Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Vllaznia në krye, Kukësi në fund,”Tërmet” në Laç

by

Dielli Sport- Kategoria Superiore-Shqiperi-

Vllaznia në krye, Kukësi në fund, “Tërmet” në Laç-

Nga Alban Kolonjari-

Vllaznia e drejtuar nga trajneri gjerman Thomas Brdariç, është e vetmja skuadër që ka realizuar dy fitore në dy javët e para të Kategorisë Superiore. Një start mbresëlënës i skuadrës shkodrane që ka befasuar me rezultatet e arritura (Vllaznia-Apolonia 2-0, Skënderbeu-Vllaznia 0-2). “Ne dhamë maksimumin dhe jemi të  kënaqur me paraqitjen e skuadrës në këtë ndeshje. Ne nuk i kemi vënë objektiva vetes, por do ti  marrim ndeshjet me radhë dhe të shpresojmë të ecim kështu”, u shpreh gjermani Thomas Brdariç. Dilaver në të 33′ dhe Da Silva në të 42′ ishin autorët e golave për kuqeblutë të cilët e dominun lojën. Vllaznia duket se e ka gjetur “bomberin” e saj. Pesë gola në tre ndeshje për sulmuesin Haris Dilaver (3 në Kupë dhe 2 në kampionat). “Alarm bardhekuq”, për Skënderbeun. Skuadra e drejtuar nga  Julian Ahmataj nuk bindi në lojë dhe nga specialistët shikohet si një skuadër “kandidate” që do të luftojë për të qëndruar në Kategorinë Superiore. Këmbanat e alarmit kanë rënë edhe për skuadrën e Kukësit. Skuadra që këtë sezon drejtohet nga Skënder Gega është ndërtuar për të synuar titullin kampion. Kuksianët janë e vetmja skuadër që nuk kanë shijuar asnjë pikë dhe nuk kanë shënuar asnjë gol këtë fillim kampionati. Në javën e parë kuksianët humbën 2-0, përballë kampiones në fuqi Tiranës, ndërsa në javën e dytë sërisht 0-2 por përballë Partizanit. “Besoja se mund të merrnim një rezultat pozitiv, por nuk ia dolëm. Janë dy humbje në dy javët e para, që natyrisht djegin, por unë punoj me skuadrën dhe ia njoh cilësitë, ndaj besoj se mund të rikuperojmë në sfidat e tjera”, u shpreh tranjeri Gega pas ndeshjes. Legjenda e kuqe, Partizani që këtë sezon drejtohet nga Ilir Daja realizoi fitoren e parë, përbllë rivalëve kuksianë. “E nisëm shumë keq ndeshjen. Në pjesën e dytë luajti mirë i gjithë ekipi,  veçanërisht pjesa e sipërme e skuadrës, pasi edhe Bardhi e Mala kishin detyra që të mbronin duke bërë presing lart. Kemi problem me organizimin e lojës, por këta lojtarë kemi në dispozicion duke qenë se merkatoja ka qenë e bllokuar”, u shpreh tranjeri Daja. Teuta duket se ja ka marrë dorën Tiranës. Djemt e detit fituan 0-1 përblla kampioneve. Takimi Tirana-Teuta 0-1 () u zhvullua në qytetin e Pogradecit pasi stadiumi “Selman Stërmasi” po rregullon fushën e blertë. Teuta i bërri presing lart Tiranës, duke mos lejuar bardheblutë të dalin në lojën e tyre. Pas pësimit të golit, Tirana mori kontrollin e lojës luajti me tre mbrojtës duke i dhënë përparësi mesfushë dhe sulmit  por nuk arriti të shënonte.” Duhet të mësojmë shumë nga kjo humbje.  Pësuam gol në goditje standarde, dhe nuk ishim shumë të përqendruar. Ka edhe 34 ndeshje për t’u luajtur, ndaj nuk ka vend për alarm, por mendoj se do të jetë një kampionat shumë i fortë”, u shpreh tekniku kampion në fuqi Egbo. Por a është Teuta një “mace e zezë” për Tiranën? Në pesë ndeshjet e fundit durrsakët kanë fituar kundër Tiranës duke i rrëmbyer jo vetëm fitoren por Kupën dhe Super Kupën e Shqipërisë. Tekniku i Teutës Edi Marti shprehet:” Kemi në skuadër lojtarë që mund të synojnë titullin dhe jemi gati të bëjmë maksimumin për këtë objektiv. Kemi ruajtur boshtin e skuadrës së sezonit të kaluar dhe kemi sjellë edhe futbollistë të tjerë cilësorë, duke shtuar alternativat, dhe rivalitetin në grup”. “Tërmet” tek Laçi pas barazimit 1-1 me Kastriotin në fushën e kurbinasve. Skuadra e Laçit ishte duke udhëhequr 1-0 deri në minutën e 92, kur sulmuesi më përvojë i Kastriotit Sebio Plaku barazon 1-1.  Krutanët luajtën me 10 lojtarë për afro 30 minuta, pas daljes me karton të kuq të Rezit. Rezulati 1-1 (por edhe barazimi i dytë në dy javët e para) duket se nuk i ka pëlqyer presidentin Laska, që mësohet se ka debatuar fort me teknikun shkodran të Laçit Armando Cungu që është larguar nga stadiumi pa dhënë asnjë intevistë për gazetarët e parnishëm. Kjo “krisje” mendohet se ka sjellur edhe fundin e bashkëpunimit midis tranjerit Cungut dhe presidentit Laska. Pas përfaqësimit  dinjitoz në eliminatoret e Europa Leagë, shpalli kandidaturën për fitimin titullin kampion, duke u bazuar edhe në merkaton e zhvilluar. Por sezoni 2020-2021 nuk ka nisur aspak mirë për kurbinasit që kanë arritur dy barazime 2-2 në Ballsh dhe 1-1 në fushën e tyre me krutanët. Në derbin e Mallakastrës Apolonia barazoi 2-2 me Bylisin. Firakët ishin në avantazh 2-0 por nuk arritën të siguroinin fitoren. 

