Anglia – Dielli

ANGLIA, RETORIKA E PARËSISË RREZIKON TË HUMBË NJË KOMB

July 24, 2021 by s p

Nga BEPPE SEVERGNINI

Përktheu: Eugjen Merlika

Për të shndërruar një ngjarje sportive suksesi në një rrënim nami duhet prirje. Dhe anglezëve prirja nuk u mungon: as në rastin e një shkeljeje në një dërrasë të kalbur. Një komb i qëndrueshëm, i organizuar dhe stoik, kur gabon, e bën në mënyrë të dukëshme.

Skuadra e re e Tre Luanëve arriti, për të parën herë në historinë e saj, në finalen e kampionatit Evropian, të luajtur në shtëpi, në sytë e gjithë botës. Një sukses i padiskutueshëm, i errësuar nga ajo që ndodhi të djelën më 11 korrik. T’a përmbledhim shtruar: kaos dhe aksidente përreth Wembley-t, para ndeshjes me Italinë; hyrje e mujshi të tifozëve pa bileta; fishkëllima gjatë hymnit të Mamelit (fishkëllyer dhe hymnin gjerman në të tetat e finales); mbas mundjes zëmërim i lojtarëve anglezë, që heqin nga qafa medaljen e argjentë; pastaj sulme raciste kundër atyre që kishin gabuar njëmëdhjetëmetrashet (Rachford, Sancho e Saka, që të tre me lëkurë t’errët.

Pyetje: a ishte vërtetë e paparashikueshme? Apo retorika kombëtariste e pesë viteve të fundit ka luajtur pjesën e saj? Brexit-e votuar më 2016, sendërtuar më 2020- nuk ka qenë një mbasthënie: dikush e ka marrë për një dhënie pafajsije, fillimin e një epoke të re. Kush mbjell erë, korr furtunë. Edhe n’anglisht janë shprehje të ngjajshme. You reap what you sow, korret ajo që mbillet.Whatgoes around, comes around, gjithshka kthehet mbrapsht. Më pak e njohur, por po aq vepruese, You’ve made your bed, now lie in it, e ke bërë shtratin, tani urdhëro e fli.

Ja: çfarë shtrati i kanë përgatitur konservatorët e Boris Johnson, në pesë vitet e fundit, bashkatdhetarëve? Sigurisht Kryeministri nuk do të ketë dashur asgjë nga ajo që ka ndodhur: jo sjelljen e panjerzishme me të ftuarit, jo rikthimin e huliganëve, jo heqjen dorë nga mirësjellja, jo grafullimet raciste. Formimi i tij – Eton, Oxford, klasikët dhe gazetaria – është e kundërt me të gjithë këto. Por shprehjet e paradokset e tij, nga disa janë marrë fjalë për fjalë. Qëndrimi i tij kundrejt Bashkimit Evropian ka shëmbëllyer , shpesh, shpotitës. Atdhetaria e tij, cinike e zhurmëmadhe, ka pështjelluar shumë njerëz. Edhe gjatë këtij Evropiani: nëse krijon pritje të dalldishme, nuk mund të habitesh se zhgënjimi do të jetë i zemëruar.

Ishte kaq i paparashikueshëm, sa që kapadaillëku i tepruar i gazetave – t’a quajmë mëndjemadhësi – pasqyrohej në sjelljet e atyre që i lexonin? Dhe janë ende shumë n’Angli: ato faqe të para mbarojnë tek social, së bashku me thirrjet që i shoqërojnë. Nuk ështëmburracakëria, një krenari jo fyese, që falet lehtësisht. Është një mënyrë të vetëbinduri e bindjeje se jemi të paracaktuar për të fituar, përtej futbollit. Anglia ka edhe sot media të shkëlqyera: këtë javë e kanë provuar me një autokritikë të dhimbëshme. Por herë herë ngre krye qëndrimi i epërsisë pothuajse si njërefleks automatik. Ekonomisti – e përjavëshmja m’e mirë e botës – ka shkruajtur dje, duke folur për suksesin e të kaltërve: “Një fitore për idenë evropiane, por edhe për të djathtën italiane”. Një pohim për të cilin është i vështirë të merret vesh kuptimi dhe qëllimi.

