armet kimike – Dielli

EDI Rama: Nuk u tërhoqëm për lëndët kimike, por morëm vendimin e duhur

March 11, 2014 by dgreca

*Kryeministri: Nuk kam pasur asnjë kontakt me rusët”/

*“Heshtja e dyfishtë” e gazetarit Carlo Bollino, ka diktuar kete deklarate te Rames/

Nga Ylli Pata/- Kryeministri shqiptar, Edi Rama, deklaroi të martën se Shqipëria nuk u tërhoq nga operacioni ndërkombëtar në lidhje me demilitarizimin e arsenalit kimik të Asadit në Siri, por mori vendimin e duhur, pasi është diskutuar me imtësi çdo gjë.Kreu i qeverisë shqiptere, ka risjellë debatin e nëntorit të kaluar, ndërkohë që merrte pjesë në një aktivitet ku promovohej libri “Heshtja e dyfishtë” e gazetarit Carlo Bollino.

Kryeministri Rama, ka sjellë në vëmendje të gjitha kontaktet me ndërkombëtarët e në veçanti me aleatët e ngushtë të Shqipërisë, Shtetet e Bashkuara të Amerikës, duke theksuar se konkluzioni final për të mos u përfshirë në operacion erdhi ngaqë Shqipëria mbeti e vetme në një operacion ku po tërhiqeshin shumë shtete të tjera.“Angazhimi ynë në këtë operacion mjaft delikat meritonte pjesën e mbështetjes dhe investimit, por mbetëm të vetëm . Vetmia do të na dëmtonte imazhin tonë si vend, ku ne synojmë të investojmë mbi bukurinë dhe resurset turistike. Pikërisht ky ka qenë argumenti kryesor që çoi në përfundimin se nuk kemi mundësitë për tu angazhuar në këtë operacion”, deklaroi Rama, i cili ka folur për kontaktet e vazhdueshme me Sekretarin e Shtetit të SHBA-së, John Kerry dhe zyrtarë të tjerë të lartë të SHBA-së dhe aleatëve perëndimorë, ndërkohë që ka mohuar kategorikisht kontaktet me palën ruse, vend i cili së bashku me SHBA mori përsipër angazhimin për të drejtuar procesin e shkatërrimit të arsenalit kimik të Sirisë.

Kreu i qeverisë shqiptare ka deklaruar se angazhimi i Shqipërisë për ta konsideruar pjesëmarrjen në operacion ka qenë një vendim normal, i drejtë dhe një detyrim ndaj aleatit më të madh Shteteve të Bashkuara të Amerikës.

“Ne i kemi borxh të madh Shteteve të Bashkuara të Amerikës, ndaj është tejet e natyrshme qëndrimi për ta konsideruar angazhimin tonë”, deklaroi Rama, i cili theksoi se gjatë gjithë zhvillimeve ka qenë në kontakt të vazhdueshëm me Kreun e Kuvendit, Ilir Meta, dhe në konsultim permanent me ministrin e Jashtëm Ditmir Bushati, Ministren e Mbrojtjes, Mimi Kodheli, ekspertët shqiptarë dhe ajkën e shkencës amerikane për çështjen e sigurisë së operacionit.

“Nuk ka pasur asnjë rrezik, Kjo është e vërtetuar, por ne kemi diskutuar me imtësi të gjitha shqetësimet që vinin nga shoqëria. Ne nuk u tërhoqëm por morëm vendimin e duhur falë edhe ambjentalistëve, deklaroi Kryeministri, Edi Rama”

Analistët amerikanë mbi vendimin e Shqipërisë për armët kimike

November 21, 2013 by dgreca

Nga Keida Kostreci/

Pas vorbullës së ngjarjeve të javës së kaluar që u mbyll me refuzimin e Shqipërisë për të lejuar territorin dhe burimet e saj të përdoreshin për çmontimin e armëve kimike siriane, një nga pyetjet që u shtrua ishte nëse kjo do të ndikonte tek marrëdhëniet dypalëshe me Shtetet e Bashkuara. Por më pak u fol se ç’do të thoshte për Shqipërinë që të kishte mundësinë të bashkëpunonte për zgjidhjen e një problemi të mprehtë ndërkombëtar. Ish-Ambasadori i Shteteve të Bashkuara në NATO, Kurt Volker dhe ish-zëvendës ndihmës Sekretari amerikan i Mbrojtjes, Ian Brzezinski analizojnë mënyrën se si u menaxhua procesi, dhe a do ta kishin tejkaluar përfitimet e një përgjigjeje pozitive, vlerën e vendimit kundër.

