Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

VATRA, PJESMARRËSE DHE NJË NGA SPONSORËT E DEMONSTRATËS NË WASHINGTON

by

Një nga pikat e rendit të ditës të Këshillit të Vatrës, organizuar me 5 prill, ishte dhe mbështetja që Federata i jep demonstratës që organizojnë shoqatat dhe fondacionet me origjinë nga trevat shqiptare në Mal të Zi për të dënuar politikën diskriminuse që ndjek prej vitesh Gjukonovici me qeverinë malazeze në drejtim të mohimit të drejtave më elementare të shqiptarëve dhe asimilimit. Në takimet e organizuara nga komisioni i demonstratës Vatra është përfaqësuar me zv/kryetarin e saj z. Asllan Bushati.

Kryetari i Vatrës, dr. Gjon Bucaj, tha se kjo demonstratë është shumë e rëndësishme për të drejtat e bashkadhetarëve tanë që jetonë në trojet e veta në Mal të Zi, ku të drejtat e tyre janë nëpërkëmbur dhe asimilimi po rrezikon të ardhmen e shqiptarëve në trojet e veta. Z. Bucaj tha se ky solidaritet i Vatrës  dhe i shumë shoqatave të tjera këtu në Shtetet e Bashkuara të Amerikës është një sinajl edhe për bashkimin e faktorit politik shqiptar në Mal të Zi, i cili me moskordinimin mes vetes kanë ndihmuar asimilimin e shqiptarëve.

Po ashtu dr. Gjon Bucaj, bëri publik, një propozim që i ka bërë anëtarit të Ansamblesë Kombëtare të Shtetit të Nju Jorkut, z. Mark Gjonaj, për t’u vënë në krye të një delegacioni shqiptaro-amerikan, për të organizuar një vizitë në Mal të Zi për të kërkuar të drejtat e shqiptarëve.

Për demonstratën e së martës-8 Prill 2014 në Washington, iu bë thirrje vatranëve në Nju Jork dhe degëve të tjera, vecanërisht asaj në Washington, që të bëhen pjesë e demonstratës.

Në fund të takimit u organizua një fushatë simbolike për të sponsorizuar udhëtimin drejt Washingtonit.

Grupit të vatranëve pjesmarrës në demonstratën e Washingtonit do t’i prijë zv/kryetari i Vatrës, Asllan Bushati.

Të dashur vatranë bëhuni mbështetës të kësaj demonstrate për të mbështetur bashkatdhetarët tanë në Mal të Zi dhe për t’i thënë ndal asimilimit!

Z. RRUSTEM GECAJ I DORËZOI CELËSAT E SHTËPISË SË RINOVUAR KRYETARIT TË VATRËS

by

Të shtunën me 5 prill 2014, z. Rrustem Grcaj, në prani të Këshillit të Federatës Panshqiptare të Amerikës VATRA, i dorëzoi celësat kryetarit Gjon Bucaj. Kryetari i Vatrës e falenderoi z. Rrustem Gecaj, biznesmen i njohur për dhurime e mbështetje të cështjes Kombëtare,-( njëkohësisht ai është edhe anëtar i këshillit të Vatrës),për këtë dhuratë që u bëri vatranëve dhe komunitetit shqiptar.

Kryetari Bucaj tregoi historinë e Shtëpisë së Vatrës, e cila është blerë me kursimet e vatranëve ndër vite. Ai përmendi kontributin që patën dhënë viteve të shkuara një grup vatranësh në rinovimin e ndërtesës. Ndërsa atëhere grupi që mori përsipër rinovimin , i prirur nga Kryesia e Vatrës dhe Kryetari Karagjozi, ishte me pjesmarrës të  shumtë, si Zef Balaj, Arjan Myrtaj,Ibrahim Kolari, Sejdi Hysenaj, Ahmet Hoti, vëllezërit Bytyci, Zef Perndocaj, Jonuz Ndreu,Ramiz Gjini,  e shumë të tjerë, këtë herë rinovuesi ishte vetëm një, Rrustem Gecaj.

