluzhë, Dobidollë dhe Qifllakë.
Gjakovë nëpër fshatrat: Doblibarë, Meqë, Bec, Kodroli, Zhdrellë, Janoshë, Pahibardhë, Novo Sel e Epërme, Dobrigj, Hereç, Sheremet, Batush, Nirokaz, Molliq dhe Brovinë.
Deçan nëpër fshatin Gramaçel si dhe përgjatë zonës kadastrale Junik deri në kufi me Shqipërinë.
KOSTT sh.a lut qytetarët që gravitojnë në këto vendbanime të kenë kujdes gjate lëvizjes në afërsi të linjës energjetike 400 kV Kosovë-Shqipëri deri në kufirin me Shqipërinë, pasi që në momentin e energjizimit testues mund të paraqiten fenomene që mund të paraqesin rrezik nga tensioni i lartë për qytetaret. Po ashtu njoftohen qytetarët për respektimin e kufizimeve brenda servitutit, konform ligjeve, në lidhje me ndërtimet, kultivimin e gjelbërimit të lartë.
- « Previous Page
- 1
- …
- 122
- 123
- 124
- 125
- 126
- …
- 201
- Next Page »