Dy ish-zyrtarët e lartë amerikanë, nuk e mohojnë se hezitimi i publikut ishte i kuptueshëm duke pasur parasysh se bëhej fjalë për armë kimike, se edhe vende të tjera refuzuan, si edhe kujtimet e ngjarjeve të tilla si ajo e shpërthimit të Gërdecit. Megjithatë, thotë Kurt Volker, aktualisht Drejtor Ekzekutiv i Institutit McCain, kjo ishte një mundësi për Shqipërinë…
“…Për të dhënë kontribut për zgjidhjen e një problemi shumë serioz ndërkombëtar siç është pyetja se ç’duhet bërë me këto armë kimike ekzistuese dhe që Siria ka shprehur vullnetin që t’i dorëzojë. Me një ndihmë ndërkombëtare, Shqipëria mund të kishte dhënë një kontribut serioz për çmontimin e tyre”, thotë zoti Volker.
Ian Brzezinski, ekspert i sigurisë në Këshilllin e Atlantikut, mendon se për Shqipërinë refuzimi ishte një shans i humbur
“Është një shans i humbur sepse një vend si Shqipëria nuk e ka çdo ditë rastin që të thellojë dhe forcojë marrëdhëniet e saj në mënyrë të konsiderueshme me një vend si Shtetet e Bashkuara. Nëse do që të gëzosh më shumë fryte nga një marrëdhenie, duhet të kontribuosh më shumë”, thotë ai
Megjithatë zoti Brzezinski, nuk mendon se vendimi i Shqipërisë do të dëmtojë marrëdhëniet dypalëshe.
“Ne e vlerësojmë se sa pro-amerikan është ky vend. Ne i vlerësojmë kontributet e Shqipërisë në operacionet e NATO-s në gjithë botën. Pra, aspekti i sigurisë do të vazhdojë të jetë i fuqishëm. Bashkëpunimi ekonomik mund të zhvillohet edhe më tej”.
Zoti Volker thotë se nuk e sheh aspak si çarje në marrëdhëniet dypalëshe këtë ngjarje:
“Kjo nuk ka të bëjë fare me marrëdhëniet mes Shteteve të Bashkuara dhe Shqipërisë. Çështja është se ç’të bëjmë me këto armë kimike. Ne të gjithë shpresonim që Shqipëria të ishte në një pozicion të tillë që ndihmonte me këtë problem dhe nëse nuk e bën dot, kjo nuk ka të bëjë me marrëdhënien mes dy vendeve”.
Zoti Volker thotë se Uashingtoni do të kishte punuar hap pas hapi me Shqipërinë në një proces të mundshëm.
“Shtetet e Bashkuara ishin të gatshme të ndërmerrnin disa hapa për të mbështetur Shqipërinë në procesin e menaxhimit dhe shkatërrimit të këtyre armëve, përfshirë një element financiar, një përpjekje për ta ndihmuar Shqipërinë me çështje të tjera spastrimesh lëndësh të mbetura nga periudha e komunizmit”, thotë zoti Volker.
Për zotin Brzezinski, djalli është gjithmonë tek detajet.
“Por po të vija vetem në pozitën e Tiranës, unë mund të kisha thënë: Ne jemi të prirur ta bëjmë një gjë të tillë, por do ta bënim me kushtin që të kemi siguri se këto materiale do të menaxhohen në mënyrë të sigurt dhe pa rrezik, që të ketë masa të fuqishme dhe të shprehura qartë sigurie dhe së dyti do të ishim të interesuar që të dinim: nëse ne e bëjmë këtë për Shtetet e Bashkuara dhe komunitetin ndërkombëtar, çfarë tjetër mund të bëhet për të thelluar marrëdhëniet mes Shteteve të Bashkuara dhe Shqipërisë?”
Ideja e tij është se Shqipëria duhet ta kishte përdorur një proces të tillë për të forcuar pozicionin e saj në arenën ndërkombëtare dhe në axhendën e hartuesve të politikane në qarqet më të larta në Uashington.
Kjo për arsyen se siç e tregoi edhe intensiteti i kontakteve të Uashingtonit me kryeministrin e Shqipërisë, përfshirë tre telefonatat nga Sekretari amerikan i Shtetit John Kerry, çështja e shkatërrimit të këtyre armëve është përparësi për administratën e Presidentit Obama.
“Qeveria amerikane kishte shpresa të forta se Shqipëria do të pranonte të ofronte burimet dhe territorin për shkatërrimin e këtyre armëve. Pra jemi në situatën kur procesit, strategjisë për eliminimin e këtyre armëve u mungon një element shumë specifik dhe konkret: ku dhe si do të shkatërrohen ato. Pra pa dyshim që ky është një hap mbrapa në procesin për shkatërrimin e armëve kimike”, thotë zoti Brzezinski.
]Duke u nisur edhe nga përvoja e tij në Departamentin e Shtetit, zoti Volker nënvizon se Sekretari Kerry nuk mund të telefonojë çdo ministër të jashtëm apo kryeministër për çdo çështje të caktuar.
]“Kur Sekretari i Shtetit merr përsipër të angazhohet personalisht me një çështje që ai mendon se duhet zgjidhur – në këtë rast eliminimin e armëve kimike – atëherë ai do të bëjnë gjithçka që mendon se duhet bërë në përpjekje për ta çuar përpara një proces të tillë”.
Por ish-zyrtari i Departamentit të Shtetit dhe ish-zyrtari i Departamentit të Mbrojtjes, e shikojnë ndryshe ndikimin e reagimit të fortë të publikut dhe mënyrën sesi duhej të ishte menaxhuar ai.
Për zotin Volker, fakti që kryeministri Edi Rama nuk foli më parë me publikun për këtë çështje mund të ketë të bëjë me faktin se jo që në fillim ishte e sigurt se Shqipërisë do t’i kërkohej ky bashkëpunim dhe diskutimi u bë më urgjent pasi disa vende të tjera refuzuan.
“Gjithmonë mund të kesh ide të ndryshme për mënyrën më të mirë për ta menaxhuar një çështje, por kur ke një situatë delikate dhe dëgjon reagimet e publikut që të bëjnë të mendosh se një alternativë e tillë nuk do të ishte shumë popullore, të duhet të përcaktosh si politikan se cili është vendimi i drejtë”.
Ai thotë se i takonte qeverisë, kryeministrit të përcaktonte se çfarë mendonte ai që Shqipëria do të arrinte dhe se çfarë do të mbështeste. Po ashtu ai mendon se edhe qeveria amerikane duhet të kishte qenë më e kujdesshme.
“Duke u nisur nga përvoja ime në Departamentin e Shtetit mund të them se nuk mund të imponosh një çështje që nuk është gati për zgjidhje…”, tha zoti Volker.
Duke folur për palën amerikane, ai thotë se nëse Shtetet e Bashkuara e dinin se kjo çështje do të ishte e vështirë për kryeministrin apo qeverinë e tij, atëherë “nuk do të ishte mirë që ai të gjendej në një pozicion që e bënte të pamundur që ai të thoshte ‘po’”.
“Pra mënyra më e mirë do të ishte që të punohej me kryeministrin për të diskutuar se cilat do të ishin çështjet shqetësuese, a do të kishte mënyra të tjera për të dhënë një mbështetje politike për të ndihmuar me këtë çështje, ose nga ana tjetër nëse duket se kjo nuk do të funksionojë, le të mos ta kthejmë në humbje, të mos ta kthejmë në diçka negative dhe të shohim për zgjidhje të tjera”.
Për zotin Brzezinki problemi qëndron diku tjetër.
“Mendoj se si qeveria amerikane, ashtu edhe qeveria shqiptare mund ta kishin menaxhuar më mirë këtë çështje. Është e qartë se bërja e njohur për publikun e kësaj çështjeje nuk u bë në mënyrën më të mirë. Provë për këtë është reagimi aq i ashpër dhe kundërshtimi i publikut”.
Ai thotë se pati një tendencë mes disa shqiptarëve që të ekzagjeronin rrezikun dhe ata me të drejtë shtruan pyetje për procesin.
“Çdo vend e menaxhon procesin demokratik ndryshe. Ajo që mund të analizohet është sesi ia shpjegoi qeveria publikut se çfarë ishte propozuar dhe hapat që do të merrte për të bërë të mundur pranimin e marrëveshjes. Nuk e di se sa informacion i dha qeveria popullit të Shqipërisë për alternativat e menaxhimit të shkatërrimit të këtyre armëve në territorin shqiptar”.
Dhe megjithëse ai e pranon se një Kryeministër duhet t’i përgjigjet kërkesave të publikut…
“Nga tjetër ai duhet edhe ta udhëheqë dhe ta influencojë opinionin publik”.
Të dy ekspertët thonë se gjithmonë ekziston një rrezik nga menaxhimi i armëve dhe lëndëve kimike, por zoti Brzezinski sqaron se eiliminimi i tyre është bërë në shumë raste më parë, përfshirë Shtetet e Bashkuara dhe shqiptarët duhet ta kishin dëgjuar një gjë të tillë.
Zoti Volker dhe zoti Brzezinski e hedhin poshtë perceptimin se Shqipërisë mund t’i ishte kërkuar ky bashkëpunim pasi Shtetet e Bashkuara kanë bërë shumë për shqiptarët historikisht, apo sepse është vend i dobët. Zoti Volker thotë se arsyeja ka të bëjë më shumë me faktin që Shqipëria është një vend aleat, kishte mundësinë e ekzekutimit dhe një qeveri me vullnetin e mirë, ndërsa zoti Brzezinki thotë se duhet parë ana pozitive e vlerësimit të Shqipërisë si partner dhe se nga ana gjeopolitike, pozita e vendit do të ishte forcuar.
Por me gjithë debatin që shkaktoi kjo çështje në Shqipëri, për Uashingtonin pyetja se ku do të shkatërrohen armët kimike të Sirisë, vazhdon të jetë pa përgjigje dhe këtu janë përqendruar përpjekjet e tyre.(Zeri i Amerikes)