E falenderojmë për këtë bujari që anëtari I Këshillit të Vatrës tregoi ndaj nesh dhe vatranët do t’I jenë përherë mirënjohës, tha dr. Gjon Bucaj.Puna që ka bërë z. Rrustem Gecaj, është e një cilësie të lartë, flet vetë Shtëpia që duket si e re.

Ndërsa z. Rrustem Gecaj duke i dorëzuar celësat e Shtëpisë së rinovuar(edhe dyert i vendosi të reja), tha se ndjehej mirë për vlerësimin dhe mirënjohjen e kryetarit të Vatrës dhe gjithë vatranëve. E bëra se I kisha mundësit, tha ai. Ta gëzojmë së bashku! Uroj që për një të ardhme jo të largët, të arrijmë që të bëjmë një Qendër shumë herë më të madhe se kjo shtëpi.

Ceremoninë simbolike e ndoqi edhe media, TV 21, TV Kultura Shqiptare dhe Gazeta Dielli.

High School Students Raise Money for Vatra Education Foundation

by

By Mithat Gashi

Two high school students raised money for Vatra Education Foundation. Albert Pali and Ledio Samarxhiu, the only two Albanian students attending Chicago’s prestigious Northside College Preparatory High School, created an Albanian Club to promote Albania’s culture and history among their peers, and raised money for Vatra Education Foundation in the total amount of $433.27. Northside College Prep, a selective enrollment school established in 1999 serving about 1,100 students, is ranked by U.S. News and World Report as the number 1 public school in Illinois and number 33 in the United States.

According to Albert, “The Albanian club has 50 members. 48 are non-Albanian.”  When asked what motivated non-Albanians to join the club, Pali said, “We were able to accumulate this many non-Albanian members into our club because we always talked about our culture.”

“Ledio and I founded Albanian club earlier because we saw it as an excellent way to give back to the Albanian Community.”

In the process of teaching their fellow students about Albanian Culture Pali and Samarxhiu wanted to fundraise for a cause. They got permission from the principal of the school to do fundraising for Vatra’s Education Foundation.  They set up a table outside of the cafeteria and sold healthy drinks and snacks.  They set up pictures of Albanian cities from all Albanian territories in the Balkans along with a selection of books on Albanian history.

Pali said, “We set up flags and poster boards explaining what Vatra was and who the Albanians are.”  Pali explained that he has a strong interest in Albanian history and that among the books he brought to school during the fundraising event were Historia e Skenderbeut by Marin Barletti and The Cham Tragedy by Beqir Meta (Pali’s favorite).

Ledio Samarxhiu was born in Elbasan.  His parents migrated to the United States when Ledio was two years old. He will graduate from high school in in June, 2014 and intends to study Economics and then go for a Master’s in Business Administration.   Albert Pali was born in Chicago. His parents are Albanian from Montenegro and Kosova. Albert’s father was born in Ulqin and his mother in Mitrovica. After he graduates from high school in June, 2014, Albert‘s plans are to major in Political Science and then go to law school.

Vatra congratulates both Albert and Ledio for their excellent academic record and for their community service activities and thanks them for reaching out and making a contribution to Vatra Education Foundation.  Vatra wishes them both a great academic career at the university level and encourages them to stay active in the Albanian Community and in the student life affairs at the university level.

