Behlul Jashari – Page 143 – Dielli

Kosovë-Përkushtim për rimëkëmbjen e Trepçës

February 28, 2017 by dgreca

ZKP-07 -Pritje në 28 vjetorin e grevës së Minatorëve të Trepçës: Qeveria e Kosovës është e përkushtuar për rimëkëmbjen e Trepçës/

ZKP-05

-Greva e urisë e 1.300 minatorëve të Trepçës, nga 20 deri 28 shkurt 1989, ishte në mbrojtje të Kosovës nga sulmet e Serbisë/

1 Greva trepce

PRISHTINË, 28 Shkurt 2017-Gazeta DIELLI-B.Jashari/ Qeveria e Kosovës është e përkushtuar për rimëkëmbjen e Trepçës, tha sot kryeministri Isa Mustafa, në takim përfaqësuesit e menaxhmentit, të sindikatës dhe një numër të minatorëve.Në këtë pritje me rastin e shënimit të Javës së Minatorëve për nder të 28 vjetorit të grevës së Minatorëve të Trepçës, ku ishin të pranishëm edhe zëvendëskryeministri i parë, Hajredin Kuçi dhe ministri i Zhvillimit Ekonomik, Blerand Stavileci, u bisedua për problemet që janë me prioritet për Trepçën.Kryeministri Mustafa vlerësoi përpjekjet, punën dhe kontributin e minatorëve në rimëkëmbjen e Trepçës, jo vetëm tani por në të gjitha proceset e shtetndërtimit. “Kontributi i minatorëve të Trepçës ka qenë i rëndësisë esenciale në të gjitha proceset e ndërtimit të Kosovës, edhe në proceset e pavarësisë dhe të lirisë”, tha kryeministri.Ai theksoi përpjekjet maksimale të qeverisë për rikthimin e Trepçës në një dimension krejtësisht të ri.

