HISTORI- MOTRAT E MBRETIT ZOG NE PARIS

August 14, 2018 by dgreca

PARIS-SOIR (1938) / MOTRAT E MBRETIT ZOG (MYZEJENI, RUHIJA DHE MAXHIDJA) JANË NË PARIS NË MËNYRË ANONIME – INTERVISTA EKSKLUZIVE ME TO./

Motrat e mbretit të Shqipërisë duke ekzaminuar një ekspozitë të punës së “Scout-ëve”. Ne e dimë se princesha Maxhide (djathtas) është, në vendin e saj, një nga udhëheqëset e lëvizjes “scout”. – Burimi : gallica.bnf.fr / Bibliothèque nationale de France/

Nga Aurenc Bebja, Francë – 13 Gusht 2018/

Gazeta franceze, “Paris-soir”, ka botuar të shtunën e 9 prillit 1938, në faqen n°5, një intervistë të veçantë të motrave të mbretit Zog (Myzejenit, Ruhijes dhe Maxhides), të cilat gjendeshin në kryeqytetin francez, në mënyrë krejt anonime, për të bërë blerjet e fundit me rastin e dasmës së vëllait të tyre, të parashikuar në fund të muajit prill të po atij viti.

Çfarë kanë rrëfyer ato asokohe për median franceze ? Në vijim, do të gjeni tekstin e plotë, të sjellë në shqip nga Aurenc Bebja – Blogu “Dars (Klos), Mat – Albania” :

“Ato blejnë tualete për dasmën e vëllait të tyre.

Ndërsa mendonim se ato ishin në Londër, princeshat mbretërore të Shqipërisë janë në Paris. Një hotel luksoz i qetë, pranë « Etoile », është streha e tyre që prej javës së shkuar; ato kanë marrë dy apartamente me pamje nga rruga. Një ministër i ceremonive, z. Martini, i shoqëron ato.

Si është e mundur që tri gra të reja, ku disa fotografi të kohëve të fundit u kanë popullarizuar siluetën, të kenë qenë në gjendje të lëvizin në mënyrë anonime ?

Ky është sekreti i Myzejenit, Ruhijes dhe Maxhides. Një gjë është e sigurtë se kjo “lojë” e tyre i kënaq ato.

Motrat e mbretit Zog ecin në heshtje nëpër hollin e hotelit. Cila është më e bukur ? Ato janë të tria brune, të holla, jashtëzakonisht elegante; ato kanë flokë ngjyrë kafe të lidhura në cep, pak makijazh, pafundësisht të bukura. Kostum të vogël sportiv, çantën nën krah, kapele me një vello përpara.

Myzejen është më e madhja me trup, por edhe në moshë. Oh ! fare pak ; ajo është 27 vjeç, ndërsa motrat e saj janë 25 dhe 24 vjeç. Të dyja kanë sy të zinj të shkëlqyeshëm, ndërsa fytyra ngjyrë esmere e Maxhides ndriçohet nga një vështrim i butë dhe i qartë.

Ato flasin frëngjisht.

— Dhe kjo nuk është për t’u habitur, – buzëqesh njëra nga gratë e reja. Ne kemi bërë studimet tona në Lausanne (Lozanë) ; Kemi përfunduar para katër vitesh, dhe që atëherë kemi ardhur shpesh në Paris.

— Sepse ne jemi shpesh këtu ! – thotë Ruhija plot gëzim.

— Ne kemi ardhur për të parë motrën tonë, princeshën Senije Habid, e cila, e martuar, jeton në qytetin tuaj. Ajo është këtu në hotel, me ne. Ne kemi ardhur këtu për të blerë rroba, kapele dhe për të parë parfumeritë ! Ne shkojmë në teatër, në restorant, sepse ne kemi shije (gusto). Kësaj here, ne do të zgjedhim tualetet tona me rastin e dasmës së vëllait tonë, e cila do të mbahet më 27 të këtij muaji.

— E gjitha kjo për të ju thënë se jemi të zëna, – përshpërit me ëmbëlsi Maxhidja.

Ne nuk mund të qëndrojmë më gjatë me tri gratë e bukura që rrobaqepësi po pret. Ato, para se të hynin në makinë, paten një buzëqeshje që na dëshmoi se ato na falën për besdisjen tonë.

