dritan Mishto – Page 2 – Dielli

VATRA, TELEGRAM TETOVAREVE PER 50 VJETORIN E DEMONSTRATAVE

December 22, 2018 by dgreca

Kryetari i Federates VATRA z. Dritan Mishto the Kryetar i Deges se Vatres ne Queens-NY, anetar i Kryesise se Federates DR. Skender Murtezani dërgojnë telegram urimi me rastin e Seminarit përkujtimor për 50 vjetorin e demostratave të studentëve, mësuesve, intelektualëve dhe tërë shqiptarëve në Maqedoni./

Të nderuara Zonja dhe Zotërinj!

I nderuar Shkëlqesi ProRektor!

Të nderuar pjesëmarrës, studentë, mësues, pedagogë dhe intelektualë!

Të nderuar përfaqësues të partive politike dhe organizatave të komunitetit!

Të dashur bashkëkombas!

Na lejoni që në emër të Federatës Panshqiptare të Amerikës VATRA, të të gjithë vatranëve dhe diasporës shqiptaro-amerikane t’Ju përshëndesim nga zemra me shumë dashuri për mbajtjen e Seminarit përkujtimor për 50 vjetorin e demostratave të studentëve, mësuesve, intelektualëve dhe tërë shqiptarëve në Maqedoni.

Kjo demostratë ishte shprehja më e pastër e shqiptarëve për më shumë liri dhe të drejta, për më shumë arsimim në gjuhën amtare, më shumë hapësirë dhe mbi të gjitha pranimin e pakushtëzuar të faktorit shqiptar.

Në seminarin tuaj, ju do të flisni nga ana shkencore dhe historike për gjenezën, zhvillimin, rrjedhën e kësaj ngjarjeje të madhe të shekullit të kaluar për shqiptarizmën, e sigurisht edhe për rezultatet dhe frymën e saj sot. Ndaj, në këtë urim të shkurtër, Ju urojmë suksese dhe jemi të bindur për mbarëvajtjen dhe suksesin e plotë të punimeve të këtij aktiviteti.

Ne ju falenderojmë nga zemra që Ju me punën tuaj bëni cfarë është e mundur t’i transmetoni brezave të rinj përpjekjet e vështira të të parëve për më shumë liri dhe të drejta. E vërteta është, se ndonëse me shumë vështirësi dhe sfida, shqiptarët në Maqedoni po rriten dita ditës si një forcë e madhe stabiliteti, ndaj cdo përpjekje në këtë drejtim do të ketë mbështetjen e plotë të Federatës Vatra dhe mbarë diasporës shqiptaro – amerikane.

Rritja e frymës proamerikane dhe dashuria për Shtete e Bashkuara të Amerikës kanë qenë dhe do të jenë e vetmja rrugë shpëtimi për të ardhmen e sigurtë të shqiptarëve në Ballkan, prandaj Federata Vatra së bashku me të gjithë Ju do të shtojë bashkëpunimin në këtë drejtim.

Ne jemi të bindur se vetëm të bashkuar, me respekt dhe besim të plotë ndaj njëri-tjetrit do të ecim përpara në përmbushjen e objektivave tona kombëtare.

Sinqerisht

Dritan Mishto

Kryetar

Dr. Skënder Murtezani

Anëtar i Kryesisë

NË NJU JORK U FESTUA KRIJIMI I USHTRISË SË KOSOVËS

December 17, 2018 by dgreca

BATALIONI ATLANTIKU DHE KOMUNITETI SHQIPTAR NË NJU JORK FESTUAN KRIJIMIN E USHTRISË SË KOSOVËS/

1 a salle me Mexhuan 1 Velelzerit Bytyci 1 Bruno 1 Gjonleka 1 salle me Mark 1 vera 1 a Tropoja

– DRITAN MISHTO: Kryetari i Federatës Panshqiptare të Amerikës “Vatra” : Liria e Kosoves u fitua bashkarisht dhe sfidat e paqes do t’i kalojme bashkarisht.

