31 Mars, ora 18:00- Bashkëbisedim mbi Eposin e Kreshnikëve dhe përurim i librit “Këngë të Egra, Këngë të Buta” me Prof.Dr. Zymer Neziri. Pjesë e takimit do jenë Prof. Nicola Scaldaferri në Zoom, dhe z. Isë Elezi, i cili do japë një performancë me lahutë. Ftojmë komunitetin shqiptar në New York e New Jersey të jenë pjesë e kësaj ligjërate e diskutimi. Për më shumë informacion dhe për t’u regjistruar, ju lutem plotësoni këtë formë: https://forms.gle/JrcZLs2QXAyhYihZ7. The event will be at the Northwestern Corner Building, Room 501, Columbia University, 550 W 120th St, New York, NY 10027.

25 mars 2023, 

Itali – Treviso

Në Treviso të Italisë u promovua libri i vrasjes së 1432 fëmijëve shqiptarë nga Serbia fashiste!

Në Amfiteatrin e bukur të këtij qyteti, duke ju falënderuar kontributit të jashtëzakonshëm të Kryetarit të Shoqatës “Shën Nëna Terezë”, z. Bajram Desku dhe kryesisë së kësaj Shoqate, por me një bashkëpunim të mrekullueshëm të tyre, edhe me shumë Shoqata të tjera shqiptaro – italiane, u promovuan suksesshëm këto vepra publicistike e dokumentare  “Fëmijët shqiptarë të Kosovës – viktima të gjenocidit shtetëror të Serbisë 1981 – 1999”, të autorëve: Nusret Pllana e Hanëmshahe Ilazi, “Mos harro kurrë”, të autorëve: Nusret Pllana e Agim Aliçkaj, libër xhepi ky, i përkthyer me kompetencë edhe italisht, nga znj.Fitije Picari, si dhe filmat dokumentarë: “Kush I vret fëmijët?!”, të autorëve: Nusret Pllana e Esat Shala, “Gjaku i nxënësit Isa Berisha – shenjë e kujtesës historike” të autorëve: Nusret Pllana  e Erza Ramuka, vepra këto të cilat në fund e kishin një “porosi”: sensibilizimin e opinionit evropian e botëror për gjenocidin dyshekulor serb mbi shqiptarët dhe ‘mos – harresën në shërbim të kujtesës historike’.

Nga shumë dashamirë të artit e të kulturës, që kishin ardhur nga Italia, Sllovenia, Kroacia e Austria, me pjesëmarrjen e tyre në këtë promovim veprash dokumentare, përveç të tjerëve na nderuan edhe këto personalitete: Kryetarja e Komunës Quinto di Treviso

Stefania Sartori, këshilltarja për arsim dhe kulturë Kristina Veneziano. Konsulli i përgjithshëm i Republikës së Kosovës në Milano, z. Diamant Kastrati, kryetari i Shoqatës “Iliria” në Koper të Sllovenisë, z. Heset Ahmeti, Profesor Peter Shtoka – hulumtues i arkivave për gjurmët shqiptare në Koper të Sllovenisë, Shoqata “Bashkimi Kombëtar” në Bassano del Grappa, me kryetar, z.Avdi Beqiri , Shoqata “Dardania” , në Montebelluna me kryetar z. Faik Tafolli, Shoqata “Kosova” në Portruguaro , me kryetar, z.Sami Binakaj, Shoqata “Zëri i Atdheut” në Montebelluna, më kryetar, z.Isuf Zeneli, Shoqata “Ardhmëria” , në Arzignano të Viçences, me kryetarën, znj. Miradije Avdullahu, Shoqata “Shën Nëna Terezë”, në Quinto di Treviso, me kryetar, z.Bajram Desku, Kryetari i Komunës se Postojnës në Slloveni, z.Igor Marentiq.

Ishin të pranishëm edhe shumë afaristë të dalluar në pjesën veriore të Italisë:

Ilmi Vrenezi,

Hetem Zogaj,

Bedri Suka,

Lirim Kolgeci,

Burim Obrazhda,

Xhevat Zemaj,

Albert Bashota,

Vëllezërit Murat dhe Gazmend Bytyçi,

Mursel Kodra, Imer Berisha, Rrahim Krasniqi.

Kryetari i Këshillit të Mësuësve në Regjionin e Venetos Ragip Thaqi.

Mësuësit e dalluar të shkollave shqipe të mësimit plotësues që punojnë në baza vullnetare :

Afërdita Podvorica, Skender Podvorica, Shkurte Zogaj , Rajmonda Deda.

Si dhe veprimtarë të dalluar, si;

Gëzim Muçolli, Valdete Llumnica – Muçolli, Hamit Kurti, Ramiz Gashi, Nazim Morina, Bekim Spahiu, Musa Ahmetaj, Profesor Mejdi Bislimi, Njazi Pirku, Petrit Ndoja, 

Ramadan Rukolli, Anton Gjoka, Sulejman Gashi.

Koreografi dhe mësuesi i kulturës muzikore, z.Muamer Murtezani, z. Veli Sinani, po ashtu një veprimtar i dalluar, si dhe poeti dhe fabulisti i njohur, z. Bari Dervishllari.

