Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

PRESIDENTI I REPUBLIKËS DO TË DEKOROJË MARTIRËT E FEDERATËS “VATRA”

by

* Do të dekorohen : Aqif Përmeti, Bahri Omari, Kolë Tromara, Kristo Kirka, Koco Kota, Aqile Tasi, Kolë Rodhja, Ali Kuci, Faslli Frashëri, Kristo Floqi, Andon Frashëri, dhe Halit Qyteza./
* Njoftohen të afërmit që janë në Shqipëri t’i bashkohen ceremonisë /
* Fati i martireve te Vatres te pushkatuar, burgosur, internuar nga Enver Hoxha, duhet t’i bejne qe te reflektojne nostalgjiket qe dalin me portretet e Enver Hoxhes ne sheshe e mitingje!
Mos i fyeni martiret!/
* Po atë ditë do të dekorohet edhe zv/ Kryetari i Vatrës, Agim Rexhaj./
Kryetari i Vatrës, dr. Gjon Bucaj, është njoftuar se me 24 Nëntor në orën 5 pasdite, në prag të 102 vjetorit të Pavarësisë së Shqipërisë dhe Festës së Flamurit Kombëtar, në Presidencë do të organizohet ceremonia e dekorimit të Martirëve të Federatës Panshqiptare të Amerikës”VATRA”.
Propozimet për martirët janë bërë nga Kryesia e Vatrës dhe janë miratuar nga Këshilli i saj.
Dekorimi është një vleërsim i vonuar, dy dekada pas rrëzimit të diktaturës komuniste. Vatranët martire, të prirur nga idealet Kombëtare, lanë Amerikën dhe shkuan t’i shërbejnë Shqipërisë; shkuan të bënin Shqipërinë. Shpërblimi nga Qeveria Komuniste për idelaizmin e tyre ishin prangat dhe plumbat, ishin qelite dhe kampet e internimit!
Ky dekorim, edhe pse i vonuar, është vlerërsim për kauzën atdhetare të Vatranëve, që i kanë bërë shërbime të cmuara Kombit, pa kursyer as jetën, sic bënë martirët vatranë!
Pse i ka propozuar VATRA për dekorim martirët e saj? Në pak rreshta jepet gjithcka:
M A R T I R Ë T E “V A T R Ë S”
të cilët diktatura komuniste, në vend të nderimit, i ndëshkoi me plumba, i internoi dhe i burgosi, ata dhe bijtë e tyre:
AQIF PERMETI, menaxher i “Diellit”, komandanti që i stërviti në Neë England dhe udhëhoqi Trupat Vullnetare të “Vatrës” në Shqipëri më 1920, nuk u kthye më në Amerikë, por qëndroi për t’i shërbyer Atdheut. Në vend të nderimit, komunistët e pushkatuan.
BAHRI OMARI, editor i “Diellit”, deputet i Parlamentit, Ministër i Jashtëm. U çua para skuadrës së pushkatimit, edhe pse nuk iu provua asnjë lloj krimi a faji.
KOLË TROMARA, sekretari i Besa-Besën dhe kryetar i Vatrës, nuk pranoi që të kthehej me shpinë nga skuadra e pushkatimit, duke treguar shpirtin e pamposhtur të vatranit.
