Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kryeministri i Kosovës Albin Kurti priti në takim Kryeministrin e Republikës së Shqipërisë

by

Nga Behlul Jashari

Prishtinë, 27 shtator 2021

Me nderime të larta shtetërore, në ceremoninë e organizuar në sheshin “Skënderbeu” në Prishtinë, Kryeministri i Republikës së Kosovës, z.Albin Kurti, ka pritur Kryeministrin e Republikës së Shqipërisë, z.Edi Rama.

Në vizitën e tij të parë në Kosovë, pas marrjes së mandatit të ri, kryeministri i Republikës së Shqipërisë, z.Edi Rama është pritur në Aeroportin e Prishtinës “Adem Jashari” nga ministrja e Ekonomisë, z. Artane Rizvanolli dhe ministri i Kulturës, Rinisë dhe Sportit, z. Hajrulla Çeku.

Në takimin e përbashkët ndërmjet dy kryeministrave dhe anëtarëve të kabineteve, u theksua për mundësitë dhe potencialin për rritje të bashkëpunimit për më shumë drejtësi, barazi e mirëqenie për shqiptarët në të dy anët e kufirit dhe në të gjithë rajonin.

U bisedua për hapa konkret drejt avancimit të zbatimit të marrëveshjeve të arritura më herët ndërmjet dy shteteve. Janë rreth 150 marrëveshje, memorandume dhe protokolle, të nënshkruara nga viti 2014, në mbledhjet e përbashkëta mes dy qeverive. U dakorduan për themelimin e një sekretariati koordinues për marrëdhëniet bilaterale, të cilin do ta udhëheqë z.Gentian Sala.

U diskutuan hapa konkret për projekte të përbashkëta të cilat lehtësojnë qarkullimin e qytetarëve, për lehtësira doganore dhe lehtësira në kalimin e pikave kufitare si dhe shfrytëzimit të objekteve të përbashkëta për konsullata e ambasada.

Po ashtu, u pajtuan që të fillohet me përgatitjet nga dy kabinetet për mbledhjen e përbashkët të të dy qeverive që pritet të mbahet në fund të muajit nëntor.

Në takimin e përbashkët, për çështje konkrete në fushëveprimet e ministrive përkatëse diskutuan ministrat e Kabinetit Qeveritar të Republikës së Kosovës: z.Hekuran Murati, ministër i Financave, Punës dhe Transfereve, z.Xhelal Sveçla, ministër i Punëve të Brendshme, znj.Artane Rizvanolli, ministre e Ekonomisë, z.Liburn Aliu, ministër i Mjedisit, Planifikimit Hapësinor dhe Infrastrukturës, z.Hajrulla Çeku, ministër i Kulturës, Rinisë dhe Sportit, znj.Rozeta Hajdari, ministre e Industrisë, Ndërmarrësisë dhe Tregtisë dhe znj.Edona Maloku Bërdyna, zëvendësministre në Ministrinë e Arsimit, Shkencës, Teknologjisë dhe Inovacionit; me ministrat e Kabinetit Qeveritar të Republikës së Shqipërisë: z.Bledar Çuçi, ministër i Punëve të Brendshme. znj.Delina Ibrahimaj, ministre e Financave dhe Ekonomisë, znj.Evis Kushi, ministre e Arsimit dhe Sportit, znj.Elva Margariti, ministre e Kulturës, znj.Mirela Kumbaro, ministre e Turizmit dhe Mjedisit, znj.Elisa Spiropali, ministre e Shtetit për Marrëdhëniet me Parlamentin.

Albania’s Prime Minister Calls for Recognition of Kosovo at UN General Assembly

by

Courtesy Exit News

On Friday, Prime Minister Edi Rama urged all members of the United Nations General Assembly to recognize Kosovo’s independence.

In his speech before the 76th Assembly, Rama said that in 13 years of independence, Kosovo has brought peace and stability to the region. He also told participants that the General Assembly would never be complete without Kosovo.

Rama asserted also that the Kosovo-Serbia dialogue could only end with Serbia’s recognition of Kosovo as an independent country, echoing the position of all Kosovo leaders on this matter.

Kosovo declared its independence from Serbia on February 17, 2008. To date, only 97 out of 193 United Nations member states recognize it as a sovereign state.

The relationship between Rama and Kosovo’s current government have been chilly, as attested by an interview given to German media by Kosovo President Vjosa Osmani.

This is largely due to the fact that during his past two terms Rama has successfully worked towards strengthening relations with Serbia, including by cooperating in the creation of the “Open Balkan” initiative together with North Macedonia. Rama and Kosovo Prime Minister Albin Kurti have clashed several times over Kurti’s refusal to join the initiative.

