Sport – Page 99 – Dielli

Shqiperi-Futboll- Skënderbeu gjunjëzon Kastriotin

February 22, 2014 by dgreca

-Mbyllen 4-ër takimet e para të javës 20-të të superligës, mbizotërojnë vendasit-Lushnja mposht Ballshin, Laci-Teuten, Kukesi-Flamurtarin/

Nga Arbi Fortuzi/-. Skënderbeu fiton 2-0 në Korçë ndaj Kastriotit në javën e 20-të të superligës Shqiptare të futbollit dhe rrit diferencën në 10 pikë me ndjekësin më të tafërt, Laçi.
Vendasit shënuan nga një gol për çdo pjesë. Kapiteni Shkëmbi ka prishur bardhësinë e shifrave në minutën e 43-të, ndërsa Pero Pejic ka vulosur gjithcka në minutën e 78-të
Ndeshja e zhvilluar në strofullën e ujqërve të dëborës ka treguar forcën e Korçarëve të drejtuar nga tekniku Mirel Josa, që edhe pse nën ritëm gjunjëzuan skuadrën krutane, e drejtuar nga tekniku i sapo emëruar Nevil Dede.
Mysafiri i juglindorëve të Josës, Kastrioti e sheh veten në pozita kritike në klasifikim, Krutanët janë në vendin e 11-të me 21 pikë dhe rrezikojnë të zbresin në fund të klasifikimit në rast se Tirana mund Besën në ndeshjen e saj ditën e diel.

Sot u zhvilluan 4-ër takimet e para të javës së 20-të të Superligës të cilat u diktuan nga skuadrat vendase, ndëras nesër priten edhe dy ndeshjet e fundit të kësaj jave, Tirana-Besa dhe Vllaznia-Partizani :

SKËNDERBEU-KASTRIOTI 2-0
Golat: Shkëmbi 43′, Pejiç 78’
Gjyqtarë: K.Meta, I.Tartari, O.Grabova

KUKËSI-FLAMURTARI 3-2
Golat: Shameti 50′, Hysa 71′, Cikalleshi 80′ (pen) / G.Lika 43′, Abilaliaj 85′
Gjyqtarë: L.Jemini, R.Alushi, N.Bregasi

LUSHNJA-BYLISI 2-0
Golat: Trashi 12′, Fonseka 88′
Gjyqtarë: O.Sokoli, D.Rexha, D.Agaraj

LAÇI-TEUTA 2-1
Golat: Cela 31′, Nimani 60′ / Nika 90+3′
Gjyqtarë: B.Pashaj, R.Avdo, E.Bicaku

Nesër, 23.02.2014
VLLAZNIA-PARTIZANI (13:00)
TIRANA-BESA (18:00)

Klasifikimi:

1 Skënderbeu————— 41 PIKË
2 KF Laçi—————— 31
3 Partizani—————- 30
4 FK Kukesi—————- 30
5 Teuta Durres————- 29
6 Besa Kavaje————– 28
7 Flamurtari—————-26
8 Bylis———————23
9 Vllaznia——————22
10 KS Lushnja—————22
11 Kastrioti—————-21
12 KF Tirana—————-19

*Tirana, Partizani, Vllaznia dhe Besa do të zhvillojnë ndeshjet nesër

Platini garantoi mbështjen e UEFA- për stadiumin e ri ne Shqiperi

February 19, 2014 by dgreca

Presidenti i UEFA-s, Mishel Platini, qendroi sot per nje vizite ne Tirane. Kreu i qeverisë së futbollit europian ka mbërritur në Rinas në orën 09:10 dhe vetëm një orë më pas ka pasur një takim zyrtar në FSHF me presidentin Armand Duka. Në takim ka marrë pjesë edhe sekretari i federatës, Ilir Shulku, si dhe delegacioni i UEFA-s.Platini i shoqëruar nga një delegacion i nivelit të lartë të UEFA-s, kryesisht ekspertë në fushën e futbollit masiv dhe infrastruktures, rreth orës 10:30 ka zhvilluar një takim zyrtar me kryeministrin Edi Rama dhe zv.ministrin e Sporteve.

