Nga Fahri XHARRA/*
Në vazhdim të analizës së një enigme te madhe se ai ishte PPSH-ja ateiste , apo A ishte vet Enver Hoxha ateist, cdo studjuesi i del përpara një mal informatashdhe dezinformatsh ; të cilat mvarësisht nga ai ( studiusi ) mundet studimi të merr kahje. Një logjikë e shëndoshë na meson që nuk duhen më shumë se dy fakte të sakta ( burime arkivore) që të nxjerrish një përfundim të shëndetshëm .
(Ateist – Që mohon qenjen e çfarëdo perëndie, që është kundër çdo besimi fetar; që ka të bëjë me ateizmin, që mbështetet tek ateizmi; që i shërben luftës kundër fesë. Botkuptim ateist. Bindje ateiste.)
Me kalimin e kohës, duke i lexuar veprat e tij dhe duke e pasur parasyshë se kush ia ka përgaditur atëherë konkludimi është i qartë : Ateizmi hoxhian e kishte një qëllim ! Të mirë apo të keq për shqiptarinë – do të mundohem ta elaboroj në shkrimet në vazhdim.
Ismail kadare ,ne librin e tij”Mosmarrëveshja” (botimi i tretë , faqe211) shkruan : “ ( Në kohën që po shkruheshin këto rradhë , në shtypin shqiptar u botuan dokumente të fshehta mbi raportet Shqipëri- BS në njerin prej të cilëve Stalini e porosiste Enver Hoxhën për forcimin e myslimanizmit në udhëheqje, porosi gjithsesi e habitshme e bërë nga një ish nxënes i një manastiri ortodoks)
Me Enver Hoxhën ,kesaj rradhe mbetemi këty , për të vazhduar herave tjera.
Por ajo që të bën të dyshosh( pëkundër simpatisë së dikurshem për te) është se si dhe pse ata më të afërmit e shkrimeve të tij , më të besuarit e tij , pas rënjes së komunizmit në Shqipëri e vazhduan porosinë e dikurshme të Stalinit që të rritet përforcimi i muslimanizmi në popullin shqiptar.
. “Përballjet me Islamofobinë” (2006) është libri i Abdi Baletës. dmth, një kundërshtim i madh me thenjët që neve na kanë mbajtur pezëll me vite tëra që Shqipëria ishte ateiste.
Pas shkatërrimit të “ateizmit” në Shqipëri : “ Në vijim të dokumentit të agjentëve amerikanë thuhet se, “disa nga aleatët e NATO-s nuk i kanë kushtuar asnjë vëmendje nevojave të Shqipërisë për sigurinë dhe Tirana ka kërcënuar për t’u kthyer për ndihmë te bota islamike,…………… Turqia, vendi i vetëm islamik në NATO, ka furnizuar në mënyrë periodike me instruktorë njësitë shqiptare dhe po edukon disa oficerë shqiptarë në akademinë e saj ushtarake; Malajzia së fundmi pranoi të trajnojë disa oficerë shqiptarë”, thuhet në dokument, ku një pjesë e tekstit mbetet ende e mbuluar nga sekreti, pikërisht në pjesën ku renditen disa emra shtetesh. /Shekulli/”
“Përballjet me Islamofobinë” quhet libri më i ri, një libër madhështor, shkruar, siç e ka zanat, me mjeshtëri të veçantë, nga z.Abdi Baleta. Kush është Abdi Baleta? Abdi Baleta, lindur në fshatin Gur i Bardh të Matit në vitin 1941, ka studiuar për marrëdhënie ndërkombëtare në Moskë dhe është diplomuar për drejtësi në Universitetin e Tiranës, në vitin 1964. Deri në vitin në vitin 1983 ka shërbyer në diplomacinë e shtetit shqiptar si punonjës e drejtor në Ministrinë e Jashtme dhe ambasador e përfaqësues i Shqipërisë në OKB, në New York, SH.B.A. Ka kryer detyrën e Kryetarit të Gjykatës së Rrethit në Pogradec (1983-1987) dhe të pedagogut të së drejtës ndërkombëtare në Fakultetin e Drejtësisë (1987-1995).
Në vitet 1991-1996 është zgjedhur deputet i Partisë Demokratike në Kuvendin e Shqipërisë (M.Y_
Pse Abdi Baleta në mbrojtje të islamofilisë ?
“Të reagosh ndaj së keqës është obligim, sepse, përndryshe, bëhemi fajtor për ngadhnjimin e saj. Nuk mund të jesh intelektual, thoshte Jean Pual Sartre, po qe se nuk posedon, përveç dijes, edhe guximin. Dijen e guximin, dyshim s’ka, Abdi Baleta të thella i ka… Të lumtë o baca Abdi që përballesh me këtë islamofobi…! Të lumtë o baca Abdi që përballesh aq mirë duke përhapë dritë aty ku errësirë…! ( shkruan nje fanatik fetar i Gjakovës )”
Pra, a me të vërtetë islamofil apo ateist , Enver Hoxha? Mbetet për tu vazhduar studimi .