Rrjedhja e informacionit çoj në dështimin e projektit të armëve kimike në Shqipëri

November 17, 2013 by dgreca

Shkruan: Arben LLALLA/

Të gjithë folën gjatë për ardhjen e asgjësimit të armëve kimike të Sirisë në Shqipëri, folën analistë të pjekur dhe të papjekur, të gjithëve ju dëgjua zëri i kundërshtimit nga adoleshentët e deri tek politikanët e pensionuar dhe të dështuar. Por askush deri ditën e premte para se të thoshte JO-n kryeministri ynë nuk e mori guximin të sqaronte përfitimet e këtij projekti.

Shqiptarët si një popull i vrullshëm që kanë të zhvilluar më shumë ndjenjën e kundërshtimit se sa atë të kompromisit reaguan nëpër rrugë dhe media për projektin për asgjësimin e armëve kimike në Shqipëri pa bërë llogarinë e përfitimeve afatgjate politike dhe ekonomike si komb. Por përse gjithë ai kundërshtim i rrufeshëm nëpër rrugë dhe media? Kush qëndronin pas kësaj nxitje? Përse vendet fqinje me Shqipërinë nuk reaguan drejtpërdrejtë, por ishin fshehur pas protestuesve dhe disa medieve?

Sinjalin e parë për kundërshtimin e projektin të SHBA për asgjësimin e armëve kimike e dha Rusia nëpërmjet zëvendësministrit të jashtëm të saj Gennady Gatilov më 31 Tetor, i cili deklarojë se Rusia do jepte rreth 2 milion dollarë ndihmë financiare ose teknike Shqipërisë. Kjo deklaratë e rusëve u kuptuar si poshtërim ndaj shqiptarëve të cilët janë populli më pro-amerikan në botë. Më tej mediat shqiptare që financohen në përgjithësi nga agjenturat e ndryshme në bashkëpunim me disa analistë të dalë mode filluar nxitjen e turmave kundër armëve kimike. Nga ana tjetër politikanët shqiptar të pozitës dhe opozitës që kishin dijeni për këtë projekt duke bërë gabim llogaritë e tyre nxituan për ta kundërshtuar hapët idenë dhe projektin e SHBA me shpresën se kështu do të dëmtonin personalisht Edi Ramën.

