PRISHTINË, 12 Janar 2016-B.Jashari/ Në Katedralen Nënë Tereza në Prishtinë, është mbajtur sonte meshë në nderim të Presidentit historik të Kosovës, Dr. Ibrahim Rugova dhe Imzot Mark Sopit, në 10 vjetorin e kalimit të tyre në amshim.
Ipeshkvi i Kosovës, Dodë Gjergji, gjatë meshës, ka përkujtuar veprat e mëdha të dy personaliteteve të shquara të Kosovës, duke bërë thirrje që të ndiqet rruga e trasuar nga ta dhe që të realizohen amanetet e tyre.
Kryeministri i Republikës së Kosovës, Isa Mustafa mori pjesë në meshë dhe, po ashtu, vizitoi ekspozitën e hapur në nderim të dy korifejve të kombit.