KRISTO KIRKA, ish kryetar i Besa-Besën, menaxheri i parë i “Diellit”, pasi u bë pronë e Vatrës më 1912, kryetari i degës nr 1 të Vatrës në Boston, konsull nderi i Shqipërisë në Boston dhe Neë York, deputeti i Korçës, ish nënprefekt i Himarës dhe Bilishtit, kryetari i fundit i Bashkisë së Korçës, para se të vinin në pushtet komunistët. Vdiq si martir në burgun e Burrelit. Trupi nuk iu kthye familjes.
KOÇO KOTTA, bashëthemelues i “Vatrës”, i pranishëm në të gjitha mbledhjet e komisionit themelues, kryeministër i Shqipërisë për 3 vjet, vdiq nën tortura të egra në burgun e Burrelit.
AQILE TASI, 8 vjet zyrtar i Vatrës, ish kryetar i saj dhe editor i gazetës “Dielli”. U burgos, u torturua dhe u shua në burgun e Burrelit.
KOLË RODHJA, vatran i dimrit dhe beharit, ish editor i “Dielli” dhe bashkëpuntor i themeluesavet. U torturua dhe vdiq në burgun e Burrelit.
ALI KUÇI, aktivist i dalluar, i prini fushatës”Përshpëtimin e Shqipërisë”, qëorganizoi “Vatra” me 1917-1919. Iu pre jetagjatëtorturavenëhetuesi.
FASLLI FRASHËRI, veprimtar i Vatrës, nacionalist i shquar, i internuar në Ventotene nga italianët, luftëtar i lirisë, u dënua me pushkatim dhe u ekzekutua nga komunistët.
KRISTO FLOQi, bashkëthemelues i Vatrës dhe editor i Diellit. Veprimtar i shquar i Pavarësisë;poet, dramaturg, studiues, publicist i njohur. U arrestua dhe u burgos nga regjimi komunist dhe mandej vdiq në mjerim te madh, ndersa te birin ia internuan.
ANDON FRASHËRI, veprimtar i Vatrës, sekretar i saj, gazetar dhe nëndrejtor i Diellit. Atdhetar, shkrimtar, përkthyes, pedagog i Liceut të Korçës. U burgos nga regjimi komunist dhe u persekutua familjarisht mbasi doli nga burgu.
HALIT QYTEZA, aktivist i dalluar i “Vatrës”, dha shumër rekord prej $6000 për uhanë kombëtare. U dënua me 20 vjet burg në Korçë në vitin 1945, i vëllai Qamili u pushkatue, familja e madhe e tij u shpronësua dhe u internue.
Shënim: Në ceremoninë e dekorimeve kryetarin e Vatrës do ta shoqërojë zv/ Kryetari Agim Rexhaj, sekretarja Nazo Veliu si dhe anëtarë ët Këshillit.
Zoti Agim Rexhaj do ët dekorohet për veprimtarinë e tij të përkushtuar si veprimatr i dalluar i komunitetit shqiptar, si vatran, si drejtues i Vatrës dhe organizatave e shoqatave ët tjera që kanë vepruar në Diaspoërn e Amerikës.
Hollësitë për ceremononë dhe veprimtarinë e secilit ët dekoruar do t’i sjellim pas organizimit të saj në Tiranë.
Fati i martireve te Vatres te pushkatuar, burgosur, internuar nga Enver Hoxha, duhet t’i bejne qe te reflektojne ata qe dalim me portretet e Enver Hoxhes ne sheshe e mitingje!
Mos i fyeni martiret!