Kukësi-Partizani 0-2 

Tirana-Teuta 0-1

Skënderbeu-Vllaznia 0-2

Apolonia-Bylis 2-2

Laçi-Kastrioti 1-1

Vllaznia 6 pikë

Kastrioti 4

Teuta 4 

Partizani 3

Tirana 3

Bylis 2

Laçi 2

Apolonia 1

Skënderbeu 1

Kukësi 0

Kumbulla i Kombëtares Shqiptare, heroi i Romës në Milano…

by

Nga Albano KOLONJARI-

Marash Kumbulla është heroi i Romës për herë të dytë brenda një jave. Mbrojtësi i Kombëtares shënoi golin e barazimit në takimin AC Milan-AC Roma 3-3. Milan kaloi tre herë në avatazh, por Roma gjeti forca të barazonte rezultatin. Kumbulla shënoi golin e tretë duke ndihmuar Romën të merrte një pikë kundër AC Milan të hënën në mbrëmje në stadiumin San Siro të Milanos. Javës që kaloi Kumbulla shënoi në Europa Ligë në takimin Young Boys-Roma 1-2, duke i dhënë fitoren verdhekuqve. Në minutën e dytë të takimit, Kumbulla nuk arriti të largonte një top në qëndër të zonës së Romës që u shfrytëzua nga Ibra që shënoi goilin e parë për Milan. Në të 14 minutë Dzeko barazoi në 1-1. Pjesa e dytë do të niste me gol për Milan që kalon në avantazh me Saelemaekers në të 47′. Roma do të barazonte me 11 metërsh që realizohet nga Veretout.  Tetë minuta më vonë Milan kalon sërisht në avantazh me anë të Ibras që realizon nga pika e bardhë e penalltisë. Në të 84 minutë është Kumbulla, që shfrytëzon një top të ardhur nga goditja e këndit duke barazuar në 3-3. 

Ndiqeni Kumbullën në këtë intervistë:

-Një gol për ndeshjen dhe i dyti me radhë – po e bën zakon?

 “Topat në zonën e portierit janë shpesh të rrezikshme – ndonjëherë mund të jetë shumë e lehtë për të shënuar nga këndi. Mendova se topi mund të arrinte shtyllën e dytë dhe në fund doli mirë për mua. ”

Cila pikë jeni në zhvillimin tuaj?

 “Mendoj se unë ende mund të përmirësohem në çdo fushë – dhe gjithashtu të përmirësohem shumë. Unë bëra një gabim që mund ta kisha shmangur tek goli i parë që Ibra shënoi. Por jam i lumtur që në fund u kthyem ndeshjen dhe unë isha në gjendje ta kompensoja atë gabim duke shënuar një gol ”.