RRUSTEM GECAJ PËRFUNDOI RINOVIMIN E SHTËPISË SË VATRËS

by

Të premten me 4 prill 2014, Rrustem Gecaj, biznesmeni i njohur për bujari e atdhetari, shqiptaro-amerikani me origjinë nga Lluka e Deçanit, përfundoi rinovimin e Shtëpisë së Vatrës.Zoti Gecaj e kishte marrë zotimin me 22 shtator 2013, gjatë një vizite që bëri në Shtëpinë e Vatrës ish Kryeministri i Kosovës, Ramush Haradinaj.Vatrës i takon një shtëpi më e bukur, më e bollshme; i prishni këto dhomëza, i jepni hapësirë më shumë, historia e vatrës duhet të preket- qe shprehur ai dhe po aty kishte shtuar: Unë do ta marr përsipër që ta bëj! Unë do ta rinovoj Shtëpinë e Vatrës! Publikisht  Vatra e dha njoftimin gjatë një darke që shtroi për nder të Presidentit të Shqipërisë z. Bujar Nishani, ku ishte i pranishëm edhe z. Rrustem Gecaj.

Puna për rinovimin e ndërtesës nisi në fillim të muajit Mars 2014 dhe vazhdoi për një muaj. Rinovimi i katit të parë ishte tërsor dhe preku edhe sistemin elektrik, atë hidraulik, u rrëzuan muret,u vu shitrak, u bë plastër,  u zhvendosen tubacionet, u shtruan dyshemetë, u ndërhy në sistemin e ngrohejes, në atë elektrik etj. Çdo ditë punuan 5-7 dhe më shumë punëtorë, përveç specialistëve hidraulikë e elektrikë. Riparimi përfshiu edhe mjediset e jashtme të dy kateve të sipërme dhe bejzmentin.Vetë zoti Gecaj i udhëhoqi punimet duke ardhur çdo ditë në Shtëpinë e Vatrës së bashku me djalin , Avniun. Janë shpenzuar me dhjetëra mijëra dollarë, por z. Gecaj nuk jep shifra. I kam bërë si për shtëpinë time, thotë. Vatra është shtëpia e të gjithë Shqiptarëve, tha për Diellin Rrustem Gecaj. Ai jo vetëm pagoi punëtorët dhe specialistët për një muaj, por të gjitha materialet i bleu vetë. Puna u bë me cilësi. Ganiu që drejtoi punimet, tha për Diellin se ndjehej i gëzuar që Bosi, Rrustemi, mbeti shumë i kënaqur nga cilësia e punës. Porosia që na pat dhënë ishte e prerë:-Djema, bëni punë si në shtëpinë time, si në shtëpitë tuaja. E dua me cilësi gjithçka. Në fakt , shton Ganiu, na doli shumë punë, sidomos në shtrimin e floorit. Materiali ishte i kalbur. Na u desh që të hiqnim deri dhe trarët.Por, gjithësei jemi të kënaqur, që puna na doli shkëlqyshëm.

-Ka qenë shumë I preukupuar me Shtëpinë e Vatrës, baba Rrustem,s’ka lanë ditë pa ardhur e pa I kontrollua punimet, ndërkohë që nuk I sheh kështu punimet në objektet e veta. Donte që gjithçka të ëbhej mirë, më tregon djali, Avniu, që po ashtu, ka qenë I përditshëm në shtëpiën e Vatrës.

Gjatë ditës së Premte, me 4 prill, kishin ardhë për ta falenderuar z. Rrustem Gecaj, kryetari i Vatrës, dr. Gjon Buçaj, i shoqëruar nga zv/kryetari Asllan Bushati, nga anëtari I Advisary Board Zef Përnocaj, editori i Diellit.

Z. Gecaj që shoqërohej nga djali i tij Avniu dhe z. Rasim Hasanaj, tha se ndjehej i gëzuar që kishte mundur të jepte kontributin e vet për Vatrën Kombëtare. Ndjehem mirë, tha ai, që ju jeni të kënaqur nga puna. Dr. Gjon Buçaj e falenderoi z. Gecaj në emër të vatranëve dhe tha se vatranët nuk do ta harrojnë kurrë këtë dhuratë tepër të vlefshme. Ky kontribut do të shënohet në rekordet e Vatrës 102 vjeçare.

