Nga Fritz RADOVANI/
“JUGOSLLAVIA E RE “- KOPSHTI ZOOLOGJIK I BALLKANIT/
PREK CALI (1872 – 1945)/Kur Mehmet Shehu i tha: “E more Prek Cali, të pat ardhur dita t’a mbyllje historinë tënde me shkronja ari po t’ishe bërë me ne! Po, pse bërë kështu?”
Trimi legjendar i gjegjët burrnisht:
■“Zotni, faji bjen mbi ju, se ju u batë aleatë me anmikun tonë shekullor, me serbin!”
(Dosja P.Cali, Arkivi Min. Mbrendshme Tiranë, 1998.)
SHKURT 1945 – KONFERENCA E JALTES: OSE GROPOSJA…
E POPULLIT SHQIPTAR PA ASNJË SHENJË TEK KOKA…
■Me dashtë me dijtë per të shkuemen historike dhe mundësitë e s’ ardhmes së vendit tuej, asht e domosdoshme me studjue librin “Diplomacia” të Dr. Henry KISSINGER.
Aty do të gjeni të gjithë portretet e politikanëve të mëdhej (ndonse të pluhnosun), po me një penel të hollë do të mundeni me ua kjartësue shikimin, dhe me lexue “fjalen e tyne” të pa korrigjueme nga fallsifikatorët e historisë, që nuk na kanë mungue asnjëherë.
■Kishte apo nuk kishte Shqipni në vitin 1942, dhe me ke kufizohej Ajo, e gjejmë të saktë në librin e Kol Bib Mirakaj “Vetvrasja e një kombi”, botue në Tiranë në 2014.
Ndersa, shka u ba me Atë Shqipni dhe Trojet e Saja shekullore në 29 nandorin 1944, nga Partia Komuniste Shqiptare e udhhequn nga Enver Hoxha, nen kujdesin e J.B.Tito, me “miqtë e mëdhejë” Stalin, Rusvelt dhe Çërçill… Endè nuk po e gjejmë të shkrueme edhe pse kemi “Akademi Shkencash, universitete, akademikë e dr. Profesora…” sa ha dreqi!
■Po z. Kissinger, ku e gjeti të shkrueme se shka u ba me Shtetin Shqiptar dhe Popullin e Gjergj Kastriotit në Konferencen e Jaltës nga 4 – 11 Shkurti 1945, kur tek libri shkruen:
“Stalini mundi të impononte kufijtë e Europës Lindore pa ndërmarrë një risk të tepruar.” fq.443. “Dy vitet e para pas luftës, vetëm Jugosllavia dhe Shqipëria vendosën diktatura komuniste.” Dhe vazhdon në fq. 438: “Prandaj ai e mbajti ushtrinë e tij në qender të Europës, ku gradualisht ai imponoi qeveri kukulla.” Në fq. 434: “Stalini ngulte këmbë të mos pranonte kërkesën e demokracive për zgjedhje të lira në Europën Lindore.”
JANAR 1945 Enveri i jep urdhën me shkrim trupave që ndodheshin në Veri:
■“Të asgjësohen pa mëshirë nacionalistët dhe reaksionarët shqiptarë brenda dhe jashtë kufinjve, pa treguar as më të voglën tolerancë!..”
■1 korrik 1946, Enver Hoxha, i pari i huej që dekorohet “Hero i popujve të Jugosllavisë”.
15 DHJETOR 1947, Enver Hoxha deklaron në mbledhjen Komitetit Qendror të PKSh: “Duhet t’a fitojmë kohën e humbur e të bëjmë sa më shpejtë bashkimin “de facto” të Shqipërisë me Jugosllavinë në të gjitha fushat, (parti, ekonomi, ushtri, etj.), se Shqipëria, nuk mund të qëndrojë si shtet i pavarur dhe aq më pak të ndërtojë Socializmin, pa u bashkuar me Jugosllavinë…” (1947)
Ishin tradhëtarët e Atdheut të kuadruem në formacionet sllavokomuniste që u morën me zhdukjen e inteligjencës së përgatitun në Europen Përendimore, shkatrrimin e shkollave Shqiptare me programet sllavokomuniste të Lindjes, zhdukja e Gegënishtes Atdhetare, Gjenocidi sllavokomunist dhe anadollak kundrejt Klerit Katolik Shqiptar, dhunimi i Maleve dhe i parimeve të Besës, Bujarisë dhe Burrnisë Shqiptare, të papersërituna nga sllavët e shteteve të Ballkanit. U vranë dhe u masakruen Parija e Kelmendit, Hotit të Dedë Gjo’ Lulit, Grudës, Parija e Dukagjinit, Shllakut, Pukës, Mirditës, Zadrimës dhe Bregut Bunës, bashkë me Klerikët Katolik të lidhun dorëperdorë me Dedë Cokun, dhe 118 Burra të Kelmendit që u hollën nder prroska nga antiatdhetarët e shitun të shtetit antishqiptar të Tiranës haxhiqamiliste, tradhëtarët e paktit komunist të PKSh, që u formue me 8 Nandor 1941 dhe drejtohej nga Enver Hoxha e Dushan Mugosha i Titos.
***
■Do t’ ju kujtoj pak rreshta të “mësuesit” tuej, diktatorit anadollak Ramiz Alia, Sekretar I i KQ. PPSh, President i RPSSh., nga një fjalim në Byronë Politike të KQ të PPSh, në 1989, në Tiranë, të cilit, me shumë djallëzi po vazhdoni ti përmbaheni ju pasuesit e tij, andrrimtarët e “rilindjes” ose të kasaphanës së Popullit Shqiptar, “Jugosllavisë së re”.
