Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

JA PSE U ARRESTUA MORINA?

by

Morina akuzohet për “Mbajtje pa leje të armëve dhe municioneve luftarake”, ndërsa në ngarkim të tre të arrestuarve të tjerë do të rëndojë akuza e “Moskallëzimit të krimit”. Të arrestuarit e tjerë janë Erion Bahushi, 22 vjeç lindur në Ersekë dhe banues në Tiranë; Denis Balla, 21 vjeç lindur dhe banues në Tiranë, si dhe Marin Rexha, 20 vjeç, lindur dhe banues në Tiranë./

Policia e Tiranës ka dhënë detaje të reja mbi arrestimin e Ismail Morinës, personit që ngriti dronin në Beograd, 1 vit më parë (14 tetor), gjatë ndeshjes Shqipëri-Serbi.

Sipas Policisë, gjatë kontrollit ai u kap me pistoletë Zastava në brez me 6 fishekë. Policia njofton se gjatë kontrollit të makinës së Morinës, iu gjet dhe një pistoletë tjetër TT me 30 fishekë. Në makinë u gjet dhe një gëzhojë, e cila u sekuestrua në formën e provës materiale.

12071421_10207931431982721_991808409_nMorina akuzohet për “Mbajtje pa leje të armëve dhe municioneve luftarake”, ndërsa në ngarkim të tre të arrestuarve të tjerë do të rëndojë akuza e “Moskallëzimit të krimit”. Të arrestuarit e tjerë janë Erion Bahushi, 22 vjeç lindur në Ersekë dhe banues në Tiranë; Denis Balla, 21 vjeç lindur dhe banues në Tiranë, si dhe Marin Rexha, 20 vjeç, lindur dhe banues në Tiranë.

Shtetasit Ismail Morina, gjatë kontrollit i është gjendur e fshehur në trup një armë zjarri e tipit pistoletë “Zastava“ me gjashtë fishekë. Ky shtetas ishte duke drejtuar mjetin tip “Land Rover” me targë AA 874 KY. Gjatë kontrollit të mjetit, në pjesët e brendshme të tij, është bërë e mundur gjetja dhe e një arme tjetër pistoletë tip TT si dhe 30 fishekëve për këtë pistoletë.

12071383_10207931431142700_1656394941_nPo ashtu, gjatë kontrollit në mjet janë gjetur dhe 36 bileta për ndeshjen Shqipëri-Serbi. Gjithashtu në mjet është gjendur dhe një gëzhojë pistolete.

Menjëherë është bërë shoqërimi i tyre dhe i mjetit në komisariat dhe pas kryerjes së të gjitha veprimeve të para hetimore është bërë arrestimi në flagrancë i shtetasit Ismail Morina, për veprën penale të “Mbajtjes së armëve dhe municioneve luftarake pa leje” dhe arrestimi i shtetasve Erion Bahushi, Denis Balla dhe Marin Rexha për veprën penale të “Moskallëzimit të krimit”. Materialet në ngarkim të tyre do t’i dërgohen Prokurorisë së rrethit për ndjekje e hetime të mëtejshme./m.m/

The New York Times & “Kurir” shkruajne per Morinen

by

“Kurir”: Terroristi Ballist Morina në pranga, pasi kërcënoi Vuçiç/

Mediat serbe shkruajnë se Ballist Morina u arrestua pas kërcënimit ndaj kryeministrit serb, Aleksander Vuçiç.Në shkrimin e “Kurir” Ballist Morina konsiderohet një terrorist.

“Terroristi Ismail Morina, i cili pranoi se ngriti dronin në Beograd, u arrestua për zotërim të armëve pa leje.

Sipas policisë shqiptare, në makinën e Morinës është gjetur një armë, për të cilën nuk ka asnjë leje”, shkruan “Kurir”.

“Edhe pse liderët e Federatës Shqiptare të Futbollit kishin raportuar më parë se Morina nuk do të lejohet në stadium, ai vetë njoftoi në rrjetet sociale se 100% do të jetë në stadium.

