Gazetari me përvojë dhe korrespondenti i Diellit nga Prishtina Behlul Jashari nderohet me Çmimin “Karriera” nga Unioni i Gazetarëve/
Sot, në veprimtarinë e organizuar në Prizren, me rastin e 10 vjetorit të Unioni të Gazetarëve, korrespondenti i Diellit, Behlul Jashari, u nderuar me çmimin e lartë “Karriera”. Çmimin ia ak dorëzuar Presidenti i Unionit të Gazetarëve, Aleksandër Çipa. Padyshim ky çmimi i merituar përbën një vlerësim real për gazetarin me përvojë të gjatë në gazetarinë shqiptare , i cili ka gjurmët e veta në shtypin e Shqipërisë (Përmes ATSH-së), në atë të Kosovës, por edhe në Diasporë përmes Diellit.
Çmimet u ndanë sot në sallën e Konferencave të Hotel Theranda në Prizren, Çmimet vjetore ishin: “Karriera”, “Gazetari i Vitit”, Dy “Çmimi Special”. Po aty u bë edhe nënshkrim i memorandumit të bashkëpunimit me Unionin e Gazetarëve të Preshevës. Pas veprimtarisë u shtrua një drekë e mundësuar nga JTI.
Urimet më të mira për gazetarin Behlul Jashari dhe të gjithë gazetarëve të tjerë që u nderuan me çmime!
Editori i DIELLIT
Dalip Greca
Në Foto:Presidenti i Unionit të Gazetarëve, Aleksander Çipa(majtas) duke i dorëzuar Çmimin”Karriera” gazetarit Behlul Jashari