A keni pasur gjithmonë një prekje golashënuese?

“Unë gjithmonë kam luajtur në mbrojtjen qendrore, por mendoj se gjithmonë kam shënuar gol të rastit. Nuk është atributi im kryesor dhe nuk ka qenë kurrë, por kohët e fundit ka shkuar në rregull. ”

Si reflektoni për 12 muajt e fundit për ju?

 “Verona menjëherë tregoi një besim të tillë tek unë, nga fillimi i para-sezonit [sezonin e kaluar]. Mendoj se jam përmirësuar shumë brenda një viti, thjesht duke luajtur rregullisht në Serie A. Tani dua të ndihmoj Romën dhe të bëj më të mirën që mundem. “

All the post-match reaction from Marash Kumbulla, who scored his second goal in tëo games to help Roma grab a point against AC Milan on Monday night.

A goal for the second game in a row – are you making it a habit?

 “The balls into the box are often dangerous – sometimes it can be quite easy to score from corners. I thought that the ball might reach the back post and in the end it ëorked out really ëell for me.”

What point are you in your development?

“I think I can still improve in every area – and improve a lot too. I made a mistake that I could have avoided for Ibrahimovic’s first goal, but in the end ëe bounced back and I ëas able to make up for it by scoring a goal.”

Have you always had a goalscoring touch?

“I’ve alëays played in central defence, but I think I’ve alëays scored the occasional goal. It’s not my main attribute and it never has been, but recently it’s been going okay.”

How do you reflect on the last 12 months for you?

“Verona immediately showed such confidence in me, from the start of pre-season [last season]. I think that I have improved a lot in a year, simply by playing regular in Serie A. Now I want to help Roma and do the best I can.”

Presidenti dekoroi Abdurrahman Roza Haxhiun, legjenda e fushës së blertë Shqiptare

by

Roza Haxhiu 16 tetor 1930-16 tetor 2020.

Me rastin e 90 vjetorit te Lindjes, Presidenti Meta dekoroi futbollistin e shquar të Lushnjës dhe Ekipit Kombëtar, Abdurrahman Roza Haxhiu (pas vdekjes) me Titullin “Kalorës i Urdhrit të Flamurit”: ‘Dëshmor’ i fushës së blertë, i cili u bë shembull frymëzimi për brezat e rinj! 

