Gazeta DIELLI nga korrespondenti në Kosovë Behlul JASHARI/

PRISHTINË, 6 Prill 2021/ Është zhvilluar sot ceremonia e pranimit të dëtyrës së Presidentes së Republikës së Kosovës, Vjosa Osmani, e zgjedhur me 71 vota nga Kuvendi 120 anëtarësh në seancë të jashtëzakonshme mbrëmjen e të dielës së 4 Prillit 2021.

“Për shkak të situatës aktuale me pandeminë COVID-19 nuk do të organizohet një Ceremoni e Inaugurimit të Presidentes së Republikës së Kosovës. Mirëpo, do të organizohen një sërë aktivitetesh për ta shënuar pranimin e detyrës së Presidentes së Republikës së Kosovës dhe të cilat janë përshtatur me rrethanat”, theksonte njoftimi i dërguar nga Presidenca.

Axhenda nisi në orën 10:00 me arritjen e Presidentes Osmani te hyrja e ndërtesës së Kuvendit e të Presidencës në Sheshin Ibrahim Rugova të Prishtinës, ku u zhvillua Ceremonia e revistës së trupave të Togut Ceremonial të Forcës së Sigurisë së Kosovës dhe pastaj pritja e parë në takim në Kabinetin e Presidentes së Republikës ishte për ekipin e xhudistëve kampionë…

Në ceremoni ishte edhe Kryeministri Albin Kurti  me anëtarë të Qeverisë,  Ambasadori i Shteteve të Bashkuara të Amerikës në Republikën e Kosovës,  Philip Kosnett, dhe diplomat të tjerë.

Ishin bashkë edhe me dy vajzat e tyre binjake  Presidentja Osmani me bashkëshortin.

Vjosa Osmani është Presidentja e gjashtë e Kosovës. I pari ishte  Presidenti historik Ibrahim Rugova, pas tij Fatmir Sejdiu, pastaj Behgjet Pacolli që qëndroi vetëm rreth një muaj në këtë post, Atifete Jahjaga dhe Hashim Thaçi.Ushtruesi i detyrës së Presdentit – Kryetari i Kuvendit të Kosovës, Glauk Konjufca,  ka shkruar:I nderuar që sot ia dorëzova Kushtetutën e Republikës së Kosovës Presidentes znj. Vjosa Osmani-Sadriu me rastin e ceremonisë së pranimit të detyrës së Presidentes së Republikës së Kosovës.

NJOFTIMI I DËRGUAR NGA PRESIDENCA E KOSOVËS:

CEREMONIA E PRANIMIT TË DËTYRËS SË PRESIDENTES SË REPUBLIKËS SË KOSOVËS

Për shkak të situatës aktuale me pandeminë COVID-19 nuk do të organizohet një Ceremoni e Inaugurimit të Presidentes së Republikës së Kosovës. Mirëpo, do të organizohen një sërë aktivitetesh për ta shënuar pranimin e detyrës së Presidentes së Republikës së Kosovës dhe të cilat janë përshtatur me rrethanat.

Në vijim ju prezantojmë agjendën zyrtare të organizuar me këtë rast:

AGJENDA (6 PRILL 2021)

10:00	Arritja e Presidentes së Repubikës së Kosovës, Sh.S. Vjosa Osmani Sadriu Lokacioni: Përballë Kuvendit të Republikës së Kosovës (Hyrja e parë, Sheshi Ibrahim Rugova)
10:00 – 11:00	Ceremonia e revistës së trupave të Togut Ceremonial të Forcës së Sigurisë së Kosovës
11:00 – 11:30	Presidentja e Republikës së Kosovës, Sh.S. Vjosa Osmani Sadriu, pret në takim ekipin e xhudistëve kampionë Lokacioni: Kabineti i Presidentes së Republikës së Kosovës, C-101
11:30 – 12:00	Presidentja e Republikës së Kosovës, Sh.S. Vjosa Osmani Sadriu, pret në takim nxënësit e Institutit ATOMI Lokacioni: Kabineti i Presidentes së Republikës së Kosovës, C-101
12:45	Presidentja e Republikës së Kosovës, Sh.S. Vjosa Osmani Sadriu, e shoqëruar nga Ministri i Shëndetësisë, z. Arben Vitia, viziton Qendrën e Vaksinimit në Prishtinë Lokacioni: Salla “1 Tetori”, Prishtinë
13:15	Presidentja e Republikës së Kosovës, Sh.S. Vjosa Osmani Sadriu, bënë homazhe te Varri i Presidentit Ibrahim Rugova Lokacioni: Varri i Presidentit Ibrahim Rugova, Velani, Prishtinë
13:30	Presidentja e Republikës së Kosovës, Sh.S. Vjosa Osmani Sadriu, vendosë buqetë me lule tek Memoriali për nder të të pagjeturve të Kosovës Lokacioni: Oborri i Kuvendit të Republikës së Kosovës (Hyrja e parë, Sheshi Ibrahim Rugova)
13:40	Presidentja e Republikës së Kosovës, Sh.S. Vjosa Osmani Sadriu, vendosë buqetë me lule tek Monumenti “Heroinat” Lokacioni: Sheshi i heroinave, Prishtinë
14:30	Presidentja e Republikës së Kosovës, Sh.S. Vjosa Osmani Sadriu, bënë homazhe në Kompleksin Memorial “Adem Jashari” Lokacioni: Prekaz, Skenderaj
17:00	Presidentja e Republikës së Kosovës, Sh.S. Vjosa Osmani Sadriu, pret në takim Komandantin e Forcës së Sigurisë së Kosovës,  gjenerallejtënant Rrahman Rama dhe gjeneralët e FSK-së Lokacioni: Kabineti i Presidentes së Republikës së Kosovës, C-101