LAMTUMIRE MESUESI YNE, STUDIUESI HARUN GRECA!

Sot mesova lajmin e hidhur të ndarjes nga jeta të kushëririt, mësuesit, kolegut, shokut tim të shtrenjtë, djalit të xhaxhait Harun Greca . Zemra e Harunit pushoi së rrahuri mbrëmë në orën 1 pasmesnate në Tiranë, ku ai banonte së bashku me familjen.

Haruni ishte për mua jo vetëm kushëri, por edhe frymëzues në jetë. E kisha mësues, e kisha koleg dhe shok. Ai na mësoi që kur ishim të vegjël, si nxenes te tij, se si të bëheshim të vlefshëm për jetën. Ai ishte modeli i njeriut studiues serioz qe nuk dinte të tërhiqej.
E kishim mësues, më pas koleg. Sa here shkoja në vendlindje do të shkoja ta takoja patjetër Harunin dhe bisedonim e cmalleshim.
Haruni ka dhënë një kontribut të vecantë për arsimin shqiptar si mësues, drejtor shkolle, i perfshire ne grupe studimore, ne grup autoresh per tekste mesimore, por edhe studiues, që dha shumë në fushën e historise dhe të gjuhësisë. Ishte i pari që zbardhi krimet e Serbëve në Darësisë duke sjellë të plotë masakrën e kryer në fshatin Gjuzaj gjatë luftës Ballkanike, ku u theren 33 burra.
Libri i tij” Darsia:Nga Lashtesia deri ne vitin 1944” hedh dritë dhe sjell të dhëna të rëndësishme për krahinën e Darsisë së Lushnjës si nga ana historike, ashtu edhe gjuhesore, etnografike, madje dhe arkeologjike.
I konsiderushëm është kontributi i Harunit në fushën e Gjuhësisë. Ai ishte bashkautor në disa libra të Gjuhës për mësuesit dhe nxënësit, si:
1- Gjuha Shqipe 9- Teksti për nxënësit e shkollës 9-vjecare.
2- Gjuha Shqipe 9- Libri i Mesusit-Per Klasen e 9 te Shkolles 9-vjecare.
3- Mesonjetoret e Daresise te Lushnjes, bashkautor.
4- Po ashtu ishte autor I pjesëve të Leximit të përfshira në programet e Minisitrisë së Arsimit pas viteve ’90.
Me ikjen e Harunit familja humbi njeriun e dashur, arsimi humbi edukatorin e përkushtuar dhe studiuesin serioz.
Haruni se bashku me bashkeshorten e tij mesesen Liri, rriten tre femije te perkushtuar dhe te edukuar Eleonoren, mesese e dalluar, Albanin-mjek renimator dhe Silvanen, pedagoge ne Universitet. U shpreh ngushellimet me te thella te miat dhe te Familjes.
Shpirti ne Paqe kusheri, koleg, mik i shtrenjte.
Me kete rast ngushelloj vellezerit: Musa, Hajdar, Shaqir, Shuaip dhe motren Fatime si dhe te gjithe te fisin e madh te Greceve! Ngushellime! Do ta ndjejme mungesen e Harunit!

Dalip Greca