Federata Pan-Shqiptare e Amerikës VATRA me rastin e 50 vjetorit të Revoltës së Spaçit, ditën e Shtunë më datë 27 Maj 2023 ora 11 A.M. në Selinë Qëndrore të Vatrës me adresë: 2437 Southern Blvd, Bronx, NY 10458, do të organizojë promovimin e librit: “Përtej Harrimit, Abdulla Rami” nga auditoret franceze në terrin e diktaturës, shkruar nga Ermira Xhomaqi-Godo.

Referojnë:

Ph.D. Ines Angeli Murzaku – Professor of Religion at Seton Hall University in New Jersey, Director of Catholic Studies Program and the Founding Chair of the Department of Catholic Studies at Seton Hall University.

Rafaela Prifti – Gazetare

Valdete Cenalia(Dida) -Studiuese

Jozef Radi -Studiues

Ermira Xhomaqi-Godo -Autore, Përkthyese, Studiuese.

Libri i kushtohet vuajtjeve dhe persekutimit në regjimin komunist shqiptar të Intelektualit

Abdulla Ramit, përkthyesit të Hygoit, ish -liceistit të Korçës, në një klasë me diktatorin Hoxha dhe bashkëstudent në Montpellier të Francës.

Abdulla Rami si antikomunist vuajti 19 vite në burgjet e diktaturës, në ferrin e Burrelit dhe vdiq në internim. Në këtë promovim do flitet për rëndësinë e Revoltës së Spaçit dhe për vlerat e librit të përkthyer nga Abdulla Rami “William Shakespeare” të autorit Victor Hugo.

Ftohet komuniteti dhe media të marrë pjesë.

Patrioti shqiptar Beqir Potka vatran i hershëm dhe kontributor së bashku me djalin e tij Jetnorin vizituan Federatën Pan-Shqiptare të Amerikës VATRA. Ata u pritën nga kryetari i Vatrës z.Elmi Berisha, Editori i Diellit dhe Shefi i Kabinetit Dr. Pashko Camaj dhe veprimtari i çështjes kombëtare Anton Raja. Z. Potka është ndër shqiptarët më të suksesshëm në shtetin e Tennessee. Z. Potka është arratisur nga Shqipëria komuniste në vitin 1988. Prej 36 vitesh ka kontribuar në komunitetin shqiptar në Shtetet e Bashkuara të Amerikës. Ai ka bashkëpunuar ngushtë me Vatrën në kohën e Agim Karagjozit dhe ishte në Komisionin për riatdhesimin e eshtrave të Faik Konicës në Shqipëri. Në takimin e përzemërt sot në Vatër z.Beqir Potka shprehu gatishmërinë për të ndihmuar Vatrën e Diellin dhe ofroi kontributin e tij sidomos për të organizuar komunitetin shqiptar në Tennessee në shërbim të Federatës Pan-Shqiptare të Amerikës VATRA dhe çështjes kombëtare.

Dr. Paulin Marku/

Më 28 prill 1912 u mbajt mbledhja e parë dhe u zgjodhën përkatësisht drejtues të Vatrës:

Fan Noli Sekretar i Komisionit Qendror;

Llambi Çikozi arkëtar i Vatrës;

Kristo Kirka, menaxher i gazetës “Dielli “;

Kristo Floqi, Faik Konica ishin për menaxhimin e degëve të Vatrës;

Paskal Aleksi, Elia Tromara, Kosta Vasili inspektorë të gazetës “Dielli”. Me themelimin e Vatrës merr rrugë një bashkim idesh dhe vizioni të disa intelektualëve shqiptarë në diasporë, që më vonë do të jenë edhe aktorë të rëndësishëm në politikën e brëndshme në Shqipëri dhe diasporë. Pra, 28 prilli i 1912-ës ishte një ditë e rëndësishme historike që dëshmon se pas shumë diskutimesh ata gjetën dakortësinë në diasporë e largët të Amerikës dhe bashkuan shoqata e klube të ndryshme shqiptare në një Federatë Panshqiptare në Amerikë, “Vatra”.

Udhëtimi i saj historik për më shumë se një shekull e një dekadë është i lavdishëm dhe i rëndësishëm për Kombin Shqiptar.

Vatra është organizata më e fuqishme atdhetare e diasporës sonë, po ashtu, edhe më jetëgjatë në emigracion shqiptar.

Gjatë këtyre 111 viteve “Vatra” dha kontributin e saj në fusha të ndryshme, si politike, ekonomike, arsim dhe në kulturën shqiptare.

Vatra u shndërrua dhe në një shoqëri patriotike në interes të Kombit.

Vatra investoi financiarisht për të punuar për çështjen kombëtare nëpërmjet misioneve, agjenci të huaj, si dhe duke ndërmarrë një seri protesash e me dërgimin e telegrameve.

Gjithashtu, investimet në arsim dhe kulturë ishin prioritet për Vatrën. Ajo investoi për botimin e 200000 tekste shkollore kur ato ende mungonin në Shqipëri.

Vatra është larg fizikisht me trojet shqiptare por shpirtërisht dhe moralisht ka qenë dhe gjenden pranë në çdo moment dhe në çdo rrethanë.

Sot, Vatra feston 111 vjetorin dhe i urojmë suksese në vazhdimësi në shërbim të Kombit.

Faktet historike dëshmojnë për veprimtarinë patriotike, arsimore e kulturore të Vatrës për më shumë se një shekulli jetëgjatësie, çka përbën vlerë dhe krenari kombëtare.

Udhëtimi Vatrës qoftë i pandalshëm.

Gëzuar 111 vjetorin Vatra jonë historike.

Të dashur bashkombas të besimit Islam

Më lejoni që në emër të Federatës Panshqiptare të Amerikës VATRA, të familjes sime dhe në emrin tim personal t’ju uroj përzemërsisht: Gëzuar Fitër Bajramin.

Në këtë festë të shenjtë çdo besimtar përulet para Zotit të gjithësisë në shenjë mirënjohje e falenderimi për kalimin me lutje e sakrificë të një muaji të madhërishëm e përshpirtshmërie ndaj Zotit.

Uroj nga zemra që ta kaloni gëzuar dhe me lumturi me familjen dhe njerëzit tuaj të zemrës.

Mësimet dhe bekimet e Zotit ju shoqërofshin përgjatë gjithë jetës suaj të dashur miq.

Kjo festë e shenjtë na fton për vepra të mira, reflektim, bamirësi, përkujdesje ndaj të pamundurve në shoqërinë tonë.

Kjo festë e madhe le të na zgjojë dëshirën për të falur, për të dashur dhe për të dhënë më të mirën nga vetja jonë.

Gëzuar nga zemra.

Me respekt e gëzim

Kryetari i VATRËS

Elmi BERISHA