Dega e Vatres – Page 3 – Dielli

600 VETE NE FESTEN E VATRES DHE KOMUNITETI NE CLEARWATER, FLORIDA

November 30, 2016 by dgreca

–DEGA E VATRES NE TAMPA MBLODHI ME SHUME SE 600 PJESMARRES NE CLEARWATER/ *Feste e madhe e Komunitetit Shqiptar ne Tampa Bay per 104- vjetorin e Pavaresise/

* Ambasadorja shqiptare ne Washington nuk iu pergjigj Fteses e Vatres/

Ne Foto:Kryetari i deges se Vatres, z. Tasim Ruko, duke pershendetur 600 pjesmarresit ne manifetsimin e Dites se Flamurit/

NGA FADIL SHEHU/ FLORIDA/

Me se 600 shqiptare te zones se Tampa Bay ne shtetit te Floridas festuan me nje pjesemarrje massive si asnjehere tjeter ne Clearwater.Buzembremja e se premtes per shqiptaret te ardhur nga qytetet Tampa, Saint Petersburg,Largo,Sarasota,Pinellas Park ,New Port Richey dhe Clearwater kishte dicka te bukur dhe te vecante.

Pike takimet e tyre perbenin nje fakt mjafte sinjifikativ,nje motiv te perbashket , festohej 104 vjetori I shpalljes se pavaresise se Shqiperise. Erdhen ketu ne Clearwater,te veshur si ne nje dasem gjigande,ku padyshim te ftuar ishin njerez nga te gjitha moshat.Ishte kjo foleze ,ku me shume se 600 bashkeathetare do te perjetonin,preknin nga afer , flamujt shqiptare,kenget e vallet shqipe,pra do te shpalosej me gjithe madheshtine e saj, vete mrekullia shqiptare.

Jane shqiptare te ankoruar ketu 30- 40 vite me pare ne shtetin e Foridas, te tjere te ardhur disa vite me pare.E perbashketa e tyre qendron ne faktin e festimit te dites se 28 Nentorit,e cila kete here i ka gjetur shqiptaret me te bashkuar prane njeri tjetrit. Nuk ka rendesi se ciles fe ,krahine apo qyteti e fshati i perkasin, nuk ka rendesi se jane nga Shqiperia, Kosova ,Maqedonia apo Mali i Zi. Ajo qe te emocionon,te mbush me shume krenari, eshte fakti se te gjithe jane shqiptare.Ka mes tyre te ardhur dekada me pare,te aratisur te detyruar nga regjimi i atehershem ,duke mbajtur mbi supe prej vitesh etiketimin, famile balliste apo kulake,dhe mjafte te tjere te ardhur me llotari apo vize Amerikane. Nen ekzekutimin e hymnit tone kombetare,te shoqeruar me zerin e fuqishem te mbi 600 Shqipeve,te pranishem,celet sipari i spektaklit te festes se madhe. Padyshim qe kete here reportazhi do te marre me shume permasa, me shume hapesire ne faqet e gazetes sone “Dielli” nen perkushtimin e drejtuesit te saj. Dalip Greca,me nje numur faqesh te konsiderueshem prej 100 faqe. Ne fjalen pershendetese ,Kryetari i deges Vatra Tasim Ruko, do te pershendeste te gjithe te pranishmit ne kete dasem te madhe,do te falenderonte te gjithe ata qe u perkushtuan dhe kontribuan, qe vatranet te organizonin sa me bukur festen e flamurit. Padyshim qe nuk mund te organizohej perkushtimin dhe pranine e te zoterve te shtepise Isuf Spahiaj, Zamira Rubjeka, Jason Sulisufaj, Greta Monty, Arian Kushta, Piro Poloska, Endri Filipi, Luli Nurka, Mario Mihaj dhe grupi rinor Ari Abdi, Klarenc Novaku , Klevi Bejo e te tjereve, te cilet benin cmos qe te ardhurve te mos u mungonte as “maja e gjilperes”.

