Sport – Page 76 – Dielli

De Biasi: Kundërshtar i fortë, por jemi të përgatitur

October 7, 2015 by dgreca

TIRANË, 7 Tetor/ Nga Gjergji Mima/ -Trajneri i Kombëtares shqiptare të futbollit, Gianni De Biasi e ka konsideruar ndeshjen e 8 tetorit përballë Serbisë si një takim mjaft të rëndësishëm ku motivimi i lojtarëve është në nivelet më të larta.

Një ditë përpara zhvillimit të ndeshjes me Serbinë, trajneri De Biasi, në një konferencë për mediat ka deklaruar se tensioni në këtë ndeshje është normal.

“Për mua tensioni është në nivele normale, është një ndeshje e rëndesishme, tensioni është ai i duhuri. Kam pasur ide të qarta, pjesa më e rëndësishme e lojtërëve janë disponibël për këtë ndeshje. Kundërshtari është i fortë, ka lojtarë që luajnë në ekipe të mira, por ne jemi te pergatitur”, ka theksuar De Biasi.

Pyetjes se sa e njeh kundërshtarin , duke qene se ndeshja e parë zgjati rreth 40 minuta, De Biasi u shpreh se, “Nuk besoj se është ndonjë handikap i madh. Për ato minuta që kemi qenë në fushe ne kemi bërë një lojë të mire”.

“Ne kundërshtarin e njohim mirë, dhe qëllimi është rezultati pozitiv. Në do të futemi në lojë për të fituar ndeshjen. Në hymë në fushë duke respektuar kundërshtarin, por duke arritur objektivat tona”, ka thënë ai

Më tej, De Biasi ka nënvizuar se për një trajner kjo është ndeshja më e thjeshtë për tu përgatitur, sepse lojtarët e kanë motivimin brenda. “Besoj që ne duhet të jemi inteligjentë në fushë dhe të shfrytëzojmë goditjet e këndit apo ato të dënimit për të fituar”, është shprehur trajneri i Kombëtares.

Lidhur me gjendjen e lojtarëve dhe formaionin De Biasi ka theksuar se ka pasur ide të qarta që në fillim. “Të gjithë lojtarët janë të gatshëm dhe të motivuar për këtë ndeshje”.

Ndërsa Serbinë, De Biasie e ka cilësuar si një kundërshtar shumë të fortë. “Serbia ka lojtarë që luajnë në klube evropiane, por mendoj se edhe ekipi ynë ka mjaft cilësi”.

Cana: Kombëtarja pranë ëndrrës për të luajtur në Evropian

Për kapitenin e ekpit kombëtar, Lorik Cana, Kombëtarja është fare pranë ëndrrës për të luajtur për herë të parë në fazën finale të një kampionati evropian.

Cana është shprehur se, ndeshja do të luhet duke respektuar kundërshtarin, por duke besuar në forcën tone”.
“Lojtarët të fokusuar tek përgatitja për ndeshjen”, ka siguruar Cana, duke shtuar se, “mënyra e përgatitjes së kësaj ndeshjeje nuk dallon nga ndeshjet e tjera”.

Cana ka vlerësuar punën e trajnerit de Biasi me kombëtaren shqiptare duke theksuar se, me tranerin De Biasi kombëtarja është rritur si skuadër dhe këtu em rënësi ka qenë përgatitja në grup”.

***

FORMACIONI I MUNDSHEM

Trajneri i ekipit perfaqesues shqiptar, italiani Gianni De Biasi, eshte drejt piketimit perfundimtar te formacionit me cilin do te perballet te enjten ne mbremje me ekipin e Serbise ne “Elbasan Arena”, per eliminatoret e Euro 2016.
Formacioni i mundshem i ekipit shqiptar eshte:
Berisha – Hysaj, Cana, Ajeti (Xhimshiti), Agolli – Kukeli – Gashi (Roshi), Abrashi, Xhaka, Lenjani (Meha) – Cikalleshi (Balaj)

SERBET NISIN PROVOKIMET…SHQIPTARE , RUANI GJAKFTOHTESINE

October 7, 2015 by dgreca

Agjensia shtetrore serbe Tanjug mashtron: Autobuzi i kombëtares është qëlluar me gurë dhe jane thyer xhamat!/

Presidenti i Federates Serbe e nis Konferencen e Shtpit me provokim, ai zmadhoi incidentin me guralecet e hedhur ndaj autobuzit ne Tirane, edhe pse policia shmangu gjithcka. Serbet duan tension dhe kete e tregoi konferenca e shtypit, deklarata e papergjgjshme dhe shmangia e pergjigjeve per pyetjet esenciale et gazetareve shqiptare.