Ky kampionat evropian dhe finalja e madhe e luajtur në Londër, nuk janë bërë për Anglinë vetëm një arsye feste të përbashkët, si Olimpiada e shkëlqyer e vitit 2012, por një rast rifitimi.Një rifitim për të cilin një komb i madh nuk do të duhej të kishte nevojë. Rritja kombëtariste e muajit të fundit ka shkaktuar bezdi në shumë vënde të botës dhe turbullim në kombet e tjerë të Mbretërisë së Bashkuar. Mbështetja e hapur e të kaltërve para finales – në Skoci, Uells, Irlandën e Veriut – nuk ishte e lidhur vetëm me shemëri të vjetra sportive. Dukej se tregonte shqetësime krejt të reja.

Disa episode kanë qënë tronditëse, pothuaj se të pakuptueshme.Shumë lojtarë të Kombëtares angleze janë djem të rinj. Veprimi i heqjes nga qafa të medaljes së argjentit mund të dukej diçka impulsive. Por u bë një zgjedhje e pahijëshme e skuadrës, që ka tronditur botën: nuk ishte ajo që pritej nga ata që kanë shpikur sportin bashkëkohor. Shumë më të rënda dhe absolutisht të paligjëruara fyerjet raciste në sociale. Lega e parë nuk është vetëm kampionati më i mirë i botës, më i luftuari e më pasionali, por edhe simboli i një Vendi t’arritur shumëkombësh. Çfarë ndodhi mbasfinales sëWembley-t është një autogol: për të rifilluar do të duhet kohë.

Çdo shoqëri bashkëjeton me fantazmat e saj. Dukuria e huliganëve ka qënë për kohë të gjata arsye pështjellimi për Anglinë. Mjerisht edhe tragjedish. Pastaj ka qënë kundërveprimi, i admirueshëm. Një ligjëshmëri e zgjuar dhe puna metodike e policisë do të kishin bërë pak, nëse Vëndi – në vitet nëntëdhjetë – nuk do të kishte vendosur të thonte “Mjaft”. Më vonë vëmëndja u ul: në vitet e fundit institucionet e politika janë marrë me të tjera çështje. Kështu huliganët janë rishfaqur, më të tmerrshëm se përpara: alkolit,sot, i është shtuar edhe kokaina. Askush nuk u ka dhënë zemër. Por gjithashtu nuk i ka kontrolluar e dënuar.

Nuk është gjithmnë e këndëshme ajo që lëviz në barkun e kombeve: të gjithëve pa asnjë përjashtim. Por gastroskopitë shoqëroreduhet të kryhen herë mbas here. Drejtuesve të rij, e lëvizjeve të reja – jo vetëm n’Angli – do të duhej t’i kujtonim një gjë. Disa tone e disa tema – retorika e parësisë, kundërvënia etnike, kërkimi i kundërshtarëve me çdo kusht – mund të bëjnë të fitohen zgjedhjet, por rrezikojnë të humbasin kombet.

“Corriere della Sera”, 16 korrik 2021.

RIKTHIM NE IDENTITET- “Shpikësit” e futbollit në kërkim të trofeut pas 30 vjetëve…

July 4, 2021 by dgreca

Shkruan:ALBANO KOONJARI- Ukraine – Angli 0 – 4 (Kane 4, 50, Maguire 46, Henderson 63)/