Padyshim qe kete feste do e pershendesnin femijet e shkolles Shqipe “Vatra”. Edhe pse shkolla ishte hapur ne shtator te ketij viti, femijet me deshie mesuan vargjet dhe kenget ne nje kohe shume te shkurter. Si cicerima te bukura zogjsh te shoqeruar nga te gjithe te ftuarit, nxenesit e kesaj shkolle te hapur nga vatranet e Floridas, te drejtuar nga mesuesja e palodhur Yllka Bejo,kenduan kenge per flamurin dhe memedheun. Femijet mesuan vargjet ne nje kohe shume te shkurter

Me pas nen duartrokitjet e mireseardhjes te bilbili te jugut, kengetari Ylli Baka me zerin e tij te fuqishem do te kendonte kenget popullore me motive te jugut. Publiku kendon si nje ansambel gjigante, ku kenga shqiptare si katarakt i fuqishem, ngre peshe te gjithe te pranishmit. Mbremja nuk ka protokoll se si duhet te organizohet ,te gjithe cojne ne skenen e valles dhe kenges shqiptare zemren e tyre. Vallet padyshim cojne te gjithe ne skenen e pushtuar nga motivet shqiptare. Ku ka me bukur, kur syri te ze permetarin, tropojanin, prishtinasin ,tetovarin, ulqinakun, tiranasin, fierakun, myzeqarin. labin, e malesorin ,te gjithe te zene prej dore ne ekzekutimet e valleve brilante te valles shqipe.

