asllan Bushati – Page 15 – Dielli

TYMNAJË RRETH AKADEMISË SË SHKENCAVE TË SHQIPËRISË

September 15, 2017 by dgreca

NGA ASLLAN BUSHATI/Kur Akademia e Shkencave (ASH) u formu në vitin 1972 (me një vendim të qeverisë së asaj kohe), nga brezi im, por edhe nga një brez më i moshuarish se ne, u ndje një farë emocioni e ndjesie positive. Kjo, jo vetën se edhe Kombi ynë do të kishte Akademinë e vet të Shkencave ,(si kombet e tjetë qytetëruar), por se ngritja e saj, do t’ju jepte rrugëzgjidhje shumë problemeve të mëdha kombëtare të akomuluara nga koha. Ata ishin të shumta , por vecanërisht të albanologjisë dhe historisë ishin më të mprehta e të pa argumentuara shkencërisht të paktën para opinionit të jashtëm. Në këto kushte një grup jo i vogël intelektualesh të mirnjohur të fushave të ndryshme, u emruan në postet kryesore drejtuese të ASH-së. Ata qenë bërthama e parë e këtij institucioni të lartë, ishin kryesisht intelektualë të formuar në shkollat jashtë Shqipërisë, me integritet,por duhet theksuar,se mbi të gjitha ishin edhe të besuarit e regjimit.

Para formimit të ASH-së, ishin bërë disa studime nga persona të vecantë e të pasionuar pas shkencës, që në kohën e Mbretërisë Shqiptare e pas saj, por studime të mirfillta e shumë të rëndësishme për albanologjinë (edhe historinë) vinin nga studiues të huaj si : austriak, gjerman, angles, italian, kroat etj, të cilët e ndihmuan shumë ASH-në në hapat e parë të saj. Nuk ka asnjë dyshim që edhe regjimi totalitar në Shqipëri , ishte i interesuar që të bëheshin përpjekje serioze për ecjen përpara në fushën e albanologjisë dhe të historisë e më gjërë (por vetëm sipas koncepteve të partise shtet).

Si qytetar i thjeshtë, por dhe specialist i fushës time, kam vlerësuar shumë punime të këtij institucioni. Mendoj se deduksionet e përfundimet e shumë studimeve të ASH-së, kanë qenë të rëndësishme për gjithë brezin tim e brezin pas nesh . Ata ,nuk druaj ta them hapur se kanë lënë gjurmë edhe në formimin tim intelektual. Nga këtu më buron edhe ndjenja e “dashurisë” në se mund të quhet e tillë, për këtë institucion të vënë në shenjestër kohët e fundit. Por, megjithë ndjenjen që përmenda më lartë, nuk mund të mbyllë sytë përpara disa deformimeve skandaloze të fushës së historisë , të cilat nën trysninë e totalitarizmit tjetërsuan ngjarje, emra,personalitete, data, e deri periudha të tëra, e për të cilat ASH-ja ka shumë përgjegjësi.

Debati i hapur kohët e fundit deri tek qenia ose mos qenia e ASH-së si institucion, në gjykimin tim, është një debat shterp, i varfër intelektualisht e për të ardhur keq. Sulmet e Kryeministrit Rama ndaj saj ,më duken shumë fodulle, vulgare, të pa matura, pavend e të dëmëshme për të sotmen dhe të ardhmen e shkencës shqiptare. Po ashtu edhe ligji për arsimin i Qeverisë Rama, i cili në brendi fsheh thikën pas shpine kundër ASH-së, më duket avangardë i qëllimeve të këqija të Kryeministrit Rama, të cilit i duket vetja (duke qenë i gjatë me trup) kreu i shkencës, i dijes, dhe i cdo gjëje në Shqipëri.

Do të kisha dëshirë që qenia e ASH-së të mos vihej në dyshim nga askush dhe për asnjë moment të vetëm . Ajo është vepër dhe vlerë e madhe jo vetëm e Shqipërisë, por për gjithë Kombin Shqiptar. ASH-ja detyrimisht duhet reformuar. Ajo aktualisht ka 26 anëtar akademikë,13 anëtarë akademikë të asociuar dhe 26 anëtarë nderi. Ajo ka dy seksione: Seksioni i Shkencave Shoqërore dhe Albanologjike dhe Seksioni i Shkencave Natyrore e Teknike. E gjitha duhet reformuar në strukturë e në përmbajtje.

Si qytetar i thjeshtë shqiptar, do të dëshiroja që ASH-ja, të merrej më shumë me dokumentimin dhe argumentimin e vijimsisë pellazgjike-iliro-shqiptare. Në cdo dokument të ASH-së , gadishulli në të cilin ne shqiptarët jetojmë, të quhet “gadishulli Ilirik (Ballkanik).” Të nxirret në dritë se sa kultura ilire ka pjesën e vet në kulturën e Greqisë së lashtë, në kulturën romake, bizantine, otomane etj. Kur themi kultura ilire kam parasyshë atë materiale por edhe njerzore e shpirtërore, duke vënë në dukje prijsit ilir qe kanë lënë gjurmë në këto periudha. Hulumtimet duhen parë në planin drejtues dhe shpirtëror,ku të dalë në pah se sa perandorë, kryekomandantë, papa, e drejtues fetar kanë prejardhje iliro-shqiptare. Ka vend që periudha e Gjergj Kastriot- Skënderbeut të cvishet nga folklorizmat, por të zgjerohet me argumenta si figura më madhore e Kombit tonë, madje edhe shume e rëndësishme europiane ashtu sic ka qenë në të vërtetë. Një argumentim më i saktë i duhet bërë ardhjes së feve në trojet shqiptare, kur, si dhe përse, duke i qëndruar besnik versionit të rilindasve se :”feja e shqiptarit është shqiptaria dhe se … kemi bajram edhe pashkë por Shqipërinë e kemi bashkë”. Historia e pas themelimit të Shtetit Shqiptarë, të vihet mbi baza të shëndosha, me fakte e prova të argumentuara dhe e njësuar për të gjitha nivelet e arsimimit (sipas shkallës informacionit që duhet dhënë) si dhe e cveshur nga cfaro prirje partiake e deformuese.