Kapiteni Harry Kane shenoi dy herë ndërsa Anglia shpartalloi Ukrainën 4-0 të Shtunën në Stadiumin Olimpik të Romës. Kjo fitore i dha mundësinë Anglisë për të arritur në gjysmëfinalen e Euro 2020, dhe është një sukses që u ka muguar atyre që nga viti 1996. Skuadra e Gareth Southgate do të përballet me Danimarkën në Wembley të Mërkurën për një vend në finale pasi danezët mundën Republikën Çeke 2-1 në Baku. Kjo ishte një fitore e rehatshme, për anglezët. Ata e siguruar kualifikimin në fillimin e pjesës së dytë kur Maguire 46′ dhe Kanë 50′ do të shënonin dy gola brenda harkut kohor të katër minutave. Pas rezultatit 3-0, tekniku Southgate ishte në gjendje të hiqte nga fusha e lojës dy mesfushorët Declan Rice dhe Kalvin Phillips, të ndërshkuar të dy me karton të verdhë. Por në këtë mbrëmje kishim të bënim me një Angli pozitive në cdo repart të fushës. Raheem Sterling dhe Harry Kane ishin thjesht shkëlqyeshëm. Jadon Sancho, ofroi një kërcënim të vazhdueshëm për kundërshtarët ukrahinas. Mason Mount, që u kthye në fushën e lojës mbas izolimit të tij për shkak të protokolleve COVID-19, tregoi inteligjencën e tij, ndërsa Luke Shaw ishte një rrezik i vazhdueshëm nga e majta e sulmit anglez. Mbrojtja ishte në lartësinë e duhur dhe ndihmoi portierin Jordan Pickford të mbante portën e paprekur. Me këtë rezultat anglezët vendosën edhe një rekord të vecantë duke qënë ekipin i parë në një Kampionati Evropian që nuk pëson gol gjatë pesë ndeshjeve. Nuk kishin kaluar as katër minuta lojë kur anglezët shënojnë golin e parë me anë të Kane. Merita kryesore i takon Sterling. Kane shfrytëzoi një pasim në mënyrë perfekte nga Sterling brenda zonës dhe gjëndet i vetëm përballë me portierin e Ukrainës Georgiy Bushchan dhe e kalon sfreren e rrumbullakët në rrjetë. Sterling është një lojtar i cili është në formë shumë të mirë për momentin. Forma paksa zhgënjyese e Sterling me Man City në fundit të sezonit kishte çuar në pyetje nëse ai duhet ti fillonte ndeshjet e turneut, si lojtar i formacionit bazë. Dhe të gjitha këto dyshime ishin zhdukur pas ndeshjes kundër Gjermanisë. Anglia presoi dhe realizoi një ndeshje të mirë në mesfushë. Djemtë e Southgate e kontrolluan lojën. Rice, Sancho, dhe Bukayo Saka, ishin lider të mesfushës. Dinamika e lojës për Ukrahinën ndryshoi pasi Serhiy Kryvtsov u detyrua të largohej nga lëndimi pas 36 minutave. Kjo e detyroi menaxherin Andriy Shevchenko të ndryshonte formën nga 5-3-2 në 4-3-3 duke futur në fushën e lojës Viktor Tsygankov. Kjo zhvendosje solli më shumë hapësirë për Sterling dhe Sancho për të sulmuar, por kjo gjithashtu nënkuptonte që Ukraina nuk ofronte dot një kërcënim për anglezët. Një minute nga fillimi i pjesës së dytë, Anglia shënoi golin të dytë duke mbyllur praktikisht ndeshjen. Në Kupën e Botës tre vjet më parë, Anglia kishte qenë një kërcënim i madh për kundërshtarët e saj pasi kishte realizuar paraqitje të mira por ata gabuan në vazhdimi. Por një paraqitje e tyre si në Euro 2020 nuk kishte ndodhur më përpara. Shaw nga një goditje e lirë nga e majta dha një kros të përsosur, dhe Harry Maguire, ashtu siç bëri në çerekfinalen e Kupës së Botës kundër Suedisë, shënoi me një goditje me kokë. Goli i katërt erdhi gjithashtu nga një krosimi në zonë, Jordan Henderson realizoi me kokë nga Jordan Henderson, dhe ky ishte golin e tij i parë në Angline. Anglia do ta luajë gjysmëfinalen e saj në Londër në Wembley. Gjysmëfinalja shënon edhe një revansh për anglezët. Në një takimi të Ligës së Kombeve kundër Danimarkës në tetori 2020, ata kanë humbur 1-0. Goli i vetëm u shënua me penallti nga Christian Eriksen . Në mënyrë të pashmangshme, Anglia duhet të marrë masa që të mos përsëritet gjysmëfinalja e vitit 1996. Disfata ndaj Gjermanisë dhe dështimi i ekipit të Southgate erdhi nga nga pika e bardhë e penalltisë. Tashmë Anglia i ka të gjitha mundësitë të kthehet tek triumfin i titullit të fituar nga ata 30 vjet më parë.Ylli i Ndeshjes: Harry Kane (Angli)”Kane u largua nga fusha pasi rezultati ishte i sigurt. Ai shënoi dy herë dhe ishte shumë i rrezikshë në të gjitha përpjekjet e tij sulmuese, duke