Ana e malit – Dielli

“Ana e Malit” nderoi mesueset ne Hilton Garden, Staten Island

March 6, 2018 by dgreca

“Ana e Malit” nderoi mesueset ne Hilton Garden, Staten Island, New York/

Nga Keze Kozeta Zylo/*

Ditën e dielë, më 4 Mars në Hilton Garden, Shoqata Shqiptaro Amerikane e mirënjohur “Ana e Malit” festoi ditën e mësuesit dhe të nënave. Në këtë datë të shënuar Bordi i shoqatës kishte menduar të nderonte një grup mësuesesh që me përkushtimin e tyre bëjnë një punë të jashtëzakonshme për edukimin dhe zhvillimin mendor të brezave të ardhshëm.

Nënat, mësueset dhe vajza të reja vinin grupe grupe dhe uleshin me biseda të ngrohta në vendet e tyre. Tavloinat ndrinin nga një buqetë e madhe me lule bore dhe trëndafila të bardhë. Mjedisi përreth ishte aromatizuar nga trëndafilat dhe petalet e bardha, ndërsa gratë zbukuronin edhe më shumë hotelin lluksoz në Hilton Garden. Petalet e bardha komunikonin qetësisht dhe me gjuhën poetike hynin direkt dhe në thelb të zemrës.

Gjithmonë më ka bërë përshtypje se si këto gra dhe vajza si Misse bukurie rregullojnë me një përkushtim të veçantë dhe shije elegante duke e bërë atmosferën tejet festive. Aq mikpritës bëhej mjedisi sa atë e shikoja në sytë e grave të moshuara që kishja në tavolinë, si nënë Hurmaja dhe mësuesja fisnike nga Pëmeti që kishin ardhur enkas duke lënë rehatinë e shtëpisë për të qenë bashkë me vajzat dhe shoqërinë këtu në diasporë.

Mbasditja bëhej e dielltë dhe nga xhamat e shndritshëm shiheshin drurët me degët që dukeshin sikur do shpërthenin në sythe nga dashuria e pamasë e nënave dhe motrave shqiptare në Diasporë.

Në hyrje të mirëprisnin Emmie Salaj dhe Melinda Gjeloshi dy organizatoret kryesore të këij aktiviteti shumë mbresëlënës ngase kishte në qendër të programit nderimin dhe respektin për mësueset në gjithë rruzullin. Mësuesit jane siç thotë historiani i shquar amerikan Henry Brooks Adams se ato ndikojnë ne përjetësi dhe askush nuk mund të tregojë se ku ndalet ndikimi i tyre. “Teachers affect eternity; no one can tell where their influence stops.”

Mbrëmjen e përshëndeti Këshilltar i Bashkisë së Nju Jorkut z.Mark Gjonaj “Nderi i Kombit” shoqëruar nga bashkëshortja e tij një zonjë e bukur Robeta Gjonaj.Atmosfera u ndez dhe më shume nga artistët e shquar Arebërie Hadërgjonaj dhe Agim Gërbeshi nën tingujt e DJ-it.

Të nderosh mësueset…

Mbrëmjen festive e ka përshendetur znj.Emmie Salaj presidente e shoqatës shqiptaro amerikane “Ana e Malit”. Znj.Salaj tha se ne jemi të nderuara të mbajmë pesë vjetorin e Ditës Ndërkombëtare të Grave dhe në këtë ditë duam të nderojmë mësueset e komunitetit që bëjnë një punë të jashtëzakonshme për edukimin e fëmijëve tanë. Këo zonja meritojnë t’ju njihet puna për përkushtimin e tyre, pozitivitetin dhe energjinë që sjellin tek brezat e ardhshëm.

Pas fjales se znj.Salaj fjalën e ka marrë znj.Melinda Gjeloshi anëtare ekzekutive e Bordit.

Ajo tha se: “Është mirë të jesh këtu me të gjithë ju dhe te festojme Ditën Ndërkombëtare të Gruas!

Sot Shoqata Shqiptare Amerikane “Ana e Malit”, po njeh dhe nderon të gjithë mësuesit tanë.

Mësuesit kanë një nga punët më sfiduese dhe më të suksesshme, që ndryshojnë jetën e fëmijëve tanë. Një mësues sheh potencial në çdo nxënës që ecën nëpër derën e tyre, edhe kur ai fëmijë nuk mund të njohë akoma talentin e tij. Çdo ditë në klasat tuaja iu drejtua mesueseve se ju punoni për të siguruar që të gjithë studentët tuaj të bëjnë përparim drejt rritjes së tyre dhe t’i zotërojne qëllimet e tyre. Ju jeni frymëzues për nxënësit gjatë gjithë jetës, duke bërë të mundur që të keni mundësi të pakufishme për jetën dhe karrierën e tyre.

Ne ju falënderojmë për ndarjen me nxënësit, pasionin tuaj. Faleminderit për fuqizimin e rinisë sonë dhe për t’i ndihmuar ata të zhvillojnë dhe vlerësojnë një shoqëri të ndryshme dhe një dëshirë për të krijuar një botë më të drejtë dhe të barabartë. Faleminderit që e bëtë këtë punë jetësore pa pritje për falënderim; por e di se ju e meritoni mirënjohjen tonë.

Ne e kuptojmë se zëri juaj është një pjesë thelbësore e bisedave që ndikojnë në klasën tuaj dhe në profesionin tuaj. Ne e kuptojmë se puna juaj është një sfidë, por e di se është një punë vitale e rëndësishme për fëmijët tanë.

Studentët janë të prekur thellë nga ndikimi juaj, personaliteti dhe dashuria juaj.

Me këtë rast, Shoqata Shqiptare Amerikane “Ana E Malit” po pranon punën dhe përkushtimin tuaj dhe ju falënderojmë për këtë angazhim të përjetshëm”.

Në këtë kohë, unë do të sjellë prane jush disa edukatorë per t’i nderuar me çmim mirënjohje dhe ato janë:Aida Mehmeti/ Allmira Peri/ Arbenita Lubani/ Fatbardha Avdiu/ Haxhire Redzovic/ Jacqueline Kapaj-Vieira/ Kozeta Zylo/ Liridona Llolla/ Lumnije Gjekaj/ Mihana Avdiu/ Mika Capa/ Miranda Perezic/ Nafie Frangu Skara/ Suzana Braca/ Violeta Llolla dhe Zyli Dabi.