Si qytetar i thjeshtë, kam dëshirë që gjuha shqipe e njësur të ruhet, por ajo të pasurohet me paskajoren e gegnishtes dhe dalëngadalë në shumë përdorime “ë”-ja e fortë e toskërishtes të zëvëndësohet me “a”-në e gegnishtes si formë më e lehte e të shqiptuarit të fjalëve. Gjuha ka nevojë të pasurohet edhe me fjalë e shprehje të reja nga tabani i shqipes dhe të mos lejohet që të futen fjalë e terma të huaja pa qenë domosdoshmërisht të nevojëshme. Këtë mund dhe duhet ta bëjë vetëm ASH-ja.

Unë jam pjesë e pemës gjenetike te Bushatlinjve, por i lindur në Mat dhe si matjanë do të kisha shumë dëshirë që gërmimet arkiologjike të ASH-së, të fillonin sa më parë e të japin shpiegime për kështjellat e vjetra në Mat të cilat fshehin histori të pa thëna për atë trevë dhe Kombin në tërësi. Të hidhet dritë mbi toponomet, dhe emrat psh: Mali Allamanit (Alemanit), Mali Dejës (Dea), Mali Alojsit, vendbanimet: Germani (Gjermani), Franfth (i Fankut, francezit), Muzhakë (Muzakajt), Karica (Kroacia), Baz (në kuptimin shtab-vend qëndrimi), Burrel (Burgel-gjermanisht), Burgajet (burgjet.. po gjermanisht), Batër (Battle-betejë), etj. A mos këto emra vendbanimesh kanë të bëjnë me periudhën e Skënderbeut i cili ka patur edhe stërvitës të ushtrisë së tij nga vendet europiane dhe këta instruktorë kanë patur përqëndrime e rajone të vecanta stërvitjeje? Po kështu si unë e ndoshta më shumë se unë, do të pyeste një dibranë, mirditor, kurbinas,krutanë, shkodranë, tiranas, …preshevas, gucias,tivaras,lab, cam, shkupianë etj. Vetëm ASH-ja mund tu japi përgjigje pyetjeve dhe problemeve të kësaj natyre.

Dhe së fundi, të shkatërrosh dihet se është shumë e lehtë,( sic shprehet kollaj Zoti Edi Rama), por të ndërtosh është shumë më e vështirë, aq më tepër një akademi për studime shkencore. ASH-ja në gjykimin tim duhet mbrojtur me ligj të vecantë. Asnjë politikan nuk duhet të ketë mundësi ta preki atë. Në reformën kushtetuese lypset të parashihet që ajo të varet nga Presidenti, kurse financimi të bëhet nga qeveria. Por financime shtesë e për ceshtje specifike ASH-ja ,mund të marrë fonde edhe nga persona fizik e juridik të interesuar për punimet e saj shkencore. Shresoj se kjo tymnajë, pak “poshtruese” ndaj ASH-së ,do ti bëjë akademikët tanë të nderuar , të mendohen më thellë për hapat që duhet të hedhin në të ardhmen dhe për seriozitetin e studimeve që do të bejnë. Kjo nuk është ceshtje personash të vecantë por, punë e rëndësishme e Kombit Shqiptar.

RREZIKU AKTUAL NGA ARMËT BËRTHAMORE

September 6, 2017 by dgreca

NGA ASLLAN BUSHATI/Kohët e fundit veprimet e Koresë Veriut e kanë tensionuar situatën politico-ushtarake jo vetëm në lindjen e largët , por në të gjithë botën. Kulmin e tij tensionimi e arriti me provën e bombës me hidrogjen të Koresë Veriut, të datës 3 Shtator 2017 , e cila shkaktoi lëkundje të tokës në një hapsirë të madhe dhe në përmasat e një tërmeti 6.3 ballë të shkalës Rihter. Por ajo shkaktoi “tërmet” edhe në Këshillin e Sigurimit të OKB-së dhe në qendrat e mëdha vendim-marrëse të planetit. Në këto kushte, pyetja më e thjeshtë shtrohet se : pse erdhi situate deri në prag të luftës bërthamore? Shpiegimet mund të jenë të shumta, e nga këndshikime të ndryshme. Por pikpamja ime si ish ushtarak i lartë , specialist i fushës së mbrojtjes nga armët e dëmtimit në masë (ADM) dhe ish drejtues i kësaj veprimtrari për një kohë relativisht të gjatë në Ushtrinë Shqiptare, është se ajo nuk erdhi si shkreptimë( rrufeje) apo qoftë edhe brenda ditës , javës a muajit. Jo . Ajo është gatuar ngadalë-ngadalë dhe është e qëllimëshme .