NISI ME $ 13,150 FUSHATA E VATRËS

by

FUSHATA VAZHDON DHE DO TE PERFSHIHET CDO VATRAN/
Të Shtunën me 8 nëntor 2014, në Shtëpinë e Vatrës, nisi fushata për mbledhjen e fondeve që do të shërbejnë për arkivin, bibliotekën dhe moblimin e zyrave të Vatrës.
Fushata nisi në mbledhjen e Këshillit të Vatrës nën drejtimin e kryetarit dr.Gjon Bucaj.
Pasi z. Bucaj informoi për masat që ishin marrë për realizimin e veprimtarive me rastin Ditës së Flamurit, shtroi kërkesën e editorit për një mbështetje në realizimin e numrit special të 28 Nëntorit të DIELLIT, bëri thirrje që të gjithë duhet ta mbështesin editorin, që nga kryesia, Këshilli e deri tek anëtarësia e Vatrës.Ai vecoi kontributin e z. Uka Gjonbalaj.
Kryetari i Vatrës përmendi gjatë këtij takimi edhe intervisten që anëtari i këshillit të Vatrës, Ramiz Mujaj, i kishte marrë At Nikolla Markut priftin që shërben në Kishën e “Shën Mërisë” në Elbasan dhe e trajtoi me detaje gjendjen dhe rolin e kësaj kishe.
Më pas u diskutua për fushatën për mbledhjen e fondeve. Vatra ka një përvojë të gjatë në organizimin e fushatave, fillimisht për Kombin, dhe vonë për mbijetesen e vet. Janë të njohura fushatat për “Shpëtimin e Shqipërisë”, që pat nisë me 3 Qershor 1917,ku u mblodhën 150 mijë dollarë, Fushata për “Huanë Kombëtare” 1920-21, ku u mblodhën më shumë se 197 mijë dollarë. Po ashtu janë organizuar fushatat më pas si ato të pas Luftës së Dytë Botërore për të ndihmuar popullin shqiptar të dëmtuar nga lufta me anë të Kryqit të Kuq etj.
Po me ndihmën e fushatave fondmbledhëse nën drejtimin e z. Agim Karagjozi, Vatra ka sot Shtëpinë e saj trekatëshe(të siguruar nga z. Zuhdi Karagjozi), e cila ka kontributin e shumë vatranëve( Zef Balaj, Ibrahim Kolari, Sejdi Hysenaj, vëllezërit Bitici, Arjan Myrtaj, Agim dhe Ramiz Mujaj, Ahmet Hoti,Zef Pernocaj dhe shumë të tjerë)…. dhe së fundi u rikonstruktua falas nga z. Rrustem Gecaj.
Për drejtimin e fushatës u ngrit një Komision, i cili do të merret me mbledhjene fondeve dhe pas tij, një komision tjetër do të merret me projektin e Bibliotekës, Arkivit dhe moblimin e zyrave.
Fushata, e cila sapo nisi të Shtunën, do të vazhdojë edhe për të ardhmen. Anëtari i këshillit të Vatrës, vatrani Sabit Bytyci, do të organizojë në restorantin e tij një darkë për mbledhjen e fondeve.

Kontributet e mbledhura deri tani janë :

1- Bedri Lita – $ 3000
2- Mehmet Kadrija $1000
3-Skënder Murtezani $550
4- Agim Rexhaj $500
5- Asllan Bushati $500
6-Mithat Gashi $ 500
7-Agim Alickaj $ 500
8- Albert Perndocaj $500
9-Fatos Mucho $ 500
10- Merdjan Hysen $500
11- Marjan Cubi $ 500
12-Uka Gjonbalaj $ 300
13- Ahmet Giafo $ 300
14-Ibrahim Kolari $ 300
15- Leke Gojcaj $ 200
16- Dalip Greca $ 200
17- Ramiz Mujaj $ 200
18- Adem Cukaj $ 200
19- Ahmet Hoti $ 500
20- Ndrece Gjergji $ 100

****
1- Nexhat Kaliqi $ 1000
2- Gjon Bucaj $ 500
3- Ismer Mjeku $ 300
4- Syle Lajci $ 200
5- Idriz Lamaj $200
6- Halil Mula $ 100
Kryetari i Vatres dr. Gjon Bucaj, i falenderoi kontribuesit dhe se në këtë fushatë do ët përfshihet cdo vatran sipas mudnësisë që ka. Ai porositi degët që edhe ato në ëprvojën e Vatrës në vite, ta organizojnë fushatën paarlelisht.
Dr. Bucaj shprehu falenderime edhe për tre kontributorët e më parshëm, që i patën nisë dhurimet para fillimit të fushatës:
1- Cezar Ndreu, që investoi rreth 2 mijë dollarë për redaksinë e Diellit për kompjutera dhe print.
2- Ahmet Hoti, për dërgimin e $ 500
3- Ndrecë Gjergji $ 100

