Komuniteti – Dielli

VARRI I MID’HAT FRASHËRIT MBULOHET ME LULE DHE FLAMUR KOMBËTAR

November 7, 2018 by dgreca

– VATRA DHE KOMUNITETI- HOMAZHE DHE KURORA PËR MID’HAT FRASHËRIN/

– Kryetari Dritan Mishto: Po e nderojmë me homazhe të veçanta shërbestarin e Kombit, jo vetëm për ta nderuar personalitetin e tij, por edhe për ta përcjellë atë në Atdhe ashtu siç ishte; të kristaltë, të papërlyer dhe të pakeqpërdorur nga politika dhe qeveria.

– Pwllumb Lamaj: Qeveria nuk tregoi transparencë dhe e humbi shansin për ta bërë bashkë Kombin, duke shfrytëzuar emrin e Mid’hat Frashërit.

-Ambasadori Mal Berisha:MID’HAT FRASHWRI, IDEATORI MË I MADH I BASHKMIT TË TROJEVE SHQIPTARE…Edhe ky amanet i Tij, heret ose vonë, do të bëhët realitet siç u bë realitet kthimi i eshtrave të tij në Atdhe.

Nga Dalip GRECA/

Të Mërkurën në mesditën e 7 nëntorit 2018, tre ditë përpara se të përcillen për në Atdhe eshtrat e Mid’hat Frashërit, Federata Panshqiptare e Amerikës Vatra dhë përfaqësues të komunitetit shqiptar në Nju Jork, organizuan homazhe në varrezat Ferncliff në Hartsdale, Nju Jork. Kanë marrë pjesë përveç përfaqësuesëve të Vatrës edhe përfaqësues të komunitetit si dhe përfaqësues të familjeve nacionaliste.

Ceremonia ka nisë me Hymnin Kombëtar të kënduar nga këngëtari i mirënjohur, Frederik Ndoci,Mjeshtër i Madh, menaxher i përgjithshëm për veprimtaritë kulturore dhe artistike në Vatër.

Më pas , z. Dritan Mishto, kryetar i Vatrës, spjegoi përse Vatra kishte vendosur që ta nderonte Mid’hat Frashërin aty në varrezë. Ne tha z. Mishto, po e nderojmë me homazhe të veçanta shërbestarin e Kombit, jo vetëm për ta nderuar personalitetin e tij, por edhe për ta përcjellë atë në Atdhe ashtu siç ishte; të kristaltë, të papërlyer dhe të pakeqpërdorur nga politika dhe qeveria. Vatra, shtoi kryetari Mishto, me kënaqesi do të përfshihej në organizimin e një ceremonie dinjitoze, me pjesëmarrje të gjerë të drejtuesve të diasporës së vjetër dhe të re(siç i kemi disa prej tyre sot), me qëllim nderimin më të lartë për këtë figurë kombëtare, duke filluar që nga vendi, mënyra e procesionit, akademia shkencore, apo përbërës të tjerë protokollarë, por Vatra nuk mund të bëhet pjesë as fasadë në një ceremoni të cunguar të minutës së fundit.Ai falenderoi ata që ishin përgjigjur bashkëpunimit me Vatrën, veçanërisht z. Pëllumb Lamaj, familjen Lepenica, Karagjozi, vëllezërit Mujo, familjen Mrnaçaj, Cungu, ambasadorët Mal Berisha dhe Bujar Skendo, presidentin e Këshillit Kombëtar Shqiptaro-Amerikan Haxhi Dauti etj.

Kryetari i Vatrës solli në kujtesë edhe një herë pikëtakimet e Mid’hat Frashërit me Vatrën: – Mid’hat Frashëri, tha ai, ishte ambasador në Zvicër i emëruar nga Vatra, në kohën kur Federata jonë kryente rolin e shtetit të vdekur.

– Mid’hat Frashëri u thirr nga Kuvendi i Vatrës më 1919 që të drejtonte Federatën.

– Më 1920 Mid’hat Frashëri erdhi pranë Vatrës si i dërguar i Qeverisë Shqiptare për të organizuar Huan Kombëtare, kur Vatra mblodhi rreth 198 mijë dollarë për ti ardhë në ndihmë shtetit shqiptar që rrezikonte falimentimin etj.