Periudha pas “Luftes së Ftohtë” është një tranzicion që gradualisht për gati një cerek shekuli solli një disekuilibër ekonomik, politik dhe ushtarak në shkallë botrore. SHBA-të kanë qenë e janë në qendrën e kësaj stuhije ( të dukshme e të padukshme), në fushën e ekonomisë, armatimit, inteligjencës njerzore e kibernitike për ta minosur qenien e saj si lider i vetëm botëror. Fuqitë e reja e të vjetra ekonomike, kërkojnë ndryshimin e ndarjes së pasurisë botrore. Kërkesa për tregje të reja ekonomike në kurris të atyre amerikane, ka bërë që kontradiktat të cfaqen në qëndrimet politike e diplomatike kundërshtuese dhe në demostrimin e “muskujve” ushtarak.

Situata e viteve të fundit në Irak, Siri, Libi, Afganistan etj,( dhe disa politika ditore e dritshkurtëra), i kanë mbajtur amerikanët si të lidhur (fokusuar në këto rajone) , duke mos qenë të lirshëm e veprues në rajonet e tjera. Madje këto politika ( ndonjëherë jo të menduara mirë), kane bërë cfaqen edhe të disa raporte jo të këndëshme edhe me vendet e BE-së, (aleati kryesor i SHBA-së), vecanërisht për problemin e refugjatëve. Shto këtu pushtimin e Krimesë nga Rusia, nxitjen e luftës në lindje të Ukrahinës, ndërhyrjen për destabilizimin e situatës në Gadishullin Ilirik (Ballkanik), ndërhyrjet e vazhdueshme me agjenturë e kibernitikë si dhe trysninë e Kinës për hapsira të reja ekonomike e detare e bëjnë tabllonë të rrezikshme shumë komplekse.

Ka politikanë, diplomatë, shtetar të ndryshëm, (edhe këtu në SHBA) senator, kongresmenë , njerëz të medias ,qe besojnë se Kina dhe Rusia mund të luajnë një rol të rëndësishëm në uljen e tensionit në gadishullin Korean. Unë absolutisht nuk besoj në një ide të tillë. Sepse në gjykimin tim, Kina si në situatën e tanishme dhe në planin afatgjatë, lufton vetëm për interesat e saj strategjike për tu bërë superfuqi e vetme botrore. Ajo aktualisht po pushton të gjitha tregjet me mallrat e teknologjinë e saj ekonomike e ushtarake, përfshi edhe Korenë e Veriut. Në gjykimin tim, ajo është e interesuar që konflikti Korean të përshkallëzohet (se ka shumë përfitime) ,por duke ditur mirë rrezikun e armëve bërthamore, dëshiron që konflikti me këto armë të mos zhvilohet pranë saj. Pra shkurt situatën e tensionuar e pëlqen por pa përdorimin e armëve bërthamore . Kina gjithashtu, është e interesuar për dobësimin e gjithanshëm të SHBA-së, vecanërisht dobësimin e përgjithshëm ushtarak të saj e mbi të gjitha të kontigjenteve në Lindjen e Largët. Prandaj unë nuk besoj në ndonjë ndihmesë të Kinës në konfliktin koreano-verior me SHBA-në.

Kurse Rusia e ballafaquar me sanksionet ekonomike amerikane, jo vetëm nuk mund të luaj një rol pozitiv, por përkundrazi unë mendoj se ajo vendos “mina” cdo ditë në situatën e krijuar. Presidenti rus Putin ashtu si Kina e dëshiron përshkallëzimin e situatës për të dobsuar amerikanët, por pa përdorimin e armëve bërthamore, madje edhe sanksionet e OKB-së kundër Koresë veriut, i konsideron jo dobipruese kur thotë se:”Konflikti do të jetë katastrofë globale… edhe pas sanksioneve mendohet se Peniani nuk do ta braktis vijimin e provave bërthamore”. Pra i inkurajon ata të vazhdojë rrugën e provave në kundërshtim me idetë amerikane.

Ka qarqe të caktuara anti amerikane, që e shtyjnë Presidentin Koreanoverior Kim Jong Un, jo vetëm të vazhdojë provat bërthamore, por ta përshkallzojë situatën, duke i bërë elozhe se je me të vertëtë “ trim”, dhe i vetmi që “ e ke mundur Amerikën” në sytë e gjithë botës. Madje qarqe të tilla ndoshta e shtyjnë atë të ndërmarrë avanturën e përdorimit i pari të armëve berthamore sepse i thonë se je më i avantazhuar. Kjo është tërësisht cmenduria më e madhe e kohës që po jetojmë. Ky qytetërim në përfundim të Luftës Dytë Botërore i provoi armët bërthamore mbi Hiroshima e Nagasaki më 6 e 9 gusht 1945, ku mbetën të vdekur 106 mijë vetë, 98 mijë të plagosur dhe mijra të tjerë të vdekur më pas nga rrezatimi mbetës.

