New York, 2 prill 2025 – Vatra mikpriti vizitorë nga Tirana e Prishtina. Hyzer Gashi e Florim Rullani nga “Oda Ekonomike Shqiptare” dhe Pranvera Xhafa drejtuesja e Diplomacisë Kombëtare të Lidhjes Shqiptare Evropiane vizituan Federatën Vatra. Ata u pritën nga Sekretari Dr. Pashko Camaj dhe anëtari i kryesisë z Ilir Cubi. Përgjatë takimit vëllazëror në Vatër, sekretari i Vatrës Dr. Pashko Camaj u shpjegoi miqve historinë e Federatës Vatra e të gazetës Dielli dhe kontributin kombëtar mbi çështjen shqiptare në mërgatën e Amerikës të këtyre dy institucioneve patriotike historike për shqiptarët e Amerikës. Gjithashtu Dr. Camaj ekspozoi punën e shkëlqyer të Vatrës në Uashington dhe në zhvillimin e promovimin e komunitetin shqiptar në Shtetet e Bashkuara të Amerikës. Miqtë paraqitën në Vatër një ekspoze të veprimtarive të organizatave që drejtojnë, vlerësuan historinë dhe punën e Vatrës, potencialin e mërgatës së Amerikës dhe u ndalën te nevoja e një fuqizimi dhe bashkimi ekonomik i të gjithë shqiptarëve për të arritur bashkimin kombëtar.

Të dielën, më 6 prill 2025, Shoqëria Dardhare në Boston, në bashkëpunim me trashëgimtarët e familjes Pani, Degën VATRA të Bostonit dhe Kishën Ortodokse Shqiptare të Shën Trinisë, organizojnë:

• Ora 11:30 – Shërbesë Përkujtimore për Familjen Patriotike Pani

• Ora 12:00 – Shfaqja e dokumentarit “Pan Patriotizmi Shqiptar”

Vendi: Kisha Ortodokse Shqiptare e Shën Trinisë

Adresa: 245 D St., South Boston, MA 02127

Ky dokumentar i RTSH Korça, me autorë Fuat Memelli dhe Eriona Pambuku, i kushtohet veprimtarit Sotir Vasil Pani, figurë e shquar atdhetare në Shqipëri dhe Boston. Jeta dhe kontributi i tij lidhen ngushtë me trashëgiminë e babait dhe gjyshit të tij, Vasil dhe Josif Pani, të cilët jo vetëm që luajtën një rol të rëndësishëm në çështjen kombëtare dhe forcimin e Komunitetit Shqiptar në Boston, por dhanë një kontribut të jashtëzakonshëm edhe në Federatën Panshqiptare VATRA. Këtë rrugë e ndjekin edhe sot pasardhësit e tyre, Andrea dhe Vasil Pani.

Ju mirëpresim të gjithëve!

Parkimi falas anash rrugës!

Ju mirëpresim të gjithëve.

VATRA PËRKUJTON 60 VJETORIN E LARGIMIT NË AMSHIM TË IMZOT FAN S. NOLIT.

Mirela Kanini/

“Kafe dhe petulla”, ishte emri i këtij eventi të organizuar nga Vatra Chicago, një frazë e thjeshtë në pamje të parë, por aq kuptimplote këtë ditë të ftohtë Marsi për këto Zonja dhe Zonjusha në Chicago. Çfarë e bëri të veçantë ishte fakti që ato u mblodhën së bashku thjesht për të biseduar dhe diskutuar, për të folur shqip, për të gjetur mes njëra tjetrës atë çka na mungon më së shumti nga Atdheu ynë, miqësinë dhe jetën sociale si atje. Kishim zgjedhur Café Mirage për këtë takim së pari sepse vetëm aty serviren petulla tipike shqiptare në një vend ku thuhet se gjen edhe qumësht dallëndyshe. Nuk mund të mos përmendim faktin që pronarja është shqiptare nga Maqedonia, shumë e nderuara Zj. Suzana Dadevski dhe gjithashtu një mike dhe mbështetëse e Vatrës. Atmosfera që u krijua ishte aq e këndshme sa që nuk u ndjenë sa shpejt kaluan gati tre orë me premtimin unanim që të takohemi përsëri ashtu si sot të bashkuara, nga të gjitha trevat shqiptare dhe gjithë grup moshat. Kemi plot për të treguar dhe mësuar nga njëra- tjetra, ashtu si në këtë takim ku folëm mbi jetët tona, fëmijët, nipat e mbesat, recetat e gatimeve, problemet që mund të ndeshim, apo humorin që na karakterizon. Nuk mbetet gjë tjetër por t’ju falenderojmë për pjesëmarrjen dhe ju mirëpresim së shpejti në takimet e ardhshme…