përfshirë edhe një goditje të mahnitshme në pjesën e dytë që u prit mirë nga portieri. Ai po fiton besim dhe po merr të gjithë skuadrën e Anglisë me vete “.Jean-François Domergue, Vëzhgues Teknik i UEFA-sHarry Kane, sulmues i Anglisë: ” Një natë fantastike; ne vazhdojmë të shkojmë ndeshje pas ndeshje. Ne ishim favoritë për të fituar këtë lojë – ushtruam shumë presion. Një tjetër rezultat i pastër dhe katër gola, ishte një natë perfekte për ne. “Harry Maguire, mbrojtës i Anglisë: “është një ndjenjë e mrekullueshme . Jemi në gjysmëfinale dhe do të luajmë në shtëpi. Unë nuk dua të ndalemi këtu. “Andriy Shevchenko, trajner i Ukrainës: “Ne kemi realizuar një turne të shkëlqyeshëm. Skuadra luajti deri ne fund, pavarësisht nga rezultatet dhe kundërshtaret. Nga ai këndvështrim, ekipi ka luajtur një futboll të mirë . Djemtë bënë gjithçka që mundën dhe unë dua t’i falënderoj për këtë sot “.
Andriy Yarmolenko, sulmues i Ukrainës: “Ne jemi një ekip i shkëlqyeshëm me një grup të shkëlqyeshëm njerëzish. Pavarësisht rezultatit, pavarësisht humbjes 4-0 sot, unë jam krenar që jam pjesë e kësaj skuadre. Po, sot kemi humbur, por duhet të shohim me kë kemi humbur. Sipas mendimit tim, ne kemi humbur ndaj një prej skuadrave më të mira në botë “Statistikat kryesoreKjo ishte fitorja më e thelle e Anglisë në një EURO: fitoret e tyre të mëparshme më të mëdha ishin 4-1 ndaj Hollandës në EURO ’96 dhe 3-0 kundër Zvicrës në EURO 2004.Kjo ishte hera e parë që Anglia shënoi katër gola në një ndeshje në një fazë nokaut të një turneu të madh që nga fitorja 4-2 kundër Gjermanisë Perëndimore në finalen e Kupës së Botës FIFA 1966.Kjo është hera e tretë që Anglia ka shënuar katër gola në një ndeshje finale të EURO (4-1 fitore ndaj Hollandës në 1996 dhe 4-2 fitore ndaj Kroacisë në 2004).Anglia ende nuk ka pësuar një gol në EURO 2020. Ata kurrë më parë nuk kishin realizuar një perfomancë të tillë. Paraqitja e tyre me e nire ishte ne Kupën e Botës 1966 ku në katër ndeshje te njëpasnjëshme nuk kishin pesuar gol. 24 golat e fundit të Harry Kane për Anglinë kanë qenë të gjitha në ndeshje konkurruese.Kane është lojtari i parë që shënoi dy herë për Anglinë në një ndeshje nokaut në EURO, dhe lojtari i parë i Anglisë që shënoi dy herë në një ndeshje të turneut përfundimtar të EURO që nga Wayne Rooney, kundër Kroacisë në 2004.Anglia ka shënuar brenda pesë minutave të para në katër nga gjashtë ndeshjet e fundit të fazës nokaut të turneut përfundimtar EURO.Anglia ka shënuar brenda pesë minutave të para në katër nga gjashtë ndeshjet e fundit të fazës nokaut të turneut përfundimtar EURO.Anglia është bërë skuadra e parë që mban porten e paprekur ne pesë ndeshje radhazi që nga fillimi i një turneu përfundimtar të EURO-s. Maguire shënoi golin e tij të katërt për Anglinë dhe të dytin në një turne të madh pas përpjekjeve të tij kundër Suedisë në Kupën e Botës FIFA 2018.Goli i parë i Jordan Henderson në Angli erdhi në paraqitjen e tij të 62-të për vendin e tij.Jude Bellingham është bërë lojtari më i ri që paraqitet në një ndeshje nokaut në EURO në moshën 18 vjeç dhe katër ditë.Ukraina nuk ka arritur të shënojë vetëm në dy nga 11 ndeshjet e fundit ndërkombëtare; ata duhet të mbajnë një rezultat të pastër në 11 ndeshjet e turneut përfundimtar të EURO-s.Kjo eshte hera e katert per Anglinë në çerekfinalen e turneut përfundimtar EURO. Secili nga tre nivelet e mëparshme përfundoi dhe kërkoi një gjuajtje penalltish për të vendosur rezultatin (1996 W vs Spanjë, 2004 L vs Portugal, 2012 L vs Itali).Duke përjashtuar gjuajtjet e penalltive, Anglia ka humbur vetëm një nga 16 ndeshjet e fundit të turneut të fundit në EURO (W9 D6 L1); ata kanë fituar dhjetë dhe kanë barazuar një nga 11 ndeshjet e tyre të fundit ndërkombëtare.RreshtimetUkrainë: Bushchan; Zabarnyi, Kryvtsov (Tsygankov 35), Matviyenko; Karavaev, Sydorchuk (Makarenko 64), Shaparenko, Zinchenko, Mykolenko; Yarmolenko, Yaremchuk
Anglia: Pickford; Walker, Maguire, Stones, Shaw (Trippier 65); Rice (Henderson 57), Phillips (Bellingham 65), Mount; Sancho, Kane (Calvert-Lewin 73), Sterling (Rashford 65)