Si pasoj kryeministri Rama u gjend papritur përballë një presioni të turmave që më shumë ishin adoleshentë që s’kanë të drejtë vote se sa njerëzve me logjikë të shëndoshë. Në nxitjen e adoleshentëve të shkollave fillore dhe të mesme mund të kenë gisht edhe ato pedagog që vijnë nga opozita të cilëve u interesonte një dalje në rrugë të nxënësve. Gabimi i parë për realizimin e projektit për asgjësimin e armëve kimike në Shqipërisë qëndron tek z.Rama i cli në fillim nuk krijojë ambientin proasgjesimit të armëve me anë të medieve dhe reklamave se sa dëmtohet Shqipëria edhe sa përfitojmë si popull nga ana ekonomike ashtu edhe politike afatgjatë. Për ta bërë këtë gjë z.Rama kishte në dispozicion rreth 10 ditë që nga 31 Tetori, kur Rusia deklarojë se do ti jepte 2 milion dollarët. Gabimi i dytë i kryeministrit ishte se ai nxitoj të thoshte JO-n e armëve kimike, duke anashkaluar votën në Kuvendin e Shqipërisë dhe Referendumit, gjë që do ti jepte shansin të përfitonte kohë për uljen e tensioneve të turmave kundërshtuese.

Nuk e di në të ardhmen se si do të reagojmë si komb nëse SHBA propozon të dhurojë ndonjë bombë atomike Shqipërisë si vend me strategji të veçantë? Por nëse kemi këto mend në kokë dhe këta politikan që nuk shohin përtej hundës së tyre diktatoriale, besoj se përsëri do reagojmë si një popull euforik dhe i vrullshëm që mund ti biem murin me kokë atëherë kur nuk e pret, sepse kot nuk thonë grekët: QEFALE ARVANITI.

Shpresojmë që kryeministri mori një mësim të mirë nga ata që ai u kishte besuar në minutat e para këtë projekt dhe që pati rrjedhje informacioni të parakohshme, ndërsa populli ynë shqiptar tregoj edhe njëherë se nuk di të gjendet në kohën e duhur dhe në vendin e duhur.

Qytetarët Shqipëtarë Vendosin Kundër Armëve Kimike në Shqipëri, Paqësisht

November 14, 2013 by dgreca

Nga ALFONS RAKAJ/

Ditët e fundit opinioni publik në Shqipëri po zien. Mundësia e transferimit të armëve kimike të regjimit vrastar të Asadit në Shqipëri ka bërë që Shqipëtarët të ndjehen të ndikuar dhe ndijuar që të flasin. Pas prononcimit të Ministrit të Jashtëm, Ditmir Bushati dhe Kryeministrit Edi Rama që Shqipërisë i është këkruar ndihmë qytetarët kane dalur në shesh për ta bërë të qartë se ata janë kundër.

Në vitet e fundit kemi parë që sheshet e kryeqytetit të përjetojnë protesta të ndryshme. Herë për fushata elektorale, her për të kundërshtuar një vendim të caktuar siç ishte ndergjegjesimi kundër importit të plehrave, kundër marrëveshjës së detit me Greqinë apo edhe manifestimeve për 100 vjetorin e themelimit të shtetit Shqipëtar. Por të gjitha këto kane një element të përbashkët që kjo protestë nuk e ka.

Ky ndryshim ka të bëjë me përfshirjen e politikës.Partial Socialiste që tani është në pushtet e ka qenë në zemër të organizimit të protestave të ndryshme vitet e fundit. Tani ajo është në pushtet dhe mbart përgjegjësinë për vendimin që do të merret, pavarsisht sesi do të jetë ai. Ky realitet e bën të pamundur që ajo të përfshihet në protesta. Në të vërtetë, Partia Socialiste ka qenë ajo që ka kërkuar të qetësojë protestuesit. Gjatë konferencës për shtyp me Komisionerin Për Zgjerimin në Bashkimin Europian, Stefan Fule, Kryeministri Rama u shpreh se asnjë vendim nuk është marrur dhe s’ka vend për panik. Qytetarët Shqipëtar menduan ndryshe, dhe vazhduan protestën me një organizim edhe më të madh të nesërmen. Të tilla prononcime nuk kanë munguar edhe nga Ministria e Jashtme ndërsa Kryeministria ka ripërseritur që s’ka vend për alarm dhe “që Shqipëria do të dalë jo vetëm më kokën lart, por e fituar dhe edhe më e pastër seç është sot.” Por Shqipëtarët, të zhgënjyer më pare nga politika vendosen të dalin në shesh sërish.