Pëllumb Lamaj, i cili kishte përgatitë dhe një Kurorë në emrin e tij, tha se atë ia kushtonte Mid’hat Frashërit, në emër të gjithë atyre që u dergjën burgjeve të diktaturës komuniste dhe që kishin mbajtur lart emrin, idealet dhe veprën Mid’hat Frashërit. Ai kritikoi ashpër qeverinë , e cila nuk tregoi transparencë dhe e humbi shansin për ta bërë bashkë Kombin, duke shfrytëzuar emrin e Mid’hat Frashërit.

Lamaj, që e përjësoi jetën dhe veprën e Mid’hat Frashërit edhe në dokumentarin kushtuar Babait të Kombit( gjithçka me shpenzimet e veta) recitoi poezinë e Kudret Kokoshit, kushtuar Mid’hat Frashërit, poezi që u shkrua në burgun e Burrelit, në kohëvdekejn e Babait të Kombit.

Ishte e habitshme se sa shpejt pat mbërrit’ lajmi i vdekjes në burgun famkeq të Burrelit.

Ja vargjet,që Lamaj i përcolli përmes emocioneve të thella:

Ne dhe` te huaj larg shqipes me gjak lyer

Qe ti me ankth aq shume e dashurove

Ne dhe` te huaj prej fatit te zi nderkryer

Atdheut te vuajtur jeten i dhurove

Babai kombit nder beteja plakur

Ti zemrat tona me ideal i ngrohe

Rrugen e jetes tone te perflakur

Hyjnor,promethe` ti na e ndriçove

Nder male e fusha nga veriu ne lindje

Gjemon jehona e thirrjes shpetimtare

Vrapo,vrapo Shqiperi per ne Rilindje

Therret Mit’hadi Shqiperia e Shqipetareve

BURG BURREL 1949 KUDRET KOKOSHI

Zuhdi Karagjozi, anëtar i Këshillit të Vatrës, tek u përul me nderim para varrit të Midhat Frashërit, në fjalën e tij vlerësoi emrin dhe veprën Kombëtare të Shërbestarit të Kombit. Karagjozi tregoi se familja e tij kishte qenë pjesë aktive e Ballit Kombëtar.

Zudi Karagjozi falenderoi organizatorët që i dhanë mundësinë të fliste në këtë ceremoni në emër të babait Agim dhe nënës Roze Karagjozi. Fillimisht ai vlerësoi kontributin e madh për çështjen Kombëtare të Mid’hat Frashërit dhe babait e xhaxhallarëve të tij, të cilët ai i cilësoi si themelues të Shqipërisë moderne. Midhat Frashëri , tha ai, ishte themeluesi dhe udhëheqësi i Balli Kombetar, organizatë e krijuar për të luftuar për çështjen kombëtare dhe për të mbrojtur popullin shqiptar.Mid’hat Frashëri u largua nga Shqipëria në nëntor 1944 nga Ulqini me krerët dhe luftëtarët e Ballit Kombëtar dhe Legalitetin. Ata u arratisën në dy varka që e sollën grupin në Itali. Në këtë varkë, theksoi Zudi Karagjozi, ndodhej babai dhe nëna e tij. Grupi u vendos në kampet e refugjatëve 1944-1949. Gjatë kësaj kohe, Mid’hat Frasheri kishte një ndikim të thellë tek të gjithë në shqiptaret ne kampe, ishte si nje baba për të gjithë, edhe për Agimin.

Më pas z. Zudi Karagjozi komentoi se babai i tij kishte pasë fatin që të qëndronte pranë Mid’hat Frashërit dhe se ai i kishte folë për domosdoshmërinë e rrëzimit të komunizmit. Ai i shpjegoi Agimit rolin e rëndësishëm që kishte VATRA në botën shqiptare. Agimi e përqafoi filozofinë e Tij dhe se ishte si një dhuratë e madhe mundësia e marrëdhënieve të ngushta me Mid’hat Frashërin gjatë adoleshencës së vonë të Agimit deri në moshën e të njëzetave. Babai i tij, Agimi, u udhëhoq nga idealet Kombëtare dhe nuk hoqi dorë nga kjo kauzë. Ai e bëri të vetën filozofinë e Mid’hat Frashërit se “Pa Kosovë nuk ka Shqipëri dhe pa Shqipëri nuk ka Kosovë”. Agim e vazhdoi filozofinë e Midhat Frashërit në Vatër për pothuajse 60 vjet anëtar dhe udhëheqës i organizatës…

Më pas Zyhdi Karagjozi tregoi se gjatë kohës që ishte nëpër kampe Mid’hat Frashërit kaloi shumë kohë me familjen e nënës , Peshkëpia. Gjyshja dhe tezja shpesh do të gatuanin darkë për atë dhe do të lanin rrobat e tij. Rose dhe vëllezërit e motrat e saj ishin shumë afër Mid’hatit dhe me dashuri do ta quanin “xhaxha”.

