Ne Foto:Donald Tusk gjatë fjalimit të tij të sotëm në Strasburg/Presidenti i Bashkimit Evropian, Donald Tusk, tha sot se ka përpjekje për “destabilizim të Ballkanit” dhe për këtë arsye liderët e Bashkimit Evropian i japin mbështetje “perspektivës evropiane” të Ballkanit Perëndimor.Duke folur sot në Parlamentin Evropian në Strasburg, zoti Tusk tha se për këtë rajon kanë diskutuar liderët e BE-së.“Ne diskutuam për situatën e tensionuar në Ballkanin Perëndimor. Eshte e qartë te të gjithë, se forcat brenda dhe jashtë po punojnë fuqishëm për destabilizim të rajonit. Për këtë arsye, liderët e kanë riafirmuar mbështetjen e tyre të qartë për Ballkanin Perëndimor dhe perspektivën e tij evropiane”, tha Donald Tusk.Mëtutje ai është shprehur se ka “përkushtim të plotë për mbështetje të reformave të orientuara evropiane dhe për projektet që po vazhdojnë”.Sipas tij, “Bashkimi Evropian i mbetet besnik premtimit të Samitit të Selanikut dhe përkushtimit të plotë për stabilitetin dhe prosperitetin e rajonit”.Në samitin e Selanikut në vitin 2003 ishte shprehur mbështetje që një ditë të gjitha vendet e Ballkanit perëndimor të anëtarësohen në BE.