Berisha – Page 9 – Dielli

Berisha, kritika unikale dhe gabimet njerëzore të tij

July 1, 2013 by dgreca

Atributet e epokës “Berisha” (II)/

Shkruan: Dr. Enver Bytyçi/

Në historinë e Shqipërisë moderne nuk ka ndodhur ndonjëherë që një udhëheqës politik e drejtues i lartë i këtij shteti të jetë vënë në shënjëstrën e kritikës dhe sulmeve të pandërprera e të idhta, si Sali Berisha. As diktatura komuniste nuk e anatemoi armikun e saj, Mbretin Zog I, sa anatemuan pasardhësit e diktaturës liderin demokrat shqiptar. Nëse do të bënim një hulumtim shkencor e serioz, do të provohej fakti se opozita e majtë shqiptare ka sulmuar qindra herë më shumë liderin e së djathtës sa ka kritikuar diktaturën dhe diktatorin Hoxha. Antiberishizmi ka qenë dhe mbetet rryma më specializuar në luftën për pushtet të derisotme. Antiberishzmi ka qenë një fenomen, jo thjesht një armë dhe një përpjekje e së majtës për të mbijetuar. Tiparet kryesore të antiberishizmit nuk janë ato atribute që mbart çdo opozitë demokratike për të dhënë alternativën e vet konkuruese, por lidhen me tipare të formuara dhe trashëguara nga diktatura, si urrjetja, hasmëria, hakmarrja dhe për pasojë përdorimi i të gjitha mjeteve legale e jolegale për të arritur qëllimin për likuidimin politik e madje fizik të kundërshtarit.

Ndërkohë mund të thuhet se Antiberishizmi e ka gjallëruar dhe motivuar për punë të mëdha në çdo kohë Berishizmin. Ndoshta shumë prej arrtiejeve të Berishës, shumë nga cilësitë e sidomos përkushtimi dhe energjia e pashtershme tij janë motivuar nga lufta e pakompromis e së majtës, luftë e cila ka njohur të gjitha format e saj dhe është zhvilluar me të gjitha mjetet. Kështu që në historinë e këtyre 23 viteve ka patur vetëm një trend: Antiberishistët kanë provokuar sentimentin e Berishës dhe kanë prodhuar një lloj specifik reaksioni, i cili përmban në linjën e tij elementë të formimit të liderit demokrat. Formimi i tij na lejon të konkludojmë se lidhet me tiparet fisnike të malësorit, të vendlindjes së doktorit, siç janë personaliteti i pandikuar nga ndokush, integriteti moral i brujtur që në moshën e rinisë së hershme, formimi i vetëdijes i aplikuar në kuvendet e malësorëve të urtë e të zgjuar, paprekshmëria në dinjitet e personalitet, përkushtimi, vendosmëria dhe energjia e jashtëzakonshme për të realizuar qëllime të mëdha në jetë e në politikë.

Po t´i shtojmë këtyre atributeve edhe edukimin atdhetar të tij, atëherë bëhet shumë e qartë pse Berisha prodhoi atë që quhet berishizëm dhe që mund të përmblidhet në përuljen para Zotit, Kombit dhe Familjes. Asnjë politikan i dytë në sa e sa dekada nuk ka mundur të bashkojë te vetja e tij tiparet që lidhin këto tri elementë jetësorë, të cilët në filozofinë politike shihen edhe si elementë përcaktues të suksesit të njëriut e të njerëzimit. Sali Berisha i trashëgoi dhe i realizoi këto në praktikë, në kushtet e drejtimit të shtetit shqiptar, duke sjellë në politikën shqiptare një model të ri të udhëheqit politik e moral.

Por është fakt se ai luftoi i bazuar në principet e mësipërme në kushtet e një politike të ndotur moralisht dhe të mbushur më skema e skena mashtrimesh, trillimesh, akuzash të fabrikuara e rrenash të mëdha e të vogla të transformuara, sipas parimit qosiqjan “Rrena është e moralshme, nëse i shërben interesave të partisë”. Qosiq shkruan se “Rrena është detyrë patriotike për serbët”. I shtrënguar dhe i lënduar nga kjo praktikë unike e të bërit politikë nga kundërshtarët e tij, Berisha ka reaguar jo rrallë me emocion dhe ka rënë në provokimet e kundërshtarëve ekstremistë të tij. Unë jam i bindur se gabime të tilla njerëzore ai i ka bërë për shkak të sinqeritetit në marrëdhëniet politike me partnerët e madje edhe me kundërshtarët, duke harruar se përballë tij qëndroi gjithë kohën një kundërshtar e një mijë e një hileve. Pra të shumtat e gabimeve njerëzore të liderit demokrat mund të vlerësohen si refleks i provokimeve të panumërta ndaj tij.

Në këto katër vitet e fundit ne kemi parë të aplikohet strategjia e së majtës për ta zhvleftësuar personalitetin e Berishës në tri aspekte: Në aspektin e qëndrimeve të tij nacionaliste, pra t´i hiqnin atij imazhin e patriotit dhe njeriut të përkushtuar në shërbim të Shqipërisë dhe kombit shqiptar. Në aspektin e shembullit dhe modelit të sjelljes në familje, duke bërë akuza dhe shpifur ditë për ditë kundër fëmijëve dhe familjarëve të tij, deri te montimi i videos së shekullit, ku implikohej zonja Berisha. Në aspektin moral të raportit të tij me shtetin e luftën kundër korrupsionit, duke hamendësuar dhe shpifur pandërprerë, deri te videoja e shekullit e korrupsionit të Ilir Metës, ku ishte montuar emri i Sali Berishës për gjoja të implikuar në koncensionin e hidroventaleve.

Lufta kundër Berishës ishte e të gjitha llojeve. Ato mund të përmblidhen në reagimet e ashpra e të paarsyeshme në parlament, thirrjet për mosbindje qytetare, kërcënimet e tipit “Mos luaj me zjarrin”, bojkoti i zgjedhjeve, bojkoti i parlamentit, bojkoti i votimit të ligjeve të integrimit, ligje të cilat sillnin zhvillimin e vendit, protestat paqësore e ato të dhunshme, grevat e pandërprera të urisë, bllokimi i autostrave dhe rrugëve kombëtare, bllokimi i zbatimit të ligjit, bllokimi i firmave koncensionare, kërcënimi për anullimin e ligjeve dhe vendimeve sidomos në fushën e koncensioneve, sulmet e dhunshme kundër godinës se kryeministrisë, e deri te djegja e shkatërrimi i institutcioneve të shtetit në vitin 1997, ose te vrasjet dhe ekzekutimi i figurave politike në opozitë. Shpesh herë përdorimi i dhunës nga ana e kundërshtarëve të tij shkaktoi dhimbje jo vetëm për personalitetin e përkushtuar për zhvillimin e kombit shqiptar, Berishën, por edhe për vendin.

Në këto kushte reagimet e liderit demokrat në pushtet ose në opozitë nuk qenë gjithnjë të matura, të studiuara e të thelluara. Përballë revoltave të dhunshme, në mandatin e parë, kur ushtroi detyrën e Presidentit të Republikës, Berisha është akuzuar për “veprime ekstreme” e në raste të tjera për “mosveprim”. Viti 1997 është viti i zhvillimeve ekstreme të dhunës si rezultat i rënies së piramidave financiare. Aso kohe opozita e majtë, pasi kishte bojkotuar zgjedhjet e 26 majit të vitit 1996, iu bashkua dhe udhëhoqi veprimet e dhunshme kundër rendit kushtetues dhe shtetit, me qëllimin e vetëm që të rikthehej në pushtet.