Ne fakt ketij provokimi i parapriu nje mashtrim i servirur nga Agjensia e Lajmeve Tanjug, e cila vazhdon traditen e kohes se shkuar. Agjencia ‘Tanjug’ serbe raportoi se autobusi me lojtarët serb është sulmuar me gurë në rrugën Rinas – Tiranë. Sipas saj, xhamat e autobust janë thyer ndërsa lojtarët fatmirësisht nuk janë prekur.

‘Tanjug’ nuk i referohet asnjë burimi, dhe e shoqëron lajmin pa fotografi, ndërsa thekson se ngjarja ka ndodhur pikërisht të vetmen natë që ekipi serb do të flejë në Shqipëri.

Ndërkohë, autobusi me ekipin serb është shoqëruar nën masa të rrepta sigurie. Pamjet e para që vinë nga rruga e Durrësit tregojnë mjetin e paprekur dhe dhjetëra makina e motorë policie. Qytetarë të shumtë kanë ndaluar në rrugë për të parë ‘parakalimin’, ndërsa autobusi është i paprekur.

Nga ana tjetër, policia e Tiranës ka mohuar kategorikisht çdo lloj incidenti. Ky është një mashtrim serb për të tensionuar marrëdhëniet mes dy vendeve e për të justifikuar mosardhjen e kryeministrit serb Vuçiç në ndeshje.

SHQIPTARET E AMERIKES: FITORE ME SERBINE nE ELBASAN. RUHUNI NGA KURTHET SERBE!

October 6, 2015 by dgreca

– Atmosferë e bukur dhe e jashtëzakonshme në Amerikë për ndeshjen në Elbasan…“Aqsa, do t’a krahasoja me atë gëzimin e pavarësisë së Kosovës, më 18 Shkurt 2008, që përjetuan shqiptarët e Amerikës”, kur marshuan kuq e zi ne Times Square/

-Shqiptaret e Nju Jorkut me rrethina do ta shohin bashke ndeshjen ne Battery Park/

-Thirrje e ansambleistit te Nju Jork-ut, Mark Gjonaj: Ejani ta shohim bashke kete ndeshje!/

Nga Beqir SINA/

NEW YORK CITY : Atmosfera përpara ndeshjes, Shqipëri – Serbi, për atë që thirret “Ëndërra Kuq e zi” vazhdon……! për ndeshjen kualifikuese, për në “Francë 2016” ditën e ejte më 8 Tetor 2015 ora 2:45, tek shqiptarët e Amerikës – është e jashtëzakonshme, e paparë ndonjëher në historinë e emigracionit: “Aqsa, do t’a krahasoja me atë gëzimin e pavarësisë së Kosovës, më 18 Shkurt 2008, që përjetuan shqiptarët e Amerikës”.

Ndoshta, kjo ka ardhur si rezultat i asaj, që kombëtarja shqiptare, për her të parë në historinë e futbollit shqiptarë, i ka të gjitha shanset për kualifikimin në Euro 2016, pasi ajo ka tani aq pikë të mbledhura sa i japin të gjitha shancet e asaj.

Sepse, ngado që të shikosh ambjetet shqiptare – në shtëpitë e tyre, vendet e punës, klubet dhe lokalet shqiptare, gjithçka, është veshur kuqezi, çdo lokal gjatë gjithë ditës vlonë me këngë e muzikë, vetëm shqip, dhe janë gati për mbasditen (mbrëmjen) e së ejtes së madhe, ku mijëra e mijëra tifozë shqiptarë, kanë për të mbushur me siguri edhe rrugët Amerikës me flamurin kuq e zi.

Atmosferës mjaft sportive, natyrishtë, që po i paraprin një sfide të vështirë, siç është përballja me Serbinë, e megjithatë shqiptarët e Amerikës, ashtu si çdo shqiptarë, sot në Shqipëri, Kosovë, Mal të Zi, Maqedoni, Çamëri, Arbëreshët, dhe ata në diasporë janë shumë entuziastë dhe plot shpresë, për t’i dhënë edhe më shumë kurajo kuqezinjve në Elbasan Arena, edhe nga SHBA.

Një atmosferë e tillë – nuk është vetëm në zonën e Tri-Shteshit, me Nju Jorkun – kryeqendrën e shqiptarëve të Amerikës, e dalluar për manifestime të tilla – por edhe qytet e mëdha ku më së shumti janë të përqëndruar shqiptarët, si në : Çikago, Detroit, Filadelfia, Dallas, Feniks, Los Angelos, Toronto dhe Kuibek (Kanada), Boston, Uashington, Karolina e Veriut, Virxhinia, Tampa e Jaksonvile, e tjer….