ZKP-03

“Është aprovuar Ligji dhe ka kaluar edhe sfidën e Gjykatës Kushtetuese dhe po punohet për përcaktimin e kritereve për zgjedhjen e bordit, shpalljen e konkursit, në mënyrë që të jenë njerëzit më të mirë që e njohin punën, që e njohin atë fushë dhe mund të kontribuojnë që Trepça të zhvillohet si duhet”, tha Mustafa, duke shktuar se është gati edhe studimi i fizibilitetit.Zëvendëskryeministri Hajredin Kuçi tha se jo vetëm greva e minatorëve, por edhe puna e bërë me djersë, është shembull i mirë si mbrohet dhe si duhet vendi.Duke folur për ndryshimet ligjore me Trepçën, zëvendëskryeministri i parë Kuçi tha se ato kanë për qëllim që gjiganti ekonomik të kthehet në një ndërmarrje e cila është e gatshme të ballafaqohet me ekonominë e lirë të tregut.“Ne do të kemi gatishmërinë e plotë që ta ndihmojmë Trepçën, dhe pastaj Trepça ta ndihmoj edhe Buxhetin e Kosovës, ta ndihmoj ekonominë e Kosovës në tërësi”, theksoi zëvendëskryeministri Kuçi dhe përgëzoi për “Javën e Minatorëve”.Ministri i Zhvillimit Ekonomik, Blerand Stavileci, theksoi përkushtimin që viti 2017 të jetë vit i zgjidhjes së problemit ekonomik dhe social të kombinatit Trepça.“Viti 2015 ka qenë vit i shpëtimit nga likuidimi i Trepçës. Viti i kaluar ka qenë vit i zgjidhjes ligjore dhe ky vit do të jetë vit i zgjidhjeve ekonomike dhe sociale”, tha ministri.Stavileci njoftoi minatorët edhe për dy projekte konkrete, konferencën më të madhe për sektorin e minierave që në fokus do ta ketë Trepçën dhe projektin tjetër me shtetin gjerman i cili krijon mundësi për hapjen e vendeve të reja të punës.Drejtori Menaxhues i Ndërmarrjes Trepça, Ahmet Tmava, tha se këtë vit “Java e Minatorëve” është shënuar me një gjendje më të relaksuar, duke shtuar se ethet se Trepça do të hyj në procedurë të likuidimit i takojnë të kaluarës, ndërsa drejtuesit e sindikatës paraqitën kërkesat e tyre, mes të cilave për njohjen e përvojës së punës së minatorëve gjatë viteve të 90-ta.Manifestimet e “Javës së Minatorëve”, të përkujtimit dhe vlerësimit, tradicionalisht organizohen në përvjetorët e grevës së madhe të minatorëve të Trepçës të vitit 1989 në mbrojtje të Kosovës.Greva e urisë e 1.300 minatorëve të Trepçës, nga 20 deri 28 shkurt 1989, ishte në mbrojtje nga sulmet e Serbisë, rezistencë e fuqishme kundër rrënimit të dhunëshëm dhe kundërkushtetues të autonomisë që kishte Kosova si element konstituiv me të drejtë vetoje i federatës, me Kushtetutën e vitit 1974.Greva minatorëve, e përkrahur nga populli dhe në kërkim të lirisë, demokracisë e të drejtave të plota për shqiptarët, u pasua me demonstratat e gjithëpopullore të po të para 28 vjetëve, në të cilat vetëm brenda dy ditëve, në 27 e 28 mars 1989, në shtetrrethimin e hekurt ushtarako-policor të vendosur nga Beogradi u vranë 22 shqiptarë e plagosën qindra të tjerë në Prishtinë, Podujevë, Mitrovicë, Zhur e Dushanovë afër Prizrenit, Deçan, Gjilan e në anë të tjera të Kosovës.Në këto rrethana tragjike terrori, Serbia në Kuvendin e saj në 28 mars të vitit 1989 miratoi “kushtetutën e tankeve”, që përgjakshëm, me forcë e në mënyrë kundërkushtetuese rrënoi autonominë që kishte Kosova.Trepça, me minera plumbi, zingu, argjendi e ari, ka pasur mëse 22 mijë punëtorë deri në vitin 1990, kur administrata e dhunëshme e instaluar nga Beogradi dëboi shqiptarët nga puna. Përfundimi i luftës para afër 18 viteve Trepçën e gjeti me shkatërrime të mëdha nga shfrytëzimi kolonial.

Kosova, barazi gjinore në punësim

February 27, 2017 by dgreca

-Parakusht i rëndësishëm i zhvillimit ekonomik/

ZKP-03 ZKP-04

– Kryeministri i Kosovës, Isa Mustafa: Një shoqëri, e cila rregullon çështjen gjinore të punësimit dhe barazinë gjinore në punësim, ajo siguron parakushte shumë të rëndësishme të zhvillimit më të shpejtuar/

-Ambasadori i Shteteve të Bashkuara të Amerikës në Kosovë, Greg Delawie u shpreh i lumtur që po merr pjesë në festimin e një suksesi/

ZKP-05

PRISHTINË, 27 Shkurt 2017-Gazeta DIELLI/ Kryeministri i Republikës së Kosovës, Isa Mustafa, mori pjesë pjesë në ceremoninë e ndarjes së certifikatave për projektin “Vajzat në TIK”.Në këtë ceremoni, ku ishin të pranishëm edhe ambasadori i SHBA-ve, Greg Delawie, shefi i zyrës së Bankës Botërore për Kosovë, Marco Mantovanelli, ambasadori i Norvegjisë, Per Strand Sjaastad, përfaqësues të USAID-it, NDI-së, si dhe përfitueset e trajnimit, u prezantuan dy fazat e para të pilot projektit, të kryera në Gjakovë, Lipjan dhe Prishtinë dhe zonat përreth.
Shumica prej 271 kontratave të punës online apo në internet të fituara nga afro 80 femra, kanë të bëjnë me zhvillim të webfaqeve, hulumtime të web, marketing digjital, asistente virtuale, futje të të dhënave, hulumtime dhe shkrime.Kryeministri Mustafa tha se kjo është një hapje e dritares së punësimit të grave, të vajzave të një komuniteti tepër të rëndësishëm, në pikëpamje jo vetëm të sigurimit të barazisë në punësim, por edhe të sigurimit të zhvillimit ekonomik.