Madje tregoi edhe biletë për ndeshje me emrin e tij”, vijon gazeta.

Ajo kujton se Morina kërcënoi kryeministrin serb me një video online, ku thoshte se ka një surprizë për Vuçiç gjatë ndeshjes

Ballist Morina rrëfen për New York Times pse e ngriti dronin në Beograd. I tregon armën gazetarit amerikan/

Gazeta amerikane New York Times i kushton një shkrim të gjatë incidentit të Beogradit një vit më parë në ndeshjen Serbi-Shqipëri. Në qendër të shkrimit është Ismail Morina, alias Ballist Morina, personi që ngriti dronin.

“Pasi kishte investuar mijëra dollarë dhe qindra orë duke planifikuar me kujdes momentin e tij, Ismail Morina kuptoi se kishte bërë një gabim fillestari”, nis shkrimi NYTimes, duke treguar edhe njëherë se Morina nuk e dinte bluzën me të cilën po luante kombëtarja shqipatare.

“Serbia ishte me të kuqe dhe Shqipëria me të bardhë. Prisja të ishte e anasjellta”,- shprehet Morina.

Gazetari James Montague e ka intervistuar Ballist Morinën në një prej lokaleve të kryeqytetit. Pyetjes se përse e ngriti dronin, Morina i përgjigjet:

“Unë jam patriot, nuk jam nacionalist. E zgjodha atë fjalë për t’u thënë serbëve se janë shqiptarët vendali në Ballkan. Kjo nuk do të thotë që serbët nuk duhet të jetojnë këtu. Por duhet të kenë respekt për flamurin tonë,”

Në shkrim ritregohet edhe njëherë kronologjia e asaj që ndodhi në Beograd.

“Në fakt, në atë moment, piloti real i dronit ishte në rrugët e Beogradit, duke u fshehur nga policia, teksa tentonte të arratisej nga vendi. Telekomanda kishte mbetur në dyshemenë e kishës”- shkruan New York Times, duke përmendur gjithashtu edhe teoritë e shumta të konspiracionit që nisën të tregoheshin menjëherë sapo droni fluturoi në qiellin e Beogradit.

Morina i rrëfen gazetarit se plani për ngritjen e dronit nisi që në vitin 2010 kur luante Italia me Serbinë, ndeshje në të cilën pati edhe një incident; Ivan Bogdanovi dogji flamurin shqiptar. Ndërkohë që edhe droni është blerë në një dyqan në Milano.

I pyetur se si u aftësua për ngritjen e dronit, Ballist Morina shprehet se atë e ndihmoi fakti se është me profesion vinçier.

“U mësova shpejt pasi është njësoj si vinçi që drejtoja në Itali,” thotë ai për gazetën amerikane.

New York Times shkruan ndër të tjera se droni i ngritur në Beograd e ka bërë Ismaili Morinën një hero kombëtar mes shqiptarësh. Shumë njerëz në rrugë ndalojnë për të bërë një foto me të. Ky fakt i bën përshtypje gazetarit amerikan gjatë kohës së intervistimit të Morinës në Tiranë.

Ky shkrim i prestigjozes New York Times vjen në një ditë kur Ismail Morina është arrestuar nga policia për armëbajtje pa leje. Arrestimi i tij ka ndodhur mbrëmë në mesnatë, ndërsa policia ka dhënë sot më shumë detaje. Bashkë me të janë arrestuar edhe tre persona të tjerë.

Në fund të shkrimit të NYTimes flitet edhe për pistoletën që Morina mbante me vete. Madje ai ia ka treguar atë gazetarit James Montague. “Nxorri një pistoletë që e ka blerë kohët e fundit. Thotë se e mban me vete, të mbushur gjatë gjithë kohës. Është një pistoletë Zastava. E prodhuar në Serbi”, shkruan gazetari.