Partia Demokratike, si zëri kryesor i opozitës ka bërë edhe ajo prononcimet e saj kundër Vendimit. vendimit. Në korrnizen politike si fuqi opozitare, ajo ka akuzuar Kryeministrin Rama për mungesë transparence ndaj qytetarëve. Kjo u bë më e qartë në seancën plenare të ditës së Ejnte kur deputetet femra të kësaj force politike ndërzunë foltorën e Kuvendit. Ish-Kryeministri Berisha, tani si deputet dhe si zëri më ndikues i kësaj force politike, në Kuvend kërkoj interpelancë me Kryeministrin Rama i cili ndodhet jashtë vendit në vizitë zyrtare. Por sërish, edhe psë në qendër të një vendimi politik, qytetarët vendosën të mos e lejojnë aktivizimin e tyre të marrë ngjyrime politike. Kjo u bë plotësisht e qartë ndërsa ato nuk lejuan që kryetari i Partisë Demokratike, Lulëzim Basha I shoqëruar edhe nga ish-Kryeministri Berisha të merrte mikrofonin dhe të mbante fjalim përpara protestuesve. Kori i qytetarëve njëherazi fishkëllej dhe u ngrit kundër sapo Basha mori mikrofonin. Kjo ndodhi pak pasi kryetari I Kuvendit, Ilir Meta shkoj të mbante fjalim përpara tyre (në një kohë tjeter me Bashën dhe Berishn) dhe kërkoj të bind qytetarët se të dhënat e publikuara gjër tani janë të pavërteta. Qytetarët, sic tregohet qartë në vidjot e publikuara nga Top-Channel, ngrihen dhe thërrasin në kor njëherazi “Jo Armëve Në këtë mes janë dy zhvillime krejtësisht të pëlqyeshme dhe në shërbim të vendit. Këto dy të mira kanë të bëjnë me nivelin e demokracisë në Shqipëri si dhe me aftësinë e popullit Shqipëtar të shohë përtej politikës së ditës.

Shqipëtarët po protestojnë me vullnetin e tyre. Po vetëorganizohen dhe po shprehin qartë bindjet e tyre, mu përpara politikanëve aty përballë Kuvendit, Kryeministrisë madje edhe përpara Ambasadës Amerikane, vendi që kë bërë kërkesën që Shqipëria të pranoj armët kimike Siriane. Të tilla imazhe janë mbreslënëse kur të gjitha këto protesta kanë në përbërje të tyre një pjesë të konsiderueshme të anëtarëve femra dhe zhvillohen në një mjedis krejtësisht paqësor.

Aftësia e organizatorëve të protestave, si dhe vetë qytetarëve pjesmarrës të mos lejojnë që kjo protestë të Shqipëtarët po protestojnë me vullnetin e tyre. Po vetëorganizohen dhe po shprehin qartë bindjet e tyre, mu përpara politikanëve aty përballë Kuvendit, Kryeministrisë madje edhe përpara Ambasadës Amerikane, vendi që kë bërë kërkesën që Shqipëria të pranoj armët kimike Siriane. Të tilla imazhe janë mbreslënëse kur të gjitha këto protesta kanë në përbërje të tyre një pjesë të konsiderueshme të anëtarëve femra dhe zhvillohen në një mjedis krejtësisht paqësor.

Aftësia e organizatorëve të protestave, si dhe vetë qytetarëve pjesmarrës të mos lejojnë që kjo

protestë të kthehet në një tubim politik është vërtetë për tu përshëndetur. Kjo tregon një maturi dhe ndërgjegjësim që kapërcen edhe ambjentin e politizuar, edhe ndikimet politike dhe mbi të gjitha pasqyron dashurinë e madhë të Shqiptarëve për vendin e tyre. Shqipëtarët nuk po ngrihën kundër ndonjë partie politike të caktuar, madje as kundër ndonjë vendimi, pasi një vendim mbi këtë çështjë nuk është marruar akoma, por kundër kësaj mundësie. Madje, ato nuk po ngrihen kundër Amerikës, por kundër kësaj kërkese sepse drejtësisht e shohin Shqipërinë si të paaftë ti ç’montojë ato në kushtet e duhura të sigurisë. Imazhet e shpërthimit në Gërdec janë akoma të freskëta në mendjen e Shqiptarëve.

Prandaj ato thonë hapurazi se pranimi i tyre do të ishte një barrë e pamundur për vendin tone.

Shqipëtarët kanë vendosur kundër por do të duhët të shohim në ditët në vijim nëse Tirana zyrtare

do të bëjë të njëjtën gjë. Sikurse u shpreh deputeti i Partisë Socialiste Ben Blushi, “qeveria të dëgjojë popullin.” Më në fund, nuk duhet harruar që populli gjithnjë ka të drejtë dhe qeveria e tanishme e di këtë më së miri pas zgjedhjeve të 23 Qërshorit.

Kush po qëndron prapa asgjesimit të armëve kimike të Sirisë në Shqipëri?

November 13, 2013 by dgreca

A ka “dorë” Moska ? dhe pse asnjëherë deri tani s’u zbardh tema e bisedimeve të shtatorit në Nju Jork, mes kryeministrit Rama dhe ministrit të jashtëm rus Sergei Lavrov!/

Nga BEQIR SINA, New York/

BENSONHURST BROOKLYN NY : Në rastin e arsenalit sirian, megjithatë, se sasia është madhe e stoqeve kimike për të asgjësuar dhe kushtet e sigurisë në Shqipëri, nga të gjithë përbëjnë një sfidë edhe më të madhe, sa qe mendohet. Por, kjo nuk po e pengon fare qeverinë klienteliste dhe servile të Edi Ramës, të pranojë edhe “koston” tjetër, që do ti kushtojë rëndë vendit tonë me një “Recetë për një katastrofë” .