Arkivat do të përcaktojnë rolin e Presidentit Berisha për ngjarje si ato të vitit 1997. Por do të ndriçohen dhe disa aspekte të tjera, për të cilat Berisha është kritikuar dhe bërë përgjegjës me ose pa të drejtë. Shumë aspekte të veprimtarisë së tij do të njihen më mirë përmes studimit të arkivave jo vetëm në Shqipëri, por edhe në Uashington, Berlin, Londër e gjetkë. Vetëm atëherë do të kemi një pasqyrë të plotë të asaj çfarë ka përfaqësuar Sali Berisha për Shqipërinë dhe shqiptarët. Viti 1997 mbetet nyja e zhvillimeve të para dhe pas këtij viti. Por fakti se Berisha u rikthye në pushtet dëshmon se ai nuk mund të ishte fajtori kryesor i ngjarjeve të vitit 1997.

Një ndër momentet më kritike të jetës politike të Berishës janë ngjarjet e 12-14 shtatorit 1998. Ndoshta është e vetmja pjesë e veprimtarisë së tij, kur ai ka ndjerë se ka gabuar, por në rrethana krejt provokuese nga ana e disa segmenteve kriminale të shtetit të kohës. Vrasja makabre e liderit të Lëvizjes së Dhjetorit, Azem Hajdari, çoi në veprime të dhunshme të demokratëve, veprime të cilat ishin planifikuar në skenarin e likuidimit të shefit të opozitës, Sali Berisha. Berisha nga ana e tij, në disa aspekte ra në kurthin e provokimit të skenaristëve vrasës të Azem Hajdarit dhe pagoi një kosto politike të pamerituar. Ndërsa minsitri i kabinetit Berisha, Aldo Bumçi, do t’i jepte më 2012 një donacion të majmë organizatorit kryesor të asaj vrasjeje. Ndërkaq kostoja e 14 shtatorit 1998 do të rëndonte mbi opozitën deri në korrikun e vitit 2005. Lideri demokrat Berisha do të rikthehej në Vlorë, ndërkohë që simpatizanëtë e tij prisnin me ankth rivënien në veprim të skenarit të vrasjes së Azem Hajdari. Në mesnatën e 28 Nëntorit 2000, ditën e festës së pavarësisë, ai u arrestua i rrethuar nga dhjetra forca policie, skenë të cilën dëshmitarët e tregojnë sin ë skenar filmash. Më pas Berisha dhe PD u shmangën me dhunë nga marrja e pushtetit në zgjedhjet e vitit 2001. Nuk po përmend kostot e tjera, të cilat ai i ka shlyer njëmijë fish për shkak të një gabimi taktik në politikën e tij. Mund të ketë prej atyre që me mendjelehtësi shtrojnë pyetjen disi legjitime: – Pse Berisha ka rënë në kurthin e neokomunistëve shqiptarë?! Por askush nuk e ka provuar dhe nuk do ta provojë kurrë në të ardhmen të jetë kaq fort nën goditjet e një makinerie me përvojë të instrumenteve të luftës të së majtës shqiptare.

Në historinë politike të Shqipërisë moderne nuk do të gjendet ndonjë udhëheqës tjetër aq i kritikuar, akuzuar, anatemuar dhe i goditur nga kundërshtarët e tij, sa Sali Berisha. Që në fillim më duhet të them se shumica dërmuese e akuzave dhe kritikave ndaj tij ishin të sajuara, të shpikura, të trilluara. Mund të thuhet se në këto përmasa nuk është linçuar as diktatori Hoxha. Dhe kjo ndodhi për shumë arsye, por kryesore është se fushatën 23 vjeçare kundër Sali Berishës e udhëhoqën përkrahësit ose pasardhësit e diktatorit komunist, i cili e izoloi Shqipërinë dhe la pas një trashëgimi të errët. Trashëgimi e tij ishte gjithashtu metodologjia, doktrina dhe ideologjia e luftës “pa kompromis” e “me të gjitha mjetet” të kundërshtarit politik. Jam shumë i sigurt se pjesë e kësaj strategjie ishte bojkoti i zgjedhjeve të 26 Majit 1996 dhe rebelimi i armatosur për të marrë pushtetin me dhunë më 1997. Pjesë e kësaj strategjie ishte vrasja e Azem Hajdarit, Ahmet Krasniqit dhe dhjetra kundërshtarëve politikë në vitet 1997-2005. Pjesë e kësaj strategjie ishte ngjarja e Gërdecit si dhe bojkoti, protestat e dhunshme, grevat e urisë të opozitës së majtë, të cilat e shoqëruan qeverisjen e Sali Berishës gjatë viteve 2008-2013.

Në asnjë vend tjetër të Europës Lindore nuk kanë ndodhur ngjarje të tilla e reagime si këto nga ana e opozitës që vinte prej trashëgimisë së diktaturës komuniste. Kjo e ndikoi ndoshta Doris Packun, kur pas 23 qershorit u deklarua se “Shqipëria nuk më surprizon më”. Ishte një ironi e hollë e saj, prej së cilës politika në Shqipëri, sidomos kundërshtarët e Berishës ka nevojë të skuqen. Por një konstatim i tillë shkon përtej skuqjes së kësaj kategorie të politikës. Përfshin votuesit shqiptarë, të cilët dëshmuan se nuk e kanë pjekurinë politike të nevojshme për të zhvilluar demokracinë. Jo se votuan Edi Ramën. Vota ndaj opozitës, sado e dhunshme të jetë ajo, është gjithnjë legjitime. Por se votuan pjesën më të kompromentuar të pushtetit në Shqipëri, pjesën më të keqe të tij, pjesën më të korruptuar të politikës së këtij vendi. E di se shumëkush do të më qortojë për këtë konstatim dhe vlerësim që jap. Por nuk mund të mos e publikoj këtë qëndrim, pasi besoj se e vërteta është kjo. Nëse partitë e mirëfillta opozitare morën aq deputetë sa kishin në 2009-ën dhe nuk janë në gjendje të formojnë qeverinë, ato plotësojnë jo vetëm shumicën e thjeshtë, por dhe atë të cilësuar me 16 deputetët e LSI-së, e cila i katërfishoi vendet e saj në parlament. Këta 16 deputetë erdhën në spektrin parlamentar shqiptar me metoda puçiste të tipit modern. Nëse do të fitonte morali, më parë se LSI duhej votuar opozita ose ish-mazhoranca. Por fitoi antimorali, prandaj e diktojnë shumicën ata, të cilët janë përgjegjës për 21 janarin, për korrupsionin e dëshmuar në disa video, për gjendjen katastrofike në shëndetësi, në ekonomi e në diplomaci. Këto ishin tri fushat më të anatemuara të Edi Ramës dhe të trija këto u drejtuan deri më 1 prill 2013 nga përfaqësuesit e partisë më të votuar në zgjedhjet e 23 qershorit. Kjo përbën ndoshta një kontrast, i cili vështirë se mund të ndriçohet ndonjëherë.

Ndoshta kjo dukuri unikale, e cila duhet studiuar si fenomen tipik shqiptar, ka bërë që lideri historik i demokratëve shqiptarë, Sali Berisha, të shihet shpesh herë si personalitet mitik. Megjithëse atij i ka munguar krejtësisht misticizmi, zi një gjetje e udhëheqësve karizmatikë për të krijuar një farë miti rreth vetes.

