Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Prezantohet në gjuhën shqipe ambasadori amerikan Donald Lu

by

TIRANË, 9 Janar/ -Ambasadori i ri i Shteteve të Bashkuara të Amerikës në Shqipëri, Donald Lu nëpërmjet një videoje prezantuese tregon në gjuhën shqipe për veten e tij, për familjen dhe vendlindjen e tij, si dhe tregon se çfarë pret të bëjë dhe të arrijë në Shqipëri.
“Quhem Donald Lu dhe jam shumë i gëzuar që Presidenti Obama më ka zgjedhur mua si ambasador të SHBA-së në Shqipëri”, tregon ambasadori Lu me një shqipe të pastër.
“Si shumë amerikanë, edhe unë jam djali i një emigranti. Babai im erdhi në Amerikë nga Kina dhe ka punuar shumë për t’u dhënë fëmijëve të tij shanse që ai nuk i ka patur vetë. Ajo ishte ëndrra e tij amerikane”, rrëfen Lu.
Unë, vijon Lu, “e di që t’u sigurojmë një të ardhme më të mirë fëmijëve tanë është një ëndërr që si amerikanët dhe shqiptarët e ndajnë me njëri-tjetrin”.
“Si ambasador jam i angazhuar të mbështes përpjekjet e popullit shqiptar në ndërtimin e insitucioneve demokratike. Ta bëjmë Shqipërinë aleat më të fuqishëm të NATO-s dhe të punojmë me Shqipërinë drejt anëtarësimit në BE”, thotë ambasadori Lu.
Më pas, ambasadori prezanton edhe gruan e tij Arielën. ‘Kjo është gruaja ime Ariel që do të vijë me mua në Shqipëri së bashku me fëmijët’.
“Jam rritur në Kaliforninë e Jugut pranë njërit prej plazheve më të bukura në Amerikë. Arielës dhe mua na pëlqen të ngjitemi në mal dhe të luajmë me fëmijët tanë në plazh. Sapo të arrijmë në Shqipëri kemi në plan të vizitojmë malin e Dajtit dhe bregdetin tuaj të mrekullueshëm”, thotë ambasadori Lu.
“SHBA dhe Shqipëria kanë shumë të përbashkëta dhe gjithashtu kemi shumë gjëra për të bërë së bashku. Pres me kënaqësi t’ju takoj në Shqipëri dhe të dëgjoj mendimet tuaja për ato që mund të arrijmë bashkë”, përfundon prezantimin e tij ambasadori i ardhshëm i SHBA në Tiranë, Donald Lu.
Karriera e ambasadorit Donald Lu
Në muajin nëntor të 2014, senati amerikan ka konfirmuar Donald Lu si ambasadorin e ri të Shteteve të Bashkuara të Amerikës në Shqipëri.
Ambasadori Lu është votuar nga senati amerikan, ndërsa kandidatura e tij ka qenë e bllokuar prej korrikut të vitit 2013 për shkak të politikave të brendshme të SHBA.
Donald Lu u propozua si ambasador i Shqipërisë nga Presidenti Barack Obama më 25 korrik, dhe pason ambasadorin Aleksandër Arvizu, i cili ka shërbyer në vendin tonë që më 10 nëntor të vitit 2010.
I lindur në vitin 1966 në Huntington Beach, Kaliforni, Donald Lu ka marrë gradat Bachelor dhe Master në Marrëdhënie Ndërkombëtare në Universitetin Princeton në 1988 dhe 1991.
Lu ka shërbyer si vullnetar i Korpusit të Paqes në Sierra Leone gjatë viteve 1988-1990, ku ndihmoi për të rivendosur puse të ujit dhe kontribuoi në edukim shëndetësor atje.
Lu nisi karrierën diplomatike në vitin 1990, ku ka punuar në konsullatën në Pakistan; si zyrtar konsullor në ambasadën e Tbilisit në Gjeorgji dhe si asistent i veçantë i ambasadorit Frank Wisner.
Ai ka punuar gjithashtu si zyrtar ne ambasadën e Nju Delhit në Indi. Nga 2003 në 2006, Lu ka punuar në ambasadën e Bishkekut në Kirgistan dhe pastaj në Baku të Azerbajxhanit.
Lu është i martuar dhe ka dy fëmijë. Lu flet KRIO, Urdu, Hindi, rusisht, gjuhën gjeorgjiane dhe atë të Azerbajxhanit.( Kortezi: Gjergji Mima)