Nevertheless, in his program for his third mandate as prime minister, Rama said that he would make the recognition of Kosovo a priority.

His speech at the UN seems to be one step in this direction.

The visit of Lindita Nikolla, the Albanian Speaker of Parliament, to Kosovo on Wednesday was another. During her visit, Nikolla pledged to cooperate with Kosovo to bring back attention to the crimes Serbia committed across the Balkans in the 90s.

Courtesy Exit News

Kosovë-Mal i Zi-Bosnjë, takim në Nju Jork

by

-Komunikatë e përbashkët e Presidentes së Republikës së Kosovës, Vjosa Osmani, Presidentit të Malit të Zi Millo Gjukanoviq dhe Kryetarit të Presidencës së Bosnjës dhe Hercegovinës, Zheljko Komshiq/

NJU JORK, 23 Shtator 2021 – Gazeta DIELLI/

Nga Presidenca e Kosovës u dërgua kjo Komunikatë e përbashkët e Presidentes së Republikës së Kosovës, Vjosa Osmani, Presidentit të Malit të Zi Millo Gjukanoviq dhe Kryetarit të Presidencës së Bosnjës dhe Hercegovinës, Zheljko Komshiq: Presidentja e Republikës së Kosovës, Vjosa Osmani, Presidenti i Malit të Zi, Millo Gjukanoviq dhe Kryetari i Presidencës së Bosnjës dhe Hercegovinës, Zheljko Komshiq u takuan sot në Nju Jork gjatë javës së Nivelit të Lartë në Asamblenë e Përgjithshme të OKB-së për të diskutuar zhvillimet në tri shtetet që përfaqësojnë dhe në Ballkanin Perëndimor. Presidentët shprehën shqetësimin për zhvillimet e fundit në rajon dhe gjithashtu qëllimin e përbashkët të tyre për ruajtjen e stabilitetit si parakusht për perspektivën evropiane të të gjitha shteteve të Ballkanit Perëndimor. Të tre presidentët ranë dakord ta vazhdojnë komunikimin dhe dialogun për këtë çështje.

Kryeministri Kurti priti në takim deputeten shqiptare në Kuvendin e Kroacisë Ermina Lekaj-Përlaskaj

by

Prishtinë, 20 shtator 2021

Roli dhe kontributi i shqiptarëve në Kroaci dhe mundësitë e bashkëpunimit me Kosovën, ishim temë e takimit ndërmjet Kryeministrit të Republikës së Kosovës, Albin Kurti me znj.Ermina Lekaj-Përlaskaj, deputete në Kuvendin e Kroacisë.

Kryeministri Kurti ritheksoi mirënjohjen e thellë të Qeverisë dhe popullit të Republikës së Kosovës, për mbështetjen e vazhdueshme të Republikës së Kroacisë për Republikën e Kosovës në të gjitha fazat e shtetndërtimit. Ai shprehu gatishmëri për bashkëpunim ndërinstitucional dhe projekte që rrisin mirëqenien e shqiptarëve në Kroaci.

Znj. Lekaj i paraqiti kryeministrit mundësi konkrete të intensifikimit të marrëdhënieve ndërmjet dy vendeve në nivel akademik dhe kulturor, si dhe në fushën e ekonomisë dhe shëndetësisë.

Në këtë takim të përzemërt u rikonfirmuan marrëdhëniet tradicionalisht të mira ndërmjet Kosovës dhe Kroacisë dhe mënyrat për t’i forcuar ato në të ardhmen.​

Presidentja Osmani udhëtoi zyrtarisht për në New York

by

PRISHTINË, 18 Shtator 2021 – Gazeta DIELLI/ Presidentja e Republikës së Kosovës, Vjosa Osmani ka udhëtuar për në New York, e shoqëruar edhe nga ministrja e Jashtme, Donika Gërvalla.

Në margjina të sesionit të 76-të të Asamblesë së Kombeve të Bashkuara (UNGA) në New York, Presidentja Osmani do të ketë një sërë takimesh me delegacione të disa shteteve pjesëmarrëse, presidentë, kryeministra dhe ministra të jashtëm.

Presidentja Osmani, poashtu do të ketë takim edhe me mërgatën shqiptare në Amerikë, si dhe me figura politike që kanë mbështetur rrugën e Kosovës për pavarësi dhe shtetndërtim. Ndërkaq në Universitetin Columbia, Presidentja do ta ketë një ligjëratë dhe diskutim.

Takimet do të jenë në funksion të përpjekjes për fuqizimin e subjektivitetit ndërkombëtar të Kosovës.