Por edhe europianët (përfshi ne shqiptarët), e kanë një përvojë shumë negative nga aksidenti i 1986-tës në centralin bërthamor të Cernobilit në Ukrahinë. Sot askush nuk e din se sa ka qenë numuri i të vdekurve me kanser nga rrezatimi mbetës i këtij aksidenti. Por për kujtesë më lejoni të jap disa shifra. Para aksidentit niveli i rrezatimit natyror në Shqipëri ishte 4-6 zbërthime në minut për centimeter katror. Më 9 maj 1986 (në kohën e aksidentit) ,në Malin e Moravës në Korcë ishte 1280 zbërthime në minut për centimetër katror. Kjo situatë radioaktive ishte afërsisht në të gjithë teritorin e Shqipërisë. Kurse dhjetë vite pas aksidentit (në 1996) niveli i rrezatimit në Tiranë ishte 14-17 zbërthime në minut për centimetër katror. Tani më lejoni të pyes sejcilin lexues se :sa nga të afërmit tuaj kanë vdekur me kanser në 27.4 vitet pas aksidentit, pra deri në 2003-2004 ? Po përgjigjem unë për familjarët e mi : gjatë kësaj periudhe kam humbur vëllain, dajon, dy burrat e motrave, kurse bashkshortja ime dy prindërit, dy dajot, djalin e dajos , burrin e tezes. Po ju të tjerët..? Pra shtruarja e mendimit se armët bërthamore edhe mund të përdoren në raste specifike, është një absurditet i pa krahasueshëm me agjë tjetër.

Fenomeni koreanoverior, mund të hap( si një reaksion zinxhir), një problem të madh të sigurisë botrore , duke zhvilluar iden e vetmbrojtjes kombtare nga armët bërthamore (të të tjerëve), me zhvillimin e arsenaleve bërthamore të shumë vendeve të kërcënuara. Nën pretekstin e të qënit i rrezikuar nga armët koreane (ose dikujt tjetër), në këtë rrugë mund të hyjnë: Koreja e Jugut, Japonia, Indonezia, Malajzia dhe Australia. Në kushtet e këtij reaksioni do të fillonin nga puna si të kërcënuar: Gjermania, Italia, Turqia, Irani ,Arabia Saudit, Afrika e Jugut , Brazili etj etj. Pra shpejt do të kishim një kaos të vërtetë dhe siguria globale dhe ky qytetërim do të shkatërroheshin nga politikanë të pa përgjegjeshëm por edhe nga gabime njerzore e teknike.

Në situatën e krijuar në Gadishullin Korean (por edhe më gjërë), një rol të dorës parë duhet të luante OKB-ja me mekanizmat e saj. Por në gjykimin tim ky organizëm është bërë i pa manovrueshëm dhe disa herë destruktiv. Do të ishte një gjë e mirë gjetja e një forme më të përshtatëshme organizimi botëror , por deri atëherë kjo që është ,duhet të bëjë shumë më shumë se deri tani.

Jam i mendimit se edhe një plan politik duhet shtruar NJË TEZË në tryezat e politikbërësve botëror. E them këtë se që nga viti 1953 kemi dy Kore, kur atje është një popull një komb me një gjuhë. Nuk do të ishte herezi tu thuhesh koreanoveriorëve se kalimi nga diktatura e proletariatit në demokraci shumë partiake, do të ishte një parakusht për të hedhur hapin e parë drejt bashkimit të dy Koreve në një shtet të vetëm demokratik. Kjo ide mund të duket sot si cmenduri , por më besoni se është një opsion më shumë në situatën e rrezikëshme që ekziston atje.

Dhe së fundmi do t’ju lutesha strategjistëve në Uashington, të rishohin opsionet e së ardhmes në dritën e problemeve dhe dukurive të kohës që po jetojmë. T’ju bëhet me dije politikanëve të të dy krahëve të politikës, rreziku që ekziston dhe se të qënit e Amerikës e fortë politikisht, ekonomikisht dhe ushtarakisht nuk është vetëm nje ceshtje krenarie amerikane, por është domosdoshmëri në mbajtjen e ekuilibrave botëror. Është domosdoshmëri për ruajtjen e trazhgimnisë së deri tanishme botrore dhe lënien e tyre të sigurtë breznive që do të vijnë. Lereni Presidentin Trump me administratën e tij, të bëjë detyrën që ka të përcaktuar me Kushtetutë, dhe zotimet që ka marrë para popullit amerikan. Lerini presidentët e therë që do të vijnë ta mbajnë e ta bëjnë Amerikën “great again”.

NDIESI PËR EMISIONIN “OPINION” TË BLENDI FEVZIUT NË TV-KLAN

August 22, 2017 by dgreca

opinion nano-berisha basha-c-840x440 zhulali-minister fevzo

NGA ASLLAN BUSHATI/Për përdorim të shpejtë, po përdor termat “Opinion dhe TV –Klan”, se aktualisht ky emision jepet në Klan dhe mban këtë emër, por që në fakt ka nisur në TVSH dhe me tjetër emër, vetëm se drejtuesi dhe konceptuesi i tij ka qenë dhe vazhdon të jetë gazetari dhe publicist i njohur Blendi Fevziu.

Asllani 07

Si shumë teleshikues të këtij emisioni, edhe unë kam kujtime e ndiesi për shumë puntata të vecanta në këto dy dekada transmetimi . Por, po e nis me emisionin e parë që u transmetu më 31 Gusht 1997, pra njëzet vite më parë. Pak ditë para se të jepej ky emision më telefonoi ish Shefi i Kabinetit të Ministrit të Mbrojtjes dhe më thotë se:” a është e mundur të shkoni në një takim privat tip konsulte, për të biseduar me ish Ministrin e Mbrojtjes (sot të ndjerin) Safet Zhulali ,sepse është ftuar nga gazetari Blendi Fevziu në një emision për ngjarjet e rënda të këtij viti ( 1997-të)“? Pas një hezitimi të vogël, pranova dhe i thashë “po, do të shkoj “. E thashë pas një hezitimi të vogël se unë tashmë isha liruar nga ushtria dhe nga detyra e Drejtorit në Ministrinë e Mbrojtjes ,që më 6 gusht 1997 dhe kisha filluar pune si Kryetar i Departamentit të Mbrojtjes në Partinë Demokratike.