Në këtë takim është diskutuar në radhë të parë për projektin e qeverisë për masivizimin e futbollit edhe në shkolla, projekt i cili sponsorizohet edhe nga UEFA. Kjo e fundit i ofron Shqipërisë bazë materiale (topa, uniforma etj), si dhe ka marrë përsipër që të trajnojë disa specialistë, që do merren specifikisht me klasat sportive.

Mësohet se ky projekt fillimisht do të bëhet në disa shkolla të vendit dhe më pas do të shtrihet në të gjithë Shqipërinë. Por, ky projekt duket se ishte vetem “sebepi” i kësaj vizite dhe takimit me kryeministrin Rama, pasi çështja më e prekshme dhe e rëndësishme ishte ajo lidhur me stadiumin e ri, “Qemal Stafa”.

Kryeministri Rama informoi presidentin e UEFA-s, Mishel Platini se stadiumi ‘Qemal Stafa’ nuk përmbush kushtet për të zhvilluar ndeshje ndërkombëtare dhe për këtë arsye, shtoi ai, në muajin shtator do të fillojnë punimet për të ndërtuar stadiumin e ri.

“Është kënaqësi e dyfishtë pasi fati ka dashur që për shkak të detyrës ta njoh Mishel Platini prej kohësh dhe ta konsideroj mik, është një mik që është vazhdimisht i vëmendshëm për mbarëvajtjen e futbollit në Shqipëri. Sot ne u takuam dhe diskutuanm për përgatitjet për sezonin e ardhshëm të skuadrës kombëtare. E informova me kënaqësi se jemi të angazhuar dhe jemi të bindur se në shtator do ti dhurojmë skuadrës tonë kombëtare, por edhe për pjesën tonë te kompeticionit, një stadium që do jetë në lartësinë e imazhit që duam për Shqipërinë në Elbasan. Në bashkëpunim me FSHF, qeveria do të financojë këtë operacion, ndërkohë folëm dhe për të ardhmen e stadiumit kombëtar që fatkeqësisht është jashtë standardeve sot për të mirëpritur një ndeshje ndërkombëtare. Ndamë po ashtu pikëpamjen e njëjtë se ajo çfarë s’duhet të harrojmë asnjëherë, eshte fakti se futbolli në radhë të parë eshte një sport i fëmijëve dhe të rinjve, mbi të gjitha një instrument i pazëvendësueshëm social” tha Rama gjatë konferencës së përbashkët për mediat.

Nderkaq Platini garantoi mbështjen e UEFA- për stadiumin e ri.

“Jemi të ndërgjegjshëm që futbolli është në duart të sigurta mes Kryeministrit Rama dhe Presidentit Duka, bëhet fjalë për dy persona që e duan futbollin dhe njihen prej kohësh. E di se çfarë kërkon të bëjë dhe atë që mund dhe nuk mund të bëjë, pasi nuk është shumë e lehtë të bësh gjëra të mira. Bëhet fjalë edhe për stadiumin e ri që do të kryhet kur të krijohen mundësitë financiare. Po bëhet stadium i ri në Elbasan, që është i rëndësihsëm për kombëtaren, por dhe vizionin e përgjithshëm të futbollit në Shqipëri. Duke nisur nga shtatori të gjitha ndeshjet shqiptare do të përcillen në të gjithë botën për sistemin e ri të lojës. Një gjë tjetër që është bërë edhe me bekimin e UEFA-s është dhe marrëveshja mes Kryeministrit dhe Presidentit të FSHF-së për zhvillimin e sportit në shkolla.Kryeministri do të ndihmojë, por dhe ne do ndihmojmë përmes ekspertëve për të zhvilluar futbollin në Shqipëri. Pas kësaj janë çështjet tuaja për tu bërë kampionë të mëdhenj, për këtë s’mund të bëjmë gjë ne dhe që fëmijët duhet të argëtohen duke luajtur futboll, pse jo për të pasur një Mesi dhe këtu në Shqipëri” u shpreh Platini.