Të gjitha mësueseve iu dha nga një pllakatë në duar me mbishkrimin: “Mësueset frymëzojnë dhe realizojnë ëndrrat, ndërtojnë jetën dhe japin shpresë për të ardhmen”…

Dalja e tyre në skenë u mirëprit me duartrokitje ë stuhishme nga masa e gjerë e grave të pranishme në këtë festë.

Ëndrra e Sabinës të bëhej mësuese

Mësuesja që u veçua për të sjellë historinë e saj shumë frymëzuese ishte e Sabina Astafës. Zonjushen simpatike e prezantoi znj.Haxhire Redzovic një grua simpatike plot vitalitet që çliron vetëm energji pozitive. Ajo tha: “Falenderoj miken time Emmie Salaj dhe Shoqatën Ana Malit për të më dhënë mundësinë për të ndarë këtë histori tjetër”.

Nxenësja jonë e ardhshme, Sabina Astafa, ëndërronte të ishte mësuese gjatë gjithë jetës së saj. Kur ajo ishte e vogël, babai i saj i bleu një projektor “t’i besojë klasën” e saj dhe nëna e saj e furnizoi me shumë libra. Ajo u rrit nga një familje e dashur që e inkurajoi që të vazhdonte ëndrrat e saj.

Për fat të keq, kur Sabina ishte vetëm 15 vjeçe, ajo humbi sistemin më të madh të mbështetjes që një fëmijë mund të kishte … prindërit e saj!

Siç mund ta dini, kur ballafaqoheni me tragjedi të vërtetë në jetë, ju mund të reagoni në njërën nga dy mënyrat: ju mund të humbni shpresën dhe të zhvilloni sjellje vetë shkatërruese ose mund të sfidoni veten për të gjetur forcën tuaj të brendshme.

Ndonëse nuk ishte e lehtë, falë dashurisë dhe mbështetjes nga familja dhe miqtë (shumë prej të cilëve ndodhen sot në këtë dhomë dhe ju e dini se kush jeni), Sabina ishte në gjendje të gjejë forcën dhe punën e saj drejt përmbushjes së pasionit të saj duke u bërë mësuese! Ajo e kuptoi se ndërsa përjetimi i humbjes në jetë do të ndryshojë, nuk duhet të përcaktojë ty.

Sabina gjithmonë besonte se mënyra më e mirë për të nderuar kujtimin e prindërve të saj do të ishte kthimi në komunitet për të qenë më fatlumë. Në vitin 2016, për të përkujtuar dhjetëvjetorin e humbjes së prindërve të saj, së bashku me vëllezërit e motrat, Sevdiana, Mërgim dhe Gianna organizuan një fushatë për mbledhjen e fondeve për të ndihmuar në mbledhjen e fondeve për Fondacionin Orphans Worldwide. Ata mblodhën mbi 16,000 dollarë! Sabina, vëllezërit dhe motrat e saj janë një testament i vërtetë se me hirin e Perëndisë dhe një mbështetje të vogël, ne kemi fuqinë për të kapërcyer çdo pengesë në jetë!

Edhe një herë, faleminderit të gjithë anëtarëve të Shoqatës Ana Malit për njohjen e mbesës sime Sabina dhe që më lejuat të tregoj historinë e saj frymëzuese!

Historia e mësuese Sabinës që frymëzon…

Para së gjithash, dëshiroj të falënderoj anëtarët e bordit të Shoqatës “Ana E Malit” për të gjetur mua të denjë për këtë njohje. Unë jam aq e nderuar dhe krenare që po e marr këtë çmim në emër të karrierës time mësimore deri më tani, kështuqë faleminderit.

Sipas mendimit tim, një mësues është dikush, qëllimi kryesor i të cilit është që të synojë formimin e nxënësve të rinj të zgjuar, të jenë të respektueshëm dhe të sigurtë, të cilët mund të kontribuojnë në shoqëri në një mënyrë pozitive.

Mësuesit nuk pushojnë së mësuari. Do të doja të ndaja tri mësimet që kam mësuar gjatë gjithë përvojës sime.

Mësimi 1: Mësimi im i parë rrjedh nga Nicholas Ferroni, një mësues i Historisë në Shkollën e Lartë të Bashkimit, i cili dikur tha: “Nxënësit, të cilët janë të dashur në shtëpi, vijnë në shkollë për të mësuar. Studentët që nuk janë, vijnë në shkollë për t’u dashur. Për aq shumë studentë, shkolla nuk është vetëm shkollë, por është shenjtërimi i tyre. Çdo student ka një histori për të treguar dhe vështirësi për të kapërcyer. Unë e di se shumica e nxënësve të mi duhet të nxitojnë në shtëpi për t’u kujdesur për shtëpinë dhe vëllezërit e motrat e tyre pas shkollës, ndërsa prindërit e tyre janë në krye të punës së tyre të dytë. Si mësues, të qenit i përulur është thelbësor në ndërtimin e një marrëdhënieje të shëndetshme me nxënësit tuaj. Sapo të keni vendosur këtë, nuk ka kufi se çfarë mund të mësojnë.

Mësimi 2: Mbajtja e një sistemi të fuqishëm mbështetës është absolutisht kritik për arritjen e qëllimeve tuaja. Sistemi im i mbështetjes filloi me prindërit e mi, të cilët ishin avokatët e mi më të mëdhenj. Babai im bëri gjithçka në fuqinë e tij për të më mbushur me gëzim në një moshë të re. Nëna ime tregoi mbështetjen e saj duke theksuar vazhdimisht rëndësinë e të qenit një grua e pavarur dhe e vështirë. Unë nuk e kisha besuar, por unë plotësisht e kuptoj se çfarë ajo nënkuptonte tani. Çdo gjë që vlen të ndjekësh kërkon punë të madhe, përkushtim dhe mbështetje. Rrethoni veten me njerëz që ju frymëzojnë dhe do t’ju ndihmojnë të ecni përpara në jetë. Unë përpiqem të jem ky frymëzim për studentët e mi. Duke thënë këtë, unë jam përgjithmonë mirënjohës për familjen dhe miqtë e mi, të cilët gjithmonë kanë qenë atje për mua.