Pasi kontaktova me të ndjerin Zhulali, e lamë takimin në orën 11 paraditen e datës 30 Gusht në shtëpinë e tij. Në orën e caktuar shkova në shtëpinë e Familjes Zhulali ku më pritën me shumë respekt ish Ministri dhe bashëshortja e tij (Manushaqe).Biseda zgjati katër orë pa ndërprerje vetëm me ish Ministrin. Në bisedë diskutuam me detaje shumë ceshtje të fushës mirfilltë ushtarake që kishin dalë sheshit në publik dhe që mendohej se do të diskutoheshin në emisionin e Blendi Fevziut. Pa e mbyllur pjesën ushtarake të bisedës i ndieri Zhulali më pyeti: “si epror i lartë ushtarak (Drejtor ne Ministri e Komandant Divizioni) , si mendon, pse ushtria nuk qëlloi kundër atyre që rrëmbyen armët nga depot e ushtrisë? I thashë :”E para mendoj se ushtria nuk pati përgjegjesi për ngjarjet e 2 Prillit 1991 në Shkodër,( sepse gjykoj se ajo ishte vepër e shërbimit sekret te regjimit komunist), por megjithatë ushtria u ndot padrejtësisht nga kjo ngjarje, dhe në kujtesën kolektive ushtarake ajo ishte një përvojë negative. E dyta po të kishte qëlluar ushtria, kjo klasë politike e të dy krahëve do të ishte në varreza dhe unë e kolegët e mi do të konsideroheshim kriminelë. Sot s’ka të drejtë dhe as fakte ,askush të më quaj kriminel se nuk kam vrarë askënd.

Si përfundim për pjesë ushtarake pothuaj përafruam mendimet gati për gjithcka biseduam, kurse për pjesën politike, ai kishte më shumë njohuri, detaje e specifika dhe insistonte në konkluzionon se” fajin e ka politika dhe se ushtria nuk duhet ngarkuar me pergjegjesi për atë që ndodhi në 1997. Ngjarjet e këtij viti janë një dosje e zezë që nuk ka për tu hapur kurrë”. Por në detaje ai kishte qefmbetje për një mbeshtetje të paktë në vitin e fundit nga ish Presidenti Berisha, (ose më saktë Berisha nuk e kishte mbrojtur nga disa sulme të padrejta që ai i quante shpifje). Kishte shume vrejtje e ngarkesa për punën e mardhëniet me Aleksandër Meksin,por edhe një dozë negativiteti për Gazideden . Vec këtyre kishte një farë mllefi me gazetën Albania dhe e quajti atë”gazetë personale të Berishës dhe armike të Minisrtit të Mbrojtjes”. Po ashtu doza negativiteti, kryesisht për paaftësi drejtuese më shprehu edhe për ish Sekretarin e Shtetit për Mbrojtjen. I thashë se në se e gjykon të arsyeshme, ju sygjeroj që problemin e gazetës Albania dhe të Sekretarit të Shtetit për Mbrojtjen, mos i përmend në emission. Te tjerat unë nuk i di dhe s’mund t’ju jap asnjë këshillë. Kërkesën time ai nuk e mori parasyshë dhe të nesërmen të dy këto problemet e fundit i ceku në bisedë.

Pas emisionit të parë (për të cilin fola gjatë) ,e të cilin disa e kanë konsideru si shumë te vështirë dhe disa e kanë quajtur edhe të dështuar, kam parë një gamë të madhe puntatash që kanë rrokur problemet e ditës,por edhe të historisë e të perspektivës, etikës, estetikës, ekonomisë, kulturës, arsimit,shkences, sportit, shëndetsisë, rendit, mjedist, gjeografisë, gatimit, erotikës e shumë e shumë të tjera. Po të hidhej në letër cdo gjë që është thënë e bërë në këtë e për këtë emission, do të ishte një libër qindra mijëra faqesh dhe ndoshta me të drejtë do të quhej “enciklopedia e emisionit televiziv Opinion”.