Ambasadori Mal Berisha, tha se ndjehej i emocionuar që ishte pjesë e kësaj ceremonie nderimi për Mid’hat Frashërin, intelektualin, që punoi aq shumë për Kombin.MITHAT FRASHËRI – Patrioti, shkrimtari, diplomati, aktivisti më i shquar i zgjimit të ndërgjegjes tonë kombëtare, ideatori i bashkimit të trojeve shqiptare me çdo kusht, organizatori i Kongresit të Manastirit dhe nënshkruesi i Akti të Shpalljes së Pavarësisë së Shqipërisë, i biri i Rilindasit të Madh, Avdyl Frashëri, është prehur në këtë vend që në vitin 1949. Erdhi koha që eshtrat e tij të prehen në atdhe. Pavarësisht se si do të etiketojnë kthimin e Tij në atdhe palë të ndryshme midis shqiptarëve, ai mbetet IDEATORI MË I MADH I BASHKMIT TË TROJEVE SHQIPTARE…Edhe ky amanet i Tij, heret ose vonë, do të bëhët realitet siç u bë realitet kthimi i eshtrave të tij në atdhe.

Dr. Skënder Murtezani, i anëtarësuar në Vatër që në vitin 1990, kur kryetar ishte Profesor Arshi Pipa, tregoi se si që nga ditëthemelimi i degës së Vatrës së Queensit, Mid’hat Frashëri kishet qenë në qendër ët veprimtarivë të degës dhe ai në krye të degës që para pesë vitesh kërkoi kthimin e eshtrave të Shqipëri, atje pranë atit të Tij. Për çdo vit dr. Murtezani dhe dega që ai drejton kanë nderuar veprën e Mid’hat Frashërit me sesione përkujtimore në hotelin ku u gjet i vdekur Mid’hat Frashëri, por edhe në auditore.

Mid’hat Frashëri, ky patriot i madhe e meritonte prej kohësh raitdhesimin, tha dr. Murtezani. Më pas e kanë nderuar jetën dhe veprën e Midhat Frashërit me mesazhe të shkurtra ambasadori Mal Berisha, Shkëlqim Lepenica, Eqerem Mujo, Pjetër Mrnaçaj, Presidenti i Këshillit Kombëtar Shqiptaro-Amerikan Haxhi Dauti, vatrani i vjetër Lumo Cungu, Marjan Cubi, Zef Balaj, Asllan Bushati e të tjerë. Editori i Diellit lexoi një letër Mid’hat Frashërit, e cila publikohet për të parën herë. Letra ëshët gjetur nga studiuesi Idriz Lamaj. Ajo mbanë datën 12 tetor 1937. Letra e shkruar me shkrim dore nga Mid’hat Frashëri i drejtohet ish kryetarit të Vatrës në Michigan, Fazlli Panariti, në përgjigje të letrës që kryetari vatran i dërgonte Mid’hat Frashërit. Vatra në Michigan i kishte propozuar Mid’hat Frashërin që të ishte delegat i saj në Shqipëri dhe ta përfaqësonte Vatrën në festimet e 25 vjetorit të Pavarësisë së Shqipërisë si delegat i saj. Mid’hat Frashëri shkruan me fjalë ët zgjedhura:”Komisioni i Federatës me këtë vendim po më bën një nder të madh, dhe për mua është Jo vetëm nëj Lumturi, por një Detyrë që të jem përfaqësues i një Shoqërie nga e cila vendi dhe Kombi ynë ka pasë aq shumë shërbime…”. Po në këtë Letër Mid’hat Frashëri publikon faktin se ka hequr dorë nga jeta politike.

Më pas pjesmarrësit kanë kryer homazhe pranë Mid’hat Frashërit dhe kanë qëndruar pranë në heshtje pranë varrit të tij.