Rama i vendosur “me shpatulla pas murit” si i themi ne shqiptarët, mes marrëveshjes së shtatorit në mes Moskës dhe Uashtingonit, ka pranuar “në mësheftësi ” që t’i marrë ai për ti asgjesuar këto armë në tokën shqiptare. Ashtu si dikur kur Tirana i hapte( ose i shqyente) dyert ndaj servilizimit dhe “dashurisë” ndaj Moskës dhe Kinës, për “miqësin vëllazërore” për të marrë armët kimike(helmuese) dhe si deklarojnë sot ish specialistët e kohës së monizimit, :”mbasi ato nuk u përdorën kurrë, përveçse si po thonë ish ekspertët e ushtrisë së kuqe, ” U provuan në terren me eleminimin e kafëshve, deleve, lopëve, kuajve dhe gomarëve”.

Mbas kësaj marrveshje dyshimet janë pse Moska ka pranuar Shqipërinë, në mesin e pesh shteteve, çfarë kushtesh ofron Shqipëria, për Moskën. Dhe se :”A po përmbush kryeministri i Shqipërisë, Edi Rama një kërkesë të Rusisë, me pranimin e armëve kimike në Shqipëri? A dyshon Uashingtoni në se kush qendron pas kësaj …..? Pse Beogradi, Shkupi dhe Athina heshtin …..për shkatërimin e këtyre armëve në Shqipëri? si fqinjë dhe çfarë garancie kan marr ata, nga vizita e fundit të Venezelios në Tiranë…..?

Përderisa, asnjëherë deri tani s’u zbardh tema e bisedimeve të shtatorit në Nju Jork, mes kryeministrit Rama dhe ministrit të jashtëm rus Sergei Lavrov, dyshimet shtohet edhe mës hsumë. Pas këtij takimi, Rusia zyrtarizoi kërkesën e saj që armët kimike të zhvendosen në Shqipëri, bile publikoi edhe shifrën e turpshme të 2 milionë dollarëve, si ndihmë për procesin i cili do të kushtoi OKB 15 milion Euro.

Këto janë një serë pyetjesh që lindin pasi qeveria shqiptare hesht, bile tani në mënyrë të turpshme kur Rama dje e justifikojë atë me ” mos ndërhyrjen me trupa në Siri nga SHBA ” sikur Shqipëria të kishte përgjegjësinë e Ushingtonit për Sirinë .

Mirëpo, pavarësisht deklaratave nga Tirana, dhe dekelratës së Edi Ramës, se ende nuk është marrë një vendim për të pranuar që armët kimike të Sirisë të shkatërrohen në Shqipëri, në mediat ndërkombëtare flitet krejt e kundërta.

Televizioni “Al Jazera në emisioni ” The Stream” i kushtoi sot një hapësirë të veçantë shkatërrimit të arsenalit kimit të Sirisë. Drejtori i programit, të Green Cros Internacional, Pol Walker i ftuar në emision ka theksuar se vendimi për ti asgjesuar armët kimike siriane në Shqipëri, është marrë dhe ai do të bëhet i ditur të premten.

I pyetur se përse është përzgjedhur Shqipëria si vend për të shkatërruar këto armë kimike, Walker thotë :

“Këtë pyetje bëra edhe unë para pak javësh. Kush e kishte menduar Shqipërinë? Ky vend ka pasur një proces të mëparshëm të shkatërrimit të armëve kimike. Në 2007 ata kanë shkatërruar për 6 muaj, 16 ton mbetje kimike, gaz mustard që i ishte dhënë nga Kina. Shkatërrimi i lëndëve kimike do të ndodhë në 2-3 muajt e ardhshëm”, ka theksuar Walker duke shtuar se gjëja më e rëndësishme është që kudo që të bëhet ky proces të jetë i sigurtë.

Sipas drejtorit të Green Cros Internacional, Paul Walker, Shqipëria gjithashtu është treguar e gatshme dhe ka sjellë përgjigje pozitive kur SHBA dhe Rusia pyetën se kush është gati të mirëpresë këto kimikate për asgjësim.

“Ata ngritën një bazë të vogël, një godinë e vogël industriale dhe besoj se procesi do të fillojë në Shqipëri në 2-3 muajt e ardhshëm” ka theksuar ai.

Por ajo që Mustafa Kibarog , Professor në universitetin Okan Tuzla i frikësohet është se nxjerrja e arsenalit kimik nga Siria në një kohë që luftimet nuk kanë të ndalur si dhe aftësinë e Shqipërisë për të përballuar këtë kapacitet, rreth 1000 tonë lëndë kmike, gaz sarin dhe mustard.

Megjithëse, për momentin, qeveria shqiptare taktikisht po shfaqet shumë e kujdesshme në deklarimin e saj dhe po e fsheh të vërtetën e “prapaskenës”, ndjeshëmëria e popullit po vjen duke u rritur. Edi Rama i pa “eksperiencë” për të manaxhuar situata të tilla, veçse tre muaj që kur erdhi në krye të shtetit si Kryeministër, po përballet me një ekuacion kompleks, dhe ndoshta që as e kishte mendur si i dilte kaq prapështë,”revoltën popullore – kundra asgjësimit të këtyre armëve në Shqipëri”.

I zgjedhur Kryeministër më 15 shtator, pasi partia e tij fitoi zgjedhjet parlamentare të qershorit, socialisti Edi Rama , çështjen e armëve të Sirisë e justifikon me ” NATO-n dhe SHBA, pra që Shqipëria të ruajë orientimin atlantik dhe pro-europian të vendit”, por se sa vlen kjo me këtë rast, askush nuk mund t’a besojë dhe t’a kuptojë .