Në fund të këtij manifestimi të rëndësishëm kulturor, edukativ e shkencor, afaristi dhe veprimtari Ilmi Vrenezi, për të gjithë të pranishmit shtroi darkë. 

Shkruan: Nusret Pllana 

15 vjetori i festimit tradicional, të Ditës se Mësuesit dhe Ditës Ndërkombëtare të Gruas, në Arizona me temën “Natë Shqiptare”: Veshja me kostume popullore. Mbrëmjen e drejtoi me shumë profesionalizëm Znj Rezarta Mataj, e cila uroi mirëseardhjen pjesëmarrëseve përshëndeti mësueset në sallë dhe nënat e reja të vitit 2022-2023. Ju dhurua nga një trëndafil I bardhë. Grupi artistik Rezi, Merita, Albana, Kostandina, Valbona, Elonia, nën udhëheqjen e profesoreshës së pianos Albana Kapedani, me punën palodhur 2-3 mujore na dhanë emocione me kolazhin e përgatitur me këngë nga të gjitha trevat arbërore duke filluar me këngën e Moresë, kënga e Pavarësinë së Dardanisë, kënga e Hajredin Pashës, Shkodra, Tirana, Korça, Vlora. Grupi artistik dhe tre bukuroshet Xhesina, Rina e Vlera kërcyen valle me motive të krahinave të ndryshme të Arbërisë. Atmosferën festive në këtë 15 vjetor të 7-8 Marsit e zbukuroi dhe më shumë dekorimet me shumë elegancë nga Doriana dhe Valbona. Shumë Faleminderit për punën tuaj të palodhur në ndihmë të komuniteti shqiptar në Arizona. Në skenë u ftuan të gjitha ato pjesëmarrëse që kishin veshur kostume popullore. Veshjet popullore një ekspozitë e vërtetë e artit popullor, të cilat kanë ruajtur traditën tonë shqiptare dhe identitetin tonë kombëtar nëpër shekuj! E mahnitshme larmia dhe kombinimi i ngjyrave dhe detajeve.Nga e majta në të djathtë:Rezi- Veshje e Kosovës, por e veshim edhe nuset e Kukësit. Veshja e veshur në dasmën e saj! Tana- Veshje e Zerqanit, për shume kohë ka qenë veshje e preferuar e Ansamblit Kombëtar që përfaqësonte Shqipërinë jashtë vendit, duke qenë më e shkurtër se xhubleta, ndihmonte kercimin. Gjithashtu shumë autoktone. Qasha është e kuqe me gajtane të zi për vajzat e nuset, dhe e zezë me gajtane të kuq për gratë. Marcy- Veshje e Shqipërisë së Mesme- Kruja. E veshur në dasmën e saj! Sherije- Veshje nga Drenica, DardaniaArdjana – veshje për nuse Mirditore, rrethi i Mirdites. Bleta- Veshje E DardanisëVioleta-veshje për nuse MirditoreMerita- Veshje e TiranësVeshje e Malit të ZiNurije- Veshje e Tironës e punuar nga e motra, Midja, vetëm për këtë festë. Lena- Veshje moderne e PrizrenitElonia- Veshje qytetare e Shqipërisë së Mesme. Karakteristikë e këtyre veshjeve është punimi me fije ari- filigram. Një jelek do gati 1 muaj punë të përfundojë, pasi punohet me fije ari dhe kërkon delikatesë në punim e passion! Krenar për traditën tonë!Në emër të Shkollës shqipe Doriana Pëllumbi I dhuroi një tufë me lule në shenjë mirënjohje pa fund për punën e palodhur të mësueses veterane, znj. Fiqirete Zela, për misionin fisnik, në mbajtjen gjallë të gjuhës e kulturës shqipe në komunitetin e Arizonës.Falenderojmë DJ Muratin për atmosferën festive të krijuar me muzikë nga të gjitha trevat arbërore! Gjithashtu një falenderim të veçantë per të gjithë ato familje që bënë dhurime në vlera monetare në festë, me Zelle apo me dhurim biletash.Mbrëmjen e bëri dhe më të larmishme dhe ekspozita fotografike me foto nga aktivitetet e shoqatës në këto 15 vite. Në llotarinë e organizuar ishin 3 dhurata të përgatitura nga Shoqata si dhe u bë promovimi i dy bizneseve shqiptare Rena roots dhe Alb Tv RENA ROOTS -“ Albanian immortal serumJemi të nderuar që jemi pjesë e Shoqatës së Grave Shqiptaro-Amerikane të Arizonës në SHBA. Ne u argëtuam shumë duke festuar gratë e forta dhe të bukura, të gjitha duke mbajtur histori frymëzuese dhe fuqizuese. Ne ishim të nderuara të festojmë bukurinë e grave shqiptare përmes Serumit tonë Immortelle Shqiptar. Ne bëjmë kujdesin e lëkurës që fuqizon gratë çdo ditë – si prodhuesit tonë ashtu edhe konsumatorët tanë!! Nëpërmjet ritualeve të përditshme dhe hapave të vegjël ne të gjithë mund të bëjmë ndryshimin kur punojmë së bashku!” RENA ROOTSWe are honored to be part of the Albanian-American Women Association of Arizona in the USA. We had so much fun celebrating strong and beautiful women, all holding inspiring and empowering stories. We were honored to share ours – celebrating the beauty of Albanian women through our Albanian Immortelle Serum. We make skincare that empowers women every day – both our harvesters and our consumers!! Through daily rituals and small steps we can all make a difference when we act together!”RENA ROOTSKompania TvAlb e pogrameve shqiptare- 6 muaj falas abonim.Shumë faleminderit grupi organizator Rezarta, Doriana, Valbona, Bleta, Kostandina, Zamira, Elonia për organizimin dhe krijimin e atmosferës festive me rastin e 15 vjetorit të festimit të ditës së Mësuesit dhe të Nënës. Grupi artistik Rezi, Merita, Albana, Kostandina, Valbona, Elonia,Gjithashtu falenderojmë edhe familjet tuaja!Fëmijët tuaj kanë nevojë për ju dhe ju gjetët kohë për të na ndihmuar! Ju duam shumë !Motoja jonë Together we can go far! Së bashku mund të shkojmë larg!Dhe momentet e bukura janë kapur nga fotografi Mariol Rama.