Pjesmarrësit në këtë nderim e kanë mbuluar varrin e Mithat Frashërit me kurora me lule dhe Flamurin kuq e zi. Administarta e Varrezave ka premtuar se nuk do t’i heqë ato nga varri deri në momentin që dot ë kryhet zhvarrimi.

Veprimtaria u filmua nga Adem Belliu, Televizioni Kultura Shqiptare në Nju Jork dhe nga Dritan Haxhia”EURO PHOTOGRAPHY & VIDIO”

KOMUNITETI SHQIPTAR DHE VATRA DO TË PËRKUJTOJNË MITHAT FRASHËRIN NË PËRVJETORIN E LINDJES

March 17, 2018 by dgreca

-Ditën e Shtunë, 24 Mars 2018, Ora 11.00, do të vendosen lule pranë varrit të Mithat Frashërit që ndodhet në Ferncliff Cemetery, ne Westchester County, New York. Ftohen bashkatdhetarët të bëhen pjesë e këtij takimi përkujtimor-/Mithat Frashëri mbetet një ndër ikonat e Shqiptarizmit dhe një model i papërsëritshëm i intelektualit që jetën ia kushtoi Kombit të vet. Është kjo arsyeja që shqiptarët e Amerikës e nderojnë shërbestarin e Kombit në cdo përvjetor të lindjes apo të ditëvdekjes.

Edhe këtë herë Komuniteti Shqiptar në NY-NJ do ta përkujtoi Mithat Frashërin në Përvjetorin e Lindjes, 138 vjetorin e Lindjes së tij. Mithat Frashëri lindi në Janinë me 25 Mars 1880 dhe mbylli sytë në Nju Jork me 2 tetor 1949.

Federata Vatra I bashkohet këtij takimi përkujtimor, pasi e ndjenë detyrim që ta respektojë Mithat Frashërinë jo vetëm pse ai ishte etalon i atdhetarit, intelektualit, publicistit, diplomatit, historianit, por edhe për faktin se Mithat Frashëri ishte një ndër kandidatët për të drejtuar Vatrën, së dyti ai ishte një ndër ambasadorët e emëruar dhe paguar nga Vatra, së treti ai ishte i dërguari i Qeverisë së Sulejman Delvinës pranë Vatrës për të organizuar Huanë Kombëtare me 1921, Huaja që i dha shtetit shqiptar 198 mijë Dollarë dhe e shpëtoi nga kriza financiare.

Organizatorët ftojnë bashkatdhetarët që të Shtunën me 24 Mars 2018, në orën 11.00 të bëhen pjesë të takimit përkujtimor pranë varrit të Mithat Frashërit, që ndodhet në Ferncliff Cemetery, ne Westchester County, New York.

Adresa: 280 Secor Rd, Hartsdale, NY 10530

KOMUNITETI SHQIPTAR : ME PRESIDENTIN E RI VATRA DO TE RINGREJE KOMUNITETIN

June 14, 2017 by dgreca

RRËNJËT SHQIPTARE, ALBANIAN COUNCIL, BIJTË E SHQIPES, PERSONALITETE E INDIVIDE UROJNË PRESIDENTIN E VATRËS, Z. DRITAN MISHTO/

Presidenti i sapozgjedhur i Federatës Panshqiptare të Amerikës”VATRA”, ish Konsulli i përgjithshëm i Shqipërisë në Nju Jork, z. Dritan Mishto,vazhdon të marrë urime nga Organizata, personalitete, individë të komunitetit shqiptar në SHBA dhe Europë, nga Shqipëria dhe Kosova.

Presidenti i Rrënjëve Shqiptare(Albanian Roots” z. Marko Kepi, në urimin e tij me shkrim shpreh urimet më të përzemërta për zgjedhjen e z. Mishto në Krye të Federatës Panshqiptare Vatra, duke besuar fort se në krye të Vatrës, z. Mishto do ta cojë perpara Vatren 105 vjecare.

Në urimin e tij z. Kepi shkruan:

I nderuar Z. Dritan Mishto,

Organizata Rrenjet Shqiptare – Albanian Roots ju uron perzemersisht per detyren e re dhe te rendesishme te Presidentit te Federates Panshqiptare Vatra.