Eshte vertete bukur qe kur shikon te rijnte e te rejat teksa kane marre me “tapi” krejt hapesiren e skenes,si ne nje festival folklorik te vertete. Kercejne e levizin si valltare te talentuar festivalesh.Atmosfera e ndezur e gezuar e kesaj nate dhuron gjithcka te bukur ,krenare per dashurine dhe malli qe te zgjon mjegull loti, teksa interpretohet kenga shqiptare. Midis te ftuarve te terheq vemendjen prania e nje zonje, qe dhuronte buzeqeshje dhe falenderime, e cila merte urime me rastin e marrjes se medaljes te shoqates kulturore atdhetare “Motrat Qiriazi” dhene nga Samiti i Diaspores, i para pak diteve,i cili grumbulloi per here te pare ne historine e Shqiperise, shqiptare nga me se 40 vende. Quhet Dr. Anna Kohen kryetare e kesaj shoqate tregon se eshte hera e dyte qe ajo vjen ne keto evenimente historike ne degen ne Vatra Tampa. Ndonese jeton ne qytetin e Sarasotes ajo sfidon moshen e saj. ka mes 25 vjet qe njihet si gruaja e hekurt e ceshtjes shqiptare ne Nju Jork dhe Florida. Motivet shqiptare shfaqen bindshem dhe fuqishem kur kengetarja e madhe e kenges popullore, muzikes se lehte dhe asaj moderne, Irma Libohova,nen shoqerimin e duartrokitjeve do te behej personazhi i kesaj feste. Madheshtia e kenges shqiptare, e bukur, e hershme sa vete historia e shqiperise, do te ekzekutohesh mrekullisht nga zeri brilant i saj, Serish Ylli Baka ne duet me Irmen ,te cilet njihen te sukseshem ne kenget e tyre, ku dhe ketu ne Amerike, atyre nuk u mungojne fansat e shumte.Gjerdani i kengeve te tyre, behet me i fuqishem kur ate e perforcojne te ftuarit e kesaj feste, nuk eshte e lehte te qemtosh dhe percaktosh personat me te cilet kerkon te komunikosh, ti vecosh nga te tjeret. Asnje prej tyre nuk percaktohet se eshte dikush, te gjithe kane emertimin e bukur, dasmore ne kete dasem te madhe shqiptare. Tingujt shqiptare,kenga madhore “Shqiperi o nena ime”,”Rreth flamurit te perbashkuar” … ku gjerdani i tyre do jete i pranishem gjate 6 oreve te ketij koncerti festiv. Ku muzika shqiptare vjen e permalluar ne kete vend te larget, ku kenga vlonjate,tiranase, tropojane gjirokastrite,prizerenase, ulqinake,korcare ,beratase…. Madheshtia e kenges shqiptare “can” muret e nderteses,duke bere qe kalimtaret e kesaj nate, te ndalin paksa hapin dhe te shijojne mrekulline shqiptare. Jane gati 65 tavolina te rrethuar nga lule shumengjyreshe, flamuj dhe tullumbace kuq e zi, vendet ku ndizet biseda, vendet ku njihen me nga afer vete shqiptaret .Ketu pothuajse te gjithe kane ardhur familjarisht. Nga belbezimi i foshnjave, femijeve deri tek te moshuarit 70 dhe 80 vjecare. Te gjithe jane dashuruar me kengen ,vallen, atmosferen e ndezur festive.Ne nje tavoline takohemi me Aliko Hila nga Fieri,Myzafer Muka dhe Arber Novaku nga Pogradeci, Ferdinand Gjyli nga Vlora,Thimaqi Poloska dhe Mirela Armata nga Korca ,ne nje tjeter tavoline poeti Luan Kalana nga devolli,Arben Jakupi nga fshati Burim i Pejes, Drita Vocaj nga Shkodra, Burbuqe Elezi nga Elbasani, Bert Aga nga Tirana ….ketu kane zbritur gjithe shqiptaret,gjithe trojet e vendet nga ata vijne….nga gjithe shqiperia. Gezohemi qe kete feste historike e festojme se bashku mes gezimit dhe harese te shokeve e miqve tane te hershem dhe te rinj,na thone ne tavolinen 57.Ndoshta atmosfera ne “barkun’ gjigant te nderteses eshte ndezur dhe dollite e urimet pasojne njera tjetren, bene qe kjo nate te jete ndryshe me shkelqimin ne syte e te gjitheve, me me shume dielll ne zemer.Mesnata ja le vendin trokitjeve te mengjesit ,ora ka kaluar dy e mengjesit dhe serish kengetaret Irma Libohova,Ylli baka,Klarineta mbire ne buzet e Nokes se Beratit, sfidojne lodhjen. Mysafiret dhe kengetaret, krijojne ansambel gjigant te papaerseritshem nga madhesia dhe vlerat e artit shqiptar,te cilat u shpalosen mrekullisht ne kete sofer kenge dhe valleve te shqipes. Mjafte njerez, shkembejne adresa dhe numur telefoni me njeri tjetrin. Organizimi madheshtor i koncertit dhe pjesemarrja kaq massive , vertet na befasoi , thone Zj. Florisiana dhe Ermal Metollari nga Vatra Orlando, ben qe te jemi serish te pranishem ne evenimente shqiptaresh. Pas ores dy, deri ne tre, dasmoret e viseve shqiptare qe sollen motivet e kengeve dhe valleve te trevave te tyre shpalosur bukur ne kete mbremje festive,largohen me motive mbreselenese duke falenderuar nga zemra organizatoret e Vatra Tampa per kete nate te paharrueshme.

DIELLI:Ambasadorja shqiptare ne Washington nuk iu pergjigj Fteses e Vatres, ajo shkoi nje organizim tjeter.

DEGA E VATRËS NË QUEENS-NY PËR KUJTON FAIK KONICËN

June 26, 2016 by dgreca

Queens, New York, 25 Qershor- Të Shtunën me 25 Qershor 2015, në mbrëmje, u mblodh dega e Vatrës në Queens-Nju Jork, nën drejtimin e kryetarit të saj Dr. Skënder Murtezani. I pranishëm ishte edhe Kryetari i Federatës Panshqiptare të Amerikës”VATRA” Dr. Gjon Buçaj dhe editori i Diellit Dalip Greca. Takimi u organizua në kuadër të Vitit të Faik Konicës, shpallë nga Vatra. Dega e Queensit ishte e para që nisi veprimtaritë që do të kulmojnë në nëntor të këtij viti.