DR. NAIL DRAGA, DREJTOR I QENDRËS KULTURORE NË ULQIN VIZITOI FEDERATËN VATRA

by

Të Shtunën me 8 nëntor 2014, Dr. Nail Draga, drejtor i Qendrës Kulturore në Ulqin, vizitoi VATRËN. Z. Draga shoqërohej nga kryetari i Shoqatës “Ana e Malit” Ismet Kurti dhe gazetari Beqir Sina.
Stdiuesi dhe shkrimtari Nail Draga, u prit nga Editori i Diellit, Dalip Greca. Ai e prezantoi mysafirin me historinë 102 vjecare të VATRË-s dhe 105 vitet e publikimit të Gazetës më të vjetër të Botës Shqiptare Dielli.
Z. Draga u njoh edhe me ekspozitën fotografike”100 vitet e Vatrës” si dhe me disa prej ekzemplarëve të arkivit, si dhe botimet origjinale të veprave të Nolit dhe Konicës.
Mysafiri, Dr. Nail Draga dhuroi për bibliotekën e VATRËS librin e tij”Intelektuali dhe Paragjykimet” si dhe kopje të revistës”Lemba”, revistë shkencore, kulturore e artistike, që botohet nga art Club Ulqin nën drejtimin e tij.

***
Dr. Nail Draga po të Shtunën ishte i ftuar edhe në studion e Televizionit Kultura Shqiptare të z. Adem Belliu, ku dha një intervistë për teleshukuesit e këtij televizioni. Z. Draga u intervistua nga gazetari Beqir Sina.
***
Sipas infromacioneve që ka gazeta Dielli dr. Nail Draga bëri edhe një vizitë në shkollën Shqipe në Bronx-NY, ku u prit nga themeluesi i kësaj shkolle, z. Gjergj Dedvukaj, nga drejtori i shkollës Mustafe Qosja dhe ekipi i mësuesve.
***
Po ashtu dr. Nail Draga ishte për vizitë edhe ne Shkollën Shqipe në Manhattan, ku pritën nga bashkshortët, drejtues të kë saj shkolle, Qemal dhe Kozeta Zylo. Mysafiri shoqërohej nga z. Ismet Kurti dhe Dr.Sabina Osmanovic.
Mysafirët vizituan shkollën shqipe dhe bashkë biseduan me më suesit dhe nxënësit.
***
KUSH Ë SHTË Dr. NAIL DRAGA?
Nail Draga ka lindur në vitin 1957 në Draginë (Ana e Malit) Komuna e Ulqinit, është gjeograf shqiptar.
Nail Draga Dr., në vendlindje ka kryer shkollën fillore gjegjësisht në Katërkollë(1972), të mesmën-gjimnazin në Ulqin(1976), ndërsa ka studiuar gjeografinë në FSHMN në Universitetin e Prishtinës (1976-1980). Nail Draga punuar në Unversitetin e Prishtinës, Fakulteti i Shkencave Matematiko-Natyrore, Dega e gjeografisë, fillimisht si asistent e më pas ligjerues(1983-1998). Studimet pasuniversitare i ka përfunduar në Universitetin e Zagrebit ku edhe ka magjistruar(1988). Disertacionin e doktoranturës e ka mbrojtur në Universitetin e Tiranës në vitin 1999. Ka qenë në dy mandate drejtor i shkollës “Bedri Elezaga” në Katërkollë-Ulqin(1998-2003, 2007-2011).
Nga 31.10.2011 është drejtor i Qendrës Kulturore në Ulqin.
Dr. Nail Draga është autor këtyre librave:
1.Shqiptarët në Mal të Zi, Art Club,Ulqin, 1994,
2.Albanci u Crnoj Gori, Art Club, Ulcinj, 1995,
3.Gjurmë gjeografike, Art Club,Ulqin 1997,
4.Komente dhe opinione, Art Club, Ulqin, 1999,
5.Shpalime gjeografike, Art Club,Ulqin, 2001,
6.Meditime për identitetin, Art Club,Ulqin, 2005,
7.Kultura dhe shoqëria civile, Art Club, Ulqin, 2009
8.Intelektuali dhe paragjykimet,Art Club, Ulqin, 2013
Dr. Nail Draga ka marrë pjesë në shumë takime, tribuna, sesione, simpoziume dhe konferenca të ndryshme shkencore, nga fusha e gjeografisë, etnologjisë, historisë, ekologjisë dhe çështjeve të drejtave të njeriut brenda dhe jashtë vendit.
Ka qenë anëtar i Këshillit të përgjithshëm të arsimit(2003-2008), subjektit me të lartë arsimor në Mal të Zi. Me ftesë të kongresmenit Tom Lantosh, me datën 30.10.2003, në Kongresin Amerikan në Uashington ka dëshmuar në një seancë degjimore në lidhje me Poziten dhe statusin e shqiptarëve në Mal të Zi. Ka marrë pjesë në takime të ndryshme shkencore në vend dhe në botën e jashtme me kumtesa nga fusha e gjeografisë[1].
Deri më tash ka botuar rreth 300 artikuj, studime, recensione, vështrime dhe komente nga fusha e gjeografsië dhe e publicistikës, në botime të veçanta, revista dhe gazeta te ndryshme në hapësirën shqiptare dhe më gjerë.[2]
Dr. Draga është një nder themeluesit e Shoqatës së Artisteve dhe Intelektualeve ART CLUB[3] (28.12.1990) në Ulqin si dhe president saj nga viti 1995-2002. Është themelues dhe kryeredaktor i revistës LEMBA (shkencë, kulturë, art) nga viti 1998. Po ashtu edhe redaktor dhe recenzentë i botimeve të ndryshme ne edicionin e botimeve të Art Club-it.Udhëheqes dhe organizator i shumë veprimtarive shkencore, kulturore dhe artistike. Gjithashtu merret edhe me publicistikë.

