Angjelina Nika, koreografe, (Mjeshtër i Madh)/
Grupi artistik “Rozafati”(Mjeshtër i Madh) i Qendrës Kulturore Nënë Tereza të Kishës Zoja e Shkodrës në New York arriti një sukses dhe paraqitje spektakolare në Festivalin Folklorik Kombëtar të Gjirokastrës. 10 ditë magjike në Tiranë e Gjirokastër që nuk do të shlyhen nga kujtesa e grupit tonë. Falë mbështetjes së pakursyer të Dom Pjetër Popaj famullitarit të Kishës Zoja e Shkodrës dhe Këshillit të Kishës, grupi i mrekullueshëm “Rozafati”, të rinj e të reja të talentuar, të lindur në Amerikë por që ruajnë e trashëgojnë vlerat kombëtare, kulturore dhe trashëgiminë e shkëlqyer të kombit tonë, mahnitën gjithkënd me shfaqjen e tyre emocionuese. Grupi artistik “Rozafati” mori pjesë për herë të parë duke përformuar denjësisht dhe duke përfaqësuar më së miri mërgatën e Amerikës.
Ishte emocion dhe krenari ti shikoje teksa performonin: Mary Camaj, Kristina Camaj, Ana Camaj, Amanda Ujka, Monika Gojcaj, Donika Popaj, Monika Popaj, Mikejla Nonaj, Arianna Kocovic, Gabriela Shpijati, Ajron Pepushaj, Albert Leka, Alex Leka, Jozef Curanovic, Jonathan Cotaj, Rrok Cotaj, Gabriel Gojcaj, Arber Rexha dhe Samuel Pllumaj. Me mbështetjen e Drita Ujka, Meri Ujka, Flore Dodaj Cama, Maria Kocovic dhe kordinimin e Kristina Popaj, grupi “Rozafati” shkëlqeu si në çdo aktivitet kulturor duke dale faqebardhë e të nderuar.
Përformanca e grupit “Rozafati” me: “Vallja e Tropojës”, “Vallja e Flamurit” dhe kënga e kompozuar nga Kole Susaj e kënduar nga Mikelja Nonaj “Kceni more çika” prodhoi shumë emocione te të gjithë të pranishmit. Pjesëmarrja në Festivalin Folklorik Kombëtar të Gjirokastrës ishte shumë emocionuese për çdo pjesëtar të grupit. Që nga nisja nga Amerika e ditët e qendrimit në Shqipëri kanë qenë një emocion i papërshkrueshëm.
Falë talentit, punës së shkëlqyer dhe përpjekjeve të afro dy dekadave, ndjehesh shumë e lumtur teksa shoh suksesin e këtyre fëmijëve, rritjen e tyre artistike dhe shërbimin që i bëjmë kulturës dhe identitetit tonë kombëtar. Jam krenare se prej dy dekadash kam mësuar më shumë se 3 mijë fëmijë shqiptarë, aktualisht punoj me më shumë se 300 fëmijë dhe jam e lumtur për investimin kulturor e kombëtar që bëjmë të komuniteti shqiptar në mërgatën e Amerikës. Aktualisht po punohet fort me grupin artistik “Albanian Roots” në Staten Island dhe së shpejti në Queens.
Në vitin 2016 jam krenare se krijuam grupin artistik “Freskia” e Anës së Malit, më 2017 grupin e valleve të shoqatës Kraja e kemi vazhduar duke punuar edhe sot pa u ndalur në misionin tonë kulturor e kombëtar. Nw rrafshin institucional shtetëor në New York e më gjërë grupi artistik “Rozafati” ftohet institucionalisht për të përfaqësuar kulturën shqiptare krahas kulturës së popujve të botës. Kjo përbën një arritje dhe krenari për të gjithë grupin tonë. Ky është një shërbim për pavdeksinë e kombit tonë kulturalisht. I jam mirënjohëse prindërve të fëmijëve për skarificën e çdo dashamirësi të kulturës kombëtare që na ka ndihmar gjithë këtë kohë, pa ndihmën e tyre do të ishte e pamundur. Grupi “Rozafati” paraqiti madhështinë e kulturës dhe identitetit kombëtar shqiptar, dëshmoi sesi ruhet kultura e trashëgimia e shkëlqyer shqiptare larg mëmëdheut.
Grupin artistik “Rozafati”(Mjeshtër i Madh) i Qendrës Kulturore Nënë Tereza të Kishës Zoja e Shkodrës mund ta quaj me krenari se është identiteti kultor i shqiptarëve të Amerikës. Është çdo herë pjesëmarrës në të gjitha eventet kulturore, patriotike dhe komunitare të shqiptarëve në New York e më gjërë, është pa dyshim një krenari e pastër identitare kombëtare shqiptare. Ky grup artistik shënon një përpjekje të vazhdueshme e të pa ndalshme për ruajtjen e identitetit kulturor kombëtar shqiptar në mërgatën shqiptare të Amerikës.