18 mars 2023
Zvicërr – St. Gallen

Për ta nderuar gjakun e derdhur lum të bijëve dhe bijave tona më të mira që derdhën lumenj gjaku për çlirimin e Kosovës dhe Bashkimin Kombëtar, në mesin e mijëra prej tyre ishin edhe 1432 fëmijë shqiptarë, por edhe për ta falënderuar sakrificën heroike të Ushtrisë Çlirimtare të Kosovës, si dhe për ta falënderuar NATO-n dhe Shtetet e Bashkuara të Amerikës, në shenjë të 24 vjetorit të ndërhyrjes humanitare dhe ushtarake në Kosovë, më 18 mars 2023, në qytetin e bukur St. Gallen të Zvicrrës, u promovuan veprat publicistike dhe dokumentare të autorëve: Nusret Pllana, Hanëmshahe Ilazi e Agim Aliçkaj.
Për të marrë pjesë në promovimin e librit “Fëmijët shqiptarë të Kosovës- viktima të gjenocidit shtetëror të Serbisë 1981-1999”, të autorëve: Nusret Pllana e Hanëmshahe Ilazi, të librit të xhepit “Mos harro kurrë”, të autorëve: Nusret Pllana e Agim Aliçkaj, të filmit dokumentar “ Kush i vret fëmijët?!”, të autorëve: Nusret Pllana e Esat Shala dhe të filmit dokumentar “Gjaku i nxënësit Isa Berisha – shenjë e kujtesës historike”, të autorëve: Nusret Pllana e Erza Ramuka, kishin ardhë nga Zvicrra, Gjermania, Franca e Austria, shumë adhurues të librit e të filmit dokumentar, për të marrë pjesë në këtë manifestim kulturor e shkencor, të organizuar bukur nga Shoqata “Sharri”, të udhëhequr nga organizatori Zekirja Aliu e Kryetari Nagip Memedi, me një bashkëpunim të shkëlqyeshëm të Kryesisë së Ligës Shqiptaro – Amerikane me seli në Zvicërr, përkatësisht me anëtarët e Kryesisë së saj: z,Samet Rexhepi, z.Milihat Halimi, z.Faton Kurtishi e z.Lorenc Stefa, të cilët u nderuan me nga një libër dhuratë nga ana e Prof.Pllanës,  në shenjë falënderimi për përkrahjen morale dhe materiale të botimit të librit “Fëmijët shqiptarë të Kosovës – viktima të gjenocidit shtetëror të Serbisë 1981 – 1999”, të autorëve: Hanëmshahe Ilazi e Nusret Pllana, libër  që e po e shokon botën, me fakte e fotografi, duke e dëshmuar katërcipërisht gjenocidin e Serbisë fashiste në Kosovë, kur barbaria dhe mizoria serbe në luftën e fundit në Kosovë 1998/1999, i vret 1392 fëmijë shqiptarë, pa i harruar edhe vrasjen e 40 fëmijëve shqiptarë edhe në periudhën e viteve 1981-1997,për të cilët  le që nuk është dënuar asnjë kriminel serb, por për të qenë absurdi edhe më i madh, as që është akuzuar ndonjëri prej tyre, sikur ata(fëmijët e vrarë) të ishin lodra fëmijësh, apo zogj pulash!!.

Të pranishmit në sallë, gjatë kohës sa transmetoheshin filmat dokumentarë të vrasjes së fëmijëve, nga përmbajtja shokuese e tyre tmerroheshin, mbeteshin pa koment, nga ato pamje makabre  e të  parezistueshme të vrasjes barbare të fëmijëve shqiptarë, të cilët i kishin ekzekutuar me aq gjakftohtësi ushtria dhe policia fashiste serbe, vetëm e vetëm pse kishin qenë shqiptarë.

Shkruan: Nusret Pllana