Kjo është hera e katërt që Platini vjen në Tiranë në një vizitë zyrtare (dy herë edhe si anëtar i KE së FIFA-s). Hera e fundit ka qenë në 2010-ën, me rastin e 80- vjetorit të Federatës Shqiptare të Futbollit.

Në vijim të vizitës së tij në kryeqytetin shqiptar, eshte takuar edhe me ministren Lindita Nikolla, ndërsa bashkëbisedimi ka vijuar edhe më shtruar me drejtuesit e futbollit shqiptar në FSHF.

“KANGURI”-Caparello e mposhti “Kosova Kid”- Muriqin

February 1, 2014 by dgreca

Koment i ESPN : “Muriqi . 34 – vjeçar , i cili pati një tërheqje të tij pas periudhë të gjatë , nuk ishte në gjendje të ofrojë ndonjë formë të rezistencës”/

NGA BEQIR SINA, New York/

West Orange – New Jersey : Meçi mdis peshës gjysmë te rëndë mes boksierit kosovar me pashaport amerikane 34 vjeçarit Elvir Muriqit – Kosova Kid dhe boksierit australian me nofkën “Sallaksi- Southpaw” 27 – vjeçarit Blake Caparello, që shpresonte të shfaqte talentin e tij, para një audience të gjerë të premten me një performancë të fortë në debutimin e tij të parë, në tokën amerikane, përfundoi me suksesin e shtetasit australian i ardhur nga e ashtuquajtura”Toka e Kangurve”. Sipas komentit të ESPN 2 , shkruhet se Australiani qe më i suksesshëm pasi Caparello shënoi një fitore mbas vendimit të Jurisë në 10 – rounde të rrumbullakësuar në rezultatin unanim – 98-92 dy herë , 100-90 një herë , pra 3; 0 ishte rezultati final i këtij meçi kundër sfidantit të titullit kampion Elvir Muriqi mbrëmë në ringun e Richard J. Codey Arena në West Orange të New Jerseyt.

Pas fitores në konferencë shtypi me gazetarët e ESPN 2, kanalit më të madh sportiv në SHBA, Black Caparello, pohojë se “Ishte një luftë e vështirë , duke shtuar se ” I përdora të gjitha goditjet këndore dhe grushtat e shpejtë. Për, mua ishte një kënaqësi e madhe, sepse, isha duke boksuar në Amerikë . Tifozët, shtoi ai ishin të gjithë kundër meje , por kjo sdo të thotë gjë – ishte një përvojë e mirë.”Sidoqoftë, thekson komentatori i këtij dyluftimi Brian Campbell, Caparello ( 19-0-1 , gjashtë KO ) mund të ketë pasur edhe mungesa në boksimin e mbrëmshëm në momente të veçanta – për ndalimin e grushtave të veteranit Muriqi ( 40-6 , 24 KOS ) që kishte arritur deri në dominimin absolut . Mirëpo, Australiani i njohur me nofkën “Sallaksi” më i gjatë sesa Kosova Kid – Elvir Muriqi, zotëroi për një periudhë të mirë situatën me dorën e majtë dhe u mbështet në mbrojtjen e tij, me kombinime të goditjeve të shpejta për të mbrojtur veten nga ndonjë problem të mundshëm në qoshet e ringut, që janë të rrezikshme për çdo boksier, shkruan Cambell.

Më tej ai thotë se Caparello 27 -vjeçar , i cili nënshkroi kohët e fundit me promotorin Lou Dibella , “zbarkoi” në ring qysh në round të parë me goditjet të shpejtë. Ai gjithashtu ka arritur për të bllokuar në mënyrë të përsëritur ndonjë nga përparimet Muriqit – në momentet kur kundërshtari i tij hidhej në kundërsulm.