Ai ju la edhe një “amanet” drogaxhinjëve (në gjuhen e ndysuar):
■“Ne, komunistët reformatorë, do të zbatojmë strategjinë tonë në ekonomi, sipas së cilës kapitalistët dhe pronarët e ardhshëm në një vend socialist të jemi ne apo njerëzit tanë. Me strategjinë tonë të re, brenda dy-tre legjisaturash do të arrijmë që nga klasa komuniste të krijojmë klasën kapitaliste, e cila do të na përjetësojë në pushtetin politik të së ardhmes. Të jeni të sigurtë që e ardhmja do të jetë jona. Kurrë nuk do të lejojmë restaurimin e pushtetit politik të armiqëve tanë. E ardhmja e fëmijëve tanë do të jetë e mrekullueshme, gjithnjë e sigurt, sepse për këtë kemi derdhur kaq gjak dhe do të derdhim përsëri po të jetë nevoja. Shqipërinë do ta gëzojmë ne dhe pasardhësit tanë… ■Ne jemi të përgatitur për të dyja rrugët; kemi njerëzit e vendosur dhe guximtarë, të cilët i kemi përgatitur me sakrifica e mund për vite me radhë, por kemi edhe organet tona të dhunës. Ndaj, mjerë ata që do të guxojnë të na kundërvihen.
Jua them këtë që të mbani lart moralin dhe asnjëri prej jush të mos ketë frikë…
Mbajeni mend: Fitorja dhe pushteti do të jenë përjetësisht tona!”
***
2005 KGB-ja sovjetike përkujton agjentin Ramiz Alia ndër ma të vjetrit në gjiun e vet, atëherë kur agjentët e sigurimit të shtetit fillojnë jeten në “Konferencen Islamike”…
Kjo asht gjoja njëfarë rikthimi në Shqipninë e 100 vjetëve përpara, kur nën masken e besimit të vendeve Arabo – Aziatike, kërkohen rrugë të reja për pasunimin, vjedhjen, korrupsionin e kundrabandat e drogës me të cilat vazhdohet qeverisja e Shqiptarve.
MAJI 2017 “RINGJALLJA OSE JUGOSLLAVIA E RE”…
PRA, TË GJITHË KOMUNISTËT KANË PUNUE PER ZHDUKJEN E ATDHEUT TË GJERGJ KASTRIOTIT DHE TË POPULLIT TIJ SHQIPTAR…
■“Deputetët” tanë endè nuk e kanë marrë vesht se “nder tavolinat e Kuvendit Popullor” nuk flitet me hamendje, as me rrena apo si i thoni ju “shokët zotrinjë” me “gjuhën e njësuar” pra, me gënjeshtra… Por, vetem, me fakte dhe dokumenta!
■Kur Ramiz Alia foli per Shkodren, ai tha: “Në Shkoder Vatikani ka agjenturat e veta!”
Kryeministri Rama tash kater vjet nuk dergon ambasador… Ndersa, Lulzim Basha para “marrveshjes” së çadres së turpit me “Rilindjen” e Edi Rames, deklaron per Austriakët:
“FAJIN E KANË KATOLIKËT E VERIUT”… Injorantëve mos i veni faj!
Nuk di gja Lulzim Basha (as nuk e ka pa n’ anderr) se, Austriakët janë të lidhun me Malësorët e Veriut të Shqipnisë, jo ma pak po, gati 200 vjetë para shpifjeve të tij.
Lidhjet me sllavoserb, rus, turq, me “komunistë” të balsamosun italianë, francez apo gjermanë, dhe me mumje anadollake maozoleumesh, tregojnë haptas antishqiptarizmin tue fillue nga botimet e turpëshme per Esad Pashen e deri tek nipat e sternipat e tij, që vazhdojnë mos me kthye thesaret e vjedhuna nder Bankat e Shtetit Shqiptar në Tiranë.
■Unë çeshtjen e Komunitetit Katolik të Veriut e shoh krejt ndryshej, kur bahet fjalë per dy raste të fundit të lidhuna ny dhe me pasoja shumë të randa antiatdhetare:
- Jugosllavia e Re dhe 2. Komuniteti Katolik i Veriut i diskutuem në Austri.
Të dy çeshtjet lidhen me shkatrrimin e Atdhetarizmit të VERTET njëkohsisht dhe, pikrisht të Atyne Krahinave Heroike që me Dedë Gjo’ Lulin, pra me Hotin e Gruden, me Mirditen e Don Nikollë Kaçorrit dhe Luigj Gurakuqin e Normales Elbasanit, tranden Vlonen e Ismail Qemalit, dhe me Flamurin e Gjergj Kastriotit sollen Shqipninë e Re në shekullin XXI. Çdo mendim zyrtar fyes per Ata Krahina asht vazhdimsi i tradhtarëve komunistë dhe sllavoanadollakë që “kujtojnë” se kanë frenat e Shtetit në dorë.
■Nuk mund të fus në thes të policve të Edi Ramës e Bashës, asnjë pasues të VERTETË t’ Atyne Krahinave që kanë dhanë jeten per Shqipni, tue luftue kunder tradhtarëve t’ Atdheut, pra kunder baballarëve e gjyshave tuej, jo vetem pa u gjujzue, por shpesh edhe pa pranue me i ba kerkesa per “falje jete” atyne, të cilëve, sot ma shumë se kurrë u pershtatet thanja e vjeter Shkodrane: “Si gabelt me çader!”, shoqnue me rreshtat aktual:
.
…!
Kur u ba Gabeli Mbret…,
Per një votë shet grunë e vet.
…! (L.L.)
Melbourne, Maji 2017.