Edhe, atje, atmosferën e ndeshjes këto ditë nuk e gjenë vetëm brenda shtepive të shqiptarëve – ku çdo shtëpi ka nisur të vendos një flamur kuq e zi, në ballkonin e shtëpisë, por edhe në bare dhe ambiente të tjera ku me qindra sportdashës kan bërë rezervimet dhe kan zgjedhur vendin e tyre, për të përjetuar së bashku emocionet e kësaj përballjeje, historike.

E gjithë vemendja e shqiptarëve të Amerikës, këto ditë është e përqëndruar në takimin e Elbasan Arenës, ku të gjithë shqiptarët në mbarë botën pritet të përjetojnë 90 minuta plot emocione të Kombëtares së Shqiperisë, në ëndrrën e saj të madhe për të qenë pjesë e më të mirave të Europës në Francë 2016.

Lokalet dhe klubet e shqiptarëve, aty ku jetojnë kan përgatitur dhe kan marr të gjitha masat për të organizuar një ditë festive me këngë e valle shqiptare, ushqime të specialiteteve shqiptare, madje në disa lokale do të jen edhe disa emra të njohur të muzikës shqiptare, por edhe shumë surpriza të tjera të përgatitura enkas për këtë ngjarje të madhe sportive, e cila transmentohet nga televizionet shqiptare me një cilësi maksimale përmes ekranit të televizionit, por kësaj rradhe supriza vjen edhe nga televizioni më i madh sportiv amerikan E-SPN1- i cili thuhet se ka dërguar ekipin e tij televiziv në Elbasan.

Ndërkohë, që në “kryeqytetin” e shqiptarëve të Amerikës, qytetin e Nju Jorkut, tashmë çdo gjë është gati – ashtu si në çdo sfidë, për të parë ndeshjen kuq e zi nga SHBA, së bashku dhjetra shqiptarë, do t’i përjetojnë emocionet djemve kuqezi – në lokalin e famshëm Battery Park, i cili ndodhet në pjesën e poshtme të qyetit, të Nju Jorkut, ku pjesmarrjen e tyre e kan konfirmuar edhe disa figura të njohura, të komunitetit, veprimtarë , artistë, dhe politikanë.

Anëtari i Asamblesë së Nju Jorkut, shqiptaro amerikani asamblesiti Mark Gjonaj – një nga organizatorët e këtij evenimenti me organizatën Rrënjët Shqiptare, kan bërë thirrje, sot nëpërmjet rrjetit social facebook, duke thene :” Hajde të bashkohemi në Battery Park!- për një shikimin të veçantë për ndeshjen historike : Shqipëria kuq zi me Serbinë – Një ndeshje, ku që të gjithë jemi në pritje për të! “, shkruan asamblesti i parë shqiptarë në historinë e emigracionit shqiptarë, zoti Mark Gjonaj.

Shqiptaret e Amerikes bejne thirrje per mbeshtetje, entuziazem ne stadium, por edhe per ruajtje te gjakftohtesise, te jene te kujdesshem ne Elbasan Arena, per t’u ruajtur nga kurthet serbe, qe nuk mund ta harrojne humbjen nen tavoline te tripikeshit.Kujdes vellezer dhe motra, ne rast destabilizimi, te dneshkuarit jemi ne, te zotet e shtepise. Kurre nuk kemi qene me prane kualifikimit! Le t’i mbeshtesim djemte kuq e zi, qe na kane mbushe me shprese. Fitore!

Federata e Tenisit & Federata e Çiklizmit të Kosovës pranohen në organizmat Ndërkombëtare

September 25, 2015 by dgreca

Ministri Shala uron Federatën e Tenisit të Kosovës/

Ministri i Kulturës, Rinisë dhe Sportit, Kujtim Shala, uron Federatën e Tenisit të Kosovës, me rastin e pranimit të tyre në Federatën Ndërkombëtare të Tenisit.Ministri Shala, duke përgëzuar drejtuesit e kësaj federate dhe tenistët e Kosovës për këtë sukses të jashtëzakonshëm, u shpreh se ky është lajm i rëndësishëm për sportin tonë, njohjen e tij në botë, si dhe një nxitje për zhvillimin e mëtutjeshëm të tenisit në Kosovë. Ai, po ashtu u shpreh, se, me pranimin e FTK-së anëtare në Federatën Ndërkombëtare të Tenisit, sporti i Kosovës po hynë në fazën finale të ndërkombëtarizimit. Ministri Shala, po ashtu u shpreh se MKRS-ja po punon që të krijojë lehtësira për funksionimin e federatave dhe po punon në përmirësimin e infrastrukturës sporteve në vend, në mënyrë që të krijohen kushte sa më të volitshme për ngritjen cilësore të sportit tonë dhe njohjen e tij sa më të gjerë në botë.