*Në numrin e nesërm: Mitika dhe misticizmi te Sali Berisha.

Shumë të faleminderit ! – Thank you very much !

June 27, 2013 by dgreca

BENSONHURST BROOKLYN NY : Për Shqipërinë, dhe shqiptarët në Kosovë, Mal të Zi, Maqedoni, Luginën e Preshevës, Çamëri, dhe kudo jetojnë në botë, lideri i demokracisë, ish Presidenti dhe tani ish-Kryeministri, Berisha, për udhëheqësit aktualë dhe ish- udhëheqësit shqiptarë dhe tërë të gjithë ata politikëbërës dhe “politikëmarrës” si – në Shqipëri e jashtë saj, fjalimi, dhe dorëheqja e kreut të Partisë Demokratike nga të gjitha postetet ka për të shënuar si një shembull nga të më pashembulltët, deri sot 100 vjet shtet, dhe ka për të qenë një moment historik. Kjo e Berishës është në thellb të demokracisë, ky është principi e një partie, e cila është etaloni i një demokracie, në Shqipërinë, e shumë vuajtur dhe për një parti dhe demokraci të till që kemi ne shqiptarët sot. Dhe, kjo është e denjë për atë që ne e ëndërruam, dhe vuajtëm për këtë demokraci, deshëm të jemi këtu ku jemi, për të bërë atë sot ashtu si thërrisnin studentë e 90′ “Ta bejmë Shqipërinë si e gjithë Europa”. Pra, sot të nderojmë atë që beri ai për ne të gjithë shqiptarët, dhe trashëgiminë që na la pas Presidenti i parë i demokrat i Shqipërisë, Kryeministri i këtij vendi, kryetari i Partisë Demokratike, Porf.dr. Sali Berisha. Megjithse, ai prap do të jetë pjesë e angazhmit dhe punës tonë, ta bëjmë Shqipërinë si e gjithë Europa. Dhe kjo do të arrihet :”Kur të gjithë ish-Presidentët, Kryeministrat, kryetar të partive dhe udhëheqësit tanë të gjallë, të bëhen së bashku, dhe kan për të thënë se :” kjo është gjithashtu një ditë e veçantë për demokracinë tonë”. Dhe, kjo ka për të ndodhur vetëm atëhere, kur edhe “ata që hynë e dalin nga partia – demokracia, sa herë u “prishen atyre pazaret” dhe e ndrrojën partinë si pllakat e gramafonit” ata që deri dje e kan quajtur liderin historik të Shqipërisë, ;”Oborrtarin, kryepushtetarin e familjes së tij, kryetari i klubit të partisë Demokratike, i korruptuari, deri edhe tek “tradhëtari” sipas tyre,” – të thonë :” sa paskemi gabuar ne i kemi këtij njeriu një borxh goxha e bukur”

Mbasi e vërteta është, se Berisha, gjatë këtyre tetë vjetëve, është anatemuar dhe sulmuar në mënyrë të pamoralshme dhe të pa denjë, të paskrupullt, nga një “grup politikanësh “kalamanjë”, të cilët mendojë unë se “kan hyrë në politik aksidentalisht”, dhe më shumë ata u yshtën nga prapa nga një grup atyre që ishin deri dje, kush ishin!, ose nga ata që ishin mbështetsit e flakët të Berishës, dhe iu kundërvunë atij.

Dhe unë e shoh të nevojshme t’u them këtyre njerëzve, jo se ata më dëgjojnë apo jam unë ai që i di gjërat apo vendos unë, se si duhet të mendojnë apo veprojnë ata, por, sepse se ” secili prej këtyre udhëheqësve, dhe politikanëve sot në Shqipëri, e cila kaloi një nga sundimet komuniste, më të egra në botë, do t’ju them, pa marrë parasysh se sa dhe se si ju mund të mendoni, pa marrë parasyshë se ju jeni gati për të marrë zyrën e presidencës, karriken e Kryeministrit, kryetarit të partisë, apo të deputetit,e politikanit, gazetarit dhe analisitit, është e pamundur pa e kuptuar natyrën e vërtet të punës, derisa ju nuk jeni bërë Presidenti i Shqipërisë, derisa ju jeni ulur vetë në atë karrike të Kryeministrit të Shqipërisë, derisa ju nuk keni hyrë në atë sallë Parlamenti.” Të kuptoni se sa e vështirë, është vetëm në Shqipëri!.

Pikërishtë, sepse ende vetëm në Shqipëri, dalluar nga në të gjithë vendet e kampit socialist në Europën juglindore, janë po të njëjtit: udhëheqës, politikan dhe deputet, janë bijt e Bllokut, dhe ish kuadrot e partisë së Punës, dhe ish pionerët e Enverit, që komandojnë dhe udhëheqin akoma Shqipërinë, ose pas kuintave ose në “ballë”. Në Shqipëri, si asnjë vend tjetër i kampit socialist, janë të njëjtat simbole të së kaluarës, që kan mbetur gjallë në mendjen e këtyre njerëzve,: është po ajo presidencë( Pallati i Brigadave), Paralamenti( Kuvendi Popullor) dhe Kryeministria ( Komiteti Qendror i Partisë së Punës së Shqipërisë), që deri 22 vjetë më parë, ata u ulën dhe qëndruan duke i bërë gjëmën këtij populli.

Në cilin vend të botës, gjen sot më shumë komunist se sa në Shqipëri, të cilët jan të grupuar në katër parti komuniste, që do të hyjnë nesër me Edi Ramën, në të njëjtën ndërtesë, ku edhe kan qenë në ish KQPPSH, në të njëjtat zyra, ku po ata ishin 23 vjetë më parë.
Mendojë, se duke parë se sa e vështirë është në Shqipëri, të jesh President, Kryeministër, apo një deputet i thjesht, një analistë dhe një gazetarë, në një vend që ende nuk heqin dorë akoma nga Enver Hoxha, por jo vetëm kaq – ata janë “trimëruar” tani me fitoren e 23 qershorit, dhe po kërkojnë t’a rikthejnë Enverin, atëhere do të kujtojmë Berishën, dhe do të përulemi me respekt të madh, se si ja doli që për 23 vjet t’u bëjë ballë, këtyre enveristëve dhe komunistëve dhe social komunistëve, që tani kan marrë pushtetin dhe do t’a udhëheqin vendin për katër vjet..

Kjo është edhe arsyeja pse Berisha fiton, sot një vlerësim më të madh për të gjithë atë shërbim të madh që i bëri Shqipërisë në këto 23 vjet, të Shqipërisë së lirë dhe demokratike. Ai ishte i vetmi që doli mbi sfidat momenteve më të vështira që kaloi ky vend, dhe ndjeu peshën e madhe të një kombi mbi shpatullat e tij. Dhe për mua, ky është vlerësimi që i përket Berishës, dhe më shumë do të shtrihet tek,ai i lideri demokrat, ish Presidentit dhe ish Kryeminsitrit, Berisha .

Gjëja e parë që kam tek ai njeri prej se kur e lashë atë vend në 1990 dhe isha në Austri, si refugjatë politik, ka qenë ajo “se Berisha, ishte vënë në krye të atyre ndryshimeve të mëdha që ndodhën atëhere, në krye të lëvizjes demokratike, një lider që ka demonstruar me karizmin e tij të jashtëzakonshëm, dhembshuri e tij dhe bujarin e zemra madhësin për popullin shqiptarë. Sepse ai e dinte se sa ky popull i shumë vuajtur për 45 vjet padrejtësisht, hoqi të “zinjët e ullirit”, aq sa ju mohua gjithçka, liria dhe demokracia.