Fillimisht Kryetari i Federatës “Vatra” dr. Gjon Buçaj informoi edhe një herë anëtarësinë e kësaj dege pse Vatra vendosi që këtë vit t’ia kushtojë njërit prej themelusëve të Vatrës, publicistit,shkrimtarit, studuesit, ustait të Gjuhës shqipe, zbulueist të Flamurit Kombëtar, diplomatit Faik Konicës. Dr. Buçaj informoi për mbështetjen që i po i jep Vatra studiuesit Fotaq Andrea për botimin e studimit të tij dhe sjelljen në shqip të dy romaneve të Faik Konicës “Martesa e Lejlës” dhe “Sotiri e Mitka” botuar me pseudonimin Jean de Kroïa (Gjoni i Krujës).Kryetari Buçaj informoi edhe për fushatën që nisi fillimisht në Uster-MA, nga Thanas Gjika me mbështetjen e grupit “Djemtë e Shën Mërisë” dhe priftit atdhetar Franklin Zdruli në Kishën Orthodokse “FJETJA E SHEN MARISE”. Më pas dr. Buçaj shpalosi qëndrimet e Vatrës për çështjet Kombëtare dhe historinë e saj. Në përgjigje të pyetjes se pse duhet anëtarësuar në Vatër dhe pse duhet ta mbështesim Vatrën, ai tha se mbajtja gjallë e Vatrës është detyrë kombëtare dhe obligim për çfarë kanë bërë vatranët për Kombin. Për 104 vjetë Vatra e Shqiptarëve e të Amerikës ka laujtë rol historik. Dr. Buçaj sqaroi se në Vatër askush nuk duhet të mendojë se vjen për të fituar, jo në Vatër vihet për të dhënë për çështjen Kombëtare. Përfitimi është në aspektin shpirtëror, moral, kush e ndjenë në shpirt se duhet të kontribojë për ta mbajtë gjallë këtë Insititucion Kombëtar që na lanë themeluesit dhe ata që e mbajtën gjallë Vatrën për më shumë se 100 vjet, është i mirëpritur. Kemi hyrë në Shekullin e dytë të jetës së Vatrës, kështu që brezi i tanishëm është përballë provës së historisë për ta çuar përpara Vatrën suksesshëm drejt shekullit tjetër duke ia deleguar kontributin brezit tjetër. Ne që drejtojmë Vatrën, tha dr. Buçaj, nuk jemi të përjetshëm si individë, as në qendër as edhe tek degët. Kuvendin e ardhshëm na takon që të zgjedhim një kryetar tjetër, kjo nuk do të thotë që detyra jonë si drejtues mbaron në këtë Kuvend, jo kontributi vazhdon. Kështu edhe ju me kryetarin tuaj, i cili bënë gjithë ato sakrifica për ta mbajtë gjallë veprimtarinë e degës me gjithë punët e shumta që ka në dy klinika si mjek. Ju duhet që t’i jepni më shumë mbështetje. Por jam i bindur , tha dr. Buçaj se edhe nesër kur të mos jetë kryetar i degës dr. Murtezani do ta vazhdojë aktivitetin në Vatër sepse ai është patriot i përkushtuar.Kjo natyrisht që vlen edhe për degët e tjera; kryetarët duhet t’i drejtojnë degët me frymën vatrane,kolektivisht,si kryesi dege, duke menduar për të ardhmen dhe vazhdimësinë e aktiviteteve, edhe kur ata të mos jenë më kryetarë.

Kryetari Buçaj i falenderoi pjesmarrësit që kishin lënë punët e tyre apo obligimet familjare për të ardhur në këtë takim vatranësh.