NGA Kevin HAXHIU-

Abdurrahman Roza Haxhiu i njohur si Roza Haxhiu lindi në qytetin e Lushnjës më 16 tetor 1930.Djali i patriotit të shquar Shqiptarë Bajram bej Haxhiu i cili ishte një nga Anëtarët e Komisionit Nismëtar të Thirrjes dhe Organizimit të Kongresit të Lushnjës dhe i vëllai i atdhetarit të shquar për çështjen kombëtare Shqiptare në Diasporën e Shqiptarëve të Egjiptit Qerim Haxhiu.Futbolli për Rozën ishte një ëndërr që nisi që fëmijë në fushën e blertë të vëndlindjes.Haxhiu ishte një futbollist dhe trajner i shquar shqiptar në vitet “40-50-60”.Ai luajti si futbollist me “Traktorin” e Lushnjes,“Besën” e Kavajës,Partizanin,Dinamon dhe Kombëtaren Shqiptare.Gjithashtu ishte edhe Trajner i shquar me Traktorin e Lushnjes.Në vitet “1945-1947” Roza u aktivizua me ekipin e të rinjëve të “Traktorit” të Lushnjes ku u dallua si titullar.Dilaver Toptani i cili ishte inspektorë i fizkulturës,mësues,trajner dhe futbollist në Lushnje në vitet “1947-1949” kur pa cilësitë e mëdha të Haxhiu-t do ta dërgonte për specializim si trajner në Tiranë në një kurs që drejtohej nga kuadro sovjetik (rusë).Gjatë kampionatit të vitit “1948-1949” emri i Rozës i kalon kufijtë e Lushnjes.Ai në vitin 1950 shkëlqeu si mesfushor tek “Besa” e Kavajës.Në vitin 1951 Haxhiu do të luante për herë të parë në ekipin e Partizanit.Në vitin 1953 trajneri i kombëtares shqiptare të futbollit Loro Boriçi e futi Haxhiu-n në formacionin e ekipit që merrte pjesë në Bukuresht në Festivalin Botërorë të Rinisë dhe Studentëve.Në vitin 1955 Roza luante ne ekipin e Dinamos dhe në fund të ndeshjes Dozha e Budapestit-Dinamo futbollisti i shquar hungarez Suza ka thënë për Rozën:-“Ai është një futbollist i kalibrit europian”.Futbollisti i talentuar Roza Haxhiu ka dhënë një kontribut të madh edhe në kombëtaren Shqiptare dhe veçanërisht në fitoret ndaj Çekosllovakisë dhe Polonisë.Në vitin 1957 në finalen e kampionatit të 20-të kombëtar që zhvillohej midis dy ekipeve kryeqytetase (derbi) Partizani-Dinamo Haxhiu bëri golin e tretë.Tifozët e Partizanit e festuan në mënyrë madhështore në stadiumin kombëtar “Qemal Stafa” fitoren e kampionatit gjithashtu ata ngritën në krah futbollistin e talentuar dhe golashënuesin e ndeshjes A.Roza Haxhiu.Ky moment tepër i veçantë është fiksuar edhe në një fotografi.Në Leipzig të Gjermanisë Haxhiu me ekipin e Partizanit në vitin 1958 dha maksimumin e tij në fitimin e medaljeve të argjendta.Viti “1958” për Rozën ishte vit i suksesit të madh por gjithashtu do të ishte dhe tepër i rëndë pasi ai gjatë një ndeshje miqësore që zhvillonte me ekipin e Partizanit në Bullgari gjatë lojës u godit me takë futbolli në kokë.Goditja me takë do ti shkaktonte një sëmundje të pashërushme por Haxhiu nuk u largua nga futbolli por me zemër,dëshirë dhe pasion vazhdoi të ishte në fushën e lojës edhe si trajner edhe si futbollist deri sa ndërroi jetë.Në vitin 1959 luajti përsëri me “Dinamon” e më pas kthehet atje ku e nisi ëndrrën e tij në fushën e blertë të vëndlindjes.Këtë herë Roza do të ishte Trajner dhe Futbollist njëkohësisht në ekipin e Traktorit të Lushnjes.Në vitin 1960 ekipi i futbollit lushnjar “Traktori” i drejtuar nga Trajneri Roza Haxhiu shpallet kampionë në Kampionatin e Kategorisë së Dytë.Emri A.Roza Haxhiu është shënuar me “shkronja të arta” në historinë e futbollit lushnjarë si i pari Trajner që e futi ekipin e qytetit të Lushnjes në Kampionatin e Kategorisë së