“Të gjitha studimet flasin që një shoqëri, e cila rregullon çështjen gjinore të punësimit dhe barazinë gjinore në punësim, ajo siguron parakushte shumë të rëndësishme të zhvillimit më të shpejtuar, të zhvillimit të qëndrueshëm dhe të zhvillimit të barabartë ekonomik”, tha kryeministri Mustafa.Më tej, kryeministri Mustafa theksoi se teknologjia e informacionit dhe e komunikimit ka një rol të veçantë në zhvillimin ekonomik të një vendi, në ekonomi konkurruese, në ekonomi të dijes dhe asaj të inovacionit.Kryeministri Mustafa, po ashtu përgëzoi Ministrinë e Zhvillimit Ekonomik për përpjekjet që i ka bërë në zhvillimin e suksesshëm të projektit “Gratë në punë online”, i bindur se përmes këtij programi në mënyrë iniciale është arrit që të që të punësohet një numër i konsiderueshëm i grave në një proces të hapur, konkurrues, para së gjithash të bazuar në dije dhe të bazuar në konkurrencë.“Falënderoj po ashtu Bankën Botërore, sidomos për mbështetjen e këtij programi, nga i cili kanë gjet vend pune një numër i madh për kriteret tona i grave, dhe përshëndes iniciativën që të vazhdohet edhe më tutje me këtë projekt, sepse është një projekt shumë i rëndësishëm për ne.Në emër të Qeverisë unë mund t’ju them se përfaqësoj një përkushtim të rëndësishëm të Qeverisë jo vetëm në pikëpamje të orientimit tonë që zhvillimit ekonomik, të punësimit, sidomos të të rinjve dhe grave, t’i japim prioritet themelor, por para së gjithash të një orientimi që ne të shfrytëzojmë të gjitha potencialet tona zhvillimore, të cilat para së gjithash bazohen në resurse njerëzore shumë të afta, të përgatitura, shumë produktive, dhe po ashtu shumë elastike, në pikëpamje të përshtatshmërisë së tregut të punës, që ne të zhvillojmë një ekonomi, në të cilën ne jemi më konkurrent, dhe kjo flet që konkurrencën tonë ne po e shprehim edhe në fushën e teknologjisë informatike, me dijen tuaj dhe me sukseset tuaja që i keni treguar deri më tani”, theksoi kryeministri Mustafa.Më tej kryeministri theksoi se objektivat themelore të këtij projekti janë punësimi, janë eksporti, dhe është ekonomia gjithëpërfshirëse, dhe kjo paraqet në rend të parë përcaktimin që të zhvillojmë një ekonomi, e cila do të mundësoj një punësim më të madh të gjithë popullatës, sidomos të atyre që janë këtu dhe që përfaqësojnë një grupacion të veçantë dhe tepër të rëndësishëm të zhvillimit ekonomik të vendit.Kryeministri po ashtu falënderoi USAID-in për mbështetjen e dhënë si mbështetje të pandërprerë në zhvillimin ekonomik, dhe në inovime të ndryshme, në sektorë të ndryshëm, në këtë rast edhe në sektorin e bujqësisë dhe sektorë tjetër, sepse janë sektorë që lidhen në mënyrë të drejtpërdrejt, dhe projektin HELVETIKAS, i cili është një projekt shumë i rëndësishëm për të ardhmen.Zëvendësministrja e Zhvillimit Ekonomik, Besa Zogaj-Gashi, tha se projekti WOW ka hyrë në fazën e tretë e cila do të realizohet nga Ministria e Zhvillimit Ekonomik në bashkëpunim me USAID-in dhe do të zhvillohet në komunën e Gjilanit dhe Prishtinës.“Ideja dhe nisma ime për një projekt të tillë u frymëzua nga trendet e reja botërore duke qenë shumë e bindur se ky lloj projekti ofron mundësi të panumërta. Nisma u cilësua ide shumë e guximshme dhe shumë e bukur për të qenë e vërtetë”, tha zëvendësministrja Zogaj-Gashi, duke shtuar se numri i madh i konkurrueseve qysh në fazën e parë të projektit, ishte indikator që vendi ka nevojë për një projekt të tillë.Më tej, zëvendësministrja Zogaj-Gashi theksoi se vajzat e diplomuara në trajnimin ËOË po krijojnë të ardhura më të larta se paga mesatare në vend me një orar fleksibile dhe me pak orë pune në ditë.Zëvendësministrja Zogaj-Gashi, theksoi po ashtu se ofrimi i mundësive për të përfituar shkathtësi për punësim online tashmë është realitet i prekshëm.

