Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kampionati Ballkanik. Luiza Gega ben bis. Fiton medaljen e arte ne 1500 metra.

by

Nga Albano Kolonjari/
Atletja shqiptare Luiza Gega fitoi diten e diele mendaljen e arte ne garen e 1500 metrave, ne Kampionatin Ballkanik qe po zhvillohet ne Pitesti te Rumanise. 24 ore me pare Luiza Gega garoi ne garen e 800 metrave duke fituar mendaljen e argjente, duke bere keshtu nje paraqitje te shkelqyer ne Kampionatin Ballkanik. Luiza Gega ishte e vetmja atlete shqipare ne kete kampionat qe morri medalje. Atlete e tjere u paraqiten shume dobet, duke treguar edhe nje here krizen e atletikes shqiptare. Keshtu ne 200 metra Liljana Beqiri ne 200 metra per femra garoi ne baterine e trete duke u renditur e 18-ta mes 21 rivaleve. Ne hedhjen e shtizes sportistja jone Koleta Prenga u rendit ne vendin e fundit. Por edhe ne ekipin e meshkujve Shqiperia zhgenjen dhe renditet ne vendet e fundit. Keshtu ne garen e 200 metrave per meshkuj Anton Dedej u rendit i 16-ti ndersa Mario Shestani i 18-ti. Luiza Gegen mund ta quash pa frike “mbretereshen” e atletikes shqiptare per kete vit. Pas lojrave Europiane ne Baku 2015 ku Gega fitoi vendin e dyte ne 800 metersh dhe te parin ne 1500 metresh, ajo perserit suksesin e saj ne Kampionatin Ballkanit duke bere bis ne te dyja garat, por kete rradhe ajo ka permisuar ndjeshem kohen e saj ne 1500 metra me tre sekonda.                                                          

Skënderbeu,Fitore me Salihin në Moldavi

by

Skëndërbeu ka hedhur nej hap te sigurte per kualifikim, tek ka arritur një fitore bindëse në Moldavi duke mundur skuadren moldave 2 me 0.
Skuadra fitoi siguri qe ne fillim, edhe gjate pjeses se pare nuk e gjeti rrugen e rrjetes. Korçarët shënuan që në fillimin e pjesës së dytë me Salihin që shndërroi në gol një kros nga e djathta në minutën e 49.
Ka qenë përsëri Salihi që shndërroi në gol penalltinë e fituar nga Nimaga në minutën e 73.
Pas këtij rezultati historik Skënderbeu mund të quhet pa frikë i kualifikuar pasi ekipit moldav i duhet të fitojë duke shënuar tre gola në Korçë ose një rezultat me diferencë dygolash ku të dy ekipet të shënojnë.

SHORTI-KOMBETARJA SHQIPTARE, NGA SHIU NE BRESHER

by

*SHQIPERIA, E PAFAT EDHE NE VAZON E TRETE-DUKA: Duka: Kualifikimi në Rusi 2018, mision i pamundur./
*De Biasi: “Shqipëria ime do të përballet me Spanjën, Italinë, Izraelin, Maqedoninë dhe Lihtejnshejnin”, shkruan De Biasi.
Është hedhur shorti për Kupën e Botës që do të zhvillohet në Rusi në 2018. Shqiperia kishte shpresuar shume nga zhvendosja nga vazo e katert tek e treta e shortit, por fati ka qene i pameshirshem, djajte kane hyre ne te njeten vazo dhe Kombetarja jone bie nga shiu ne bresher, ka dy gjigande ne grup, pretendente per kupen e Botes.
Goglat kanë përcaktuar rivalët e Shqipërisë.
Ato janë Lihtenshtejni, Maqedonia, Izraeli, Italia dhe Spanja.
Shqipëria ishte në vazon e tretë dhe kishtë tre skuadra më të dobëta.
Për herë të parë Shqipëria do të luajë dy ndeshje zyrtare me fqinjët e Italisë me të cilën luajtëm një miqësore historike para pak muajsh në Xhenova ku humbëm 1 me 0.Mund të themi që shorti nuk ka i ka buzëqeshur shumë kombëtares sonë që duhet të përballet me dy ndër ekipet më të forta në Europë si Spanja dhe Italia.
Presidenti i Federatës Shqiptare të Futbollit, Armando Duka, duke komentuar shortin e hedhur në Shën Pietërburg për Kupën e Botës 2018, është shprehur i vetëdijshëm për vështirësitë që Shqipëria ka përpara.
“Jemi përballë dy skuadrave kampione bote”, ka thënë ai duke iu referuar Italisë dhe Spanjës, “por edhe të tjerat në grup nuk janë më pak të forta”.
Në një intervistë telefonike për Top Channel, Duka ka vlerësuar se është ende herët të shpresojmë për një kualifikim të mundshëm në Botërorin Rusi 2018, “pasi kemi njëherë evropianin Francë 2016”.
Megjithatë, “është thuajse e pamundur. Askush nuk ka mundur të eliminojë Italinë dhe Spanjën”, ka shtuar kreu i FSHF-së.
Di Biasi komenton shortin: Shqipëria ime kundër Italisë dhe Spanjës
Menjëherë pas hedhjes së shortit ka reaguar edhe trajneri i kombëtares De Biasi me një status në FB.
“Shqipëria ime do të përballet me Spanjën, Italinë, Izraelin, Maqedoninë dhe Lihtejnshejnin”, shkruan De Biasi.