Mësimi 3: Pa marrë parasysh se çfarë ndodh në jetë, gjithmonë mos harroni se jeta vazhdon. Nuk ka ndalesa; nuk ka shkurtore. Sa më shpejt që të mësoni ta pranoni këtë, do të ndiheni më të vendosur për të ndjekur ëndrrat tuaja, sepse ju refuzoni të përcaktoheni nga rrethanat tuaja. Në fund të fundit, nuk është ajo që na ndodh në jetë që na definon, ne zgjedhim t’i përgjigjemi asaj. Ky është një mësim që përpiqem të fut në të gjithë nxënësit e mi. Nëse jeni mësues apo jo, shpresoj që disa prej këtyre mësimeve të rezonojnë me ju. Unë do të doja të përgëzoj marrësit e mirënjohjeve si dhe edukatorët e tjerë këtu që vazhdojnë me vendosmëri për të ardhmen e nxënësve tanë ne një plan mësimi në të njëjtën kohë.

Mësuese Sabina

Sabina Astafa është një mësuese e shkollës së mesme në North Plainfield, New Jersey. Sabina fitoi diplomën Bachelor në Universitetin Rutgers në vitin 2013, ku ajo bashkëthemeloi klubin e lidhjes shqiptare. Pas përfundimit të orëve të saj të hershme, Sabina kaloi studimet universitare përfundimtare, semestër që studioi jashtë vendit në Universitetin e Londrës – një përvojë që ajo e përshkruan si të dyja shpirtërisht dhe intelektualisht të dobishme.

Sabina fitoi masterin e saj në mësimdhënien e gjuhës angleze për studentët e mesëm në Universitetin Monmouth, duke përfunduar Summa Cum Laude në vitin 2015. Ajo filloi punën e saj të ëndrrës ne qendrën e mësuesve të shkollës tre muaj më vonë. Klasa shpejt u bë sheshi ideal për Sabinën e cila tregoi pasionin e saj për të frymëzuar të tjerët.

Në 2016, Sabina filloi një fushatë për mbledhjen e fondeve në përkujtim te prindërve të saj që ikën larg në tetor 2006. Qëllimi ishte t’i jepja përsëri fëmijëve në nevojë më shumë fat dhe, nga ana tjetër, ta nderonin prindërit.

Një nga qëllimet e Sabines në jetë është të pohosh nocionin që fillon nga tejkalimi i vështirësive

brenda: Pranimi i sfidave me gjithë zemër, të mësuarit prej tyre, dhe përfundimisht ndarjen e këtyre përvojave me botën.

4 mars, 2018

Staten Island, New York

Fotografite i shihni ne Facebook(dielli vatra)

20 vjetori i shoqatës “Ana e Malit” dhe kuvendi vjetor i saj, NY

March 7, 2017 by dgreca

Në restorantin Vanderbilt u mblodhën Ana Malasit për Kuvendin e tyre vjetor si dhe me këtë rast për të përkujtuar/

Nga Keze Kozeta Zylo/Plaga e ikjes nga trojet e lashta shqiptare vazhdon të rrjedhë gjak, vazhdon të jetë e hapur e pashërueshme dhe mjerisht s’është gjendur asnjë kurë per ta shëruar. Me sa duket e vetmja kurë për të shëruar plagët e ikjes për emigrantët është organizimi i tyre nëpër shoqata dhe klube të ndryshme shqiptarësh. Ka mjaft shoqata atdhetare dhe patriotike që ndihmojnë me plot dashuri dhe përkushtim bashktatdhetarët dhe vendin e tyre nga kanë ardhur. Nje prej tyre që punon me plot devotshmëri është shoqata “Ana e Malit”.

Tubimin e hapi kryetarja e shoqates “Ana e Malit” znj. Emmie Selaj e cila përshëndeti të gjithë pjesëmarrësit dhe iu uroi atyre punë të mbarë. Zonja Selaj foli për të gjitha organizimet dhe aktivitetet e rëndësishme të shoqatës përgjatë vitit 2016-2017të. Aktivitetet si festa internacionale e gruas, pikniku vjetor, shenjterimi I Nene Terezes, pjesëmarrja e 42 të rinjve në Festivalin e përvitshëm të organizuar nga Kisha Katolike Zoja e Shkodres, të cilët u përgatitën nga zonja Angjelina Nika, Festimi i përbashkët në104 vjetorin e Pavarësisë, në9 vjetorin e Pavarësisë së Kosovës etj, flasin qartë për një punë serioze të kryesisë së shoqatës. Ndërkohë ajo ftoi prindërit që fëmijët e tyre të bëhen pjesë e një programi intensiv për të mësuar Gjuhën Shqipe në bashkëpunim me Shkollën Shqipe“Alba Life”. Zonja Sela vlerësoi punën e kryesisë dhe bashkëpunimin me anëtarët e saj. Pas fjalës së kryetares Selaj ka folur në emër të kryesise z.Gezim Ibroci i cili i bëri një historik të shkurtër shoqatës që nga themelimi i saj 1997 dhe deri ne 2017 të.

“ANA E MALIT” NË NEW YORK (1997-2017)

Z.Ibroci tha se: “ Si të gjitha trevat shqiptare edhe Ana e Malit nuk iu shmang dot mërgimit, sëmundje kjo që filloi nga shekulli i kaluar duke i shpërndarë anamalësit anë e kënd botës .

Plaga e mërgimit si një vullkan aktiv vazhdon edhe sot e kësaj dite të përvëloj atë trevë por sot do flasim për të kaluarën e deri në ditët e sotme të organizimit të mërgimtarëve në SHBA, saktësisht në New York.

Me aq sa ka informacion Anamalësit në NY format e para organizuese i filluan pas viteve 80 ku si pishtar formohet grupi i folklorit Mërgimtari i cili për herë të parë doli në skenë me rastin e Festës së 28 Nëntorit aktivitet ky i organizuar nga komuniteti i atëhershëm shqiptar.

Anamalësit nuk i tuboi vetëm arti dhe kultura por edhe cështjet kombëtare ku ishin anëtarë në Klubin Kombëtar ” Jusuf Gërvalla” në Bronx, dhe anëtar të degës së Lidhjes Demokratike të Kosovës në New York.

Gjatë kësaj kohe , me iniciativën e Gjylaver Avdiut, dhe mësuesit Mehdi Alaj, Klubi Kombëtar “Jusuf Gërvalla”, hapi shkollën shqipe në Ridgewood, ku mësonin kryesisht fëmijët e mërgimtarëve nga Ana e Malit, Kraja e Ulqini.