Ne kemi për të mësuar – shumë shpejt se çfarë do të thotë:” Të ishe lider atyre lëvizjeve të para,të atyre që edhe jetën e dhanë ose e rezikuan për demokracinë , duke e rrëzuar dhe tërhequr zvarrë diktatorin. Pra të ishe qysh në atë kohë në krye të popullit liridashës dhe demokrat. Në atë kohë, që lëvronte në çdo zyrë ende Ramiz Alia, dhe Sigurimi famëkeq i Shtetit. Aty në atë presidencë( Pallati i Brigadave), Kuvendi Popullor, në zyrat e karriget e Kryeministris, që ishin ulur anëtarët e Komiteti Qendror i Partisë së Punës së Shqipërisë), ata që deri 23 vjetë më parë, i a bënë gjëmën këtij populli të mrekullueshem.

Berisha , në këto 23 vjet ; si Lider Historik, President, Kryeministër, mbi të gjitha, është për tu parë për një punë përulëse, dhe e paçmuar për demokracinë e Shqipërisë. Megjithëse, ka momente ku njerëzit e medhenjë dhe udhëheqës të till – BURRESHTETAS , bëjnë edhe ” gabime” ose edhe duhet të paguajnë gabimet e të tjerëve. Por, të mos harrojmë se ende në Shqipëri, ka njerëz, që ëndërrojnë dhe dëshirojn të kthehet ora e Shqipërisë, prapa. Ka edhe nga ata që nderojnë me grusht, kremtoin ditëlindjen dhe vdekjen e diktatorit, mbajnë edhe protretetin e tij, (sa që ai ishte gjallë në shtepit e tyre), madje edhe këtu në vendin kampion të lirisë e demokracisë. E festoin ende 29 nëntorin – jo si festë e çlirimit të vendit – por, si ideologji e kohës së komunismit.

Dhe, unë e di! se çfarë është e vërteta në lidhje me Berishën. Por, unë shpresoj se shumë nga ata lexues që do të lexojnë këto vlersimet e mija, ndoshta do të pajtohen me mua vetëm atëhere -:” Kur në krye të Shqipërisë, të futet në zyrën e tij, dhe të ulet në karrigen e Kryeministrit, Edi Rama, i biri një ish anëtarit të Komiteti Qendror i Partisë së Punës së Shqipërisë, dhe i nipi i një ish anëtari të Byrosë Politike, dhe së bashku me pasardhësit, të cilët mmas një muaji – do të zënë vendet në zyrat ku do t’i komandojë Rama dhe kan komandur baballarët e tyre, më parë.

Atëhere, besoj se edhe ju do të thoni për mua, se paskam pasur të drejtë ” se Berisha ka qenë njeriu që ne e deshëm në krye të këtij vendi dhe se ai bëri për 23 vjet më të mirën, për Shqipërinë dhe shqiptarët”. Tani, në se do ta masim Berishën vetëm me të kaluarën, kjo është e pamundur për të kaluar në gjykimin dhe vlersimin e tij si lider, mbi presidencën e tij, dhe kryemnistër, ndërsa ai është ende në demokraci . Pra, ndoshta kjo është pak e parakohshme. Por, edhe tani, ka disa gjëra që ne e dimë dhe janë të sigurta. Që Berisha, duke marrë gjithë përgjegjësitë që vërtet i takojnë, në një vendim të prerë, kam vendosur, dje para qindra atyre të rinjëve e të rejave shqiptarë, ” të jap dorëheqjen nga të gjitha funksionet e mia në forumet e Partisë Demokratike”.

Duke premtuar se ai ” Do të jet thjesht njëri prej jush, anëtar i PD-së dhe deputet i saj, të punoj me përkushtim të madh së bashku me ju dhe lidershipin e ri, për të mbrojtur dhe promovuar si opozitë, vlerat dhe parimet themelore të programit të Partisë Demokratike, për ta shndërruar atë përsëri në një program të shumicës së shqiptarëve. – Ndaj tha ai do të ju lutem të mos gaboni të merrni apo të konsideroni këtë fjalë si një fjalim lamtumire. I tillë ky nuk është. Madje nga unë, Partia Demokratike, anëtarët dhe mbështetësit e saj nuk do të dëgjojnë ndonjëherë fjalim lamtumire për faktin e thjeshtë, se ai do të ishte një fjalim të cilin unë s’do të mund ta lexoja kurrë.” tha Berisha dje.

Ne kujtojmë, udhëheqjen, imazhin dhe angazhimin e tij për arritjen e të gjithë këtyre rezultateve që shohim sot, sepse, ngaqë ai besonte tek ne dhe ne besonim tek Berisha, dhe se ky përparim që ka bërë Shqipëria sot, do të bëhej me të vërtet si e gjithë Europa, ashtu si ëndërrua dhe u sakrifikua deri me gjak në fillimet e saj, do të ishte i mundur vetëm kur ne të bëheshim të gjithë së bashku. Së fundi: Berisha lider i së djathtës, President, Kryeministër, Kryetar partie, do të mbahet mend gjatë për shërbimin që i bëri vendit tonë, për kurajon , për sakrificat, dhe, mbi të gjitha, për dashurinë ndaj vendit,: Shumë të faleminderit – Thank you very much – Zoti ju bekoftë. Dhe Zoti e bekoftë Shqipërinë dhe Kombin shqiptarë !.

Berisha-administratës: Përkushtim të plotë deri kur të votohet qeveria e re

June 27, 2013 by dgreca

Kryeministri Berisha, një ditë pasi dha dorëheqjen nga çdo funksion drejtues në Partinë Demokratike është shfaqur sot para mediave në mbledhjen e qeverisë.

Në fjalën e tij, kryeministri Berisha ka porositur administratën të punojë me kapacitet të plotë, përkushtim e devotshmëri deri ditën kur të votohet qeveria e re.

“Detyra jonë është që deri ditën që Kuvendi të votojë kabinetin e ri, qeveria dhe administrata duhet të funksionojë me të gjitha kapacitete dhe xhiro të plotë, çdo lloj demotivimi është i pandershëm, i padenjë, i papranueshëm, administrata e vendit është pasuri kombëtare dhe duhet ta tregojë veten të funksionojë me kapacitet të plotë në përkushtim të madh deri ditën që do të votohet qeveria e re” tha Berisha.

Sipas tij, më pas do të jetë qeveria e re ajo që do të përcjellë rrugët e organizimit dhe motivimit të administratës.

“Jeni të lutur që këtë mesazh që kam për administratën tua përcillni direkt në takim me ta dhe ne qëndrojnë këtij projekti deri ditën e fundit, më tej vjen ekzekutivi i ri që të veprojë sipas platformës së re” tha kryeministri.

Berisha:TAP, projekt historik per vendin

Kryeministri Berisha ka theksuar në mbledhjen e qeverisë se është takuar sot me përfaqësuesit e konsorciumit Shah Deniz të cilët e njoftuan zyrtarisht për përzgjedhjen e gazsjellësit TAP.

Duke vlerësuar TAP-in si një projekt historik për vendin, kryeministri theksoi se ndërtimin e tij Shqipëria do të zgjidhë përfundimisht situatën energjitike.