Na mundi Anglia-Tre Luanët, leksion futbolli Shqiponjave

March 29, 2021 by dgreca

-Të mërkurën, San Marino-Shqipëri, Angli-Poloni dhe Andorra-Hungari

Përgatiti Albano Kolonjari/DIELLI

Në Shqipëri pas ndeshjes Shqipëri- Angli 0-2, tranjeri Reja u vendos në “ciklonin” e kritikave. Por të gjithë specialistët tanë të futbollit shumica e të cilëve kanë kohë që nuk drejtojnë një ekip, harruar se ne, na mundi Anglia. Shqipëria luajti mirë por jo mjaftueshëm për të ndalur Anglinë. Në planin mbrojtës Shqipëria realizon një ndeshje të mirë përballë lojtarëve anglezë që luajnë në nivele shumë të larta, lojtarë të cilët janë të fortë fizikisht dhe shumë të disiplinuar taktikisht. Anglezët ishin shumë të përqëndruar dhe luajtën me shumë vemëndje gjatë 90-të minutave, dhe kjo bëri edhe diferencën në fushën e lojës. Dhe golat erdhën pikërisht nga përqëndrimi që ata bënin në cdo top që luanin futbollistët tanë, duke shfrtëzuar me saktësi dy gabime që bëmë në mbrojtje. Por ky është futbolli.

Kane. Goli i tij i fundit me Anglinë e kishte shënuar 500 ditë më parë, në një eliminatore të Euro 2020, përballë një tjetër skuadre shqiptare, asaj të Kosovës. Goditja e tij me kokë në Tiranë përfundoi një seri prej 496 minutash pa shënuar. Klasi i Kane, megjithatë, mbetet i përhershëm, kështu që nuk ishte për t’u habitur që ai ishte njeriu që zhbllokoi rezultatin pasi Anglia kishte luftuar për të prishur për shumë minuta një mbrojtje të qëndrueshme të Shqipërisë. Në minutën e 38-të të takimit, anglezët kalojnë në avantazh me një gol të shënuar nga Kane i cili përfitoi nga një kros i shkëlqyer nga krahut i majtë nga Shaw, ku mbrojtja shqiptare bëri gabimin e vetëm duke e mos e mbuluar Kane ashtu sic duhet. 0-1 për Anglinë. Në pjesën e parë duhet të përmëndet loja e mirë e Shaw të rikujtuar, forma mbresëlënëse me të cilin ai po kalon së fundmi për Manchester United dhe e meritoi përfshirjen e tij në formacionin e Tre Luanëve. Southgate mund ta ketë të fiksuar në mendjen e tij formacionin ideal ideal të Euro 2020 por Shaw, i cili ka asistuar gola në tre fitoret e fundit të Angli, po shfaqet si një rival i mirëfilltë i Ben Chilwell lojtarit të Chelsea.