— Dhe ne nuk ëndërrojmë të lujamë në kinema ! – bërtasin të tria së bashku, duke qeshur.”

Georgette Mayou

Sulm terrorist në Aeroportin e Parisit

March 18, 2017 by dgreca

Një i vdekur pas shkëmbimit të zjarrit në Paris,Policia evakuoi 3000 persona/

Në aeroportin e Parisit, Orly një person u qëllua për vdekje nga policia pasi i rrëmbeu armën një ushtareje. Prokuroria e Përgjithshme Franceze filloi hetimet për terrorizëm.

Sipas agjencisë së lajmeve, AFP që bazohet në burime të Ministrisë së Brendshme franceze sulmuesi sulmoi një ushtare për t’i rrëmbyer armën, ai u fut në një dyqan në aeroportin e Orlys, por në fund ai u qëllua për vdekje nga forcat e sigurisë. Ministri i Brendshëm, Bruno Le Roux u shpreh, se personi nuk ia kishte dalë të kishte në zotërim armën.

Le Roux bëri të ditur, se ky person pak orë më parë në një kontroll rutinë të policisë në Stains, kishte qëlluar kundrejt një polici duke e plagosur lehtë. Sipas të dhënave të policisë, autori vjen nga qarqet radikale myslimane. Në aksionin policor në aeroportin Orly nuk pati lëndime personash të tjerë. Policia evakuoi 3000 persona për arsye sigurie, ndërkohë që trafiku ajror u bllokua, dhe fluturimet janë transferuar në aeroportin Charles de Gaulle. Prokuroria e Përgjithshme franceze filloi hetimet. Orly, aeroporti i dytë më i madh i Parisit, ka qenë shpesh objekt sulmesh.

Avokati i Popullit i Kosovës në Paris

December 9, 2015 by dgreca

Paris, 9 dhjetor 2015/ Avokati i Popullit, Hilmi Jashari me bashkëpunëtorë, po qëndron në një vizitë tre ditore në Paris, me ç‘rast është takuar me homologun e tij francez, Jacques Toubon dhe kolegë të tij nga “Défenseur des Droits” (Mbrojtësi i të Drejtave). Dy homologët nga institucionet respektive në Francë dhe në Kosovë, biseduan për mandatin dhe përgjegjësitë që kanë, sfidat me të cilat përballen dhe perspektivat e punës që bëjnë. Gjatë qëndrimit në Francë, delegacioni nga Institucioni i Avokatit të Popullit të Kosovës ka pasur rastin të dëgjoj përvojat e kolegëve francezë në fushën e mbrojtjes nga diskriminimi në sektorin privat dhe në sektorin publik. Përvoja franceze kontribuon në zhvillimin e mekanizmit të ankesave për rastet e diskriminimit dhe në zbatimin praktik të pakos së ligjeve për të drejtat e njeriut, ku përfshihen, bashkë me Ligjin për Avokatin e Popullit, edhe Ligji për mbrojtje nga diskriminimi dhe Ligji për barazi gjinore, që kanë hyrë në fuqi në korrik të këtij viti, thekson njoftimi i dërguar sot nga Parisi.Bëhet e ditur se, vizita në Francë është po ashtu e përqendruar në aspektin e promovimit të barazisë dhe qasjes në të drejta, marrëdhënieve me Parlamentin, marrëdhënieve me institucionet dhe partnerët tjerë, si dhe në komunikimin, promovimin dhe trajnimet.Gjatë ditës së sotme, Avokati i Popullit me bashkëpunëtorët e tij, do të takojnë edhe Anne-Sophie Bonnet – kreun e Kontrollorit të Përgjithshëm të vendeve të privimit nga liria (Contrôleur Général des lieux de privation de liberté) dhe kolegë të saj, me ç’ rast këmbimi i përvojave do të fokusohet në aspekte të mandatit, organizimit dhe funksionimit të Mekanizmit për parandalimin e torturës, i cili, me hyrjen në fuqi të Ligjit të ri për Avokatin e Popullit do të funksionojë si mekanizëm i veçantë në kuadër të IAP-së. Po ashtu, një pjesë e axhendës së kësaj vizite vuri theksin në dialogun me institucionet publike, shoqërinë civile, mediat dhe zbatimin e rekomandimeve.Vizita në Francë është organizuar dhe financuar nga TAIEX / Komisioni Evropian dhe Ambasada e Francës në Kosovë./b.j/