Parë.Në Maj-Korrik 1963 Haxhiu caktohet për përzgjedhjen dhe përgatitjen e një grup moshe 13-14 vjeçarësh për Spartakiadën Kombëtare që zhvillohej çdo vit në kampin e pionerëve “Qemal Stafa” në Durrës.Në periudhën Shkurt-Mars 1964 ai punoi si mësues i edukimit fizik në shkollën e mesme të qytetit të Lushnjes “18 Tetori”.Goditja me takë futbolli që mori në kokë gjatë lojes i shkaktoi sëmundjen e rëndë e të pashërushme e cila do ta ndante nga jeta më 19 maj 1964 në moshë tepër të re 34 vjeç.Abdurrahman Roza Haxhiu u nda nga jeta ashtu siç ai e meritonte me nderime,respekte dhe vlerësime.Mijëra sportdashës Lushnjarë e nga rrethet e tjera, banda nga Kavaja drejtonte kortezhin.Ashtu me duart e lëshuar Xha Bami (i ati) hedh vështrimin rreth e qark. Mizeri njerzish.Përkulet tek koka e arkivolit:-“Ah mor bir…Nuk e dija se kishe pasur kaq miq e shokë…”.Abdurrahman Roza Haxhiu përveç se një futbollist i talentuar ai ishte dhe tepër simpatik.Ai teksa vizitohej nga doktori Italian dhe infermieret e spitalit në vitin 1947 do të thirrej ”che bella rosa”-“cfarë trëndafili i bukur”.Emri Roza do të përforcohej më tej edhe nga doktori Ihsan Çabej pas vitit 1950, për t’u përhapur më pas jashtë ambieneteve të spitalit dhe mbetur përgjithmonë i skalitur në mëndjen e qindra mijërave sportdashësve e më gjerë.Roza Haxhiu ka vdekur vetëm fizikisht sepse emri dhe karriera futbollistike që ai la pas do të jenë të pavdekshme në historinë e futbollit shqiptarë.Haxhiu u nderua pas vdekjes në vitin 1971 me titullin e lartë “Mjeshtër i Merituar i Sportit”.Komiteti Ekzekutiv i Përkohshëm Pluralist Lushnje me Vendim Nr.124,datë 16 gusht 1991 në pikën 1 të vendimit vendosi që Stadiumit të futbollit të qytetit të Lushnjes të emërohet stadiumi Abdurraman (Roza) Haxhiu.Këshilli i Bashkisë së Qytetit Lushnje me Vendim Nr.30,datë 20 maj 1994 me votim të plotë vendosi që Zoti Abdurrahman Roza Haxhiu ti jepet titulli “Qytetar Nderi”.Në vitin 1999 nga Ministria e Kulturës,Rinisë dhe Sporteve u nderua me titullin “Nderi i Sportit Shqiptarë”.Në vitin 2016 nga FSHF Federata Shqiptare e Futbollit u nderua me titullin “Pllakatë”.Në 30 vjetorin e vdekjes 21 Maj 1994 u përkujtua në qytetin e Lushnjes legjenda e futbollit shqiptarë Abdurrahman Roza Haxhiu.Ceremonitë e organizuara nga Bashkia Lushnje në nderim të futbollistit Haxhiu,nisën me një ndeshje që u zhvillua në stadiumin “A.Roza Haxhiu”.Gjithashtu u zhvillua edhe një aktivitet në sallën e kinoteatrit ku folën miqë e shokë mbi jetën dhe veprimtarinë e futbollistit legjendar Abdurrahman Roza Haxhiu.Në këtë ceremoni përkujtimore morën pjesë futbollistë,këngëtarë e aktorë si:Vaçe Zela (këngëtare),Margarita Xhepa (aktore),Ilia Shyti (aktor),Hysni Zela (këngëtare),Kolec Kraja (futbollist),Robert Jashari (futbollist),Ismet Bellova (komentator sportiv),Ali Kastrati (boksier,fizioterapist),etj.Në maj të vitit 2007 është realizuar një dokumentarë për A.Roza Haxhiu i titulluar “Trëndafili i fushës së blertë” në Televizionin Shqiptar  “TVSH” me skenar dhe regji nga Engjëll Ndocaj.Në 11 maj 2016 është realizuar emisioni “Panteon” nga moderatore Nisida Tufa,në Televizionin “News 24”,me temë “Abdurrahman Roza Haxhiu,dëshmori i fushës së blertë”.Së fundi,Presidenti i Republikës së Shqipërisë SHTZ.Ilir Meta e vlerësoi futbollistin dhe trajnerin e shquar shqiptarë Abdurrahman Roza Haxhiu (pas vdekjes) me Titullin “Kalorës i Urdhrit të Flamurit”.