Njerëz të ndryshëm kanë këndshikimi e gjykim të ndryshëm për këtë emision. Por për mu ai ka qenë i dobishëm, informues, konkret, i prekshëm, i drejtpërdrejtë, jetëgjatë,e në mbrojtje të interest publik . Pikpamjet e mia politike janë të djathta dhe shpesh në “Opinion” kam gjetur vehten.Por edhe lëvrimi i pikpamjeve të së majtes shqiptare për mua kanë qenë një gjë e drejtë dhe i pranueshem. Më kanë mbetur në kujtesë disa puntata specifike (kujtime, përshtypje, analiza..) për politikanët e shtetit shqiptar: Ismail Qemalin, Ahmet Zogun (dhe Familjen Mbretërore Shqiptare), Enver Hoxhën,Ramiz Alinë, Sali Berishën, Fatos Nanon, Edi Ramën, Lulzim Bashën, Ibrahim Rugovën, Hashim Thaci, Ramush Haradinaj, Ali Ahmeti dhe kohët e fundit edhe për Esat Pashë Toptanin etj. Këto puntata në shumicën e rasteve kanë qenë të balancuara me të mirat dhe të metat e secilës figurë.Transmetimi dhe ritransmetimi i tyre mendoj se ka patur vlera historike dhe shpesh paqtuese për opinionin publik. Por po ashtu ruaj në kujtesë me shume respect intervistat me Ismail Kadarenë, Isuf Vrionin, Dritëro Agollin e shumë e shumë të tjerë të fushës artit e kulturës. Kurse ( përvec specialistëve të fushave të vecanta të cilët janë vërtetë të shumtë),disa gazetar dhe analistë , në gjykimin tim ,e kanë mbajtur gjallë, i kanë dhene shpirt , i kanë dhënë frymarrje, e kanë bërë më të pranueshëm emisionin për një masë të madhe njezish duke e cuar shikueshmerinë në nivelet më të larta në raport me emisionet e tjera. Shpresoj të mos ketë qefmbetje askush, por dëshiroj të ve në dukje disa emra të vecantë si: Zheji, Shkullaku, Lubonja, A.Hoxha, Zogaj, Frangaj, Bejtja, Peka, Dervishi, Rakipi, Balliu, Bushati, Vangjeli, i ndjeri Stefani, Nazarko, Buzhala e shumë të tjerë që për momentin s’po më kujtohen. Këto, krahas të qenit personalite publike me formin të gjërë intelektual e me dije të qëndrueshme i dhanë emisionit “opinion” një fytyrë të re.

Dhe së fundi, por jo për nga rëndësia, gazetari , publicisti dhe shkrimtari Blendi Fevziu që e ideoi e planifikoi dhe e realizoi per njëzet vite emisionin televiziv”Opinion”, meriton shumë. Prapa tij është i pa dukshëm edhe një staf gazetarësh profesionist e me integritet (emrat e tecileve nuk më kujtohen përvec Drini Zeqos), të cilët me punën e tyre e kanë ridimensionuar natyrën dhe vërtetësinë e emisionit. Unë jam tërësisht në kundërshtim me pikpamjen e Zotit Edi Rama që e quajti “kazan” si emisionin por edhe gazetarin Fevziun . Emisioni nuk mund të them se ka qenë i përkryer ne cdo puntatë, por i dobishëm dhe në shumë raste i domosdoshëm për teleshikuesit. Ndoshta drejtuesi në disa raste e ka tepruar me ndërhyrjet vend e pa vend, ka lejuar që zhurma dhe personalizimi ti bëjnë të qortueshme disa puntata të vecanta, por këto nuk e zvoglojnë këtë emission në përvjetorin e njëzetë të tij. Dëshiroj dhe shpresoj se edhe në të ardhmen (me shume se deri tani) ,emisioni do të ketë integritetin e duhur, pavarsinë nga politika, kërkimin e së vertetës në interes te publikut.

ZGJEDHJET I SHKATRRUAN QEVERITARËT DHE NDËRKOMBTARËT

July 6, 2017 by dgreca

Opinion nga Asllan Bushati/

Para disa ditësh kam postuar në faqen time të fb , një shkrim te Zotit Prec Zogaj (shkrimtar, poet, politikan,publicist, analist etj. i mirënjohur për publikun shqiptar), marrë nga gazeta “Panorama”. Objekti i këtij shkrimi janë zgjedhjet e 25 Qershorit 2017 në Shqipëri. Në këtë shkrim kam bërë komentin e më poshtëm :” E bera “share” kete shkrim te Zotit Prec Zogaj sepse kam pothuaj te njejtin mendim me te. Ne ditet ne vijim edhe une do te cfaq mendimet e mija per zgjedhjet e 25 qershorit me disa argumente te tjera. Por paraprakisht, miqt e mi i ftoj te lexojne (madje dhe te studiojne ) shkrimin e Zotit Prec Zogaj.”

Nga këndshikimi im, situate para zgjedhore karakterizohej nga disa dukuri shumë problematike, të cilat Lulzim Basha si lider i PD-së dhe i opozitës i kishte vënë në dukje dhe i kishte bërë prezent para opinionit të brendëshëm dhe atij ndërkombëtar. Ata ishin kanabizimi i gjithë vendit , miliardat e parave dhe bandat kriminale të shtrira në zonat urbane e në skajet më të largëta; blerja e medias nga qeveria duke e reduktuar ne minimum mendimin e lirë; dhënia e pasurive kombëtare koncesionarëve pranë qeverisë duke i këthyer oligarkët në një burim financiar pro partive qeveritare dhe kompromentimi i drejtpërdrejtë i shumë strukturave të shtetit në vallen e drogës e të krimit të provuara me fakte në Bashkinë e Peshkopisë dhe të Ersekës në zgjedhjet vendore.

Të gjitha këto, por edhe shumë faktorë të tjerë, tregonin qartë se cdo gjë mund të ndodhte ,por vetën zgjedhje të lira nuk do të kishte në Shqipëri. Prandaj pas luftës në parlament dhe në media, opozita u detyru të futej në grevë tre mujore në cadrën para Kryeministrisë. Personalisht kam menduar dhe besuar se kauza e opozitës :”se pa largimin e Edi Ramës dhe pa qeveri teknike të gjithpranuar nuk do të ketë zgjedhje të lira” ka qenë një kauz shumë e drejtë. Nisur nga ky përfundim, edhe unë shkova nga NY për në Tiranë në cadër, për tu dhënë opozitarëve mbështetjen për kauzën dhe qëndrestarinë e tyre. Tani zgjedhjet mbaruan , u certefikuan nga KQZ-ja dhe fituesit e humbësit dihen, por pyetja shtrohet a triumfoi e drejta dhe kushtetuteshmeria dhe a qenë zgjedhjet të lira dhe të ndershme?