Te rinjte shqiptaro-amerikane e priten me gezim kete lajm te madh per tere diasporen dhe jane te bindur se nen drejtimin tuaj, Vatra do te arrije lartesi te reja, te denja per emrin dhe historine e saj. Shpresojme qe ne te ardhmen Vatra dhe Rrenjet Shqiptare te kene projekte te perbashkta per te miren e komunitetit tone dhe kombit shqiptar.

Ne ju urojme suksese dhe presim me padurim bashkepunimin me Ju.

Me respekt,

Marko Kepi/President

Një urim i vecantë vjen nga Presidenti i AAC(Albanian American Council), z. Haxhi Dauti, artist i njohur i shqiptarëve te Amerikes, i cili përvec urimeve shpreh besimin se z. Mishto me përvojën dhe vizionin e tij do ta cojë përpara Vatrën.

Në urimin drejtuar presidentit të Vatrës, z. Dauti shkruan:”E kam nderin dhe respektin, në emër të Këshillit Shqiptaro Amerikan(AAC), dhe në emrin tim personal t’ju uroj dhe t’ju përgëzoj me rastin e zgjedhjes në postin e kreut të Vatrës. Ardhja juaj në këtë post, ka gëzuar të gjithë komunitetin shqiptar sepse sheh tek Ju personalitetin e duhur për bashkimin e komunitetit rreth Federatës Panshqiptare të Amerikës “VATRA”….Pas largimit tuaj nga posti i Konsullit të Përgjithshëm këtu në Nju Jork,Komuniteti shqiptar në Nju Jork, ka një rënie drastike. Ne shohim tek ju njeriun, personalitetin, që do ta ringrejë Komunitetin. Urime!

Një urim i vecantë i ka ardhë z. Mishto nga Presidenti i Shoqatës së shkrimtarëve Shqiptaro-Amerikanë, z. Adnan Mehmeti, i cili përcjell urime dhe shpresat se Vatra do të vazhdojë t’i prijë komunitetit shqiptar me energji të reja, ai shfaq besimin se bashkepunimi do te jeté i ngushte. Po ashtu edhe Tajar Domi, kryetar i Shoqates Bijte e Shqipes në Filadelfia, pervec urimit ben Ftese per bashkepunim.

Shkollat Shqipe dhe Televizioni Alba Life e urojne dhe vleresojne ardhjen e z. Mishto ne krye te Vatres dhe shpresojne per nje bashkepunim te frytshem per komunitetin.

Zoti Elezi Biberaj e ka uruar z, Dritan Mishto për zgjedhjen në krye të Vatrës, ambasadori Mal Berisha-anetar nderi i Vatres, Sami Milloshi,Sammy Rugova, gazetari Alfons Zeneli,Nenny Sulejmani, Ruki Konda e Ajet Nuro nga Komuniteti shqiptar ne Toronto dhe Montreal-Kanada, dhe shume personalitete.

Biznesmeni dhe veprimtari Harry Bajraktari ka përcjellë Presidentit të të Vatrës urime të përzemërta, duke i uruar atij suksese në krye të Vatrës. Dr. Sulejman Cela,Ibrahim Egriu nga Suedia, gazetari Shkëlqim Bylykbashi,Nevruz P. Nazarko,Koco Sterjo, Ilir Bulku, Lek Përlleshi,Pierr Simsia, Saimir Mertiri, Gani Haxhaj, artistët Rakipe Karaj dhe Ylli Kalaja, Drita Lamaj, Shkëlqim Hajdari, Ylli Asllani, Adriatik Leka, Ylli Dosku, studiuesi Engjëll Zerdelia dhe shume individë kane uruar Kryetarin e ri të Vatrës.

$18,000.00 për t’i ardhur në ndihmë shqiptares në Tampa

December 12, 2016 by dgreca

*NGA ZAMIRA RUBJEKA/

*Familja Nurka banon prej kohesh në Florida, por vitet e fundit të dyja veshkat e zj. Xhina Nurka po dorëzohen edhe pas shumë seancave të dializës. Xhina, një grua shqiptare, punëtore, një nënë e shkëlqyer, një grua prej 25 vjetësh e bashkëshortit Lulëzim, artistit dhe piktorit nga Korça, një mike dhe një vatrane patriote, mundohet të mbajë gjithmonë një buzëqeshje edhe pse trupi i saj lufton në heshtje. … NDIHMO DHE TI SHQIPTAR, KUDO QE NDODHESH..FUSHATA VAZHDON/

