Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosova teston “autostradën” energjetike drejt Shqipërisë

by

-Linja interkonektive e tensionit të lartë 400 kV deri në kufi, e cila lidhë nënstacionet Kosova B dhe Tirana 2, nëpër territorin Kosovar kalon në zonat e 8 komunave – Obiliq, Vushtrri, Drenas, Malishevë, Rahovec, Gjakovë, Deçan e Junik  dhe të  mëse 45 fshatrave/

Nga Behlul Jashari/ PRISHTINË, 13 Dhjetor 2015/ Kosova përfundon “autrstradën” energjetike drejt Shqipërisë, nesër do të bëhet energjizimi testues i linjës interkonektive të tensionit të lartë 400 kV deri në kufi, e cila lidhë nënstacionet Kosova B dhe Tirana 2, duke kaluar nëpër territorin kosovar në zonat e 8 komunave – Obiliq, Vushtrri, Drenas, Malishevë, Rahovec, Gjakovë, Deçan e Junik  dhe të  mëse 45 fshatrave.

Operatori i Sistemit, Transmisionit dhe Tregut-KOSTT në njoftimin e dërguar bën të ditur se në linjën energjetike 400 kV Kosovë-Shqipëri, në pjesën kosovare, në momentin e energjizimit testues mund të paraqiten fenomene që mund të paraqesin rrezik nga tensioni i lartë për qytetaret, prandaj duhet patur kujdes gjatë lëvizjeve në afërsi të linjes në lokalitetet nga kalon. KOSTT është  kompani publike që merret me planifikimin, zhvillimin, mirëmbajtjen dhe operimin e sistemit të transmisionit të energjisë elektrike në Kosovë.

Në linjën interkonektive 400 kV Kosovë-Shqipëri, në pjesën kosovare në fund të muajit shtator u përfundua me ngritjen e të gjitha shtyllave elektrike. Ngritja e shtyllës së fundit elektrike, 239, u bë pranë kufirit në Qafë Morinë, ndërkohë që ishin shtruar mbi 50 km përçues elektrikë.

Kosova dhe Shqipëria në vitin 2016 inaugurojnë “autostradën” energjetike, paralajmëronte kryeministri kosovar Isa Mustafa, i pyetur nga korrespondenti në Prishtinë në një konferencë për shtyp në  verë, muajin gusht, ku ka folur edhe për bashkëpunimet në fushën e energjetikës e të tjera.

“Rrjeti energjetik mendojmë se vitin e ardhshëm duhet të aktivizohet. Sivjet presim që të kryhen të gjitha punimet në pjesën tonë, edhe në pjesën e Shqipërisë kryhet vitin e ardhshëm dhe do e inaugurojmë”, ka theksuar kryeministri kosovar Mustafa.

Kreu i qeverisë së Kosovës ka bërë të ditur se, është duke u punaur që të sigurohet edhe tregu i përbashkët i energjisë elektrike, që të bëhet këmbimi i saj.

Që para fillimit të punimeve, në fazat e përgatitjeve, burimet në Prishtinë kanë njoftuar se projekti për ndërtimin e linjës interkonektive 400 kV Kosovë-Shqipëri konsiston në ndërtimin e një  linje te tensionit të lartë me gjatësi rreth 238 km, prej së ciles 85.5  km në territorin e Kosovës dhe 153.5 km në territorin e Republikës së Shqipërisë.

Në 21 dhjetor të vitit 2013, në praninë e ministrit të Energjetikës dhe Industrisë të Republikës së Shqipërisë, Damian Gjiknuri, ministrit të atëhershëm të Zhvillimit Ekonomik të Kosovës, Fadil Ismajli, dhe ambasadorit të Gjermanisë në Kosovë në atë kohë, Peter Blomeyer, në hapësirat e Lidhjes Shqiptare në Prizren, në një ceremoni solemne, është nënshkruar kontrata për ndërtimin e linjës interkonektive 400 kV Kosovë-Shqipëri.

Në 10 mars 2015, ministri i Energjisë dhe Industrisë së Shqipërisë, Damian Gjiknuri, dhe ministri Kosovar i Zhvillimit Ekonomik, Blerand Stavileci, të shoqëruar edhe nga drejtuesit e operatorëve të transmisionit dhe rregullatorëve të energjisë të të dyja vendeve, kanë vizituar nënstacionin 400/220kV – Kosova B në Obiliq, ku janë njoftuar për së afërmi me punën që po bëhej për realizimin e interkoneksionit Kosovë-Shqipëri.

Me atë rast u theksua se ecuria e mirë e punimeve në ndërtimin e  linjës 400 kV Kosovë- Shqipëri, ku 1/3  e projektit ishte përfunduar, rriste pritshmëritë se deri në fund të këtij viti do të përfundonte pjesa nga Kosova dhe deri në pranverën e vitit të ardhshëm edhe pjesa e Shqipërisë.