Kryetari i degës dr. Murtezani falenderoi Kryetarin e Vatrës dr. Buçajn për informacionin që përcolli dhe e njohu me veprimtaritë e degës së Queensit, e cila frymëm dhe aktivitetin Kombëtar, i ka jetike. Ai përmendi veprimtaritë kryesore që ka organizuar dega e Vatrës në mbështetje edhe të veprimtarive të qendrës.

Më pas dr. Murtezani ekspozoi para pjesmarrsëve jetën dhe veprimtaritë kulmore të Faik Konicës, momentete kryesore jetësore, veprimtarinë publicistike, politike, diplomatike, filozofike dhe kontributi si usta i gjuhës shqipe. Në ekran shfaqeshin thënie të Konicës për Shqipërinë dhe shqiptarët, pjesë nga artikujt e tij, veprat e shkruara, të botuara a të mbetura dorëshkrim etj. Më me detaje u pasqyrua kontributi i Konicës si bashkëthemelues i Vatrës, si botues i Gazetës”Albania”, i Trumpetës së Krujës, dhe Kryeredaktor i Gazetës Dielli. Po ashtu ishte përgatitur një ekstrat i shkurtër në gjuhën angleze për historikun e Vatrës.

Thënie të Faik Konicës të gati para një shekulli mbeten aktuale edhe sot si: “Në qoftë se e papritura ngjet, në qoftë se Shqipëria – fjalë fatale – vdes, ahere munt pa çpifje të shkruajmë këto fjalë në gur të varrit të saj: “U-ngjall nga idealistët, U- ruajt nga rastet, U-vra nga politikanët”.- Dielli, 1923.

Takimi u mbyll me emocionet që krijoi poezia e shkruar dhe recituar nga Naim Syla, që i përloti pjesmarrësit.

Si gjithëmon në raste takimesh të degës dr. Murtezani kishte përgatitë një kokteil të thjeshtë për pjesmarrësit.(Korresp. i Diellit)