Ambasadori i Shteteve të Bashkuara të Amerikës, Greg Delawie u shpreh i lumtur që po merr pjesë në festimin e një suksesi të tillë, duke vlerësuar se projekti po ndryshon jetën e njerëzve për të mirë.“Që nga zhvillimi i uebit, dizajni grafik e deri tek marketingu digjital, e shumë më shumë, ky program hap një rrugë të re të studimit dhe punësimit për gratë e Kosovës” tha ambasadori Delawie. Shefi i Zyrës së Bankës Botërore për Kosovë, Marco Mantovanelli, u shpreh i gëzuar me projektin, që është vetëm njëra nga sektorët me të cilën Banka Botërore po ndihmon punësimin dhe zhvillimin ekonomik të Kosovës në përgjithësi.“Banka Botërore vazhdon të mbetet e vendosur për mbështetjen e këtij sektori, kështu që ne do t’ju përkrahim në secilën mënyrë që mundemi dhe iniciativat që ka Ministria e Zhvillimit Ekonomik dhe vetë Qeveria për ekonominë digjitale” tha Mantovanelli./b.j/

Kosovë-Shefi i Shtabit të Ushtrisë së Maqedonisë vizitë zyrtare në FSK

February 23, 2017 by dgreca

-Dy gjeneralët, Rama dhe Velickovski, vlerësuan bashkëpunimin e deritashëm si mjaft të frytshëm dhe theksuan që edhe në të ardhmen ta zgjerojnë këtë bashkëpunim edhe në fusha tjera, duke ndarë eksperienca bashkë/ unnamed (2)

unnamed (1)

PRISHTINË, 23 Shkurt 2017-Gazeta DIELLI-B.Jashari/ Komandanti i Forcës së Sigurisë të Kosovës FSK), gjenerallejtënant Rrahman Rama priti sot në vizitë shefin e Shtabit të Ushtrisë të Republikës së Maqedonisë, gjenerallejtënant Metodija Velickovski, në krye të një delegacioni të lartë të Ushtrisë së Maqedonisë.Shefi i Shtabit të Maqedonisë u prit me ceremoni ushtarake nga Njësia Ceremoniale dhe Orkestra Frymore e FSK-së.Komandanti i FSK-së, gjenerallejtënant Rrahman Rama dhe ministri Haki Demolli, ku ishte edhe zëvendësministri Muhamet Latifi, zhvilluan takime të ndara me shefin e Ushtrisë së Maqedonisë, gjeneralin Velickovski, të cilin e falënderuan për bashkëpunimin e deritashëm ndërmjet FSK-së dhe Ushtrisë së Maqedonisë, si dhe e njoftuan me të arriturat e përgjithshme të FSK-së.Po ashtu, ministri dhe komandanti u shprehen se marrëdhëniet dhe bashkëpunimi ndërmjet Ministrisë dhe FSK-së me Ministrinë e Mbrojtjes dhe Ushtrinë e Maqedonisë janë në nivel të lartë dhe treguan gatishmëri për vazhdimin dhe thellimin e këtij bashkëpunimi, duke u bazuar në raportet e mira ekzistuese dhe në konkretizimin e marrëveshjes së bashkëpunimit ndërmjet dy forcave dhe të dy vendeve.