Trazirat, luftrat dhe situatat e vështira në ish Jugosllavi shkaktuan valë të madhe mërgimtarve pas viteve 90 dhe organizimi i komunitetit u bë më se i nevojshëm, për vet diasporën por edhe për ndihmën e organizuar të trevave nga vinin.

Ndër aksionet e para humanitare që u organizu nga anamalasit në New York, ishte Aksioni për ndihmën financiare të nxënësve dhe studentëve si dhe familjeve më të varfëra ne vitin 1993.

Me iniciativë nga Sefer Avdiu dhe Mustafë Hidra u mbajt mbledhja inicuese në Ridgewood ku muarën pjesë 18 pjesëtarë të komunitetit ( në mes të cilëve Sabri Gjoni, Sefer Avdiu, Mustafë e Imer Hidra, Gjylaver Avdiu, Dul Gjeloshi, Vehbi Spahiu, Tomë Shkreli, Xhemal Luka etj.)takim ky ku u zgjodh Këshilli i Përkohshëm Humanitar dhe u muar vendim që Sabri Gjoni ti prijë këshillit deri në mbledhjen e radhës e cila u mbajt në vitin 1994 ku këshillit për organizimin e Aksioneve humanitare iu shtuan edhe Xheladin Zeneli, Dul Gjeloshi, Imer Hidra, Tomë Shkreli, Naser Çobi dhe Richard Lukaj.

Organizimi i anamalësve dha frytet e para, plot 20 mijë e 400 dollarë nga bujaria diasporës destinacion kishin vendlindjen , kryesisht studentët dhe familjet me vështirësi financiare

Organizim tjetër që i parapriu themelimit të Shoqatës ” Ana e Malit ” ishte formimi i Klubit Futbollistik me të njëjtin emër, në Korrik të 1995 sukses tjetër i anamalësve që denjësisht i prezantoi në Ligën Shqiptaro-Amerikane të Futbollit aso kohe.

Përpjekjet por njëheri edhe nevoja për formimin e një shoqate të mirëfilltë nuk mungonte dhe pas cdo takimi të anamalësve, tashmë mërgimtarë në NY bëhej më e afërt.

E plotë me statut, program dhe kryesi shoqata Ana e Malit u themelua më 26 janar të vitit 1997.

28 pjesëtar të komunitetit në Kuvendin Themelues zgjodhën kryesinë me këtë përbërje: Xheladin Zeneli, kryetar, Skender Xhurreta, nënkryetar, Vehbi Spahiu,sekretar , Qemal Dushku, arkatar ku më vonë kryesisë iu bashkangjten edhe aktivistë të tjerë si, Nikë Boga, Sefer Avdiu, Osman Kallaba, Tomë Shkreli, Zaim Halili Ismet e Gani Nika e të tjerë dashamirë për të kontribuar.

Shoqata fillimisht kishte status të pavarur, por pas disa muajëve të veprimtarisë së vet iu bashkangjitet Fondacionit Kulturor Shqiptaro-Amerikan ,i cili drejtohej nga Cafo Boga,në kuadër të cilit veproj deri në vitin 2002, derisa që nga atëherë e deri më sot, Shoqata vepron përsëri si organizatë e pavarur.

Dy aktivitetet e para që Shoqata i organizoj për komunitetin e vet e të cilat që atëherë janë bërë tradicionale janë, kremtimi i Festës së Flamurit 28 Nëntorit dhe Pikniku i komunitetit.

Lufta në Kosovë mobilizoj gjithë komunitetin shqiptar me ç’rast Shoqata ” Ana e Malit” , falë solidaritetit të pjesëtarëve të komunitetit të vet, për një kohë të shkurtër mblodhi 55 mijë dollarë për Qeverinë e aso kohe të Kosovës.

Gjatë viteve 98 /99 anamalësit shpeshmi grumbullonin ndihma financiare për UÇK-në ku gjatë kësaj periudhe gjithësejt u mblodhën rreth 170.000 dollarë për Kosovën duke deshmuar kështu edhe atdhedashurinë.

Nuk do lëja pa përmendur me këtë rast dy detaje të rëndësishme të viteve të fundit të shoqatës Ana e Malit sic është bashkimi me shoqatat simotra nëntorin e 2014 si dhe zgjedhjen e parë për kryetare një pjesëtare të komunitetit dhe intelektuale të gjinisë femrore.

Gjatë dy dekadave Shoqata ” Ana e Malit” ka përkrahur aktivitete të ndryshme në atdhe duke ndihmuar financiarisht projekte të ndryshme të bashkëvendasve tanë në trevat e tyre autoktone derisa në SHBA është angazhuar në ruajtjen dhe kultivimin e kulturës dhe traditave kombëtare dhe përcjelljen e tyre te gjeneratat e reja.

S’ka dyshim se këtë mision do të vazhdojë t’a kryej edhe në të ardhmen.

Anëtarë të dalluar u vlerësuan me certifikata mirënjohjeje

Në këtë tubim u ndanë dhe certifikata mirënjohjeje për shumë aktivistë të dalluar që kanë punuar me zell dhe devotshmëri për bashkatdhetarët në Diasporë dhe për vendin e origjinës.

Ata janë: Sabri Gjoni, Tomë Shkreli, Dul Gjeloshi, Richard Lukaj, Naser Cobaj, Imer Hidra, Sefer Avdiu, Mustafe Hidra, Skënder Cuca, Ibrahim Luka, Xhemal Luka, Ismet Kurti, Ismet Nika, Xheladin Zeneli, Skender Xhurreta, Vehbi Spahiu, Qemal Dushku, Cafo Boga, Zaim Halili, Miradin Gjoni, Xhafer Osmani, Ruzhdi Bërkani, Osman Kallaba dhe Nikë Boga.

Pas vlerësimeve për anëtarët e dalluar të shoqatës fjalën e ka marrë zonja Melinda Gjeloshi, ndërkohë anëtare e kryesisë. Ajo paraqiti raportin për bilancin e shpenzimeve financiare.

Kuvendi vjetor u mbyll me një prezantim të shkurtër në ekran të aktiviteteve të ndryshme që kanë zhvilluar anëtarët si dhe kryesia e shoqatës gjatë vitit 2016-2017të.

