Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Edgar Cani:”Dhe telashet nuk kane te sosur”.

by

 

eDGAROre te veshtira per sulmuesin e Kombetares Edgar Cani. Klubi italian Bari ne te cilin ai militon ne Seria B ka falimentuar. Ne merkaton dimerore Cani pasi nuk arriti te gjente hapsire tek klubi i Kaprit ne Seria B, kaloi tek skuadra e Barit, duke shpresuar te zinte nje vend titullari. Por zgjidhja e tij duket se ka rezultuar e gabuar. Gjykata e Barit, pas nje seance qe zgjati tri ore, vendosi se “A.S. Bari” ka falimentuar. Keshtu u mbyll edhe lidhja e familjes Matarreze (e zoteronte skuadren qe nga 1997-ta) me skuadren ku aktualisht militon sulmuesi shqiptar, Edgar Çani. Tani e ardhmja e shoqerise ne fjale eshte lene ne duart e dy menaxherëve administrative, qe do te shoqerojne Barin deri sa te gjeje nje bleres te ri. Marçelo Danizi dhe Xhanvito Xhaneli do t’u duhet qe te vleresojne ate çka mbetet nga kjo shoqeri. Deri ne fund te muajit prill te ketij viti do te vendoset nje çmim fillestar per ankandin ku do te nxirret klubi ne fjale. Mediat italiane pohojne se ky ankand mund te zhvillohet edhe nje jave para dates se paracaktuar. Edgar Cani nuk ishte ne listen e te besuarve te teknikut De Biasi ne takimin miqesor me Malten, 2-0 per shkak te aktivizimit te tij te paket me skuadren e tij. Ne takimin e fundit Cani luajti 90 minuta per skuaren e Barit, por pak dite me pas Ai dhe e gjithe skuadra kane ngelur pa President, cfare do te thote qe ne rast te mos gjetjes se nje Presidenti te ri, skuadra mund te shkrihet dhe Cani duhet te gjeje nje klub te ri.

ALBAN MEHA, CFARE GOLI!

by

Shqipëria e nis me këmbë të mbarë 2014-ën, Basha dhe Meha i japin fitoren me Maltën/

Shqipëria e De Biazit e nis me këmbë të mbarë 2014-ën. Në ndeshjen e parë zyrtare për këtë vit, që qëlloi të ishte miqësore, kuqezinjtë tanë fitojnë 2-0 ndaj Maltës. Suksesi ka ardhur nga dy mesfushorë, Migjen Basha, që ka zhbllokuar shifrat e bardha në minutën e 26-të, pas goditjes me kokë, dhe eurogolit që ka qenë “qershia mbi tortë” e këtij ballafaqimi, me autor Alban Mehën, në minutën e 52-të. Cfare goli ai i Mehes! Rreth 35 metra larg u leshua silura. Topi ne rrjete. Portieri mik mbetet i habitur.

Vec këtyre dy “rrjetave”, kombëtarja jonë ka goditur dy herë edhe shtyllën e portës malteze, me anë të Bashës dhe Roshit. Një test i kaluar me sukses, por përgjigjet më mirë se askush tjetër duhet t’i ketë marrë De Biazi, që po mundohet të vërë pikat mbi “I” sa i përket grupit të lojtarëve që do të ketë në fokus për fushatën kualifikuese të “Euro 2016”.

Sikurse dihet, Shqipëria ka rënë në një grup mjaft të vështirë, ku bëjnë pjesë edhe Portugalia, Danimarka, Serbia dhe Armenia. Kësisoji, llogaritë duhen bërë mirë nga De Biazi dhe të tijtë, që e provuan veten në veprim ndaj maltezëve modestë, ku të paktën kanë “shkundur pluhurin”, për shkak se ishin bërë ca muaj pa luajtur. Ndeshja e fundit, edhe kjo miqësore, datonte më 15.11.2013, kur barazuam 0-0 me Bjellorusinë në stadiumin asnjanës të Antalias.

Nëse i referohemi renditjes botërore të FIFA-s për muajin shkurt, kuqezinjtë tanë janë më superior ndaj maltezëve, cka u duk qartë edhe në fushën e lojës. Shqipëria mban vendin e 55-të, ndërsa Malta është shumë më poshtë në këtë klasifikim mujor të kombëtareve, pikërisht në vendin e 131-të. Kjo ishte përballja e tetë në historikun e të dyja kombëtareve, seria e të cilave zë fill më16.08.1995 dhe vijonte deri në sfidën pararendëse, më 11.02.2009.

Bilanci është i tillë tashmë: 5 fitore Shqipëria, 2 barazime dhe 1 fitore Malta. Golaverazhi flet për kuqezinjtë, 14-3. Nga këto, 6 ndeshje janë miqësore dhe dy të tjera kualifikuese për Botërorin 2010.