unnamed (4) Delegacioni maqedonas, ku ishin edhe ambasadori i Republikës së Maqedonisë në Kosovë, Ilija Strashevski, kolonelët Donche Kuzmanov, Zoran Dodevski dhe Goran Nelovski si dhe nënkolonelët Mile Markovski dhe Besnik Emini, zhvilloi një takim edhe me një delegacion të Ministrisë së FSK-së, të përbërë nga gjeneralët Bashkim Jashari, Zymer Halimi dhe Gëzim Hazrrolli, koloneli Fadil Hadërgjonaj dhe nënkolonelët Ali Krasniqi dhe Ismajl Brahimi. Me këtë rast nënkoloneli Agron Bajrami, drejtor i Departamentit për Transformim, Modernizim dhe Standardizim, mbajti një prezantim të shkurtër me temën “FSK dhe planifikimi për të ardhmen”.Delegacioni nga Maqedonia i shoqëruar nga komandanti i FSK-së, gjeneral Rama, vizituan Qendrën për Studime Universitare të FSK-së në kazermën “Adem Jashari”, ku nga komandanti i saj, major Avni Kiqina, u njoftuan me aktivitetet e kësaj qendre. Me pas vizituan Regjimentin e Mbrojtjes Civile në Pomozotin, ku u pritën nga komandanti i këtij regjimenti, kolonel Shaip Haziri, i cili përveç tjerash e njoftoi shefin e Shtabit të Ushtrisë së Maqedonisë edhe lidhur me funksionimin dhe kapacitetet e Qendrës Trajnuse të Kërkim-Shpëtimit. Komandanti i FSK-së gjeneral Rama me shefin e Shtabit të Ushtrisë së Maqedonisë, gjeneralin Velickovski dhe së bashku me dy delegacionet, përcollën nga afër demonstrimin e pjesëtarëve të Kërkim-Shpëtimit Urban.Ndërsa shefi i Shtabit të Ushtrisë së Maqedonisë, gjenerallejtënant Metodija Velickovski, shprehu kënaqësi të veçantë për bashkëpunimin e mirë ndërmjet Ushtrisë së Maqedonisë dhe FSK-së si dhe përgëzoi pjesëtarët e FSK-së për demonstrimin e tyre me sukses. Ai ritheksoi gatishmërinë për bashkëpunim edhe në të ardhmen, qoftë në fushën e arsimimit të kadetëve të FSK-së (nga radhët e komuniteteve) në Akademinë Ushtarake në Shkup, qoftë me pjesëmarrje në trajnime të përbashkëta (kadetët) si në Qendrën e Kërkim- Shpëtimit këtu në Pomozotin apo në Poligonin Ushtarak në Krivollak.

Dy gjeneralët, Rama dhe Velickovski, vlerësuan bashkëpunimin e deritashëm si mjaft të frytshëm dhe theksuan që edhe në të ardhmen ta zgjerojnë këtë bashkëpunim edhe në fusha tjera, duke ndarë eksperienca bashkë.

KOMISIONI: TERRITORI I KOSOVËS 10. 905. 25 KM²

February 21, 2017 by dgreca

-Qeveria e Kosovës përshëndet publikimin e draft-raportit për matjen e territorit të shtetit/PRISHTINË, 21 Shkurt 2017-Gazeta DIELLI-B.Jashari/ Qeveria e Republikës së Kosovës deklaroi se përshëndet publikimin e draft-raportit për matjen e territorit të Republikës së Kosovës, të publikuar sot nga Komisioni gjithëpërfshirës i ekspertëve, i kryesuar nga akademik Hivzi Islami dhe i monitoruar nga përfaqësuesit e SHBA-së, BE-së dhe KFOR-it.