Këto pamje ne ekran u mirëpritën me duartrokitje dhe u premtua se do të punojnë më shumë në të ardhmen sidomos me gjeneratën e re për t’i sjellë së bashku dhe për të marrë pjesëaktivisht dhe gjallërisht në të gjitha . aktivitetet që do te zhvillojë shoqata “Ana e Malit”

Tubimi i shoqatës “Ana e Malit” u filmua nga TV “Alba Life” me producent dhe themelues z.Qemal Zylo.

5 mars, 2017

Staten Island, New York

Emmie Salaj dhe kuvendi i Shoqatës “Ana e Malit”

February 22, 2016 by dgreca

Nga Keze Kozeta Zylo/

“Çdo grua që kupton problemet e familjes do të jetë shumë më afër për të kuptuar dhe problemet që ka vendi.” Margaret Thatcher/

Shoqata shqiptare amerikane “Ana e Malit” në Staten Island, New York mbajti kuvendin e saj dhe bëri zgjedhjet për kryetar të ri dhe kryesinë me mandat për vitin 2016-2019.Në mjediset e këndshme të lokalit “Brook Catering Hall” me pronar z.Shaban Seferi Anamalasit u mblodhën së bashku për të marrë pjesë në kuvendin e tyre të radhës.Kuvendi këtë radhë nuk ishte vetëm një mbledhje pune, por ishte tejet i rëndësishëm, sepse do të bëheshin zgjedhjet për drejtuesit e ardhshëm të shoqatës me mandat tre vjeçar. Ajo që binte në sy në këtë Kuvend ishte se mjaft gra zonja të shoqatës kishin shprehur vullnetin për t’iu bashkuar punëve të shoqates dhe kryesisë. Në këtë shoqatë janë gra dhe vajza të reja që kanë marrë edukimin e duhur dhe janë integruar plot kulturë në botën amerikane, kështuqë pjesëmarrja e tyre ishte krejtësisht një domosdoshmëri do të shprehej ish kryetari i shoqatës “Ana e Malit” z.Ismet Kurti si dhe gjithë Anamalasit që morën pjesë në këtë ditë të shënuar të tyre. Kuvendin e ka hapur z.Zija Kraja një aktivist i dalluar i cili iu ka shprehur të gjithëve mirëseardhjen dhe iu ka uruar bashkëkombasve punë të mbarë në Kuvend.Kuvendi drejtohej nga presidiumi i përbërë nga këta anëtarë: Ismet Kurti, Xheladin Zeneli, Nail Llolla dhe Bilal Demiri. Z.Zija Kraja ka ftuar në podium z.Xheladin Zeneli ish deputet në Kuvendin e Malit të Zi dhe njëherazi n/kryetar i shoqatës. Z.Zeneli ka sjellë para gjithë pjesëmarrësve aktivitetet e shumta të shoqatës dhe punën e palodhur që ka kryer kryesia e shoqatës. Ai ndërmjet të tjerash tha: Shoqata mban takimin e radhës me komunitetin e vet, më 8 Shkurt 2015 në lokalin ” Brook Catering Hall” në Staten Island.Shoqata mori pjesë në Mbrëmjen Festive të organizuar nga Anëtari i Asamblesë së NY, z. Mark Gjonaj me rastin e 8-vjetorit të Pavarësisë sëKosovës, më 21 Shkurt 2015 në Maestro’ Catering, në Bronx;Pjesëmarrje me rastin e përkujtimit të rënies së Vëllezërve Bytyçi me 7 Mars në Yonkers. Organizimi i 8 Marsit, Ditës Ndërkombëtare të Gruas, më 8 Mars në restorantin Vanderbilt, në Staten Island. Pjesëmarrje përkrahjeje në mbrëmjen fondmbledhëse të Shkollës Shqipe në Maestro’s, në Bronx (NY), më 21 Mars 2015.Mbledhja e Kryesisë së Shoqatës (12 Prill 2015), Staten Island. Pjesëmarrja në Mbrëmbjen Fondmbledhëse për Ansamblin ” Bashkimi Kombëtar” para paraqitjes së tyre në Festivalin Mbarëkombëtar në Gjirokastër. (Giovanni’s, restaurant, 2 Maj, 2015).Pjesëmarrja në ceremoninë përkujtimore kushtuar 70 Vjetorit të përfundimit të Luftës së Dytë Botërore dhe Ditës së Fitores në Europë. Me ftesë të Ansambleistit të shtetit të New Yorkut, Mark Gjonaj dhe senatorit Jeff Klein muarën pjesë disa përfaqësues të organizatave të komunitetit shqiptar. Në këtë solemnitet të organizuar në Albany (NY), mori pjesë Presidenti i Shqipërisë, z. Bujar Nishani i cili njëherazi ishte edhe folësi kryesor duke përkujtuar kështu kontributin që shqiptarët dhanë gjate Luftës së Dytë Botërore. (5 Maj, 2015). Pjesëmarrja e Shoqatës në festën e përfundimit të vitit shkollor (Graduation Party) të nxënësve të shkollave shqipe “Alba Life”, më 27 Qershor në”Sirico’s” catering, në Brooklyn e shumë shumë aktivitete të tjera u përmendën në fjalën e z.Zeneli, i cili ka ftuar kryetarin e shoqatës z.Ismet Kurti,qe u mirëprit me duartrokitje nga pjesëmarrësit çka tregoi për respektin dhe punën e palodhur të kryetarit të tyre. Z.Kurti tha se: “Kam nderin dhe shpreh respektin tim më të lartë për punën dhe kontributin tuaj të palodhur për të mirën e shoqatës dhe për të mirën e komunitetit tonë në përgjithësi. Puna dhe angazhimi juaj fisnik në këtë aspekt është dhe një vepër humane, është përkushtim i çdonjerit nga ju që reflekton shumë për të mirën e gjeneratave tona që po rriten në mërgim. Më gëzon fakti që komuniteti ynë sot është një forcë reale në çdo lëm të jetës në vendin ku jetojmë dhe veprojmë, edukimi i të rinjve tanë po reflekton shumë që Shqiptaro – Amerikanët të shtojnë ndikimin e tyre në vendimmarrjen te institucionet e ndryshme për çështje të rëndësishme për të ardhmen tonë.Unë besoj se shoqata jonë ka një të ardhme të ndritur sepse në mesin tonë ne kemi burime të pashtershme, njerëz të zot që duket shumë evidente në këtë sallë.Ai falënderoi familjen e tij për mbështetjen që i ka bërë në punen e tij si kryetar dhe njëkohësisht kohën që ai i ka marrë familjes dhe ja ka kushtuar shoqatës vullnetarisht.