Momenti kyç i këtij meçi, thekson komentatori ESPN2 , Brian Campbell ishte : “Se ky dyluftim kaloi në mes të rrugës përmes luftës, Muriqi, ishte duke ia bërë të qartë, Caparellos se ai ishte i sigurt për të marrë kontrollin e “dyluftimit”, por u duk si një Muriq i frustruar, dhe nuk ishte në gjendje për të bërë ndonjë gjë të madhe . Mbas kësaj, Caparello, iu përgjigj atij duke e “ulur” atë, dhe të shënoj momentin më kyç dhe më të mirë të luftës në Raundin e 7, kur ai i goditi fort në fytyrë Muriqin me një goditje nga poshtë dhe të përkryer më të majtën – sallaksen e tij” .
Fjalë e fundit për këtë meç shkruan Cambell është se: “Lufta” u bë për atë se kush do të merrte një zotërim të plotë mbi kundërshtarin – ku ra në sy boksimi i “ndritshm” një Caparello, që është e ardhmja e tij me një nga boksimet më emocionuese në arenën e Boksit. Muriqi . 34 – vjeçar , i cili pati një tërheqje të tij pas periudhë të gjatë , nuk ishte në gjendje të ofrojë ndonjë formë të rezistencës . Ndërsa, Caparello, ishte i shkëlqyeshëm dhe i mjaftueshm, për të shpëtuar ngandonjë “vështirësi” , ai do të duhet të punojnë shumë për të provuar se ai është më dinamik, dhe të ketë një ndikim kundër disa nga rivalët e tij të ardhshëm”

“Topi i Artë 2013”, në këmbët e Cristiano Ronaldos

January 13, 2014 by dgreca

Ndodhi ajo që pritej. Ylli i futbollit portugez dhe atij botëror, Cristiano Ronaldo fiton “Topin e Artë 2013”, për të dytën herë herë karrierën e tij, në ceremoninë e zhvilluar nga FIFA Në Zyrih.

Hera e parë ka qenë në vitin 2008. Nuk kanë munguar lotët nga ana e 29-vjeçarit gjatë marrjes së këtij çmimi.
“”Nuk kam fjalë për të përshkruar këtë moment”, tha Ronaldo. Dua të falënderoj të gjithë shokët e mi tek Reali, tek përfaqësuesja, familjen time, e cila është këtu të pranishme.
Është një nder i pakrahasueshëm. Falënderoj presidentin, shumë prej personave që më kanë ndihmuar që të arrij këtu, të fejuarën time, djalin tim dhe Eusebion që nuk jeton më, por që më ka frymëzuar që në hapat e mi të parë si futbollist. Është një moment shumë emocionues për mua”- shtoi portugezi.

FIFA ka zgjedhur edhe formacionin më të mirë për vitin 2013-të,në të cilin gjenden katër futbollistë të Barcelonës, tre të Bajernit, tre të Realit dhe dy të Paris SG.

Rreshtimi më i mirë i vitit të lënë pas sheh Neuer në portë, Alves, Ramos, SIlva dhe Lahm në mbrojtje, Iniesta, Xavi, Ribery në mesfushë dhe Messi, Ibra e Ronaldo në sulm.

Pas shpalljes së fituesve, të 11 futbollistët u rreshtuan në mënyrë simbolike, për të pozuar si pjesë e një skuadre të vërtetë futbolli.

Trajneri me i mire eshte zgjedhur ish tekniku i Bayern, Hup Henkes, pas tij Jurgen Klop dhe i treti Ferguson.

NDERROI JETË NË SPEYER TË GJERMANISË FUTBOLLISTI SHPUZA

January 13, 2014 by dgreca

Ne Foto: Zamir Shpuza. 26.6 1967 10.1.201/

Shkruan: Neki Lulaj/

Eh si na është jeta…?