Rrugën e Arbërit do ta ndërtojë Kina

by

LULZIM BASHA: PROJEKTIN E BLLOKOI RAMA, ISHTE GATI QE PARA 3 VJETESH/
Me ne fund rruga e Arberit do te nise se shpejti. Memorandumi eshte firmosur. Ka njoftuar sot vete Kryeministri Edi Rama, i cili eshte pjesmarres në Samitin e Kinës. Njoftimi eshte preferuar te jepet përmes Facebook-ut, ku Rama ka thënë se u nënshkrua mbrëmjen e se Henes memorandumi i bashkëpunimit me Chinese Exim Bank për hapjen e një kantieri projektesh në Shqipëri me financime kineze.ja njoftimi i Rames: “U nenshkrua mbreme memorandumi i bashkëpunimit me Chinese Exim Bank per hapjen e nje kantieri projektesh ne Shqiperi me financime kineze. Projekti i pare qe do te cele siparin e nje epoke te re bashkepunimi mes Shqiperise e Kines do te jete Rruga e Arberit, e cila do te nise vitin e ardhshem”.

PERPLASJA- BASHA: PROJEKTIN E BLLOKOI RAMA

“Rruga e Arbrit” është bërë “mollë sherri” mes kryeministrit dhe kreut të opozitës. Rama dhe Basha ndërkohë që vazhdojnë sulmet mes njëri-tjetrit përmes rrjeteve sociale, këtë herë janë kapur për projektin e ri që kryeministri deklaroi më herët e do të nisë vitin e ardhshëm.
Kreu i qeverisë, Edi Rama reagoi pas deklaratës së Bashës, se projekti për “Rrugën e Arbrit” ishte gati që në qeverisjen “Berisha”. Kryeministri tregon se edhe ky projekt si të tjerat në të kaluarën, ishte pjesë e borxheve të shtetit, të cilët i hoqën në kurriz qytetarët.
“Rruga e Arbrit ishte gati? Po, mu si gjithë gropat e tjera të borxheve zinxhir në qafën e shqiptarëve! Një vit negociata për të mos rënë brenda”, shkruan Rama në “Facebook”.
Më herët kreu i PD-së, Lulzim Basha theksoi se “Rruga e Arbrit” u ndalë vetëm për shkak të kësaj qeverie. Me të njëjtën arsye, Basha justifikon edhe shtyrjen e marrëveshjes për fatin e Qafë Murrizit.
“Projekti strategjik i Rrugës se Arbrit që nisi para tre vitesh u ndal me ardhjen e kësaj qeverie, si shumë projekte të tjera të rëndësishme për njerëzit dhe ekonominë e vendit. Edhe pse marrëveshja me palën kineze për financimin e tunelit të Qafë Murrizit ishte gati që në shtator 2013, ajo u shty me papërgjegjshmërinë më të madhe nga qeveritarët për plot një vit e gjysmë. Në vend që të kërkojnë ndjesë për këtë vonim të pajustifikueshëm tani rreken ta shesin sapunin për djathë”, shkruan Basha në “Facebook”.

Deklaratë mbi formimin e qeverisë së re në Kosovë, nga kongresisti Eliot Engel

by

Engel:”Shtetet e Bashkuara, do të vazhdojnë të qëndrojnë krah për krah me popullin e Kosovës, dhe unë shoh përpara për të punuar me këtë qeveri të re për të përmbushur sfidat që ka përpara.”/
UASHINGTON, DC – Kongresiti Eliot Engel – i cili konsiderohet një ndër lobistët më të rëndësishëm të çështjes shqiptare në Kongresin Amerikan – me anë të një deklerate zyrtare ka përgëzuar formimin e qeverisë së re të Kryeministrit Isa Mustafa – nëpërmjet kualicionit LDK – PDK.
Miku i madh të shqiptarëve dhe të Kosovës, kongresisti demokrat Eliot Engel, bashkëkryetar i Komisionit për çështje Shqiptare në Kongres, e quan në dekleratën e tij – lajmin se u formua qeveria e re si: “Një lajm të mirë për Uashingtonin”.
Mbasi, siç thotë ai duke shprehur bindjen e tij, se edhe: “Shtetet e Bashkuara do të vazhdojnë të qëndrojnë krah për krah me popullin e Kosovës, dhe unë shoh përpara për të punuar me këtë qeveri të re për të përmbushur sfidat që ka përpara.”
Përfaqësuesi i Qarkut 13-të të Nju Jorkut – Eliot L. Engel, demokrati kryesor në Komitetin e Kongresit për Punë të Jashtme, sot bëri deklaratën e mëposhtme në lidhje me formimin e një qeverie të re- kualicioni në Kosovë:
“Formimi i javës që lamë pase një qeverie të re në Kosovë – është një lajm shumë i mirë. Në qershor, populli i Kosovës shkoi në votime, dhe zgjodhi udhëheqësit e tyre, të cilët ripohuan angazhimin e tyre për demokracinë,” dhe unë i përgëzoj ata në formimin e qeverisë së re, shprehet në dekleratën e tij zyrtare krogresistit Eliot Engel.
Deklerata e cila është publikuar edhe në faqen zyrtare të internetit, thotë se “Këtë shkurt( 17 Shkurt 2015), Republika e Kosovës feston shtatë vjetorin e pavarësisë, dhe unë pres që të punojmë me qeverinë e re në çështjet më të rëndësishme që duhet të adresohen në: avancimin e Integrimit Euro-Atlantik të Kosovës, duke shtuar më shumë njohje, forcimin e reformave, luftën kundër korrupsionit, dhe normalizimin e mëtejshëm të marrëdhënieve Kosovë-Serbi.
Në fund përfaqësuesi i Qarkut 13-të, të Nju Jorkut – Eliot L. Engel, demokrati kryesor në Komitetin e Kongresit për Punë të Jashtme, thotë se është i bindur se “Shtetet e Bashkuara do të vazhdojnë të qëndrojnë krah për krah me popullin e Kosovës, dhe unë shoh përpara për të punuar me këtë qeveri të re për të përmbushur sfidat që ka përpara.”/Beqir SINA/