Presidenti Meta dekoron futbollistin e shquar të Lushnjës dhe Ekipit Kombëtar, Abdurrahman Roza Haxhiu (pas vdekjes) me Titullin “Kalorës i Urdhrit të Flamurit”: ‘Dëshmor’ i fushës së blertë, i cili u bë shembull frymëzimi për brezat e rinj!

Presidenti i Republikës, Sh.T.Z. Ilir Meta dekoroi në një ceremoni solemne futbollistin e shquar të Lushnjës dhe të Ekipit tonë Kombëtar, Abdurrahman Roza Haxhiu (pas vdekjes) me Titullin “Kalorës i Urdhrit të Flamurit”.

Kreu i Shtetit nderoi futbollistin lushnjar, me motivacionin: “Në shenjë vlerësimi për kontributet e jashtëzakonshme në zhvillimin e futbollit në qytetin e Lushnjës dhe lojën e tij të paharruar si lojtar i Ekipit Kombëtar. Një futbollist me aftësi të shkëlqyera, ‘dëshmor’ i fushës së blertë, një sportist model, i cili u bë shembull frymëzimi për futbollistët e rinj”.

Në fjalën e Tij, drejtuar familjarëve, ish-kolegëve, futbollistëve dhe personaliteteve të sportit, Presidenti Meta u shpreh:

“Është një privilegj dhe kënaqësi e veçantë të vlerësoj me Titullin e lartë “Kalorës i Urdhrit të Flamurit”, Abdurrahman Roza Haxhiun, ose Roza Haxhiun, siç e njohin të gjithë lushnjarët dhe shqiptarët, një nga futbollistët e mëdhenj dhe të paharruar, për kontributin dhe rezultatet e shkëlqyera të arritura në sport.

Aq më tepër është kënaqësi, që ky vlerësim bëhet në këtë vit historik të 100-vjetorit të Kongresit të Lushnjës, ku familja Haxhiu, ka pasur një kontribut të veçantë.

Roza Haxhiu, ka qenë pa diskutim një autoritet i futbollit shqiptar dhe mbetet i tillë, shumë i njohur dhe i vlerësuar në arenën kombëtare dhe ndërkombëtare. Është një prej legjendave të historisë së sportit tonë.

Roza Haxhiu, djali i Bajram Haxhiut, një nga anëtarët e Komisionit nismëtar të thirrjes së Kongresit të Lushnjës, që në fëmijërinë e tij, ëndërronte të bëhej yll i fushës së blertë. Talenti i tij u duk që në moshë të re, me ekipin e të rinjve të Lushnjës.

Roza Haxhiu, ishte një futbollist i shquar, i viteve 50-60’, talent i rrallë si dhe golashënues i klasit të parë me ekipin Kombëtar, me Lushnjën, Dinamon, Besën dhe Partizanin.

Roza Haxhiu, jetoi shumë pak, rreth tre dekada e gjysëm, e thuajse gjysmën e viteve të moshës së tij, ja kushtoi tërësisht futbollit, sportit të zemrës dhe pasionit.

Madje mund të themi se, nëse sporti ka martirët e tij, Roza, është një nga ata luftëtarë, që me të vërtetë ra në fushën e blertë të stadiumit, i aksidentuar për vdekje, nga një goditje vdekjeprurëse në kokë e cila i mori edhe jetën, që ai aq bukur dinte ta jetonte.

Roza Haxhiu u dallua si një mesfushor me vizion të gjerë. I papërtuar, i shkathët, teknik, me një diapazion të gjerë për lojën, e mbi të gjitha, me një shpirt tepër të madh.

Roza Haxhiu, luajti edhe për skuadrën kombëtare të Shqipërisë, ku dallohej për teknikën dhe cilësitë e tij, duke u kthyer në një simbol të futbollit Shqiptar.

Për të plotësuar figurën e tij komplekse si futbollist, nuk mund të mos përmend takimet e paharruara të Partizanit në Leipzig të Gjermanisë, në shtator të vitit 1958, ku Roza Haxhiu pati, kontribut të veçantë për fitimin e medaljeve të argjenda.

Goditja në Plovdiv të Bullgarisë, në vitin 1958, ku Roza mori pjesë si titullar në ekipin e Partizanit në një turne miqësor, ku ai pësoi dëmtimin e rëndë, padyshim u shndërrua më pas në një sëmundje të përditshme që i kërcënoi jetën.

Pas shumë përpjekjesh dhe vonesash burokratike, arrin të sigurojë një lejekalimi për t’u operuar në Itali, por ishte tepër vonë. 19 Maji i vitit 1964, rrëmbeu Rozën jo vetëm nga gjiri i familjes dhe njerëzve më të afërt, por edhe i shokëve, i miqve, i të afërmëve, bashkëlojtarëve dhe sportdashësve të shumtë.

Abdurrahman Roza Haxhiu, iku si rrallëkush. Ai u nda nga jeta duke merituar respektin, vlerësimin dhe përjetësinë. Shembulli dhe virtuoziteti i tij, kanë mbetur në kujtesën e sportdashësve tanë dhe është shkruar me gërma të arta në historinë e sportit tonë.

Më lejoni me këtë rast t’ju shpreh respektin dhe mirënjohjen time të sinqertë, familjes së dashur të Rozës së madh, futbollistëve, miqve e kolegëve të tij, që e kujtojnë gjithmonë me respektin që ai meritonte, si futbollist i madh dhe si një njeri i mrekullueshëm.