***

 Energjizimi testues – linja interkonektive 400 kV NS Kosova B – NS Tirana 2, deri në kufi me Shqipërinë

 KOSTT sh.a njofton qytetarët që me datë 14 Dhjetor 2015 (E Hëne) do të bëhet energjizimi testues i linjës së re interkonektive të tensionit të lartë 400 kV, që lidhë nënstacionet NS 400/220 kV Kosova B me NS Tirana 2, deri në kufi me Shqipërinë.Linja në fjalë shtrihet nga NS 400/220 kV Kosova B përgjatë zonave kadastrale:

 Obiliq nëpër fshatrat: Obiliq, Milloshevë dhe Plemetin.

Vushtrri nëpër fshatrat: Prelluzhë, Bivolak, Strofc dhe Zhilivodë

Drenas nëpër fshtrat: Gradice, Gllanaselle, Çikatovë e vjetër, Gllobar, Çikatovë e re, Domenek, Krajkovë, Llapushnik, Negroc dhe Arllat.

Malisheve nëpër fshatrat: Balincë, Vërmicë, Carallugë, Burim, Gurëbardhë, Lashkidrenoc, Dragobill dhe Shkaroshnik

Rahovec nëpër fshatrat: Zatriq, Pastasell, Polluzhë, Dobidollë dhe Qifllakë.

Gjakovë nëpër fshatrat: Doblibarë, Meqë, Bec, Kodroli, Zhdrellë, Janoshë, Pahibardhë, Novo Sel e Epërme, Dobrigj, Hereç, Sheremet, Batush, Nirokaz, Molliq dhe Brovinë.

Deçan nëpër fshatin Gramaçel si dhe përgjatë zonës kadastrale Junik deri në kufi me Shqipërinë.

 KOSTT sh.a lut qytetarët që gravitojnë në këto vendbanime të kenë kujdes gjate lëvizjes në afërsi të linjës energjetike 400 kV Kosovë-Shqipëri deri në kufirin me Shqipërinë, pasi që në momentin e energjizimit testues mund të paraqiten fenomene që mund të paraqesin rrezik nga tensioni i lartë për qytetaret. Po ashtu njoftohen qytetarët për respektimin e kufizimeve brenda servitutit, konform ligjeve, në lidhje me ndërtimet, kultivimin e gjelbërimit të lartë.

 

Ambasadorja e SHBA viziton Ulqinin

by

Ambasadorja e SHBA në Mal të Zi, Margaret Ann Uyehara zhvilloi të martën një vizitë në Ulqin. Ajo vizitoi Kriporen e Ulqinit dhe Ullishten e Valdanosit, të cilat shihen si dy nga burimet më të njohura të këtij qyteti, për të vazhduar me vizitën në Xhaminë e Krythës pastaj në Qytetin e Vjetër të Shasit dhe në zyrën e përbashkët të Biznes Klubit Ana e Malit me Diasporën shqiptare në SHBA. Kryetari i Komunës së Ulqinit, Fatmir Gjeka, e njohu ambasadoren me aktivitetet e pushtetit vendor por edhe me atë që ai e quajti “krizë të këtij pushteti” si pasojë e mosmarrëveshjeve në koalicionin qeverisës të forcave politike shqiptare. Në zyrën e përbashkët me Diasporën shqiptare, kryetari i Biznes Klubit, Kabil Kurti e njohu ambasadorenme format e bashkëpunimit dhe të organizimit. Ambasadorja Uyehara foli për mundësitë më të mëdha të bashkëpunimit dhe të investimeve nga diaspora dhe bëri thirrje për lehtësimin e procedurave për investitorët e mundshëm.

OSCE Dialogue Academy

by

OSCE Dialogue Academy, focused on women involvement in dialogue and policy making from Prishtinë/Priština and Belgrade, concluded in Austria/

The OSCE Dialogue Academy, proposed by the group of prominent women from Prishtinë/Priština and Belgrade as part of their OSCE-supported “Follow us” initiative, was held from 27 November to 6 December 2015 at Stadt Schlaining, Austria.

The Academy provided 22 young women activists from civil society and youth organizations, students and young professionals an opportunity to discuss the role of women in conflict mediation and politics in the region.

The Academy aimed at encouraging women to play a stronger role in peace building, negotiation processes and decision making and to increase their prospects for being a vehicle for contributing to normalization of relations between Prishtinë/Priština and Belgrade. Through seminars held by scholars and experts, participants learned about technics for mediation and negotiations, gender equality, women and youth in political parties, challenges of women participation in politics.

Prominent women from Follow us Initiative also joined the Dialogue Academy, to share their experience in politics and decision making, promotion of dialogue through the initiative, and have discussed issues of concern affecting women in the region.

“During these days we learnt that we have so much in common,” said one of the participants. “There are no differences between us and we must continue to work together and foster women role in society.”

The Deputy Head of the OSCE Mission in Kosovo, Paivi Nikander, addressing the participants at the closing ceremony, expressed the OSCE’s satisfaction with the Dialogue Academy. “We are proud of this overall initiative and what it has become, and we will make sure to support it further.”The event was organized by the OSCE Mission in Kosovo in co-operation with the OSCE Mission to Serbia as part of their work to promote dialogue and reconciliation and gender equality in public participation.