Zotimi i Thaçit: Do punoj për njohjen e Kosovës nga 2/3 e vendeve në OKB

by

Prishtine- Hashim Thaçi flet si ministër i Jashtëm. I emëruar me këtë post në qeverinë e Isa Mustafës , ish kryeministri Hashim Thaçi prezantoi objektivat: “Njohja ndërkombëtare e pavarësisë dhe sovranitetit të Kosovës do të jenë në fokus të diplomacisë së Kosovës, duke lobuar fuqishëm me qëllim të forcimit të pozicionit ndërkombëtar të Kosovës, për të vendosur marrëdhënie diplomatike me shumicën e shteteve anëtare të OKB-së”.
Përmes një postimi në facebook, paraditen e sotme Thaçi u shpreh se diplomacia e Kosovës do të synojë dhe do të punojë që gjatë këtij mandati të arrijë njohjen nga 2/3 e shteteve anëtare të OKB-së.

Thaçi ia dorëzoi zyrtarisht detyrën Isa Mustafës

by

Nga Behlul Jashari/.- Me ceremoni solemne shtetërore, pritur me Gardën e FSK-së para Kryeministrisë së Kosovës, ka nisur sot pritja për dorëzim-pranimin e detyrës së Kryeminisrit nga Hashim Thaçi, lideri PDK-së, te partneri i koalicionit bashkëqeverisës, lideri i LDK-së, Isa Mustafa.
Dorëzim-pranimi i detyrës u bë brenda Kabinetit të Kryeministrit, në hyrjen e të cilit ishte shkruar emri i kreut të ri të qeverisë së Kosovës, Isa Mustafa.
Gjatë ceremonisë, mes shtrëngimeve të duarve e në një atmosferë të përzemërt bashkëpunimi e përkushtimi, Thaçi ia dorëzoi detyrën Mustafës.
Qeveria e Republikës së Kosovës, e kyeministrit të ri Isa Mustafa, pas pak zhvillon mbledhjen e parë, në përbërjen ku Hashim Thaçi do jetë zv/kryeministër i parë dhe ministër i Jashtëm, derisa të zgjedhet President i Kosovës, sipas marrëveshjes PDK-LDK për bashkëqeverisje, pas mandatit të Presidentes aktuale Atifete Jahjaga.
Edhe pse zgjedhjet parlamentare të 8 qershorit 2014 ishin të parakohëshme, kryeministri Hashim Thaçi përmbushë të plotë mandatin e dytë, që është katërvjeçar, pasi sot u mbushën plot katër vjet nga zgjedhjet parlamentare të 12 dhjetorit 2010, të cilat ishin të jashtëzakonshme.

Ato zgjedhje u organizuan për pak më shumë se një muaj pas shpërndarjes së Kuvendit të Kosovës në 2 nëntor 2010, që ishte shpërndarja e parë në historinë e parlamentarizmit kosovar, e cila u pasua me të dytën në 7 maj 2014 dhe me zgjedhjet e parakohëshme pas një muaji, në 8 qershor.
Qeveria e re e Kosovës, ku përfaqësohen edhe komunitetet pakicë me 1 zv/kryeministër e 4 ministra, u votua në Kuvend në 8 qershor në një seancë të jashtëzakonshme, pasi po atë ditë kishte përfunduar seanca konstituive e nisur në 17 korrik dhe që pati dy ndërprerje e një shtyrje./.