Mirënjohje dhe respekt për atë ç’ka i keni dhënë sportit lushnjar dhe atij kombëtar, si një legjendë e paharruar, që ishte pikërisht Roza Haxhiu.

Stadiumi i Lushnjës, ‘Roza Haxhiu’, mban sot emrin e tij, në shenjë respekti për kontributin që ka dhënë ky futbollist dhe trajner për futbollin lushnjar por edhe për atë Kombëtar.

Është kënaqësi për mua që të akordoj sot vlerësimin e lartë, ‘Kalorës i Urdhrit të Flamurit’, për Roza Haxhiun, këtë legjendë të futbollit dhe të sportit tonë.

I përjetshëm kujtimi i tij!”

Vajzat me kordele rozë, mesazhe per kancerin e gjirit

by

Rivalët e përjetshëm Partizani dhe Tirana bashkohen dhe japin mesazhin për luftën kundër kancerit të gjirit.-

Përgatiti: Alban Kolonjari-

Një kontroll sot, shmang një rrezik nesër. Në kuadër të Ditës Kombëtare të Diagnostikimit të Kancerit të Gjirit, nën iniciativën e FSHF, dy skuadrat e femrave të Partizanit dhe Tiranës zhvilluan një ndeshje miqësore që kishte për qëllim sensibilizimin e opinionit publik dhe sidomos grave shqiptare mbi rrezikun e kancerit të gjirit. Trajneria e ekipit të Partizanit, në fjalën e saj, theksoi: “Është shumë e rëndësishme që të gjitha ne femrat që jemi duke u marrë me sport dhe me futboll, të bëjmë një thirrje dhe një ftesë për të gjithë nënat, mamatë, femrat. Të luftojmë me kohën dhe të parandalojmë të gjitha problemet që mund të kemi nesër. Është shumë i rëndësishëm parandalimi sesa mjekimi”. Futbollistja e Partizanit Bleona Koka, u shpreh: “Muaji tetor është muaji i ndërgjegjësimit për kancerin e gjirit për të gjitha gratë dhe vajzat. Një kontroll sot, shmang një rrezik nesër”. Kapitenia e ekipit të Partizanit u shpreh se “Shoqëria ka nevojë për ne. Duhet ta nisim nga vetja dhe duhet t’u themi mikeshave tona, motrave, kushërirave dhe mbi të gjitha, nënave tona, që i kemi aq të shtrenjta, se një vizitë te mjeku për një mamografi për të parandaluar kancerin e gjirit është e domosdoshme që e nesërmja jonë të jetë e qeshur dhe e ardhmja jonë të jetë më e shëndetshme se sot. Jo vetëm tetori rozë, por të gjithë muajt duhet të jenë rozë”.Kapitenia e ekipit të Tiranës theksoi se “Shëndeti për çdo vajzë, grua dhe nënë është i rëndësishëm për një shoqëri të shëndetshme. I ftoj të gjitha nënat, vajzat, motrat që të bëjnë diagnostikimin e parakohshëm për të parandaluar këtë sëmundje”. Ndeshja simbolike që u luajt në ambientet e Kompleksit “Fari” dhe zgjati 30 minuta përfundoi me fitoren e ekipit të Tiranës 3-0. 

BOJKOTI- Presidentë, lëreni topin të rrotollohet!