Ne dhjetorin e vitit 1995 në ballinat gazetave gjermane te qytetit të Speyerit,përcillej ,me foto kolor e bardh e zi portreti tërheqës i një të riu simpatik shqiptarë me emrin Zamir Shpuza ,të cilin e kishin shpallur si Sportistin me të mirë të atij sezoni duke shkruar në supërlativ për sportistin shkodran ndihesha shumë krenar.

E as unë nuk munda të qëndroj indiferent pa marrë takim me këtë talent sporti,andaj edhe arrita të realizoi një takim ne lokalet e FV-Speyerit.

Ishte një takim tejët i thjeshtë interesant,dhe shumë miqësor,pasi i tregova qëllimin e takimit duke i thënë se vij në emër të gazetës shqiptare „Kosova press“ për një intervistë të shkurtër me ju dhe menjëherë filluam bisedën si dy miq që prej vitësh ishim njohur edhe pse ishte hera e parë e takimit tonë.

Pyetja ime e parë e asja kohë marrë nga origjinali i gazetës „Kosova press“ishte:Zt. Shpuza që sa vite luani në ekipin FV

Speyer“Ka dy vite që luaj futboll në këtë ekip,edhe kur isha në atdhe kam luajtur në Kombtarën shqiptare dhe i ceku fitorët në Finland,Çekosllovaki dhe barazimin me Bullgarinë.“etj.

Në bisedë e sipër atë ditë mësova së Zamir Shpuza kishte kaluar nga ekipi i FA Speyerit në ekipin tjetër pra në SV Waldhof të Mannheimit dhe mes tjerash tha“Punën, teknikën, talentin dhe lojën time e ka përcjellë trajneri i njohur gjerman zt Uli Stielike dhe me preferimin e tij unë luaj në Bundesligen e dytë me SV –Waldhof Mannheim.“

Planet tuaja“Si çdo i ri që ka plane e endërra shumë plani im i parë është bashkimi me të fejuaren time e cila për momentin jemi largë,ajo jeton në Shkodër e unë në Speyer“

Dëshira e juaj zt Shpuza në ndërrimimin e motmoteve pasiqë jemi në fund të dhjetorit?

“Dëshira ime priroritare është Bashkimi i trojeve shqiptare dhe ndalja e represionit dhe gjenocidit që i behët popullit shqiptarë në Kosovë“.

Në vazhdimin e kësaj bisede mes tjerash ishte edhe pyetja ime jo provokuese por vetëm vëllazerore,përshëndetja e këtij fund viti?

„Kam shumë përshendetje nga ky vend,së pari përshëndes Nënën e vëllain, të fejuarën dhe mbarë miqët e farëfisin tim në Shkodër dhe gjithë kah ndodhën,përshendes punën e dy qeverive shqiptare në krye me Dr. Sali Berishën dhe Dr Ibrahim Rugovën pastaj përshëndes edhe futbollistin shqiptarë Hysen Mihanin i cili luan ne San Paullo të Madridit në Spanjë,si dhe kisha një përshëndetje speciale për trajnerin e FV Herr.Hans Jurgen Schetzer,i cili na ndihmoj ne shiptarëve pa masë“kjo isht biseda qe zhvillova në dhjetorin e vitit 1995 me Zamir Shpuzën të botuar në gazëtën“Kosova press

Lajmi që as kush nuk e priti dhe nuk e dëshiroi

Mbrëmjen e së premtës të datës 10 janar 2014 rreth orës 19:00 pas një sëmundje të shkurtër dhe të rendë nga një hemorogji cerebrale në Spitalin Vincensius të Speyerit është ndarë nga jeta në moshën 45-vjeçare ish-futbollisti i Vllaznisë se Shkodrës dhe i kombëtares shqiptare, Zamir Shpuza

Kush ishte Zamir Shpuza. ?