Mlladost mund 1-0 Kukësin në “Qemal Stafa”

by

Nga Arbi Fortuzi/-.Kukësi është mundur me rezultatin 1-0 në “Qemal Stafa” ndaj Mlladost Podgorica, në ndeshjen e parë turit të dytë eliminator të Europa Ligë.
Ndeshja e luajtur në Tiranë tregoi brishtësitë e skuadrë verilindore. Tashmë Kukësi duhet të bëjë mrekullinë në Mal të zi, javën e ardhshme në ndeshjen e kthimit. Loja përgjithësisht ishte e vakët. Pjesa e parë pati shumë përplasje në mesfushë, aty ku dhe skuadra kundërshtare kishte pjesën e saj më të fortë. Në pjesën e dytë, një gol i Lakiç në minutën e 51’ vendosi gjithçka.
Ndeshja nisi mjaft ngadalë, me skuadrat që studiuan njëra-tjetërën. U deshën 12-minuta lojë që të shënohej dhe rasti i parë. Ishin “miqtë” që morën guximin dhe çuan topin deri në zonën kuksiane, ku portieri vendas Stazhilla administroi mirë rrezikun. I menjëhershëm që reagimi bluve verilindor. Në minutën e 14-të disa kombinime të bukura mes Pejiç dhe Flores brenda zonës i japin brazilianit mundësi të çmarkohet nga kundërshtarët, por anësori e vlerëson pozicion jashtë loje.
Loja merr ngjyrim tjetër pas minutës së 33’, kur Pejoviç provon për malazezët, por topi përfundon jashtë. Mungesa e grintës sjell dhe zëvendësimin e parë tek kuksianët, ku në lojë futet Edon Hasani. Loja nisi të bëhej më e shpejtë. Kuksianët kërkuan më shumë portën kundërshtare. Në 39-ën Gled Mici godet nga hyrja e zonës, por mbrojtja kundërshtare largon rrezikun.
Fraksioni i dytë i lojës nisi mjaft mirë për miqtë. Skudra e Mlladost Podgoricës gjeti menjëherë rrugën e rrjetës, falë dhe një pakujdesie të mbrojtjes kuksiane. Goli u shënua në minutën e 51’ nga Lakiç me kokë. Lojtari malazezë përfitojë nga përgjumja e kuksianëve gjatë harkimit të topit nga këndorja dhe dërgoi topin në rrjetë, duke nxjerrë të tijët në avantazh. Në vijim, skuadra nënkampione e Shqipërisë e bllokuar në zonën kundërshtare, ku mbrojtjamalazeza largoi të gjitha rreziqet, duke ruajtur deri në fund fitoren.

Liga e Kampioneve- Skënderbeu fiton 4-1 ndaj irlandezëve të Crusaders

by

Nga Gjergji Mima/-Skënderbeu i Korçës arriti një fitore të thellë 4-1 në ndeshjen e parë të turit të dytë të eliminator të Champions League ndaj irlandezo-veriorëve të Crusaders, duke hedhur një hap të sigurt drejt fazës tjetër të këtij kompeticioni.Korçarët e nisën në mënyrën më të mirë të mundshme ndeshjen, ku arritën të gjejnë golin e avantazhit në minutën e ’15- me Bakary Nimaga, i cili realizoi pas një krosimi nga krahu i majtë i sulmit.
Ishte minuta e 34-t kur Hamdi Salihi, lojtari i kombëtares sonë, dyfishoi shifrat, pasi një gabimi të portierit mik. Me këtë rezultat do të mbyllej pjesa e parë.
Vetëm 3 minuta pasi nisi pjesa e dytë, irlandezo-veriorët arritën të shkurtojnë diferencën në 2-1. Jordan Owens ishte autor i golit.
Më pas gjithçka foli për të besuarit e trajnerit Josa, të cilët shënuan edhe dy gola të tjerë. Në minutën e 76, Bernard Berisha e çoi rezultatin në 3-1, ndërsa ishte sërish Salihi në të 83-ën që vulosi rezultatin në 4-1.Tashmë Skënderbeu udhëton për në Irlandën e Veriut për ndeshjen 21 korrikut me një rezultat tejet komod për të arritur një kualifikim në fazën tjetër të Champions League.