Kryetari i Bashkisë së Tiranës, Erion Veliaj, i ka dorëzuar dje Çelësin e Qytetit këngëtares së njohur me origjinë shqiptare, Dua Lipa. Në një pritje të organizuar në Bashkinë e Tiranës, Veliaj i ka shprehur mirënjohjen këngëtares me famë ndërkombëtare dhe i ka dorëzuar një prej simboleve që u jepet miqve të qytetit.
Dua Lipa dhe babai i saj këndojnë shqip
Një mbrëmje për tu mos harruar. Kështu është shprehur këngëtarja me famë botërore, shqiptarja Dua Lipa, e cila ka përjetuar një moment të veçantë gjatë koncertit të së martës në Prishtinë.
Për herë të parë, 21 vjeçarja ka dhënë një koncertin në vendlindje. Publiku ishte elktrizues, dhe i ka dhurar Duas, momente të paharrueshme. Ky koncert është për qëllime humanitare. 21-vjeçarja ka kënduar në skenë bashkë me babanë e saj, Dukagjin Lipën. Dua nisi të këndonte këngën “Beso në diell” të grupit rok kosovar, ‘Oda’, ku babai i saj Dukagjin Lipa ka qenë vokalist. Teksa këndonte, ajo u kthye nga babai që qëndronte në prapaskenë duke i lënë të kuptonte se duhej të shkonte pranë saj.
Publiku i Prishtinës, që gjatë gjithë mbrëmjes brohoriste ‘Dua, Dua’, sapo pa Dukagjin Lipën t’i bashkohej të bijës në skenë nisi të thërriste njëzëri ‘Duka, Duka’.
Dua në Instagram shkruan këto fjalë të ndjera
‘Yje deri sa të të zërë syri. Duke kënduar këngën e tim ati, i kërkova të ngjitej në skenë me mua! Një mbrëmje me të vërtetë e paharrueshme! Një nga ato që nuk harrohen për tërë jetën! Të dua, Dukagjin Lipa, faleminderit për gjithçka bën! Beso në diell’, kështu e ka përshkruar Dua Lipa këtë moment të koncertit në Parkun e Gërmisë.
Dua Lipa merr Medaljen Presidenciale të Meritave
PRISHTINË, 9 Gusht 2016/ Presidenti i Republikës së Kosovës, Hashim Thaçi, pret neser në takim këngëtaren Dua Lipa.
“Për kontributin e saj në fushën e kulturës, këngëtarja Lipa do të nderohet nga presidenti Thaçi me Medaljen Presidenciale të Meritave”, thekson njoftimi i dërguar sonte.
Dua Lipa pas 4 vitesh është kthyer në Kosovë për të mbajtur koncertin e saj humantar në Parkun e Germisë sot në Prishtinë.
Të gjitha të hyrat e biletave do të shkojnë për Sunny Hill Foundation, fondacionin e themeluar nga ajo per të ndihmuar të rinjtë e Prishtinës dhe Kosovës veçanërisht në art dhe kulturë./b.j/
Dua Lipa rrëfen për mediat kosovare projektet e saj në muzikë
9 gushti do të ngjisë në skenën kosovare në një emrat më të përfolur në muzikën ndërkombëtare siç është këngëtarja nga Prishtina Dua Lipa e cila më pas në 10 gusht falë Bashkisë së Tiranës do të jetë në kryeqytetin shqiptar.Dua Lipa ka rrëfyer se prindërit mbeten mbështetja e saj më e madhe e në veçanti babai dhe se të gjithë fansat e saj albumin e ri do ta kenë në duar në shkurt të 2017.
Vetëm disa orë përpara së të vijë në Tiranë ku do të performojë për publikun kryeqytetas këngëtarja kosovare me famë ndërkombëtare Dua Lipa ka dhënë intervistat e para për mediat kosovare ku ka bërë pubilke disa nga projektet e saj të ardhshme.
Dua Lipa mbrëmjen e 9 gushtit do të performojë për publikun kosovar disa na këngët e saj të cilat janë shndërruar në hite në mbarë botën si Be the one,Hotter then hell etj
21 vjecarja rrëfen se është mjaft e kënaqur me arritjet e saj deri më tani në fushën e muzikës ndërkohë mbështetje kryesore për të kanë qënë prinërit e saj:
Këngëtarja Dua Lipa për të gjitha fansat e saj ka bërë më dije se në shtator përfundon albumi i saj i ri i cili do të lancohet në muajin shkurt të vitit të ardhshëm…Realizimi i tij është bërë në Los Angelos:
Përveçse këngëtare Dua lipa rrëfen se së shpejti do të jetë protagonist edhe në botën kinematografike, por shpjegon se dashuria e parë për të do të mbetet përherë muzika:
Dua Lipa e cila është duke prekur majat e toplistave botërore është vajza e rokerit të njohur kosovar të grupit “Oda”, Dukagjin Lipa.
Në datën 10 gusht Dua Lipa falë Bashkisë së Tiranës do të jetë e pranishme në kryeqytet për të performuar për fansat e saj
Dua Lipa koncert në Prishtinë
-Kryeministri Mustafa: Dua Lipa dhe talentët tjerë, burim motivimi dhe krenarie për Kosovën/
PRISHTINË, 8 Gusht 2016-Gazeta DIELLI/Dua Lipa pas 4 vitesh është kthyer në Kosovë për të mbajtur koncertin e saj humantar në Parkun e Germisë në 9 gusht në Prishtinë.
Të gjitha të hyrat e biletave do të shkojnë për Sunny Hill Foundation, fondacionin e themeluar nga ajo per të ndihmuar të rinjtë e Prishtinës dhe Kosovës veçanërisht në art dhe kulturë.
Kryeministri i Republikës së Kosovës, Isa Mustafa, priti sot në takim këngëtaren e famshme, Dua Lipa.
Gjatë takimit, kryeministri Mustafa tha se Kosova dhe qytetarët e saj janë shumë krenarë për sukseset e njëpasnjëshme të saj në skenën muzikore botërore.
Kryeministri Mustafa, po ashtu, shprehu përkrahjen e Qeverisë së Kosovës për të gjithë artistët dhe talentët e tjerë të Kosovës që veprojnë jashtë vendit.
“Dua Lipa dhe të gjithë këngëtarët dhe sportistët tanë që po arrijnë famë ndërkombëtare, fal talentit dhe punës së tyre të përkushtuar, janë shndërruar në figura motivuese dhe simbole krenarie për të rinjtë dhe të gjithë qytetarët e Kosovës. Ju, po ashtu, po i jepni imazh shumë pozitiv shtetit dhe shoqërisë tonë në botë. Andaj, Kosova krenohet me sukseset tuaja”, tha kryeministri Mustafa.Këngëtarja Dua Lipa ka falënderuar kryeministrin Mustafa për pritjen, duke theksuar lidhjen e saj të fuqishme me Kosovën.
Dua Lipa, po ashtu, e njoftoi kryeministrin Mustafa edhe për planet e saj në të ardhmen në botën e muzikës./b.j/