Qeveria e Kosovës ka mirëpritur konstatimin e Komisionit se Republika e Kosovës nuk ka humbur asnjë metër territor me rastin e nënshkrimit të Marrëveshjes për shënjimin e vijës kufitare me Malin e Zi.Qeveria e Republikës së Kosovës respekton edhe mendimin ndryshe të disa anëtarëve të Komisionit, duke shpresuar se ky mendim reflekton vetëm këndvështrimin e institucionit që ata përfaqësojnë dhe fton të gjithë për një bashkëpunim të mëtejmë deri në përfundimin e plotë të punës së Komisionit.

Qeveria e Republikës së Kosovës fton edhe një herë të gjithë spektrin politik dhe qytetarët e interesuar që të bashkëpunojnë ngushtësisht me Komisionin deri në finalizimin e raportit për matjen e territorit të Republikës së Kosovës.Qeveria e Republikës së Kosovës vijon përkushtimin e saj që të punojë pareshtur në përmbylljen e procesit të demarkimit të kufirit me Malin e Zi, si kusht i vetëm i mbetur për t’i mundësuar qytetarëve të Kosovës lëvizjen e lirë në vendet e BE-së, dhe fton të gjithë spektrin politik që t’i kontribuojnë arritjes së këtij synimi madhor për Kosovën dhe qytetarët e saj.

KONKLUDIMET

NGA DRAFT-RAPORTI I PUNËS SË KOMISIONIT PËR MATJEN E TERRITORIT TË REPUBLIKËS SË KOSOVËS

Në mbështetje të të dhënave, argumenteve dhe gjetjeve profesionale, shkencore dhe menaxheriale që u ofruan nga institucionet pjesëmarrëse në procesin e matjes, si dhe debatit dhe verifikimit të mbulueshmërisë me dokumentacion administrativ e hartografik nga ekipi i specialistëve të fushave të ngushta në terren, pikërisht në segmentet dhe pikat e diskutueshme, Komisioni i ekspertëve për matjen e territorit të Republikës së Kosovës njofton se madhësia territoriale e Republikës së Kosovës para 25 gushtit 2015, përkatësisht nga vitet 1961-1981 është 10.887 km² dhe nga vitet 1982-2007 është 10.908 km².Mirëpo, në bazë të obligimeve ndërkombëtare që ka marrë shteti ynë, në radhë të parë me Planin e Ahtisaarit (Aneksi VIII) të 2 shkurtit 2007, me demarkacionin e kufirit në mes të Republikës Federative të Jugosllavisë (Serbia dhe Mali i Zi) dhe ish-Republikës Jugosllave të Maqedonisë ka një ndryshim të vogël të sipërfaqes në zonat kadastrale të Debëlldesë (minus), Restelicës (minus) dhe Dimcës (plus), në kufi me Maqedoninë. Prandaj, MADHËSIA TERRITORIALE E REPUBLIKËS SË KOSOVËS SOT ËSHTË 10. 905. 25 KM².

Pjesë e këtij Draft-raporti, si dhe Raportit përfundimtar të punës së Komisionit dhe të dokumentacionit (gjeoinformacioni, hartat e kadastrit të tokave, hartat topografike, skicat, të dhënat statistikore, planet zhvillimore e mjedisore, baza ligjore, faktet shkencore etj.), si dhe të gjetjeve profesionale, shkencore dhe menaxheriale të subjekteve pjesëmarrëse në proces, që lidhen me madhësinë territoriale të Kosovës dhe të njësive më të vogla territoriale-administrative, do të jenë disa anekse.

Prishtinë, 21. 02. 2017

PËR KOMISIONIN E EKSPERTËVE PËR MATJEN E TERRITORIT TË REPUBLIKËS SË KOSOVËS

Akademik Hivzi ISLAMI, Kryetar

Kosova me NATO-n ecje përpara

February 21, 2017 by dgreca

-Komandanti Suprem i Forcave Aleate për Evropë vizition KFOR-in/

– Gjenerali Scaparrootti: Stabilitieti i Ballkanit Perëndimor është i një rëndësie kritike për NATO-n. Derisa Kosova ecë përpara dhe përqafon të ardhmen e saj, NATO mbetet e zotuar për të bërë pjesën e saj/

PRISHTINË, 21 Shkurt 2017-Gazeta DIELLI-B.Jashari/ Komandanti Suprem i Forcave Aleate për Evropë (SACEUR), Gjenerali Curtis Michael Scaparrotti vizitoi sot shtabin qendror të Forcës së Kosovës, NATO-s.