Shumë analistë pro qeverisë Edi Rama, dhe ish shërbëtorë të regjimit komunist, specialistë dhe gazetar e ish ushtarak – ngritjen e shqiptarëve kudra asgjesmit të këtyre armëve në Shqipëri, e lidhin “me pro amerikanizmin e shqiptarëve, me mikun tonë të përjetëshëm SHBA,”. A thua se ne jetojmë në një botë tjetër, dhe ne që jemi kundra asgjesimit të armëve jemi kundra Amerikës”. Njësojë si në kohën e propogandës komuniste, kur dënoheshin shqiptarët me burg politik, agjitacion e propogandë “neni 55” për Begoradin , Moskën dhe Kinën.

Por këta qyqar, dhe servil e hipokritë, në gjak, që u shkoi gjithë jeta të këtillë kështu kan folur për Beogradin, deri në 1949, Moskën deri në 1960, dhe Kinën deri në1979, dhe tani flasin për SHBA…!? pra “je me SHBA apo jo!” thotë Rama

Harrojnë dhe bëjnë sikur nuk e dinë se edhe në Washington D.C, New York City, dhe Los Angelo’s me mijëra protestues, ishin kundër luftës në Siri, dhe i thanë Jo Amerikës!. Ata kan shprehur kundërshtimin ndaj çdo veprimi ushtarak nga ana e Shteteve të Bashkuara në Siri. Protestuesit dolën menjëherë pas fjalimit të presidentit Barack Obama, mbajtur në Shtëpinë e Bardhë, ku ai i bëri thirrje Kongresit të miratojë ndëshkimin ushtarak të regjimit të Asadit për shkak të vrasjes me gaz sarin të qindra fëmijëve dhe grave në Siri.

Pra, a mos vallë edhe këta amerikanët janë “kundra SHBA” kur përmendën një sërë arsyesh për të mos ndërhyrë në Siri?…….

Çdo shqiptarë atij që i dhembset me të vërtet Shqipëria , e di fort mirë se si një prej shteteve më të varfra në Europë, Shqipëria ka nevojë për mbështetje perëndimore, dhe SHBA, si një mik të madh, por “Jo me servilizëm – dhe në këtë mënyrë” si vepron partia Socialiste dhe Edi Rama. Janë gjëra të tjera dhe arsye që janë për t’u gjykuar dhe të shpjegojnë mungesën e përgjigjes ndaj kërkesës amerikane, në qoftëse kjo është e vërtet perderisa edhe vetë Ambasadori i SHBA, në Tiranë Alexandër Arvizu, ende nuk është deklaruar hapur por po përdor gjuhën diplomatike.

Në fakt, duhet theksuar se dy ditë pas marrjes zyrtarisht të detyrës, Edi Rama vendosi të ndalojë importin e mbetjeve toksike, të rrezikshme ose jo, sipas tij dhe Socialistëve, duke mbajtur në këtë mënyrë një premtim elektoral për një çështje shumë të ndjeshme në Shqipëri, atë të mbetjeve kimike. Ambasadori Arvizu, qe ai që e “nxiti” një lëvizje, të udhëhequr nga opozita e athershme me Edi Ramën, kryeopozitar kundra qeverisë së qendrës së djathtë e Sali Berishës, e cila kishte autorizuar importin e 55 produkteve toksike, duke shkaktuar zemërimin e organizatave për mbrojtjen e mjedisit me sollaganin “Recetë për një katastrofë”, kjo dihet dhe nuk fshihet.

Pra a nuk është e gabuar për të thënë PO sot, pas ndalimit të bërë nga qeveria Rama që “vendosi të ndalojë importin e mbetjeve toksike, të rrezikshme ose JO,”. Mbasi kjo që bënë Rama sot, do të krijonte një çoroditje në mesin e vet shqiptarërve. Tani mbasi kemi qeverinë Rama me “dy fytyra”.

Në Shqipëri, qeveria “Rama” dhe komunistët ose ish bijtë e tyre tashmë në qeveri kan një tendencë të “pështirë” që të jenë sa më shumë servile përballë aleatëve perëndimorë, dhe sidomos amerikanëve dhe europianëve. Ata kërkojnë “legjitimitetin” e tyre jashtë kufijve, në dëmë të Shqipërisë dhe sigurisë kombëtare. Kur vjen në pyetje se ” kush merr në konsideratë në këtë rast interesat e shqiptarëve?” Duke parë kapacitetet e dobëta administrative të shtetit tonë dhe rrezikun e lartë të arsenalit sirian, kjo do të ishte një “Recetë për Katastrofë” . Në një kohë që edhe vetë kryeparlamentari Meta pjesë dërmuese e kësaj qeverie e pranoi se “Shqipëria, duhet të mbaj aq sa ka mundësi të mbajë përgjegjësi”

Organizata për Ndalimin e Armëve Kimike , e cila fitoi Çmimin Nobel për Paqe muajin e kaluar , tha se është caktuar nën mbikqyrjen e shkatërrimit të stoqeve të Sirisë, sidomos atyre armëve me efktet nervore, sipas një marrëveshjeje amerikano – ruse arritur në muajin shtator.