Mirëpo a mos ishin bashkëpunëtorët ata që e “ tradhtuan” ?
“Pikërisht në këtë klimë, na vjen në Shkodër Abdi Baleta, duke shpalosur strategjinë e tij revanshiste me metodat më absurde dhe më primitive. Baleta, u bie sirenave të alarmit, për të rrokur armët në luftë për bashkimin e trojeve shqiptare me të gjithë llojet e armëve, madje edhe me kamikazë! (Shih “Studio e hapur”, dhënë në “Shkodra TV1”, gusht 2003). Në këtë emision, Baleta i “armatosur” me veprat e Enver Hoxhës lëshoi kushtrimin kundër Shteteve të Bashkuara të Amerikës, Europës Perëndimore dhe të gjithë fqinjëve ballkanas. Ndër deklaratat e tij (të papërgjegjshme), do të citonte Stalinin dhe Enverin. Ai shprehej se “Të gjitha shtetet e lartpërmendura na japin helmin, dikush me doza të mëdha, dikush me doza të vogla”. Sipas Baletës, Amerika na paska sulmuar padrejtësisht Irakun dhe se paska ndërhyrë në punët e brendshme të Sadam Hysenit.” (gazeta “Shqipëria Etnike”)
Baleta: …… paraardhësit tanë e patën fat historik të jetonin 500 vjet nën “turkun”, fillimisht si të krishterë, pastaj shumica si myslimanë. Është e vërtetë se edhe gjaku është trazuar dhe kjo është një gjë që nuk zhbëhet. Do apo s’do, ai që sot është e njihet për komb shqiptar nuk përbëhet më vetëm nga ato që shkuan të jetonin me ujkun, por në shumicë dërmuese nga ata që bashkëjetuan me turkun në një Perandori.
Baleta: Në librin e Nexhat Ibrahimit (f. 228) është cituar pohimi i studiuesit serb Vladislav Shariq: “Kalimi në fenë Islame ka qenë tolerant në pikëpamje fetare dhe rrallë janë detyruar të krishterët të kthejnë në fenë islame. Të krishterët e kanë ndërruar fenë vullnetarisht. Me forcë janë islamizuar fëmijët e krishterë të marrë jeniçerë”. Përse vallë, ……, janë më të interesuar se një studiues serb, të b ëjnë të besueshme se të krishterët shqiptarë janë muslimanizuar me forcë?! Vetëm se duan t’i shërbejnë katolikocentrizmit për “vetë përcaktim të ri të shqiptarëve” (sikurse e ka pagëzuar këtë lëvizje për prozelitizëm Dom Lush Gjergji). E vlen të përmend edhe një herë se Arso Milatoviç, ish-diplomat jugosllav në Tiranë në vitin 1950, më 26 prill 1988 në “Borba” të Beogradit, ka botuar artikullin “A i njohim shqiptarët”, ku ndër të tjera ka theksuar: “Me dëshirën që të çlirohen nga pushteti i fqinjëve sllavë, shqiptarët pranuan Islamin”.
Arso Milatoviç, urrejtjen për shqiptarët muslimanë nuk e ka patur të vogël, – e thotBaleta
Duhet kohë që të kuptojmë të vërtetën e Enver Hoxhës !
*( Pjesa e dytë)
Fahri Xharra,30.07.15 Gjakovë
A ISHTE ENVER HOXHA “ATEIST”?!
Opinion nga Fritz RADOVANI/
Në Fjalorin e Gjuhës së Sotme Shqipe, (1980) në faqe 68 shenohet: “Ateist – Ai që mohon qenien e çfarëdo perëndije, ai që është kundër çdo besimi fetar, pasues i ateizmit. Ateist i bindur (i flaktë). Bëhem ateist. Ateist – Që mohon qenien e çfarëdo perëndie, që është kundër çdo besimi fetar; që ka të bëjë me ateizmin, që mbështetet tek ateizmi; që i shërben luftës kundër fesë. Botkuptim ateist. Bindje ateiste. Literaturë (propagandë) ateiste. Edukim ateist.”
Vetë fjala “ateist”, shpjegohet “pa Zot”… Njeri, doktrinë, shoqni etj…
Atëherë, diktatori Enver Hoxha, a ishte ateist?!
Në vitin 1967, unë kam lexue disa nga veprat e Enver Hoxhës, per me vertetue se: “Ky perbindsh diktator asht ateist apo fanatik?” Sigurisht, dyshimi rreth tij shoqnohej me mendimet e diskutimet që per këte çeshtje, unë i kisha ba me profesorë, filozofë, teologë dhe historianë të mirfilltë si: Don Mark Hasi, At Pjeter Mëshkalla, Don Nikollë Mazrreku, Prof. Petro Fundo, Dr. Pavli Gushi, etj., që e kanë njoh Enverin personalisht.