“Ne kontrolluam ndeshjen. Pas rreth 25 minutash ndryshuam pak formën e mesfushës dhe dukeshim më të rrezikshëm. Ata kishin një formacion ndryshe nga ai që kanë luajtur për 25 ndeshjet e fundit kështu që mendova që të ndryshoja skemën e mesfush”. u shpreh Gareth Southgate, tranjeri i Anglisë. Në fakt Shqipëria e fillon mirë. Lojtarët janë të vendosur mirë në fushën e lojë dhe nuk lejojnë hapsira për Anglezët. Në pjesën e parë Shqiponjat e Shqiperisë, bënë një lojë mjaft të mirë. Në minutën e 13-të të lojës, Myrto Uzuni humb rastin për shënim, duke e dërguar topin mbi kuadrat. “Ata kaluan në avantazh për një gabim tonin. Ne e bazuam ndeshjen tek kundërsulmi, dhe Uzuni e pati rastin por fatkeqësisht nuk shënoi. Ne e bazuam ndeshjen tek mbyllja e hapësirave në pjesën e parë, ata nuk bënë asnjë gjuajtje në portë por shënuan duke shfrytëzuar një gabimin tonë”, u shpreh Edi Reja pas ndeshjes. Në pjesën e dytë Raheem Sterling “përgjoi” një pasimin të Berat Djimsiti dhe pasoi tek Kane, ky i fundit tek Mount që shumë i “ftohtë përballë Berishës shënon golin e dytë. 15 mintat e fundit flasin për kuqezinjtë. Në minutën e 59-të të takimit, trajneri Edy Reja bën tre zëvendësime, duke larguar Cikalleshin, Brojën dhe Memollën dhe duke hedhur në fushë Manaj, Gjasulën dhe Lenjanin. Kjo i jep Shqipërisë më shumë frymarje, por kuqezinjtë nuk arrijnë tek goli. “Në fund të lojës kemi pasur mundësi ta bëjmë 3-0 dhe duhet ta kishim vrarë ndeshjen. Nuk më pëlqente mënyra se si e menaxhuam lojën në 15 minutat e fundit, duke abuzuar përpara kur nuk na duhej. Të kënaqur me fitoren, por ka fusha që ne mund t’i shtrëngojmë “, u shpreh Gareth Southgate. Duhet marrë në konsideratë kundër kujt luan, është ekip i fortë, kanë forcë, mbyllin hapësirat dhe kur përplasesh me ta fluturon tutje. Është e vështirë të ulësh topin se të hidhen sipër, nuk na linin të merrnim frymë. Por duhet të jemi të fortë fizikisht si ata, ne e bëmë ndeshjen si e përgatitëm, sipas meje nëse nuk pësonim në pjeësn e parë, me kalimin e minutave bënim diçka. Golin ia dhamë ne, pastaj patën mundësi, por për një ekip të këtij niveli, kemi bërë një ndeshje të nivelit të mirë, nuk mund të themi asgjë”, tha Reja.

Rezultatet

Shqipëri-Angli 0-2

38’ Kejn, 63’ Maunt

Poloni-Andorra 3-0

30’, 55’ Levandovski, 88’ Sviderski

San Marino-Hungari 0-3

13’ (p) Szalai, 71’ Sallai, 88’ (p) Nikolics

Renditja: Anglia 6 pikë, Polonia 4, Hungaria 4, Shqipëria 3, Andorra 0, San Marino 0.

Ndeshjet e ardhshme (31.03.2021)