KOMUNITETI SHQIPTAR IU BASHKUA THIRREJES SE VATRES NE TAMPA….VETËM TË BASHKUAR DHE PRANË NJËRI-TJETRIT MPOSHTET ÇDO DHIMBJE/

Festa e Pavarësisë së Shqipërisë u festua me një pjesëmarrje të jashtëzakonshme nga komuniteti shqiptar i Tampa Bay. Misioni i kësaj feste mori ngjyra humane, përveç asaj patriotike. Kur mësuam që familja Nurka nga Korça po luftonte me jetën, i gjithë komuniteti shqiptar i Tampa Bay u prek dhe iu bashkëngjit nismës së Vatra Tampa për të dhuruar të ardhurat e fituara nga Kremtimi i Festës së Pavarësisë. Familja Nurka banon prej kohesh në Florida, por vitet e fundit të dyja veshkat e zj. Xhina Nurka po dorëzohen edhe pas shumë seancave të dializës. Xhina, një grua shqiptare, punëtore, një nënë e shkëlqyer, një grua prej 25 vjetësh e bashkëshortit Lulëzim, artistit dhe piktorit nga Korça, një mike dhe një vatrane patriote, mundohet të mbajë gjithmonë një buzëqeshje edhe pse trupi i saj lufton në heshtje.

Më në fund kjo vuajtje nuk mund të mbahej brenda mureve të shtëpisë. Tashmë miqtë dhe shokët e kësaj familje mësuan për dhimbjet e saj dhe vendosën të mos heshtin, por përkundrazi, të ndajnë hallin me miqtë e shokët.

Xhina tani ka nevojë për një transplant veshke, por nuk ështëe lehtë të gjesh një veshkë, që t’i përshtatet. Në pamundësi për të gjetur veshkën nga donatorë dhe për të pritur në radhë,sepse do të ishte shumë vonë, burri i saj, Lulëzimi, është ivetmi donator. Kjo familje do të ketë dy operacione. Ky ështënjë vendim sa i vështirë aq edhe human i burrit për gruan e tij dhe nënën e djalit të tij të vetëm adoleshent Xhefrit.

Në emigracion, kur pjesëtarët e familjes janë mijëra kilometra larg, miku, shoku bëhet familje. Duke u nisur nga kjo situatë, Vatra Tampa filloi fushatën e mbledhjes së fondeve për të ndihmuar dhe lehtësuar sadopak hallin e kësaj familje.

Të gjithë vëllezërit dhe motrat shqiptare kontribuuan nëmënyra të ndryshme, duke shpërndarë linkun e Gofund.com.,duke dhuruar financiarisht, duke u lutur për shërimin e Xhinës gjatë gjithë muajit nëntor, përpara dhe pas festës.

Deri tani në llogarinë e Gofundme.com janë mbledhur rreth $18000, ku mbi 90% të dhuruesve janë shqiptarë. Mbi 1500 shares janë bërë në Facebook, që kontribuoi në shpërndarjen e kësaj nisme.

Sot Vatra Tampa organizoi ceremoninë e dhurimit të fondeve për familjen Nurka në shumën e mbledhur prej $6000 te Jessi’s restaurant me pronare familjen e nderuar shqiptare Sulisufay.

Kjo u bë e mundur nga pjesëmarrja masive e komunitetit dhe kontributit vullnetar të anëtarëve të Vatrës dhe bordit të saj, qëdedikuan kohë dhe energji në kremtimin e 104-vjetorit të shpalljes së Pavarësisë.

Sot u ndie dashuria për njëri-tjetrin si një familje e madhe nëdhé të huaj. Shqiptaret si gjithmonë e tregojnë bujarinë, shpirtin human dhe përkrahjen morale. Në këtë mbrëmje ishin të pranishëm miq amerikanë dhe disa familje nga Bosnjë-Hercegovina, që dhuruan dhe morën pjesë në këtë ngjarje.