“Kjo përbën arritjen më të madhe të Shqipërisë pas anëtarësimit në NATO në fushën strategjike. Procesi i integrimit në BE është dominues, por aktualisht ky vendim është më strategjik për vendin dhe për shqiptarët, për zgjidhjen përfundimtaret të problemit numër 1 që ekziston në shumë vende të botës, ate të energjisë. Unë garantova se marrëveshjet e marra në unanimitet në Parlamentin shqiptare dhe kjo është garanci e plotë se projekti do të ketë mbështetjen totale të qeverisë dhe të opozitës nesër në Kuvend” tha kryeministri

Kryeministri Berisha shtoi se në sajë të ndërtimit të këtij projekti do të hapen mijëra vende pune për shqiptarët.

“Ky projekt që është defakto projekti më i madh i gazit në Europë, një investim prej 40 miliard dollarësh dhe tejkalon në investim çdo projekt tjetër. Ky projekt do të krijojë në Shqipëri mijëra vende pune dhe do të jetë një korridor i fuqishëm punësimi dhe të ardhurash për shqiptarët. I shpreh mirënjohjen më të thellë qeverisë së Azerbajxhanit që ka dëshmuar ndjenjat më të mëdha për shqipëritarët dhe Shqipërinë” tha Berisha.

Berisha-administratës: Përkushtim të plotë deri kur të votohet qeveria e re

Kryeministri Berisha, një ditë pasi dha dorëheqjen nga çdo funksion drejtues në Partinë Demokratike është shfaqur sot para mediave në mbledhjen e qeverisë.

Në fjalën e tij, kryeministri Berisha ka porositur administratën të punojë me kapacitet të plotë, përkushtim e devotshmëri deri ditën kur të votohet qeveria e re.

Sipas tij, më pas do të jetë qeveria e re ajo që do të përcjellë rrugët e organizimit dhe motivimit të administratës.

Berisha:TAP, projekt historik per vendin

KRONIKA E PLOTE E MBLEDHJES SE QEVERISE

– “TAP, projekti më i madh i gazit në Evropë, i cili do të bëhet një korridor i fuqishëm punësimi dhe të ardhurash për shqiptarët

– “Administrata e këtij vendi është një pasuri e madhe kombëtare dhe duhet ta tregojë veten duke funksionuar me kapacitet të plotë dhe përkushtim të madh në shërbim të qytetarëve”

– “Është kënaqësi e veçantë të pohoj se 73 % e maturantëve përfitojnë vende studimi me kohë të plotë në universitetet publike, duke shënuar një numër prej 29 mijë studentësh.”

Kryeministri Berisha informoi sot, në mbledhjen e Këshillit të Ministrave, lidhur me takimin e zhvilluar me përfaqësuesit e qeverisë së Azerbajxhanit dhe të konsorciumit të Shah Deniz 2, të cilët njoftuan zyrtarisht përzgjedhjen e TAP, duke vlerësuar rolin dhe kontributin e Shqipërisë në këtë proces.

Kryeministri e vlerësoi përzgjedhjen e TAP, si një zhvillim të një rëndësie strategjike të jashtëzakonshme për Shqipërinë, pasi me ndërtimin e këtij gazjellësi, Shqipëria zgjidh në mënyrën më përfundimtare dhe më të plotë çështjen e energjisë dhe krijon një mbështetje të jashtëzakonshme në të gjithë procesin e industrializimit të saj.

Në këtë kontekst, kryeministri Berisha shprehu mirënjohjen më të thellë ndaj qeverisë së Azerbajxhanit, për ndjenjat më miqësore ndaj Shqipërisë dhe shqiptarëve, si dhe mirenjohjen ndaj konsorciumit të Shah Deniz 2 për objektivitetin e vlerësimit.

* * *

Nga kjo mbledhje, kryeministri kërkoi nga kabineti qeveritar dhe nga administrata në tërësi që të vazhdojnë punën me kapacitet të plotë, duke mos lënë pas dore asnjë detyrim ndaj qytetarëve, deri në ditën e nisjes nga puna të qeverisë së re. “Çdo lloj demoralizimi është shumë i pandershëm, është shumë i padenjë, është i papranueshëm.” u shpreh kryeministri.

Duke vlerësuar punën e punonjësve të administratës dhe përkushtimin e tyre gjatë kësaj periudhe, Kryeministri ftoi ministrat që këtë mesazh tua përcjellin punonjësve të tyre në takime direkte me ta. “Administrata e këtij vendi është një pasuri e madhe kombëtare dhe duhet ta tregojë veten, të funksionojë me kapacitet të plotë dhe përkushtim të madh deri në ditën që do të kryesojmë, deri në ditën që qeveria tjetër do të përzgjedhë mënyrën e organizimit dhe të motivimit të administratës.”

* * *

Duke u ndalur tek projektligjet dhe projektvendimet e rendit të ditës, kryeministri Berisha veçoi vendimin “për kuotat e pranimit dhe tarifat e shkollimit në institucionet publike të arsimit të lartë, në ciklin e parë të studimeve me kohë të plotë dhe në programet e integruara të studimeve të ciklit të dytë, për vitin akademik 2013-2014. Kryeministri shprehu kënaqësinë e veçantë të konstatonte se 73 % e maturantëve përfitojnë vende studimi me kohë të plotë në universitetet publike, duke shënuar kështu një shifër prej 2 % më të lartë.

Në fjalën e mbajtur, kryeministri Berisha u shpreh:

“Dy janë çështjet kryesore të cilat unë dua të sjellë në vëmendje të kabinetit qeveritar, së pari unë prita përfaqësuesit e qeverisë së Azerbajxhanit dhe të konsorciumit të Shah Deniz 2, të cilët më njoftuan zyrtarisht për përzgjedhjen e TAP, duke vlerësuar rolin dhe kontributin e Shqipërisë në këtë proces. Unë i shpreha mirënjohjen më të thellë qeverisë së Azerbajxhanit, konsorciumit të Shah Deniz 2, fushës së gazit Shah Deniz 2 të detit Kaspik për përzgjedhjen e TAP dhe ky është zhvillim i një rëndësie strategjike të jashtëzakonshme për Shqipërinë, pasi me ndërtimin e këtij gazsjellësi, i cili pritet sipas tyre që në 2019 të sjell gazin në Shqipëri, vendi ynë zgjidh në mënyrën më përfundimtare dhe më të plotë problemin e energjisë në Shqipëri dhe krijon një mbështetje të jashtëzakonshme në të gjithë procesin e industrializimit të saj, si dhe e shoqëruar kjo me gazifikimin e vendit, pra shndërrimin e gazit si burim kryesor në gatim dhe në ngrohje dhe kështu që shqiptarët do të mund të gatuajnë dhe të ngrohen me burimin më të leverdishëm të energjisë që është gazi.

Ndërkohë, ky projekt që është de fakto projekti më i madh i gazit në Evropë, një investim prej 40 miliard dollarë tejkalon në investim çdo projekt tjetër gazsjellësish, do të krijojë në Shqipëri në të gjithë trajektoren e tij dhe më gjerë, mijëra vende pune, do të krijojë vende pune, jo vetëm me ndërtimin e tij, por qindra e qindra biznese, shërbime në të gjithë trajektoren e tij. Faktikisht ky korridor bëhet një korridor i fuqishëm punësimi dhe të ardhurash për shqiptarët.