Z.Ismet Kurti ndan çertifikatat e mirënjohjes

Z.Kurti në emër të kryesisë iu ndau çertifikata mirënjohjeje anëtarëve aktivë të saj me këtë motivacion: Çertifikatë mirënjohjeje në shenjë mirënjohjeje për mbështetje dhe kontributin tuaj të vazhdueshëm ndaj komunitetit dhe shoqatës.Ata ishin: Kadri Capriqi All Finest Window/ Alba Life TV Qemal dhe Kozeta Zylo/ Dr.Bari dhe dr.Yllka Ceka Totenville Medical Center/ Iso Capriqi Capri WindowsFatmir Kallaba Kallaba Realty/ Qamil Kapriqi Art Windows/ Ali Kurti High tech Windows/ Alban Krasniqi Albert Salaj Target Construction/ Dino Nela Newport car Service/ Hajro Ceka Grupi muzikor Ceka/ Smail dhe Bilal Demiri Benra WindowsAmir Suka Alba Pro/ Sadik Zeneli DJ SammyZ/ Sulejman Pali Euro CutBKA’ne me kryetar Kabil Kurti dhe gjithë anëtarësine e tyre/ Ansamblin TraditaFutboll klubin “Ana e Malit”/ Admir Mahmedi Miri Design/ Oso Abazi Belvedere restaurant NY/ Antica restaurant Halil Ahmetaj NY/ Chelsea restaurant Qazim Veliu NYNjë falënderim të posaçëm për ngritjen e Flamurit në Hylan Bulevard, më 28 Nentor iu është dhënë: Nail Demirit dhe Latif Leshit, Arben Tairit dhe dhe Faruk Demirit. Gjithashtu falënderojmë për mbështetje Ansambleistin e shtetit të Nju Jorkut Z.Mark Gjonaj, koordinatorin e shoqatave z.Eljo Berisha, ish kryetarin e fondacionit “Plavë e Guci” z.Esad Gjonbalaj, bashkëpunëtorin e zellshëm ish kryetari i Fondacionit “Malësia e Madhe” Detroit z.Pashko Gjokaj dhe shumë të tjerë.

Në fund të gjithë marrësit e çertifikatave të mirënjohjes bënë së bashku një fotografi.

Kryetare e Shoqatës “Ana e Malit” u zgjodh zonja Emmie Salaj

Gjatë Kuvendit e morën fjalën mjaft pjesëmarrës të cilët diskutuan rreth shoqatës, zgjedhjeve të Kuvendit, por edhe për perspektivën e saj. Midis diskutantëve ishin personalitete të shquara që jane të mirënjohur në Diaspore dhe në Mëmëdhe si: Richard Luka, Sabri Gjoni, Cafo Boga, Naser Coba, Ali Kurti, Esat Aloshi etj.

Pati dhe diskutantë që debatuan si Albert Salaj, Halil Bekami, Nail Osmanaj, Flamur Anamali, debati i të cilëve ishte me kulturë dhe tolerues. Ajo që më bëri përshtypje në këtë kuvend zgjedhor ishte mënyra paqësore e diskutimeve, toleranca dhe kultura midis tyre, çka nuk e ndeshim shpesh në vende të ndryshme. Të gjithë pjesëmarrësit i mëshuan fort zgjedhjes së një gruaje si kryetare sepse siç thanë ata gruaja është përkrahëse e fortë e zhvillimit, e stabilitetit, dhe i edukon me dashuri fëmijët e saj për të ruajtur traditat, kulturën dhe gjuhën shqipe.

Kuvendi kaloi në zgjedhje ku në mënyrë demokratike dhe njëzëri u zgjodh zonja Emmie Salaj. Shoqata “Ana e Malit” sipas të gjithë pjesëmarrësve bëri histori, pasi për herë të parë në këtë shoqatë zgjidhet një grua kryetare. Fjalimi i saj ishte shumë impresionues dhe mbresëlënës. Ajo tha se duhet të gjejmë rrugën që ne të bashkohemi të gjithë. Kishja kohë që e mendova për t’u përfshirë në shoqatën “Ana e Malit”, se në se nuk perfshihesh në shoqatë nuk do e kuptosh kur rezultatin. Ajo tha se ne duhet t’i edukojmë fëmijët tanë me traditat e mrekullueshme shqiptare. Nuk ka më emocionuese kur fëmijët mezi presin të shkojnë në piknikun e përvitshëm që organizon “Ana e Malit”, apo Festën e Flamurit Kombëtar. Të gjitha këto bëhen në se ne jemi bashkë, në se ne punojmë për gjeneratat e reja që të mos e humbasin kurrë rrënjët e tyre, rrënjët e të parëve të tyre. Ne duhet t’i çojmë fëmijët tanë të mësojnë gjuhën shqipe sepse ata do ta njohin dhe do ta kuptojnë më mirë historinë e pasur shqiptare. Fjala e saj e zjarrtë dhe plot dashuri për fëmijët të kujtonte zonjën e hekurt të Anglisë Margaret Thatcher e cila ka thënë: “Any woman who understands the problems of running a home will be nearer to understanding the problems of running a country,” që do të thotë: “Çdo grua që kupton problemet e familjes do të jetë shumë më afër për të kuptuar dhe problemet që ka vendi.” Emmia ka marrë edukimin e plotë në Amerike dhe ka një karierë profesionale për t’u admiruar. Ajo sot punon si zv/presidente, Senior, Sales at Shiseido: Beaute Prestige International. Bordi drejtues i zgjedhur në rrugë demokratike në Kuvend përbëhet nga këta anëtarë: Ismet Kurti/ Bilal Demiri/Mustafë Hidra/ Zija Kraja/ Sulejman Pali/ Emmie Salaj/ Melinda Gjeloshi/ Mina Salaj/ Suada Ceka/ Bajame Llolla/ Nazmir Osmani/ Naser Çobaj/ Albert Salaj/ Arsim Tagani dhe Edin Shabaj.

Në fund të gjithë Anamalasit me krenari i uruan zonjes Selaj, punë të mbarë dhe bënë një foto të përbashkët si pjesëmarrës të këtij kuvendi.