Zj. Xhina dhe z. Lulëzim falënderuan nga zemra të gjithëshqiptarët e pranishëm, por edhe ata që dhanë kontributin e tyre në ndihmë të familjes së tyre kudo që ndodhën, përsolidaritetin dhe dashurinë e treguar. Z. Nurka tha: “Iu shpërblefsha vetëm për gëzime“. Z. Tasim Ruko, presidenti i Vatra Tampa falënderoi miqtë për pjesëmarrjen dhe donacionet. Ai theksoi se populli shqiptar edhe këtë radhë e tregoi zemërgjerësinë dhe shpirtin human. Këto fonde u bënë të mundura vetëm nga ky komunitet, i ciliu bashkua për t’i treguar që kurrë nuk do të jenë vetëm.

Kompania “ShqipTv” dhuroi dy paketa televizive falas për këtë event. Vatra Tampa falënderon në emër të familjes Nurka të gjithë komunitetin shqiptar në Tampa Bay. Nevojat e komunitetit kanë qenë dhe do të jenë gjithmonë prioriteti dhe misioni i Vatra Tampa.

Falënderojmë Jessi’s Restaurant për ushqimin special dhe Dj Jimmy (Genti Mucollari), që me muzikën e përzgjedhur krijoi një ambient të gëzuar dhe festiv dhe kengetaret nga Gjilani Besim Limani dhe Sadete Shkodra per kenget emocionuese dedikuar Xhines dhe Lulezimit.

Vetëm të bashkuar dhe pranënjëri-tjetrit mposhtet çdo dhimbje. Zoti e bekoftë familjen Nurka. I urojmë shërim sa më të shpejtë. Zoti i bekoftë të gjithë shqiptarët në mërgim.

VATRA, KOMUNITETI, CESHTJA KOMBETARE DHE VETEDIJA KOMBETARE

December 6, 2015 by dgreca

OPINION NGA SAIMIR DASHI/ NEW YORK/

Perpjekjet e gjithashme ne gjithe trojet Shqiptare po ngrene hije paniku ne Ballkan .
Ka ardhur koha qe en shqiptaret te zgjohemi nag letargjia dhe te punojme te gjithe bashke per ngritjen e vetedijes kombetare dhe te luftojme per bashkim kombetar permes rritjes ekonomike, morale , kulturore e sportive, ne cdo vend te botes, kudo ku qe jetojme e punojme. Duhet te shtyjme ne nje nivel me te larte vetedijen Kombëtare e te kuptojme qe na jane mohuar te drejtat tona minimale per te jetuar te gjitha bashke. Po si?
Ka ardhur momenti , qe si Komb te ndertohet nje strategji kombetare qe t’i paraprije bashkimit Kombetar. Kjo platforme te jetesohet kudo ku jetojne shqiptaret, ne Shqiperi , ne Kosove, tek shqiptaret e Malit te Zi , Maqedonise e Camerise , Lugines se Presheves, Turqise te punojne se bashku ne cdo menyre per te rimekembur moralin tone ekonomine tone. Duhet krijuar nje bashkepunim funksional per te fituar ato qe na jane mohuar. Bashkepunimin e minon percarja Kombetare. Qe bashkepunimi te jete funksional duhet te rritet vetedija Kombetare si kundervenie e percarjes Kombetare.
Ne Shtetet e Bashkuara te Amerikes, prej 103 vitesh vepron Federata Panshqiptare e Amerikes”VATRA”. E krijuar 7 muaj para se te shpallej Shteti i Pavarur Shqiptar, Vatra ka marre persiper qe te kryej rolin e shtetit te munguar Shqiptar, ne momente kritike te vendit. Endrra e cdo shqiptari eshte te arrije sukses kudo qe te jete ne një qellim te perbashket te krijojme shqipërine etnike e te mohuar prej padrejtesive te kahershme. Kjo enderr mund te behet realitet vetem nepermjet nje bashkepunimin serioz e te vullnetshem te gjitha faktore shqiptare kudo ne bote . Nuk Ka qellim me te madh ne kete jete te krijojme nje mentalitet tjeter se vetem nepermjet bashkepunimit midis nesh ne te gjitha aspektet , ku te gjithe te japim kontribut maksimal qe cdo bashkatdhetar te ndihmohet qe te hapen opurtunitete nga vete komuniteti yne ne radhe te pâre mendoj se kjo fryme e ide pozitive do te arrije sukses per te bere te mundur zhvillimin e bashkimin tone me shpejt se c’mendohet.Bashkepunimi i deritanishem eshte me shume per spektakel folklorik se sa bashepunim funksiona. Ka organizata e shoqata formale, qe ekzistojne vetem ne lista kolektive dhe nuk kane asnje ndikim ne komunitet. Per cfare duhen keto dhe cfare efekti kane? Ka kaq shume per te punuar e permiresuar punen ne kete drejtim, duke filluar qe nga Vatra e te gjitha shoqatat Shqiptare ketu en Amerike dhe kudo ne bote. Nese te gjithe punojme me nje qellim te caktuar nuk ka asnje gje qe ta ndale forcen tone . I bej thirrje te gjitha shoqatave, veprimatreve, akademikeve artisteve profesionisteve te gjithe profesioneve te organizohen jo formalisht, por t’i sherbejne ceshtjes sone Kombetare. Qellimi yne te jete rrija e emrit dinjitetit tone e krijimi i kushteve per te pasur ndikim tek ceshtja Kombetare dhe per te organizuar veprimtari ne dobi te ceshtjes Kombetare. Veprimtaria jone eshte e mira qe t’i sherbeje edhe dergimit te investimeve ne vendlindje. Ne duhet te fokusohemi tek perparesite ekonomike ne Shqiperi e Kosove , krahu i lire i punes , nje Turizem i mrekullueshem, ku Shqiperia eshte akoma nje perle e pazbuluar. Shqiperia ka nje rini shume aktive qe mendoj se potencialet e saj jane akoma te paperdorura ne kapacitet te plote ose jane zhvilluar vetem ne menyre individuale.