Organizmi ndërkombëtar i ngarkuar me eleminimin e armëve kimike të Sirisë ka ngritur shumën e parave të mjaftueshme për të financuar deri tani misionin e saj për shkatërimin e armëve kimike të Sirisë. Ka shumë gjasa që në fund të këtij muaji, të mblidhen më shumë para që do të duhet të gjenden së shpejti të paguajnë për shkatërrimin e rezervave të gazit helmues, të cilat do të nisin gjatë vitit të ardhshëm, shkruajnë autoritativet amerikane duke iu referuar burimeve zyrtare nga Uashingtoni dhe kryqendrat e botës. .
Televizionet dhe gazetat më të mëdha amerikane njoftuan se shuma e ngritur deri tani për shkatërrimin të stoqeve të Sirisë, sidomos atyre armëve me efktet nervore rreth 10 milionë euro ( 13.500.000 dollar ) për detyrën.
“Është vlerësim i Sekretariatit se saj ekzistuese burimeve të personelit janë të mjaftueshme për operacione të kryera në tetor dhe nëntor 2013, ” tha një dokument 25 tetor ONAK shihet nga Reuters . Në atë kohë, llogaria e saj të mbajtur vetëm 4 milionë euro.
Presidenti sirian Bashar al- Assad thotë se kostoja totale mund të jetë 1 miliard dollarë, edhe pse ekspertët thonë se ka të ngjarë të jetë më e ulët , drejtimin në dhjetëra ose qindra miliona dollarë, në varësi se ku dhe si janë shkatërruar armët kimike .
Shtetet e Bashkuara ka qenëkontribuesi më i madh deri më tani në fondin ONAK për misionin Siri , me Britaninë , Kanada , Gjermania , Holanda dhe Zvicra kontribuon gjithashtu .
Uashingtoni ka kontribuar 6 dollar milionë pajisjeve , trajnimit dhe të holla , ndarë ndërmjet fondeve me ONAK dhe Kombet e Bashkuara ,dokumenti ONAK tha .
Sipas propozimit të përbashkët ruso- amerikan , Siria ra dakord në shtator për të shkatërruar tërë programin e saj të armëve kimike nga mesi i 2014. Veprim shmangu sulmet raketore kërcënuar nga Uashingtoni pas një sulmi me gaz 21 gusht sarin në periferi të Damaskut që vranë qindra njerëz .

Rritja e kostove

Deri në shtator , Siria ishte një nga një pjesë të vogël të vendeve që nuk kanë qenë palë në një traktat global të nxjerrjes jashtë ligjit magazinimin e armëve kimike.
Konventa e Armëve Kimike krijon problemin unik të sigurtë për shkatërrimin e rezervave të mëdha të helmeve në mes të një lufte civile që ka vrarë 100.000 njerëz dhe i shtyrë deri në një të tretën e Sirëianve lënjen e shtëpitë e tyre .
Kostot e personelit do të mbulohet kryesisht nga buxheti i rregullt ONAK -së , me më pak se një të ardhur vjetore 100 milionë dollar, por organizata me bazë në Hagë thotë se do të kenë nevojë për burime të konsiderueshme shtesë.
Deri në fund të javës së ardhshme ,OPCW dhe Siria duhet të bien dakord për një plan të detajuar të shkatërrimit , duke shpjeguar në detaje se si dhe ku për të shkatërruar helmet , duke përfshirë gazin Sarin sinapit, dhe ndoshta VX .
ONAK tha javën e kaluar se ekipet e saj kishn inspektuar 21 nga 23 faqet e armëve kimike në të gjithë vendin , duke u takuar në një kyç afat deri në 15 nëntor . Dy faqet e tjera ishin shumë të rrezikshme për të arritur për inspektim , por pajisjet kritike tashmë ishin lëvizur në vende të tjera që ekspertët kishin vizituar .
Siria shpalli tek ONAK se prodhimit 30 faqeve , e kishn bërë me mbushjen dhe objektet ishin magazinuar , në tetë njësitë mobile me mbushje dhe tre armë kimike të lidhura me objektet .
Magazinimi përmbante afërsisht 1,000 tonë metrikë e armëve kimike , kryesisht në formën e prekursorëve të para, 290 tonë metrikë e municioneve ngarkuar dhe municioneve të 1230 të paplotësuara , dokumentet i vertetoi edhe ONAK .
Katër vende të tjera kanë premtuar për të kontribuar një shtesë prej 2.700.000 Euro për fondin OPCW ,thoshte dokumenti .Gjermania , Italia dhe Hollanda kan marrë transportin ajror të fluturojë anëtarët e ekipit ONAK në Siri , ndërsa vendet e tjera evropiane dhe Shtetet e Bashkuara me kusht automjete të blinduara që janë dërguar nga Kanadaja , thoshte dokumenti .

Anijeve për në Shqipëri?

Mbretëria e Bashkuar ka premtuar për të dhënë 3.000.000 dollar , ndërsa Rusia 2.000.000 dollar, Franca dhe Kina thanë se do të dhurojë ekspertët dhe stafin teknik, të cilët kanë nevojë për të dëshmuar tërë procesin , kohën – dhe çfarë do të konsumojnë shkatërrimet .
Një kosto e madhe ende që do të vijë do të jenë ato me anijet të transportit të kimikateve të para jashtë e Sirisë për shkatërrim të sigurt larg nga zona e luftës. Diskutimet janë në vazhdim me vendet gatshëm të presë objektet për djegien ose kimikisht të neutralizuar helmet , përfshirë Shqipërinë , Belgjikën dhe një vend të papërcaktuar skandinave, thanë burimet .
Kompanitë në Shtetet e Bashkuara , Gjermania dhe Franca janë duke konkurruar për kontratën për të siguruar objektet shkatërrim, thanë burimet .
Që pas Konventës 1997 të Armëve Kimike,OPCW ka mbikëqyrur shkatërrimin e më shumë se 50.000 ton municione toksike, ose më shumë se 80 përqind e arsenalit deklaruar në botë .
Shtetet e Bashkuara dhe Rusia, poseduesit më të mëdhenj të armëve kimike , janë vite pas afatit në shkatërrimin e arsenaleve të tyre .