Kosova në rrjetin hekurudhor evropian “Route 10”

by

-Marrëveshja kredi  në vlerë prej 42 milionë euro për modernizimin pjesës së Kosovës në rrjetin hekurudhor evropian “Route 10” do të nënshkruhet nesër nga  ministri kosovar i Financave Avdullah Hoti dhe zëvendësdrejtori i përgjithshëm i Bankës Evropiane të Investimeve Romualdo Massa Bernucci/

Nga Behlul Jashari/ PRISHTINË, 7 Dhjetor 2015/ Komisioni Evropian dhe Banka Evropiane e Investimeve do të financojnë modernizimin e hekurudhës së Kosovës me 82 milionë euro fillimisht.Një marrëveshje kredie prej 42 milionë euro për modernizimin pjesës së Kosovës në rrjetin hekurudhor evropian “Route 10” do të nënshkruhet të marten, në 8 dhjetor, nga Banka Evropiane për Investime (BEI) dhe qeveria e Kosovës.Në të njëjtën kohë, BE-ja do të mbështesë fillimisht këtë projekt me një grant prej 40 milionë eurosh për përgatitjen dhe zbatimin e projektit. Ky projekt do të integrojë rrjetin hekurudhor të Kosovës në korridorin Orient/Lindja-Mesdhetare, duke lidhur Ballkanin Perëndimor me Austrinë, Greqinë dhe Bullgarinë, si pjesë e Korridoreve të Rrjetit Kryesor të Rrjetit Trans-Evropian të Transportit.Në ambientet e qeverisë së Kosovës, Ceremona e nënshkrimit mes Romualdo Massa Bernucci, Zëvendës i Drejtorit të Përgjithshëm të BEI dhe ministrit kosovar të Financave¸ Avdullah Hoti,  që do të përcillet me deklarata të shkurtëra.Në këtë ceremoni do të merr pjesë edhe shefi i Zyrës së Bashkimit Evropian / përfaqësuesi i posaçëm i BE-së në Kosovë, Samuel Zhbogar.Në prill 2015, gjashtë vendet e Ballkanit Perëndimor kanë arritur një marrëveshje për rrjetin kryesor të transportit dhe në qershor 2015 kanë arritur marrëveshje për zgjerimin e tre korridoreve kryesore të Rrjeteve Trans-Evropiane të Transportit për në Ballkanin Perëndimor. Ato kanë identifikuar projektet prioritare përgjatë seksioneve të këtyre korridoreve që do të implementohen deri më 2020.Në BE, rrjeti kryesor lidh të gjitha kryeqytetet e BE-së, qendrat ekonomike kryesore dhe portet më të mëdha. Zgjerimi i korridoreve të rrjetit kryesor për në Ballkanin Perëndimor mundëson përshpejtimin e reformave politike dhe rregullative, derisa përpjekjet dhe investimet e shtuara për korridoret kryesore dhe ndërlidhjet sigurojnë integrim më të afërt me BE-në. Ato gjithashtu sigurojnë bazën për investim leverazhi në infrastrukturë, si mbështetja e BE-së përmes Kornizës Investuese të Ballkanit Perëndimor dhe mjetit për lidhjen e Evropës “Connecting Europe Facility”.

META NE KOSOVE

by

-Presidentja Jahjaga dhe kryetari Meta diskutuan për zhvillimet në Kosovë dhe përpjekjet për të tejkaluar situatën e krijuar në vend/PRISHTINË, 6 Dhjetor 2015-B.Jashari/ Presidentja e Republikës së Kosovës, Atifete Jahjaga ka pritur sot në takim kryetarin e Kuvendit të Republikës së Shqipërisë,  Ilir Meta.Presidentja Jahjaga dhe kryetari Meta diskutuan për zhvillimet në Kosovë dhe përpjekjet për të tejkaluar situatën e krijuar në vend.

Presidentja Jahjaga e njoftoi kryetarin Meta për angazhimin e saj për të krijuar kushtet për dialog politik mes koalicionit qeverisës dhe subjekteve politike opozitare, bën të ditur njoftimi dërguar nga Presidenca kosovare.

Kryetari i Kuvendit të Shqipërisë, Ilir Meta, mbrëmjen e kaluar në Prishtinë, ka takuar kryetarin e Kuvendit të Kosovës, Kadri Veseli.

 Media në Prishtinë ka parë në orët e vona se, takimi është mbajtur në njërin prej restoranteve në periferi të kryeqytetit, ndërsa raporton se, sipas burimeve jozyrtare, kryeparlamentari shqiptar Meta ka ardhur në Kosovë për të ndërmjetësuar në mes të opozitës dhe koalicionit qeverisës për dalje nga kriza parlamentare kosovare. Ai sot ka takuar edhe liderët e partive opozitare, sipas njoftimeve, kryetarin e AAK, Ramush Haradinaj, e pastaj të VV, Visar Ymeri, si dhe kryetarin e Nismës, Fatmir Limaj. Nuk ka ende njoftime zyrtare nga këto takime.