Le të shpreh në emër të qeverisë mirënjohjen më të thellë qeverisë së Azerbajxhanit , e cila që në fillim ka dëshmuar ndjenjat më miqësore ndaj shqiptarëve dhe Shqipërisë. Të shpreh mirënjohjen më të thellë ndaj konsorciumit të Shah Deniz 2 i cili ka bërë vlerësimin më të objektiv bazuar kryekëput në kritere tregtare dhe TAP ka predominuar mbi Nabuccon në të gjitha kriteret.

Dua të shpreh mirënjohjen më të thellë ndaj vendeve mike Turqisë, Greqisë dhe Italisë, me bashkëpunimin më të shkëlqyer që kanë dëshmuar veçanërisht me këto dy të fundit, me të cilat janë nënshkruar marrëveshjet e para në histori trilaterale.

TAP përbën arritjen më të madhe të Shqipërisë pas anëtarësimit në NATO, në fushën strategjike dhe përgjigjen më të shkëlqyer të interesave të saj strategjike. Natyrisht procesi i integrimit në BE është proces dominues, por në situatën aktuale ky është vendi më i rëndësishëm në rrafshin strategjik për shqiptaret dhe për Shqipërinë, zgjidhjen përfundimtare të problemit numër 1 që ekziston për shumicën e vendeve të botës, problemit të energjisë.

Unë garantova përfaqësuesit se të gjitha marrëveshjet për TAP janë ratifikuar në unanimitet në Parlamentin shqiptar dhe se kjo është një garanci e plotë që projekti do të ketë mbështetje të plotë totale të qeverisë dhe të opozitës nesër në parlament dhe se shqiptarët e mirëpresin këtë projekt dhe se janë të vetëdijshëm për rëndësinë shumë të madhe strategjike që ka ndërtimi i tij ,ndaj dhe në rrafshin strategjik kjo përbën një fitore të jashtëzakonshme. Është njëkohësisht një vend nevralgjik në perspektiven e këtij korridori që tani preferohet të mos quhet më TAP, por preferohet të quhet korridori jugor i Gazit.

Sigurisht në këtë takim , por edhe më parë jemi përpjekur, kam paraqitur kërkesën që të përfshihet edhe Kosova sepse ndjenjat miqësore ndaj shqiptarëve në Kosovë, në Azerbajxhan janë të larta, por ka një problem që e ndërlikon pak këtë çështje, por ata do ta shqyrtojnë këtë çështje.

* * *

Tani detyra jonë është që deri ditën që Parlamenti të votojë kabinetin e ri dhe të dekretohet tek presidenti, qeveria dhe administrata duhet të funksionojë me të gjitha kapacitetet dhe xhiro të plotë. Pra çdo lloj demoralizimi është shumë i pandershëm, është shumë i padenjë, është i papranueshëm. Administrata e këtij vendi është një pasuri e madhe kombëtare dhe duhet ta tregojë veten, të funksionojë me kapacitet të plotë dhe përkushtim të madh deri në ditën që do të kryesojmë, deri në ditën që qeveria tjetër do të përzgjedhë mënyrën e organizimit dhe të motivimit të administratës.

Jeni të lutur që këtë mesazh që unë kam për punonjësit e administratës të cilët i përgëzoj për punën e shkëlqyer që kanë bërë dhe bëjnë , do tua përcillni direkt në takim me ta. Ne i qëndrojmë projektit deri ditën e fundit, ditën e fundit vjen një drejtim i ri i ekzekutivit të vendit i cili përcakton rregullat, normat, standardet, për të cilat ka të gjithë legjitimitetin e plotë për të vepruar sipas platformës së vet.

Këtu janë një seri vendimesh të cilat janë projektligje, projektvendime, nga më të rëndësishmet janë kuotat të cilat do të miratohen për studentë të viti që vjen, viti akademik. Është kënaqësi e veçantë të pohoj se 73 % e maturantëve përfitojnë vende studimi me kohë të plotë në universitetet publike. Këtu nuk janë llogaritur universitet private. Kjo është një rritje prej 2 %. Ky është numri më i lartë 29 mijë studentë. Ndërkohë janë parashikuar kuotat për studentët nga lugina e Preshevës, studentët nga Mali i Zi dhe Maqedonia, në degë të cilat nuk i kanë ose i kanë të kufizuara. Do të flitet edhe me autoritetet vendore sigurisht ne do të hapim vende për ta, por sigurisht përkujdesja duhet të jetë për Preshevën dhe shqiptarët e Malit të Zi. Kjo është një arritje shumë e madhe. Në fushat e lidhura me IT, nga 29 mijë studente dhe studentë që do të pranohen gjatë vitit të ardhshëm akademik, fatmirësisht 15 % e tyre do të ketë në fushën e IT dhe kjo përbën një arritje të madhe, në mënyrë që të plotësohen sa më mirë nevojat për Shqipërinë dixhitale.

Berisha jep dorëheqjen si kreu i PD: Përgjegjësia për zgjedhjet vetëm e imja

June 26, 2013 by dgreca

Nga politika do të më largojë vetëm sovrani dhe kështu ndodhi. Kryeministri Berisha, njëherësh kreu i PD në daljen e tij të parë zyrtare që prej të dielës së zgjedhjeve iu ka përmbajtur pikë për pikë premtimit të tij, duke dhënë dorëheqje nga të gjitha funksionet e tij politike në PD. Mes dhjetëra simpatizantëve dhe mbështetësve demokratë që nuk kursyen mbështetjen e tyre ndaj liderit të tyre historik të së djathtës edhe përballë humbjes, Berisha deklaroi qartësisht se pranon rezultatin zgjedhor, ndërsa uroi kundërshtarin e tij politik për fitoren.

“Përgjegjësia për këtë humbje bie vetëm mbi mua, Sali Berishën, kështu që duke marrë përgjegjësitë që më takojnë, me një vendim, kam vendosur të jap dorëheqjen nga të gjitha funksionet e mia, në forumet e PD, të jem njeri i thjeshtë, njeri prej jush, anëtarë i PD dhe deputet i saj. Në karrierën time politike më shumë se dy dekada, unë në çdo pozicion që kam patur kam ndjerë vetën si shërbëtor i juaji dhe i vendit tim. Dhe e kam konsideruar këtë privilegjin më të madh, kam bërë gjithçka të përmbush me përkushtim detyrimet, duke qenë i vendosur, se do të largohesha nga postet e mira, nëse arsyet shëndetësore nuk do më lejonin, kjo nuk ndodhi, energjitë e mia janë po ata që kam patur. Veç kësaj unë gjithnjë kam qenë i vendosur, i bindur, t’i bindem verdiktit të sovranit, i cili foli qartë në këto zgjedhje. Unë besoj se ata nuk gabojnë”- tha Berisha.

Duke shprehur keqardhjen para përkrahësve të tij në pamundësinë për tu komunikuar lajmin për të cilin për 30 ditë me radhë renden në të katër anët e Shqipërisë, Kryeministri Berisha shprehu mirënjohjen ndaj të gjithë atyre që u angazhuan dhe dhanë shpirtin përgjatë gjithë proçesit zgjedhor.