1 Dritan Mishto1 1 adem drit Marko 1 Marko

YONKERS-14 DHJETOR 2018- Të premten në mbrëmje, 14 Dhjetor 2018, në Royal Regency Hotel në Yonkers-NY, u organizua, nën përkujdesjen e Batalionit” Atlantiku”, veprimtaria kushtuar themelimit ligjor të Ushtrisë së Republikës së Kosovës. Drejtues i veprimtarisë ishte Shefki Mexhuani. Përveç organizatorëve morën pjesë edhe Këshilltari i Bashkisë së Nju Jork-ut Mark Gjonaj, Kryetari i Federatës Panshqiptare të Amerikës Dritan Mishto, presidenti i Rrënjëve Shqiptare Marko Kepi, biznemesmeni dhe donator i Luftës, Bruno Selimaj, ish gazetari i Zërit të Amerikës Gjekë Gjonlekaj e të tjerë.

E përshëndetën themelimin e ushtrisë së Kosovës: Kolonel Gani Shehu, Ahmet Krasniqi- babai i tre deshmoreve-vëllezërve Bytyçi:( Ylli, Agroni dhe Mehmet,) Gjeke Gjonlekaj, ish luftëtar i Batalionit Atlantiku, publicisti Uk Lushi, Arben Krasniqi,ish ushtaraku Mark Qehaja,Qerim Gjocaj, dhe shume ish pjestarë të batalionit, që sollën kujtimet e tyre dhe uruan Kosovën për këtë ditë të madhe të krijimit të ushtrisë.Po ashtu përshëndeti Këshilltari Mark Gjonaj, Marko Kepi e të tjerë.

Edhe Kryetari i Federatës Panshqiptare të Amerikës “Vatra” festoi së bashku me Batalionin Atlantiku, krijimin e Ushtrisë së Kosovës. Në urimin e tij publik gjatë veprimtarisë, ndër të tjera ai tha:

Jam sot këtu për të shprehur në emër të Vatrës dhe vatranëve gëzimin e papërshkruar për themelimin e Ushtrisë Së Kosovës, Gëzuar!

Nga sot Kosova u nis në rrugën që së shpejti të jetë pjesë e operacioneve, ku së bashku me SHBA të kontribuojë për paqen e sigurinë kudo që lypet.

Festimi i kësaj dite me ju, djemtë trima te Batalionit Atlantiku, ka një domethënie të veçantë.

Nuk mund të gjesh një rast analog në diasporat e tjera, kur të rinj të lindur e rritur larg vendit të prindërve të tyre, biles që as nuk e kishin vizituar asnjëherë atë vend, siç ndodhi me djemtë shqiptaro amerikanë të Atlantikut , të marrin armët dhe të shkojnë të luftojnë për lirinë e Kosovës.

Këta djem folën atëherë kur duhej folur me armë dhe trimëri dhe duhet t’u themi: Ju jemi mirënjohës dhe Bravo Ju qoftë!

Federata Panshqiptare e Amerikës Vatra siç shihet dita ditës do të jetë në bashkëpunim të plotë me të gjitha organizatat e komunitetit duke vlerësuar punën e gjithësecilit. Ndaj jam sot këtu, të bashkojmë duart më fort për punët e mira që do kemi përpara.

Liria e Kosovës u fitua bashkarisht dhe sfidat e paqes do t’i kalojmë bashkarisht.

Gëzuar Ushtrinë Kosovë!

Zoti bekoftë SHBA!

Ju faleminderit!

Korresp I Diellit

Shenim: Per detaje te veprimtarise ju rekomandojme te ndiqni Televizionin Kultura Shqiptare ne pakten e ALB TV(Kanali 26) si dhe ne Bronx net(Kanali 69)

VATRA: PROTESTA E STUDENTËVE, RINGJALLJE E SHPRESËS PËR NDRYSHIM

December 11, 2018 by dgreca

-Kryetari i Vatrës z. Dritan Mishto dhe Presidenti i Rrënjëve Shqiptare z. Marko Kepi, pritën në Vatër Presidenten e rrjetit rinor të USAID, Juela Hamati-/

Të Hënën, 10 dhjetor 2018, Kryetari i Federatës Panshqiptare të Amerikës VATRA z. Dritan Mishto së bashku me presidentin e Rrënjëve Shqiptare z. Marko pritën presidenten e sapozgjedhur të rrjetit rinor të USAID, Juela Hamati, të cilën e uruan për detyrën e re.