DEGA E VATRES NË QUEENS: ESHTRAT E IMZOT NOLIT TË RIVARROSEN NË TIRANË

November 15, 2015 by dgreca

Ati i Kishës Autoqefale Ortodokse të Shqipërisë, Ati i Vatrës, Imzot Noli, nuk i përket vetëm Shqiptarëve të Amerikës, por të gjithë kombit Shqiptar/
Të Martën në mbrëmje, me 10 Nëntor 2015, Dega e Federatës Panshqiptare të Amerikës VATRA në Queens, New York, u mblodh në takimin e radhës. Të pranishmit i ka përshëndetë kryetari i kësaj dege Dr.Skender Murtezani,i cili propozoi, që takimi t’i kushtohej figurës së Imzot Nolit, Atit të Kishës Ortodkose Atutoqefale Shqiptare, Atit të VATRËS, i cili 50 vite të shkuara u nda nga Jeta toksore, në Florida dhe u varros në Boston, SHBA.
Federata Panshqiptare e Amerikës “Vatra” gjithmone e ka luajtur rolin udheheqes ne parandalimin apo shkaterrimin e vlerave kulturore kombetare dhe si pikë referimi ka pasë kolosët e saj Nolin dhe Konicën. Nje nga vlerat e cmuara, qe eshte vertet per t’u admiruar, për të cilën na respekton e gjithe bota, eshte ruajtja shekullore e harmonise fetare. Dhe merita i takon përvec të tjerëve edhe Imzot Nolit që e mbolli herët farën e harmonisë dhe vëllazërisë fetare.
Ne kete vit perkujtimor te 50 vjetorit te vdekjes se Atit tone, vatranet e kujtojne, e vlerësojnë, e cmojnë dhe nuk do te lejojne te anashkalohet rendesia e pa kontestueshme qe ka At Fan Stiljan Noli. Federata Vatra organizoi në Nju Jork, në ditëvdekjen e Atit të Kishës Orthodokse Autoqefale Shqiptare, Imzot Nolit, një akademi përkujtimore më 13 Mars 2015.Dega e Vatrës në Queens, e përfaqësuar në atë veprimtari, sot propozon që rivarrimi i Nolit në Shqiperi, është jo vetëm në të mirë të simbolikës së bashkëjetesës, por dhe i domosdoshëm, si vlerësim për personalitetin e tij. Kthimi pasvdekjes i Nolit në Shqipëri do te gezojë jo vetem vatranët, por te gjithe Ortodoksit shqiptare kudo qe jane si dhe të gjithe shqipfolsit ane e kend botes.
Noli eshte Jezusi i vertet i ruajtjes se balances fetare edhe ne mileniumet e se ardhmes. At Noli, ky korife i Kishës dhe i Kombit, i Kulturës dhe inteligjencies, eshte zemra e sodit dhe kauza e tij kurr nuk do te thyhet nga asnjë shqipfoles apo shërbëtor i cfardo ngjyre.
Ne, vatranët e degës së Queens-it propozojme që : Eshtrat e At Nolit te prehen ne vendin qe ai e deshi dhe për të cilin punoi aq shume. Ai, qe me aq mundim krijoi Kishen Autoqefale Shqiptare, dhe meshen e mbajti ne gjuhen e nenes, per ta kuptuar te gjithe shqiptaret, e meriton që të prehet në tokën e Mëmdheut. Ai ishte jo vetëm krijuesi dhe udhëheqësi i Kishës, por edhe Kryeministër i Shqipërisë, ishte kryediplomati që coi Shqipërinë në Lidhjen e Kombeve.
Ne falenderojmë edhe Bibliotekën Fan S. Noli pranë Kryekishës së Shën Gjergjit që e përkujton me 22 Nëntor Hirësinë e Tij me Simpozium Shkencor dhe Vperimtari Kishtare, por do të donim që edhe Kisha e Nolit, të rreshtohet krahas Vatrës në këtë nismë për kthimin e Nolit në Shqipëri. Imzot Noli nuk i përket vetëm Shqiptarëve të Amerikës, por të gjithë kombit Shqiptar. Ne mendojmë se sot, eshte momenti historik i kthimit të Nolit në Atdhe sepse ishte ai që e bëri Kishën Ortodokse Shqiptare të fliste Shqip. Fatkeqsisht sot, Kisha Shqiptare Autoqefale e Nolit flet greqisht dhe jo shqip. Kur kreu i kësaj Kishe, sot e kryen Meshën në gjuhen greke, si mund të flasim për Autoqefali të kësaj Kishe? Nëse Noli do të ishte gjallë ai do të kthehej atje për të rikthyer gjuhën shqipe në Kishë.
Te gjithe anëtaret e degës së Vatrës të Queens-it, të pranishëm në takim, e miratuan propozimin duke shtuar se rivarrimi te behet ne oborrin e Kishes Ortodokse ne qender te Tiranes, për të mbrojtë me praninë e tij, të pasvdekjes, Autoqefalinë e rrezikuar.
I kerkojme Kryesise se Vatres në NY si edhe Kishes Ortodokse Shqiptare ne SHBA, i kërkojmë At Liolinit, që te bashkohen me propozimin tone dhe të nisim procedurat me Shtetin Amerikan dhe atë shqiptar par ta riatdhesuar Nolin.
Me shprese te aprovimit te kerkeses tone per rivarrimin e eshtrave te At Nolit nga Bostoni ne Tirane i drejtohemi :
Kryesise se Federates Panshqiptare te Amerikes” Vatra’ me seli në Nju Jork, Kishes Ortodokse Shqiptare ne Boston dhe Qeverisë shqiptare.