Gjatë vizitës së tij, Gjenerali Scaparrotti u mirërprit nga Gjeneral Majori Giovanni Fungo, Komandant i Forcave të Kosovës (KFOR) dhe u informua mbi zhvillimet e fundit në situatën aktuale të sigurisë dhe asaj socio-politike në Kosovë. Në veçanti, stafi i KFOR-it theksoi rezultatet e rëndësishme të arritura nga KFOR-i për të siguruar një mjedis të sigurt dhe lirinë të lëvizjes.

Gjeneral Scaparrotti gjithashtu takoi ambasadorët e Kuintit, të Francës, Gjermanisë, Italisë, Mbretërisë së Bashkuar dhe Shteteve të Bashkuara, si dhe përfaqësuesit e komunitetit ndërkombëtar në Kosovë – respektivisht Përfaqësuesin Special të UNMIK-ut, Përfaqësuesin Special të BE-së, shefat e misionit të EULEX-it dhe OSBE-së.

Gjatë këtyre takimeve, ata diskutuan rëndësinë e bashkëpunimit të ndërsjellë ndërmjet organizatave të komunitetit ndërkombëtar dhe institucioneve në Kosovë, me qëllim të rritjes, përmes dialogut, të stabilitetit dhe sigurisë së përgjithshme të Kosovës.

“Stabilitieti i Ballkanit Perëndimor është i një rëndësie kritike për NATO-n”, tha Gjenerali Scaparrootti. “KFOR-i është operacioni ynë më i gjatë dhe luan një rol të rëndësishëm në situatën stabile të sigurisë për të ofruar kohën dhe hapsirën e nevojshme për progresin dimplomatik”, theksoi ai.

Scaparrotti përfundoi konferencën për shtyp duke thënë: “Derisa Kosova ecë përpara dhe përqafon të ardhmen e saj, NATO mbetet e zotuar për të bërë pjesën e saj. Ky është një proces i bazuar në kushtet në terren. Ne do të mbajmë një prani fleksibile, parandaluese dhe do të bëjë ndryshime vetëm kur situata e sigurisë ta lejojë”.

SUPREME ALLIED COMMANDER EUROPE VISITS KFOR

PRISTINA, Kosovo 21^st February 2017 – Supreme Allied Commander Europe (SACEUR), General Curtis M. Scaparrotti visited NATO’s Kosovo Force Headquarters here today.

During his visit, General Scaparrotti was met by Major General Giovanni Fungo, Commander for Kosovo Forces (KFOR), and was briefed on the latest developments in the current security and socio-political situation in Kosovo. In particular, the KFOR Staff highlighted the important results achieved by KFOR to ensure a secure environment and freedom of movement.

General Scaparrotti also met with the “Quint Ambassadors” of France, Germany, Italy, United Kingdom and United States as well as Representatives of the International Community in Kosovo – namely UNMIK Special Representative, EU Special Representative, EULEX and the OSCE Heads of Mission.

During these gatherings, they discussed the importance of mutual cooperation among the International Community Organizations and Institutions in Kosovo, to enhance, through dialogue, the stability and the overall security of Kosovo.

“The stability of the Western Balkans is of critical importance for NATO,” said General Scaparrotti. “KFOR is our longest running operation and plays a key role in a stable security situation to provide the time and space needed for diplomatic progress.”

Scaparrotti concluded the press conference saying, “As Kosovo steps forward and embraces its own future, NATO will remain committed to doing its part. This is a conditions-based process. We will keep in place a flexible, deterrent presence and will make changes only when the security situation allows.”