“Sot jam para jush për një mesazh por dua të theksoj një mesazh të vonuar për fatin e vetëm se kam dashur të respektoj punën me vetëmohim te madh te komisionarëve tanë në numërimin e votave, proces që po shkon drejt fundit. Shpreh mirënjohjen e pakufijshme ndaj qindra e mijëra qytetarë shqiptarë që më shoqëruan mua, i falënderoj për mikpritjen me entuziaste që kam provuar ndodhje, ne shi dhe diell, në mëngjes dhe darkë, ne shkëmbyem mendime, ndoqën me vëmendje alternativen tone dhe me dhuruan mua fushatën me të pasur dhe ndofta më të bukurën dhe masive, jam përpjekur te bej me të mirën, kam punuar me përkushtim dhe entuziazëm edhe me te madh. Por, unë sot dua te përulem para militantëve, anëtarëve të thjeshte të PD për sakrificën, mundin dhe djersën e tyre në këtë fushatë dhe të gjitha fushatat. Shfrytëzoj rastin te falënderoj kandidat për deputet dhe shtabet e tyre elektorale, komisionerët tanë për përkushtimin në zgjedhje. Mirënjohje qytetarëve shqiptare që votuan kandidatet e PD, dhe cdo shqiptar dhe shqiptar që morën pjesë në zgjedhje. Të dashur demokratë dhe qytetar që keni mbështetur PD, unë e di që ndiqni me trishtim fjalën time pasi prisnit një fjalim tjetër nga unë”, u shpreh i emocionuar Berisha.

Berisha ftoi militantët dhe mbështetësit e Partisë Demokratike që të ndihen krenarë, ndërsa u kërkoi atyre që të mos e marrin këtë si fjalim lamtumire. Ndersa Berisha ne fjalimin e tij prej 30 minutash bëri nje rrugetim te te gjithe arritjeve te Partise Demokratike ne pushtet, shume prej militanteve dhe mbeshtetesve te tij nuk kanë mundur të përmbajnë lotët.

“Nuk është fjalim lamtumire. I tillë nuk është. Nga unë PD dhe mbështetësit e saj nuk do dëgjojnë një fjalim lamtumire, sepse unë nuk do ta lexoja urrë. Jemi të mërzitur. Kemi humbur një betejë. Sot është e domosdoshme të qëndrojmë më të bashkuar se kurrë. Detyra të mëdha na presin që ta shndërrojmë çështjen tonë të drejtë në çështje të të gjithë shqiptarëve. Pata fatin e madh të më besoni drejtimin e PD për 22 vjet. Jemi dhe do jemi krenarë, sepse së bashku me kurajo me guxim themeluam në kushte terrori PD si parti e parë opozitare. Me ëndrrat më të bukura të shqiptarëve. Qytetarët tanë votuan me shumicë projektin e kundërshtarit tonë për premtime që ne nuk mund t’i bënim si shëndetësia falas dhe heqja e taksave, se këto premtime ne nuk mund t’i bënim se në filozofinë tonë bien ndesh me lirinë ekonomike barazizë” tha më tej ai.

Më tej, me bindjen se PD do të rivijë në pushtet, Berisha u shpreh se në mandatin tjetër do të realizohen të gjitha premtimet e bëra për zhvillimin e Shqipërisë, ndërsa bëri një panoramim të punës 8-vjecare në krye të qeverisë.Po ashtu Berisha vlerësoi projektin TAP, si historik për fatin ekonomik dhe zhvillimin e Shqipërisë.

Jemi dhe mbetemi përjetë krenarë për gjithçka që kemi bërë do vazhdojmë të bëjmë. Ne bëmë realitet ëndrrën e lirisë për shqiptarët dhe dinjitetin e tyre njerëzor. Ne sanksionuam lirinë e besimit, liria njerëzore, kryefjalë e axhendës sonë. Sot shqiptarët janë më të mirë se kurrë. Në një kohë të shkurtër arritëm të vendosim çështjen e lirisë në Kosovë në axhendën e kancelarive të Europës. Me parrullën një komb një qëndrim mbështetëm luftën dhe lirinë e Kosovës. Të gjthë duhet të jemi krenar me PD Shqipëria sot është e aderuar në organizatat më të mëdha në botë. Ne bëmë të vërtet anëtarësimin e Shqipërisë në NATO, lëvizjen e lirë pa viza, dhe së fundi rekomandimet për statusin e vendit kandidat. Ne hodhëm themelet dhe konsoliduam në Shqipëri shtetin ligjor. Ne sot të gjithë së bashku duhet të ndjehemi krenar me PD, sepse ne pasi humbëm pushtetin për shkak të firmave piramidale në 1997 qëndruam në opozitë dhe në 2005 hodhëm poshtë qeverinë aktuale me votën e shqiptarëve. Rrogat dhe pensionet e shqiptarëve ishin të ulëta dhe qesharake. Detyra ishte shumë e vështirë. Shqipërisë pothuajse askush nuk i besonte. Ne ndërtuam rrugën e Arbrit, autostradën Tiranë – Elbasan dhe do të ndërtojmë gjysmën tjetër të boshtit të jugut në mandatin e ardhshëm. Duhet të jemi krenar me PD, sepse ne ndërtuam qindra ujësjellësa dhe natyrisht mbetet ende shumë punë për të bërë. Duhet të jemi krenar sepse sot disa nga treguesit janë në nivelin e disa vendeve të zhvilluara. Këto vite të qeverisjejs tonë ishin vitet më të vështira për shkak të krizës ekonomike, dhe qeveria tonë i rezistoi. Janë në ndërtim e sipër 120 hidrocentrale, si kaskada e Devollit. Kemi qindra rrugë, shkolla. Me 45 mijë projekte që mbështetëm kemi bërë të mundur në këtë kohë të shkurtër të katërfishohet toka e punuar në fshat. Në 10 vendet më me rritje të turizmit në planetin tonë. Me projektin tonë “Shqipëria vend i zhvilluar, që vendi me penetrimin më të ulët të internetit 4,8%, të telefonisë celulare. Shqipëria dixhitale ishte ëndrra e të rinjve shqiptarë, sot ata komunikojnë më shumë se të rinjtë e disa vendeve të zhvilluara të Europës. Miqtë e mi, demokratë dhe dëmokratë. Vetëm pak vite më parë, ora europiane dhe euro-atlantike ishte e ndaluar. Së bashku morëm reformat më të thella; konsoliduam shtetin ligjor, anëtarësuam Shqipërinë në NATO. Nisëm punën serioze për liberalizimin e vizave me ShBA. Edhe në këto dy mandate kemi folur me vepra, që kanë krijuar një Shqipëri tjetër, ndërtimin e të cilës do jemi të gatshëm ta vazhdojmë, janë vepra që kanë ndryshuar përgjithmonë Shqipërinë tonë. Nuk janë arritjet tona arsyeja pse nuk na votuan shqiptarët; jam i sigurt që çdo shqiptar ndihet krenar. PD do dijë të lexojë me përulësi votën e çdo shqiptari. Në lidershpirin e ri, një fillim të ri të fuqishëm. Mirënjohje për bashkëpunëtorët e mi të mrekullueshëm, me integritet moral. Mirënjohje të pakufishme miqve tanë. Një mirënjohje të pakufishme shqiptarëve, që këto 22 vite kanë vendosur votën, besimin e tyre te mua, çfarëdo që të bëj, s’mund t’ua shpërblej diot. Kam dhjetëra, mijëra mesazhe në Facebook, të cilët më kërkojën që kësaj here të heqë dorë nga vendimi që kam marrë, por i ftoj që bashkë me energji dhe entuziazëm të mbrojmë kauzën tonë dhe ta bëjmë kauzë të mendjeve dhe zemrave të shqiptarëve” vijoi Berisha.