 

PERFAQESUESJA E KOSOVES ZHVILLOI NDESHJEN E PARE HISTORIKE

by

Në stadiumin e stërmbushur “Adem Jashari” të Mitrovicës, 11 të përzgjedhurit e skuadrës së Kosovës, pa asnjë simbol dallues në fanelat e tyre, u përballën me Haitin në takimin e parë ndërkombëtar, që pas marrjes së dritës jeshile nga ana e FIFA-s.Edhe pse ndeshja u mbyll pa gola, Perfaqesuesja e Kosoves e zoteroi ndeshjen /

Megjithë rastet e shumta për të shënuar nga ana e skuadrës së drejtuar nga përzgjedhësi Albert Bunjaku, si në pjesën e parë ashtu edhe në pjesën e dytë të takimit, rezultati i ndeshjes u mbyll i bardhë, 0-0.
Por më shumë se sa rezultati, rëndësi në këtë takim kishte simbolika. Kosova luante për herë të parë një takim nën rregulloren e vendosur nga FIFA, pa simbolet shtetërore të saj…të paktën në stol.
Sa i përket shkallëve të stadiumit, ato ishin të mbushura masivisht me flamuj të shtetit të Kosovës, por nuk mungonin as flamujtë kombëtarë
Takimi u zhvillua i qetë, pavarësisht masave të forta të sigurisë të marra nga Policia e Kosovës.Interes për takimin, përvec mediave sportive në Kosovë dhe Shqipëri kanë patur edhe shumë media të tjera ndërkombëtare.

Kosovë-Haiti, pak interes në Tiranë

Ndryshe nga atmosfera në Kosovë, dhe vecanërisht në Mitrovicë ku skuadra e Kosovës zhvilloi ndeshjen e parë ndërkombëtare, në Tiranë interesimi i tifozëve shqiptar ka qenë shumë i pakët.
Lokalet në zonën e ish-Bllokut, të cilat në orët kur luan kombëtarja shqiptare e drejtuar nga De Biazi, janë të mbipopulluara me të rinj, këtë herë ishin pothuajse të boshatisura. Shumë pak persona kanë qenë të fokusuar në ekranet ku transmetohej ndeshja miqësore mes Kosovës dhe Haitit.
Me sa duket shkaqet kryesore të këtij interesimi të pakët të tifozëve të Shqipërisë është orari i papërshtatshëm dhe kundërshtari me të cilën Kosova kishte zgjedhur të nisë aventurën e saj në arenën ndërkombëtare.

Kosova ndeshjen e parë ndërkombëtare të futbollit po e përjeton si një festë

by

Nga B.Jashari/.-Ministri i Kulturës, Rinisë dhe Sportit, Memli Krasniqi, priti sot futbollistët e Përfaqësueses së Kosovës, bashkë me kreun e Federatës së Futbollit të Kosovës, Fadil Vokrri, si dhe shtabin teknik, me në krye përzgjedhësin, Albert Bunjaku.

“I gjithë populli i Kosovës ndeshjen e parë miqësore zyrtare ndërkombëtare po e përjeton si një festë”, tha Krasniqi duke vlerësuar se futbollistët tani pjesë e Përfaqësueses së Kosovës, kudo nëpër paraqitjet e tyre në botë kanë prezantuar imazhin më të mirë për Kosovën.
“Ne jemi të nderuar dhe krenarë që ju kemi dhe bashkë me ju po shënojmë një hap historik për Kosovën si shtet, e aq më tepër për sportin”, tha ministri.
“Ju dhe shumë bashkëmoshatarë tuaj që luajnë në shumë skuadra të tjera në Evropë jeni imazhi më i mirë i Kosovës dhe për më tepër jeni treguesi dhe fakti i pamohueshëm se sa i padrejtë ka qenë izolimi i Kosovës në futboll”, ka thënë ai teksa ka informuar futbollistët me investimet dhe mbështetjen që shteti po jep për sportin në përgjithësi.
Nga ana tjetër, kreu i FFK-së, Fadil Vokrri ka falënderuar ministrin Krasniqi për mbështetjen që ka dhënë në ndërkombëtarizmin e futbollit e veçanërisht në përmirësimin e infrastrukturës. Vokrri tha se bashkë edhe me MKRS-në po punohet që organizimi i ndeshjes të jetë sa më dinjitoz.

 

Superliga/ Tirana fiton 2-1 ndaj Besës në “Qemal Stafa”

by

Gjergji Mima/ -Skuadra e Tiranës ka arritur të fitojë me rezultatin 2-1 përballë skuadrës së Besës së Kavajës, në ndeshjen e zhvillar sot në stadiumin “Qemal Stafa” në kryeqytet, e vkefshme për javën e 20-të të Superligës

Ka qenë Besa ajo që ka kaluar e para në avantazh, teksa në minutën e 13-të, mesfushori Celhaka ka shënuar nga rreth 30 metra.

Por festa e Besës nuk zgjati më shumë se 5 minuta pasi në harkun e 8 minutave Tirana arriti të përmbysë rezultatin me dy gola. Ai që shënon golin e parë për Tiranën është braziliani Gilberto, i cili shfrytëzon nje pasim nga Selemani. Vetëm 3 minuta më vonë është Kërçiku ai që çon shifrat në 2-1. Minutat e mbetura kalojnë qetësisht, por është përsëri Tirana ajo qe qëndron më afër portës të kundërshtarit.

Me këtë fitore Tirana mer një trepikësh me shumë vlera dhe i largohet përsëri fundit të tabelës dukë ia lënë vendin Lushnjës me të cilën ndan vendin e fundit me nga 22 pikë. Besa mbetet në kuotën e 28 pikëve duke qenë kështu brenda objektivave dhe në një pozicion të qetë. Me takimin Tirana – Besa mbyllet dhe java e 20-të e Superligës Shqiptare.