Zamir Shpuza, i lindur në Shkodër me 26.06.1967 nga një familje me një taban dhe kulturë shkodrane.Në fëmijërinë e tij të herëshme tregon zgjuarsi, pasion dhe talent prej një sportisti që do të formohëj ku filloi edhe të mirret me futboll.

Karrierën e ti sportive e filloi në qytetin e tij të fëmijërisë dhe rinisë së dashur në Shkodër e pikërisht në ekipin e VLLAZNISË.

Nga ekipi i Vllaznisë U 19 ku luante tregoi një talent të rrallë ku e avansuan duke e kaluar në ekipin e parë të Vllaznisë shkodrane ne vitin 1988/89

Komiteti i Partisë i sistemit të atëhershëm komunist pas një mbledhje rutinore sekrete i përjashtojnë nga ekipi i Vllaznisë Zamirin dhe vëllain e ti Luanin i cili luante ne U 17 si në ekip i të rinjëve zingjir të Vllaznisë me pretekstin se këta vijnë nga një familje Shpuza,ku xhaxhallarët e tyre kanë një biografi të dyshimtë politike dhe nuk janë të përshtatshëm për sistemin e atëhershëm monist.

„ Xhaxhai i Zamirit gjeja se ishte zënë duke e kaluar kufirin dhe atëherë e anatemuan si një tradhtarë i komunizmit dhe familje e rrezikshme për vendin .Edhe Zamirin e Luanin duhët burgosur këta „klysh tradhtarësh“ nuk i duhën ekipit futbollistik Vllaznisë së Shkodrës,këta duhet largohën“pohon vëllai Luani.

Ekipi futbollistik Vllaznia e Shkodrës e themeluar në vitin 1919 ishte emblema e futbollit dhe djepi nga ku dolën sportistet me të dalluar nepër kohëra.

Zamiri si i zgjuar që ishte nuk dëshironte të flinte në Baladën e përbuzjës të sistemit të egër komunist ,nuk dëshironte që ujërat e turbullt të atij sistemi të ia vërrshojnë shpresat e tij,shpresat e futbollit endërrat e tija të prekshme,andaj regjistrohët në ekipin futbolistik të Veleçikut në qytetzën e Koplikut,ku edhe atje tregon një talent të rrallë dhe fiton edhe një pervojë të re nga futbollistët bashkëmoshatar,edhe atje trajtohej mirë.

Nuk kaloi kohë e gjatë e edhe në Shqipëri filluan lëvizjët e para pluraliste,ku Agimi i atyre lëvizjeve i gjeti edhe vëllezërit Zamir dhe Luan Shpuza bashkë me të gjithë qytetarët demokrat të Shkodër locës.

Gjithë qytetarët demokrat shkodran organizuan levizjët e para antikomuniste në Shkodër e më gjerë duke kërkuar hakmarrje politike dhe i bashkohën Partisë Demokratike në radhet e saja dhe pas ardhjes së Demokracisë.

Me kërkesën e trajnerëve Astrit Hafizit dhe Neptun Bojka lojtari shkodran Zamir Shpuza ftohët në ekipin e kombëtarës së Partizanit në Tiranë,pra në supërligën shqiptare.ku dhe tregon rezultate dhe talent të rrallë sportiv ,pastaj luan në ekipin futbollistik Olimpik U/21 duke vazhduar më vonë karrierën sportive në kombëtaren shkodrane të Vllaznia në vitin 1991.

Me pastaj shkoi tek skuadra e Buducnostit të Malit të Zi me bashkëkombasin Ramiz Bizha,ku treguan suksese të jashtëzakonshme. Zamiri në atë kohë pati luajtur në Podgoricë me pseudonimi“Belludodiq Albanski“ .Në vitin 1992 u rikthye sërish tek Vllaznia dhe skuadra e tij e asaj kohe e fituan titullin e kampionit.Në një ndeshje miqësore të luajtur me skuadrën Ajaçio në Francë e pasi zhvilluan atë ndeshje e qendruan për rreth një javë ,ku disa nga futbollistët e Vllaznisë si:Agron Lika,Admir Bilali,vëllezërit Gruda,e bashkë me Zamirin udhëtuan me tren shkuan në Gjermani e pikërisht në qytetin e Speyerit duke përfunduar si azilkërkues..