Mendoj qe nese faktori Shqiptar punon se bashku ne mund te ecim shume me shpejt se koha . Kam mendimin se veprimtarite bashkrenduse duhen pare e shfrytezuar edhe ne perfitime pergjithe secilin. Nese ne te gjithe ndihmojme njeri tjetrin me informacione, krijojme rrjete reale bashkepunimi, nese bejme biznes se bashku, atehere shume shpejt edhe ne Shqiperi e Kosove nuk do kete nevoje per te ikur por do jete e nevojshme kthimi yne .
Nje grupim rinor eshte duke u organizuar rreth Federates VATRA dhe ne kemi aspirata per t’i sherbyer ceshtjes tone kombetare sepse kete mundesi na e jep trashegimia historike e VATRES. Vatra eshte e hapur qe te krijoje hapesira bashkepunimi dhe gjitheperfshirese ne komunitet dhe t’i prije ceshtjes kombetare sepse kete te drejte ia jep veprimtaria e saj per me shume se nje shekull. Ajo do krijoje takime me te shpeshta me komunitetin ne NY e do te shohim mundesine e rritjes se bashkepunimit ne nivel praktik . Jo vetem en Nju Jork, ku eshte epiqendra e organizatave, por Vatra i ka mudnesite ta shtrije bashkepunimin edhe ne shtete te tjera, perfshire edhe Kanadane. Veprimtarite e festes se 103 vjetorit te Pavaresise se Shqiperise, ne shume shtete treguan perparesite e Vatres ne komunitet.

Bashkepunimi ne komunitet duhet te synoje edhe ne perfitime praktike. Kjo dikton bashkepunim te kualifikuar, por edhe krijimin e nje baze qe t’i sherbeje se ardhmes. Si psh krijimin e nje database me Shqipare qe kane nevoje per punesim ne profesione te ndryshme e ku te gjithe anetaret e vatres qe punojne ne institucione apo biznese te ndryshme te shkembejne informacione e te marrin ne pune profesioniste shqiptar, apo tu krijohen mundesi per intervista , projekte , intershipe apo mundesi per te krijuar biznese te ndryshme . Qellimi i Vatres, pervec veprimtarive per ceshtjen Kombetare, ruajtjen e traditave Kombetare, mendoj se duhet te jete edhe ekonomik e moral per te nxitur bashkepunimin midis nesh e per te ndihmuar njeri tjetrin pa asnje dallim.
Nese punohet shume ne kete drejtim e ne menyre konsistente atehere vizioni e endrra e Fan Nolit e Faik Konices do behet realitet shume shpejt e Federata Vatra do te kthehet ne nje promotor i bashkimit Kombetar, bashkimit ekonomik e moral i te gjithe trevave shqiptare dhe do t’i paraprije endrres sone per bashkim real dhe folklorik Kombetar. Gjithcka mund te arrihet vetem kur te rritet vetedija kombetare qe te synoje bashkimin kombetar.