Gjatë takimit biseda u përqëndrua tek protestat e studentëve në Tiranë. Kryetari i Vatrës deklaroi se: Federata Panshqiptare e Amerikës VATRA, po i ndjek me vëmendje protestat dhe i mbështet plotësisht ato. Vatra, tha kryetari Mishto, përshëndet protestat studentore të Dhjetorit 2018 dhe i vlerëson ato si një ringirtije shpritërore të revoltës për një Shqipëri më të mirë, për ringjalljen e shpresës tek të rinjtë dhe luftës kundër mendësive totalitare në udhëheqësinë e vendit.

Pritet që Federata Panshqiptare e Amerikës VATRA dhe “Rrënjët Shqiptare” të dalin me një deklaratë të përbashkët në përkrahje të Protestave të studentëve!

Mysafirja falenderoi për pritjen e ngrohtë. Ajo shkroi në librin e vizitorëve:”Faleminderit që mbani gjallë historinë, traditat dhe kulturën tonë Kombëtare këtu në Amerikë. Gjysmën e zemrës e kemi tek Ju dhe kudo ku ka shqiptarë!

I AM ALBANIAN THEREFORE I AM VATRAN- I AM VATRAN THEREFORE I AM ALBANIAN

December 6, 2018 by dgreca

The address of Dritan Mishto, Chairman of the Pan-Albanian Federation of America VATRA at the celebration of 106^th anniversary of Albania’s Independence/

On behalf of the Federation I have the highest honor of wishing you all Happy Flag Day,

Long live our independence!

Today we are witnesses of the ongoing tradition of our Federation’s celebration of Flag Day for 106 years. The community has grown with Albanians coming from all the lands and we are delighted that this day is observed everywhere. Yet nowhere is the celebration more emotional than here at the beloved Vatra (Hearth). Therefore, I thank you from the bottom of my heart and express my deepest gratitude that you have gathered here to honor the flag and the Federation Vatra.

My enjoyment is doubled since in accordance with a 106 year old tradition, the clergy are here. I wish to respectfully acknowledge the presence of Dom Pjeter Popaj, Imam Edin Gjoni and Father Hieromonk Nikodhim who have continuously been with us to foster and safeguard our religious harmony, as their predecessors have done before them.

Gathered ever closer with each other just as we are at this dinner, we demonstrate the strength and progress of Vatra, as the best of the nation’s honor and a powerful moral authority in the Albanian world. Vatra will stand against all those who are mercilessly inflicting corruption, cannabis epidemic, poverty, hopelessness for the future, the massive youth exodus and worse of all, the reversal of the country into the communist era symbols and its mindset. Therefore, just as in the old days when Vatra led the efforts to find solutions for the Albanians issues, so at the present time, we have the same resolve and stand united in order to deal a blow to anyone who tries to take advantage of the country and the people.

Recently, certain individuals have been overcome with “affection” for the Federation Vatra. Yet they don’t show their “affection” by teaming up to shoulder the heavy burdens that are weighing down on Albanians in Albania and in the Balkans. Instead, they exhibit their ‘affection’ with defamations. However, dearly beloved, Vatra is a traveler that will not be stopped in its tracks and will not cease its efforts to fulfill the mission bestowed upon it by history. As Winston Churchill once said: You will never reach your destination if you stop at every dog that barks.”

Thus, Vatra and modern Albania, in their unbreakable bond, will continue to stay the course towards reaching the historic destination by addressing the pending Albanian issues and by bearing witness to the great historic truths.

Which is why every Vatran is morally entitled to exclaim in a thundering voice:

I AM ALBANIAN THEREFORE I AM VATRAN!

I AM VATRAN THEREFORE I AM ALBANIAN!

Long live the Pan Albanian Federation of America VATRA!

Long live Albanians!

God bless the United States of America!