Shenim: Kryesia e Federatës Vatra e mori në shqyrtim kërkesën e degës së Vatrës Queens mbrëmjen e datës 12 Nëntor. Me propozimin e editorit u vendos që të publikohet, ndërkohë që Kryesia është duke studiuar rrethanat , do të bisedojë me palët e interesuara, dhe do të konsultohet për procedurat ligjore.

Vatra Dega Queens
Kryetar
Dr Skender Murtezani
Ne Foto: Pamje nga takimi i deges se Vatres Queens me 10 Nëntor 2015

DEGA E VATRES DHE KOMUNITETI SHQIPTAR NE WASHINGTON ORGANIZOJNË FESTËN E FLAMURIT

October 22, 2015 by dgreca

Komuniteti Shqiptar në Washington vazhdon traditën e krijuar në organizimin e veprimtarisë festive me rastin e Ditës së Flamurit. Akademia Shqiptaro-Amerikane(ASHA), Dega e Organizatës Kombëtare Shqiptaro-Amerikane në DC(AANO DC),Grupi i Profesionistëve Shqiptar në DC(APDC), Dega e Vatrës si dhe aktivistët të zonës kanë kënaqësiën të ftojnë komunitetin shqiptar, të gjithë bashkatdhetarët që kanë dëshirë ta përjetojnë këtë festë Kombëtare së bashku.
Do të nderojën me pjesmarrjen e tyre Ambasadorët e Republikës së Shqipërisë dhe Republikës së Kosovës.
Festa organizohet me 22 nëntor 2015, nga ora 12.00- 5 PM.
Adresa: Double Tree Bethesda
8120 Wisconsin Ave
Bethesda, MD 20 814
Tel: 301 652-2000

Ambasadorja e Shqiperise ne Washington takohet me nje perfaqesi te komunitetit

July 16, 2015 by dgreca

*Diaspora në SHBA së shpejti me platformë konkrete me mbështetjen e një grupi të Harvardit dhe IOM-it/
*Ne takim ishte pjesmarrese edhe Kryetarja e Deges se Vatres ne Washington D.C, perfaqesuese e Federates VATRA ne Washington, zonja Merita B McCormack./
Ambasadorja e Shqipërisë në Uashington, Floreta Faber, priti në takim përfaqësuesit e shoqatave të diasporës shqiptare që operojnë nën ombrellën e Grupit të diasporës shqiptare të Uashington DC.
Gjatë takimit, bashkëbiseduesit ndanë ide mbi mundësitë e rritjes së bashkëpunimit mes Ambasadës së Republikës së Shqipërisë në SHBA dhe shqiptarëve që jetojnë këtu nëpërmjet ndërveprimit në fusha si arsimi, kultura, etj.
Përfaqësuesit e diasporës u shprehën besimplotë se takimet që po zhvillon në Shqipëri grupi studimor i Harvardit, i cili ka marrë përsipër hartimin e një platforme për diasporën, do të ndihmojnë në konsolidimin e punës së diasporës në SHBA, e veçanërisht në Uashington DC.
Ne takim ishte pjesmarrese edhe Kryetarja e Deges se Vatres ne Washington D.C, perfaqesuese e Federates VATRA ne Washington, zonja Merita B McCormack.
Pas hartimit të platformës me ndihmën e projektit të Harvardit dhe IOM-it përfaqësuesit e diasporës u shprehën të gatshëm të kontribuojnë me ide dhe propozime konkrete për kanalizimin e punës së diasporës dhe Ambasadës, me qëllim rritjen e pranisë së shtetit shqiptar në jetët e pjesëtarëve të komunietit shqiptar në SHBA.
Nga ana e saj, Ambasadorja Faber i siguroi përfaqësuesit e diasporës shqiptare mbi vullnetin dhe dëshirën e Ambasadës për të qenë pranë komunitetit me projekte dhe veprimtari të ndryshme ku përfaqësuesit e komunitet shqiptar marrin pjesë aktivisht.