Shala përgëzon Federatën e Çiklizmit të Kosovës

Ministri i Kulturës, Rinisë dhe Sportit, Kujtim Shala uron Federatën e Çiklizmit dhe çiklistët e Kosovës për pranimin e përkohshëm në Unionin Ndërkombëtar të Çiklizmit.Lajmi se FÇK-ja është pranuar përkohësisht në UCI, dhe se Kosovës i është mundësuar pjesëmarrja në aktivitet e UCI-së, është një sukses i rëndësishëm për çiklizmin e Kosovës. Ky pranimin i përkohshëm është një mundësi e mirë që sa më shpejt çiklizmi i Kosovës të pranohet me të drejta të plota në Unionin Ndërkombëtar të Çiklizmit, u shpreh Shala.Ministri Shala u shpreh se MKRS-ja është e përkushtuar që të bashkëpunojë me të gjitha federatat për zhvillimin e sportit në Kosovë dhe për ndërkombëtarizimin e tij, meqë me zhvillimet pozitive të fundit, sporti i Kosovës është afër përmbushjes së synimeve për ndërkombëtarizimin e plotë, u shpreh Shala.

Skënderbeut –Beshiktash! Korçaret ndezin motoret.

September 14, 2015 by Administrator

Nga Albano Kolonjari.

Skënderbeu do te luaje diten e enjte ndeshjen e pare ne Ligen e Europes. Perballe korcareve do te jete skuadra e njohur turke Beshiktash. Kjo eshte hera e pare qe nje skuader futbolli shqiptare merr pjese ne ndeshjet e vlevshme per fazen ne grupe te Liges se Europes. Skënderbeu eshte ne Grupin H, ku marrin pjese Beshiktash (Turqi), Lokomotiva e Moskes (Rusi) dhe Sporting i Lisbones (Portugali).

Tekniku i Skënderbeu Mirel Josa do te kete ne dispozicion ne kete takim edhe sulmuesin e Kombetares Shqiptare Hamdi Salihi. “Shkodrani” qe ka vendosur qe ne kete sezon te luaje me Skënderbeu u demtua gjate takimit Vllaznia- Skënderbeu 0-2. Tekniku Mirel Josa ende nuk eshte shprehur per kete ndeshje. Por presidenti i Skenderbeut Takaj shprehet optimist:” Beshiktashi eshte nje emer i madh ne futbollin turk, por ne do ta befasojme. Kam shume besim ne kete qe po them dhe nuk e bej per tu dhene zemer lojtareve. Ata jane profesioniste dhe e dine mire punen e tyre, nderkohe qe ne presim edhe mbeshtetjen e tifozeve tane te mrekullueshem”. “Dëshiroj t’iu konfirmoj se do të jem i gatshëm për të dhënë kontributin tim për ndeshjen e vlefshme për UEFA Europa League ndaj Beshiktashit. Rikuperimi ka ecur mjaft mirë dhe jam riaftësuar plotësisht” thote vete Hamdi Salihi gjate nje postimi ne faqen e tij ne Facebook.

Nga ana tjeter mesohet se Beshiktashi ne kete takim do te kete kater mungesa kryesore.Ne takimin e fundit ne Kampionatin Turk u demtua mesfushori i talentuar Özyakup Oğuzhan. Por jashte planeve te tekniku te Beshiktashit Senol Gunes jane edhe futbollistet, Tolgay Arslan, Veli Kavlak dhe Ramon Mota. Me skuadren turke luan edhe lojtari i njohur gjerman Mario Gomes, i cili ne kater ndeshje ka shenuar dy gola. Gomes u dha ne forme huazimi per kete sezon nga Fiorentina. Kapiten i skuadres eshte Veli Kavlak, qe per kete ndeshje eshte ne listen e te demtuarve. Beshiktash ka ne gjirin e saj futbolliste te tille si argjentinasi Jose Sosa, portugezin Ricardo Quaresma, brazilianet Motta dhe Rhodolfo. Klubi i Beshiktashit eshte krijuar 112 vjet me pare, me 19 Mars 1903. Uniforma e Beshiktashit eshte bardhezi. Beshiktash zbret ne stadiumin “Elbasan Arena” duke mbajtur mbi supe 13 tituj Kampion, 9-te Kupa te Turqise dhe 8 Super Kupa.