Na shkruajne nga Gjirokastra-KERKOJME TE AFERMIT TANE NE AMERIKE!

by

Jam Bashkim Çani nga qyteti i Gjirokastres nga Shqiperia. Ne nje artikull te gazetes lexuam se midis kontribuesve te tjere per Kontributet e Çeshtjes Kombetare ne vitin 1917 jane edhe Azis Roqi dhe Bilal Roqi.
Azis Roqi dhe Bilal Roqi jane te afermit tane, por per arsye te sistemit komunist ne jemi shkeputur dhe nuk kemi mundur dot te lidhemi me pasardhesit e tyre.
Ne duam te lidhim kontakte me trashegimtaret e Bilal Roqit. Femijet e Bilal Roqit jane Nebahet Roqi, Ali Roqi, Shevqet Roqi.
Dime qe Nebahet Roqi eshte martuar dhe mban mbiemrin Kazimi.
Nese mundeni, ju lutemi te na ndihmoni me nje adrese te trashegimtareve te Bilal Roqit, per arsye familjare qe jane ne interes te tyre.
Adresa jone eshte: Bashkim Çani
Lagjja: “Dunavat i pare”
Gjirokaster
Albania
Numer telefoni: +355684282993
E-mail: valtercani357@yahoo.com
Me respekt

Bashkim Çani

33 mijë votues në Connecticut shpallin Pizzën e pronarit Shqiptar më e mira e vitit 2014