* Fjala e Kryetarit të Federatës Panshqiptare të Amerikës VATRA, Dritan Mishto në Darkën e festimit të 106 vjetorit të Pavarësisë së Shqipërisë

JAM SHQIPTAR SE JAM VATRAN, JAM VATRAN SE JAM SHQIPTAR

December 2, 2018 by dgreca

Fjala e Kryetarit të Federatës Panshqiptare të Amerikës VATRA, Dritan Mishto në Darkën e festimit të 106 vjetorit të Pavarësisë së Shqipërisë/

Në emër të Federatës Panshqiptare të Amerikës VATRA kam nderin e lartë t’Ju uroj Gëzuar Festën e Flamurit, Rroftë Pavarësia Jonë.

Ne sot jemi dëshmitarë se si Federata jonë feston në mënyrë të pandërprerë për 106 vite Festën e Flamurit. Komuniteti shqiptar është zgjeruar me shqiptarë nga të gjitha trevat dhe Ne, Vatra ndjehemi shumë mirë që kjo festë festohet gjithandej. Por, askund tjetër kjo festë nuk të dhuron më shumë emocion sesa këtu, me Vatrën tonë të dashur. Ndaj, dua t’Ju falenderoj nga zemra dhe t’ju shpreh mirënjohjen më të thellë, që keni ardhur të nderoni Flamurin dhe Federatën VATRA.

Jam i lumtuar dyfish që sipas traditës 106 vjecarë, klerikët tanë janë të pranishëm dhe dua t’i shpreh respektin tim më të thellë Dom Pjetër Popaj, Imam Edin Gjoni dhe Father Hieromonk Nikodhim, të cilët kanë qenë gjithmonë me ne duke mbajtur lart amanetin e të parëve tanë për ruajtjen dhe ushqimin e harmonisë fetare.

Të mbledhur përherë e më shumë bashkë, si në këtë darkë madhështore, Ne tregojmë fuqinë dhe rritjen e pandërprerë të VATRËS, e cila është Nder mbi Nder i Kombit dhe autoriteti moral më i fuqishëm në botën shqiptare. Federata Panshqiptare e Amerikës VATRA do të qëndrojë fort kundër të gjithë atyre që po e plagosin vendin tonë në mënyrë të pamëshirshme, me korrupsion, me kanabizim, me varfëri, me vrasjen e shpresës për të ardhmen, me largimin masiv të të rinjve, dhe c’ka është me e keqja, me rikthimin e mentalitetit dhe simboleve të komunizmit. Ndaj, ashtu si në kohët e shkuara kur VATRA ishte në ballë të zgjidhjes së halleve të shqiptarëve, edhe sot, ne jemi të vendosur dhe të bashkuar për të qenë një grusht i fortë për cilindo që e sheh vendin tonë dhe shqiptarët si plackë për t’u zhvatur.

Kohët e fundit, disa individëve u ka lindur një “dashuri” për Federatën VATRA. Por, këtë “dashuri” nuk e shprehin duke bashkëpunuar në zgjidhjen e problematikave të rënda, që po i marrin frymën shqiptarëve në Shqipëri dhe Ballkan. Këtë “dashuri” e shprehin duke hedhur baltë. Por, VATRA të dashur vëllezër dhe motra është një udhëtare që nuk do të ndalojë kurrë dhe nuk do të stepet në rrugën e saj për përmbushjen e misionit, që i ka dhënë historia. Ashtu sic thotë Wilson Churchill: “Nëse udhëtari do të kthejë kokën pas lehjes së cdo qeni, nuk do të arrijë kurrë në destinacion”.

Prandaj, VATRA dhe Shqipëria moderne, si të lidhura pazgjidhshmërisht do të jenë bashkë në rrugën e tyre derisa të arrijnë në destinacionin tonë historik, duke zgjidhur të gjitha cështjet shqiptare të mbetura dhe duke u bërë dëshmitarë të të vërtetave të mëdha historike.

Ndaj, cdo Vatran sot ka të drejtën morale të thërrasë deri në kupë të qiellit:

Jam Shqiptar se jam Vatran!

Jam Vatran se jam Shqiptar!

Rroftë Federata Panshqiptare e Amerikës VATRA!

Rrofshin Shqiptarët kudo ndodhen!

Zoti bekoftë Shtetet e Bashkuara të Amerikës!