Xhamia Shqiptare në New York, lutje ndërfetare për viktimat në Paris

November 17, 2015 by dgreca

“Mesazhi nga të gjithë udhëheqësit fetarë të ishullit që ofruan lutjet ishte i qartë dhe konsistent – “Vdekjet mizore mund të zvogëlohen nga gjithë ne, kur bëhemi së bashku të krishterët, hebrenjtë dhe myslimanët”
Nga Beqir SINA New York/
STATEN ISLAND, NY – Ditën e hënë – ne xhaminë shqiptare në ishullin Staten Island – Nju Jork, u mbajtë një Lutje Ndërfetare në solidaritet me popullin e Parisit-Francë, Bejrutin, dhe Burman dhe të gjitha viktimat e terrorit në mbarë botën.
Kjo, lutje u mbajtë, simbas një njoftimi në faqen e interrnetit të AAIC, me sponsorizimin e Këshillit Ndërfetar “Mayor’s Clergy Advisory Council”, në Staten Island dhe “Interfaith Clergy Leadership” si dhe Qendra Kulturore Islamike Shqiptare – Albanian Islamic Cultural Centernga”.
Gazeta më e madhe ishullore Staten Island Advance shkruan sot se :”Udhëheqësit fetarë të të gjitha besimeve, u bashkuan me faljen ndërfetare në xhaminë shqiptare në ishullin Staten Islander, të hënën në mbrëmje në Tompkinsville për një lutje ndërfetare në solidaritet me popullin e Parisit, Bejrutit, dhe në pjesë të tjera të botës viktimizuar në sulmet terroriste”.
Ky aktivitet u organizua në vazhdën e përkujtimeve për viktimat e Parisit, që lënë të paktën 129 të vdekur në kryeqytetin francez më 13 nëntor, dhe një tjetër akt terrorist ku mbetën të vrarë 43 persona në shpërthimet vetëvrasëse në Bejrut, Liban, më 12 nëntor.
Gazeta shtonë se : “Mesazhi nga të gjithë udhëheqësit fetarë të ishullit që ofruan lutjet ishte i qartë dhe konsistent”.
“Terrorizmi nuk ka besim, nuk ka përkatësisë etnike,” tha Dr Zurkani Vardar, president i Qendrës Shqiptare Kulturore Islame në Tompkinsville, në dënimin e fort të tij ndaj sulmeve të Parisit. “Ne ndajmë dhimbjen dhe pikëllimin e popullit të Francës” tha ai..
Dr Ram Nair i Tempullit Hindu të Staten Island, në “thirrjen e tij, për namaz,” komentoi: se “Çdo njeri ka ardh koha të ngrihet në këmbë dhe kundër këtyre akteve monstruoze, pavarësisht se kujt besimi fetar ai i përket.”
Në një predikim simbas riti fetar të krishter “Lutje për të mbijetuarit,” Peshkopi Victor Brown, pastor i lartë i Kishës së krishtere, më të madhe në ishull “Kisha e Bashkuara Mt. Sinai”, në New Brighton, u lut se sulmet më të fundit terroriste do “të na ndihmojë të bëhemi së bashku, të gjithë ne, si një fije në strukturën e njerëzimit”, duke shtuar:
“E gjithë kjo është e nevojshme për luftuar forcat e së keqes në këtë botë dhe është të ndihmojmë njerëzit e mirë të mos bëjnë keq në këtë botë .”
‘Vdekjet mizore mund të zvogëlohen nga gjithë ne’
Rabai Michael Howald, udhëheqës shpirtëror i Kongregacionit të Tempullit të Reformës së Izraelit shprehu shqetësimin se vrasjet e të pafajshme po bëhen diçka e ditës dhe dënoi sulmet vrasëse në Paris dhe në Bejrut të Libanit.
“Këto vdekje na godasin të gjithëve”, tha ai dhe u lut “për fitoren e drejtësisë, të tolerancës dhe të dashurisë”.
Prokurori i sapozgjedhur i Staten Island, Michael McMahon, që mori gjithashtu pjesë në këtë lutje, tha se ajo që po ndodhte ay ishte pikërisht atë që terroristët nuk duan të na shohin duke bërë.
“Ata nuk durojnë dot kur të krishterët, hebrenjtë dhe myslimanët mblidhen së bashku – ata duan që ne ta luftojmë njëri-tjetrin, ta urrejmë njëri-tjetrin”.
Pas shërbesave të lutjeve sipas feve të ndryshme, disa oficerë të policisë treguan për komunitetin e ishullit, se çfarë masash janë marrë që banorët dhe institucionet fetare në Staten Island e më gjerë në New York, të vazhdojnë jetën të sigurt, pa iu druar sulmeve terroriste si ato të Parisit.