21 shkurt, 2016

Staten Island, New York

KOMUNITET- SHOQATA”ANA E MALIT” DO TE ORGANIZOJE KUVENDIN ME 21 SHKURT

February 3, 2016 by dgreca

NEW YORK : Shoqata ” Ana e Malit” me seli në Nju Jork, njofton ne statusin e saj ne “Facebook” se ajo ka mbajtur mbledhja e Kryesisë së Shoqatës ” Ana e Malit”( me mandat Janar 2013-Janar 2016), që u mbajt të Dielën, me 31 Janar 2016, ku muarën pjesë, përveç udhëheqësisë së tanishme, edhe disa femra të kumunitetit, që kanë shprehur gatishmërinë që të aktivizohen në mandatin e ardhshëm të Kryesisë së Shoqatës .
Njoftimi i saj thote se Shoqata ” Ana e Malit” me seli në Nju Jork, jo vetëm që mirëpret me kënaqësi angazhimin e kësaj pjese të pandarë të shoqërisë tonë,por kjo është e domosdoshme me qëllim që të tejkalohen barrierat e natyrës gjinore ( Megjithëse në këte aspekt jemi të vonuar). Por kjo nuk duhet të jetë arsyeja e vetme e angazhimit të tyre . Inkuadrimi i motrave dhe vajzave tona në Shoqatë, është shumë i nevojshëm duke pasur parasysh kapacitetin, edukumin dhe eksperiencën e tyre që ata kanë arritur në profesionet e veta përkatëse në diasporë, çka duhet patjetër të kenë ndikim pozitiv në Shoqatë.
Në fund ata thone se këtë mbledhje u vendos që numri i anëtarëve të Kryesisë së re të reduktohet për shkak të efikasitetit të saj veprues.Gjithashtu në këtë mbledhje u shqyrtu mbajtja e Kuvendit Zgjedhor të radhës i cili planifikohet të mbahet me 21 Shkurt 2016.Për lokalin dhe detalet e tjera të mbajtjes së këtij Kuvendi, komuniteti anamalas në Nju Jork me rrethe do të njoftohet më vonë./B.S/

Shoqata Ana e Malit – mësimdhënsit dhe nënat festojnë festat e tyre, 7-8 Marsin

March 9, 2015 by dgreca

Nga Beqir SINA New York/
STATEN ISLAND NY : Shoqata “Ana e Malit” që mban emrin e trevës autoktone shqiptare me të njëjtin emër të Komunës së Ulqinit dhe grumbullon rreth vehtes kryesisht bashkatdhetarë të ardhur në SHBA nga kjo trevë, me qendër në ishullin njujorkez Staten Island, në kuadrin e festave të 7 dhe 8 Marsit, organizojë, të dielën në mesdrekë një aktivitet kulturoro-argëtues, duke nderuar me këtë rast dy mësimdhënse të dalluara nga kjo trevë; znj. Rukije Lika – Shabaj, dhe znj. Syme Mehmedi – Kokaj, si dhe veprimtaret e dedikuara të komunitetit znj. Elsa Lulaj, Lindita Lole, dhe Edina Kovacevic.
Kjo shoqatë, e dalluar për aktivtete të tilla në komunitet, në lokalin Vanderbilt – qytetin Staten Island Nju Jork – mblodhi së bashku dhjetëra gra shqiptare, kryesishtë nga kjo trevë, shoqe, miq dhe dashimirë të këtyre grave, si dhe të ftuar nga autoritetet lokale, dy asamblesitët e Kuvendit të New Yorkut, Nicole Malliotakis, dhe Mark Gjonaj (me gjithë familje), si dhe Konsullën e Përgjithëshme të Kosovës në SHBA – Ambasadoren Vlora Çitaku, Dr. Shpresa Xhaklli – Ambasadorja e fëmijve me autizëm të Kosovës – nëpër botë,e cila është edhe pjesë e librit: “Histori Suksesi Shqiptaro-Amerikan” me bashkëshortin e saj Rexh Xhaklli, për të festuar së bashku 7 Marsin – Dita e Mësuesit dhe 8 Marsin – Dita e Nënës.
Folësit nëpërmjet përshëndetjeve për 7 dhe 8 marsin, u a uruan të gjitha pjesëmarrësve ngrohtësisht dy prej festave më domethënëse për familjet shqiptare, kudo që ato punojnë, jetojnë e mësojne sot.
Ata, nëpërmjet përshëndetjeve të tyre theksuan se dita e 7 marsit, Festa e Mësuesve, dhe festa e 8 marsit, Festa e Nënës:” Nuk janë rastësi – festa janë njëra pas tjetrës: mbasi sipas folësve, nuk ka njerëz më të përkushtuar se sa mësuesit që bëjnë të pamundurën që nxënësit e tyre të trashëgojne atë dije të akumuluar që do t’u hapi dyer dhe horizonte të reja në jetë, dhe nuk ka dashuri më të madhe se sa dashuria dhe sakrifica e nënës për fëmijet e saj!” thanë folësit.
Kurse, udhëheqësja e këtij aktiviteti – zonjusha Etrita Ibroci, u shpreh se :” ‘Femra shqipëtare tani është besnike e vizitonit botëror mbi tolerancën, Arsyen, dashurinë, dhe drejtësinë. Ajo është edukatore e brezit e vet dhe bartëse e kulturës. Në këtë mënyrë ajo në çdo hapë materializon thënien e kahmotshme se pa femër të arsimuar nuk ka as komb të kulturuar.’ tha Ibroci duke hapur festën dhe uruar në emrin e shoqatës, anëtarëve të ketij komuniteti, të gjithë mësuesve dhe nënave shqiptare ditët e festave të tyre, Gëzuar!.
Me rastin e 7 – Marsit-Ditës së -Mësuesit, si dhe 8- Marsit – Ditës Ndërkombëtare të Gruas, ose siç e kemi festuar ne në Shqipëri, si Ditën mbarë kombëtare e Nënës, pati dhe fjalime përshëndetse, nga mysafirët. Përshëndetën, me rradhë dy asamblesitët e Kuvendit të New Yorkut, Nicole Malliotakis, dhe Mark Gjonaj, si dhe Konsullia e Përgjithëshme e Kosovës në SHBA – Ambasadoren Vlora Çitaku.