Të gjitha faktet tregojnë se këto ishin zgjedhjet më të kompromentuara dhe më të shëmtuara të 27 viteve të fundit. Blerja e votës qe e dukëshme nga partitë qeveritare të cilat u rritën masivisht në numër Kurse dhuna verbale e materiale behej sheshit e nën hundën e organizatorve drejtpërdrejt kundër opozitës. Pas kësaj katraure zgjedhore që ndodhi, pyetja shtrohet: a ka pergjegjesi qeveria e PS-së me aleatët e saj LSI e PDIU ? Mendoj se përgjegjesinë më të madhe e ka Edi Rama, por nuk janë pa përgjegjesi edhe Ilir Meta e Shpëtim Idrizi. Përgjegjësia qëndron tek fakti se ata ideuan dhe zbatuan programin e blerjes së votave për vehte dhe klanet e tyre, vetëm për pushtet personal e neopotist duke shkatërruar zgjedhjet, duke nëpërkëmbur Kushtetutën e duke e vënë vendit nën këmbët e një grushti horrash e te inkriminuarish . Nuk ka ndodhur as në historinë tonë poskomuniste dhe të asnjë vendi tjetër demokratik, që qeveria nuk realizon asnjë nga premtimet e marra, nuk paraqet asnjë program për katër vjecarin pasues, dhe votohet përsëri, madje më shumë se në 2013-ën, sic ndodhi me PS-në dhe Edi Ramën. Kjo mund të ndodh në një shtet diktatorial ose në një shtet tërësisht të korruptuar me parat e pista të strukturave të nëndheshme ku krimi dhe oligarkët kanë si masha për realizimin e qëllimeve të tyre qeveritarët që u shërbejnë.Pra objeksioni dhe shqetësimi madhor që ka patur Lulzim Basha për zgjedhjet dhe pabesueshmërinë tek Edi Ramës me qeverinë e tij, kanë qenë të drejtë dhe u vërtetuan tërësisht në paraktikën . Atëhere duke e ditur këtë situatë mbytëse shtrohet pyetja a do të hynte opozita në zgjedhje ku dihej se do të dilte e humbur? Mendoj se jo.

Por opozita shkoi në zgjedhje me garancinë e ndërkombëtarëve. Kujtoj këtu se fillimisht ndërkombëtarët në Bruksel e Uashington i dëgjuan dhe i vlerësuan shqetësimet e opozitës . Ambasadorët Vllahutin e Lu u duk se do të ishin më pranë zhvillimeve të ngjarjeve . Më pas politikanë të Uashingtonit (senatorë e kongresmenë republikan) vizituan Shqipërinë , ata të Brukselit Fleckenstein e McAllester po ashtu. Madje këta të fundit u përpoqën të gjenin një zgjidhje shartesë midis qëndrimeve të opozitës dhe të qeverisë ,por pa e vënë theksin tek shqetësimet madhore të opozitës si droga dhe strukturat kriminale që do të ndosnin më pas zgjedhjet. Madje ata ofruan një qasje të pa njohur më parë (në dukje edhe qesharake), ku disa ministra të opozitës të bëheshin pjesë “në fakt fasadë” e qeverisë Rama. Nuk mjaftoi vetëm kaq, por erdhi nga Uashingtoni Ndihmës Sekretari Amerikan i Shtetit Hoyt Brian Yee, i cili i la opozitës mundësinë ultimative të thoshte vetëm një “po”, madje po të shtonte edhe një presje të vetme do të konsiderohej një “jo” në projektim McAllester. Në këto kushte Lulzim Basha duhet të zgjidhte : të shkonte me aleatët strategjik (të cilët i ofruan garanci ndërkombëtare), apo të bojkotonte zgjedhjet. Ai zgjodhi të parën dhe mirë bëri, por tani që ndotja e zgjedhjeve është e plotë, pyetja shrtohet pse ndërkombëtarët po heshtin? A e parandaluan ata vjedhjen e votës? Po ku shkuan garancitë e tyre? Unë shkurt mund të them se Lulzim basha deri në këtë moment është i tradhëtuar nga ndërkombëtarët. E them deri në këtë moment, sepse shresoj që ata jo larg të thonë se zgjedhjet e 25 Qershorit në Shqipëri , ishin jo legjitime dhe të pa pranueshme për amerikanët dhe Be-në.

Më së fundi pyetja shtrohet se vetë Basha a ka bërë gabime politike taktike? Përgjigja do të ishte po, për të mos thënë “ sa të duash”e si të gjithë politikanët e tjerë shqiptar. Po a jep Basha garanci si lider për për zhillimet e mëtejshme të PD-së dhe të Shqipërisë? Mendoj se po, madje në gjykimin tim , më shumë se kritikuesit e tij. Po të kisha qenë në vendin e tij, gjëja e parë që do të bëja në këto moment do të ishte mos njohja e zgjedhjeve dhe bojkotimi i parlamentit për ta cuar vendin në shinat e kushtetutshmërise dhe brenda një viti me qeveri teknike e zgjedhje të reja, sepse zgjedhjet i shkatrruan qeveritaret dhe nderkombetaret.