Dje në shtëpinë e Vatrës kishte edhe vizitorë të largët. Kishte ardhë për vizitë edhe gazetari i TV Vizion Plus,Tiranë,  Saimir Sulaj i shoqëruar nga ish gazetari i Zërit të Amerikës Shaqir Saliu. Edhe ata e takuan biznesmenin atdhetar Rrustem Gecaj dhe e përgëzuan për kontributin e tij me vlera kombëtare.

Te shtunen me 5 prill Keshilli i Vatres do ta zhvilloi takimin ne sallen e re.

Më gjërësisht rreth puëns për rinovimin e Shtëpisë së Vatrës dhe veprimtarisë së Rrustem Gecaj do të lexoni në Diellin e printuar.

DEGA E VATRES NE QUEENS SHFAQI FILMIN DOKUMENTAR PER ÇAMERINE

by

Dega e Vatres ne Queens me kryetar dr. Skender Murtezani, i gezoi Vatranet e deges se saj dhe mysafire te tjere duke promovuar ne kete dege filmin dokumentar per Historine e Çamerise. Filmi u prit me nje kenaqesi te jashtzakonshme, shume nga ne mesuam detaje te reja nga ky moment i rralle i tragjedise njerezore. Filmi ishte nje dokumentar jashzakonish mire i prezentuar me nje modesti dhe faktifikim te lakmushem duke lene vend per nje ardhmeri te deshuruar me repektim reciprok te shqiptarve dhe grekve. Ne na ndau politika barbare e shtetit grek dhe politika impotente e shtetit Shqiptar te asaj kohe. Kishte edhe diskutime pas filmit, u munduam ti japim kahje çeshtjes Çame edhepse shum ekspert dhe historian kane lene libra fakte dhe dokumentime te momenteve tragjike te popullit tone ne kto troje. Moment te njejte historik kane pesuar edhe Gjermanet ne Vojvodine /500,000 banore/ me mijera u vrane ua moren pronat dhe me mijera  u larguan jasht vendit. Edhe  ata me pretekst te kolaborimit me pushtetin fashist.

Shqiptareve ne Çameri u ndodhi sikur Hitleri dhe fashizmi te kishin lindur ne Çameri, nje pretekst per te shprazur energjine antishqiptaromyslimane edhepse kur nuk i kishte bere dem as popullit grek e aq me pak kishes greke, edhe vellezerit tone orthodoks e pesuan ndoshta edhe me keq ata ishin deshmitar te nje çmendurie shtazarake te masakrimit te vellezerve te tyre pa mundesi te ndihmojne dhe, me vone pesojne asimilimin kombetar te dhunshem.

Ky moment historik duhet dokumentuar ne menyre shkencore duhen, emrat e viktimave te dokumentohen, emrat e te shperngulurve dhe pasurite te regjistrohen. Te kerkohet e drejta e kthimit te femijve niprive dhe mbesave te Shqiptarve ne trojet e baballarve te tyre ne Çameri duke sugjeruar qeverise greke menjanimin e ligjeve shoveniste dhe te politikes se urejtjes qe pengojne realizimin e te drejtes fundamentale njerezore.

Kerkojme nga pjesa me e shendoshe demokratike e popullit grek ta sheh kete moment historik me nje sy me te drejte shkencoro historike qe te mesoje nga gabimet historike te te pareve dhe se bashku te pregaditeme per nje bashkjetese te civilizuar, me respekt te dy anshem ne shekujt qe vine.

Nga historianet tane kerkojme rikujtimin e momenteve te lavdishme te popullit Shqiptar ne Çameri gjate shekujve si dhe kontributin e tyre ne formimin dhe forcimin e shtetit grek.

Eshte mire qe ky film dokumentar me 27 Nentor te luaj ne nje nga kinemat e New York-ut.Bashk me Vatranet e qendres do te mundohemi kjo te realizohet.(Reporteri i deges Queens)