Ndërkohë, nëpërmjet mesazhit të dërguar, ( në munges të pjesmarrjes ), dy mësimdhënset e dalluara nga kjo trevë; Rukije Lika – Shabaj, dhe Syme Mehmedi – Kokaj, faleminderuan shoqatën Ana e Malit, për këtë nderim, që iu bë atyre, dhe uruan festat të gjitha grave dhe mësueseve të komunitetit. Gjithashtu, me përshëndetje, rasti, u prezantuan gjatë marrjes së mirënjohjeve – znj. Elsa Lulaj, Lindita Lole, dhe Edina Kovacevic.
Veprimtaria e njohur e komunitetit Shpresaj Xhaklli, duke përshëndetur këto dy festa të rëndësishme, ka treguar eksperiencën e saj si një nënë shëmbullore, dhe mësuese. Ajo tha se :”“Isha e vetmuar shumë, me dy fëmijë të vegjël dhe panjohuri se si t’i ndihmoj djalit! Kështu unë si nënë e fillova përkushtimin tim me autizëm, që t’i ndihmoj Arbenit tim. Ballafaqimi me një shoqëri dhe vend të huaj, sistemin shkollor të panjohur, për mua, pa asnjë shqiptar ose familje rreth, ishte shumë e vështirë. Nuk kisha mbështetje dhe askënd të më udhëzoj se çka të bëj. Këtu vjen ne shprehje ajo thënia ‘çka nuk të mbyt, të bën më të fortë”, dhe si një nënë, si një prindë .
Gjatë kësaj fjale impresionuese, dhe që u ndoq me vëmendje nga pjesmarrset, Xhaklli, tha se arritja më me rëndësi për mua, ishte hapja e qendrës së parë për fëmijë me autizëm, në Prishtinë, dhe organizimi i parë i mbrëmjes për mbledhje të fondeve për të mbështetur këtë qendër dhe hapur disa degë në disa qytete të Kosovës.
Ajo u shpreh se “Mjekësinë e kam zgjedhë nga dëshira të ndihmoj njerëzit, por, si duket, autizmi më përzgjodhi mua, si nënën e Arbenit, që të ndihmoj fëmijët e tjerë. Ëndrra ime është që në çdo shkollë fillore, të kemi nga një klasë për fëmijë me autizëm dhe një qendër Kombëtare, ku zhvillohen trajnimet e nivelit profesional”.

Më tej ajo tregojë fillimin e punës së saj në Kosovë në vitin 2009 e deri më tani që janë hapur edhe qendrat me fëmijë me autizëm, në: Prishtinë, Pejë, Prizren, Suharekë, Gjilan dhe Mitrovicë, dhe po provon në Gjakovë, ku janë bërë trajnime të shumta profesionale, projekte për donacione si dhe mbrëmje e koncerte bamirëse.
“Rrugëtimi im vazhdoi, Xhaklli, është inspirimi, është Arbeni, nëse krahu i djathtë, u shpreh ajo është bashkëshorti, veprimtari Rexh Xhakli”.
Në fund të fjalës së saj Shpresa Xhaklli, dha dhe një mesazhi për të gjitha gratë shqiptare, duke thënë: “Mos keni komplekse, keni pasion dhe sinqeritet. Me punë të gjitha arrihen. Në jetë jepen shumë mundësi, pyetja është se a do t’i përdorësh ato dhe si. Nëse humbni rrugën, bien, përdore atë moment të vështirë si shkallë për suksesin tënd. Kurrë mos u dorëzo, ajo është rruga më e lehtë” tha Xhaklli ndërsa uroi përzemërsisht 7 dhe 8 Marsin.
Fjala përshëndetëse, ose fjala kryesore, u mbajt prej kryetarit të SHAM-it, zotit Ismet Kurti. Kryetari i shoqatës, i cili e vlerësoi 7 dhe 8 marsin si një traditë mbarë kombëtare, tha se ne edhe këtë vit po shënojm ditën e mësuesit 7- Marsin si një ditë shumë të rëndësishme të lëvizjes sonë kombëtare për arsim – duke respektuar këtë profession të shejtë. Dhe duke kujtuar këtë ditë ne po me vet-përgjegjësi themi se kush nderon këtë profession ka nderuar vetveten dhe kombin e tij. Prandaj, më lejoni të përshëndes në emrin e Shoqatës dhe tuaj të gjithë mësuesit në mbarë trojet shqiptare, dhe në Diasporë.
Kreu i anamalësve, zoti Kurti, më pasë duke folë për 8 – Marsin, ditën e Nënës, tha se ” Kjo aktivitet, përputhet edhe me festën e bukur dhe të dashur Ditën Ndërkombëtare te Gruas. Kështuqë, në emër të Shoqatës, dhe Tuaj, të gjitha – nënave, motrave dhe grave shqiptare, ju a urojmë gëzuar këtë ditë të dashur. Njëherëshit, tha ai më lejoni që te përshëndes ne emër Tuaj në emër të SHAM-it, dhe në emërin tim personal ato mësuese e gra që nderohen me një mirënjohje që ndan për çdo vit në këto festa Shoqata Ana e Malit.
Ibroçi me anë të një biografie prezantoi dy mesueset fituese të çmimit të festës, ndërkaq, Salihe Redzovic nga Baruch College (Macaulay honors program), ka prezantuar Elsa Lulaj, Lindita Lole, dhe Edina Kovacevic.
Kësaj rradhe Shoqata Ana e Malit në Staten Island në Nju Jork, me çmimin e mirenjohjes së festave të 7 marsit, Dita e Mësuesve, dhe festa e 8 marsit, Dita e Nënës : dy mësimdhënse të dalluara nga kjo trevë; znj. Rukije Lika – Shabaj, dhe znj. Syme Mehmedi – Kokaj, si mësuese të përkushtuara dhe veterane të arsimit në gjuhën shqipe gjithashtu, dhe veprimtarët e dedikuara të komunitetit znj. Elsa Lulaj, Lindita Lole, dhe Edina Kovacevic.
Vlenë të përmendet se pjesëmarrja ka qenë mjaft e kënaqëshme, dhe atmosfera ishte shumë festive, shoqëruar me një program të pasur artistiko – kulutror me këngë e valle nga të gjitha trevat. Soprano Lindita Mezini – Lolo dhe këngëtaria e talentuar Kristina Melo kënduan disa këngë për Nënën. Në fund u mbajt edhe lofa e fatit me dhuratat e përgatitur me rastin e festave.