Një grup Shqiptaro-Amerikanësh u mblodhën më 14 Dhjetor 2014 dhe vendosën të punojnë për të mundësuar një qëndër Shqiptare për komunitetin Shqiptar në Hartford, kryeqytetin e shtetit Konektikut. Albanian Community Center është tashmë e çertifikuar në shtetin e Konektikut dhe pritet aprovimi për statusin e organizatës jofitimprurëse nga IRS.
Për projektet që do të punojë kjo qëndër Shqiptare anëtarët e bordit në një takim të hapur edhe me përfaqësues të zgjedhur në State House dhe në bashkinë e Hartford ranë dakord për një organizim më të mirë të Shqiptarëve duke bashkëpunuar edhe me komunitetet e tjera në Hartford për të gjallëruar më shumë edhe jetën e qytetit ku jetojnë.
Në bashkëpunim me përfaqësuesin e State House Angel Arce dhe senatorin Tim Larson kjo qëndër bashkoi Shqiptarët e Konektikut për celebrimin e pavarësisë së Kosovës më 17 Shkurt 2015 në ndërtesën qeveritare State Capitol ku u vendos në çatinë e saj edhe flamuri i shtetit të Kosovës.
Bordi i kësaj qëndre dhe në veçanti. Artan Martinaj, Vedat Selimi, Prend Qetta njërit nga nismëtarët e krijimit të qëndrës janë të vendosur për të bashkuar sa më shumë Shqiptarë në projektet e qëndrës për mësimin e Gjuhës Shqipe, veprimtaritë atdhetare, letrare dhe sportive.
Qëndra është duke punuar së fundi për të mbajtur të parin festival të trashëgimisë kulturore dhe të traditës Shqiptare më 29 dhe 30 Maj, 2015 të premten në orën 5 pasdite dhe të shtunën që fillon prej orës 11 të mëngjesit e deri në mbrëmje, në lokalin e Hartford Pica, në adresën 161 Franklin Ave, Hartford, CT.
Qëndra Shqiptare është sponsorizuesja kryesore e këtij festivali me mundësitë financiare të vetë anëtarëve të qëndrës dhe të bizneseve që janë afruar me qëndrën. Ndërkohë evidentohet edhe bashkëpunimi me degën e Vatra dhe kontaktet me komunitetin e Waterbury nëpërmjet edhe anëtarësisë së qëndrës Shqiptare, prej së cilës disa veprimtarë janë edhe anëtarë të degës Vatra. Edhe grupet e studentëve Shqiptarë në kolegjet e Konektikut janë vënë në dijeni për programin e festivalit dhe e mirëpritën ftesën për të marrë pjesë e për ta gjallëruar më shumë atmosferën festive.
Programi i festivalit do të ketë muzikë live me këngëtarët Entela Ilirjani, Argjend Lloga dhe Grupi Rinia. Do të ketë një menu ushqimi të traditës Shqiptare ku do të ketë gatime të sjella edhe nga anëtarësia e qëndrës. Ndërkohë, do të serviren edhe pije të markës Shqiptare të marra në marketet Shqiptare të zonës.
Fitore Kaçi, sekretare dhe Vedat Selimi Financieri te qëndrës Shqiptare i kan të renditura detajet për programin e festivalit dhe detyrat e secilit nga anëtarët e qëndrës për të mbajtur në Hartford një festival si një pritje e traditës zakonore në një familje Shqiptare që gëzon edhe kaq larg nga Trojet Shqiptare.
Bordi i Albanian Community Center të Hartford mirëpret pjesëmarrjen e organizatave Shqiptare të New York dhe New England, të të gjithë Shqiptarëve që do tu jepet mundësia të vizitojnë festivalin ne Hartford.
Ne do t’ju shërbejmë me kënaqësi dhe do t’ju jemi mirënjohës për pjesëmarrjen dhe mbështetjen që i jepni veprimtarisë së qëndrës Shqiptare.
Një veprimtari tjetër në të cilën Albanian Community Center do të përfaqësojë Shqiptarët e Hartford do të jetë Dita e Komunitetit më 20 Qershor 2015, e organizuar nga miku i Shqiptarëve, përfaqësuesi i State House Angel Arce. Do të jetë një ditë familjare ku qëndra Shqiptare do të organizojë përsëri të njëjtën atmosferë festive si edhe me festivalin e këtij fund Maji.
Për të mësuar më shumë për projektet edukative, atdhetare dhe humanitare të qëndrës sonë mund të kontaktoni nëpërmjet faqes sonë në Facebook Albanian Community Center.
Artan Martinaj, President
Bjorn Londo, Nenkryetar
Fitore Kaçi, Sekretare
Vedat Selimi, Financier
BORDI
Valbona Abedini
Prend Qetta
Alfred Rrumbullaku
Albi Sako
Nijazi Jashari
Xhelal Abedini
Milaim Tahiri
Nesim Muchollari
Vatra
Nesim Muchollari Kryetar I Vatres
Arben Zeqiraj Nenkryetar
Ilir Kola Sekretar