MBËSHTETJE THIRRJES SË EDI RAMËS DREJTUAR EMIGRANTËVE

June 22, 2017 by dgreca

Në një postim televiziv, të ditëve të fundit , Edi Rama krahas të tjerave, ju bëri një thirrje publike interesante gjithë emigrantëve të Shqipërisë kudo që ndodhen. Në të theksohet fort që askush të mos lodhen duke biseduar me familjarët e tyre për zgjedhjet e 25 Qershorit të këtij viti, dhe ti bindin ata të votojnë Edi Ramën dhe PS-në edhe për një katër vjecar tjetër , për ti mundësuar kështu atij të ketë gjithë pushtetin e nevojshëm për të realizuar” Shqipërinë që duam” (vetkuptohet që do Edi Rama).

Unë si emigrant, personalisht e pranoj dhe e mbeshtes thirrjen e Kryeministrit tonë të nderuar, madje mendimet e mija nuk do t’ju a dergoj vetëm familjarëve e miqve të mi të ngushtë ( sic bën thirrje Zoti Rama), por nëpërmjet këtij shkrimi po ju a përciellë gjithë shqiptarëve.

Kështu të nderuar vllezër, motra, nipa e mbesa, kushërinj, miq, shokë e dashamirë, meqënëse për katër vjecarin që kaloi Edi Rama nuk ka asnjë bilanc pozitiv për asnjë gjë, ka treguar diletantizëm foshnjarak në drejtimin e punëve të shtetit, ka prodhuar kontradikta cdo ditë dhe atë që thotë sot e ndryshon nesër, e megjithatë me qënëse sic thotë vetë ai: “ndiehet krenar për gjithcka ka bërë… vecanërisht reformat për të bërë shtet”, nëse doni një qeverisje të tillë, ju ftoj të votoni prap Edi Ramën.

Me qënëse borxhin publik e shtoi me një milliard euro dhe është bërë rrush e kumulla për fasada, zyra, palma, kulla (e Korcës), shkatrrimet në Durrës etj, meqenëse premtoi taksë progresive me objekt uljen e tyre për 90 përqind të popullatës dhe në fakt e shtoi atë, premtoi 300 mijë vende pune dhe nuk hapi asnjë, madje më shumë se 100 mijë të rinj u larguan nga vendi si rezultat i papunësise dhe keq qeverisjes ,meqenëse premtoi shëndetësi falas dhe e shkatërroi edhe atë që ishte, premtoi ri imbulsime dhe nuk bëri asgjë, atherë për këto balance, votojeni përsëri atë që të shkoni jo në buzë të greminës por në theqafje personale e familjare.

Duke qenë se dha me koncesione të pa studiuara , jo transparente dhe pa produktivitet , shumë pasuri të mbi e nëntokës, duke krijuar një tip piramide të re po kaq të rrezikëshme sa ato të 1997-ës , duke qenë i pa zoti tu priste rrugën vjedhjes së bankave dhe se krijoi me dijeninë e tij një grup oligarkësh në krye të koncesioneve, votojeni përsëri Edi Ramën për shkatërrimin e mëtutjeshëm të pasurisë kombëtare.

Në se deri në vitin 2013 nuk pati kriminelë në Parlament, bashki e struktura drejtuese të shtetit, në katërvjecarin e tij Rama e mbushi plot me të tillë. Madje bandat u lidhën ngushtë edhe me segmente të policisë në shumë veprimtari të paligjëshme (sic është rasti i shtrirjes së kanabizimit në të gjithë Shqipërisë ) duke i vënë një njollë të madhe vendit para gjithë botës. Në se kjo ishte normale për ju o miqt e mi, votojeni përsëri Edi Ramën që të bashkjetoni me krimin e kriminelët në një shtet bandash , jo demokratik ,jo funksional ,jo normal si gjithë vendet e tjera .

Në se Edi Rama pati frikë të bënte zgjedhje në partinë e tij të PS-së , se mendonte se do ta mundëte Ben Blushi, ju mendoni se ai nuk ka frikë nga zgjedhjet parlamentare në shkallë vendi? Gaboheni miq. Ai nuk e pranon dot ballafaqimin, konkurencën, konceptin e humbjes në zgjedhje, sepse e mendon atë si një gjë anormale, madje deri katastrofë personale, prandaj shpik thirrje për “ timona “e “ tepsi”. Ai nuk mund të pranojë ballafaqim me marrveshjet e firmosura, sepse për të besa e besueshmëria janë anakronike, kurse pabesia e paqëndrueshmëri janë instrumenta të prakticitetit. Në se doni aktorin, hokatarin, batutaxhiun, kryeministër drejtues cirku,shoumenin, brekushe madhin e sharlatanin, ju siguroj se keni bërë zgjedhjen e duhur.

Ju njerëz të masmedjas , që Kryeministri ynë i nderuar ju ka quajtur “kazani”,( në se larg qoftë nuk ka patur në mendje plehrat); ju student që humbët një vit shkollë nga një ligj arsimor antistudentor; ju ushtarakë e pensionistë që menduat se do të keni shtesë të rrogave e pensioneve mbi përqindjen e inflacionit vjetor; ju të rinj që menduat se do të gjenit qoftë edhe një punë të rëndomtë për të ushqyer veten dhe familjen, në se doni të jetoni në ëndërr (jashtë kohës e realitetit), votoni Edi Ramën që të kënaqeni edhe në katër vjecarin e ardhëshëm me ëndërra në diell.

Ju te tjerët që nuk do të keni “kënaqësinë” të votoni Kryeministrin tonë të nderuar, votoni programin e Zotit Lulzim Basha dhe ecni me kembe ne toke.