Karriera e tij sportive: tanime i ndjeri Zamir Shpuza e nisi karrierën e tij sportive në qytetin e tij të lindjës në Shkodër teksa arriti të fitojë edhe një titull kampioni me Vllazninë në sezonin e vitit 1991,periudhë në të cilën u grumbullua për hërë të parë me kombëtaren kundër Çekosllovakisë e vlefshme për eliminatorët e Europianit suedez.Në ato eliminatore ekipi që përfaqësonte Shpuza kundër Islandës fituan me rezultatin 1:0.Për ta vazhduar karrieren e tij sportive në Gjermani .Gjatë përiudhës kur kombëtaren shqiptare e udhëhoqi trajneri zt.Astrit Haziri,Shpuzën e aktivizoi në sfidat me Gjermaninë,Ukrainen me Portugalinë

Etj.Në total për ekipët përfaqësuese Shpuza luajt 39 ndeshje .Me 7 korrik 1997 ishte loja e fundit kundër Portugalisë ku luajti Shpuza. Kurse në fund vitin 2007 ,Shpuza u tërhoq plotësisht nga futbolli ku ushtroi gjithashtu dhe rolin e trajnerit.

I ndjeri Zamir Shpuza ka luajtur tek Vllaznia bashkë me futbollitet si Arian Laçej,Ramiz Bisha,Isak Pashaj,Avenir Dani,Hysen Dedja,Admir Bilali,Astrit Premçi,Bujar Gruda,Agron Lika,Alban Noga,Edi Martinin e emra tjerë të njohur.

Ne Speyer ka luajtur bashkë me Aziz dhe Bujar Grudën,Agron Likën,Çlirim Basha,Ardian Bushati,Edmir Bilali,me futbollistet kosovar Përparim Hasanin ,Arsim Gashin dhe Armend Lulajn.

Në fund i gjithë komuniteti shqiptarë që jeton prej vitesh në qytetin Speyer me rrethinë kishin ngelur në ngerqë kur mësuan për gjendjën e rendë shëndetsore të Zamir Shpuzës ato ditë e netë Spitali Vincencius i Speyerit ishtë këthyer në pikë qendrimi roje nate e dite ku qëndruan pa gjumë duke prituar ndonjë lajmë për gjendjën shëndetsore të Zamirit. I vëllai i tij Luani me nofullat e shtërnguara dhe me pamje që në fytyrën e tijë mund ta lexoshe dhembjën e thellë shpirtërore për vëllain e tij që tanime shpresat ishin po thuaj gati para lajmit fatal .Jepte burrëri të tabamit shkodrane mbahej i fortë duke i falenderuar ato togje burrash qe qendronin ne hyrje të sitalit ,para hyrjës se Intensives dhe ca të tjerë para trupit të tij që funksiononte me ndihmën e aparaturës me bashkohore medicionale.Dhe pasë gjithë përpjekjës ishte e pa munduar andaj Ylli i sportit shqiptarë Zamir Shpuza na la ky ishte lajmi më i hidhur që tronditi familën Shpuza fëmijët dhe bashkëshortën e ti Nenën miqët shokët dashamirët komunitetin shqiptarë të Speyerit të cilët qendruan natë e ditë pranë ti dhe të gjithë ata që e njohën dhe i njohi Zamiri ngushllime Vllaznisë së Shkodrës dhe mbarë sportit shqiptarë.Le të prehët trupi i ti në tokën e praruar të Atdheut në Shkodrën e dashurisë se ti dhe shpirti mes engjejve në parajsë.Ngushllime.