PM BERISHA TO AUSTRIAN PRESS AGENCY: WE WILL ACCEPT THE ELECTION RESULT

June 22, 2013 by dgreca

* In an interview with the Austrian Press Agency (APA)/

*Intervista ne shqip: Po humba pranoj verdiktin, s’bëj protesta !/

In an interview with the Austrian Press Agency (APA), Prime Minister Sali Berisha told journalist Martin Richter that he was conviced that the DP would win the elections. When asked about what would happen if he loses, he stated, “Of course we will accept the will of the Albanian people.” He continued by adding that he still has so much energy, and has not yet decided what he would do. “We will wait for the verdict of the people,” he said.

The Prime Minister was asked about the possibility of a new coalition between DP and SMI if the results of the election call for one in order to form the government. Berisha said that this question should be asked after the election. He added, though, that Meta’s move was “a very surprising and unexpected action. It was the wrong time to make such a decision and to put the country in such an unstable situation, just before the elections.”

Asked about his political behavior if he loses the election, whether will he react with protests and a boycott of Parliament, Berisha gave a one word answer: “Never.” Ja intervista e plote:

Intervista/ Berisha: Po humbapranoj verdiktin, s’bëj protesta

TIRANE/VJENË (APA) – Kryeministri Berisha për agjencinë austriake APA, në një intervistë dhënë gazetarit Martin Richter thotë për herë të parë se nëse do të humbasë do pranojë rezultatin. Njëherësh ai betohet se kurrë nuk do bëjë protesta nëse do të dalë në opozitë. Në lidhje me mundësinë e një koalicioni me Metën pas zgjedhjeve, ai thotë që duhet ta pyesni pas 23 qershorit. Berisha tha se do jetë në krye të PD dhe në opozitë.

Pas një kohe kaq të gjatë në politikë, përse doni të zgjidheni edhe një herë dhe përse duhet të votojnë shqiptarët për Ju?
Po, është një kohë e gjatë. Por le të marrim tetë vitet e fundit. Projekti im e ka ndryshuar Shqipërinë. Shqipëria u bë anëtare e NATO-s, Shqipëria u bë një vend me një Marrëveshje Asociimi me BE-në të hyrë në fuqi, një vend që ka merituar statusin e kandidatit të BE. Reformat e procesit të integrimit kanë vepruar.

Nëse do ta shikonit këtë vend para gjashtë vitesh: Ndërprerje të energjisë elektrike, gjëndjen më të keqe të rrugëve që mund të imagjinohet, furnizimin më të keq me ujë(…). Ku jemi ne tani?
Ne kemi ndërtuar ndoshta rrjetin rrugor më të mirë, ne kemi punuar me të gjithë infrastrukturën. Ne e kemi ndryshuar tërësisht vendin dhe kjo ka tërhequr investitorë të huaj. Gjatë krizës vendi ynë nuk ka rënë në recesion.

A duhet atëherë që shqiptarët t’Ju jenë mirënjohës dhe të votojnë për vazhdimin e politikës Suaj të deritanishme? Apo në rast rizgjedhje Ju do të ndiqni një politikë të re?
Një politikë të re. Unë lutem për vota për të ardhmen, jo për të kaluarën. Unë jam tërësisht i bindur, se në vitet e ardhshme ekonomia do të lulëzojë më shumë. Ne do të ulim taksat ose do t’i heqim, ne duam ta shndërrojmë vendin në një qendër prodhuese. Së shpejti Shqipëria do të jetë vendi me energjinë më të gjelbërt në rajon dhe do të eksportojë energji të gjelbërt. Përveç kësaj, ne duhet ta shpejtojmë procesin e integrimit në BE.

Dhe për këtë arsye Ju jeni i bindur se do t’i fitoni zgjedhjet?
Po, unë jam i bindur se do të fitoj. Por sigurisht që unë do të pranoj vendimin e popullit tim.

Pra, në rast humbje Ju nuk do të reagoni me protesta dhe bojkote sikurse kundërshtari juaj, lideri i socialistëve Edi Rama, kur ai nuk erdhi në pushtet para katër viteve?
Kurrë.

Nëse Ju fitoni, bëheni Kryeministër. Çfarë do të bëni nëse humbisni? E imagjinoni veten sërish lider të opozitës?
Unë jam një njeri plot energji. Unë kam shumë mundësi, nuk e kam vendosur ende. Unë pres verdiktin e popullit tim.

A mendoni se sistemi i tanishëm politik në Shqpëri është i mirë, ku partitë-pjesërisht në prapraskenë-janë të lidhura ngusht me botën e biznesit, të cilëve u përkasin edhe mediat, dhe ku shumë nëpunës publik janë të lidhur me pushtetarët dhe ngrihen ose bien bashkë me ata? Apo duhet që ky sistem të ndërrohet?
Nuk ka asnjë vend ku politika të mos punojë me mediat. Kjo ka të bëjë më tepër me linjën politike të mediave-e qendrës së djathtë ose e qendrës së majtë. Shumia e mediave këtu kontrollohen nga opozita. Përsa i përket botës së biznesit: ky është një problem. Nuk mund të ndalohet futja e biznesmenëve në politikë. (…)

Edhe në këtë vend askush nuk e ndalon një biznesmen të futet në politikë. Më pak biznesmenë do të ishte më mirë. Mënyra, sesi Rama ka zgjedhur biznesmenët e tij, është e veçantë, dhe nuk e përshëndes. Por nuk është e mundur ta bllokosh këtë, sepse bëhet fjalë për një të drejtë themelore. Ata (socialistët, red.) duhet t’i mbajnë biznesmenët e tyre brenda rregullave.

Kështu siç eshtë hartuar kodi zgjedhor, Ju dhe lideri i opozitës Rama përzgjidhni shumicën e deputetëve të parlamentit, sepse ju të dy përcaktoni listën e kandidatëve, dhe për arsye të sjelljes së zgjedhësve shpesh është e qartë, se kush zgjidhet me siguri. Vetëm në disa zona ka konkurencë të vërtetë, ku edhe vendoset se kush ka shumicën në parlament qendra-e majtë apo qendra-e djathtë. A mendoni se ky kod zgjedhor, për të cilin keni rënë dakord Ju dhe Rama, është i drejtë?
E mira e sistemit është se rajonet janë të përfaqësuar mirë dhe të barazpeshuar. Ajo që mungon është një bonus për fituesin e zgjedhjeve, për të siguruar një shumicë të qartë.

A jeni çuditur kur partneri Juaj në koalicion Ilir Meta i Lëvizjes Socialiste për Integrim më pak se tre muaj para zgjedhjeve, pas katër vitesh la qeverinë Tuaj për t’iu bashkuar në zgjedhje sërish bllokut të qendrës së majtë të Ramës?
Ishte një hap i papritur, por jo për të të ardhur keq. Ai donte të rrëzonte qeverinë pak para zgjedhjeve. Ishte gabim ta çosh vendin në një situatë të tillë në një gjëndje të pasigurt. Por qeveria ime mbijetoi.

A do të mund të bashkëpunonit sërish me z.Meta, i cili për mungesë provash u shpall i pafajshëm nga akuzat për korrupsion të madh? A do t’i bënit pas zgjedhjeve sërish një ofertë për bashkëpunim në qeveri, nëse Ju duhet për të formuar shumicën?
Përsa u takon koalicioneve paszgjedhore, Ju lutem më pyesni pas zgjedhjeve.

(Bisedoi: Martin Richter/ APA)– See more at: http://www.shqiptarja.com/home/1/intervista–berisha-po-humba-pranoj-verdiktin-s–39-bej-protesta-162975.html#sthash.kZ9Ypp1U.dpuf