Sekretari i Përgjithshëm i NATO-s dënon sulmet terroriste në Paris

November 14, 2015 by dgreca

Sekretari i përgjithshëm i NATO-s Jens Stoltenberg ashpër ka dënuar sulmin terrorist në Paris, në të cilin sipas informacioneve të fundit jetën e kanë humbur 123 persona, ndërsa janë plagosur 180 të tjerë/
Nga Beqir SINA – New York/
BRUKSEL BE : Flamuri i NATO-s dhe aleateve të saj – janë ulur në gjysmë shtizë, në selinë qendrore ku ndodhet Shtabi i NATO-s, të shtunën më 14 nëntor 2015, për të nderuar kujtimin e viktimave të sulmeve terroriste në Paris dhe shprehur me këtë rast një solidaritet me popullin e Francës, thuhet në një deklerat zyrtare të Natos, shpërndar sot për shtypin anembanë botës.
Sekretari i Përgjithshëm i NATO-s, Jens Stoltenberg i siguroi Francës mbështetjen e aleancës ushtarake atlantiko-veriore. “NATO, qëndron krah Francës në luftë kundër terrorizmit” tha Stoltenberg – “Terrorizmi nuk do të mund të fitojë mbi demokracinë”, shtoi ai.
Sekretari i Përgjithshëm i NATO-s, theksoi se zemra e tij në këto momente të vështira është me familjet e të vrarëve në sulmin terrorist, si dhe me tërë popullin francez
“Unë jam i tronditur thellë nga sulmet e tmerrshme terroriste anembanë Parisit. Ngushëllimet e mia janë me familjet e viktimave, me të gjithë ata të prekur nga ky sulm terrorist, dhe me popullin e Francës. Ne qëndrojmë të fortë dhe të bashkuar në luftën kundër terrorizmit. Terrorizmi nuk do ta mposhtë demokracinë” thotë në dekleratën e tij Sekretari i Përgjithshëm i NATO-s, Jens Stoltenberg, pas ngjarjeve tragjike në Paris mbrëm, ku humbën jetën 123 vetë dhe 180 të tjerë u plagosën.
Ndërkohë, edhe presidenti amerikan Barack Obama i ka dënuar sulmet e Parisit si një “përpjekje të përbuzshme” për të terrorizuar civilë të pafajshëm. Këto nuk janë vetëm sulme ndaj Parisit dhe popullit francez, por kundër të gjithë njerëzimit, tha Obama në Uashington. Ende është herët për të thënë saktë se kush qëndron pas këtyre sulmeve. Në një fjalim të shkurtër në Shtëpinë e Bardhë, Obama ofroi ndihmën e vendit të tij “për t’i nxjerrë terroristët para gjyqit”. Franca është aleati më i vjetër i Shteteve të Bashkuara. Populli francez ka qëndruar gjithmonë krah për krah popullit amerikan, tha Obama.
Edhe Sekretari i Përgjithshëm i Kombeve të Bashkuara, Ban Ki Moon i dënoi sulmet e Parisit me ton të ashpër. Ai beson se autoritetet franceze do të bëjnë gjithçka është në dorën e tyre për të kapur fjatorët “e këtyre akteve të tmerrshme” e nxjerrë ata para gjyqit, deklaroi Ban në Nju Jork. Ai u shprehu ngushëllimet familjeve të viktimave dhe u shpreh për një shërim të shpejtë të të lënduarve. Ban Ki Moon u shpreh se qëndron në krah të popullit franez në këtë moment.