by

* “New York Family Pizza”, pronë e nënkryetarit të VATRËS, z. Agim REXHAJ,shpallet më e mira për këtë vit!/
*Në listën e përvitëshme të votueseve të Radio Q105 – të Pizza – Restoranteve -Pizza – lokali i shqiptarit Agim Rexhaj,zv/Kryetar i Federates Pansqiptare te Amerikes VATRA, votohet si restoranti më i mirë me 33 mijë votues/
Nga Beqir SINA – Groton Connecticut/
GROTON CONECTICUT : Radio Q-105 është një radio mjaft e dëgjuar në qytetin Groton- New London dhe në Connecticut (Konektikët) – e cila e ka shpallur Pizza – Restorantin e shqiptarit” New York Family Pizza”, si pizzerinë më të votuar dhe më të mirë në South-Easter-Connecticut (Konektikët Jug Lindor) nga dëgjuesit e radios numër 1 në Konektikët me motivacionin :”New York family Pizza” voted Best Pizza South-Easter Connecticut by Q105 listeners”
Restoranti i shqiptarit “New York Family Pizza”, i cili gjendet në qendrën tregëtare në qytetin Groton – me pronarë shqiptarin nga Peja zotin Agim Rexhaj është një biznes i njohur në këtë zonë qe 25 vite, i cili këtë vit është tërsisht i rinovuar dhe i ndërtuar në stlin europian të lokaleve, të gastronomisë, nga firma e ndërtimeve LT Construction me pronar Eltion Seferin.
Kjo Pizzeri u votua si më e mira e vitit 2014 – për përgatitjen e pizzës dhe shijen e saj nga 33 mijë dëgjues, tha javën e kaluar Radio-Q105, në një emison special drejtëpërsëdrejti – realizuar për 2 orë nga lokali “New York Family Pizza” ku reporterët e radios Q-105 me këtë rast shpërndan me dhjetra dhurata falas për klientët që hynin në Pizzeri.
Lokali që ka bërë emër të mirë në fushën e biznesit të suksesshëm shqiptarë në Amerikë, menaxhohet nga dy djemtë e zotit Rexhaj – Labinoti dhe Pajtimi (Lot dhe Timmy Rexhaj), të cilët me sjelljen dhe shërbimin e tyre shëmbullor – kane bëre atë që Restoranti “New York Family Pizza”, të shpallet më i votuari në pjesën Jug Lindore të Konektikët – nga 33 mijë preferues të picës.
Pizza e “New York Family Pizza”, tha të ejten Radio Q105 – është e përgatitur nga picemen të talentuar me shije të veçantë, ajo dallohet për nga cilësia dhe niveli i lartë i shërbimit – pastërtia e lokalit dhe estetika – të cilat kan bërë atë që ky lokal të jetë për vitin 2014 Pizza–Restoranti më i mirë, për gjithë zonën Juglindore të shetit federal – Konektikët. “Kostumerët e saj udhëtojnë me kilometra – për të ardhur dhe shijuar pizzën thotë Lot Rexhaj duke shtuar se dhe kërkesat e klientëve të saj – janë të shumta për hapjen e lokaleve të reja”.
Lot Rexhaj – menaxheri i suksesshëm i kësaj pizzerie, i tha Radio Q105 se ” Natyrishtë, që jam shumë i kënaqur për këtë vlerësim nga 33 mijë dëgjues të radios tuaj , por, shtoi ai do të theksoja se esenca e asaj që ne përpiqemi të bëjmë, në këtë pizza restorant, është se duam t’i japim klientëve një sens vendi dhe shije të veçantë, të ushqimit tonë, për të lënë çdo klientë sa më të kënaqur – dhe që të vijnë përsëri”, tha ai–
Ndërsa, vëllai i tij Timmy Rexhaj që punon mbi 70 orë në javë, tha për Radion Q105, drejtpërsëdrejti tha:” Së pari dhe më unë do të doja të shpreh mirënjohjen time për të gjithë klientët, të cilët votuan për Pizza e “New York Family Pizza”. Ne së bashku – natyrisht kemi pasur një kënaqësi absolute për të shërbyer njerëzit e Groton për 25 vjet ‘ tha ai.
Në këtë Restorant Pizzeri thotë pronari i saj – vlen të theksohet edhe puna shumevjeçare dhe profesionale e Pizzamenit Fatos Hetemaj – i cili është një i afërt me familjen Rexhaj.
Pronari i saj zoti Rexhaj për këtë sukses të arritur në Pizzeri-Restorant si piceria më e mirë e pjesës Juglindore të Konektikët, tha me këtë rast ai e vlerëson lartë kontributin dhe përkrahjen e parezerve të bashkëshortes së vet Dr.Laura Rexhaj.
Agim Rexhaj – aktualisht, është Nënkryetar i Federates Panshqiptare te Amerikes-VATRA dhe ka qenë për shume vite kryetar i LDK-së dega e saj në SHBA, atdhetar dhe demokrat i flakët, i cili ka një kontribut të madh në komunitet.