by

Opinion nga Alban KOLONJARI- DIELLI-

Presidentë! E lini topin të rrotollohet. Nuk e them vetëm unë. Specialistët, trajnerët, futbollistët e të gjitha moshave duan që të fillojë aktiviteti futbollistik dhe loja e topkëmbës të rrotullojë topin magjik. Të vetmit që janë kundër janë “Presidentët” e 10-të klubeve, të Super Ligës Shqiptare, që në të njëjtën kohë formojnë edhe atë që quhet Liga Profesioniste e Shqipërisë. “Futbolli do të fillojë mbasi ne të kemi një përgjigje e cila do të kënaqë kërkesat tona.  Do të presim deri ditën e premte për të marrë një përgjigje. Bojkoti vazhdon deri në përgjigjen përfundimtare..”, shprehet për mediat Edvin Libohova, President i Ligës Profesioniste. Diëtn e premte pritet një takimim midis KM Edi Rama dhe Presidenti i FSHF, Armando Duka që do të vendosë edhe për fatet e sezonit futbollistik në Shqipëri. Sipas negociatorit midis Qeverisë dhe Ligës Profesioniste Fidel Ylli:”Pjesa më e madhe të kërkesave të bëra nga ana e Ligës janë zgjidhur dhe ka mbetur një diskutim më i gjerë për Ligjin e Sponsorizimeve. Kërkohet një miratim nga qeveria për faljen e gjobave. Kjo, mund të realizohet vetëm me një ligj specifik në parlament dhe që kërkon një vendim politik”. Sipas Fidel Yllit:”Një ligj i tillë nuk bëhet fjalë vetëm për Ligën apo për futbollin, por do të bëhet për të gjitha bizneset”, por gjithsesi ky ligj do të kërojë kohë dhe nuk do të jetë gati për ditën e Premte. Po kështu edhe Ligji i Ri për Sponsorizimet i propozuar nga Liga, nuk do të jetë gati dhe mbi të gjitha edhe ky Ligj do të duhet ta kalojë dhe miratohet në Parlament. Siaps Edvin Libohoves:”Ndërkohë që për Ligjin e Sponsorizimit që është dhe “thembra e Akilit” e gjithë kësaj situate, debatuam duke propozuar dhe gjetur atë që do të jetë më e mirë. Ditën e premte do të kemi një përgjigje përfundimtare për një zgjidhje e cila do të pranohet edhe nga komuniteti i sportit dhe futbollit për të filluar një epokë të re”.  Pyetja që shtrohet është:”A do të presë Liga deri në miratimin e plotë të Ligjeve në Parlamet, apo do të mjaftohet me një premtim të KM Rama na takimin me Armando Dukën”. Një nga pikat që solli bojkotin sipas Ligës është premtimi i pambajtur i KM Rama vitin që kaloi në “tavolinën” e futbollit. Tashmë është e njëjta situatë. KM e ka të pamundur që të shkojë në Parlamet dhe të ndryshojë ligjet dhe të nxjerrë ligje të reja brenda ditës. Ajo që i ngelet Ligës është të besojë në premtimet e KM Rama ose të vazhdojë bojkotin. Por cfarë do të thotë neëe Liga Profesioniste e Shqipërisë vazhdon bojkotin. Sipas Fidel Yllit:”E thotë ligji. 

Qeveria ndërhyn dhe merret me organizmin e zgjedhjeve në FSHF kur për një vit nuk ka aktivitet”.  Duke qënë e “kërcënuar” FSHF ja ka kaluar topin Ligës Profesioniste, por kjo e fundit është një organizatë pa fonde dhe nuk merret me aktivizimin e kampionatit të futbollit në Shqipëri, që është akoma “pronë” e FSHF.  Nga ana tjetër bojkoti ka kosto të mëdha. Skuadrat kanë kryer disa herë fazë përgatitore dhe po stërviten  cdo javë me shpresën që futbolli do të rinisë.  Tranjerët e kanë të vështirë të realizojnë seanca të plota dhe të impenjojnë futbollistët në stërvitje. Nga ana tjetër futbollistët duhet të paguhen sipas kontartave, që kanë bërë me klubet, sepse nuk është fali i tyre që në Shqipëri nuk luhet futboll. Gjëndja sa vjen dhe rëndohet kur bëhet fjalë për ekipët e moshave por edhe infrastrukturës sportive. Dimri sapo ka trokitur. Fushat e futbollit  në Shqipëri do ta kenë të vështirë të përballojnë ngarkesën e ndeshjeve. Nga ana tjetër klubet do të duhet të përballen edhe me situatën e Covid 19 në Shqipëri. Nese bojkoti vazhdon klubet dhe futbollistët do të  humbasin shumë në aspektin sportiv. Në fund të qershorit 2021, UEFA duhet të njihet me verdiktet e futbilloit shqiptar dhe me skuadrat që duhet të luajnë në kompeticionet europiane. Nesë Shqipëria nuk ka gati ekipet pjesëmarëse, atëherë edhe dëmini që mund të vijë nga “shtëpia” e futbollit do të trondiste të gjitha skuadrat shqiptare por edhe FSHF. Dhe për të dalë nga kjo situatë ka vetëm një zgjidhje:Presidentë! E lini topin të rrotollohet.