Në vepren e tij nr. 3, E. Hoxha shkruen: “Në Shqipëri feja muslimane drejtohet nga hoxhallarë të pashkollë, të padijtur, të cilët nuk na sjellin ndonjë rrezik per shoqërinë tonë socialiste. Ndersa, meqenëse katoliçizmi shqiptar dhe në veçansi kleri ishin pengesa më e madhe për triumfin e komunizmit në Shqipëri, qeveria nuk do të kursente asnjë përpjekje për t’i shpartalluar ata.” (E. H, Selected Works, Vëll. I-rë, fq. 438, Tiranë 1974)
Në vepren nr. 19, ai del haptas kunder Katoliçizmit dhe Klerit Katolik Shqiptar! Ajo veper lidhet direkt me “Revolucionin Ideologjik e Kultural” të vitit 1967, i cili ka provue në mënyrë të pakundershtueshme dhe me prova se Enver Hoxha dhe Ramiz Alia, kanë krye Gjenocid kunder Klerit Katolik Shqiptar, tue torturue, vra, zhdukë, burgosë dhe shfarosë jo vetem fizikisht Klerin Katolik, po të gjitha objektet e kultit të Tyne, ku duhet theksue edhe Kisha Monumentale e Shek XIII, ku asht kunorzue Gjergj Kastrioti, po edhe Gjuha Gegnishte, e ashtuquejtuna nga servilet e tij “Gjuha e Krishtit”, letersia, veprat historike, fetare dhe çdo thesar i ndodhun nder muzeume dhe bibliotekat e Tyne, deri tek “Kanuni i Lekë Dukagjinit”, një nga veprat e njohuna Europjane, vetem se, ishte permbledhë nga At Shtjefen Gjeçovi, edhe Ky Atdhetar i vramë pabesisht nga serbët, perzgjedhësit e diktatorëve tanë.
Ndersa, në qender të Tiranës, nuk prekë as Xhaminë e Et’hem Beut, e ruejtun vetem pse aty thërriste Haxhi Qamili: “Duam babën!”, ndertue në 1831, plot 470 vjet mbas Kishës Monumentale të Vaut të Dejës e vitit 1361 …Ku u kunorzue Gjergj Kastrioti.
Mbas vitit 1994 biseda rreth tij si “ateist” kam pasë me At Konrrad Gjolaj dhe At Dioniz Maken, që kishin provue hetuesitë, torturat dhe burgjet komuniste shqiptare. Ndersa, z. Tony Freeman, që ishte Nënsekretar i Shtetit në USA, me datën 18 Korrik 1991, kur jemi takue bashkë me Ferdinand Temalin në hotel Dajti, i kam shpjegue me fakte, që diktatori Enver Hoxha dhe pasuesi i tij Ramiz Alia, “nuk ishin ateistë, po fanatikë antikatolikë, me pikpamje anadollake”…, gja që u provue ma vonë me 2 Dhjetor 1992, kur Shqipnia u kuadrue në “Konferencen Islamike”.
Çka e kuadron Shqipninë Europjane sot në “Konferencën Islamike”?! Pikrisht, Atdheun e Gjergj Kastriotit, Dedë Gjo’ Lulit, At Mati Prennushit, Ismail Qemalit, Don Nikollë Kaçorrit, Luigj Gurakuqit, Bajram Currit, Gjin Pervizit, At Gjergj Fishtës, Mustafa Krujës, Imzot Luigj Bumçit, Hasan Prishtinës, Isa Boletinit, Nanë Terezes dhe të mija Atdhetarëve Shqiptarë, sot në “Konferencën Islamike”?!
“Shënime për Lindjen e Mesme”, 1958-1983…janë 545 faqe…nga ditari politik Enver Hoxha. Publikue me 8 nandor 1984…në Tiranë…
Në Fjalorin Enciklopedik Shqiptar (1985) shenohet per Librin “Shënime për Lindjen e Mesme”: “Enver Hoxha në këtë vepër u gris maskën miqëve të rremë të popujve arabë, SHBA dhe Bashkimit Sovjetik, dhe nxjerrë fytyrën e vërtetë…”
“Të VETEN”, pikrisht, kjo që duhej shenue në fjalor del nga teksti i shkruem nga ai vetë…e që asht edhe “Amaneti” i sulltan Enver Hoxhës, per fshimjen nga harta shekullore Europës së Shqipnisë së Gjergj Kastriotit, ku porositë: “…Të bie shehadet per veprat që ka bërë në jetë kundër Allahut! Këte e ka dhe Kur’ani, që është shumë më i përparuar dhe më njerëzor se Bibla, dhe si përfundim: Shqiptarët duhet t’i pershtatën atij.” (E.Hoxha, “Shënime për Lindjen e Mesme” 1958 – 1983. Botue Tiranë, 1984)
Kjo “porosi” kryesisht pengon pasuesit e sotem të tij, mos me shqyrtue dhe mos me dënue krimet e Gjenocidit të diktatorit Enver Hoxha me pasues, nga viti 1944 – 1991.
Melbourne, 2014.