San Marino-Shqipëri

Angli-Poloni

Andorra-Hungari

Anglia kjo fatkeqësi e madhe

June 24, 2016 by dgreca

Nga Ilir Levonja/

Nuk e dija që për ne shqiptarët shtetarë, dalja e Anglisë nga Europa, qënka një fatkeqësi kaq e madhe. Si popull e besoj, pasi prej shekujsh e kemi ëndërruar perëndimin. Ama veç si emigrantë, si të arratisur, refugjatë politikë apo ekonomikë etj. Veçse asnjëherë si anëtarë përmes pasaportës së shtetit tonë. Si kontribues normal në zhvillimin dhe ekzistencën e uninonit ku zoti na i dha si rrisk jetën dhe ekzistencën e tonë.
Por është e gjitha një shpifësirë kur shikon se si me një zell parlamentar, nga kultura jonë me tenxhere të gërrryra, me rërë apo shuka telash të sertë, t’i tregojmë ishullit të atlantikut verior se çfarë gjëmë e vetmisë së madhe do ta gjejë. Ose t’i tregojmë atë përrallën e ndarjen së deles nga tufa, që e ha ujku vigjilent.
Pikërisht vendit, që i vetëm pushtoi globin duke dalë nga shtëpia thjesht me një kaoke me vela. Vendit që iu imponua njerëzimit me kulturën dhe të tjera doke. Aq sot 99.99% e globit operon me gjuhën e tij. Ndofta të vetmit që i treguan botës dhe ia demonstruan asaj se edhe pushtimi është një demokraci me vetvendosje. Unë kam prekur plot koloni të saja, deri në skajin e karaibeve. Aty ku proçesi i vetvendosjes dëshmon qartë, në dy fytyra. Anglisë kolonizatore dhe hirearkive të autorëve revolucionarë.
Një dasim si të thuash sikur me pa sot Havanën e Kubës, karshi New York-ut të njerëzimit.
Por kjo është një histori më vete.
E tashmja është plotësisht një zhvillim nomral demokratik. Dhe e drejta e refendumit është pikërisht forca e vetvendosjes prej popullit.
Padronit të vetëm të demokracisë. Koncepte që tek ne janë privilegje vetëm të një grupi njerëzish.
Vini re një fakt, nga 1990 e deri sot. Kohë e krahasueshme midis demokracive tona. Se sa të pakrahasueshme janë daljet politike qoftë nga laburistët, qoftë nga konservatorët. Përshembull Toni Bler nuk e kishte problem të bëhej një ish. Ashtu sikur edhe Gordon Braun etj. Apo sot, ky Kameron që i thotë qytetarëve se Britania ka nevojë për një lidership të ri në politikë.
Kush vall nga këta mynxyrmëdhenjtë, pashallarët tanë, që u djeg sot kaq shumë…, dalja e Anglisë nga uninioni europian, do ta bënte këtë? Vetëm të mendosh se si zgjidhet një përfaqësues i popullit në dhomën e komunave. Apo se si zgjidhet kryetari i laburistëve e konservatorëve, të vjen për të vjell kur kujton referendumin Edi Ramës, pak muaj më parë, karshi një ishulli si Ben Blushi.
Aty e ca muaj më parë, ndihmës britanike prej 1.2 miliardëve stërlina, për vendet si Shqipëria, Turqia etj. Iu pre me forcë vote rruga e para të taksa paguesve anglezë, drejt vrimave të zeza. Ky fond i parashtruar si për rregullimin e legjslacionit të këtyre vendeve, në raport me uninion, kishte një argument të fortë. Ndihmën sociale, luftën kundër kancerit, mirëmbajtjen e rrugëve në Angli. Dhe me të drejtë. Janë plagë të mëdha që i përkasin njerëzit. Afërmendsh nuk ka asgjë të keqe kur mendon se tjetri do të rregullojë për së pari jetën e tij. Dhe vendin e tij. Pasi është paraja e tyre. Dhe nga ana tjetër nuk kanë reshtur si dhëni dorën njerëzit. Por në Ballkanin e pashallarëve, që i kanë kthyer vendet e tyre në vrima të zeza parash. U duket sot e pakonceptueshme dalja e ishullit më vete. Ndaj ka zënë e japin kujën. Nuk ngopen se përpiri fonde. Nuk ngopen së luftuari njëri-tjetrin për tu anëtarësuar.
Dhe ndoshta edhe nga këto fonde të mbushin rrugët e vendit me ngjyrën e kuqe. Edhe pse janë një dështim total i vetvetes dhe vendit.
Po a e dini se ku e ka shpjegimin kjo edukatë e mbrapshtë. Tek fakti i thjeshtë dhe tepër i qartë. Kushdo që mendon se është politikan i mirëfilltë dhe i pazevendësueshëm, bën pronë të vetën jo politikën, por popullin e tij. Kameruni nuk është i tillë. Dhe jo vetëm ai.
Sot rrjetet sociale gjëmojnë me ironi therëse, karshi lidershipit tonë dhe atij anglez. Kjo ndofta është ironia më e bukur, por dhe më e pameritura për ne. Ndaj le të gjykojmë se fjalët e Dejvid Kamerunit, për një lidership të ri politik, më shumë se Anglisë i duhet ishullit të copëtuar shqiptar.